هنا

[ملكةه]

عرين النار ..


ج 9
سوزان المندلاوي

من تنسد كل الطرق ..
نلتجئ الى المجهول ..
حياتي تحولت ضياع بضياع
وتعب ..
جنت احاجي امي هوايه ..واتمنى اسمع صوتها
مو صوت صدى..
همس ماكو..
الي يوجعني وياكل بروحي راحت وهي
زعلانه مني ..
لهذا بالحلم من حاجيتها
مجاوبتني ..
وعافتني وراحت ..
هنا صارت حياتي بس ملامه ..
شكد غلطت بس مايوم امي ..حسستني بذنب يوجع حتى العظم ..

اسمع من بعيد يكول
جهالها ماريدهم
هاي موكد مسؤؤليه ..
الكل نفس الكلام ينعاد ..
يعني ..
عندي طريق الموت ..
وطريق العرين ..
ارجع وانذل ..وامشي بقوانينه ..
وخيانتة ..
ماعرف ..
بقت مي تبجي ..
ونامت ع رجلي ..
وابراهيم اخذ الفون مني ..
وكعد يكلب
بي ..
هناك واسمعه يكول هلو عمو شلونك .
احنا زينين ..انمار ونرمين شلونهم .

فزيت من مكاني ..
جريته منه ..
الو ليث ..
نعم ريام ..
تعال اخذني ..
شكو ريام ..
اخذت الفون وكعدت بصف الكنتور ..
وكمت احجي بصوت ناصي ..
ليث انت سترت بنت لليل ..مو صح ..
كال احجي ..شكو ..
كمت ابجي ..
ولج شكو ..
تجي لو لا ..
اي اجي بس اخاف هم يتعاركون ريام
ماريد مشاكل بعد احس تعبت ..
لا ماكو تجي واطلعلك ..

ريام ساعه ويمج ..

خوش ..
سديته منه ..
كتلهم لمو غراضكم ..
طلعت من الغرفه طبيت لغرفه امي ..
فتحت الكنتور ..
طلعت من هدومها ..
شميتها حييل وضميتها لصدري ..
وبقيت احجي وياها ..
سديت الباب ..الكنتور
صار بوجهي ..صهيب ..
دنجت ومشيت ..

كتله رايحه اني ..
اني مو عله عليك ولا ع ايناس ..
غلطت ..
واعرف بس التوبة بعد من اليوم اني ماعندي احد
كال مو بكيفج اطلعين وكفت يم باب الغرفه ..
كتله مو تعبت مني
اني هم تعبت من نفسي ومنكم ومن كل شي
راجعه لرجلي اني ..
كال لييث..؟؟؟
ييي ليث..
رجعنا ..لغبائج ..
اشكرك واخذت هدوم امي ..
وطبيت للجهال ..
فرحانين وكل واحد محضر غر اضه ..

طب صهيب ورايه..
وين محد يطلع..
لا نطلع ..صهيب ..تعبت اني اروح هناك
كال ماوصيج يومين وخابري لحكولي ..
تريد الصدك خويه يابن امي وابويه التوبه..
بعد مادخلكم بمشاكلي..لو يموتني ..
وغصيت بجي ..

صعب انكسر من اخ ..
صعب ياناس ..
كتله صهيب احس روحي اختنكت اهنا امي اخذت الهوى وياها
واخذت خوتنه ..
دوم اني اوكع ومن ارفع راسي الكاك ..
اني مو خوش ادميه
بس دينك وصى بالجار مو من لحمك ودمك
لميت كل شي .
جتي ايناس جايبه جاي ..
كالت شنو هاي وين ..
رايحه ..
وين ..
يم ليث ..
ريما بلا خبال..
لا ايناس احسن حل هذا ..
صهيب راح ..
ريما حبي بلا تهور ..وفكري بعقل ..
كتلها تدرين اليوم الوحيد الي حسبتها عدل ..
مامنج قصور ابد ..انتي ابد
كالت والله صهيب كلبه طيب ..
ويحبج بس موته الحجيه تحز بروحه ..
دك الفون ..
اجه ابراهيم انطاه الي ..
لليث .
جاوبت ..
كال اني يم الباب ..
كتله طلعنا ..
سديته وشلت الغراض ..
ضلت تتوسل بيه ..
ايناس ابقى ..
وصهيب بالهول ..كاعد
راحوالجهال بوسوو ..
ومديت راسي ..
كتله مع السلامه ..
وطلعت من الباب ..
حتى مجاوبني ولا طلع ورايه ..
فتحت الباب البرة
واول مرة بحياتي احس
احساس مر خذلان وانكسار وقهر ..
احس ظهري كله سيوف ..
وامشي محنيه ..
طلعت ليث بالباب الجهال
ركضو
قبل لا اسد الباب ..
ووكفت ..وحاجيت ..
الحياطين ..
اريد امي ..ايييي اريد امي ..
اريد ابويه ..
اريد الخوة ياربي ..
اريد حك الدم ..
ماريد ..فلوس ..ولا شي ..
اريد حنيتهم ..
اريد ..عزوتي ..وحزام ظهري ..

حسيت اودع روحي مو بيت ..
شكد طلعت وطبيت منه محسيت هيج بيوم ..

سمعت يلا ماما ..نروح
مسحت دموعي ..
وطلعت ..
صعدت بسيارة ..
سلمت وكعدت ..
ودرت وجهي ع الجام ..
اذكر جيه ابويه ..
ودكه الهورن مالته ولمتنا ..يم الباب
ودوم يوصيهم بيه ..
يكولهم هاي الحنينه ..
البنيه بابا مكسورة ضلع ..
والضلع الثاني انتو ..
لا تكسروها بيوم ..
واغص بدمعتي ..
وليث يسال لو بس اعرف شصار ..
كتله ماكو شي ليث ..
كال متعشين ..
جاوبته اي ..
اندار الجهال تكمز ..وفرحانه وكل شويه مادة راسه مي ..
وتحجي ..
ابراهيم كال ..عمو ..
خالو اذها لماما ..حييل ..
كتلة ابراهيم اسكت ..
سكت ..
وصلنا للبيت ..
كال الكل نايم ..
طبو ...
جنت خايفه ومخنوكه ..من البيت ..
ومن قهري اكثر ..

رحت رحت ورجعت ..برجلي

طبيت ..
الغراض ..مال بيت بالطرمه ..
طبيت ..المطبخ مشيوله منة غراض..
انداريت ع ليث شكو ..
كال بعت البيت ..
شلون
اي وداشيل يوميه شي ..
صعدت فوك ..
صارت بوجهي غرفه سبع ..
غمضت عيوني واتذكرت ملامحه ..
وضرب ليث اله ..
مشيت بسرعة طبيت لغرفه الجهال ..
شفتهم نايمين
طببت جهالي والغراض
كعدو ..
نرمين صرخت وحضنتي حييل
وركض ايمن عليه ..
متخيلت هذا استقبالهم الي ..
بقيت يمهم مدة ..
وطلعت لغرفتي ..
طبيت بيها ..
شفت ليث ..
كاعد..
ومدنج راسه ..
كال ريام ..
ماعرف الصار بيج شنو بس،
قرارج الفراق جان ..

سديت الباب
كتل

ه ليث بعدين نحجي ..
كام كال مو بعدين ..
كتله ليث اعرف نفسي غلط ..بس ..انط

يني صبر ..
وانت هم كلك غلط لو حلال انت واني حرام ..
ضحك ..جر جكارة وفتح الشباك ..
كال اييي صح سويتيها وحدة بوحدة
اسمعي ..
اولا تبتعدين عن اطفالي
وثانيا ..
انتي هنا ..حالج حال الاثاث
لا تتوقعين مني ود ..
هزريت راسي اي ..
كال الي يخون الزاد مرة يخونه الف ..
كتله حقك ..
اكسرني انت هم ..التمو عليه ..كلكم ..
طفى الجكارة و
كام ذب هدومه ..
لا ماكسرج ..اكسرج لو اريد ..بس مو مهمه صرتي ..
تعرفين ليش
انتي مراة مرعبله ..
وعمرج كله متصيرين مرة كامله
الي هزني جهالج واعرف حقارة اخوج ..
فضل مني جبتج ..
اي فضل لا تباعين هيج ..

اريد اصرخ بوجهه واحجي بس اديه مربطه ..
والي ربطني مني وبيه ..
كتله كل الي تكوله صح ..بس يجي يوم وتعرف الي صار
اجه قريب يمي ..

كال ..عرفت و
نامي اهناك واشر ع كنبه ..
وياريت ماشوفج ..هوايه ..بالبيت ..
مدة واطلعج منا ميشرفني وجودج هنا ..
كتله لهنا وكافي ..
رهانك ..خيانتك ..وجنونك وقسوتك
كلها سبب ..

كال اي كافي..وحقج ..بس ماريد مراه تخون اني رجال ماناعب ..و ..مو اني انهزمت ويا واحد
ومنو الواحد اركان
فجر كالت الي
عن خيانتج ..
تعادلنا ..
بس خيانتج قذرة حيييل ...

[ملكةه]

عرين النار
الفصل 2
ج 10

احس كل شي بيه وكف
مثل الي يبلع الموس لا بيه اطلعه ولا بية ابلعه
احس اختنكت ..حييل ..

الاب
الام ..
الاخواة والاخوات ..
الام والاب عامود البيت
واذا وكع واحد انهار الليت ..
واذا الاثنين ..
انهدم ..

واني انهدمت ..اني ويا ..
يكولون المراه رجلها سندها ..
احيانا ..يكون
العقل سند المراة الاول والاخير ..
واني فقدت هوايه اشياء بسبب ..تصرفاتي ..
وقراراتي العجوله ..وقله عقلي ..

مكدرت اكوله فترة الي عرفتك بيها ..
كلها رساءل تهديد توصل الي
وتاليها الكل التم عليه ..
فجر حمزة اركان ..
الكل ..

يمكن الطيبه المفرطه تكون عقاب ..
اني كانت الي بلاء وعقاب
كبيررر مداتحمله ..

اخذت مخدة وغطه ..
ورحت للكنبه ..
خليتهم ومددت ..
كد مابجيت كمت ماتنفس هوى ..
اكعد اخذ هوى وارجع انام ..
بس مشفت النوم ابد ..
مادري جنت اغفى من القهر.
حسيت طكطه ..
فتحت عيوني ..بعدها الغرفه ظلمه ..
المح ليث ديبدل ..
اريد اكوم احجي كل الي صار بيه ..
بس من اغلاطي قررت السكوت ..
والسكوت الى الابد ..
من زمان اخذت من ورث ابويه ..
واسامه باكها ..
وهسة اخاف اداعي بشي
حصتي بالبيت الي كاعد بي ..
صهيب ..

اخاف اكوله اعزلي لو بس غرفه .
اني وجهالي بيها ..
اخاف يكول ..
موتي امي وهسة جايه ع ورث ..

سكتت..
وهسة هم مجبورة اسكت ..
الي جان عندي من ذهب وفلوس صرفته ع السفرة

والايجار
والباقي ..راح مصرف وياهم بالبيت ..
يعني صفت لا املك شي ..
حتى نفسي ماملكها ..
حسيته طلع من الغرفه ..
كمت من فراشي
اباوع ساعه 7

راسي يوجعني حييل
وكوة اتحرك ..
من مكاني ..
رحت ع الكنتور ..
كلبت بهدومي ..
ماكو شي الي بس هدوم ليث ..
اجتي ابالي الرساله الي ..
تركتها اله قبل لا اسافر ..
كلبت شفتها نفس مكانها ومقاريها
لحد هسة ..
رجعتها نفس مكانها ..
وانتظرت مدة
حتى اطلع ..
اعرف ميتاخر بالبيت هوايه ..
نزلت ..
البيت وضح عندي ..
اكثر الغراض ماكو ..من لوحات وتخم باقي شي قليل ..
نزلت الدرج كله .
اسمع صوته ..
يكول مالكم دخل ..لحد يدخل ..
رجعت صعدت ع اول بايه ..
وكمل كلامه ..
اليوم يجي ياخذون باقي الغراض ..
وراح صوته
وسمعت صوت ردة الباب..
نزلت طبيت ..للمطبخ شفت ام ليث ..
كاعدة وتشرب جاي ..
كتلها صباح الخير ..
كامت صباح النور
سلونج وبوستني ..
وكعدتني بسفها ..
اكعدي دقايق واصب الج جاي ..
كامت
كالت شلونج سخبارج
اندارت عليه ..
والله عذربني سافرنا ومن رجعت عرفت الي صار ..
بس اني رحت ع اهلج واخذت من خاطرهم ..
البقاء بحياتج
واعتبريني اني امج ..
هزيت راسي الها ..
اي ..

جابت الي الجاي ..
وجانت السفرة ..كلها اكل ..
كالت سولفيلي ..ولزمت ايدي ..

كتلها ماكو شي احجي ..
كالت لا احجيلي ..
شنو الصار ليش سافرتي
وليش ليث وياج هيج ..
اري اعرف كل شي
ريام جيتي وشفتينا مالنه دخل بشي ابد ..
مهما يكون بينكم ..
من مساكل وغيرها ..
بس اريد اسمع منج ..
الي عرفته راح يحولج ..
لشقه ..
ليش ماما ..

كتلها احسن ..
كالت اكلي وسولفي ..
سالتها ع كريمه وينها ..
كالت بذاك البيت ..ديرتبو ..
بالليل تجي جهالج وينهم
نايمين ..

ليش انهزمتي ..
سكتت ..
كالت اكلي هسة ..
كدرت اكل شي قليل واشرب الجاي
وبقت تسالني ..
جنت اخاف احجي شي ..
لا تحجي لشمس وشمس ..تثبت الي صار ..
سكتت ..
وكلت شيحجون اني راضيه ..

من الاول لكيت صعوبه بالتعايش .وياهم
وهسة الصعوبه زادت ..
اكثر واكثر ..
مرت الايام ..
واني اذا موجود ليث ..
مانزل ابد ..
بس بوقت النوم نلتقي بغرفه ..
ومحاول ابد يحجي ويايه ابد ..
ولا يسالني ع شي ..


بس جنت اشوف الراحه بوجهه اطفالي ..
وهذا الشي خلاني ..
اصبر واسكت ..وانتظر الجاي شنو ؟؟
رغم اطفالي من يوم الي سافرنا ورجعنا تغيرو عليه
تغير جذري
مو هم
ومن احجي ويا ابراهيم ...
يكولي كلمه ..صفنتي ..
كال ع كوله خالو الدنيا مصلاح وين مصلحتنا ..
انروح الها ..
هنا كل شي متوفر ..
بعد مطلعينا ولا تبهذلينا ..
لا ي مكان ..واذا رحتي اني مارجع ولا اروح ..

جنت اسكت حتى وياهم
كل قوة ماعندي لا رد ولا نقاش ..
بقيت بمكاني ..
وكل شي يمشي مرايدته اني
ولا هذا الي احلم بي بيوم ..
بدو ينقلون الغراض كلها ..
واتاكدت ..راح ينقلني بشقه ..فجر
وهي تروح وياهم ..

