هنا

[ملكةه]

مابين
الماضي المؤلم
و
الحاضر المبهم ...

تولد النار ..ويشتعل لهيبها ..بين ذكرى وانتقام ..
عرين النار ج2
لهيب الذكريات

[ملكةه]

عرين النار

الفصل 2
ج 1

في الليل ماذا يحدث ..
تصرخ الارواح ...
تتضارب الافكار
لتعلن ..حرب
حرب خاسرة ..من بدايتها ..
. لا تنتهي الا بقدوم النهار ..
واشراقة الشمس لتمحي معاناة الليل ..
هناك من تتقلب ذكرياتهم ..كاتقلب الفصول ..
شتاء
صيف
خريف
ربيع ..
واحيانا ..تتوقف الذاكرة في الخريف وتتساقط الاوراق
اوراق الذكريات ..

حسيت بهوى عالي يحرك الجام
بقوة وتهتز

فتحت عيوني
الغرفه ظلمه ..حييل .
كمت من فراشي ..ريام ..ريام ..
اذكرت ..بيت اهلها ..
اووف ..
نزلت من السرير ..
وصلت يم البردة ..
اتلمستها ..مسدودة ..
انداريت اريد مي احس ريكي يابس ..وكوة اجر النفس ..
مديت ايدي ..
شي غريب هاي مو غرفتي ..
فتحت عيوني اكثر اني وين ..
جان ضوة الكراج يعكس الي للغرفة ..
وبانارة خافته ..
شفت مو غرفتي ..لا برداتي ولا غرفه نومي
كمت بسرعه
التفت ..وين اني ..

حسيت كلبي دكاته زادت ..
وين اني ..
اسمع صوت ..ون ..بس ناصي ..
وصوت كلام موواضح ..
منو هنا ..
منو..
سمعت ضحكه ..عاليه ..بس هاي الضحكه مو غريبه عليه ..
منو هنا
كريمه ..
ريام ..
اشببه بالاعمى ..كمت امشي واتلمس ..
بس ماكو لا سرير ولا شي ..
وصلت لحايط ..
ضليت اتلمس بي لعل اوصل واشغل الضوة ..
ماكو كل شي فارغ
واحس صوت نفسي اعلى من صوت الهوى العالي ..
رجلي طخت بشي ..
منو هنا
ريام ..
كريمه ..
منو
يووم ..
محد يجاوب ..
وصوت ..البجي قرب اكثر ..
وحسيت احد تلمس رجلي ..فزيت
رجعت من مكاني ..
منو ..
بصوت ناصي .
ماما ليث ..
منو
اني امك..ليث من ينام ابوك اجيب القصه واجي اقره الك
اشششش بلا صوت لا يسمعنا ..وغطت راسها باديها
بقيت افرك بوجهي وعيني اريد المح شي

تقربت اكثر ..
ي صوت امي وهذا عطرها ..
نزلت للكاع وكمت ازحف ..اريد اوصل الها ..
كلما امشي ..الصوت يبتعد عني اكثر
والهوى الي بريتي احسة يقل
واصوات الي بالغرفه زادت ..
مداركز منها شي ..
فجاءة اشتغل الضوة ..
ورفعت راسي ..وكفت ع حيلي
وصوت دكات قلبي دك باذاني ..
غرفه فارغه ..
وبيها اربع حياطين ..
بقيت اتلفت واباوع ..
كل ركن بيها ..
شخص ..
هاي امي ..
وهذا سبع ..
وهاي زوجتي ..
سبع بايدة سلاح ويلعب بي ..بس الكاع كلها دم ونص وجهه ماكو ..
سبببببع ..اتقربت عليه اكثر ..واحس الكاع تبعد.
سبببع ..درت وجهي ..
هاي امي دتلعب بشعرها ..
سبع ماما ..
احجي محد يسمع
احس جوة رجلي مي
اباع الكاع كلها
دم
ضليت اتلفت واصرخ
منو يسمعني
اني هنا
شنو هاي
ماما
سبع
كلما اتقرب ع شخص يبتعد عني واحس الغرفه بدت دوور بيه
دوران
لزمت راسي احس بصغط
والكل يحجي
بابا
ليث
تعال حبيبي
مدافتهم شي
اريد اصرخ بصوت ماكدر
الكلام وكف ..بالعومي
لزمت حلكي احس بحرارة
تلمست وعيوني ادور بكل مكان بالغرفه
ملامحهم جانت غريبه اشبهه بالاموات
حسيت دم مسحت حلكي الدم اقوى
ونزل للكاع
وفجاءة الدم مثل البوري وداسيطر لا ع نفسي ولا الاصوات
واشكالهم بدت تزرق وتصفر ..
وشكلهم صار يخوف اكثر
كمت امشي واعثر بدم الي يوكع مني
لزمت خشمي وكمت من الكاع
بحاله خوف وهلع
اريد اوصل للباب
الباب تغيرت ومشايفها قبل
باب كلها جام
وصلت يمها
مديت ايدي افتحها
طلعت بوجهي ريام خلف الباب
ريام ..طلعيني منا راح اتخبل
جانت تبتسم الي باتسامه تخوف
مديت ايد ع مقبض الباب ..بسرعه قفلتها
ريام
بقيت ادك واصيح
ريااام ا فتحي الباب ريااام
ابتعدت اكثر ..والرؤيا انعدمت عندي..
والظلام صار احمر بالون الدم
بقيت ادك بالباب
واحس اكو احد يلزم رجلي ..وسحبني
صرخت ..
الله

............
فزيت ...
من نومي ..بصوت هوى عالي
كمت مثل المخبل ..امسح بوجهي اريد اشوف الدم
شغلت التيبلم ..
واكلب بالفراش..
تلمست وجهي عركان ..ومحتر ..
ماعرف شبيه
جنت احلم
ايييي حلم ..
استغفر الله شنو هالحلم الي اجاني ..
كمت من الفراش..
اتعوذت من الشيطان ..
رحت غسلت وجهي بس احس روحي حييل تعبان مثل الي جان يركض ..وهو عطشان ..
طلعت من الحمام
اخذت بطل ..وشربت مي ..
والباقي درته ع راسي
مسطور
من الحلم
غريب جدا كلشي بي غريب
امي سبع الدم
ريام قفلت عليه الباب
اخذت جكارة وورثتها ..
حاولت اهدي اعصابي
من التوتر
اخذت الفون ..ورنيت ع ريام ..
مغلق ؟؟؟؟
شعجب هي متغلق فونها ابد
اتصلت مرة ثانيه وثالثه
نفس الشي مغلق ..
عجييب ليش مغلق ؟؟

شبيك ليث اضل بهالافكار السودة ماكو شي اكيد شحنها خلص ونامت
اباوع ع ساعه
بالاربعه ..
كمت ..واكو شك وقلق بداخلي
اخذت هدومي ..وطبيت سبحت
والحلم ميفارك مخيلتي ابدا ..
كملت..وطلعت ..
نزلت جوة البيت هدوء والكل نايم
طبيت للمطبخ
حضرت الي جاي
حتى اصحصح ..
كعدت ع الكرسي ..خليت الفون كبالي وبديت اكلب بي بايدي
اريد اتصل ع صهيب ايمن بس اطمئن ع ريام
ومن ساعه 7اروح الهم ..
احسن ..
واعجل بيعه البيت ..
وانقل نفسي قريب ع البيت ..

اسمع صوت القوري يصفر ..
فزيت ..
كمت كملت الجاي وصبيته وكعدت ..
مر بيه ح

لم ..دافي .و بارد ..
ريام
ضحكتها دمعتها ..لمستها ..
حبها ..
ابتسمت ..
وبنفس الوكت توجعت ..لان اذيتها هوايه
لا. .
اني اذي كل من يتقرب مني ..
حتى فجر مالها ذنب
..
وعقلي ياخذني لسبع ..
واحاول ابعدة عني ..
اخذت نفس عميق وطلعت برة ..بالحديقه ..
افتر ..
انداريت ع البيت ..
هذا البيت ..
متوارث من اجيال ..
من جدي لوالدي والي ..
معقوله افرط بي وابيعه ..
بس اني خسرت كل شي بسببه
الوانه اثاثة وقوانينه اخذت مني كل شي حلو ..

اباوع ع الطرمه بيها الف ذكرى ..

اجتي صورة كبالي ..
هاي اني ..
افتر بالبايسكل ..
انداريت امي بالمرجوحه ..
وبيدها ..مجله الف باء ..
رفعت راسها الي ..كالت عفيه بالبطل ..
عيونها العسلي .وشعرها ..
جانت الي ملائكه مو ام ..مشافت عيوني اجمل منها ..بيوم ..

وكعت من البايسكل ركضت عليه ..
حاولت تكومني ..
حسيت احد دفعها ..
ابويه
....
ابقي ابقي خنثي الولد بسوالفج هاي مال نسوان
اسمع ابو ليث خطيه تعور ..
اسكتي الزلم متتعور ..ولا تبجي ..
ابتعدت عنهم ..بسد السيارة ..
واحس رجلي طك وحدة بالثانيه ..
وضل يصرخ ويحجي عليها ..
ماريدج تربي
ولا تبوسي ولا دللي ..هذا ولد عيييب ..

غمضت عيوني ..
وفتحتها من جديد ..
اخذت حسرة ع طفولتي الي ضاعات بايد قسوة ابوية ..
الي مالها سبب
يصنع رجل ..
احسه صنع وحش مو رجل ..
واني نفس الاسلوب تبعته ويا سبع ..

رغم هوى الله كله
اختنكت اكثر ..
واحتاجيت ريام ..
ترتب حياتي الي تخربطت كلها وانتهت...
باوعت ااساعه بعد وكت اروح الهم عيب
دك الباب من هسة
اتصلت ..
مرة مرتين اكثر نفس الشي
مغلق ..
الحيرة والقلق زاد
اخاف امها صار بيها شي
معقوله ..
والحلم ..ضل بفكري وابالي ..
ماعرف شكد ضليت كاعد وافكر .
مديت ايدي ع باكيت الجكاير شفته ..
خلص ..
من التفكير ولا اذكر اشكد دخنت ولا فكري شنو قرر..
قرارات اهوايه
اولها ابيع البيت
وابلش حياه جديدة ..
ويا عائلتي واطفالي ..
وابتعد عن ضغوط الماضي ..
وبقيت اردد اني استحق حياة افضل ..
حسيت بابنا الداخليه انفتحت ..
وطلعت ..
امي ..
ليث ليث ..
مديت راسي
نعم ..
شعندك كاعد من الصبح
كمت ..
ها ماكو شي ..بس شبعت نوم ..
ساعه بيش ..
دارت وجهها كالت عبرت التسعه ..
خوش لعد اروح اجيب ريام ..
ماتتريك ..
لا لا اجيبهم ونتريك سوى ..
صعدت فوك ..
الكل كعد من نومه ..
طبيت للغرفه ..
فتحت الكنتور ..
طلعت ملابس الي ..
انتبهت اكو هدوم ..مخربطه بالكنتور ..
وهوسه ..
سديت الكنتور
بديت انزع ..
رجعت فتحت الكنتور ..
طلعت الهدوم الي واكعه
شكد اضوج من الهوسه ..
وكع منها شي ..
شنو هذا ..؟؟؟
قطعه ذهب ..شنو هاي تك تراجي ..
مين اجتي ..
اكو مجرات داخل الكنتور ..
هناك ذهب ريام..
دورت ماكو ..العلبه ..
استغربت وينها ..
منو صاعد لهنا ..
معقوله شايلتها ..
هي ؟؟؟؟
وواكعه منها القطعه ..
دكيت عليها اكثر من مرة ..
بين مداابدل ..
ماكو مغلق ..
لا اكو شي مو طبيعي ..وينها معقوله نايمه
خلي ادك ع الولد
بقيت افتر بالغرفه ..
اريد اتصل واتراجع ..
ماريد اتصادم وياهم ..
احسن حل اتصل بامها ..
اي ..
اخذت السويج ونزلت من الدرج
دك ...
جاوبت
هلا يمه ..
شلونج خاله ..
هلا شلونك ابو سبع ..
برحمه الله وانتو خالة ولو داضوجكم وينها ريام
نايمه يمه ..
ها اجي هسة عليها كعديها وفونها مغلق من البارحه
ليث يمه اني مكرمه وكاعدة بالغرفه بس بابهم مسدودة
حتة الولد نايمين
وهي خوما بيت غريب ..
من يكعدون ..اخليها دك عليك
لا خاله مداقصد هيج بس ضل بالي وعبالي نتريك سوة
كالت ...تعال يمنا اتريك ..
لا شكرا ..
اجيهم العصر ..
وسديته منها ..
صعدت بسيارة وطلعت من الكراج ..وابالي اخذ كيمر وكاهي وارةح لاهل ريام ..اي خوش حجة اروحلهم هسة ..

بس طلعت من الكراج
اندكت باب السيارة
اندرايت
مراة عجوز جبيرة
ادك بالجام
نزلت الجامه
اتفصلي ..؟؟؟
كالت
يمه انت استاذ لليث
اي نعم تفضلي .
بدون مقدمات ..انهارت
يمه دخيلك ودخيل اهلك انة واكعه عليك
شكو حجيه منو حضرتج
جانت تنهد وجر النفس كوة
يمه اسمعني انت لليث ..
اي اني ..
فتحت الباب ونزلت
تفضلي المطلوب شنو ..
اكدر اساعدج بشي ..
جان شكلها كلش تعبان ..وتحجي وحلكها يابس ..
وترفع اديها ع وجهها وتمسح دموعها بشيلتها ..
واديها ترجف ..

......
بحياتنا الحذر واجب ..
مو من منصب لا كوضعية عامه ..وامن بلاد ..
لكن هالمراة حسيت منها بمصداقيه ..
ورجفه اديها ..يستحيل تكون ..تمثيل ..
كتلها اصبري الي ..
قفلت سيارتي ..
كتلها حجية هذا بيتنا ..تفضلي جوة .واسمعج واساعدج بالي اكدر عليه ..
باوعت ع البيت وعلية ..
كالت ..
اني مو مجدية ..اني طالبه جاحه وحاجتي يمك ..
مادخل بيتك ..
اكعد هنا ع تيغه ..
الي بالباب واسمعني هنة كلمتين وارد لاهلي ..
مشت كدامي وكعدت ..
وكفت كبالها ..
ادخلي احسن نكعد بالحديقه ..
لا ابد ادخلك من تنكظي حاجتي ..
دكيت
الجرس ع اهلي ..

اسمعج ..

يمه دخيلك اروح فدوة الك ..
حجية الي تردي شنو واني حاضر ..
ابني يمه

..
شبي ..
ابني يمكم ..
ودزوني عليك ..فدوة اروح الك ..
الله يحفظك لشبابك ..
والله والله ..
مامسوي ذنب ..
وراح بيها ..
بهالاثناء ..طلعت كريمه ..بالباب ..
كتلها جيبيلي كرسي ..ومي بارد شويه ..
استاذ ليث شكو
ماكو شي ..روحي وسدي الباب ..
دقايق واجتي ..
كعدت كبالها وجانت الشمس تضرب ع وجهي..
وملامحها ..
وتجاعيد وجهها ودك الي ع وجهها موواضح ..
بسبب الشمس ..
بس جان اكو عطر بيها ..
مثل ريحه البخور ..
رغم قوتها بس حسستني بالامان وياها ..

....
كملي ..مفهمت شي لحد هسة يامي انتي ابنج شجابه يمي ..

يمه يمك الولد كالو الي اقسم برب الكعبه من الفجر انا طالعه وعافيه وراي مرته وجهاله اربعه ..
ومكابله المركز مالكم ..وماكو رجة يايمه ..ماضل سكر ضغط كلهن صعدن وماشفته
احلفلك بيش تريد ماله شغل بشي
كل الي صار ..
واخذت حسرة وفتحت الماي ..
تريد تقربة لشفته اديها ترجف والكاع تبللت وهي لحد هسة ماشربته ..
خلت شويه باديها ووغسلت وجهها وعدلت شيلتها ..

كالت هناك يمنا ..
جواد ..ابن ديرتنا ودوم ياخذة بكروة يايمه العيشة صعبه
والفروخ هواي ..عدنا وكلها فاتحة حلكها ع اللكمه ..
وابني محمد ..بس هو يشتغل ..تكسي
اخذة جويد
وعبر بي لهنا يمكم ..ولزمو
الوادم تكول لكو بسيارته مخدر والله يابني بس بلمسلسل نشوفه هالمخدر وابني ماله ذنب
وابني راح بعد ..
دك عليه كال يمه رحت اني الحكو الي ..
وجيت هنا ودورت لكيته ..
بالمكافحه يايمه
والله كفيلك ابو فاضل لا اله بالمخدرات ولا شي ..

