هنا

[حسين الرواني]

صعودا عند رغبة استاذي الرائع الدكتور جميل، بطرح موضوع للنقاش
طبعا كل شخص ينظر إلى الامور من ناحية مرحلته العمرية، واني ابهاي المرحلة، (وسطة عمر) اهتم بالعمل، اهتم بالمصالح الي اني ضابطهة واكدر اشتغل بيهة واعتاش منهة، والم منهة الفلوس الي اني محتاجهة.
اني مهتم بتعلم اكبر عدد ممكن من الشغلات، بمعنى، اهتم ان تكون عندي قائمة طويلة بالشغلات الي اني اعرفهة واكدر اشتغل بيهة.
وهسة السؤال:
انتة وانتي عدكم اهتمام بهذا الشي ؟
اشكد قائمة الشغلات الي تكدرون تشتغلون بيهة وتاكلون منهة خبز ؟
عدكم طموح اتزيدوهة ؟
جاي تتعلمون شي حاليا ؟
شني المصلحة الي جاي تتعلمهة هسة ؟
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
اني شيوعي سابقا، ورأسمالي حاليا، والمذهبين يقدسون العمل ويعتبرونه هو اهم شي في حياة الانسان، ولأني انسان عملي، شفت من خلال حياتي الشخصية، ان الفرق بين الانسان العاطل والعامل فرق كلش جبير، بالعقل وطريقة التفكير ونمط الحياة والسلوكيات وغيرها، طبعا الافضلية للشخص العامل.
بعدين اكو فرق بين العامل العندة شغلة وحدة، والعامل الي يتقن فد خمس ست شغلات، اكيد الثاني احسن.
شتكولون ؟

[فواطم الصافي]

لطيف .. أحب الناس الطموحين
إي آني كلش عندي إهتمام أن يكون عندي أكبر عدد من المهارات والقدارت الي تمكني من ان أعتمد على ذاتي بشكل تام وآني أسعى لهذا الشي ..
أممممم .. هواي شغلات أكدر أعيش نفسي عليهه .. شغلي الحالي حتلو المُرتب بسيط جدًا آني أشتغل لأن آني أحب شغلي مو لسبب ثاني ومستعده أشتغل بدون أجور
أكدر أصير معلمة روضه لأن متمرسه بأساليب التعامل وي الأطفال
أكدر أصير مُدربة بالجانب النفسي
أكدر أشتغل بالجم .. لأن ألعب رياضه بأستمرار, تدريس خصوصي,مُقدمة برامج بغير الإذاعه الي أشتغل بيهه حاليًا, أحرر مقالات, أشتغل عالأدوبي أديشن, أعرف عالوورد و الإكسل, أعرف أسوق سياره ... وإلى ما لا نهايه وإذا كلش كلش أكدر أغسل مواعين بمطعم
كلش عادي
طموحي هو أن أصير إعلاميه ناجحه وآني حاليًا مُقدمة برامج أطفال-من صف سادس إبتدائي ولحد اللحظه
حاليًا آني أريد أتعلم اللغة الأنكليزيه بإتقان وأريد أضبط الشغل عالأدوبي أديشن وأريد أتعلم إخراج برامج إذاعيه مُباشره وإخراج طِباعي .. إن شاء الله
أنصحك أن تعتنق فكر ميخليك تتخبط وتغير كل فتره .. تمام
مريت بمرحلتك .. التصوّف, الإلحاد, الوجوديه ...
سببتلي صراعات نفسيه .. فكر من جديد
أتمنالك كل التوفيق

[Laraa]

نادرون جداً الاشخاص الكسولين برأيي
واعتقد لكسلهم اسباب
كل انسان يولد ومعه موهبته وميوله الخاصة والتي تميزه عن غيره
احياناً تأخذنا الحياة لطريق غير الذي نسعى له
مجرد قدر وكتب لنا ان تسير باتجاهه
كغيري اتمنى ( لكن لا اسعى ) زيادة مهارتي في امور عدة ليس بغرض كسب الاموال
حيث قبل المال هنالك ما هو أهم الا وهو الشعور بأهمية وجمال الوقت الذي نعيشه
نتيجة الحياة الروتينية مابين العمل والواجبات المنزلية اصبح من الصعب ان اهتم بزيادة مهاراتي سواءفي امور كنت افعلها او فعل ماهو جديد
فمثلاً ، لا اذكر متى آخر مرة مسكت فيها زجاجة وصنعت منها لوحة ربما لو كان لديّ الوقت الكافي لكنت الآن استخدم هذا الفن الجميل ( الرسم على الزجاج ) في تصميم الديكورات

قبل ان اتفرغ للعمل الحكومي كانت لي رغبة قوية جداً في تعلم الكثير و تطوير ما لديّ
سواء كان رسم او كتابة مقالات او رسم على الرجاج او خط لكن كما قلت نحن نسير بإتجاه اقدارنا المكتوبة ..