صرت حالي من حال كريمه ..حولني ليث الى اداه عمل فقط
بس اعتني باطفالي واطفال ليث ..
بدون علمه ..
ومن موجود ..
ابتعد عن كل شي واكعد بالغرفه
يعني وجودي واضح ..
بيت واكل وشرب بسس ..
غيرها ..مو من حقي احجي بي ..
بين فترة وفترة
اتصل بايناس وايمن ..
واطمئن عليهم ..
واسال ع صهيب واعرف اخبارهم واطمنهم عني ..
ووضعي ..
محاول ايمن يسالني بشي او يدخل بالي صار ..
وعرفت سكوتهم ..الابتعاد عني ..
بس ماكدر ..
ابتعد عنهم ..
كامت تمشي الايام ..
بطيئة ..باليل وبالنهار سريعه ..
وكل يوم ياخذ من

ي شي ..
افتر واتحرك مثل الشبح بلا روح ..
ولا شي ..
فقدت كل شي مو بس الاهل

.
ثقتي بنفسي ..
كل شي حلو بيه ..
الليل كله وهو ونايم ماعرف انام
واكثر الايام مينام بيها بالبيت يطلع ..
واذكر كل تفاصيلها ..لفجر

صرت مثل كريمه ..
اشتغل واشتغل واشتغل ..
حتى شكيت كريمه من زوجاته الي هاملهم ..
هذا النار والحب تحول كله ..
وبيه انزرعت نار جديدة
احسها مو بس تحركني تاكلني ..وحولتني رماد ..
اتخيل كل لليله يم فجر ..
وشلون يتعامل وياها ويحجي
وشيسون ..

شكد مابعدها عن فكري ترجع
وتاخذ اكبر حيز ..بعقلي ..

بس الهي نفسي واحاول ..
اتعلم واتاقلم ..
بكل شي ..
زين اني ليش ماتعلمت منها ..
وليس خليتها تتغدى بيه قبل لا اتعشى بيها
ليش وليش هوايه اسالها
جوابها السكوت مني
صرت اخاف احجي شي وحدي
او اقرر شي ..
اخاف لا هم ارجع اتندم
وادفع الكل الثمن ..
رضيت بسكوت يكون قدري
الى متى ماعرف ..
اهتم باطفالي اكثر ..
ونسيت نفسي ..
يوم من الايام حولني شبيهه نرمين
واليوم تحولت ..شبيه كريمه ..

اباوع ع ليث ..ويحلى اكثر واكثر ..

هو نفسه متغير
ضحكته ولبسه ..وعطرة ..
والمحبس والساعه
وطلعته وطباته ..
بس اني للي اذنب علية كومه تراب .
واندفت بالحياه ..

بهاي الفترة
صرنا انروج للبيت الجديد
واشتغل بي ..
لحد ماانتهي تعب ..
ومن ارجع انام ..
اذكر شلون جنت ملكه بكل شي ..
الا العاطفه ويا ..
وهسة شلون صفى بية الوكت
خدامه اله وللبيت ..
عفيه اخوان لاحد دك بابي ولا احد اجه وخابر
ابد ..
حتى ايناس ..
كل فترة طويله ..
تسال ع سريع وتروح ..
حتى لو غريبه يمكن احسن منهم ..

بعد فترة انقلنا للبيت الجديد
البيت ..
كلش حلو ..
واصغر من القديم ..

كراج ..جبير وحديقه مجرد النضر ترد الروح
و اكو بابين ..
باب للمطبخ ..
وباب للاستقبال ..
المطبخ كلش ..حلو ..
الونه وكله سقف ثانوني ..
لونه بيجي وعسلي ..

بعدها ..ممر..مربع كبير ..
وسويناه ..هول نكعد بي ..
واكو غرفتين نوم ..
و4غرف فوك ..
جان كل شي مرتب من الوان الستائر الى الماعون
ع ذوق ليث ..
كل ترتيب ..
الاستقبل ..
دمج بي اكثر من لون التركوازي واليموني الفاتح والابيص..
جانت كل جهه لوحة ..
من الجمال ..
وبين التخم ..
جاب تمثال اسد
جبير ذهبي ..
ضاف للاستقبال هيبه اكثر ..
وجمال ..
اما الهول ..
جان ..تخمه جوزي وبيجي ..والكوشات بيها ورد ..
والبردات ..هم ..
نفس الالوان ..
حسيت بهوى بالبيت
ماكو غرف سريه
ولا صور الجد السابع عشر والسلاله
كل مقتنيات العائله انتقلت لمكتب ليث
المكتب الاظلم ..
الستائر سودة ..
والسقف الثانوني ..لون احمر واسود
جانت غامقه تخنك ..
وانارته خافته ..
والوحات الي بيها ..
تكرب الروح ..
جنت مجرد مافتح الباب اختنك واسدها ..

انتظرت ..شوكت ينقلني ..
ابد ماحجيت وياه ولا هو .
غرفتي نفسها ..
نقلناها ..
وغرفه الاطفال هم كذالك ..
بس انعزلو اطفالي عن اطفالهم ..

وعرفت اجه الوكت الي يطلعني منه ..
وجنت انتظرة حتى ارتاح ..

ام ليث ..
بعد مااخذت كل امور البيت اني ..

كامت تطلع يوميه ..
وتعوف كل شي عليه ..
من ترتيب البيت وغيرها
بيت جبير
كريمه وحدها متكدر عليه
الا وياها اني ..

وجان ممنوع عليه اطلع
وممنوع عليه الفون ..

فديوم ام ليث ..طلعت من البيت ..
كالت راح اروج ابات يم اختي بالمستشفى ..

وبقيت وحدي بالبيت ..

اني والجهال ..

كملت كل الشغل
واذا امر ع اي امرايه اشوف عجوزة مو ريام نفسها .

ضعفت ..ووجهي شحب ..

وكبرت هوايه بهالايام الي مرت ..
كملت كل شي ..
وعشيت الجهال ونومتهم ..

يعني هنا الشغل مضاعف ..

كل شي لازم يترتب ..ويكون بمكانه .
وكل شي ينكوي ..
حتى ملابس الداخليه ..والشراشف ..والمناشف ..
كل شي ..
متعب ..
هنا ..
كملت وسبحت وصعدت فوك..
احس ظهري انكسر ..
بيومها كومه ملابس كويت ..

مددت وشغلت التليفزيون ..
وبعد وكت ع جيه ..
ليث ..

من التعب غفيت ..
حسيت الباب انفتحت ..
كمت من مكاني ..
عيوني بعدها تغوش ..
من النوم وصوت التليفزيون عالي ..
اسمع ليث يحجي ..ويا احد ..

كمت من فراشي ..
شفته دخل ..
ودخلت وراه فجر ..
انصدمت ..اني ..
وبقيت فاتحه عيوني كلها ..
كلها ادخلي ..
طبت ..
افترت بالغرفه
كالت الله تخبل حبيبي ..
بقيت واكفه بمكاني اني ..

اندارت عليه ..
كالت ياااا هاي ريام هنا ..جتي يمي شلونج ريومه وبوستني
واني داخله بصدمه معرفت اردها ولا احجي ..

ليث ..محجى شي ..
كلها اطب اسبح دقايق ..
كعدت هي ..
كالت شقتي مابيها كهرباء وجيت اهنا ..

صحيت ..
كتلها انتي حقيرة ..ونذله
وكعتيني بالبلوة وطلعتي انتي الصح
لعبتيها صح ..وكله السبب منكم .انتي واركان وحمزة
دمرتوني ..
تقربت مني ..
كالت يعني اذا اكولج موتي روحج تموتيها ..؟؟؟

والله ريام ااسبب منج مو من احد ..
والشاطر الي ..
يوصل الاول
وتريدين الصدك ..ونصت صوتها ..
جتني خوش واقرب جسر الي
عبرته ..
بغبائج مشفت ..
دفعتها حييل ..
كالت اعصابج عيني اعصابج ..
شسوينة قابل
لوما تدعين عليه بلموت وهسة
جايه يمه ..
روحي لاخوانج مو اخواني واخواني واهلي
طلع ليث ..

كتله هاي شنووو ..شجابها بغرفتي .
كال اكو عشة حضري النا ..
ليث داحجي وياك ..
هسة احرك الدنيا هاي شجابها اهنا
هي سبب كل الي بي اني ..
كال ريام اسكتي ..
وطلعي حضري عشا ..
واذا هم تريدين تنهزمين هالمرة كولي الي ..
اسهلج امر ..
تقربت منه ليث .طلعها منا لخاطر الله
مو داحجيك .اباع عليها مددت بالفراش
كالت مامرجيه منج ابد جيتيني شلتج ع راسي
وانتي طرديني
ليث وديني يم صديقتي عادي حبيبي

هي لليله وباجر تصلح الكهرباء ..

كل انسد الموضوع تبقين هنا
وريام تنام برة

شنو برة وين ..
عاط بيه الف غرفه بالبيت اظن نامي هناك ..
او نامي هنا يمنا .
ليث ..ترة اني ماستاهل كل هذا ..منك ..

كلي راح ضلين تلغين ..
نزلي سوي عشا ..

سكتت ..وطلعت وركعت الباب ورايه ..
بعدني مماشيه ..
انجريت من ايدي حييل ..
ولواها ..
صحت ايدي كال من طلعين وطبين باحترام
شلون محترمج اني ..
فهمتي وهد ايدي ..
ضليت اباوع عليه وعيوني كلها دمع ..
كال وبلا حجي سوي اكل ..وصعدي

نزلت للمطبخ ..
الف شكل اكل اكو بس عقلي واكف
جنت افتر ..بالمطبخ وماعرف شسوي
كل شويه افتح المي اغسل وجهي ..
وارجع افتح الثلاجة واصفن..

نزل يمي ليث ..
كال وين صار الاكل ..
انداريت عليه ..
كتله ..
ماعرف ماعرف ..
شنو ؟؟؟
اي ماعرف ..بشنو ذنبت وياك كولي ..

انطيتك كل شي ..
وهاي جزاتي ..
فتح الفرن..
طلع لحم بعجين اني محضرته ..
كال هذا اكل عجلي يلا ..

ماشتغل يمك
ولا جاريه عندك الموت اهون
مو هيج العقاب ..
هذا دمار الي ليث ..ارحمني ..
صار شكد هنا
مايوم ..حجيت اشتغل واسوي
واسكت ..
ارحمني اني هم محسوبه عليك ..
يعني ؟؟؟

ايي يعني ..اغار ..
لا كلكم عليه ..
تغارين ؟؟؟
واركان ..
والله هم السبب مو اني ..
الكل لعب عليه ..

شنو يعني ..
يعني اني ضحيه لعبه من فجر واركان وحمزة
كال هسة ..علينا حمزة هم ..اركان وحذفته
هسة حمزة .
لا عبالج غشيم واركض وراج ..

مكافي الي سويتي ...كافي اسكتي ..

ليث اسمعني ولزمت ايدة ..
طلعها منا هيج تموتني ..
لو تموتني احسن واهون ..
ريام ..كتلج واعيدها ..
فجر مرتي ..وانتي مكانج هناك وهي هنا ..
ليث ..
كافي اريد انام تعبان ..وجوعان
واني ..ليث
انتي تعالي فوك ..
نامي يم جهالج ..
مانااام وهي هنا ..
تقربت منه كتله ..نسيت وين مكاني ..اني
هنا ..وضربت ع صدرة ..
ليث وحق الله مخنتك والله والله ..
كال استغفر الله ..
ودفع ايدي ..
وراح ..
كمت ابجي ..
تحولت حياتي من كل شي ..
مداتحمل بعد ..
اريد اجلب بشي ماكو ..
زين اغير بنفسي اني مهمله
لا سبق وغيرت كل شي
وهم خاني
شسوي اصعد افضحها وكدامه
واتصل بحمزة
اييي احسن حل ..
ليش ياربي اريد اعرف شنو ااي سويته ..
شنووو ..
غباء طيبه ..لو شنو ..
كل شي مسحت ..
من رسائل .وصور ..
بفوني القديم ماكو دليل يثبت..
راح كل شي من بالي وبقى شي واحد
الي ماكدر اسيطر علية
الغيرة ..

ماعرف شخليت اكل ..
وصعدت بي ليفوك واذكر شلون يمنع الاكل بالغرف ..

وهسة كل شي حلال صار ..

وصلت للباب ايدي ترجف ..
اريد افتحها ماكدر ..
مديت ايدي ..
مقفوله ..
نزلت الاكل من ايدي ..
ودكيتها ..
واسمع صوت ضحكها وهمسها ..

وين بغرفتي وع فراشي ..

كمت ادك الباب بصوت هستيري ..

انفتحت الباب

[ملكةه]

عرين النار

الفصل الثاني
ج11

ارحل
ولا تعود فأنا لست محطتك التالية ..
ولاوقت استراحتك ..
اجل ارحل
لعل ..الايام تظهر لك ..
حقيقه رجولتك الزائفة ..
ومن انا ومن تكون انت
ارحل ولا تعود ..
لم اعد ابكي بتهديداتك المتكررة ..
سوف ارحل .ولن اعود .؟؟؟
اليوم اقولها وبصدق .
ارجوك ارحل..
ودعني اتنفس..

كمت ادك الباب بشي هستري
انفتحت الباب
ليث بوجهي ..
شكووو..
كتله ليش قافلها ودفعته ..
دخلت فجر كاعدة ع الكنبه
ماريد انهار كدامها ..
حاولت الزم نفسي مكدرت ابد ..
كتله ..ليش مقفوله الباب شدسوي كولي ..
كال ممقفوله كدامج مفتوحه
وطبب الصينيه مال اكل ..
وبكل برود جر الطبله وكلها اكعدي اكلي
جانت فجر مبدلة هدومها ولابسة تراك ماروني وكاعدة ..

كتلها امشي طلعي برة منا
طلعيييييي منا ..
ليث كال اسكتي ..
تخبلتي انتي ..
اي تخبلت مضل بعقلي مخ طلعها منا ..
لييث
هي السبب كمت احجي وافتر بالغرفه
واعيد واكوله
هي حمزة اركان اكلو عقلي
والله
الكل خانك مو بس اني
صدكني ليث ..
كام من يم الاكل عصبي
صاح بيه كافي اسكتي
دوختيني بكلامج هذا الي تريدي شنو بالضبط ..
كمت ابجي اكثر ..
اريدها تطلع منا ماىيد اشوفها ...

جرني من ايدي حييل ..
طلعي منا ..دوختني ..
كمت اسحل روحي حتى ماطلع ..
مااااطلع دفعته عني وخر وروح انت وياها اطلع برة
لا تنكس البيت بيها
ولك هاي غرفتي ..
الكل صارت عليه ..
ولك ارحمني ..
كامت فجر ..
يلا ليث وديني منا ..شنو ذله لو بيت ابوها هو ..
حجايه مني ومنها
حسيت نفسي نايمه ع شعرها
واجر بي
وليث يجرني ..
وهي تصرخ ..

كومني والشعر بايدي كله خصل وكع ..
حسيته ..
ضربني ..
من ضربني ..
تخبلت اكثر ..
كعدت بالكاع ..
ملخت روحي ..لطم ..عبالك ..كل ذكرى مرت بيه
وموقف مر هسة ..
كمت اضرب حييل ..ع وجهي ..واحجي ..طلعت كل الكلام الي بداخلي
عن الصور وعن رسائل التهديد
وخيانته ..
وفجر وسوالفها ..
واجر بهدومي اريد املخهم..
اسمع صوت الجهال تحجي .والي يبجي ..
لزمني من ايدي حييل ..
وجرني من الكاع ..
كااافي شجاج ..كااافي ..
هدئت ..
وكعدت بالكاع ..
من التعب ..
راحو ..
من يمي ..
ودخلو جهالي عليه ..

اريد احجي وياهم ..
بعد مابيه حييل ..
تعبت ..
من الكلام والحجي
اباع الغرفه الاكل بالكاع الغراض عبالك اعصار
ضاربها
هذا الاعصار ضربني ..
نمت بالكاع ..
ومي يم راسي تبجي ..
اما ابراهيم ..
كعد وتربع ..يم راسي ..
كال ..
ها ماما هسة هم راح تهزمءنه منا ..
هم راح ترجعينه يم خالو
لو ذبينا يم ابويه

وكام ويحجي بعصبيه ..اذا رحتي اني ماروح ..
ابقى هنا وماتحرك من مكاني ..
زين ..
دتعرفين كلامي لو لا ..
وعافني وطلع ..
مابيه بعد احجي ..
نمت ع كعدتي لا لميت اكل ولا شي ..
نمت ..
وغفيت وحسيت براحه ..
من التعب ..والحجي ..