حجية مافهمت شي يامخدرات ويا مكافحة
الي دلاج عليه غلطان
لزمت ايدي وجرتها تريد تبوسها ..الله يحفظك ويعمر بيتك اني مثل امك ودخيله يمك لا بيتنا هنا ولا ديرتنا ابوس رجلك
لا استغفر الله انتي امي ..
بس ..مو شغلي هذا ..
لايمه قبل يومين لازميهم ويمكم
بين ماتصعد اوراقه
اها ..
يامي اذا لازمي بحوزته شي هذا ماكدر اسوي شي ..

اني الي عليه احقق ..واطلع الصدك من الكذب ..
واسد المحضر ويصعد للقاضي يامي ..

يمه دخيلك ..
بقى الوضع فوك ااساعه واني مامفتهم شي ..
الى ان ..اخذت اسمه الكامل ..
قنعتها تروح واني اتوله المو ضوع اذا جان مظلوم ..

واذا لا احاول اساعدها بشي بسيط ..
اتصلت بزميلي بشغل ..
وكتله لا صعد اوراقه واني اجي احقق وياه ..

اباوع الساعه اجاوزت ال12
جان الوكت يمشي بطيئ ..
ويوم غريب ..
رجعت اتصلت بريام ..
وكذالك مغلق..
الحيرة والقلق دخل بروحي اكثر ..
فريت السيارة
وتوجهت لبيت ريام ..
مستحيل لحد هسة نايمه الا اكو شي ..وينها ..
اكو انسان طبيعي لل12نايم ..
وصلت للمنطقة ..
مالتهم ..
ودخلت بالفرع واحس راسي متبنج بين الحلم والذكريات والحجيه وريام ..
من بعيد اشوف صهيب وايمن بالباب وولد يمهم ..
القلق زاد بأن اكو شي ..مو طبيعي .
وصلت ..وكفت السيارة شوية بعيد ع البيت ..
نزلت ..
وعيني عليهم ..
من بعيد ..
صاح صهيب ..
ولك ..اكسرك اليوم ..
وايمن يجر بي ..
وين ريااام وين وديتها ..

[ملكةه]

عرين النار

الفصل الثاني
ج 2

....اسوء مافي الخيانة انها لا تأتي من عدو ....

.........
اكسر راسك ..
وين ريام وين وديتها ..

كلمات اشبهه بالمطرقه ..القاضي ..

دق دق ..حكمت المحكمه ..اعدام ..

نفس واقعها ع نفسي ..
وين ريام
حسيت ..احد يجر بهدومي ..يوديني ويجيبني ..
فتحت عيني دفعته ..
كتله شنووو
مدافهمك ..
شنو ريام وين
ايمن ...صهيب اسكت منا الناس لا تخزينا
صهيب ..ولك شسكت اختي وجهاله ماكو ..
شنو ماكو ..احجي
مديت ايدي ع سلاحي ..
جرني ايمن طببني للكراج ودخل صهيب وسد الباب
صاحح اششششش لا تخزونا ..
منا العالم ..
ايمن ريام وين ..
احجي
صهيب ...فوكاها يسال انت وين وديتها
دفعته كتله الزم حدك وياية لا اندمك مرتي وييين ..
دفعني ايمن لحد باب ىالمطبخ ..
ودخلني جوة
ايناس ..
وام ريام كاعدين
ام ريام تبجي
وايناس حيرة بوججها
دخلو الولد
كال ليث اذا تعرف اختنا وين احجي
من الصبح ماكو
لا هي ولا جهالها
وغراضها ومستمسكاتها ماكو
يعني ،؟؟؟
وينها
صهيب ،،،
اليعني يمك ..مو يمنا من خبالك هجت اكيد

اني ليث ..
اب واخ وزوج والي منصب مرموق بالدوله
والكل تحلف باسمي ..
كلمتين ..
احس ضربه القاضيه ..
وينها ؟؟؟؟
وهجت ...
حسيت ..بحرارة بوسط صدري ..وبدة قلبي دكاته مومنتظمه ..
وعيوني ثكلت ..
مرت ع راسي بلاوي اشكال
واخرها موت ابني
ويمكن ريام النهايه ..
اكو كرسي قريب عليه جريته كعدت
كمت اخذ نفس لكن النفس الي اجرة حار حيل
وبعدهم امهم تعيط والولد يحجون
انمد الي كلاص ماي ..
اخذته وشربتة بس جان يتكسر بصدري ..
حاله اقل من 10دقائق ..
ورجعت اتنفس طبيعي ..
ومبينت لاحد اني ع وشك الانهيار ..ارتاحيت
كمت من مكاني ..
وكفت يم الباب
اسمعو عدل
كلامكم للباب ميكلع
هزمتوها انهزمت هجت راحت ..
يومين ..وريام يمي لا والله ..
كلمتين ماعيدها
احد يعرف الشمس ..
اوديكم وراها ..
صاح صهيب
صرخت بوجهه اسسسسمع ..
اني ابو سبع ..هوستك متخوفني ..
مرتي اخذها منكم ..
حاليا 3قضايا ..عليكم
اولا ..سرقه ذهب واموالي
اسكت واسمعني
ثانيا ..اختفاء زوجتي ..
وثالثا والاهم ..تهجم على ضابط بالدوله ..ماعدا الاتهامات الي نسبتوها الي ..

شوف يا بطل يطلعكم منها
قسم بالله لا صغير ولا جبير ولا مراة ولا رجال يوكف بوجهي
عفتهم ومشيت
وحجي هوايه ورايه ..
وصلت للباب ..
فتحتها وطلعت ..

وصلت للسيارة ..واحس نار بجسمي وراسي
و ينها ..
معقوله انهزمت ..
لو هزمزها
اني وياها لحد البارحه مصافين ..
وين اختفت ..
يمكن يتبلون عليه ..
رجعت نزلت ..
طبيت للبيت ...
الكل كاعد ..
دخلت ..
كلت اريد اعرف وينها ..
فتشتوا غراضها فراشها ..جوزاها
يمكن موجودة ..
او طالعه لاحد من صديقاتها ..
ايناس ..وينها ..
جاوبت ..بارتباك ..ماعرف والله ماعرف ..
جوابها بي شك اكثر من حيرتي

ام ريام ....يمه بدال ماتوكف ويانا تصير ضدنا ..
اخذت نفس واريد ارتب كل شي بدماغي بس احس عقلي متبنج...
صهيب ..من خبالاك ..انهزمت
ايمن ..يحجي ..
ايناس تبجي ..
ام ريام ..اسامه باكهم اكيد ..وتبجي،
واحد يرد الثاني ..شيسوي بيهم ..
كمت ..وعيني ع ايناس بس ..

صهيب ..ريام اسرارها يم ايناس
محلوة بحقك مراة ..تنجر للمراكز ..
افهم منها وينها .
لا والله ..احرك الاخضر بسعر اليابس ..
هجم عليه ..
ضربني ..
وضربته نومته بالكاع ..
مجنت اشوف احد كبالي ..

حسيت صراخ عالي ..وام ريام واكعه بالكاع اشبهه بواحد اجته نوبه الصرع ..
ادفع ادفع طلعوني برة ..
رحت صعدت بسيارة
اتصلت بحمزة ..
دك ..
الو ...
حمزة تعالي للمكتب هسة ..
شكو شصاير ..
داكولك تعاااال ...
جايك جايك ...
سديته منه ..
اتصلت ..باركان دك اكثر من مرة وماكو جواب ..
سديته وشمرت الفون ..وكع جوة الكشن بالمقعد الثاني ..
توجهت لشغلي بالمكتب ...
اول مادخلت رحت لولد
ع الحاسبه ..
كتله دكلي هذا الاسم شوفه وين ..
سيدي شبيك ..
داكولك دكلي هذا الاسم ..
اي حاضر ..
رجعت عليه ..
واسماء الاطفال هم ..
مي ..و ابراهيم ..
عفته وتوجهت لمكتبي ..
كعدت ..
وايدي اليسرى بيها الم ومنمله ..
شربت مي ..
وورثت جكارة ..
اندكت الباب ..
ادخل ..
سيدي هاي اوراق محمد وبعدني مساد القضية
يامحمد ؟؟؟
الي انت ..اتصلت بيه وكلت لا تصعدها للقاضي ..
عوف الاوراق
ع المكتب واذا اجه حمزة دخله الي..
اوكف جيبيلي جاي ..وحبايتين بندول ..
شبيك سيدي خيرك ..
باوعت عليه بدون كلام ..
سد الباب وطلع ..
مداعرف شصرف ..
اريد شي اصب غضبي بي كله ..
ولا اعرف ام ريام شصار بيها
واقسم بالله منا لباجر مبينت ..
اسحبهم كلهم هنا ...
مو اني الي يلعب عليه مو اني ..
بسيطه ريام لحد هسة مشفتي منو ليث ..
بتراب سبع ..الي ماكو اطهر منه ..
اذا مادفعج ..الثمن ..
لو اعرف اقتلها ..
اصكطها ..
امحيها ...
ايييييي...
مو اني الي يلعب عليه ..
اني
ليث ابو سبببع ..
اندكت الباب ..
انداريت ..
سيدي ..
ويامن تحجي ..
بقيت صافن عليه ..
كتله اجه حمزة
لا
دزلي محمد ..
خله ال

جاي الحبوب ع الميز ..
وراح ..
كوة كدرت اشرب المي ..يتكسر بالعومي ..
اخذت اكثر من مرة نفس ..
يلا كدرت ..
اخذ الدوة ...
كعدت واسترخيت وضليت افرك براسي ..
دخل عليه ..
المفوض ..ويا شاب ..يطلع عمرة بالعشرين ..
يشبهه امه ..
كعدة كبالي ..
وطلع ..
اخذت اوراقه وبديت اكلب بيها بدون تركيز ع الكلام
مجرد اصفح ..
سديتها ..
كتله اسمع ...
سامع بشيطان ..
ضل ساكت ..
كتله ااشياطن واكف ع راسي ..
احجيلي ..
كال سيدي والله مالي ذنب بشي ولا شغل بشي ..
كتله..هاي الكليشة اسمعها اكثر مما اسمع اسمي ..
احجي ..وضربت ع الميز ..
اعترف وخلص نفسك ..
الي مكتوب يمي لكو بسيارتك كونيه سلاح ..جنطه ..
بيها حبوب ممنوعه ..
انت تتعاطى ..
لا والله ..
تشتغل وياهم ..
لا سيدي ..
احجي ..
كال ..
اكو ولد يمنا اسمه جواد ..واني سايق ع باب الله ..
حتى سيارتي بالاقساط اخذتها و بعد مطلوب عليها ..
والله مداكذب بحرف ..
اسمعك ..
اجه عليه كال اخذك كروة للولايه ..وخوش مبلغ ينطيني ..
ياخذني منا للمطار ..ناخذ صديقه وبعدها ننزل بفندق ورة يومين نرجع وهذا الي صار ..
كتله مدافتهم شي ...شنو هذا الي صار ..احجي ..ولا تخليني اتبع وياك اسلوب اضبطك بي ..
ولو ممقصرين وياك ..
كام يبجي والله مالي ذنب اني سايق ..
شويه شويه نسيت الي صار ..
ودخلت ويا بقضيته ..
بالتفاصيل ..اسمع ..تريد جكارة ..
ياريت ...
قدمت اله جكارة ..
سيدي ..
والله هذا الي صار مو اكثر ..
وفجاءة واني واكف ..اجوي والقو علينا القبض..
وهم مافهمت شي منك ..
كل الي صار اني بكروة طالع ويا ولا بيها ولا عليها ولا اعرف هو
يتاجر بسلاح ولا حبوب ..
رحت بالرجلين اني ..
هذا الي صار وديني اودي رجعني ارجعة

اوكف اوكف ..
امشي امشي ..
بس كله علمود هل كم فلس ..
من ساعه السودة ..
قبل بيوم لا اطلع ويا ..
واني اوعد اهلي ..
هذا الي يريد كباب شوي
وهذا الي يريد ..حذاء جديد ..
وامي تريد ..حلاوة ..
والله ..سيدي مالي ذنب بشي ..
اخذنه الولد من المطار
ونزلنا بفندق بسعدون
هم بغرفه
وانا بغرفه وحدي ولا الي شغل بيهم ..
وصلنا ارتاحينا دك عليه ورة المغرب ..
كال ودينا لمطعم ..
خذيتهم ..ورحنا ..
وحملو السيارة غراض ..
بصندوك ..
وطلعنا للمطعم ..
هم اكلو وجوي ربعهم يمهم اثنين زلم ..
واني صاحني جواد انطاني 50 الف ..
كال لا تجي لحد مادك عليك ..
خذيتها منه ..
واكو سوك قريب رحت ..
اشتري بيهم ..
وافرح الجهال ..
من ساعه السودة..
دك علية تعال من رجعت ..
وكفت السيارة ..عبور الشارع لان ازدحام ..
و هو وربعه واكفين ليغاد اعاين عليهم ..
خذيت الوصله وكعدت امسح بسيارة ..
دقيقتين مو اكثر واحس ..
خلك الله فوك راسي بسلاحهم ..
ورمي ودفرات ..
ولزمونه ..
وهسة اني هنا ..
هذا كل الي صار ..
اقسم الك برب للكعبه مكاذب بحرف ..
لو ادري هجي ولا اوصل ..
ولا اطلع من ديرتي ..
بقيت صافن بكلامه ..
ويبين الي يكذب من الصدك ..
دزيت ع الولد ..اخذو ..وفتحت محضر جديد ..
بكلامه ..
دزيت ع جواد ..
اول ماطب .كتله احجي ..محمد سايق لو الة ايد بالموضوع ..
كال سيدي اني ماعرف والغراض اله مو الي ..
.ضربته ..
ويحلف هو بريئ وماله ..ذنب ..
ومحمد صاحب الجنطه والكونيه ..
واصر ع كلامه ..
ماعرف شنو الي صار ..
بس جواد يكذب ..
وبدة شكله يتغير ..واشوفه يضحك ..
وكل شويه شكله شي ..
محسيت ع نفسي الا واني فوكاه ..
ويجرون بيه ..
وجواد غركان بدمه ..
ويصيح
محمد سايق ماله ذنب بشي والله
واني ورطوني ..
جرني حمزة دفعني ..
شبيك ليث تخبلت ..وجهك شبي
اباع ايدي كلها دم ومجرحه ..

احس جسمي رجع تبنج ..كله ..
كتله ريام اختفت ..
وين ؟؟؟
ماعرف ..
صدك تحجي ..اي والله ..
حمزة احس روحي مو طبيعي ..
راح اروح البيت اني ..
كلش تعبان ..
وراسي متبنج ..
ليث خاف متعاركين ..
ضحكت ..كتله ياريت ..
لا هويه ولا جنسيه ولا ذهب ..
وصفكت بايدي بح ...
اختفت ..
ومشيت ..
وين رايح ..
للمكابر بالكي ارتاح ..
اوكف اجي وياك ..
وفونك ..

بسيارة ..
دخل الولد ..عليه ابو الحاسبه ..
كال الاسامي اليوم ..
داكه خروج من بغداد ..
وين ؟؟؟
تركيا ..
انداريت ع حمزة ..
كتله شفت ..
طلع ..ابو الحاسبه .
ضحكت بصوت عالي ..
كتله انهزمت ..
الله الله ..
مرت ابو سبع انهزمت ..
والله لو مو تركيا ..لو بالقطب الشمالي ..
اجيبها ..
وحسابها غيرررر ويختلف ..
حسابها الموت بس ..
ليث انت تعبان هسة ..روح ارتاح ..
وين ارتاح ..
كال روح يم فجر ..
لا فجر ولا غروب ..
اذا مو ريام ..اشوفها ..كباالي ماعرف طعم الراحه ..
حمزة كال مو هيج تنحل الامور ..
عطت بي ..لا هيج واكثر ..هم ..
اركان وين ..
طالع لاربيل يجيب سيارة ..
اهاااا
ليث بدون عصبيه واستهدي بالله وريح نفسك ..
متسوة
خلي تولي هي رهان واعتبرة خسر ..

جريته من هدومه ودفعته ع الحايط
كتله صداقتنا وحد ..
وهذا وحد ..
الزم لسانك ..
لا تكعد من نومك وشوف نفسك اخرس ..
دفع ايدي ..
انت تخبلت ..
هي للعبه نسيت ..
اسكت حمزة وخليني خال للعشرة ..حوبه ..
كال خوش خويه .