في الشطر الثاني لموضوعكم لا اعلم هل عليّ ان اذكر توجاهتي الفكرية ، اعتقد الامر لا علاقة له بحب العمل و الطموح او علاقته قليلة مقارنة بمعطيات الحياة فهي التي تحدد ذلك

شكراً لموضوعكم

[Suzana]

اهواي اشياء احب اتقنها ومازلت اتعلم لأجل التعلم وإفادة الاخرين مو لأجل المادة وان كانت ضرورة من ضرورات الحياة الا ان تقديم الاحسان ومساعدة الناس بما امتلك من حد ادنى من معرفة وكلمة شكر او حتى بدونها مجرد احساسي بانني قدمت مالدي من خبرة وافدت بها الاخرين هذا شيء عظيم لدي..
لدي عمل وظيفي واستلم راتبا لقاءه وان كان لايسد كل متطلبات الحياة الا انني اشعر بالسعادة ..واعمل اثناء دوامي بدون أجر في برنامج الوورد والاكسل واستطيع الترجمة للعربية لمن يطلب مني واقدم دورات مجانية للطلبة في البيت او في اماكن خاصة ..
موضوع جميل جدا عاشت ايدك عيناي

[ملكةه]

شغلي بس اكنك وانام

انتة وانتي عدكم اهتمام بهذا الشي ؟
لا معندي

اشكد قائمة الشغلات الي تكدرون تشتغلون بيهة وتاكلون منهة خبز ؟
اهواي بس يراد خلك
اعمال يدويه & طبخ & رسم &اساورات وكذا & خياطه & مضمده

عدكم طموح اتزيدوهة ؟
لا اصلا مالي خلك منتضره اتعين

جاي تتعلمون شي حاليا ؟
ادرس فقط ^-&
وحاليا عطله وبعد كم اسبوع ادخل دوره 40 يوم مال تمريض

شني المصلحة الي جاي تتعلمهة هسة ؟
ماكو مصلحه لان ماسوي شي بمقابل
اذا احد طلب مني شغلات اعرفهن عادي اسويه وماريد مقابل مادي

[Gardi]

أنا أمرأة عصامية جداً
من طبعي تقديس العمل
اصلا اذا ما اغير نمط حياتي كل سنة او سنتين
يصيبني جنون وهستريا
تقديري لك وجداً

[ابن الوطن]

الطموح جميل من اجل الكسب وارضاء الذات .هناك اعمال مكتسبة وهناك اعمال لها موهبتها وقدرتها وتتقن بالاهتمام وازيادة الخبرة .ولكن كل عمل ان لم يكن محبب لا يجدي ما ترغب اليه فحب العمل من ركائز اتقانه

[Asᴅ.Aℓяᴀfєdαɪи]

ان الفرق بين الانسان العاطل والعامل فرق كلش جبير، بالعقل وطريقة التفكير ونمط الحياة والسلوكيات وغيرها، طبعا الافضلية للشخص العامل.

الصراحة جذبني عنوان الموضوع
لو لا العلم والعمل ضروريان في حياة الانسان لما صنف الله بان العمل عبادة
بكل تأكيد العمل هو مرآة تعكس داخل الانسان ورغبته في تحويل ما به من طاقة كامنة لا فائدة منها مخزونة فيه، الى طاقة خارجية ذات منفعة له ولمن حوله
وكلما تكاتفت عدة عوامل واتحدت مع تلك الطاقة كلما كانت النتائج اكثر ايجابية وكانت فرص الابداع اكثر
وبالنهاية نصل الى ما اقتبسته من موضوعك بداية ردي اخي الفاضل
شكرا على الموضوع القيم
واسف على الاطالة
مودتي

[آبن آلُرٍآفَدِيَن]

موضوع جميل ومهم وكل انسان في بداية حياته عندهطموح ان يصل ويحقق احلامه وتنفيذ مشاريعه التي يحلم ان يحققها لاكن في العراق الامر يختلف لصعوبة الوضع وكثرة العراقيل التي تمنع تحقيق الاحلام بما ان لا يوجد تعين مركزي في اختصاص الذي درس عليه واحبه قد توجد ان يعمل اي عمل من اجل كسب المادي هذا على حساب الابداع والتطور مع فائق تحياتي

[حسين الرواني]

الصراحة جذبني عنوان الموضوع
لو لا العلم والعمل ضروريان في حياة الانسان لما صنف الله بان العمل عبادة
بكل تأكيد العمل هو مرآة تعكس داخل الانسان ورغبته في تحويل ما به من طاقة كامنة لا فائدة منها مخزونة فيه، الى طاقة خارجية ذات منفعة له ولمن حوله
وكلما تكاتفت عدة عوامل واتحدت مع تلك الطاقة كلما كانت النتائج اكثر ايجابية وكانت فرص الابداع اكثر
وبالنهاية نصل الى ما اقتبسته من موضوعك بداية ردي اخي الفاضل
شكرا على الموضوع القيم
واسف على الاطالة
مودتي

شكرا صديقي، ولا اطالة ولا تاسف، مسرور بمرورك
اشاركك الرأي حتى كلمة لكن، السبع ما يعتمد على الحكومة، القطاع الخاص هوة الساتر على العالم وامعيشهم
السوق الحر، والشغل الحر مو قاصرات، هم وظائف ورواتب، وبالنسبة للظروف، كل الانجازات اتحققت بالظروف الصعبة