ماذكر ساعه بيش كمت ..
بس الغرفه ظلمه ..
كمت ..فتحت عيوني ..
شغلت الضوة ..
الغرفه مرتبه ..
ومي نايمه ع السرير ..
ومغطاية ..

كمت طبيت للحمام ..

غسلت وجهي ..جان يوجعني وبي الم ..
طلعت .بدلت هدومي ..
وكعدت ع الجرباية ..
انفتحت ااباب ..
دخل ليث ..
باوعت عليه ..
ورحت للفراش ..
قريب ع مي ..
تغطيت ..
دخل ....
ضل كاعد ويباوع ..
كال ..
ريام ..الي تريدي شنو ..؟؟؟
مجاوبته ..
اجه قريب يمي .ياشر بعصبيه ويحجي بهمس الي تريدي شنو ..
احجي ..
كتله ماريد شي .
جان صوتي رايح وتعبان حييل ..

كوة تطلع الكلمات صحيحه ..

كال كل الوهسة وتالي متريدين ..
احجي ..
كتله ..
اريد اخلص منك ..
واريد ..ارتاح
من عرفتك لليوم ..الدنيا احتركت بيه
وصلتني للموت ..وسحبتني ..ورجعت وصلتني للموت وسحبتني
كااافي مليت اني ..
ومن اليوم ..
ابد مالي دخل بيك لو مو جيب فجر
لو جيب ..عشيرة ..
والي كلته الك صح ..
روح واسال ..
منو الي سوة بيك هيج
الكل تريد تاكل لحمك .
وانت فاتح ايدك للكل ..
ليث ..

كال ...
كافي تعيدين بيها
كتله مو هذا الي صار ..اصدقائك طلعوك مجرم ..
وقاتل ..
وحتى فجر ..هي الي كالت ع سالفه الرهان ..

واركان الي سهل الي امر وخلاني اوصل لتركيا

مو علمودك لا ..
بس اقسم الك .محد لامس شعرة مني ..
وبصراحه من اليوم ماهتم لاي شي يصير
تعبت
من ضعفي
من طيبيتي ..
من كل شي ..
حتى اطفالي ..

الكل تكفخ بية ..
مو مهم ..بعد كل شي يصير ..

محجة شي ولا كال ..
وعافني بالفرش بيومها ..
ومي يمي ..
ثاني يوم كعدت ..
تعبانه حييل ..
بس بينت اله اني ممهتمه ..
كافي الي اخذوة مني ..
قررت ..
اعيش لنفسي ..
جانت ثورة غضب ضد نفسي قبلهم ..
كلهم ..
اخذت ايام يلا كدرت اتعافى ..

من الي صار ..
وكدرت اتنفس وارجع ابتسم من جديد

ابتسم وبقناعه كامله ..
هاي حياتي ولازم اتقبلها .وبديت اتغير اغير بنفسي اول شي

و بعد اليي صار ليث بدة يتغير وياية مو نفس الاول

من يدخل يسلم يسال شريد وشنو محتاجة .

مرت ايام طويله ..
واني يم ليث ..

التهي ويا الكل ..
وافكر ارجع اشتغل..حتى لو بالبيت ..
اسوي ..
فديوم ..
جان كاعد بالغرفه ..
طبيت

عليه .

ضليت اسوي نفسي الم بالغراض واعدل ..
كتله ليث ..
كال نعم ..
كتله اريد اشتغل وارجع لشغلي ..
ذب اوراق بايدة ..
وباوع عليه ..

شنو تشتغلين ..
بالكيك ..والمعجنات ..

كال ..وليش الشغل ..
لنفسي ..
ضحك ..كال هو نفسج انتي ممدبرتها هنوب شغل
شوفي نفسج عجوز صايرة بس بقى اجيبلج عكازة ...

ضحكت اني هم كتله بزودك والله كل الي بيه ..

كال اهااااا هنا الحجي ..
والله ست ريام شغل ماكو ..
يعجبج يعجبج ميعجبج ..
قاطعته ..
كتله ..
اربع حياطين بالغرفه واراسي بيهم مو ..؟؟؟

لا مراح اركع راسي ..ولا شي ..

مو مهم ..

كلامك اني راح اشتغل جيت انطيك علم
مو اخذ موافقتك ..

رياااام ؟؟؟

ابتسمت ..وكمت اطلع ملابس الي ..

مال طلعه ..

وتقصدت ..كدامه ..ابدل ..

بدلت وكملت ..

لبست لبس سبور ..

ووكفت كبال المرايا ..

رتبت روحي ..
واخذت الجنطه ..
شفت فلوسي متكفي .
وكفت كباله
كتله اريد فلوس ..
كال شبيج تخبلتي انتي وين رايحه

رايحة صالون لو هم ممنوع
واذا تحب تعال ويايه ..

ريام كافي ..

ليث شبيك ..
اريد اروح صالون تنطيني لو اداين
كام من الفراش تداينين ..
اي اداين ..
اذا المراه ماعدها رجال ءصرف شسوي
مو كل الناس فجر ..وعقلهم تجاري ..

عفته ومشيت ..

جنت احسه ميصدك راح اطلع ..
لان شحجي يضحك ..جان ..

نزلت وكفت يم ام ليث ..
كتلها خاله اريدج بموضوع ..
جتي ورايه .
جانت بنت اختها يمنا وكاعدين يسولفون ..
اخذتها .. بالمطبخ ..

خاله اريد فلوس..
كالت شكو ..
ماكو شي ..
بس شفت براس الشارع صالون واريد اروح اغير نفسي

مليت من شكلي هذا ..

ضحكت كالت حقج اوكفي ..

راحت ورجعت ..

خلت بايدي فلوس ..
فات ليث ..
فتح الثلاجه ..
عاط ..ماكو مي بارد الى متى هذا اهمالج
ست ريام
شكد مرعبله ..

ابتسمت اله
وصحت مي يلا ماما ..
اخذتها ومشيت ..
بدون ..كلام وياه ..
طلعت من الباب وكلبي يدك سريع جان
من الخوف خفت لا يجي يضرب لو يحجي ..

طلعت من الكراج
واكولها مي انداري شوفي عمو وين..
اندارت ..

كالت هياته واكف بالباب ..
احس نفسي كمت اركض مو امشي ..
طلعت الباب ..
بسرعه ومسديتها وراية ..
جنت المفروض اروح يسار اني طلعت كبل
من الخوف
واحس وجهي صار نار ..
ضليت امشي
مي كالت ماما اخ ايدي..
حسيت نفسي عاصرة اديها حييل ..
هديتها ..
وشفت اسواق ..
دخلت بيها ..
اشتري ..
صفنت عليه ششتري ..
كتلها مادري اشتري الي يعجبج ..
صفنت عليه ..

روحي اشتري واتلفت عبالك مسوية جريمه
اخذت حلويات واجباس ..

واخذتها ومشيت ..

وكفتني ماما وين راح نروح ..

كتلها للصالون ..
كالت ماما خاف هم تسافرءن وبرهومي مو ويانه ..

لا تخافين نروح ونرجع ..
اريد امشيها توكف ماما خلي ناخذة ونروح ..

مي امشي ماكو شي ..

مشينا مسافه واسمع هورن ورانه..
فززني ..
درت وجهي ليث ..

وكف يمي نزل الجامه ..
وين ..
ها للصالون ..
كال اصعدي مو منا الصالون ..
كتله اعرف وامشي ليث ..
اني اروح..

رووح انت ..
تقربت من الجامه ووكفت ..
كتله روح للي يوميه دازة اثر بجسمك

وابتسمت ..اله ..
واخذتها من اديها ومشيت سريع اريد اندل بيا فرع اروح تيهت ..

حتى رجعه للبيت تيهت ..

كمت امشي واندار
واكثر من مرة اعثر ..

والحذاء ينعوج ..

بعد شويه وابجي ..
اندار ماكو احد ورايه ..
شفت شله شباب صغار ..ع البايسكل ..
وكفت يمهم ..

كتلهم ..
حبايب ..اكو صالون هنا ..

بس تيهت الفرع ..

وحد اسمراني ..
كلي خاله امشي ورايه هسة ادليج ..

مشى بالبايسكل ..
ع كيف .
يمنى وكبل ..
طلعنا ..
ع الشارع ..العام ..
وصلت يم المحلات ..
شفت الصالون ..
وصلت باب المحل ..
بعدني ممخطيه خطوة وحدة
الحذاء انكطع بيه ..
صدك جيت ابجي ..
ولا عبالك جانت عندي سيارة واطلع واطب بيها وافتر

احس ذيج الفترة جانت خانكتني حييل ..
واخذت مني كل شي .

شلت الحذاء بايدي وطبيت ..
السلام عليكم ..
اندارت عليه ..
بنيه
قصيرة وسمينه بس حلوة ..
كالت وعليكم السلام ..
وكعدت ..
اخذت العلاكة انطيتها لمي ..

واباع ع الشارع كل شويه ..
جانت ..دتسشور لوحدة قبلي ويسولفون ..

كملتها كالت تفصلي حبيبي ..
كمت وكفت ..
باوعت عليه ..
كتلها انكطع الحذاء من داجي ..
مشيت هوايه وتيهت المحل ..

كالت شنو انتي مو من المنطقه

كتلها لا بس جديدين ..
وضلت تسالني عن البيت وين ..
وهالتفاصيل ..
فتحت شعري ..
كتلها غيريلي لونه ..
كالت هم اصغر ..

سكتت وجنت اباوع ع روحي شلون حولني شبيه ..
نرمين وفجر ..

كتلها لا لو اسود لو احمر بس مو اصفر ..

كالت اسود يكبرج ..

احمر احلى ..

بكيفج ..

سلمت روحي الها ..

صبغتلي ورتبتلي حواجبي وكصت من شعري ..
وشسورته الي ..

طولت بالساعتين يمها ..

طلعتني مو اني والون كلش حلو ..
غيرني ..
بقيت كبال المرايا ..
اباوع شكلي

شلون غيرلي بشرتي
وانطاها رونق ..

كالت تعالي اسويلج معالج بس مو هسة ..
وبقينا سوالف وكتلها اريد اشتغل بالكيك
كالت تعاي ويايه اني وحدي
بس جنت ماعرف بهالامور ..
كالت يمعودة سهله ..
هي شنز الم

راة غير ترتيبها
وهسة اكثر نسوانه من النت والستلايت .بس ترتيب ومكياج وصبغ ..
وكل شي تتعلمين بسهوله ..
بقينا نسولف وارتاحيت حييل وياها ..
صار شكد خانكه روحي

اخذت منها كم شغله ..للشعر والبشرة
وعرفت اسمها فرح ..
كتلها عفيه شحاطه حذاء اي شي بس اوصل لبيتنا وباجر اجيج ..
البنيه مقصرت ركض جابتلي شحاطه ولو نص رجلي طالعه ..بس لبستها ..

وطلعت ..
مشيت عدل ..
واريد اذكر الفرع مال بيتنا ..
ومي كل شويه تكولي ماما شعرج يخبل ..

سويلي مثلج ..
اضحك ..
وصدك داخلي فرحان ..بالتغير

كوة زصلت ..لبيتنا ..
لان تيهت واول مرة اطلع ..
طبيت للبيت السيارة جانت بالكراج ..
دخلت ..جوة للبيت ..
ام ليث طالعه بسيارة
وبس ليث والجهال موجودين ..
الحهال يلعبون اكس بوكس ..
وليث ماعرف وين ..

صعدت بسرعه ..
فوك ..
شفته ماكو ..
بدلت هدومي ..

وكعدت..كبال المرايا ..
كل حمرا حمرة ذبيتها ..
كل مكياج جان يريدة مني ذبيته ..
حتى العطور خليتهم بعلاكه ..
وقررت انزلهنا ..
جوة لكريمه ...
عدلت مكياجي .ورجعت ع مكياجي القديم ..
ايلاينر ..وحمرة لو بيجي لو وردي ..

واتعطرت ونزلت ..
كل شويه ارجع اباوع روحي بالمرايه ..

نزلت جوة ..
واللتهيت ويا الجهال ..
وبديت احضر بالعشا ..
واضحك واسولف ويا كريمه ..

وعرفت ليث بالمكتب ومطلع اليوم ..
كملت العشا ..
وحضرت السفرة ...
وكريمه صاحت الكل ..

من اجه ليث ..للميز ..

سويتلي لفه ..

ورحت كعدت ..ع جهه ..

اسمعه يحجي ماكو ماكو ترتيب بالبيت فوضى ..

الي ياكل يحترم النعمه هذا مو فندق ولا كل واحد بكيفه ..

اكلو شوربه الاول ..
لا ابني مو هيج ..
كريمه ..
ويصيح ويرزل مصارت لكمة صارت زقنبوت عليهم ..

كملو اكل ..

بديت الم بسفرة ..

جر ايدي ..
كال صعدي اريدج بموضوع ..

اي ميخالف ..
بس هد ايدي ..

هدها ..

لميت الغراض..
ودخلت ع الجهال ..
كالو نريد نلعب ..
كتلهم من ينام لعبوا
هسة اكعدو بهدوء ..
كامو يضحكون ..
مرات تصير بين انمار و ابراهيم مشاكل بس بسرعه
افضها ..
جنت اشوف جهالي كلش مرتاحين هنا
متوفر الهم كل شي ..
ماعدا ياخذهم ويطلعهم بين فترة وفترة ..

رحت من يمهم ..
وطبيت ..
للغرفة ..
جان كاعد ينركل ..
كال ..
سويلي فحم جديد ..

اي ..
نزلت حضرت الفحم وصعدت ..فوك ..

سويتها اله ..
جرني من ايدي
كلي شنو براسج والمن مغيرة روحج ..

كتله لنفسي اولا ..

وبس ..

كال اي واضح ..

المهم ..ريام شغل ماكو ..شيليها من بالج .
خوش ..

وشغله ثانيه ..شعرج محلو ..

ولا كصته ..

ابتسمت اله بس عاجبني ..
جرني ..
حضني من ..خصري ..
زقربني اله ..
وبصفي النركيله ..
اخاف احترك بيها ..
كال واني معاجبني ..

كتله مو مهم ..وهدني لا احترك ..
كال ليش بعدج محتركتي ..

هدني جديات ..
بلا هالحركات ..الي مالها داعي ..

ماعندك شي يمي ..
اني مسؤوله عن البيت ..والاطفال ..

روح ..لفجر ..اشرط عليها ..تسوي نفسها
نرمين ج 2

ضحك ..وهدني ..
كال ..اعصابج ..ست ريام ..

اخر هم عندي هو انتي ..

ي طبعا اروح الها ..
نسيتي لو اذكرج ..
لا يروح فكرج بعيد ..
ابتعدت عنه ..
كتله لا ذكرني ولا اذكرك..كل شي مطبوع بعقلي ..
محلو الانسان يعيد ويعيد ..

جر نفس نركيله ..
كال لا حبيت اذكرج ..
انتي شنو ..
بس خوفي لا اتجيبين النه ثالث ..

شنو ثالث ..
لا هيج ..
يلا حضري الي هدومي ..
اكمل نركيلتي واطلع ابات برة ..

اعرفه يريد يقهرني بس بداخلي
ميهمني بعد ..
حضرت اله هدومه وغراضه ..

واخذت فراشي ورحت مددت بمكاني ..
بقى يدندن ..
ويلبس بهدومه ..
صح داخلي يضوج .
بس مليت اريد اعيش بهدوء بس ..