.
ةعافني وطلع ..
اريد اكسر ..
اريد اسوي شي واطلع الغضب الي بداخلي
مداعرف شسوي ..
اخذت السويج ..
ونزلت ..
طلعت ..
وكل الي اشوفه ريام راكعه جوة رجلي تتوسل
اكيد شافت واحد وانهزمت ويا ..
ماكو غير ها
بطلعتي شفت حمزة ..
كال ..
خابرني اخو ريام ..
امها بالانعاش وضربتها جلطه ..
ومشلوله ..
بقيت اباوع عليه
كال حسابك ثكل ويا ربك
كم ركبه بايدك انكسرت ..
حمززززة ..
عافني ومشى ..
صعدت بسيارتي ..

...وضربت السترين اكثر من مرة ..
اباوع بالمرايه خدي احمر مضروب ..
عدلتها وعدلت هدومي ..
مشيت ...
ومشيت
ومشيت
والهورنات وحجي العالم ..
مثل ..الكلام تحت الماء
مو واضح شي منها ..
الي افكر بي شي واحد وينها
وليش ؟؟؟
بيش قصرت وياها اني بيشششششششش....
مو هاي جزاتي ربي ..
ماستاهل هالكد ..
الكل ضدي ..
رن جوالي ..وبقى يدك ويدك
مديت ..ايدي ع الفون ..
مكدرت اوصل اله ..
جنت بتقاطع واريد اخذ يسار ...
بين الافكار الي براسي
ورنه الفون .
والي صار ..
احس ..
بدفعه قوية ..وصوت ضربه قويه ..
بين الصاحي والنايم ..
مر شريط ..كدام عيني
امي ابويه ..مرتي اطفالي
سبع ريام ..ومداكدر افتح عيوني ..
وشي يهز بيه ...
فتحت عيوني ..اكو حرارة تنزل ع وجهي ..
رجعت غمضتها ...
واشوف ..
ريام ..خلف الباب ..وسدت الباب عليه
وكل الي يحاوطني دم ..
وايد تتلمس رجلي واجرني .حييل .بمكان اظلم ...

شهكت شهكه
موووت ..

[ملكةه]

عرين النار
الفصل الثاني
ج 3
يكولون ..اكو فاصل بينا وبين الموت ..
مثل الخيط ..
اذا انكطع ..تنتهي حياتنا ..
وينتهي وياها ..كل شيئ مر وحلو ..

واذا ..تشبثنا ..باخيط الحياة ..
راح تنكتب النا حياه جديدة ..وخطوات جديدة ومستقبل جديد ...

اكثر الي عاشو تجارب الحوادث ياكدون ..
اكو ..ضوء قوي ..
يدخلون بي
لكن محد يعرفه شنو ..
وحتى اذا رجع للحياه ميذكر ..

الا اني ..
حاوطني دم ..
وسحبني ظلام ..دامسس...
حسيت ..
احد يسحبني من رجلي ..بحفرة جبيرة ..
واانضرب راسي ..
بشي قوي ..
شهكت ..شهكه مووت ..

الحلم الي شفته تحقق هذا دم
وهذا السواد
وهاي ريام الي غدرتني وعافتني
كل شي صار حقيقه وتحقق ..
بس اني وين

حاولت افتح عيوني ..
مكدرت ..اكو شي ثكيل عاليها ..
ومغطيها ..
اسود او احمر ..
مداعرف شنو ؟؟؟
احساس غريب ..
ةلا اني عايش ولا اني ميت..
اني طيف ..
طيف ..ولساني ثكيل اثكل من الهموم الي ع صدري ..
بقيت اردد ليث افتح عينك افتح عينك ..
واصوات تروح وتجي ..
موواضحة ..
شنو هالخنكه ..ياربي ..اريد اخذ هوى ..
اريد افتح عيوني ..
اخذت نفس عميييق ..
وفتحت عيوني ..
اكو ..ناس تحجي ويايه ..
اسمع واحد يكول ..فتح عينه ..
بسرعه ..يمعود
هورن كلام ..هوووسة مداعرفها شنو ..
نمت ..
او متت
ماعرف ..

.............
بعد مرور ..الوقت ..

حسيت ع نفسي ..نايم ..فتحت عيوني ..
اباوع ..
اكو شي اخضر يمي بس صورته مو واضحة
انداريت ..
قنينه اوكسجين جبيرة بصفي ..
اسمع بصوت مغوش ..
تسمعني ..
بللت شفتي احس ريكي يابس ..
واجه طعم زفر بحلكي ..
هزيت راسي ..اي ..
وحاولت ..ارفع ايدي ماكدر ..
دقايق ووضحت الصورة عندي ..
ممرض بصفي ..
تقدم يمي ..وفحص ضغطي ..
كال حافظ رقم احد ..من اهلك نتصل بيهم
لان ملكينا وياك شي
غير ..هويه انتسابك ..
تليفوني بسيارة ...

عافني ..وراح وبقيت وحدي ..
وبصفي سرير بي شايب ..
نايم شاب يمه ..

انداريت عليه ..
اباع نايم ..
ومنزلين اله كيس مال ادرار وصوندات بحلكه ..
بقيت صافن عليه ..
وحسيت نفسي اختنكت اكثر واكثر ..
ماريد اوصل لهذا العمر
ولا اوصل لهل الحاله
ياربي ..
حركت قدم رجلي اليمنى تحرك
واليسرى نفس الشي ..
وحدة من اديه ..مكدرت احركها مجرد ما اريد احركها احس بالم قوي ..
اريد احد يمي يكومني ارجع لبيتي ماريد ابقى هنا ..
محد مهتم باحدناس تروح وتجي ..
وحجي ..
وكلما يصادفني ممرض او طبيب اصيحه
ولا يمه ..
يجي يمي ..يشوف المغذي والضغط ويروح ..
صحت للولد الي شبهه غافي
ع حافه القنفه ..
ابو الشباب ..
اريد خدمه
صديقي ..
رفع راسه عليه ..
وكام
نعم..
حبيبي اريد اتصل باهلي ممكن ..عندك تليفونك ..
كال ..
والله ياخوي بس رمش مابي رصيد ..
ميخالف بس دكلي هالرقم ..
وكف يمي ..
مليته الرقم ..
كتله رمش اكثر من مرة ..

حاول مرة مرتين
اكثر
دك فونه
كال هاك دكو علينا ..
اخذته منه
الووو
منو
حمزة اني ليث ..
كال رقم منو هذا ..
اسمعني اني سويت حادث وبالمستشفى تعالي ..بسرعة
دليته المستشفى ..
وسديته وشكرت من الولد ..
وبقيت نفس مكاني ..
شويه واجوي عليه اخذوني ..
سولي اشعه ..
ورجعوني
احس جسمي مفكوك ..
ولا عظمه بيها سليمه ..
والي عرفته احتاج عمليه بلاتين للكتف ..
عندي عظمه متهشمه
بقيت تقريبا ساعه ..ع المغذي والمسكن
وبعدها اجه حمزة اخذني طلعني ..
تفاصيل الالم ماذكرها زين
بس بسيارة حاولت ارجع للبيت
واصر حمزة ينقلني لمستشفى اهلي ..
بين الالم ..والهوسه ..
انقلت للمشفى ..
وقررو ادخل عمليه ..
وبعدها ..
دخلت ..
واني وماعندي شي اخسرة بعد
يمكن الموت راحه الي من حياه مرة ..
والامر منها ..نفسي ..
الي خسرت كل شي
احيانا احس اني ظلمت نفسي والكل
واحيانا احس الكل ظلمني ..
وبقيت وحدي ..
دخلت لصاله العمليات
وجنت اتمنى الموت ..
واغمض عيوني وبعد مافتحها ابد ..
ساعات ..
وحسيت نفسي الكل يمي ..
امي ..مرت ابويه ..
وحمزة ..
واقاربي
حمدلله ع سلامتك ابو سبع ..

الظاهر مكتوب الي حياه جديدة..
الي ..
اصطدمت ويا ..
حالته اخطر مني ..
والي عرفتة ..
رجله كلها بلاتين ..
ماذكر شي من الحادث بس فوني يرن منو ماعرف
يمكن ريام
اخ ريام ..حسابج عسيررر ..
وثكل ..
كل الي صار والي راح يصير بسببها هي ..
لو ارجع واذكر
هي الي اجتي لبابي ..

وهي فرضت نفسها بحياتي ..
وبهالسهوله تنسحب ..
بعد ما خفت الناس علينا ..
سألت حمزة ..
معرفت شي عن ريام ..منو هزمها منو طلع وياها
كال محد ليث وحدها
ليث انت بيا حال ..معقوله مراه هيج تسوي بيك ..
حمزة مو سالفه مراه بس حس الي داحسة وبعدين احجي
طيب مر اسبوع ومعرفت شي من اهلها ..لريام ..
جر الكرسي وكعد يمي ..
كال ..عوفهم الي بيهم كافي وزايد .
شكو ..
هو شنو شكو
اظن اذا يعرفوها وين جان سوو هيج اكيد لا ..
زين انت مسالت نفسك ليش عافتك ..
حمزة ..
لا تكولي اسكت ..
ارجع وحاسب نفسك ..واعرف الاسباب الي خلتها تتركك ..
ماريد اسمع شي ..

المهم اروح اني هسة ..
بس حبيت انط

يك علم بشي
ام ريام انطتك عمرها
ماتت ..

لا حول ولا قوة الا بالله
شوكت ..
حمزة..صار يومين
الله يرحمها ...وتريديني اسكت الها ..وربك لو متربايه مجان صار كل هذا ..اني شوف حالي ..
و امها ماتت ..
وعار ع اهلها وعليه وجودها ..
تعرف شي حمزة ..
شنو ؟؟؟
ريام فقيرة ..وماعدها هالدروب كلها ..
اكيد اكو احد ساعدها وهالشخص علمها كل شي
تدري مجرد مافكر بالموضوع احس نار نار تسعر بيه ..

تعرف شنو مرتك تنهزم واحتمال نايمه بحظن احد هسة ..
كال ليث كافي هالافكار التعبانه ..
بس اذا تريد تحاسب احد حاسب نفسك الاول ..
رن فوني ..
اركان ..
الو شلونك ابو سبع الف حمدلله ع سلامتك .
الله يسلمك وين انت
كال بغداد ..اليوم رجعت ..جبت سيارات ..
من اربيل ..هم احصل كم فلس منها ..
الله يزيدك ..
باجر اجيك توني طبيت للسيطرة ..
براحتك اخويه ..
المهم سلامتك ليث كل شي يتعوض ..
الحمدلله ..
سديته منه ..
كتله ..حمزة ..امشي ..
وين ؟؟؟
انروح لفاتحه ام ريام ..
كال ليث اكعد ..
لا عيب ميصير لازم اروح ..
يمعود العالم مسبيه ..
تجي ويايه لو اروح وحدي ..اركب تكسي واروح ..

كال اووف شلون بيك اني ..

كمت ..بدلت هدومي ..وتعطرت ..وطلعنا ..
البيت عرف ريام سافرت وبدون علمي ..
بس محد كدر يحجي شي ويايه ..
ولا يسالني ..
طلعنا ..
بسيارة ..
وصلنا لبيتهم ..
جانو ناصبين جادر ..
مقابيل الباب ..
نزلت ..
وطبيت..اخذت من خاطر الموجودين ..
وصلت لايمن جان واكف وبصفه صهيب كاعد ..
البقاء بحياتك ايمن ..ان شاء الله خاتمه الاحزان ..
وهسة يلا عرفت مثل مدشوف تعرضت لحادث ..
سكت مجاوب شي ..
هز براسة بس ..
وصلت لصهيب ..
رفع راسه عليه ..
خزرني ..شجابك ..كله بسببك انت اختي امي كل شي ..
تمنيتك تمووت ..تنشل ونخلص منك ..
تقربت منه ..
كتله والله واشرت ع السما ..لو ضاب اختك ..مجان صار هذا كله...
بس ماعتب عليها هي ..
اعتب ع 2زلم مشوربين وخالين اختهم..
وحدها ..
تنهزم بتالي الليل ..
يابطل وضربت ع جتفه ..
ومشيت خطوتين ..هجم عليه وضربني ..
مجنت اكدر اضربه ايدي اليمنى مضبرة..
جرو مني ..
طلعت اني وحمزة ..
بهوسه ..
والعزة انكلب ...
بصياح وعياط العالم ..
صعدت بسيارة ..
اخذت الفون دكيت ..
ع ولد ضابط ويايه ..
الو شلونك ابو سامر..
تمام وانت شلونك ..
بخير اني ..
اسمع ..طلع دوريه لهل مكان ..هسة ..
والقاء قبض ع واحد اسمه صهيب ..
اااااخ ...
كال شبيك وشكو ومنو ..
اسمع الي داكوله الك ..
انطيته العنوان ..كامل ..وكتله اروح للمضمد واجيك ..
اريدة يمك ...
هسسة ..
ليث غير اعرف ليش ..
شنوووو ليشش ..ضربني ..
وهاي كافيه ..
بالاضافه ..انباك من محفظتي 600دولار
كافي لو بعد ازيدك ..
كافي كافي ..
سديته ..منه ..
حمزة اندار عليه كال وتالي وياك ترة حملك ثكل وي للعالم
كافي ليث شجاك ..
مجنت هيج ..
ام ريام بسببك ماتت
وريام بسببك انهزمت
ابنك
مرتك
اهلك
اطفالك
كم ذنب تحمل كااافي دخييل ربك ..
اهمد ..ووحش ظلمك احبسة ..

حمزة سببهم مو سببي الكل ..

ماذيت احد بيوم الكل تاذيني
مدشوووف بعينك ..
شلون تهجم عليه ..
كال انت شكلت اله ..
مكلت شي بس لو صدك زلم ما تنهزم وهم نايمين ..
كافي ليث انسى وعيش حياتك ..
لا حمزة لا راح انسى ولا راح اعيش حياتي ...
اصلا هسة كعدت اربط كل شي صار ..

سبع هي موتته ..
ولك ..شدتحجي انت ...
ايييي هي موتته ..ريام ..
كافي ليث انت عقلك ضرب ومن نكولك اتعالج ..تحجي ..

كتله الي بيه كافي وزايد ..
عوفني ونزلني هنا ..
ولك وين انزلك اوديك للمضمد ..
ماريد ...
دباع جرحك دينزف ..
داكولك نزلني ماريد ..
وكف السيارة ..
ونزلت ..منه ...
وتمشيت رغم الالم والزيف جنت اتمنى ابجي
الكه صدر يحتويني ويطبب ع ظهري ويكولي
راح التعب واني يمك
فجاءة خسرت كل شي حتى روحي
الي يربطني بريام شي
احس بي وحدي اني
احسها امي ..مثل امي ..كلهم مثلها
بالبدايه ..
وبعدين
ونفس الشي انعاد امي عافتني
وريام هم كذالك عافتني ..
وبقيت وحدي ..
هاي الفترة ابتعدت عن كل شي بيتي شغلي
اطفالي نفسي كل شي ..
مرات الانسان يحتاج ..فترة نقاهه وراحه ..
بس لا اني عشت النقاهه ولا اني عشت الراحه ..
يمكن كلامه صح ..
اني السبب ..
ويمكن لا ..غلط هم السبب ..
اكو احد خسران بينا ..
وهو اني
خسرت كل شي من صغري،
خسرت الام والاب ..
الزوجه ..الحبيبه ..الابن .
مابقى شي ماخسرهه
يمكن بسبب الظروف ..
قسيت وصرت وحش مثل ميكول حمزة ..
ويمكن لا اني طفل ..وهم الوحش،
بس تعبان
ياربي صدك تعبان
اريد ارتاح..
اني مو غلط ولا اذيت احد كلهم اذوني
وداسو عليه ..
رن فوني
الو ..
ها ابو سامر ..
كال كل شي تمام ..صهيب يمي ..
بس ابو سبع الي عرفته الجماعه نسابتك ..
وامهم متوفية ..
كتله مو مهم ..حجزة ..

وبقي يمك ...

ولحد يدخله ولا يحجي وياه ..
ابد...
عوفو ..
خلي يخيس بالسجن ..
ابو سبع ..صدك ضاربك ..ومبيوك
اييي شنو قابل اكذب الف شاهد اكو ..
المهم ..تعال سوي محضر بالواقعه ..
هسة ماكدر عمليتي طكت دم ..ورايح للمستشف

ى
الصبح يمك ..لو منو يجي ماريدة يطلع

سديته ..
هذا الي اريدة اريد اشوف اخواني واخواني
شراح تسوي ريام

ومشيت وماعرف وين ياخذني الدرب
.

شفت مصطبه ..كعدت وكبالي الشارع ..
وسيارات رايحه جايه ..
طلعت جكارة وكوة ورثتها ..
اخذت نفس بيها ..
بس ماحس اني احركها
لا هي الي دتحر كني ...

رن فوني ..
جاوبت ..
صوت بجي ..
كمت ..ريااام
كالت الو اني ايناس ..
ليث فدوة لعينك ..طلع صهيب ماله ذنب بشي والله
ولا نعرف وينها ..
وتبجي ..حييل ..

