يصح واحد خبير ابكل الاوزان!!حسين الساعدي
الى من يستحق هذا الهجاء!!
::::
يصح واحد خبير ابكل الاوزان
ما سولف شعر ويسَمع الناس
بس ايبوخ ويتسمه ابو افلان
واذا يكتب سرد ويكمل الداس!
ويصح شاعر الفطره ابلايا عنوان
ينطيك البحر ويسلمك الطاس!
يكتب عالفرح وبطاري الاحزان
ولبيت القصيده امثبت الساس
يتحدى ابسجاله اشكال والوان
وميهمه الاسطوره ابلايا مقياس!
عالمتكبر ايخم وين ماجان
وينصيله خشمه ابذاك الافلاس!
لان كاع المساجل بيها فرسان
مو ياهو الاجه و صارلها نبراس!
الشاعر ورد ! والشعر بستان
والفلاح وَحده ايقيس الاقواس!
ولا كل الورد وتشوفه ريان
اكو ورده التشمها اورده تنداس!
واكو ورده تكطعها وتبقى كتان
واكو ورده التموت ابيوم تنجاس!
معناها الشعر ! ميدفنه دفان
الشاعر من يموت اتعيش الاجناس
نرجع عله اشعيط الصار طعان
يطعن بالابداع ولازم الفاس!
كاعد ينتقد بالشافه غلطان
ماخيط فتك! شغلاته نداس!
ما عَدل ابيات الجان خسران
وما كفنه ابكلامه الدوخ الراس!
أقصدك بالكلام وعندي برهان
راح اتغلس وتحبسها الانفاس!
يسمونك استاذ وانته كسلان!
وعاليحجي الحقيقه اتصير علاس!
اتحوسم بالمنح واهوايه فرحان!
وترسملك بحر وتصير غطاس!
تشرط عله الفقره ابكطع الاغصان
وتسلب بالحقوق وتنطي وسواس!
الشعر لو صار عمله ايرفضه عريان
وكاظم يطلع ومتكضه حراس!
لو عندك شعر تلكاني ميزان
أصفكلك وزن بجفوف الاحساس
سمعنه القصيده التسوه ديوان
حتى بالصدك تستاهل الكاس!
لازك باللقاء وتزيد الاشجان
وتحاسب كليب وانته جساس!
عوف الفضائيه البيها تنهان
واصعد عالمنصه وحتى تنباس
هنه امجيسات افكاري يفلان
بس الله العلم شتظم الاجياس!
انطيك النصيحه ابروح الاحسان
ابدرب الفواتح عوف الاعراس!
شلي ابمفاعيلك وانته خلصان
ماعندك قصيده الترفع الراس!
ولاعندك قصيده الترفع الراس
حسين االساعدي
رد مع اقتباس
المشاركة الأصلية كتبت بواسطة نبوخذ نصر