كمل ووصل للباب ..

عندي كم حاجه هو جايبها الي والعطور ..

كتله اوكف ..

اندار شكو ..

جريتهم ..
وانطيتها اله ..
كال شنو هاي
كتله غراض ..مالها لازم الي وديها للمحروسة تستعملهم ..
فتح الاكياس ..
ضل يباوع ..
كال ليش تنطيهم ..
كتله كل شي من الماضي لازم اخلص منه ..
كال ايبااه كلام قوي..
عريف شلتاغ نسيتي ايامج مو جانت شواربج تلمع بالضوة
لزمت حلكي ..لا اراديا ..
كتله لا ذاك الوكت راح هسة عصر الذهبي ..

والله والله والله واقسم بذات الله
ماطلع اليوم اذا ماعرف
شعندج ياريام ..
وهاي كاعدلج للصبح ..

[ملكةه]

عرين النار

الفصل الثاني

12ج

وهاي كاعدلج للصبح
واريد اشوف عصرج الذهبي
حتى اسوي الج اسود باذن الله
ماكو شي ليث اكعد مو للصبح لا لليل ..

هااا ..؟؟؟

ي والله داكولك ماكو شي وحبيت اغير نفسي ..

خوش ريام ..واني هم باقي ..
وشمر عليه الملابس والغراض..
هاج اخذيهم الج ..
ورجع ذب هدومه بعصبيه ..
وكعد ..عالفراش ..

ضليت اباوع عليه ..

كال اني وضعيه البيت مدتعجبني صاير فوضى
كلمن اله ..
الجهال والبيت كله ..

كتله ليش شصاير ..

كال لا مصاير شي وانتي شمعرفج بشي اصلا ..

بس اريد اعرف جهالج شلون كبرتيهم وانتي ع هذا حالج
وكام يصحك..لا فوكاها محل وسيارة جانت عدها ..

يوميه داعمه واحد ويوميه مشاكل .
ويضحك ..
عرفته يريد يستفزني ..
مجاوبته ..
ورحت نمت ع الفراش بعيد عنه ..

ضل يحجي ويا نفسة ..

تغير بسيط بنفسي كلب حالة ..وصار عصبي حييل ..

بيومها نمت واني راضيه ع نفسي حييل

من اول تغير ..حسيت براحه داخل نفسي

يكولون المراه بطبعها تحب الجمال ..
حتى لو ماكو ..رجل بحياتها
بطبيعتها الانثوية..تحب تبرز نفسها وانوثتها ..
لكن مرات تمر المراة بتقلبات ..
تغيرها الها ..
وتاخذ لمعتها وجمالها ..

......
كعدت الصبح ..
من فراشي شفت ليث مموجود ..
طالع لشغلة ..
شغله من انقلنا للبيت اتغير ..
صار يومي ومرات يبقى لليل ..

ويجي..تالي الليل ..

كمت وابالي ارجع الشحاطه لفرح ام الصالون ..

بهاي الفترة ابراهيم تعبني حييل
ما عرف سن مراهقه
لو شي اتغير بي
كمت ماسيطر عليه
ويصيح ويحجي ..
ع اقل شي ..
جان متعبني حييل ..
واكثر من مرة ابجي بسببه ..
وادعي الله يهدي
ويرجعه الي مثل قبل ..
بس بعد مامرت الايام عرفت ..
ماكو شي يرجع لا طبع ولا صحة ولا حتى احنا ..

كملت شغلي بالبيت كله ..
جان الشغل اغلبه عليه
وخاصه الغدة والعشا ..
تغير الحال من بيت الى بيت ..

صح القوانين بعدها .
بس مو نفس حال الاول ..
عبالك البيوت الي تورثنا ..
التعب والهم ..
واكو بيوت تفتح النا السعادة ..
جنت اتامل السعادة بكل ركن هنا ..
واتامل العودة ..
عودة ..
روحي ..
وتغيير ليث ..

صار العصر وليث ماكو ..

كتلها لام ليث راح اطلع اودي غراض ..
لام الصالون ..

ام ليث جانت بغير عالم عايشة
رغم كبر سنها ..
بس طلعاتها هوايه ..
ويجوها خطار هوايه ..
وسوك وسفرات وعزايم ..
وكانما زوجت بناتها حتى تتحرر..
وقليل تكعد بالبيت ..
ومالها دخل بشي ..

بعد ماعرفت ليس راح اريد اروح اخذتني الخطوان
للصالون ..
جان اكو بنات يمها
اول ماطبيت
كالت الله جابج ..
هذني البنات يردون كيك خطوبه ..

كعدت ..
كتلها والله مامدر اشتغل هسة ..
ان شالله فترة وارجع ..
وضلو يسولفون متعرفين احد يسوي
ودلينا عليهم ..

بقيت يمهم ساعه
سوالف ..
الى ان شفت الدنيا بدت تغرب ..
اترخصت منهم ورجعت ..
قبل لا ارجع كالت الي فرح تعاي باجر راح تجيني وجبه

غراض..

ودعتها وطلعت ..
امشي واني فرحانه اكثر ..
بسوالف ..
والمواضيع الي انفتحت ..

جنت كاعدة باربع حياطين ..
وكمت حتى احجي ويا نفسي ..
وبديت انهار واتخبل ..

علاقتي بهالفترة قوت ويا فرح ..
وكمت يوميه او كل يومين امر عليها
العصر من ماكو لييث .

ليث هاي الفترة ..
تناحس اكثر واتخبل اكثر ..
بدة يخنكني من كل جانب ..
ويحاول يكسرني ..ويسيطر عليه ..
اكثر واكثر ..
وداءما يحبط كل معنوايتي ..

وبدينا برحلة جديدة ..
رحلة الشك ..

يوميه ..يكعد للصبح ..
ويحجي ويحجي ويدردم مثل الشايب ..
حتى كام ميبات برة ابد ..
يرحع من دوامه للبيت ..
ويتحجج باشياء ..
شيلي هذا خلي هذا ..
هذا ليش هيج ..
انتي مهمله ..
مو ام بيت ..
مرعبله ..
الى ان وصلت مرحله
دمرني بيها ..
ع كل شي يعيب ..

وجنت اتجاهل كل كلامه ولو الدمعه بطارف عيني ..

حتى لا يحس عليه
هالانسان دمرني ..
تعبني ..
لا هو يحبني ..
ولا هو يكرهني ..

فديوم ..
بعد ركضة النهار وتعب ..

دابدل بالجراجف ..

وجان كاعد ينركل وفاتح الابتوب ..

كملتها وعطرتها من عطر هوة جايبه ..

كام بسرعه ..
عليه
كال شنو هالريحة ..
فزيت كتله شبيك مو انت جايبه..

كال ماجيب هيج شي اني هذا ذوقج الخايس ..
لشوكت تبقين هيج ..
وضرب ع راسي لشوكت تبقين ..
دفعت ايدة ..
كتله كولي رحمه لاهلك ..
شنو استعباد هو ..
لو مذلة ..
جارية يمك ..
منو انت وشايف نفسك ..
كام يضرب ع رجله ..
لا مشايف نفسي ولا شي ..
بس يوميه تتعطرين وتنامين ومكياج ولبس
شعنننندج وانتي كاعدة بالبيت ..

عفته ودرت وجهي عنه ..
لا لا مابيها مجال انت انسان مريض ..
روح عالج نفسك اول شي ..
ودرت وجهي ارجع بالكنتور

صااااح بفلوسي ..

شنوووو؟؟؟

كال انتي هنا بفلوسي ..

يافلوس ..؟؟؟

تعرفين كلش زين لوما بيت وفلوس جان ماكعدتي دقيقه ..

اهلج طردوج ماعندج احد ..

ضليت اباوع عليه ..
وع هالاسد ..
الي يستحيل يتروض بيوم ..

كتله الي تريدة شنو ..

كال ماريد شي ..
ودفر بالغرا اض ..والجرجف جرة ..
والمخاد وكعهم ..
و

راح رجع ..

كال كل شي ينلم ..و تغسليهم ..
وفراش جديد نظيف ينحط ..
هزيت راسي اله اي ..

سويت ..كل ااي رادة ..

وسبحت ..وطلعت ..ووكفت كبال المرايا ..
رتبت نفسي ..
ومكيجت وتعطرت ...
ورحت لفراشي ..
الي هو كاعد عليه ..

كتله اريد انام ..

كال متنامين لازمج اني ..
اظن كاعد ع مكاني ..
كال لا نامي بالفراش .

كتلة وانت ..
كال وشعليج بيه وين انام ..
راح اطلع ..

خوش ..ليث..

من كثر الالم مرات منحس لا بكلمه ولا ضربه ولا شي
حتى لو الكلام ..يجرح الروح ..
جنت ابتسم ..
وحتى لو توصل مرحله الضرب .
بس ماتوجع .

خدر ..اكو خدر يصيب الروح والاعصاب ..

قبل الجسم ..
ولو الروح تخدرت انتهى كل شي وياها ..

نمت ..
واني اتامل ..باجر اجمل وراح يغير اشياء وياه ..

حسيت ..اكو انفاس يم ركبتي ..
وشي حصني ..

فتحت عيوني ..

احس ليث حاضني ..

حاولت اجر نفسي عنه واعدل نومتي
بس لازمني بقوة ..

كتله ليث ليث ..شدسوي هنا ..
مجاوبني ..

ليييث ..

نعم ..
بدون زحمه وخر اريد انام ..

شاورني باذني ..
منو هو ريام ..
اريد اندار عليه عصر ايدي ..
كتله منو ..
كال الي ..هزمج وهسة مهتمه بروحج اله ..
هم ادزين صور اله ..
ليث وخر احس اختنكت ..شدز يمعود

كال لا ماروح ..
كتله تعرف زين اركان ..
وماكو شي هسة .ولا قبل ..من الي براسك

لعد المن متغيرة ..
اكيد مشتاقه الي ..وهذا كله الي ..

كتله ليييث وللله اختنكت ..

لا تخافين متموتين ..
واكيد الي ..وتريديني احن الج ..
مو؟؟؟

دفعته ..حييل عني ..
وجريت نفسي ..من الفراش ..
شبيك انت ..

كام .كال لهنا وكافي .
هواية دللتج واحترمتج كافي ..
وجرني حييل من شعري ..

تعاي اشوفج المريض مو هذا ااي تريدي ..

بقيت ادفع بي واحاول ابعدة عني ..

مو هيج وخر ابتعد ليث ..

غصبا ماعليج ..

ماكو شي غصب ..ليث ..شجاك تخبلت انت ا
روح لفجر ..احسن مني ..عيني ..

ابتعد عني ..

كعد ع طارف الجربايه ..كال ..

حاولت وياج هوايه
من البدايه ابعدح عني تذكرين لو لا ..

وبعدها تزوجنا ..
وهم حاولت اوازن بينج وبين نفسي ..
بس هم فشلت ..
فقدت ابني ..ورجعت الج طفل ..مجروح
عفتبني ريام ..

ورحتي ويا الطعني بظهري ..

وهسة ماعرف شنو بيج
وشنو الي تريدي ..
ولا اعرف شنو الي اريدة منج اني ..

يمكن دربنا واحد ..
بس كلمن يمشي بصوب ..

اني بجهه وانتي بجهه ..

لا اني ..داعرفج ولا انتي ..

تريدين اطلكج ..

عدلت نفسي وشعري ..

وكعدت ..بالفراش ..

كتله تريد الصدك ..
بالاول انغرمت بيك وشفتك بس انت وحدك ..
وهالكون كله فرغ ..

وهسة داشوف الكون كله بس انت لا
مداشوفك ..

ارجع لنفسك ليث وشوف نفسك شنو ..

وحاول تتغير ..

واحلف الك ..
لا متغيرة من اجل احد ولا شي
بس تركت هوايه من عمري
وهوايه سنين راحت مني ..
اعترف الك كل قرارتي جانت غلط
ومن ضمنها انت ..
وفجر وليث وحمزة سبب هروبء وتسهيله
وانت كنت الدافع الرئيسي ..
حاليا ..
لو ..
ترجع بيه السنين ..
مراح اختارك الك ..

واذا ابقى وياك راح. ابقى واتحمل كل شي ..

بسبب واحد بس ..

تعرفه زين ..
ماعندي ملجئ ثاني ..
عرفت الهروب منك والك ..

مثل اللعنه وتصيب شخص
مغيرها بس الموت واني
مامستعدة اموت ..
كمت من الفراش ..
ليث ..
كل الي تريدة يجرة الك ..
بس الفراش ..
روح لفجر او غيرها
ماعندك يمي شي ..
خلللللص دتسمع لو لا خللللللص ..
وياك كل شي ..
لو حضيرة حيوانات اىوح اكعد بيها
ولا اتخمل قوانين ورزايل
وحجي ..

شتحسبها احسبها ..
انتهى ..وياك كل شي .
وادعي الله يهديك بيوم وتتغير ..

كمت من يمه...

مرت الايام وليث زادت عجرفته ..

ومتغير بشي ابد ..
بدة يشد ويا ايمن ..
ونفس الاسلوب يتبعه ..ويا سبع
رحع يتبعه ويا ايمن ..
انسان مثله ..
يفقد الصواب ..
يلين يوم ..
ويرجع ايام ..
الي ..كسرهه الزمن صعب يتصلح

وليث ..كسرهه الزمن ..

من صغرة ..
وصعب يرحع ..انسان طبيعي ..

علاقتي بي ..

يوم احسه يحبني
ويوم لا
يوم يكعد ويسولف الي ..
ويوم يرزل
خبلني هالرجال
ومن البس شي يضل يباوع ويفر بايدة
والفون بعدة ممنوع عني
اذا اريد اتصل من ابراهيم او منه ..

مرة كاعدين بالليل ..
جان يباوع ..طوبه ..
كال والله اذا فازو ..
ياريام ..
الي تريدي يجرالج ..
وجان متحمس حييل ..
خلصت وفازو
كتله ليث اريد اشتغل عفيه ..
واريد فون ..

صفن ..
كال اجيبهم ..
وشتنطيني ..
صفنت عليه ..شنطيك يعني ..
مثلا ..
ضحك كال انتي تعرفين شريد ..
احلى شي بيج ...طبيتج وفطرارتج ..

الي خربتيها حرامات ..

كتله ليش مدكول غبائج وانتي وانتي وانتي
حتى ترتاح نفسيا ..
وكف يباوع عليه ..
كال والله مو صوجح
صوجي اني
اي غبيه ومرعبله هم ..
وابتسم..
كمت ماهتم .رغم ااي صار تعلمت الصبر والقوة
داخل نفسي
اولا ولنفسي اخيرا
وكلما اقوى كلما يثور ..
ونارة تكبر .

ويا اهلي ..بين فترة وفترة اتصل بيهم ..
احس من ماتت امي كل شي تغير ..

وكلمن التهى بهمه ..
وتعبه ..

وحياته ..

علاقتي بفرح زادت ..
وكمت يوميه اروح ..
من يصير عدن

ا اصدقاء نكتسب قوة ..
قوة داخل نفسنا ..تحينا من جديد..
وخاصه هذا الانسان يدعمك .دائما ..
ويحاول يجدد بيك اشياء ..

اروح يمها من ليث ماكو ..
وارحع قبل لا يجي..للبيت ..

امه تدري بيه واكثر من مرة تجي ويايه ..
وماروح وحدي ابد ..

اخذ ويايه لو مي لو نرمين ..

فديوم اخذت ويايه كيك سالتها عن زوجها..
كالت والله ياريوم ..
زوجي موجود ..
طيب شكد اطفال عندح ..ضحكت كالت 4

كالت زوجت صغيرة من ابن عمي ..