وكدامك ام ريام ماتت متحملت الي صار ..
ليث ..ارحمنا الله يخليك ..
وينها ..
والله مادري
لعد تحلمين شوفين صهيب .والافضل ترجعين لاهلج ..

ليث ماعرف بيش احلفك ..
بس ماعرف ماعرف ..
كتلها اني اعرف ..ريام بتركيا ...

ي دام تعرف احنه شعلينا ...
شوفي ايناس هم كلمتين ..
صهيب ميطلع
اذا مو ريام ..تجي وشرط وتركع جوة رجلي ..

ليث..اني حرمه ودخيله يمك ..
اقسم الج ميطلع ..
سديته ..منها ...
رن ايمن ...
ونفس الكلام ..
وحمزة ..
ووصلت امي اتصلت ..وتتوسل اطلع صهيب
بس قسمت الا ادفع ريام ثمن والثمن غااالي ..
اغلى من كل شي راح مني ....

اخذت تكسي ...
وتوجهت ..يم فجر ..والالم الي بكتفي يزيد ...

وصلت للشقه ..

دكيت الباب ..
فتحت ااباب ..
شهكت ..يمه ليث ..حضنتني ..
دفعتها ايدي توجعني ..
كالت ..هاي صاير بيك ...

ماكو شي ...

دخلت كعدت ..
اجتي ..يمي ..ونزلت يم رجلي وخلت راسها ..ع رجلي ..

عرفت مراح تعوفني وراح ترجع الي

تعرف شكد احبك اني ليث ..
وماعندي غيرك والله ..
لا اهل ولا ولد ولا سند ..

لا تعوفني بعد ..
اني ..ماعيش بلياك ليث ..
ازوج وخلف وعيش حياتك ..
زين حبيبي بس لا تتر كني وحدي ..
منو اليه غيرك ..
ماريد لا ذهب ولا فلوس ولا مصرف اريدك الك ..

فجرررتعبان اني ..

كوم حبيبي اسبحك واسوي الك لكمه تاكلها ..
من راحتلك فدوة فجر ..
ولزمت وجهي ..
ليث ..
كل شي اتحمل منك لو تموتني هسة ..
بس لا تعوفني ..
ماريد طفل ولا اريد زواج رسمي ..
بس ابقى ويايه حتى لو بشهر مرة اشوفك ..

دكومي سويلي لكمه اكلها ..
وفتحت قميصي ...
وطلعت العمليه ..طاكه دم ..
بس لا البلاتين متحرك او العمليه طكت ..
تعاي فجر نزعيني القميص ..
نزعتني وضلت تبجي وتضرب ع خدها
يمه سودة عليه ..
حبيبي ..
شصار بيك كولي ..
رن جوالي ...
اخذته ..
شفت رقم غريب ودولي ...

فتحت خط الووو ...
جاوبت بصوت مخنوك ومابي رووح
ليييث ...جوووز من اهلي وطلع اخويه ..
ريااام

[ملكةه]

عرين النار

الفصل الثاني

ج 4

الفقد ..
اسوء شعور ..يمر بي المرء ..
نفقد كل لذة بالحياة ..
وترافقنا ..غيوم ..سودة ..وتمطر ذكريات ..قاسية ..
ونتامل لعل القادم يمحي ..الذكريات ..
ويشفي جروح الفقد ..

الووو ..
ليث جوز من اهلي وطلع اخويه ..
رياام !!!

اي ريام ..شتريد انت مني كولي
وصوتها بجي كام يعلى اكثر واكثر ..
جووز مني ولك شسوي بيه بعد ..
كمت اضحك ..
ماعرف فرحة انتصار
او
فرحت لان عرفتها راح تجي وترجع الي ..
كمت من مكاني ..ورحت للغرفه وسديت الباب
عيون فجر جانت تتبعني بكل حركه وخطوة اخطيها
اشرت الي شكو ؟؟ منو؟؟
اشرت الها اشششش ...
ريام بعدها تبجي ..
كتلها
اسمعي ولج ..
دللتج هوايه ...والظاهر انطيتج اكبر واكبر من حجمج ..
ليث اسمعني ..
عووف كل شي وطلع صهيب
امي متتحمل ..تموت ترة ..
سكتت يعني متدري امها ماتت ..
انتي وين ..
معليك بيه وين ..ورجعه مارجع الك ابد ..
انتهى كل شي بينا ..ليث اترجاك لخاطر الايام ..الي راحت طلع اخويه ..
هااا ليش انتي هم عندج خاطر لشي ..
ريام كلمتين متنعاد ..
ترجعين يمي ..يطلع صهيب ..
مترجهين انسي عندج اخ ..الف تهمه وتهمه براسه تنذب ..
مالت ..
الله لا يوفقك ولا يشوفك خير بعمرك ..
مثل مادمرتني ودمرت كل حياتي ..
اصلا انت نهيتني اني بوجودك انتهيت ..
شترررررريد مني ارجع
ماااااحبك كل شي انتهى وراح ..
كمت اضحك ..
ا سمعي ...ولا اني ميت عليج بس مو ليث الي تنلوي ذراعه ..
لا تخليني ..اذي الكل
منو يمج ..بحضن منو دتنامين
تذكرين من كتلج اذا مو اني اي واحد جلبين بي
ولج شكد رخيصة انتي ..
كالت ..اسكت اني انظف منك
افهمتي لو لا ..
تجين يطلع صهيب متجين تحلمون تشوفو بيوم
سديته منها ..
واحس نار ..بيه زادت وماعرف شلون اطفيها ..
كدامي ع بوفيه صور وغراض كلها كسرتها ..
وكسرت الجامه ..
ضلت ادك الباب فجر
ليييث ليييث شبيك كولي ..
ليييث افتح الباب ..
شبيك ..
رووووحي ماريد اشووف احد ولا اسمع ..
اخخخ جتفي ..
الالم زاد ..عندي ..
وتليفوني مبطل ..رن ..
الكل يتصل بيه ..
ومسجات ..
غلقته ..
ورحت مددت..ع فراش وورثت جكارة ..

مو حب ..
بس حسيت بالنكسار والهزيمه ..
مو اني الي انكسر ..

بعد وبعد ياربام ..انتي وهذا الكلب الي هزمج
حتى السايق الي طلع بيج ..
الا اعدمه العافيه ..

بعدنا باولها ..

لو اعرف اجر اهلج كلهم مارتاح ..

جريت الفون وبقيت اكلب بي ..

شفت رقم ..غريب ..
ومكتوب
يمه مسية العافية عليك اني ام محمد ..السايق
شصار من وليدي ..

بقيت ..اباع ع كلماتها ..
مسيه العافيه ..
ويمه ..

شصير هسة لو عندي ام ..
واخابرها ..وائمع صوتها
ليش حتى امي تلوثت ..
ليش الي طابع ابالي ..
ابو المحل ..
وهي ..
وشلون ينطوني ..
حلويات ويطبون جووة ..
كل ذكرياتي مرة ..وقاسيه ..لا ذكريات مقرفه..
وملوثة ...

شكد احتاجها بحياتي ..
وشكد ..اكرهه كل شي بيها ..

اذكر من ابويه حبسها سنين ..بالغرفه ..
جنت يوميه اكعد يم الباب
واحجي وياها ..
من ابويه ماكو مموجود ..
ومرات تسمعمي ..
وتكولي
حبيبي افتحلي الباب
خلي ماما تطلع ..ليث ماما ..افتح الباب ..
ومجنت اكدر اسوي شي
حتى من ابويه يضربها
ابقى بمكاني ..وبس اباوع
الا ان يتبلل سروالي ..من الخوف..
وانهزم منهم واختل ورة الغساله
وصوت صراخها يرن باذني ..
غمضت عيوني ..
وتمنيت ابجي ..
اكثر انسان احتاج ابجي ..
متروح من بالي ..ابد ..
عدنا ..غرفه ..بين المطبح والممر ..
بيها الغساله والهدوم وصخة واوتي ..
اكو مسافه صغيرة ..
اختل بيها واسد اذني ..
من كلام ابويه ..
عاهرة ..
فضحتينا ..
وصوتها يعلى من يضربها ..اكثر واكثر ..
وجانت تصرخ باسمي ..
ماما لييث ..تعال خلصني ..
واني نفسي ماكدر اخلصها ..
ابقى بهذا مكاني ابجي ..الا ان احس..
نن التعب انام ..
وافز ع صوت ابويه ..
وملامحه القاسيه .الي تبث رعب داخل روحي ..
اكو ..صوندة تتوصل من الغساله ..
يجرها ..
ويضربني من يعرف ..
ابجي وبللت سروالي ..
ودائما جنت اسمع انت مو رجال خنثي ..
حالك حال اختك ..
روح البس تنورة ...
البس فستان ..
بابا بابا ..اني رجال..
كوووم اوكف ..
لا لا عوفني ماوكف ..
كوووم وضربني ع ظهري ..صرخت ..
كال سمعت صرختك مال نسوان ...
كووووم ..
جرني حييل ..
وكفني شافني مبلل..جرني من اذاني حييل

فتحت عيوني ..
الباب تندك ..
منو ..
فجر ..
شبيك ليث افتح الباب حبيبي ..
احاجيك ..وسويت الك اكل
روحي فجر ..
ماااريد ..

هذا اني الذكريات ترافقني من الصبح لليل ..
متروح من بالي ..
ابد ..
لانوم انام ..ولا حياه عندي
دائما اشوف ليث الطفل بكل ركن بالبيت يتعذب
يامه رسمت ام ..وحضنها فارغ
واب ..وبايدة سوط ..
ومرات اخذ هدومها واحظنها .وانام
واريد اغفى واحس بامان
نهاري ذكريات
احلامي
كوابيس ..
جياتي ظلمه ..
بس ابقى جبان ..اني
اي اني جبان ..لو رجال انقذ امي ..
لالا مانقذها اكتلها ..
لا ماكدر .
اكتلها ..اكتل روحي ..
اخ راسي ..
احس بي سوسه وتحفر بي،..
اكو

شي يشوش بيها ويحجي ويصرخ ويضحك ..
كمت مثل المخبل
فتحت الباب
وركضت للحمام ..
فتحت الماي،..
وكمت اخذ مي واذب ع وجهي ..دخلت راسي جوة المغسله
وفتحت الماي كله اريد ..ارتاح ويبرد راسي ...
رفعت راسي اخذت نفس .

اكثر من مرة ووطلعت من مكاني ..
رحت كعدت بالهول ..
جتي فجر اصب الك اكل
هزيت راسي اي ..دك الفون ..
جاوبت ..
الوو
نعم
شسويت ع بني فدوة لعينك ..يمه الله يستر عليك ويوفقك
دنيا واخرة كولي ..
حجيه ابنج بريئ بس بقت تصعد اوراقه وقضيته حولتها لضابط ثاني لان اني تعرضت لحادث
شهكت يمه اسم الله عليك شبيك
سلامتج ماكو شي
بس صح ابنج ماله ذنب مجرد سايق
وجواد صاحب الحبوب والسلاح
اعترفو بان هو بريئ
بقت تدعي الي .
وتشكر مني ...

ماكو شي يشغل حياتي ولا فكر غير ريام ترجع
مرت الايام وصهيب بعدة
بالحبس ..
واني اتنقل بين البيت وفجر ..
وجنت مصر ترجع ريام يطلع صهيب
رغم التوسلات وجيب وودي عالم
لكن الي بخاطري غير ..
جنت مانام الليل ..كله كاعد ..
من الكوابيس الي تحاوطني
وبالنهار التهي بشغل ..
وارجع تعبان ..مالي واهس شي ..
اطفالي امر عليهم مرور الكرام ..
فقط ..
ماكو اي ود بينا ..
جزء جبير انتهى ..بسفر ريام ..
يمكن هي جانت حبل وصل بينا
ويمكن اني ماعرف اعبر الهم
رغم اني مدللهم وكل طلباتهم اوامر ..
البيت كام يخنك اكثر واكثر ..
كل شي بي موحش..
وياخذ الروح ..
غرفتي ..
غرفه سبع ..
امي ..
كل شي فارغ ..

جنت اتهزم منه ..
واكضيها يم فجر ..

ساعات واختلق عذر مشكله واطلع ..من يمها ..
واروح ماعرف وين ..

اركان جاني وشفته ..
وجان من الي يحجي ويايه بموضوع صهيب
اما صهيب مشفته ابدا ..
ورحت قدمت دعوى بي ..
بسرقه وتعدي ..
وحاولو تنحل ..
واتنازل لكن جنت مصر بان يبقى ..

ويوم بعد يوم الكرهه يزيد بداخلي والحقد ..

لريام ..
وجنت اتمنى اشوفها ..

.......
ريام ....
بعد كاسمعت صوت تاشيرة الدخول لتركيا ..
حسيت ..مثل الطير المحبوس ونفتحت اله الباب ..
وطار ..
لو بيدي اخذ جهالي واطير بيهم ..
لا
ارجعهم لرحمي امن مكان الهم من هذا العالم المرعب ..

اركان متركنا ..
وبقى ويانه الا ان وصلنا لاحد محافظات تركيا الي بيها عرب
وعراقين هوايه .
وسلمني مفتاح ..شقه ..وصرف الي مبلغ ووصه عليه عائلة عراقيه وراح ..
رجع للعراق
رجع بخوف من ليث
مو غير شي
ليث وحش ويبث الخوف لكل من يتقرب اله ..
انسان شكد جاولت وياه
وجنت احس نفسي مربوطه ..ومربطه بي ..واله ..

اشكي منه واله ..
وياريت يسمعني..
اعترف اني السبب اليوم ..
اعترف ..اني انسانه ماعرف اصرف ..
ولا اعرف احافظ ع نفسي واطفالي ..
بعد ماخسرت كل شي ..
قررت الهروب ..
بالكي ارتاح ..
وجانت الف فكرة ابالي ..اطلب لجوء واسافر لاي دوله اوربيه ..
واخلص من ظلم ادم ..
انسان مجرم ..
المتعارف ..الزواج امان واستقرار ..
واذا واحد من هالاثنين ماكو يعتبر الزواج فاشل ..
اني ..زواجي منه خووف ..وقلق وعذاب ..

بعد ماوصلت وارتاحيت اني والجهال
وجنت احاول ابعد عني كل الافكار السودة
الي ..تاذي بيها اهلي او اطفالي ..
اتصلت بايناس..
الووو
شلونج ايناس اني ريام وصلت ..
هلو ولج وينج الدنيا كثبورة عليج ..
وين انتي ..
اني بتركيا ..
ولج شوداج هناك ..
طلعت ولا تسالين ليش وشلون ..ومنو الي بيه كافيني وزايد ..
ليث عرف ..
لا ايناس بس امج منهارة واخوانج متخبلين ..
شوفي طمنيهم عليه ..

يعني اكولهم ..
ايييي كولي الهم اكييد ..
اني مادري ليش هيج سويت ..ايناس يمكن اخر محطه الي ..
لو ارتاح لو اموت ..
مرت الايام ..واني محبوسه.بالشقه ..
وممنوع نفتح باب وممنوع نحجي بصوت عالي
وممنوع نجاوب رقم ..
نفس الرعب متغير شي ..
وجنت اتصل باهلي ..
واسال وايناس بالبوكه احاوبني ..
والي عرفته مكالت لاهلي عن مكاني .

تكولي الوصع ميسمح ..
فديوم اتصلت بيه ..
وكالت بسببج صهيب انسجن وليث حرك الدنيا علينا ..

اهنا انهاريت وماعرف،شنو اصرف ..
غير ارفع الخط ع ليث
واطلب منه يرجع اخويه ..
لكن شرطة جان واضح ..
ترجعين يطلع صهيب ..
مترجعين انسي ..

عرفت نفسي اني بنار ومسحيل اطلع من الجحيم ..
الي بي ..
يمكن اطلع بشي واحد الموت ..

الايام الي عشتها بتركيا معدودة ..
وجانت عبارة عن خوف ورعب .

اخاف امشي وحدي بالبيت ..وكلامته ترن براسي
اصكطج وماعوفج ..

اخاف اطلع اطب ..
بسجن جنت ..

انهاريت وانهار كل حلم ..
كل ملجئ هروب الي ..

وبقى قرار واحد عندي الرجوع ..
اذا صهيب بقى ..بسجن امي تموت ..
وماتحمل افقد امي ..
احس نفسي فقدت كل شي ..

وماتحمل افقد احد بعد..

بدون استشارة احد ..
لميت كل غراضي وحجزت عودة ..
الى العراق ..
عودة الى عرين النار ..
مثل الي مطلوب دم ..ويروح للي كتل ابنهم
هذا اني ..
توجهت للموت برجلي ..
اكو فاصل بيني

وبين ليث عبرة الحدود ..