وخلفت واحد بعد واحد ..
الى ان صارو ..اربعه ..
وينه هو ..
كالت هاجر ..
ولج شنو هالكيك الطيب ..
ابتسمت الها كتلها كملي .

شكمل الكيك قصدج ..

كالت هاجر ..من صارت سالفه الهجرة ..

وكال اسحبكم وهاي صار كم سنه لا هو الي سحبنا ولا هو الي اجه ..

وانجبرت افتح هالمحل ..منو يصرف ع منو ..

والحياه نار ..

كتلها وليش هو ميدز ..
كالت ريام شهر يدز وشهر لا ..يدز ورقه ..
ويريد اجمع منها ..
ضحكت..كالت شجمع..

ويحاسب ويحجي ..
هسة الورقه الي يدزها ..
من ايدة لاهله ..

ماريد والله شي ..
حتى هو ماريدة احس كلبي خلص منه ومن الكل ..

وانتي ريام ..شلونه رجلج وياج..

كتلها اني ..ماعرف مزوجه لو لا
سالفتي سالفه متسولف ..
حجيت الها كل شي ..
صفنت كالت ..
والله الخلل منج ومن ايدج ..
اول شي الله يساعدج عليه هيج طبع موجود هوايه منه ..
بس بربج اكو رجال يتقرب لمرته تكوله انت مريض لو مخبل
ماكو غيرج المخبله هنا ..

عمي هي وين الزلم ..

وانتي شمرين بي ..
لهاي حبيبته ..وكاعدة تلطمين يمي .
يعني انتي ويا بغرفه وحدة وكلمن صوب ..
كتلها اي ..ويقترب الج يسولف ..
لا بس يرزل ..
حقه والله يرزل ..
جا انتي المن تتحمرين للوسادة الخاليه ..
والله يالله ..
ضحكتيني داكولج حقج ..بس حاولي ..
كتلها حاولت جان يروج الها ..
شوفي ريام كمجتمع ذكوري ..
لو مو بس يخون لو شيسوي الخلل منج ..
وانتي ايدج والحايط ويا اهلج ..
يعني حاولي ..
سولفي يوميه .ضحكي ونكتي ..
امدة حظي ..اني احير شسوي وهج..والعندج صامخ يمج ..
وتضحك .
دكومي كومي ..
روحي خلفي منه فد 2واثوله ثول ..
بيهم .بين حفاظات وحليب
اذا وجهج بوجهه طبعا يتناكر وياج ..

ويرزل ..

وحالته زينه شترءدين بعد ..خايبه ..

كتلها فرح مو هيج بس وصل ماكو بينه ..

كالت ادزلج ابو الورقه وتلمين منها شهريا ..
دكومي حبيبه ..
صلي ع نبيج وروحي لرجلج ..

وحبي ويحبج ..

كتلها ..اخاف والله هذا مخبل ..

دكومي ام المخبل هو اكو زلمه صاحي ..

كلها ..تخبلت من ضيمنا ..
دكومي يلا اريد اعزل ..

عود انتي المتعلمه وام السيارة هءج
شخلينا للجهال ..الي تزوج تتعارك ع سناب ..
وتضحك ..

شوفي فتحي اخر مجر بي ..شغلات جبتهم لمرت اخويه
رجلها ..كل شهر ينزل مرة ..
وهم مسودنته ومرمرته
كلما ينزل
ياالمراراة
ويا الضغط
ويا الحمل
ويا الجهال موتوني ..
ويا الجارة نزلت ويا جارة صعدت ..
ويروح ويرجع يكظيها يمي ..
وهو ماكو متخلي سوك متخلي شغل لليل نهار تركض
عمي نسوان مال تيزاب ..
جبتلها هالدشاديش
بالكي الجارة تستقر .هالمكرود اخويه يرتاح
.وتضحك .
اخذيهم ..الج ..
لا فرح..راحت علينا ..

شراحت خررب ..
والله اكو وحدة تجيني ..بالخمسين ..ومزوجه لو شوفيها
تفتحين حلكج شهالترتيب..
والنظافه ..
والجمال ..
والعنايه ..
لا زعلين انتي غبرة ..عود تحجي ام لسان..
انت مريض ..وعالج نفسك ..

كمت كتلها لا ضوجتيني .حييل ..والله ..

راحت للمجر فتحته وكالت روحي ..
ولبسي وضحكي ..
وكافي لطم
كعدتج تسوي ..زهايمر ..
مو بس كئابة ..
اخذتهم وطلعت من عدها
وضجت منها حييل
ليش هيج تججي ويايه ..
دامشي احس وراية هورررن قوي ..
وكفت سيارة..
انداريت..
ليث ..
اشر تعالي ..
رحت وكفت يمه ..نزل الجامه والمناظر
باوع يمنا يسرة ..
جان لابس قميص ابيض وفاتح اول دكمتين ..
انتبهت ..عاثر ع صدرة ..
ضلت عيوني عليه ..

كال وين مين ..ويحرك بالحيتة
كمت اتلعثم اريد تطلع الحجايه واكفه بالعومي ..
اااااهنااا يم فرررح ..
صاح اصعدي ..
هي صيحه وهي كمزة وفزة
للسيارة ..

[ملكةه]

عرين النار
الفصل الثاني
ج 13

صعدت بسيارة ..
وكعدت ..
وصلنا قريب ع البيت بيومها صدفت ..ماجة ويايه احد من البنات ..

كال ..نزلي ..

نزلت مشيت خطوتين ..
بين ميطبب السيارة ..
صفنت ويا نفسي اني ليش هالكد خايفة منة ..
وليش هالكد مكبرتها بداخلي ..
شو هو يوميه يطلع ويوميه مطكع
ماحجي شي ولا اكول ليش بس عليه ..
يطبق قوانينه ..

طبيت بسرعه للبيت ..
واندار واباوع عليه ..

فتت ..
خالتي ام ليث ..
كالت ها شبيج ..
لا خاله ماكو شي وين الجهال ..
كالت توهم دزيتهم يشترون ..
بين مداحجي طبو الجهال وطب ليث ..

اني صعدت فوك حتى مسالت ع شي والعلاكه بايدي ..
طبيت ..
ذبيت العلاكه ..
وكهدت ..متوترة ..
طب ورايه ..وسد الباب ..
وين جنتي

يم فرح ..
فرح منو ؟؟؟
ام الصالون ..
وشعندح يمها ..
كتله ..رتبت روحي وحفيت ..

اها غير تحجين تكولين ..
مو ان انت ماكو شلون اكولك
وفون ماعندي شلون اتصل بيك ..
وكمت الم بالغراص
وفتحت الكنتور وطلعت اليه هدوم ..

كال وهذا شنو ؟؟؟
انداريت شنو ..
شفته ..فاتح العلاكه ..
رحت جريتها منه ..شنو يعني هدوم الي ..
جرها حييل ..من ايدي
وفتحها ...
طلع ثوب احمر كله شراشيب ..
فتحها وكال هاي وين تلبسيها ..
اباوع عليها عبالك مال رقص ..
عزة بعينج فرح ..
وين تلبسي ..
هنا بالغرفه ..
كال شنو عندج حفله ..
شبيج ريام اتخبلتي شنو انتي جهاله وشنو هالبس والتصرفات
دكافي عاد غيري واحد ميحملج دقيقه
انتي يوم ورة يوم تخرفين ..

يعني غيري واحد يكسر رجلج هسة ويعوقج
ع سوالفج جايبتلي بردة مشرشبه
والثاني هدوم بطه ..
شنو هالريش ..
عود اغرائات هاي ..
اني بقيت صافنه من الفشله ..

ضحك كال تغرين ..بيها خروف ..
كعدي واسكتي ولا فرح ولا غيرها

بعد ..
وطب يبدل ..
صدك فشلت من نفسي حييل
اول ثوب عبالك مال رقص
والثاني اخضر وبس ريش..
شلتهم خليتهم بالعلاكه ..
وضميتهم بالكنتور ..

صاااح حصريلي خاولي وهدوم ..
حضرت اله غراضه ..

ونزلت جوة احضر بالعشا دام جاي من وكت لازم العشا
حاضر من وكت
مثل كل يوم التهي بي
بين المطبخ والجهال
وام ليث وسوالفها ..
وهالمرة ام ليث راح تسافر يم شمس كم يوم ..

زدتسولف الي ..
كملت وحضرت السفرة ..
من يطب ليث الجهال كلمن بغرفته وهوسه ماكو
حتى اطفالي تعلمو عليه وع نظامه ..
لازم هدوء تام ..
وترتيب بكل شي ..

كملت ..زصحتهم
نزلو الكل
وكعدت وياهم ..
دناكل ..

ايمن كاعد بصف نرمين ..شفت ايمن صحك ويا نرمين
وجهالي يمي ..مي رادت مي انطيتها

رفعت راسي ..اسمع ليث يكوله ..
تحترم النعمه ..
لايمن ..
ويضرب راسه بالخاشوكه 3ضربات ..
تحترم وجودي ..

ضليت اباوع بالوجوة ..
ام ليث مستمرة بالاكل ..
وجهالي هم ..
اما ايمن ..بس دموع تنزل منه ..
كام ليث مثل المخبل ..
جر ايمن ..
كله متبجي عيب انت رجال
متبجي ..
الطفل غص بايدة..
داكولك ماسمع صوت ولا دموع ..
الموقف هزني وصار كدامي ..

سبع .
رحت جريت ايدة ..كتله حرام عليك
بعدة جاهل ..
دفع ايدي معليج انتي ..
لا مو معليه ..
عوفه داكولك ..
جان لازمه من هدومه ..
عوووفه الطفل لا تخبله هذا هم مكافي ذاك موته
جيت ع هذا ..
كااافي لييث ..
جوز منهم عوفهم يعيشون .

هدة ..
وكع بالكاع ..
شلته ..

كام يصيح مالج دخل بجهالي لا هسة اشمرج بشارع
مالج شغل بيهم اربيهم
مثل ماريد اني
هذا الي ربينه عليه وتعلمنه ..
مالج دخل بيه ..
ام ليث اجر بي ..
كافي متسوة ..اهدة ..

متحملت الي صار ..

كتله حقك فاقد الشيئ لا يعطيه وانت فاقد
حنان ام واب ..
وجاي اطبق نارك عليهم ..

هي هالكلمتين ..

وضربني ..
مجرد مارفعت راسي ..
حلكي كت دم..
مديت ايدي ..
سني مكسور ...

ركضت ع السنك ..
غسلت حلكي ..وذبيت سني ..

وضليت اغسل وامضمض ..والدم مستمر ..

جتي عليه ..
ام ليث ..
كالت خلي ثلج ..

ياريام ليش جاوبي ..

متعرفي شنو هو يفقد ..

بس ابجي ..
وخليت قطعه ثلج ..ولفيتها بكلينكس ..
بحلكي ..

وكعدت ع الكرسي ..

وضلت تحجي ..ويايه وتهدي بيه ..

والجهال ..ماكو ..
ربي شهالعذاب
ولشكد ابقى اتحمل هالالم ..وتتلي
شنو الي اسوي حتى يرضى ويكف عني ..

كمت رحت فوك ..

طبيت لغرفه ايمن ..
جان يبجي اخذته حظنته ..
وضل يبجي بحضني الطفل ..

ويباوع عليه ..
يعني لو امه موجودة يجرا يسوي هيج لا والله
هذا يتيم ومكسور ..
حرام عليك ليث ..
شدعي وشحجي عليك
الله لا يرحم لا امط ولا ابوك

دمرو ..عائله كامله ..

بقى يبجي ..
ويكولي بابا ليث هم راح يموتني مثل سبع ..

اني ماريد اموت
بس مشتاق لاخويه ..
احسة حرك روحي ..

صعدت ام ليث ..
كالت عوفيهم انومهم اني ..

طلعت ..ووعدته ماعوفه ابد ..

طبيت لجهالي ..
كاعدين ..
كامت مي حضنتني حييل ماما تعورتي ..
ابراهيم لازم الفون وميحجي شي ويايه ..

لا حبيبتي متعورت بس لثتي تعورت .
ماما اريد اروح يم بيبي ..

ماعرف شسوي ياربي ..
بين الف نار واكعه ..
اوف اللهي وين اروح والمن التجئ تعبت صدك
وبعد مابيه حييل ..
امي كالتها ..
الي ماعندة

..حظ بالبداية ماله حظ بالنهايه
بس مابيدي شي اسوي ..
لا لاطفالي ولا لاطفال ليث مربطه ..
كل شي مربط بيه ..

بقيت يمهم ..
ونمت ..يمهم ..مرحت لغرفتي ..
وسني كل شويه يطك دم ..
واصلا نصة انكسر ..وانشكت لثتي
شايفه كل شي بس رجال يضرب مرة بوكس
مشايفه ..

ثاني يوم كمت ..

كمت ..

واني الف هم براسي ..
نزلت ..شفته طالع ..
صعدت للغرفه ..
رتبتها ونزلت ..

وكلت لام ليث لازم اروح دكتور ائنان
وشفتها سني ..

حسيت كل السبل انقطعت عندي ..

حتى ام ليث ..
وكانما تكولي هذا مصيرج ومحد يوكف الج اتحملي ..

للعصر واجة ..
جنت اتلافه وماريد اشوفه ..

واكفه بالمطبخ ..ودارتب بالاكل مال غدة ..

وكف يمي
كال هاج ..

منداريت ولا جاوبت ..

ريام اخذي ..
مهتميت
خله بصفي باكيت اباوع عليه تليفون ..
هو بظهري ودموعي ..ترست الجدر
جنت اخوط بي ..وعود داضوكه ..

سمعتة صاح ايمن ابراهيم تعالو
كلبي نفض لا يضرب ابني ..
انداريت ..
اجوي يمه
شال ايمن وضل يبوس بي .
وابراهيم يلعب بشعرة ..

كال تعالو ..
طلعهم للكراج ..
جايب الهم ..العاب ..زلاجات الكترونيه ..

اسمع بس صوت ضحكهم ..بالكراج ..

عفتهم وصبيت الاكل ..

وحتى مااكلت شي ..نص وجهي ورام ..

ومالي نفس شي ..

صعدت سبحت ..
وطلعت صليت ..وبس الله يعرف
شكد حجيت وشكد بجيت ..
لحد ماتعبت ..
صعد ورايه ..
سد الباب ..
مال ليش ماكلتي ..
نزعت الايزار ..
اشرت ع وجهي شووف وانت تعرف ..

ضل يباوع عليه ..
كتله لييث مالي خلك حجي رجاءا ..
ولا عراك ..

بس الي يمد ايدة ع مراه ..
هذا .....وسكتت.

كال كملي ..
لا ماكمل ميفيد الحجي ..
اريد ابدل واروح دكتور سني يوجعني حييل ..
امشي اني اوديج ..

لا شكرا ..ماريد ..

امك توديني ..
ريام ..اني اسف ..بس انتي تستفزيني ..
واوعدج هاي اخر مرة ..
اخذت حسرة وشفت الكلام ماله داعي بعد
ولا يقدم ولا يأخر شي ..
مجرد حجي ..

اذكر بيومها ..رحت اني وام ليث للطبيب
وطلع سني مكسور ..بس الفوك ..
وضل جوة شك لثتي وطلعه كله ..

ومن رجعنا اخذتني ..للسوك اسوكت ..
واشترت غراض ..واني كاعدة بسيارة ..
بصدفه شفت ..

صهيب وايناس بنفس السوك ..
من فرفحة روحي عفت السيارة تستغل ونزلت
عليهم ..

صارت بوجهي ايناس ..