ولازم اعبر واوصل ليث ..
واطلع صهيب ..
الف فكرة ابالي ..
صعدت تكسي وتوجهت للمطار واسالة اطفالي متخلص ودموعي تجوي خدي ..
مو خوف ع نفسي لا اخاف ع اطفالي
لان ان

ي انسانه ..فاشلة
اييي اني الي رحت اله ودكيت بابه
اني ..الي حبيته ..
ااااخ ريام ..
اااخ من نفسي ..
واااح من عنادي وطيشي الي دمرني ..

وصلت مطار بغداد ..

احس الكل يباوع عليه ..
طلعت ..بعد مااشرت واخذت الجنط ..

اخذت تكسي ..
واتصلت بايناس ..
جاوبت ..
ايناس ..سمعي بسرعه دقايق واحنا بالباب واخذي الجهال ..
انتي وين ..
اني بالعراق ..
كالت عزززة ولج لا ليث يسمع بيج ..
كتلها راح اروح اله ..
ولج مخبل هذا
كتلها اعرف ..
اخذي جهالي وطمني امي ..اني احل الموضوع ..
ولج يامج ..ريام
ايناس روحي هسة راح اوصل فتحي الباب ..
وسديته منها ..
اتصلت ..باليث ..
بس اكثر من مرة الفون يوكع من ايدي من الخوف
والرجف احس جسمي مو ثابت ..

جاوب
ياهلا ..
حمدلله ع سلامتج ..
ليث اسمع اني رجعت ..
طلع صهيب ..
ضحك اطلعه ليش لا ..
بس اوصلي يمي وسهله ..
يمك يمك ..
دقايق واوصل لاهلي واجييك ..
لا تجين ..
اني جايج وين ..انتي ..
وصفت اله المكان ..
بس ليث ..قبل لا اصعد وياك اخويه طالع ..
هااا هيج شنو ماكو ثقه ..دتعالي تعالي ..

سكتت ..
وصلت لاهلي ..
رووح هسة ..
نزلت الجهال ..
ونزلت كتله لابو التكسي ثواني ..
نزلت وحظنتهم ..حسيت هاي اخر مرة اشوفهم ..
حظنتهم حييل وتمنيت ادخلهم داخل روحي ..
وبقيت ابوس بيهم ..
شفت ايناس فتحت الباب ..بس جانت ظلمه ممبين شي منها
كتلهم روحوو ماما باجر يمكم اني ..

كوة دفعتهم من حظني ..وراحو وطبوو جوة ..
ايناس صاحتني ..
داروح الها .دك فوني ..

ليث ..
ها ليث ..
وين انتي ..
اني يم بابنا ..
كال تعاي يم الصيدليه ..
يا صيدليه ..
كال نسيتي الي جنت اصعدج وانزلج من يمها
لو الي نهزمتي ويا نساج ليث ..

لييث لا تحجي ويايه هيج ..
انجبي وتعاي واكف يمها اني ..

سدة..
ماذكر حاسبت التكسي اولا بس شفته راح ..
ولا كمت اسمع صوت ايناس ..ولا اطفالي مشيت ..
ومدرت وجهي لاي مكان ..
طلعت الشارع وتوجهت للصيدليه .
شفت سيارته واكفه من بعيد ..
حسيت جسمي صار ثلج وبنفس الوكت ..
عركانه ..
ومعدتي توجعني ..
والدنيا تفتر فرة سريعه ..
بحيث وكفت ..شويه اريد اوازن نفسي ..
ورجعت مشيت ..
وصلت قريب عليها ..
غمضت عيني ..
اسمع صوت فتحه الباب ..
فتحت نزل ..وايدة مربوطه ويبتسم الي ..
وجرني ..من ايدي ..وصعدني بسيارة ..
ومشت السيارة بينا ..
جان هادئ وساكت ..
واني بس عيوني تباوع عليه
دنيا لليل والكمر طافي ..

وصلنا لمكان ..شارع عام ..
وبصفي ..جوول ..وهيمه مابيها ولا نفر .
وكف السيارة
كال منو وياج جان ..
سكتت ..
كال احجي منوة
وحدي ..
حسيته جر شعري حيل ودفعني ع الجام وحصر وجهي حييل ..

منووووو..
محد وكوة تطلع الحجايه مني ..
صرب راسي حسيت الجام طكك..
وسمعت سحبه اقسام ..
انداريت عليه ..
ليييث ..
كال نززلي منا ..
ليييث فدووة منهزمت وي واحد ..جنت وحدي ..
صرخ بحس عااالي نزززلي ..

[ملكةه]

عرين النار

الفصل 2
ج 5

الحب ..؟؟

يكولون الحب ..هبة هوى بارد ينعش كل شيء بينا ..

ويكولون الحب ..
مرسى الامان ...

ويكولون الحب ..نار باردة تسعر وتطفى بشوك ومودة ...

لو ..
اتحول الحب الى جحيم ..
وظلام ..
وحول ايامنا كلها غيوم سودة ..
وناره حركت ..كل شي حلو بينا ...

راح يرجع حياتنا كلها الى ساعه الصفر ..
صفر 00...
صفرآ متكرر ...

انزلي ..منا ..انزللللي ..
بصرخته ..
حسيت ..كل عضو بجسمي ارتعش ..خووف ..
وماكمت اسيطر ع دموعي ...

ليث بس اسمعني فدوة ..
لا تسووي هيج ويايه ..
مسويت شي اني ..
نزل من يمي ..
واتقرب للجهه الثانبه ..
وفتح الباب وجرني ..حيل ..
وشمرني بكاع ..
جتت اباوع كل شي اظلم ..جوله فارغه ..
ماكو بيها شي يدل ع وجود الحياه اهنا .بس اكو تيل قريب
واظلم ..

سمعته يكولي ..منو وياج منو هزمج ..
وحدي ...
احجي واعوفج متحجين ..طلقه ماخسر بيج
اشمرج هنا لحد ماتموتين ..
ليث ..لا لا تتخيل ...
انت شدسوي ...
وجهه السدس عليه بعد بينا ..
اشبار ..
كال تشاهدي..
ليث جهالي امي مالهم ذنب ..
انت مو عودتني هيج وعدتني اطلع صهيب ..من سجنه

كال ..تشاهدي ..
ليييث اسمعني ..
كمت اتلفت اريد صوة ..
او سيارة تفوت ..
بشر حيوان اي شي استنجد بي ماكو ..
اي شي ..
كعدت ..بالكاع ع ركبي ..
كمت ابجي بصووت عالي ..
ليث ..جهالي ..
غمضت عيوني حييل ..
وانتظرت الموت ..
الي
اخاف منه داءما ..
اخاف ياخذ مني عزيز .
لكن اليوم هو الي ياخذني ..الي ..

ريام ..منو هربج ..احجي واعفي عنج ..
والله ...
لا قانون يخلصج ولا عشائر ..
انتي زوجه ..ناشز..
منوووو..
محد ..
احجييييي..ماصدك ..
كمت اضرب ع وجهي والله والله ..
كال الي يحلف يكذب ..
وجهه السلاح قريب وتقرب اكثر ..

كامت الكلمات توكف .ومتطلع عندي ..
اريد اكوله اركان ..
كمت اتلعثم زايد ..
وغصيت ..بدموعي ..
سمعت صوت طلقتين ..
وكع وجهي ع التراب ..

وبعدني مغمضة عيوني حييل ..
وكمت اتنغس بطيئ ..
الهوة يطب بحلكي كله رمل وتراب ..

واذاني تصفر ..
حسيت انجريت من ايدي
ووكفني ..
لزم وجهي ..
بيج شي ..ريام شبيج ..ضربت بالهوى بيج شي
عيوني ادور ..ضووة ..
واريد بس هوى مو اكثر ..

ثنيت نفسي وكمت ..اخذ هوى ..
وامسح التراب ع وجهي ..
والزم جسمي ..مابي شي
معقوله ممتت ..معقوله اني عايشة ..
ومكتلني ..
وصل يمي بيدة بطل مي ..
ودار ع وجهي ..
دفعت ايدة ..
وعيطت بحس عالي ..
كافي موتتني وخبلتني كااافي انت شتريد مني ..
وخر عني ..
عوفني ..اني ناشز ماصلح زوجه
طلكنننني ..
الله ياخذك ويخلصني منك ..

اخذي مي ..
ماررررررررريد ..
مشيت واترنح بمشيتي ..
صعدت بئيارة ..
ودالبجي صار هستيري ..
بي صوت عالي ..
شفت يمي مي ..
اخذته ..مصمضت حلكي وذبيته ..
اكو دم ..
بحلكي ..
صعد يمي بسيارة ..
وطلع بينا ..
محجيت شي وياه ابد ..
ولا كدرت انطق بحرف ..
دك فونه اكثر من مرة ميجاوب ..
اخر شي جاوب ...
نعم ..
وشتريد هسة ..
مرتي ..
غصبا ماعليكم ..اكبر شارب بيكم ميهزني ..
ليث اذا اهلي طمنهم عليه بس ..
مهتم لكلمه مني وبقى مستمر ..
بالكلام والوعيد الي ميخلص ..
ائيست من كل شي..
واتمنيت الموت وياه ..ياريت لو كاتلني ..وارتاح ..

ماعرف وين اخذنه ..
وبقى فونه يدك ..
ومرات يرفض ومرات يجاوب ..
دك ..
انطاه الي ..
جاوبي ..
اباوع ايمن ..

ايدي جانت ترعش ..
جاوبت ..
الوو
رياام شلونج .
زينه اني ..
اذاج سوالج شي ..
لا لا ماكو شي ..
جايج احنا انتي وين ..
سكتت باوعت عليه وبداخلي كرهه اتمنة اقتله واخلص منه
ومن شره ..ضحكت كتله تعال كل الهلا

ريام شبيج طبيعيه انتي شسوالج هذا ..
زاسمع من بعيد صوت صهيب
يحجي ..يكول
مايوم مشت عدل هالبنيه من ورطه لورطه توكعنا
كتله ايمن صهيب طلع
كال اي توة طب ..
خوما بي شي ..
لا لا ابد مابي شي وزين ..
الحمدلله ..
وبعدة يلوم بيه ..صهيب ..ويتوعد لليث ..
المهم اسمعي ..
ايمن قبل لا تحجي ماكو شي لا تخاف ..
وعينكم ع الجهال ..
ريام ..
داكولك ماكو شي ..
اجي وافهمكم ..فديومين ..
امي ايمن طمنها عليه ..حباب ماكو شي والله ..
سكت ايمن ..
وسديته منه وانطيته ليث ..
بكل برود اخذة مني ..
ووكف يم اسواق ..
نزل ..
بس نزل ..
فتحت الباب ردت انهزم من جديد واروج لاخواني لو يموتوني هم قابل ولا الذله الي بيها اني ..
بس جان قافلها من يمه ..
ووين اريد انهزم واني ارجع اله ..
وبن اروح اكثر ما عبرت حدود ..
وبنيت الف امل وحلم ..
ميفيد شي نهايتي يمه وبايدة ..
جانو اكو مجموعه شباب بصف السيارة واكفين ..
ردت اشر الهم ..احجي شي ..
حتى يطلعوني من السيارة بس ميفيد شي ..
وهم مالهم ذنب ..
اجه صعد ..
جنت من اشوفه احس بفرحهه
هسة اشوفه احس بخنكة ..
وخوف ..منه واله ..

شمر عليه ..بطل مي وعصير كال اشربي ..
وصحك اكيد انهلطتي مو ..
بس والله ريام وروحه لسبع ..
الا اخليج تتمنين الموت ..
وتحلمين بي ..

ماسمى ابو سبع اذا ماخليتج ..
تنتحرين ..
درت وجهي ع جمامه ..
كتله مريض انت انسان مررريض ..
رو

ح اتعالج ..
وخلص الناس من شرك ..
انداريت عليه
تدري شتمنى هسة ..
مجاوب ..
كتله اتمنى تموت ..

ضربني..ع وجهي ..

اييي اضرب هذا الي كادر عليه انت ..
اضررب واكثر واكثر...هاي كدرتك ..

كال بسيطه راح اشوفج كدرتي وين ..
طلع بينا ..

ورحنا ..لبيت فجر ..
استغربت حييل ..
كتله ليش جايبني هنا ..
رجعني لبيت اهلي ..
ياخي طلكني ..مو مافيدك اني طلكني ..
تفهم لو لا ..

طلكني ..اني عار عليك ..
انزلي ..
مانزل وشسوي سوي ..
ماخاف منك ..

انزلي داكولج ..

مانزل ..
باوع عليه بنضرة استهزاء ..كال ..
ريام ..
تليفون واحد لاهل اسامه ..
تحلمين شوفين جهالج بعد ..انزلي ..مثل الاوادم
لا انزلج سحل ع طريقتي الخاصه ..

ضليت اباوع عليه ..
منو هذا ماعرفه ..
ابتسم بوجهي بخبث وهز راسة ..انزلي ..
نزلت ..ومشيت ..
وجنت احجي ..وابجي ..

وصل قبلي وفتح ..الباب
مجرد ماعبرت ..الباب ..
دفعني حييل ..
وصارت بوجهي فجر ..
عزى هاي شجابها اهنا ..
رفعت راسي عليها ..
فتحت عيونها ..
كالت ليث شمسوي بيها ..

كلها ..اسمعي فجر ..هاي تبقى هنا كم يوم
مثل الجلب ..
ع كد المي والاكل غيرهم ماكو ..

ليث فهمني شصاير ..
سمعتي كلامي لو لا ..
جاوبته اي اي سمعت ..خلص ..الي كلته اعتبرة صار ..

كلها طالع بشغله شويه واجي ..

طلع .
جتي يمي ..كومتني ..
كالت مو كتلج مابيه حييل هبطات اني ..
هااا رجعج وجابج لهنا ..
نسيتي من كتلح مامنه مهرب ..ليث ..

كمت وياها وجان حيلي كله مهدود ورايح .
اخذتني ..لحمام
كالت اغسلج لو تكدرين تغسلين ..
اشرت الها ..روحي ..
اباوع وجهي بي دم من جهه خدي ..
رفعت شعري ..راسي مشكوك ..
وشفتي هم ..
وشعرب وراسي كله تراب ..

انداريت اكو دوش ..
رغم صغر الحمام بس كلش مرتب ..وكله زرع اخضر ..

فتحت باب الحمام صحت فجر .

نعم ..
عفيه خاولي وهدوم ..
هدومي كلها دم ..

شمسوي بيج اوووف منج ..
الا تنهزمين دكليها ياحلوة ..

اصبري ..

جابت ااي هدوم ..
سديت الباب ودخلت ..جوة الدوش.وفتحت المي اجاني بارد الاول ..
ودفيته وبقيت واكفه جواه ..
وينزل مني ..دم ..وتراب ..
ودمووغ الي مراح تخلص بيوم ..
بسببه جهضت ..
وجنت رهان
وبسببة عشت ..اسوء تجربه ..
وعشت رعب وخوف ..
ودمار
وكل هذا ويكول ..القادم اعظم ..
شراح اشوف منه بعد ..

اهم شي امي وجهالي ..واخواني بخير..
اخذت الخاولي لفيت ..نفسي بي ..
ولبست ملابسها ..
لبست دشداسه ..نيلي،..وبيها بصمه ذهبي ..
جانت كلش حصر عليه ..

وماعرف شلون راح اطلع بيها ..

وكفت كبال المرايا اباوع الجرح الي براسي ..
مفتوح وبعدة بي دم ..
رغم غسلته ..
طلعت من الحمام ..
فتت للهول ..
جانت غجر كاعدة ..وكبالها نركيله ..وكرزات ..
وتضحك ع برنامج تشوفه ..
كالت طلعتي ..
نعيما نعيما ..
تعالي امعدي ..
اسويلج لكمه ..
لا ..
بس عندج غير دشداشة ..
ضحكت ..
اووي عيني تستحين ..لا حبيبة هذا لبسي وهاي استر وحدة ..
انزعلج الي لابستها ..

لا لا ..

كالت ..ايييي دباعي ..شلون مسلسل يمووت ..
هذا يحب هاي ..وهاي تحب صديقه وصايرة لحم ..
متعرفين منو ..ع منو..

بقيت اباوع عليها ولا عبالك طابة الها وكلي دم..
وليث ..حار شسوة بيه ..
شنو من بشر هاي ..
رغم جمالها ..الي مينوصف من شعر ..وجسم وبياض
بس بيها شي غريب ..

بقيت كاعدة ومسالت ..شكو وشصار ..
كملت نركيلتها ..
وخلصت للمسلسل الي جانت كلش مندمجه بي ..

كالت ..تاخر ..مو ؟؟؟

كتلها فجر .اكدر اتصل من فونج ع اهلي ..