حضنتها وسلمت عليها
وصهيب هم بوسته بشارع ..
جنت كوة احجي من البنج
والكطن الي بالحلكي ..
بس الي وجعني
اخويه
ولا كانما اني اخته ..
وجان كل شويه يدغ ايناس يكولها يلا تاخرنا ..
واني الدمعه بعيوني تلمع ..
بس اريدة يباوع عليه
ويحجي شي ..
بس مهتم
عافوني راحو ..
رجعت للسيارة شفت ام ليث بيها
كالت وين رحتي هبطتيني ..
هزيت الها براسي
وكتلها خلي نمشي ..
امشي خاله ..
اني من اليوم ماعندي ..
احد ..
شنو ؟؟؟

ومشت بيه سفينه الحياه ..
ومرت الايام وسنين ..
اطفالي كبرو ..
وزاد التعب والهم
ابراهيم ..نسخة من ابو الجاحد ..

لكل شي ..عصبي ويصيح عليه ..
الي ردته حزام لظهري طلع مو حزام ..

ومي كبرت ..
وجهال ليث هم ..

ليث ..
السنين وياه بطيئة حييل ..
رجعت زوجه اله ..
بيوم الي رجعت من الدكتور ..
عرضت نفسي اله ..

ماعندي غير ملجئ..
ولا ملاذ ..
بس ..ليث مو ملاذ
ليث ..
عرين ومن نار ..
العرين بيت الاسد ..ملك الغابه
والنار. بكل مكان بي ..
وجانت تحركني ..دووم ..

متغير ..يوم يضرب ويوم يخون ويوم يقسى
ويوم ..يحن ويحب ..

حتى بعلاقتي بي ..
مرات احس نفسي داخله ..بجنه ..
ومرات لا
احس نفسي بجحيم ..

بديت يوم بعد يوم اتعب ..

جهه بوجهي ماحس بيها ..
عصب بيها تلف من ضربه قويه ..

الم مفاصل و كل شي قالون خفقان ..من القهر والهم

شكد اريد البس ثوب القوة
ارجع اذبه ..بخذلان

كل شي كسرني ..
اهل
اطفال
وزوج ..

بقيت ع صحتي وبديت يوم بعد يوم افقدها
مو بس ضرب ..تعب طلباته ..
وقوانينه ..و
خيانات الي جنت اشوفها ..بعيوني ..

بعد مااختفت فجاءة من حياتنا ..
فجر ..بعد ماخذت مبلغ جبير من ليث ..
طلعت بحياتي ..
ملاك ..
بس مجانت هاي ملاك جانت هلاك ..
بس تعلمت ع وجودهم بحياتي ..

ووصلت لمرحله من حياتي وياه ..
يوميه شكل
ويوميه صبغ
ويوميه مكياج ..

بس ميفيد ابد ..

مرات من يحضني ..احس الشوك كله بروحي ..

واحس بحنان الدنيا كلها بصدري ...
ومرات لا احس نفسي ..فريسه ..
فريسة سوء تصرف واختيار ..

بقيت درع واقي بروحي وجسمي
للاطفال ..

يمكن جنت احاول اسوي شي صح واحد بحياتي
وقدمت كل التضحيات الهم ..

ومردت مقابل بيوم منهم ..
ولا من ليث ..

لييث يمكن اغرب انسان شفته
لا مو يمكن اكيد
مشفت ولا اشوف .
مرات يكوم من نومه فاز ..

ويلزمني حييل يكولي
نفس الحلم تكرر..
وهم سديتي الباب عليه ..

انتي تريدين تموتيني انتي تريدين تاخذين روحي ..
انتي وانتي ..

ومرات لا احس بي كاعد من النوم ..

ويمسد شعري ..

ويتعذر مني ..ويوعدني بعد مياذيني
ولا يخون ولا يقسى ..عليه
وراح اكون ملكه بحياتي
بس مدة ويرجع
ابتعد نهائيا عن كل اصدقاءة
وبعدهم عن البيت ..
ويوم يقسى ع اطفاله
ويوم يغر

كهم هدايا .

مانكر .كل فترتي ويا ..وترقيات بشغله ..
اني واطفالي..
بنعيم ..المادة ..
من كل شي
ذهب فلوس اكل ....
ملابس .كل الطلبات الي نحلم بيها ..موجودة
بس ..
اني بسجن مرفهه ..
ممنوع اطلع واطب
وكل الصديقات الي اتعرف عليهم ..

بس اكو شي صعب يوصل النا
هو الامان والاحساس بالهدوء ..
فقدت الاثتين بحياتي وياه ..

ايام طويله اباوع عليه ..
الي يشوفه من الخارج يحس نفسة اذا يكعد ويا هذا الانسان
دقايق ..
يملك الكون ..
من الهيبه ..والاسلوب والاناقه ..
والي يعيش وياه ..
يعيش كل الفصول الاربعه ..

واصعبها واقساها ..
ويا تقلباته ..

احيانا احس ..
اني ام اله
ومرات زوجه
ومرات عشيقه
ومرات لا جاريه ..من جواري الملك ..

وكل رغباته وقوانينه تنفذ
حتى لو كانت
ع جسدي الضعيف ..
صعب امر بعلاقه .زوجيه ..
واكوم منها ماعرف نفسي من اكون..
انسان بقايا انسان ..
هو صنع مني انسانه اله ..
احبه ..لان حبة ما منه مفر
ولا عشرتي ويا بيها خيارات ..

بهاي الفترة ..جنت استخدم حبوب لمنع الحمل

صعب ..اجيب بعد ..

وحياتي ويا مثل قشة بمهب الريح ..

قررت الي عندة والي عندي كافي ..

رغم هو دائما يسالني ع اطفال .وليش ميصير
واريد طفل ..
هوايه كالو الي بالاطفال يتغير .
بهتمامج بنفسج يتغير ..
بتعاملج ويا يتغير ..
بس الايام ثبتت الي اني بديت اتغير
وهو ..
هو ..
متغير بشي ..
بس صار مدة قليله احس نفسي تلعب
و خنكه ..وكابه ..وكانما اعراض حمل
بس اقنع نفسي مستحيل يصير
وصار مدة طويله ع المنع..وكبرت .اكيد تغير هرمونات ..
وكلما اريد اجيب تيست حمل ..التهي بشي وانسه ..

فديوم ..

طلع لشغله مثل كل يوم ..
بعد مسؤلياته كبرت ..

بس قبل بيوم ليث جان متوتر ..
ومديطيق ..احد يحجي وياه ..
ولا يطيق ..كلام مني ..
اني عرفته وحفظته شنو هو ..
وعرفت من يخون شلون يصير ..
ومن تعبان شنو
بس بيومها معرفت شي منه ..

وحاولت اجنبه مثل كل الايام ..
الي يجي بيها عصبي ..

دكت ساعه ..بالخمسه العصر وهو ..بعدة مموجود ..

اجه بعد الساعه سبعه وجانت اعصابه متوترة حييل ..
ليث اسويلك اكل ..
مجاوبني ..وصعد فوك ..

صعدت وراه بخوف ..اريد اعرف شبي ..
شفته يكلب بالكنتور ..
كلي جيبي علاكه سودة ..
شكو ليث شصار ..
داكولج جيبي علاكه سودة
بسرعه مشيت ودورت بالمجرات لكيت وانطيت اله
العلاكه ..
طلع فلوس ..اكثر من ضبة ..ولفها باكثر من علاكه
وطلع ..
من الغرفه
ليث شكو
فهمني ..
اكعدي واسكتي ساعه واجيج ..

ليث شبيك ..

طلع للكراج ..
طلعت وراه ..
كلي ارجعي للبيت ..
وعينج ع الجهال ..
ولك غير افتهم شكو ..
عاف الباب مفتوحه ..
وشخط بسيارة وراح ..

[ملكةه]

عرين النار ..

ج 14

ياربي هذا وين راح
اجه مثل المخبل
اخذ كومه فلوس وراح
شنو الفلم
سديت باب الكراج
ومشيت شويه بالحديقه
نفسي جانت تلعب هوايه ..
ضليت اخذ نفس ..
شهيق زفير ..

اريد اعرف شكو شبي ..
دخت اكثر
كعدت بالمرجوحه
بدون ماهزها احسها تهتز ..

معقوله رجعت فجر بحياته ورادت فلوس
ضربت ع وجهي لا اكيد هاي فجر ..جابها بفلوس
يمه منك ليث وتالي وياك ..
كمت افتر بالمرجوحه ..
طلعو يمي البنات ..
ماما ماما ..
ابتسمت الهم ..
هاج فونج يرن ..
اخذته ..
ليث ..
ها ليث شكو ..
ريام ..
راح اجي من الباب ..
انطيج غراض اخذيها ..
طلعي بسرعه يلا ..
وسدة ..
بعدني مكايمه اسمع صوت الهورن ثبر الباب
والمنطقه كلها ..
والله اريد اكوم ماكدر رجلي اطكطك
..
وصلت يم الباب ..
مد جيس ..من فوك الباب
كال اخذيها
تهال فهمني شكو ..
رااح ولا هبالك احجي
عبالك احجي ويا نفسي ..
اخذت الغراض مثل المخبله ..
ورحت ضميتها بالكاونتر
يمه ليث حتى وانت ماكو مسويلي
رعب مفتحت ولا شفت شبيها
من كل عقلي خفت منها ..ومن الجيس ..
كمت اتخيل وصله لحم
مال بشر لو مسدس
دخيلك ربي كمت ارجف فتحت الثلاجه وشربت
مي ..
دخت اكثر كعدت بالكاع .
اجه ابراهيم يمي
يوووم يوووم

ها ابرهيم ..
شبيج كاعدة بالكاع ..
دخت ..
اجه كومني وكعدني ع الكرسي ..
شتربد ..
كال جوعان ..
ادري مو اكلت
شلوون يعني منجوع نبطل ناكل ..
كتله من تحجي ويايه احجي بادب
لا افرك حلكك ..
كال اهووووو رجعنا ع محاظرات الي متخلص

ابراهيم خليني محترمتك
ترة والله ..
اذبك يم عمامك ..
كلي مذبيني ..
مو جديدة عليج والله سبق وشمرتينا

ولك اني شمرتكم ..
كام يعييط اهووو ..
وعافني وراح ..
ركضت وراه اخذت منه الفون
كتله محد صكطك غير هالتليفون .
ابني ليش هيج سوي بيه ..

ابراهيم اربيك من جديد والله ..
ولك كاسره ظهري وعمري عليكم ..

اتخوصر وكال واضح
لو صدك مثل متكولين جان مزوجتي

ويجي عمو ليث ينطيني الجهاز ..

امشي اصعد لا جهاز ولا غيرة الا ان صير ادمي ..

عافني وراح

ضليت ادردم عليه ..
وكلبي يدعي اله بالهدايه ..

ياربي مين الكاها منه من ليث الي مخبلني وياه ..

رجعت كعدت بالمطبخ وجبت لبن بارد
وزيدت الملح
وكعدت اشرب ..
احس مثل الهبوط عندي ..

الف فكرة ابالي ..
معقوله هاي فجر ..
رجعت لو ملاك وبلاويها ..

فجر ...
فجر فديوم ليث اجاني .
صاير احمر دم ..

طب للحمام يسبح ..
صاااح ريااااام ..
رحت ركض ها ليث ..
تعاي ليفي ظهري ..
كاعد بالبانيو وتارسه مي
اخذت الليفه وكمت اليف ظهرة ..
جان يتافاف ..
جر ايدي حيل ..
نص ايدي وجتافي طبيت بالماي ..
كال شوفي وجهي ..
شبيك ليث ..
شوفيني مكتوب عليه للخيانه فقط ..
لا والله ممسويه شي ..
هد ايدي لفي عدل ..نظفيني
هاي الجلبه ..
لو مربي جلب يوفي وياي
ويضرب الماي ..
شكو ليث ..
انجبي انتي انتو وحدة انكس من اللخ ..
نفس الطينه بس وجوة تختلف ..
جر شعري حيل
قريب ع وجهه
واقسم بذات الله وعزته
خاف من شردتي رجعتج
اذا الكف عندج شي ادفنج
دفعته شبيك تخبلت عليه
وشمرت الليفه بالمي ..
كاافي مو كاعدة ساكته يمك
لا اطلع ولا اطب ..
ضرب الحايط اكثر من مرة بوكس ..
لزمته ..
صار جزء مني رغم اذيته عليه..
لا سوي هيج بروحك شبيك
ريام فجر
تخوني لكفتها ..
ويامن ..
ولج ويا حمزة
ادري صحبان لو عكارب مخاوي
امداني
ولج لميتها من جوة الجسر الوسخ عاميها
هالقذرة
وشسويت كولي
طردتها الكلبه النكسه وفوكها باكت فلوس
وذاك اختفى والله لو ماعيب اخزي كدام مرته
انتي اركان
وذيج حمزة
صرت كباله
ليث بس مخنتك ..
سكت ..
كمت اغسل جسمه ..
وكلما امد ايدي ع اثر من جروحه احس اعور روحي بيهم

مخنتك والله
جرني كعدني كباله
كال اعرف والله
انظف شي بحياتي انتي
وجر ايدي يبوس بيها
اني احبج ريام
ماكدر بدونج
انتهت..فجر
من حياتنا ..من يومها
اركان بيوم الي عرف ليث عنه قطع كل علاقه بي
وتغير مكان شغله
الي جان يقهرني ليش اصدقائة تغدرة مع العلم هو وفي وياهم
وبالاضافه..لهذا
جان يصرف عليهم .
ويساعدهم ..

انتهت فجر ..

فترة صغيرة واجتي ملاك ..

شيطان ..
مو بشر شكو وحدة ..عوجه جتي بدربي..

فديوم ليث كاعد..
وجنت كاعدة يمه ..
يشتغل ..
جان من يشتغل احب اباوع عليه ..
يمكن ..اريد ادور ع حبيته بي ..
دك فونه ..
اكثر من مرة ..
كلي ريوم جيبي الي ..
بجيب السترة ..
كمت من يمه ..
رحت طلعت الفون
مكتوب ..
ابو ملاك ..

كتله ليوثي هذا ابو ملاك ..
شاقيته خلي اجاوب
عاف الغراض وكام ..
جرة من ايدي ..
لا ضوجيني ..
واخذة وغلقه للفون .
حركته مو خاليه ابد خلتني اشك ..
اكو شي
مباشرتا ..
اجه حظني ليش تعصبني حبيبي ..
مو تعرفين اغار عليج
ويبوس بيه ..
ليث فدوة بس لا وحدة جديدة
لا شبيج يرحولج فدوة..
لا جديدة ولا قديمه ..
ورجع ع مكتبه ..
هذا واحد تعبان ..

وسالفته طويله ..
مدة واكتشفت زيف كلامه ..
شفت الرقم اكثر من مرة يتصل ومن يتصل
يطلع ويبدل ويتعطر ..
ج

ريت الفون وعرفت كل شي عنها ..
والامر اتصلت بيها
وتحجي ويايه
بكل وقاحه

ملاك عمرها 22سنه
تشتغل بكوفي
صفاته ممتلئه الجسم شعره قصير اسود كيرلي
شامه على الخد
قصيره

تعرفت بليث وسحرته بسماره ولونه الخمري والعنايه بروحه واضحه الاضافر حمر
الشعر مصفوف صف الوجه مصبوب صب
عده رصعه بالاخد الايمن جذبت ليث ..
وعرفها عن طريق اصدقائه ..

عرفت هالتفاصيل من ليث ..
وجنت اتصل بيها
وحجت الي عن علاقتها بي
كتلها عةفي
والله ماعوفه احبه
انتي مين تعرفي وتحبي ..
حبيتي سلمي ع بيتج وجهالج..
وعوفيني ..
ولج انتي متستحين ابد ..
زين كوليلي هو شلونه وياج ..خاف انتي فجر
اووف شحجيلج اميرة اني ..فجر منو لا ملاك حبي..

وخرت الفون وبجيت ..بحركه
ورجعته ..
احجيلي ..