كامت راحت للمطبخ ..
وجاوبني بصوت عالي ..
طبعا لا ميصير ..لان ..ميقبل ولا ذبيني ..بحلك ليث ماخلص منه ...

شويه وجابت ..
كهوة الي ..

ولزمت وجهي ..شووو بيش ضاربج ..

فدوة لقلبه ..
دفعت اديها شنو تشمتين بيه ..
لا لا ..
بس كل شي منه عسل ..
واكولج يافهيمه ..يعني من كتلج ..ع الرهان ..
رحتي انهزمتي ..
متع فين تصرفين ابد ..

كتالها ..رجاءا لا تدخلين ..انتي مالج شغل ..
وهذا فدوة القلبه الله ياخذة ويخلصني منه..

كامت تفر باديها ..ليش تدعين عليه ..شسوة الج ..

ضربج ..جابج ..
من حقه يمه الرجال ينام ويكعد يشوف مرته شاردة

شيسوي الج مثلا ..

يجيبلج مزيقه ..

كتلها اريد انام ..تعبانه اني حييل ..

ايييي ..وين تنامين ..
روحي لغر فتي ..واني انتظرهه يجي ..
هاي اذا اجه ..
كتلها ..
بالعافيه عليج ليث اخذي ..

انتظري موتي بي ..شعليه اني ..
ياريت تقنعي يطلكني ويعوفني ارجع لجهالي ..
كالت ..
ايباااه جهالي ..
وين جانو من سحلتي روحج عليه ..

كمت فجر احترمي نفسج ..

محترمتها والله بس كلامج مو منطقي ابد ..

المهم ..

ميهمني يبقيج وله يطلكج ..المهم رجعلي ..

هيج تحبي ..

ي طبعا احبه ..وماعندي غيرة وتصفك باديها
ماعندي بس هو ..

واهلج ..

كامت طبطب ع جتفي ..ماعندي بس

بس هو ..

حمدي ربج بعدة مبقيج تشتمين هوى ..
لو غيرج يطيرها ..
زاياج جيبين طاري حمزة واركان اياج ..

تذبي بسجن معناها
وبسببج يرتكب جريمه ..

شنو قصدج ..
قصدي واضح يقتل واحد بيهم ..

وبسببح ..انتي اخسر ليث ..

ضحكت

..اني ..

وشجابهم بالنص هم ..

كالت كلش زين اعرف اركان الي هربج ..
بس ساكته ماريد اذي ..
وخليها ابالج..
اركان الف مرة حاول ويايه
تدرين ليش ..
اكو ناس عينها ع غيرها ..
تموت وهي عينها ع غيرها والي منهم اركان
كل شي ..
يخص ليث يريدة ..
فهمتي ياحلوة ..
ولا تدعين عليه ..

بعد ..
السبب منج مو منه ..
كمت احجي بصوت عالي ..ياسبب مني هو انسان مريض
ومخبل ومو طبيعي ابد ..الله يخلصني من هالحياه الي عايشتها
ويخلصني منكم كلكم ..

كالت ..
وتضحك ..حياه ..ليش انتي شفتي بله بحياتج
اخذج انتي وجهالج
والف وحدة مامزوحه تحلم بحياتج ..

والله يالله ..

لا تحجين عن حياة وانتي ماعيشها ذلها ومرها
بيوم ..

كتلها ششوف بعد ..منه ..موتني ..

كالت شوفي ..وراح شوفين اكثر ..

تدرين اني احسد كل وحدة مثلج ..
شتريد من الله بعد ..
بيت ورجال وجهال ..

شتريدين بعد ..متكوليلي ..

من يكعدج اخوج بدفرات ..ساعه 12بالليل يكولج كوومي
جكاري خلصن ..وجيبلي من الاسواق ..

وتعرفين ابو الاسواق انسان نكس ..واخوج يعرف
ويدزج باليل تتتلوكين اله علمود باكيت جكاير وبطل ببسي ..

هذاك الوكت تعتبر حياتج مرة ..

من ابوج من الصبح لليل الكاس بايدة ..

وميعرف شرقت وله غربت ..
هذاك الوكت تصير حياه غبرة ..

اهل ورجال وجهال ويحبج ..
لوما يحبج يقتلج والله او ميهتم الج ..
وكاعدة ذبين الوم بي ..

انتي شايفه ..لو احجيلج شعرج يشيب ..حمدي ربح ..

روحي نامي ..
ولا تورطين ليث بحياتج الهوسه
الي بي كافي ..
كامت اطفي بالاضويه ..
سد بالبوب
وجابت الي غطه ..وفراش ..
فرشته الي ..

خليت راسي والف ونه بيها والف حسبه تروح وتجي ..
امييي شلونها هسة
سويت برةحي اني
مشتاقه الها اكيد زعلانه عليه ..
وجهالي سودة عليه ..
يبجون وحدهم ..
شلون اخلص منه ..
اكوله ع اركان واخلص
لو اقتله ..
لو اقتل نفسي
وحدة من الاثنين
نهايتي ويا ..بموت ..تخلص ..

غفيت من التعب ..
حسيت ..
الباب انفتحت وانفتح الضوة ..
واسمع يكولها ..بس احاجيها ..
فتحت عيوني ..
ليث واكف بالباب
وبوجهه ..فجر ..
حاضنته من ركبته ..
وتحجي وياه ..
تكوله عوفها هسة ..صوته تعبان ..
يكولها ولج بس اريد اعرف منو ..والله والله اعوفها ..

رفعت راسي عدلت شعري ..
اشوفها اجرة ..
من الغرفه وتبوس بي..
ماعرف حسيت بغيرة او كرهه مادري
بس مجلبه بركبته وتبوس بشفته
وايدة ..

يندمج وياها ويرجع يحجي ..وياها ..
علية ..

كمت من مكاني مشيت ..
وكفت يمهم ..
كتله شتريد ..
تريد تعرف منو الي هزمني ..
دفع ..فجر ..
كال احجي ..
كتلة كل شي ابالك صار..
انهزمت ..ونمت وتونست ..وفرحت وطلعت وطبيت ..

ويا ..
وازيدك شي ..
جان ارجل منك بهواية اشياء

حسيت بي ..
ومحسيت بيك ..

[ملكةه]

عرين النار
الفصل 2

ج 6

ماعرف شلون طلعت مني الكلمات..
ليث وفجر واكفين بالباب
واني زراها ..

حسيته ..جر شعري ..بكل قوته ..ووكعني بالكاع ..
ونام ع عليه ..
جان يجر راسي ويركعه بالكاع ..ويضربني بكل قوته ..

ضربني ع صدري مرتين ..
شهكت حيل وحسيت الهوى ..راح من صدري ..
وكمت افرفح ..حييل ..وارفس بكل جسمي
بعدته عني.
وكومتني كدرت اخذ نفس من جديد .

ليث راح تموتها ..

طبها الف مرض مو مرض واحد سمعتيها شكالت ..

اريد اكوم ع حيلي ماكدر الدنيا تفتر بيه ..

تقرب مني ..دفرني ع بطني ..
جانت القاضية ..
الي ..
وكعت ..ومحسيت بشي بعد ..
حسيت الفجر ..
اني نايمه بفراشي ..
اريد انكلب ماكدر ..
اريد احرك جسمي ..ماكدر ..
فتحت هيوني كلها اشوف المكان اني بالاستقبال ..

كدرت اكوم ..نفسي ..
واكعد ..
كمت ..غسلت جنت اباوع ع وجهي مو اني
عيوني منفوخه .
شفتي وارمه ..
وطلعت ..
ماكو دموع بعد ابجيها ..
كمت ابجي ..وداخلي معصور بس بدون دموع ..
مشيت ..
رحت للمطبخ ..شربت مي ..
البيت اظلم ..بس اكو ضوة بالممر..
البيت موحش،...
واستوحشت اطفالي امي ..
اريد اشوفهم ..
كعدت ..بالمطبخ وابجي ..
معقوله امي تهىف بيه راجعه وصار يومين
متسال ولا تكلب الدنيا عليه ..
ولج يوووم ..وينج
تعالي طلعيني من النار الي بيها اني ..

ماما ..
حسيت احد يمي ..
انداريت ..
هذا ليث ..
رفعت رجلي من القنفه وكمت وكفت ..
وكمت ابجي بصوت عالي ..
والله مسويت شي ..ولا احد طخني ولا لمسني ..
كافي ليث ..
جسمي ميتحمل قسواتك ..
تقرب مني اكثر ..
جريت روحي بزويه ..القنفه ..
كافي ..
الله يخيلك
تربد تموتني موتني راضيه ..
بس لا تسوي هيج لان تعبت حييل ..
اعصابي وجسمي ادمر مابقى شي بيه صاحي ..
ابوس ايدك..

تعبت والله تعبت موتني وريحني ..
كعد بصفي ..
كال ليش ؟؟
ليش حتى انتي الفقيرة غدرتي بيه ..
الكل صارت عليه ذياب ليش ..ريام ..
غلطت وياج صح ..وكتلج ..من ساعتها ..
راح تتغير حياتنا ونطلع من كل شي سيء واذانا
بيوم ..ليش ..صلحتي الخطأ بخطأ..

جان يحجي بهدوء ..
مو مثل كل مرة ..يستجوبني ..
ولا ..بعصبيه وغرور ..

كتله الخوف ..
اندار عليه ..
كال تخافين مني ...
ايييي اخاف منك وحولت حياتي كلها رعب ..
ماكدر اذكر شي منها .حلو ..
من اول يوم الى سبع ووالرهان وغيرها وغيرها ..
بس اني ماخوف ..

نزلت وكعدت ..

مانرهم بعد اني وياك ..ليث ..
فقدت كل شي وياك ..

ياريت تتركني بالحسنى ..
بس اني احبج انتي الوحيدة الي حسيت وياها بالامان ..
خليت راسي بين رجلي ..
كتله وانت الي فقدتني الامان والنوم ..
وكل شي بي راحه راح ..وياك ..

ريااام ..اسكتي كلج اغلاط ..
وجيتي يمي سويتج ادمية ..

كمت اضحك ..لا مو كلي اغلاط كولها كلي غباء ..

وانت وحش متعرف الرحنمه ..
ومترحم لا هدو ولا صديق
ولا ابن ولا زوجه ولا ام

اندار عليه بعصبيه ..
منو الي طلع وياج ..
محد محد
احجي ..
كافي ليث ..لو تصلخ جلدي ماحجي شي ممسويته
مو خوف منك بس هذا الي صارانهزمت منك ومن ظلمك
الي ..ولابنك وللكل ..
روح ارجع لحياتك
وقوانينك العسكريه الي متخلص بيوم
ارجع عيش ..واتركني اعيش لاطفالي ..
هااا اتركج وتروحين لغيري تتوسلين بي ..
علمود يزوجج ويحبج ..
كتله انت ليش هيج تشوفني ..
امدامي من حبيتك ساعه سودة جانت
بس هسة ماكو بداخلي شي
غير شي واحد
مات الحب وياك
تجربتين من حياتي علمتني المر وامر من المر
من اسامه والك

لا حب ولا بطيخ اني ثوله
ركضت وراك
ع شنو ..
ع عذابي وقدري وياك الاسود ..
كام من يمي ..
كال اقسم بالله ..
هم كلمتين ..
اذا ماعرف منو الهزمج مترجيعين لاهلج
واذا مااندمج ع كل شي سةيتي بيه
ماسمى ليث ..

مشى خطوتين ورجع ..
كال بعدج بالعافيه ماشفتي الموت وعذابة ..
لاتكوف بوجهي عشاير ولا حكومه
ولا عالم

الي اريدة اسوي ..
ولا عبالج من ذولي ..
الي احل الامور بكعدة عشاير وكم فلس وشرفي بالكاع
لا ..
اخذة بايدي لو اعرف اموت بعدها ..
ليث اسمعني ..
مشى
رحت وراه وكوة امشي جنت ..
لزمتة من ايدة بالممر ..
ليث اسمعني ..
اقسم الك بغلاة اطفالي ..
ماسويت شي اجيب العار
بس شفت نفسي ماكدر اكمل وياك صعب حييل ..
استمر اكذب عليك وامثل
بكل شي ..
ولك رهان طلعت حالي من حال كل شي. رخيص ..

وتريد استمر وياك ع شنو استمر ..

حس احساسي وبعدها احجي
حاولت اتاقلم ويا قوانينك الصارمه
الي مافهمت منها شي ..

ماكدرت ماكدرت ..
هسة الحل شنو انطيني. حل يريحني ويرحك ..

صرت بوجهه
جان بعيونه حزن اعرفه اني زين
وانكسار والم ..
ويمكن دمعة متنزل كبالي ..
ولا كبال احد
بس ردت اعرف الحل شنو ..
كال الحل سهل
اعرف منو وياج واتركج ترحين ..
واطلكج هم
منو انتي وشنو ..ولج مثل ماكلتي بضاعه رخيصة

وتراهنت عليها وكسبت رهاني ..

كتله

شكد حقيييير ..

جرني من شعري وقربني حيل اله

اشوفج الحقير شنو
وشوفيني الي ارجل مني منو ..

ماكو ماكو احد ..
دفعني ..

راح طب لغرفه فجر
صرت مثل المخب

له
خبلني هالانسان ضليت اروح وارجع
طلع الصبح واني كاعدة
وعيوني مضاكت لا نوم ولا راحه
اني شنو جايبني هنا ..
اشةفه شلون يعاشرها لو يتغزل بيها
لو شنو اباله ..
الف فكرة اجت ابااي
اني خسرانه كل شي ..
ماعندي شي اخسره بعد
اقتله واخلص منه
بس امي وجهالي شلون
واىجع واكول دامه هو يمي
الكل يتاذى من اهلي
لازم اخلص منه ..
رحت دورت بالمجرات مال مطبخ ..
فتحتها لكيت سجاجين كبار..
تلفتت ماكو احد ..
اخذتها ..
وضميتها بهدومي ..
ومشيت ع كيف ..
طبيت للممر ..
سمعت بابهم انفتحت
كشيت بسرعه للهول ..
وصلت لفراشي وخليتها جوة المخدة
شفت فجر واكفه باب الهول
صباح الخير ..
مجاوبتها وسويت نفسي اعدل بالفراش..
يابه كلنا صباح الخير ..
كمت رحت يمها
كتلها بعدة لو كعد
كالت بعدة ..
تعاي نسوي ريوك
اكيد جوعانه بعد جوله البارحه انتي
واني هم جوعانه ..اوووف شحلاتى ليوثي ..شايفته من يعصب بشي شيسوي بيه ..
يمه يمه امووت ..اني ..
باعي ..وتاشر ع ركبتها ..وجسمها ..

اشمئزت نفسي منها واعرف الي تقصدة ..
عفتها وطبيت للحمام ..

وافكر شلون اقتله ..
هسة من تسوي ريوك اروح اغرس السجينه ..بقلبه ..

واخلص منه ..
اباع المرايا صرت شبح بلا رووح ..
وجهي ازرك واحمر ..

ماعرف شلون جنت اتحرك ..وامشي رغم الالم الي بجسمي ..
بس خبلني والله خبلني ..
مشفت مثله ولا اشوف بيوم ..
لا يرحم ولا يخلي رحمه الله تنزل .
غسلت بسرعه ولميت شعري الي نصة وكع مني ..
بايدة ..
وطلعت ..
من الحمام للمطبخ جانت واكفه ع الطباخ ..
رجعت للهول ..

جريت السجينه ..
ومشيت ع كيف ..
وصلت لباب الغرفه ..
اريد افتح الباب ماكدر ..
اريد اتقدم خطوة ماكدر ..
بقيت مثل الصنم ..
لا رحت ولا رجعت ..
انفتحت ااباب
وليث صار بوجهي ..
شهكت ..
وكعدت بالكاع ..
احس بديت افقد عقلي كله ..
شبيج واكفه بالباب ..
ليث الله يخليك بس اطمئن ع جهال وامي ..
دفعني برجله ومشى ..
ماكو ..
كتله هو اختطاف لو شنو ..
ضحك ..اختطاف ..بابا انتي مرتي ..
شيكولون مثلا رجلها اخذها ..
والله عقلج ضرب ..
عفيه ليث ..بس اسمع صوتهم ..
انت متخاف الله احد
كال..لا ..

كتله عبالك اخوتي يسكتون والله يدمروك.

كال خلي يجي واحد منهم ويصير رجال ..
اطلعه من الباب جنازة ..
عادي ..
واذا انسجن ..ماضل شي ..اخسره ..
وخاصة اذا ..تدمرين ..انتي ياحلاتها ..
حتى اشوفج الارجل
شلون
وتقرب مني ..
حيل جرني ع صدرة ..
ولو اكو طرق ثانيه ابينها الج ..
بس ماوسخ نفسي بفضالات غيري ..