تعرفت على ليث جنت اسمع عنه هوايه صاحب نفوذ واصل ونسونجي وميعجبه العجب ومواي وحده تعجبه الي عرفته مزوج
دخل يعقلي وكلت هو هذا الي اريده
من اول يوم انشد الي واخذت رقمه وحسيته هو هم انشد الي
لحد ماخابرته وسالت عليه
اول مره جان اسلوبه بارد
ثاني مره اتصلت اتحججت انو اسأله عن شغله ودوامه وحسيته اتجاوب ويايه
بالمره الثالثه وكع بيدي
وصار لقاء بيتناتنه وجان متهلف عليه وكأنه اني اول مره يعرفه بحياته خلاني بيومه اميره وملكه وبدت لقائتنه وكعادتنه وصار يوميه يخابرني ونلتقي بالكوفي لحد ما ادمن عليه وصار ميكمل يومه بدوني ليث صاحب كيف ومزاج وهالنقطه جانت من جانبي لان اني هاي لعبتي اعرف شون العب على اوتاره الحساسه وبنفس الوقت يحب المره الكامله من كلشي كلشي

اجرلي شقه وكعدني كتله اني ماعوف شغلي كلي انطيج راتب وفعلاً كعدت بشقه وانطه لابو الكوفي فلوس كومه بس حتى يعوفني بحالي
مو داكولج يحبني
تجي ايام ميعوفني يبقى بالشقه ايام كامله ويتونس ويكيف

وتجي ايام يختفي واتصل بيه يغلقه او يرفضه وراه يرجع يجيني

يعني اني نبر وان بحياته ..

كتلها باعي
حالج من حال الي راحو فترة وتنتهيييييين
وسديته منها ..

انهاريت ..كمت افتر بالغرفه مثل المخبله
واحجي ويا نفسي
شبيه نققققققص ..

كعدت كبال المرايا ..

مكيجت وجهي اشكال
ولبست ثوب اسود قصير وحذاء عالي
وانتظرت يجي

اجه ليث ..
طب للغرفه
جنت كاعدة
وبايدي ..جكارة
فتح عيونه حييل عليه
ولج شدسوين
شسوي
اسوي مثل ملاك وفجر ..
كولي شناقصني كووولي ..
شسوي الك اركص ..
اصلخ ..
اخبل روحييي الك شسوي بعد ..
لزمني من ايدي وجرني للحمام ..
ذب مي ع وجهي

غسلي وجهج
مااغسل
اني بنت لليل الك
سوي الي تريدة ..
تريد شامه ..
تريد اصخم نغسي
لزم ايدي اثنينهم ..
اني احبج مثل مانتي ..
وكعت جوة رجله
كتله متحبني ليث
كول خالج طبخ ونفخ ..
كومي
ماكوم
جرني
عوفني ..ابوس ايدك ..
يوميه عطر اشم بيك لحد ماعطرك انمحى يوميه اشوف اثر مو الي ..
اني غبرة غبيه علمني ..الي تريدة ..
ولج كومي ..

كومني ..
كعدي ..
كعد وخله راسه ع حظني ..
انتي امي وابويه وانتي هذا النفس
اخذ نفس ..عميييق ..
بدونج اموت
حقج ...
راح اعوفها ..
نزوة ..
كتله هم نزوة تعبت ..
من نزواتك ..
ومنك ارحمني اتمنى اموت ..
لا تكولين هيج ..
تعبت ليث ..
كرهتني بعيشتي شكو وحدة ساقطه تصير براسي
مراه
وانتي ستهم يرحولج فدوة ..
احلفي متعوفيني
ماعوفك
حلفي بداعه جهالج ..
انتي غيرتيني اموت اذا ترحين ..
ليث ..لا تجبرني ع شي
كام
كال هاااا ..
اجبرج ناويه تعوفيني ..
ولج بفلوسي..اسويج واسوي غيرج ..
زين ..
يلا سدي الموضوع ..

وانتهت لليلتنه ..بدمع وندم ..وكلام جارح ..
وثاني يوم مبلغ من المال وقطعه ذهب ..
كمت اخذها منا واضمها منا ..
ماهتم لشي ..
...
فتحت عيوني ..
عبالك جنت بحلم
صارت ب11وهو ماكو كلبي لجمني حييل ..
كمت نومت الجهال ..
وسديت البوب ..
كلت اكيد يم ملاك ..
اريد بس اهدء ..

احس براسي ضوضاء ..الكل يحجي ..
بقيت دايخه اروح واجي ..
اطلع برة
واطب ..
ساعه ابجي وساعه اغم روحي اكول يمها
اصعب احساس هو الانتظار يخنك لواحد
احس روحي مخبوصة بداخلها توتر وهوسة بس شنو بالضبط ما اعرف بس احس اكو شي
باوعت على لساعة ب2 صارت ومرجع كلت اتوضئ حتى تبرد ناري واصلي
بعدني..
كعدت ككت ابجي
ربي احبه
اي احبه
هو سندي وكل حياتي صار
رجعه الي سالم
رفعت راسي
ربي بيني وبينك جدار
بس شوفني اصعف واحقر عبدك
لا توكعني
ولا تاخذة مني
راضيه بكل شي
مهما يكون سند
بدونة بشارع اصير
ربي فدواتك
بيش ادعي الك
وشلون انعكد لساني
احس اكو شي برد ناري بشوفته
بعدني بأول ركعة وبين السكون الي بداخل البيت والهوسة الي اني بيها سمعت صوت لباب هز البيت هز مو صوت دك لا صوت دفرات تكسر
يممة اريد بس اوصل للباب ما اكدر امشي احس رجلي ماكو انعدم احساسي بيهن
رحت على ا ام ليث شفتها هي هم فازة ودتكوم
شكو ريام
ما اعرف شكد الساعة هسة
فوك ل2 بليل
يا ستار
رحنا بالباب اثنين من جماعة ليث شكولهم صفرة ومكلوبة
شكو يمة
خالة ليث تصوب
من ورة لباب عيطت
مات مو كول
كلي والله بس متصوب


لا جذاب عيطت وحسيت اكو بوب وشبابيك بدت تنفتح مال جيران بس محد وصل يمكن الموت صار عادي وروتين لو محد يريد يشيل هم احد لو لو افكار هواي وخبصة بداخلي
بدلت على السريع حتى اورح وياهم للمستشفى اني والحجية
وصلنا ويا طريق برغم ماكو ازدحام بس شطولة
واتخيل ابالي الف صورة عن ليث يا ترى من اوصل شلون اشوفة اهم شي بي الروح لو لا
وصلنا لمستشفى *** كالونا بالطوارئ
شفت ليث نايم ونازعين ملابسة وما اعرف وين الجرح لو شنو بي دم واجهزة بكل مكان
الكاع ليمة بيها دم هواي ووصخ المكان
اركض منا ومنا ادور دكتور بس اسئلة على وضع ليث شنو
ماكو احد وغرفة الي دزوني عليها بيها دكتور الخفر عود
بيها اثنين سسترات يسولفن ويشربن جاي حتى من اسئلهم ميباوعون بوجهي
طلعت اباوع على العالم الي رجلة مشكوكة والكزازة بعدها بيها
لرجال الجبير الي ميكدر يتنفس وبنتة بصفة تبجي وتفرك بصدرة وتصيح لكم اوكسجين ابوي راح يموت
ملكيت اوكسجين
يارب هذا حالنا مدري على منو وعلى شنو اصفن
رجعت الليث الي يمكن ميت ومحد يدري بي
كلبي لزمني وصيحت وين الدكتور وين الغيرة ياربي شنو الي جرالكم يا لعراقيين ماتت عدكم النخوة يعني الدكتور حتى واجبة ميقوم بي...
رجلي ديموووت ياناس
اشك هدومي ..
املخ روحي ديموووت ..
اجاني واحد ضخم واسمر حيل وعيونة وارمة كلي شبيج تصيحين هاا
كتلة سلامتك بس رجلي ديموت وما اعرف شنو علتة
واحنا شنو نمنع الموت الي نكدر عليا نسوي
لا انتوا متمنعون الموت بس تمنعون الحياة
عفتة ورحت اركض على ليث اخاف اوصل اباوع من بعيد هذا الي اخاف منه هذا القاسي الي ميخاف ويهمه شي

ملابسة مششكة حتى البنطرون مشدود هنا وهنا
امة تبجي ..
وتكول انظلمت وظلمت وهاي التالي مشمور هنا محد يمك وين صحبانكم وينهم
صدك وين الي جابونا هنا شو بس وصلونا وراحوا شديصير يربي لمن اخابر يجي يشوف حل راسي وكف عن التفكير
اباوع من بعيد ما اكدر اوصل يمة
لمحت حراسة طبوا ووياهم اثنين مبين رتب وشي جبير
دخلوا وانكلب المكان سئلوا عن مصاب ضابط ليث
ما اعرف منين طلعولهم بهذيج اللحظة الدكاترة ويمشون وياهم والي يرحب والي يطمن والي يمدح بيهم
وصلوا يمي شلونة البطل
والله ما اعرف ما اعرف طكيت بجي بجي حقيقي مال قهر حسيت الي سألنيي ابوية اخوية
يمكن ردت احد وياية قوي بهاي اللحظات انهاريت وكعدت بالكاع
نزل يمي كلي كومي بنيتي لتخافين
بقيت كاعدة على صفحة واشوفهم يسولفون واحد بيهم كان عصبي على هذا نفسة الضخم الاسمر الي طلع مضمد معروف بالمستشفى وهو الي يستقبل الجرحى والمرضى وبكيفة يعالج ويحدد ويكتب علاجات هم
اجتي ام ليث كالت كومي ماما راح ينقلوا لغرفة فوك بالخاص مال مستشفى
وصدك صعدنا ويا واسمع طلعوا الاطلاقات ل3 اثنين بالرجل ووحدة بالصدر قريب القلب الحمد الله ماكو نزف داخلي بالصدر بس عظم الرجل متهشم وطلع منطي مسكن قوي شدولة مغذي ورتبوا الغرفة ومسحوا الدم عن وجه وعن جسمة ووو هواي تفاصيل بس اني جان بالي منو ضاربة وليش
غسلت وجهي ورحت يم الرجال الي عرفت هو لواء جبير ويحب ليث واله معزة خاصة عندة
سألت
شلون تصوب ليث
والله يا بنتي ماكو معلوماات لحد الان الي عرفنا مجهولين ضاربين عليا اطلاقات هواي بس الحمد الله الي اجني بي بس 3 ومكانهن مو كلش خطر وشامري بساحة طوبة شبابية
بس لتخافين نوصل للي سوة هيج ونجيبة من اذانة
اشكرك ربي يحميكم
كلي ...
بنيتي اعتبرني مثل ابوج واي شي تحتاجون اني والشباب منقصر ان شاء الله ....
من سمعت مثل ابوج دمعت عيني من جديد ونزلت راسي ...
سلم وراح كال الكل يمج لحد ماابو سبع يكوم ...
انكلب المشفى الى مقر عسكري
والكل تركص اله من ممرصات وممرضين
بقيت واكفة كبال ليث ...
ليث نايم مكسور ومجروح ...
ليث ذليل و مالة حول ولا قوة
اني هسة مسؤولة اني الي صرت ولي امر الة يا ترى شلون اتصرف واني لحد الان اخاف حتى امسح نقطة الدم اليابسة الموجودة فوك عيونة مترددة امد ايدي عليا لو لا
اباوع على النفس الي بصدرة يصعد وينزل واحس الهوة يخنكني..

[ملكةه]

عرين النار

ج 15
والاخير

ولكل بداية ..نهاية ..
واحيانا تكون النهاية هي البداية ..
بداية ..
رحلة ..الامتنان ..
عندما ..ينهار الجبروت ..
ماذا يخلف ..بعدة ..
حرب ..
ام
حب ..

غمضت عيوني .وتقربت منه اكثر..
كمت احاجي بقلبي مو بلساني ..
ليث تسمعني اني يمك وماعوفك ..
واح ابقى يمك ..
ليث كووم ..
حبيبي ..
جهالي وجهالك ينتظروك ..
كوم متلوك الك هاي النومه ..

جوي اثنين ..
ممرضين واحد ضعيف حييل والثاني قصير ..

وجابو سدية..

كتلهم شكو ووين ..
طب واحد من اصدقاء ليث
كال ام سبع ممكن طلعين ..
راح نحوله
لمستسفى خاص
ليش شكو شصاير
لا ماكو سي ..
بس لازم انقله ..
ماعرف ..عبالك بحلم مغوش ..اريد بس اصحى منه ..

زيرجع كل شي لمكانه
اريد ارجع طفله
وانسى كل الهم .

اخذو ..زرحت وياهم ..
بس طريق عن طريق يختلف
طريقي هالمرة بي حياه او موت
بي ..
نسبة الم تاخذ الروح ..

كل شي يمر بيه ..مو واضح ..حتى الشوارع والمحلات والوجوة والاصوات
كل شي مو واضحة ..
وصلنا للمستشفى..
وام ليث راحت ..يم الجهال لان وحدهم
واني بقيت ..ويا ..
اخذو ..
للعمليات ..
شكو ماعرف ..

بعد كل طاقه مابقت عندي ..
المستشفى صح نظيفه كلش ..
باردة..
بس كل شي بيها يوحش الروح

تليفون ام ليث بقى يمي وكل شويه يجي
اتصال منها ومن الجهال
واقرباءة
وبدت عالم تجي ماعرفهم ولا شايفتهم ..ابد ..
وتسال عنه وتوكف يمي ..
وتصبر بيه ..
من كثر الرياجيل الي جوي
جنت ماكدر ادخل للغرفه
شويه ارتاح
المستشفى انترست ..
رتب وعالم ..

ساعه وطلعو من العمليه .

تحت تاثير البنج

اول مرة اسمعة ..وهو مو بوعيه
سمعت كميه ..جبيرة من الغلط ..
ع الكل
وجان يذكر اسم ملاك هوايه وينعتها بالسافله
وفجر ..
واني هم اجه ايمي
واهله ..
هرج المشفى بصياحه وصوته الخشن ..

جنت خايفه ادخل اله كلما اريد ادخل تدخل وجبه
من الناس ..
واتراجع اني
الى ان صحى ..
زدخلت اني ..
دقيقه ودخلو رياجيل ..
بين الناس اباوع عليه ..مثل الطفل بازدحام
ومتيهه امه ..
اطمءن عليه
واريد اكوله اني هنا معفتك ولا اعوفك بيوم ..
الي عرفته ..
رجله محتاجه بلاتيين ..

وسوو اله عمليه اولى ..
وبعد تنتظرة عمليه ثانيه ..

بقيت يومين ..يمه

مكدرت احجي وياه اي شي ..

او اكعد واسمع منه ..
الفجر حسيت بي كعد
ويون من الالم
رجله جان جرحها مفتوح وخايفين من التلوث ..
لهذا فاتحيها ..
تقربت منه ..
لييث شتريد ..
كال ..ريام الم الم
دزي ع مصمد اريد ابرة شي مداتحمل الالم ..
كمت ابجي ..
مو ذاك الصوت القوي الاولي لا صوت مهزوز

كتله ..لا تخاف اني يمك ..

كال ..ماخاف اني بس دزي اريد مسكن ..
طلعت اركض ع غ فه المصمد
جانت مسدودة الباب
دكيتها اكثر من مرة
طلعو الي سحبته من ايدة
زكتله المربص ليث ابرة يحتاج ديصرخ من الالم ..

ضربه ابرة ..
وبعد ..كم يوم دخلو للعمليه الثانيه ..

اني بالفترة هاي احس انتهيت من التعب
ارجع للبيت ..
اسبح واخذ غراض واروح ..
مالحك احجي ولا اشوف احد ..