عافني وراح ..
للحمام ..
رجعت ضميت السجينه وبقيت كاعدة ..بالهول ..
اريد اعرف اهلي ليش هيج ساكتين ..
ومحد يسال عني ..
صاحتني فجر ..
ريام ..
تعالي اكلي ..
لازم اشوف حل واطلع منا ..
مابقى اهنا ..
يم ذولي المخابيل ..
مو طبيعين ابد ..

بالكي احجي ويا فجر واتصل بس بامي ..
واشوف الجهال شلونهم ..

رحت كعدت ع الميز ..
نفس الترتيب الي جان يطلبه ليث ..

اكواب الجاي ..
البيض السلك
الجبن ..
كل شي مرتب ..
وبمكانه ..
ماكو شي مو عدل كعدت..
وهي راحت يمه ..
وضحكتها ترن بالبيت كله ..
خربطت بترتيب السفرة ..
اجه مبتسم ..
كعد..
ضل يباوع ..
صاح فجر ..
نعم حبي .
اجتي ..
كلها شنو ..هاي وضعيه ناس تتريك الصبح ..
شكووو ..
كال الف مرة اكول ..
كل شي مرتب ..
انتي شنو ..ماكو دماغ براسج ماكو عقل عبارة عن فراغ
شنو هالهوسة ..
باوعت عليه ..
كالت ثواني والله وكل شي مرتب ..
اسفه ..
ضليت صافنه تتاسف اله علمود..الخواشيك مو عدله ..
ولا الاطباق ..
ربي ليش مجنت اشوف هلجنون قبل ..

رتبتها بسرعه ..
وكعد ءترك ..بكل اتكيت وترتيب ..
مونفسة ..الي البارحه ضرب وغلط عليه ..
مو نفسة ..
ضلءت اباوع عليه ..

ملامحه الهادئة القاسيه ..
والشيب الي بلحيته ..
وابتسامته ..
الي يوم من الايام اسرتني ..
واليوم الي ذبتني بالهاوية ..
بقيت ..
اباوع عليه ..
ورغم جوعي كوة كدرت اكل شوية ..

ضل يحجي ويسولف وكانما اني مموجودة
حتى طريقه كلامه وياها تختلف عن الي اعرفه
وياية ..

بكل شي ..
بقيت ..
مصدومه بي ..
من ضربة وغلطه مو هو الانسان الي زوجته بيوم غريب ماعرفه ..
شيريد مني
وهو الف وحدة بحياتة ..
اني شنو وليش ..
ديسوي ويايه هيج ..
كام من الاكل ويكول لفجر
مكانج مو هنا ..هناك بيتنا الجديد..
وريام حضري نفسج هنا كبرج
وتنقفل عليج باب ..
ع كد الاكل يوصل تعرفين اخاف الله اني ..

كم يوم واخذج فجر ..
وانتي هنا ابقي ..
راح واني عيوني ادور ع شي ..
بالكي حلم واكعد منه ..

واطلع من الواقع الي بي ..
راح
واني بعدني كاعدة ..بمكاني
وفجر ..تشيل المواعين تقربت منء
كالت حركات الجهال عيب ترة ..
ماعرفج هيج اني ..
صدك مابيه حييل احجي شي بعد ..
بقيت بمكاني ..
اجه ..
مبدل ..
لابس بنطرون قماش اسود وقميص اسود .
وعطرة قوي ..
والساعه والمحبس ..
كل شي مرتب بي ..
وعافنا وطلع ..
مشت وراه فجر اسمعها تجي اليوم ..

ماعرف شنو الكلام الي دار بيناتهم ..
اجتي يمي ..وتشحط بشحاطتها ..
كالت يجي يجي اليوم هم

يبات هنا ..
كمت كتلها ..انتي متضوجين
ترة اني هم مرته وكل شي جان الي ..
جرت الكرسي ..
كالت لا وليش اضوج ..
قابل راح تاكليني لو اكلج ..
عادي ..
منو بينا ماعندة ماضي ..
منو ماعندة حياه خاصة بس اله ..
كتلها انتي ماعندج اهل ..
كالت لا ..
زين مطلعين مطبين مضوجين ..



كالت لا تعلمت هاي حياتي صار سنين ..

احسن من حياه ..هوايه ناس ..
عمر وكبر ع فراغ ..
بس صدك ريام ..ليث يحبج ..
درت وجهي عنها واتلمس جسمي يوجعني حييل ..

ميهمني ..
كالت ولا يهمج عيني ..احسن بعد ..
لو اني حاجية حجي البارحه
جان قطعتي من الفجر معلكة بشارع ..
كمت ..
داكولج ميهمني ابد ..
رجعت كعدت ..
فجر عفيه بس اطمئن ع امي الله يخليج واطفالي هم .

شتريدين ..
اتصل بيهم ثواني ..
كالت ..
ماكدر ..
زين انتي ماعندج ام ..
عندي بس وتاشر فوك ..
شنو يعني
يعني ماتت ..
الله يرحمها ..بروح امج بس انصل راح اموت ..
كالت لا توىطيني ..لا ماورطج ..
كلمتين .بس ..
والله قلبي طاك عليهم ..
راح اموت ..
وكمت ابجي ..ماكو بايدي غير حيلة ..

كالت دتعاي ..
هاج ..
دكي عليهم ..
زين جنت حافظه رقم امي ..
دكيت ..مرة مرتين محد جاوب ..
اباوع الساعه اكيد امي كاعدة هسة ..
رجعت اتصلت وفجر فوك راسي ..
جاوبت ..
الو هلو ماما شلونج ..
سمعت ..ريام ..
منو ..مو صوت امي ..
اني ايناس ..
ها شلونج انوسه ..الحهال وين ..
اوكفي شلونج انتي ..شسوالج ..شصار ..
ماطو شي كاعدة بالبيت ..
وكمت افتر ..بالمطبخ ..
كالت هاج ابراهيم ..
الوو ماما ..وينج
حبيي..دموعي كمت ماسيطر عليها تجري ..
مكدرت احجي شي ..كل شويه اختنك وابعد الفون عني واىحع اخذ نفس
ابراهيم ماما ..اني احبكم .واسفه ع كل شي ..ودير بالك ع اختك ..
كم يوم واىجع عمو ليث مريض ..
جرته مي الفون ماما ..وينج تعاي .عفيه مشتاقه الج ..

احس روحي تحترك ..ليش ضيعتهم وضيعت نفسي
ليش..
حاولت اهدئ نفسي واحجي بكل ..هدوء..
مي انطيني بيبي...
كالت ..تريدين بيبي..بس بيبي..
وانجر الفون منها ..
ايناس ..
ها ريام احجيلي ..
شحجي ..امي وين ..
كالت هاا امج دتغسل ..عود شويه وخابريها ..
ايناس خوما زعلانه عليه امي ..
انجر الفون منها ..
الووو..صهيب
ريام ..من ايام اسامه طيحتي حظنا ..
وهسة هذا المجرم مين جيبيهم كوليلي ..
ساكته اني ..
واخذت الفون للهول ..وكعدت ..

ع التخم ..

احجي ..
كتلة حمدلله ع سلامتك ..
كال الله لا سلمج كولي اميين ..بهذلتيني ..
وطيحتي حظنا ..
الاصبع من يخيس شيسوون ..
احجي ..ريام
شنو صهيب ..مافهمك ..
كال يبترون الايد كلها ..
وانتي هيج ..بترتج من العائله ..
كمت ابجي ..انت اخويه ليش تحجي هيج ..
مبقيتي لا خوة ولا اول ولا تالي ..
نهزمتي .سجنتينا موتي امج من القهر ..انتي عااار

صهيب ..اريد امي ..وينها .عفيه صهيب ماعندي غيركم ..

جتي فجر ..
كالت سدي لا يدك ليث ..
الوو الووو سدة صهيب ..
ماعرف شلون ابرد روحي
اريد اروح يمهم ..
احجي ..واكوله ليش هيج سويت ..
كالت حاجيتيهم ارتاحيتي ..

بعدة بايي الفون ..
دكيت رقم ايمن بسرعه ..
جرته مني فجر ..
كافي لا تلحين .صيري عاقله ويوميه اخليج تخابرين ..
بالاثناء دك ..فونها
كالت اهلج
جريته منها ..
الوووووو..
ايمن ..جاوب ريام ..
اي ايمن ..
ايمن امي شبيها ..
كال شكو ..
كتله خابرت صهيب وانهد بيه ..

ىيام عوفي هسة ..
راحت فجر ..
كتله الحلكلي اخويه راح يموتني ..صار يومين زوركني ..
راح امووت ايمن ..الحكولي فدووة ..
باوعت فجر ماكو ..بصوت ناصي ..
كال ..

انتي وين ..
اسمع بسرعه العنوان ..بالتفصيل ..

كال جايج ..هسة ..قريب عليج ..
بسرعه دام هو ماكو ..
بسرعه الحكلي ..
سديته منه..
وماعرف شنو بعقلي بس اريد اخلص وارجع لاهلي ..
وديت الفون لفجر ..
وكعدت ..بدون كلام
كالت شتىدين غدة ..
بكيفج ..
دك فونها ..
جاوبت ..
قلبي ..
بكيفك ..ياريت ..شنو ماعندك شغل ..
هااا ..بكيفك ..والله بس بعد وكت تعال ..وشوف شلون ..
حياتي انت ..
سدته ..واني جن جنوني منو ..
كالت ليث كال جاي بالطريق ..
ماعندة شي ..دوامه بالليل ..
شنووووو..
شبيج يمه فزيتي ..
لا لا مابيه ..زين انطيني الفون ..
عفيه . اتصل ..
لا عيني ستري علينا ..
هو وين ..
منو
ليث ..
هنا بالمنطقه ..
كمت اضرب ع وجهي ..
كالت شجاج ..

اندك الجرس ..

[ملكةه]

عرين النار
الفصل 2
ج 7

لا اعلم ..
هل انا اقتل الحب من اجلك
ام
حبي لك يقتلني

ام البعد

يقتلنا ...انا وانت ..

هناك ..جريمه تحدث ..

في حق نفسي

لكن من الفاعل
لا اعلم

فجر كالت

ولج شبيج بس تكمزين
كوليلي منو عالباب
فجر اخويه ..
واذا اجة ليث وشافه تصير كارثه ..
عزة بعينج ولج انتي شنو من بشر ..متخافين ابد
عقلج فارغ ..والله
هسة شتحجين احجي بس اخويه ..
وهذا فقير حييل ..
كالت اسكتي ومالج شغل بشي ..
طلعت فتحت الباب
وكفت ورة الباب اسمه ..
كالت لا عيني محد هنا اسمه ليث ..
ي طبعا متاكدة خاف منطقه الي ورانا
روح وشوف
ماسمع شيكول ايمن اسمع بس ردودها ..
عفيه شتريد انت داكولك غلط ..
رجلي محله قريب ليش تخليني اخابرة ..
وسدت ااباب ..
وطبت .احس نص حيلي انهد وراح
دخلت ..
كالت .والله حيل بيج الي يصير عقلج وين انتي ..
مدشوفي مثل الاسد الهايج ..
كعدت ..
وسكتت ..
وتاكدت ايمن ..راح

اتصل ع فجر ..
اكثر من مرة ..
مردت ..
بعدين غلقته ..
كتلها فجر بس احجي وياه واطمنه ..
كالت
لا ابد هسة يجي ليث انتي ليش تريدين تهجمين
بيتي ..

فجر ..راح انام تعبانه حييل ..
جسمي يوجعني ..

رحت لفراشي ..
خليت راسي ..
محتاجه اشم عطر امي واطفالي ..
ساعه ابجي وساعه .اسكت ..
محسيت ليث اجه لو لا ..
بدة وجع جسمي يزيد ..اكثر واكثر ..
واحس خدي بعدة متبنج من ضربة البارحه
بداخلي الف قرار..
منا لاسبوع اذا مخلاني اروح ..
لو طلكني ..
شسوي ..
اموت روحي ..
بديت اختنك واحس كاكو
مفر من الي بي اني ..
حياتي كلها اغلاط وماعرف وين الحل
ولا وين يصفى بية الدهر
وشنو مصيري راح يكون ..
مداتحمل احس نفسي ..
كل شي بالحياه يضغط علية
دائما ..
تصرفاتي ..
بدون تفكير ..اسويها ..
دائما اوكع ..
بس هالمرة وحدي ..
حسيت بحركه ..
ودموعي ..تجوي خدي ..
ع ظلمي لنفسي ..
نمت ...حسيت نفسي ..بيت قديم ..واثاثه ..وصخ ..حييل ..
واني كاعدة ..بالكاع وداير مدايري ..نسوان ..
مغطيات وجوهم ..
..وينحبون ..بصوت ناصي ..
كمت من مكاني اتلفت اني وين ..
منو ..هنا ..
انتو منو ..
اشوف بالباب امي واكفه ..
بس مو امي نفسها الي تعبانه ..
لا شفتها شابه ..صغيرة ..والشعر الابيض صاير خيوط حرير
سودة ..
ووجهها ..كله جمال ..
صحت عليها
ماما ..
باوعت عليه ومشت ..

اريد اكوم من مكاني ماكدر ..
احس اكو شي لازمني ..اتلفت المكان يرعب من الوسخ
وهالنسوان مابطلت .ون ..
ولا عبالك احجي ..
امي اختفت ..
وراحت ..
ضليت اصرخ باسمها
ماما ..
يووم ..
سمعيني ..تعاي طلعيني منا ..
ماامااا ..
كمت من نومي ..
وايدي ع وجهي ..ودموعي تنزل ..
لا اراديا مني ..
كمت والتلفت ..يمنى ويسرى ..

حلم ..
حلم ..
الحمدلله لله حلم ..
كوة كمت من فراشي ..
طلعت من الهول ..
طبيت للحمام غسلت ..
وطلعت ..
للمطبخ ..
اشوف فجر واكفه تغسل مواعيين ..
اندارت عليه ..
شبيج ريام وجهج ..اصفر ..
كتلها ماكو شي ..
كعدت وتعبانه حييل ..
جسمي يوجعني مداتحمل الي بي اني ..
من الم وخنكه ..
حسيت الدنيا وكفت بعيني ..
وكل شي راح مني ..
حتى الاحلام تخنك ..
زاد اشتياقي لامي ..ولاطفالي ..
فجر كالت اصب الج غدة
ترة ليث جاب اكل واكلنا وكملنا وانتي نايمه
كمت افرك بركبتي توجعني ليش صار
شكد نايمه
كالت هوايه راح نصير العصر ..

كالت تدرين ريام ..
ليث ..مقبل اكعدج كلي تعبانه ..عوفيها ..
وضل واكف يمج وانتي نايمه يباوع عليج ..
هنيالج ..يحبج ..
واني صار سنين ..
محسيت بنضرة منه ..
احلم ..بيها ..
المهم اصب الج ..
اشرت الها اي ..
جبت اكل يمي سفري..مندي ..

جنت جوعانه واكلت بدون خووف ..
محد يكولي اكلي هيج وسوي هيج ..
اكلت كل الاكل ..
ولو اكو بعد هم اكل ..
كتلها فجر شلون تعرفتي ع ليث ..
ضحكت كالت صبري ..
خلي اروح اكوي ملابسه ..الداخليه ..
لان ..رزلني ..يكولي معقجة ..
ي هذا هو ليث اعرفه كلش زين ..
بس هم ماعرفه منو ..
يمي شي ويمها شي
شسويت بروحي ..لا اني حضيت باطفالي
ولا اهلي ولا رجال
اني ضعت بسبب الحب ..
حبي اله دمرني ..
اختياري ..
كل شي غلط بحياتي ..

احس الاكل صار نار بمعدتي
كد ما افكر ..وانقهر ..
كمت لهيت نفسي كوة ..اتحرك غيلت المواعين
وسويت جاي ..
وكل شويه اسرح ..
اريد اذكر شي حلو مريت بي ماكو

شي جان سعادة الي ماكو ..
غير ولادة اطفالي بس ..
والحب الي عشت بي لحظات ..
كعدت اذكر كل موقف مريت بي ..
ويا ليث ..
واتضح الي اني دكيت بابه ..
واني واني ..واني السبب ..

جتي فجر ..

كالت اكعدي هسة اريد منج شغل اني ..
كتلها فجر احس راسي يريد يطك ..
مكلج ليث نهايه الي بي شنو ..
كالت لا ..
واصلا وهو يمي ماحجي بشي يضوجة ..
الي بي كافي ..

انتي هوايه تحبي ..ليش ..؟؟؟

وهو وحش..

كالت لا مو وحش كولي طفل ..

ضحكت طفل ..
تريدين الصدك فجر ..
انتي وليث واركان وحمزة سبب الي بي اني
دمرتوني ..