ماعرف مين القوة اجتني وتحملت الي صار ..

بعد العمليه الثانيه ..

طلعو من المشفى ..
وطلعت قبله اني من الصبح
جان مثل مصباح العيد
هيج فرحتي ..
راحت ذبح الايام الي بيها كرهه
وبيها حقد ..
كل شي انمسح من عقلي ...

عبالك اليوم اول مرة اشوفها بي ..

حضرت الجهال ..
واهلهة محضرين الذبايح ..
بعد التعب ام ليث حضرت اكل من برة
وحلفت من الذبابح ولا قطعه لحم تدخل للبيت

دكت ساعه 12..

واسمع صوت ..هوسه برة ..
جنت داحضر الاكل ..واحمي بالفرن ..
رحت مديت راسي ..
اشوفهم دخلو
بس مو هاي الدخله الي اريدها
مدخلي ع كرسي متح ك ..
عيوني جمدت
ولزمت قلبي ..
اسمع صوت هلاهل والحمدلله ع السلامه
بس قلبي انقبض اكثر ...
ممتوقعه ليث مقعد .
بقيت بالمطبخ اروح وارجع ..
دخلت عليه ام ليث ..
كالت ريما كمل الاكل لولا ...
ي خاله كل شي جاهز ..
دقايق ..

بس ليش ليث ع كرسي
كالت لا تخافين يرجع
بس ميكدر يمشي هسة ..
مدة ويرجع
بديت احضر بصواني ..
جانت مناسف تمن ولحم ..واكو دجاج ..

اخلي ويجون ياخذون ..
طبت عالم ماعرفها ..ابد ..
واكثرها رياجيل ..
ويمكن 3نسوان يمي ..
مو من ذبه اهل ليث معرفتهم منو بالضبط ..
يختلفون ..عنهم ..
حتى بطريقه الكلام والبس ..
وكفت بصف ام ليث
كتلها خاله ذولي منو ..؟؟

اندارت عليه ..
كالت ذولي اهل المرحومه ..
صغنت منو منهم ..
كالت ام سبع
وذني خواتها ..
وسفتي ذولي المعكلين الي طبو ..
ي ..
ذولي اخوانها ..
هااا..
يلا خفي ايدج ..
بقى بس الطرشي ..
فتحت الكاونتر جريت الكاست ..
وكعت العلاكه السودة ..

اذكرتها
من يوم الحادث لليوم ولا فاتحتها ولا شايفتها ..

اخذت الكاسات ..
وجريت العلاكه ضميتها بعد ماشفت يمنا ويسرى
ماكو احد ديباوع عليه ..

كملت الاكل ..
وتعبت وحسيت بدوخه اكثر وكل شويه تلعب نفسي
من ريحه اللحم وشكله ..
حتى

مكدرت اكل شي ..
من الاكل ..
بعد ماكملنا الاكل وكعدو الكل يسولفون
والي ر

اح والي بقى ..

والجهال رايحه جايه ع ابوهم عبالك عيد ..

جنت تعبانه حييل اريد ارفع راسي ماكدر ..
كمت اتوجى ع الحايط كتلها خاله راسي
ماكدر ارفعه بعد ..
راح امدد شويه ..

قبل لا اصعد ..
رحت ..اخذت العلاكه وضميتها بهدومي
وكوة جنت اصعد فوك ..

صعدت وسديت الباب ورايه ..
كعدت ع جربايه ..
وجريت العلاكه
وفتحتها ..
شفت بيها فلوس ..
واقراص 3 وفلاش مال حاسبه ..
بقيت متحيرة ..
شنو هاي ..
وشنو الي صار وبسببه ليث ..
هيج صار بي ..

كمت ادور ع الحاسبه ملكيتها
دخلت ..لغرفه ملابسة ..
اول ماطبيت شفتها
ع الميز خالها ..
اخذتها ورحت ..
خليتها ع الجربايه ..
كمت ..قفلت الباب ..
كعدت ع جربايه وفتحت الحاسبه دخلت القرص
جنت ارجف لا اشوف جريمه ..
استغل القرص
غرفه وكنبه واثاث ..
فاتت وحدة اريد اركز منو ..
بدت تتعرى امام الكامرة

وجرت واحد ..انتبهه اكثر هذا ليث ..

بقيت فاتحه عيوني
وايدية ع وجهي ..
وصلت مرحله
سديت عيوني ..
وكمت ادوس الى ان طلعت من الفيديو المقزز..
كمت افتر ..
بالغرفه اروح وارجع ..
والم بمعدتي قوي ..ونفسي تلعب ..
واختنكت ..اكثر ..
رجعت فتحت الباقيات ..
نفس الشي ..
ونفس المراه هي ملاك ..
شي مقزز وصعب حييل ع نفسي ..
سديتها ..
واخذت الاقراص وضميتها ..
بين لوحه والحايط ..

متحملت ..رحت للحمام ..تقيئت ..
جنت ابجي ..واصرخ ..
مرات صراخنا يكون ..مخنوك ..
كعدت بالكاع اريد اعرف الذنب الي سويته شنو..
حتى الكل عليه ..
اخوان وابن وزوج ..
صعب ..
جنت اسمع اي بس الشوف يختلف ..
من يومها ..
قرررت ..اسكت والى الابد ..
كلما اواجهه بخيانه احس قيمه من كرامتي تنتهي
واحس جزء من روحي يختفي ...

اي ادري يخون واعرف بي يسووي هيج بس من شفت كلشي تغير شي بداخلي انكسر انهاريت
كعدت بالغرفة ابجي ومطلعت بعد ساعات مرت واني اروح اشغل واشوف وانتبه على تفاصيل وملامح وجهه حركات ايدة وهو يتلمس جسدها القذر
اباوع وادور على الشي الي بيها وعجبة واني مابيه
ليش هيج ليث
شنو السبب والله تعبتني
انهاريت بجي سمعت دك على لباب
منو
صوت مي مسحت وجهي وفتحت الباب
هاا حبيبتي
ماما شبيج عمو ليث بي شي
لا حبيبتي مابيه شي
اي مابيه شي اكثر من الي صار بيه
مالي احد ومالي سند ولا كأنوا اني اخت احد
صح اني تعبتهم بس ضرفي اكشر مو اني السبب
ماما روحي اسبح واجي ..
نزلت ..

طبيت للحمام
جوة الدوش وفتحت مي بارد وكعدت بهدومي حجيت وية نفسي عبالك اني وحدة ثانية
ريام كومي لخاطر جهالج
ريام هل السجن والسجان الي بي احسن من الشارع لو منية اخو حبيب مرتة
ريام ابني نفسج بنفسج وواسي نفسج انتي لا تنتظرين ايد حنينة تنمد الج وتواسيج
طلعت وبدلت ملابسي وشلت شعري حيل رسمة ضحكة على وجهي ونزلت واواسي نفسي ولازم
اقاوم واستمر
اطفالي واطفال ليث ..
اولى من الدموع .
شفت ابراهيم يلعب بالتليفون..
كتله راحو الرياجيل يم عمو ليث
كال لا بعد كم واحد ..
ضحكت ..
وحضنتة كتلة
ابني وحبيبي اول فرحتي بالدنيا سندي احبك ماما سامحني
بقى صافن عليا كتلة شنو يعجبك على العشة ..

صاحت نرمين اريد بيتزا
وانمار عجبة معكرونة
بقى ابراهيم صافن عليا
دخلت للمطبخ احضر الاكل واحس اني جديدة اني ام وزوجة مخدوعة بس تعودت
حسيت ايد على جتفي
ماما عاجبني كيك كيك مال امي اطيب كيك
صوت ابراهيم مدري اضحك مدري ابجي
اي تدلل يا روحي
رجعت اشتغل واروح واجي وافرح وياهم بس تعبت ودوخة تلزمني حسيت بنفسي حامل يمكن لو تعب المستشفى والقهر قطع الدورة ما اعرف..
جنت اتهزم من لقائي ويا
القاء الي اصعب مايكون
كل لمسه منه راح احسها نار
ع جسمي ..
وكل كلمه احسها تذبحني ..

اما ليث انعزل بغرفة جوة ميكدر يصعد فوك واول قوانينة من رجع للبيت محد يدخل عليا بس اني وامة
طفل وعصبي وعنودي تعبتنا هواي ويا
مزاجي متمرد ساعة
طفل صغير مكسور ساعة
تعلمت على وجهة وصرت اقرأ اول تعابير وحسبها اتصرف
ساعات ميباوع وجهي ويكول مابيه شي ليش هيج تحجين وياية
وساعة اني وانطي الدوة او اعدل نومتة يجر ايدي ويبوسها واشوف عيونة بيها دمع
قررت اروح اسوي تحليل واشوف معقولة اطلع حامل وصدك طلعت حامل احس اجاني حمل فوك احمالي الي شايلتهن
ما اعرف بيومها فكرت الف تفكير اسقط نفسي واخلص
هو اني بيا حال والاطفال الي بهذا البيت شلون عيشة حتى اجيب بعد طفل وينظلم هنا
بيومها نمت من وكت من كثر التفكير
حسيت على ام ليث تكعدني
بنتي ليث يريدج انزلي على السريع
نزلت شفتة اول مرة اشوف بهيج منظر وينكسر كلبي عليا
حتى بالمستشفى مو هيج جان
طفل يتيم الاب والام تعبان يتوجع يبجي واخيرا دموعة الي جان حابسهن نزلن بحضني
ريام محتاجج نمت يمة على الجرباية ام النفر
حسيت صرنا واحد
كلي
ريام سامحيني ..
احبج والله احبج
شتريدين امري
سامحيني اني ماستاهل مثلج
اذيتكم
سامحوني
مسحت دموعه
وحضنته حييل ..
و نسيت الاذية يمكن بس اثرها بكلبي محفور
كتلة ليث اني حامل
كلتها بدون تفكير وتخطيط كلتها من كل كلبي

لحبيبي
ضحك ودموع بنفس الوقت
عشنا واتعيشنا
تعبت ورحت وجيت مراجعات وادوية وتحاليل
ايام وتعدي علينا عشناها حلوة جانت
حسيت اول مرة اصير ام وهو اول يصير اب ..
يمكن الوحش الي مكسرة شي
كسرتة اني لا مو اني كسرتة طفلة تغير وصار
ليث اسد مع وقف التنفيذ..

وجبت رهف ...
الي غيرت تقلبات فصوله ..

مرت السنين ..
ورجعت صحة ليث ..
بس يعرج ..
ماكو شي ينكسر زيصلح
لا اجسادنا ولا ارواحنا ..
سالته اكثر من مرة عن سبب الحادث
يكول مجهول ..
ومحاولت العب بالهيب الذكريات
زاكولة
الي صار ابتزاز
وخفت ع منصبك وموقعك ..
وصار الحادث ...
سالني عن العلاكه ..السودة ..
جبتها اله ..بابتسامه ..
مرات المواجهه تكسر
والسكوت يفوز ..

ولليوم اني ضامه سر ..شوفي للقراص ..واعرف السر ..
ليث اتحول بمنصبه الى اداري ..
بدة يتغير كل شي بي .
حتى تصرفاته وقوانينه
بدت ..
تليين مع السنين ..
تنازلت هوايه ..ودست ع نفسي اكثر ..
بديت اعرف اروض الاسد ..
وبديت ..اختار كلماتي ويا
كلمات ..كلها دفئ ..
حاولت وحاولت وحاولت ..حتى ابقي البيت الي بنيته
بدموعي ..والمي
كبرو الي جنت اسميهم اطفال
صارو شباب ..
ومع الاسف ابراهيم نسخة من ابو
لكن حبي ..اله
وقوة ليث كدرت اسيطير عليه .
اما الباقي ..
مي ونرمين ..

بدت مرحله المراهقه ..وجانت متعبه الي جدا ..

حاولت اكون ام لكل
واولهم ..ليث واخرهم رهف ..

ام تسامح وتغفر مهما تكون خطاياهم ..

ام .تحتضن الكل وتطبع قبله الرضا ع خدودهم ..

بدون مقابل ..

نسيت عندي اخوان ..واهل ..

مرت سنين طويله وماعرفت عنهم شي
حتى الحنين ايمن ابتعد عني ..

جنت ايام الوم نفسي ..اني الي خسرتهم وبسببي
ومرات لا اكول ..

حلقة الوصل بينا راحت والي هي امي ..

وانتهت وياها الخوة ..وايام الحلوة ..

توجع ..تكون وحدك ..

ويتخلى عنك اقرب الناس ..

ولازم تستمر وتكمل مشوراك..
مع 5ابناء

طوال هاي السنين كلها
ماحسيت بيوم فرق ليث بين اطفالي
واطفاله ابد
الي يجيبه لاطفاله قبله الكاه ..
عندهم ..

مرات ..مناخذ من الحياه كل شي ..

الحياه علمتني درس جدا قوي ..

وهو ..

اخذ وانطي ..
اخذت سنين طويله واخذت الامان ..واحساس الراحه ..
وانطتني اطفال نعمه ..والمال والجاهه ..
وزوج
ايام يكون طفل وايام يكون اب ويام يكون الحب

مع العلم لليوم وين ماطلع
يشار الي ..بالاصبع ..
ع ليث ..وهيبته ووقارة ..
لليوم اسمع كلمه ..
هنيالها
او
ماشاء الله..شلون زواج ورجال ..

احنا كبشر ..دائما ..نشوف الظاهر فقط ..
نرى الشمس ..هي سر الضوء والحياه
وكوكب منير جميل ..
لكن ..الحقيقه الشمس ..كوكب من نار ..

الاقتراب منه مميت .

وهاي حياتي مع العرين ..

اعيش
داخل نار سنين متواصله ..

والسنين صنعت مني جليد ..
حتى اكدر ..
اطفي نار العرين ..
واحول البيت الي جان كل ركن منه ..
اسود الى الوان زاهيه ..
بحب ..وامل ..

وبعد هاي السنين ..
اليوم ..
اكدر اصرخ بكل صوتي واعترف ..

اني يوما ما اجرمت بحق نفسي
عندما اخترتك لي شريك
شريك وضع سلاسل من نار ..
حول رقبتي ..

اهمال
والخيانه
والشك
والغيرة
والمرض
والغرور

جعلت مني لبوة ..من جليد لتهزم ..
نار العرين ..

وتثبت ان الحياه ..
والامان والتغير والاستقرار..
انا ..
حواء ..
انا حواء ظاهرها قوي
وداخلها مكسور
لكم الظاهر
والبواطن لي...
النهايه ..

[ملكةه]

اعتذر علـى الاطاله
اتمنـى القصه نالت اعجابكم
قراءة ممتعه

[زفير]

يمكننا تقبل فكر موت من نحب بتعاقب الايام
قد نحزن . نتألم . نبكي .
لكن بالنهاية سوف نتأقلم دون شك
اما ان يموت الاحساس بهم وهم على قيد الحياة
ان يسقطوا من اعيننا دون رجعة
ان ندفن ارواحنا في متاهات الحيرة والشك والغيرة والخذلان والخيانة
فهذا هو العذاب الكبير
الذي لا يضاهيه اي عذاب
انكسار
خذلان
خيانة
شك
غيرة
تلك الأمور هي القاتل المحترف للمشاعر والأحاسيس الانسانية

ما قرأته هنا جريمة بحق طفل حولته الى وحش كاشر
أرث من اضطهاد كبر مع صاحبه وكاد ان يتركه لمن يليه
لولا تدخل الموت
وسيدة وحيدة مستضعفة تخلى عنهى اقرب الناس لها
لأنها احبت بصدق
كانت متسرعة نعم لاكنها عفوية طيبة
الطيبة التي لم يعد لها مكان في مجتمعاتنا

زينو
شكراً لكِ