كالت هااا انتي من جماعه ..الي تغلطين وتصيحين
انتو السبب ..
باعي حبيبه الله انطانه عقل مو من فراغ ..

حتى

نفكر بي ..
مو ها كلولي ..خلي انهزم ها كلولي خلي ازوج

دبطلي ..ذبين ذنبج ع غيرج

شوفي هذا ليث لو يريد روحي انطيها اله بدون مقابل ..

والسبب قبل لا تسالين ..راح اكولج ..
راحت وكفت يم الطباخ صبت جاي ..
وجابته وكعدت يمي ..

جرت شكاله من شعرها ..وخلتها بحلكها ..
وشعرها نزل ع جتافها ..
جان كل شي بيها حلو ويبهر العين ..
رجعت لمته وتربعت ..ع الكرسي ..
كالت اني
ربيت بيت ..
اب سكير ..واخوات 3واخ واحد ..
الخوات ازوجن هم وصغار او انهزمو من ظلم ابويه ..

وفقر امي ..

وعيت ع بيت الاب نايم الصبح وسكران بالليل ..

واخ بس كبر صار اتعس من ابويه ..
جنت صغيرة ..
واذكر امي تخبز ..
لو تاخذني وياها ..نفتر ع بيوت نغسل طرمه ..
نغسل هدوم فراش ..
وينطونه هالمقسوم ..

نزلت رجلها وضربت عليها وكامت ..
كالت يراد جكارة ..
لان كلبي يورث ..من هالسوالف..
كتلها دخنين ..
كالت شعبالج كل الناس مثلج ..
ام واب .اخوان يحبوها ..
لو بيت ورجال..
وانتي عقلج مدري وين بالدنيا بلاوي ..
وانتي نايمه ..
جابت ورثتها ..وشهكت نفس ..قوي ..

كالت ..ونرجع للبيت ..لو تطبخ امي لو لا
الناس نشتغل يمهم يلمونه من فضاله غداهم ..
يوم مركه بالحم
ويوم جدر تمن باكله ..
ويوم خبز ومي ..

اذكر جنه انام بغرفه ..اني وامي ..

يجي ابويه بالليل
يدفرها لامي ..كومي جيبي باكيت جكاير الي ..
وتكوم بسرعه تلبس عباتها وتروح ..
مرات ترحع تبجي ..
ومرات ترجع تتعارك ويا ابويه
وتسبه وتغلط عليه ..
وجنت ماعرف شيصير ولا شنو احنا ..
الهم زاد ع امي ..وخواتي اختفن من حياتتا ابويه كبر ..
وتمرض وبعدة يسكر ..
والهم صار همين ..
اهويه وابويه ..
يردون فلوس من امي واذا مانطت
او ماعدها ..
يضربوها ..
فتحت عيوني حييل عليها ..
يضربوها اخوج يضربها ..
اييي ..يضربها ..

امي تمرضت ..وابويه هم ..

وكمت اني اقوم بالبيت وطلباتهم ..

بس ..ماكدر اطلع وحدي وادك اليوب ..واشتغل ..
ماعرف وحدي ويادوب الحك ..
ع طلباتهم ومرض امي ..
جنت متعلقه بامي حييل ..
وياها وياها ..
وبدت فلوسنا تخلص ومشاكل وعرايك بالبيت ..
متخلص ابد ..
وبدو يدزوني الي لابو الاسواق ..
اجيب الهم ..
بالدين ..
مرة مرتين اكثر ..
مرة رحت ..كال ادفعو حسابكم كتله ابويه يجي وينطك ..
كال لا ابوج ..عليه بس يكربع وينام ..
امج وين شنو طلعت تقاعد ..عن الخدمه
مو حتة ابو المخضر حن الها ..
وهسة انتي صرتي وليه العهد ..
ويضحك ويمه رياجيل اثنين يضحكون ..

صفنت ع كلامة ..
ومافهمته ..شنو ..
رحت ع امي احجي وياها مجاوب ..
وتبجي ..
ومعرفت شنو ..
ودائما تحذرني اذا يدزوج لا ترحين ..ابد
مع العلم امي جان الكل يحبها ..
وتبقى تسولف وتضحك ..
ومرات اهل المحلات ينطوني ..
حلويات واكل ..

يوم بعد يوم عرفت
من مريت بنفس الموقف ..
عرفت ضحكه ولزمه ..واذا اقتضى الامر تصير اكثر ..
علمود باكيت جكاير لو شيشة معجون ..
اخذت حسرة ..
كالت اكو احلى من هالطفوله ..
اب يبيع مرته ..
واخ يبيع اخته ..

كتلها وين عايشين ذولي
وامج وينها ..
كالت ماتت من زمان
ومن ماتت هجيت اني ..
وانهزمت منهم ..
ومن ظلمهم ..
لمني الشارع ..
يوم اشتغل بمحل ويوم بصالون ..
تعرفت ع وحدة ..
كعدتني يمها ..
واشتغلت بمحل هدوم ..
والحمدلله كل شي مر بالحلال وصارت فلوس عندي ..
وجنت اتمنى امي ترجع ..
واخذها واعيش وياها ..
عسة ما بغرفه وحدة ..

بس اشيل منها تعب سنين ..وهم وذنوب ..
بس راحت ..
وابويه هم مات
واخويه سافر ..

ومضل عندي احد اصلا من زمان ماعدنا احد ..
ولليوم ماعرف خواتي عدلات ميتات ..

خلي اكملج ..ابو المحل ..شاب حلو مرتب ..

عرض عليه زواج بس بسر لان مزوج ..
وميكدر يعلن زواجه هسة ..
حبيته وقبلت وكعدني بسقه فوك المحل ..
وعشت وياه اشهر كلها حب ..

وكلت هذا هو فجر ضحكت الج الدنيا ..

مدة ..وتغير كام ميجي ولا يسال وميقبل انزل عليه
واعرف اخبارة وميجاوبني اذا اتصل ..
صفكت اديها فزيت اني ...

كالت ..وباعني لصاحبه ..
كلع لا عقد ولت شيخ ولا زواج

بالليله طب عليه واحد سكران ..من اصدقائة ..

وغصبني انام ويايه ..

وثاني يوم صعدلي عود الي اسمه رجلي
كلي يلا لمي هدومج ترحين وياه ..
ماطولها عليج
رحت ..
مدة ..واستلمني غيرة ..
االاخير من عافني مكتفه ..يبيعني لا ..راد فلوس كل شهر مني
من مليت ومقبلت بعد
تهمني بسرقه ..
وشفت ليث ..
وطلعني من هالبئرة الظلمه ..
عرفتي ليش احبه
ماستعر من ماضيي ولا اكولج اني جنت ملكه
لا ..
هاي اني وهاي حياتي ..
ليث طلعني من ..واقع قذر ..
وعيشني بيت ..
وازوجني ..
حتى لو عقد بس ازوجني ..

ومن يومها اني لا طلعت ولا شفت باب
ولا عاشرت عالم ..
ولا افكر اخونه بحرف بيوم

ريام صعب .من تنظفين ترجعين .لدرب اسود ..
لا عندي ام
ولا اب

ولا اهل
هو كل حياتي ..
هذا جانب قليل من حياتي ..
تريدين اسولف الج ع نومه الجوة الجسر ..
وشيصير بينا هناك ..
كالت تدرين ..ريام مايوم حسيني ليث اني بنت شارع
رغم خباله عليه ..
بس ..ذلني بماضي ابد ..

لان مايوم حسسته هو غلط او مريض او بي خلل..
اعرف اعرف ليث عبارة عن مجموعه اغلاط وامراض..
بس يطب من هالباب هو ملك ..
واني جاريه يمه ..
مرات يضرب يحجي ويغلط ..
بس تعرفين ..
اسكت ..مو مجبورة
هسة تفكرين علمود ماعندي اهل ..
لا حبيبه ..
لان ..يستاهل انسانه ..تكون اله..بكل شي وتتحمله ..

كتلها بس انتي هيج تشوفي ..

كالت الله يرحمج يامي كلمه دائما تكوليها
الايدة بالمي
مو مثل الايدة بالنار ..

كالت اوي شعليه بيج
صوجي اني اسولف الج
اروح ارتب نفسي راح تصير غروب
ودام انتي هنا يجي يجي ..
وصدك
جهاله وامه مو هنا
لعد وين ..
كالت يااا متدرين
لا
سافرو ونسه عيني ..
كل هذا واوي واوي ..تتبطرين ..

كامت من يمي ..تغني وتضحك ..
ولا عبالك الي حجته هم مو مهموم ..

راحت تسبح ..

بقيت وحدي ..

وفونها يمي ..
اخذته ..
بي رمز ..ردت افتحه معرفت ..
خفت لا ..يقفل وميفتح بعد ..

ذبيته ..
وكمت امشي واتحرك
واتلمس خدي ..
حتة اضغط عليه باظافيري ..
بس ماحس بي ..
من ضربه البارحه ..
احسه خدران ..
انفتحت الباب ..

انداريت ليث ..
باوع عليه ودنج راسه ..
ومشى ..للمممر ..
رحت وراه ..
طب للغرفه ..
طبيت ..
ليث ..
جان كاعد ع الجربايه ويبدل بهدومه ..
ليث ..
ميجاوب ..
ليييث اسمعني ..

تقربت منه ..
لخاطر الايام الحلوة الي عشناها
والمرة هم ..
اني ماذيتك بشي بيوم ..
بس من حسيت نفسي ماكدر اقدم شي بعد ابتعدت
عنك ..

كال شتريدين ..
واخذ هدوم من الكنتور ..
كتله اريد اعرف مصيري شنو ..
شنو الي تريدة ..
بس تضرب ..عود هذا هو انحلت ..
لو ..شنو ..
فهمني ..
اني مو عار عليك طلكني ..
اخذ حسرة .
كال ..ريام تعبان هسة ..مو وكتج

كتله ايام طويله انام وحدي لو افز والكاك ماكو
من اسالك تكولي شغل
بس عرفت هذا ملاذك
هنا جنت تكضي كل الليالي ..
واني ابجي وافكر واحسب وانت هنا بحظن فجر
وهسة جاي تحاسبني ..
ع غلطه ..
ليث ..
اني جنت احبك ..وانعميت بحبك ..
مشفت لا حياه ولا اطفال ..
دمرت نفسي بايدي وياك ..
اعفي عني ..
اندار عليه ذب هدومه بالكاع ..
كال ..عوفي كل شي ..
زالي سويتيه ..
لو عار هم ..يتحترك اذا مرته انهزمت
بس اني ماكدر اكمل يومي بدونج ..
ماكدر ..
واذا ع جهالج
راح ارجعج للبيت ..
واجيب جهالج ..يمج ..
ومالي دخل بيج بعد ..
بس ابقي يمي ..
الكل عافني وحدي..
ماريد يكولون مرت ليث ومرت ليث،..
وجهالي تعلمو عليج نرمين تريدج ..

بس ماسامحج بيوم انتي خنتيني ..
سكت كال ..
رياام ..تريدين الصدك ..
اندك الجرس وااباب سوة ودكه قويه ..
لبس تيشرت بسرعه وكام من يمي ..
وطلع ..
شويه وسمعت صوت عالي ..
وينهاااا ولك ..
كمت كوة ..
وفجر طلعت من الحمام ..
تصيح شكو شصار ..
وصلت للباب ..
اشوف ليث ..واكف مثل السد ..
وايمن ع جهه ..
شافني ..
ايمن ضرب وجهه ..
ودفع ليث ولك شمسوي بيها ..
ويغلط عليه ..
انت مو بشر ..
حيييوان ..
وليث يصيح م تي ..
جرنني ايمن ..
واني مصدومه بكل الي ديصير ..
اريد اكوله اصبر نتفاهم ..
دفعه عني ..ليث ..
ايمن ضرب ليث ..
ليث كله ماريد اضربك ..تعال نتفاهم جوة
كال ماكو تفاهم ..البنيه راح تموت وجاي اخذهار
ليث كال
ايمن مرتي مالكم دخل بشي ..
اخر كلمتين مفهومه جانت ..
بعدها ..
ايمن ضرب ليث ..وتلازمو ..
واحد يضرب الثاني ..
وادفع ..
فجر يمي تصرخ لييث ..
اني اجر ..بايمن ..

حاولت افك واحد من الثاني مكدرت ..
شفت ايمن ..نايم ع ليث ..
يخنكه ..
ماذكر ..شلون ..
بس شفت ..اخويه ..
وكع من ليث ..
وفجر لازمه باديها ..
بوري مال مي ..
وايمن وكع ع جهه ويرفس ..
والكاع انترست دم ..
كمت اصرخ بجنون ..
واروح للشارع وارجع ..
اكوم بي ..
نمت ع صدرة اريد اسمع نفسة ..
جان يرفس برجله ..
ولك ليث اخويه راح يموت ..
ركض ليث ..
والعالم التمت علينا ..
واني اباوع بالوجهه ..
شالو ايمن ..وراسة نازل ..
والكاع كلها ..دم ..
وبدو يبتعدون عني ..
وراس اخويه ..
يروح يمين ويسار ..والدم مثل البوري ..يطلع منه
صرخت باعلى صوتي ..
ايييمن ..

[ملكةه]

للحكايه بقيه

[ملكةه]

عرين النار الفصل الثاني

ج 8

صرخت باعلى صوت عندي ايييييمن ..

واشوفه كدام عيني ..اخذو..

ماعرف شنو اسوي ..
قبل لا يطلعون الباب ..
لبست نعال ..
وركصت وراهم ..
اجي وياكم ..
اجي ..
ماعرف منو ..ذب على جتافي عبايه ..
وصعدت بسيارة ليث ..
وايمن نايم ع رجلي ..
وليث اجه يركض ..صعد بسيارة ..

وطلعت بينا اني وايمن ليورة
وليث ..وواحد ماعرفه صاعدين بصدر ..
احجي ويا
ايمن حبيبي
تسمعني ايمن ..
وامسح بوجهه ..
وواحجي ويا ليث سوق بسرعه ..
لحظات تخطف الانفاس ..
وكل شويه اتخايل الحلم ..
اكو ناس لابسه اسود واني بنصهم ..
حسيت ايمن ..
تحرك
كمت اعيط شغل الضوة ..
تحرك ..
شغلولي الضوة ..
اباوع عليه احاجي
يحجي كوة كال اخ راسي ..
راسي ..
وسكت ورجع نام ..
ضليت امسد لوجهه حبيبي هسة نوصل مابيك شي ..
ايمن اصحى ..
يفتح عينه ويسدها
وشلال الدم بعدة
احس هدومي تنكعت
وصلنا ..
بعياط وصياح وهورنات
وليث يطلع الباج مالته ..
اخذو بعربانه طببو
انتبهت ع جتفي عبايه راس هاي مال زيارة
خليتها ع راسي ومشيت وراهم اركض ..
ومننتبهه ع شي
اخذو
بسرعه للطوارئ ..
من السرعه مالتهم والخوف نفسي انكطع ..
اريد امشي ماكدر ..
وكفت ..
وطبو .غرفه عمليات صغرى ..
شويه ووصلت يم الردهه ..
جيت افتح الياب ..
طلع ليث ..
كال وين ..
كتله اطب اشوفه ..

كالي ارجعي بس رياجيل
ومابي شي يخيطون راسة ..

عليك الله ليث ..
والله حبيبي لا تخافين ..

حسيت بامان شويه ..
كلمه حبيبي ..صار هوايه مسامعته .
فاتو ..مجموعه شباب ..
شايلين وياهم ..
ولد
وثبرو تلدنيا ..بصياحهم
اكو لقطات ..شايفتها بالافلام بس ..
ونعرفها كذب ..
بس هذا الي شايلي ..
يطلع شاب ..عمرة اقل العشرين
ولابس ادريس رياضي ابيض وازرك وشعرة طويل ..
اريد انتبهه ع مكان صوابه مداعرفبس يصرخ
بآآآخ
وصوته خشن يهز الردهه كلها ..
انتبهت ع رجله ..
الكاحل العظم ماله طالع ..
ليبرة مثل عظمه الغنم ..
شي جان مرعب ..
مشيت من جهه ليث وصرت ورة ظهرهه
وكلبي يخفك سريع ..
حييل ..
من المنظر وعياطه ..
درت وجهي
وسكتت ..
اندار عليه كال خفتي ..
هزيت اله راسي ومسحت دموعي اي ..
كام يضحك ..
خنزرت عليه ..
كال لا تتحركين جاي هسة ..
رجع طب جوة ..
دقايق وطلع ..
كتله ها ..
كال الحمدلله ..شويه ويطلع ..
ياممرض يفوت ..يروح يمه ليث ..
مدري شيحجي وياه ..
ويرجع يمي ..
طلعو وطلع الولد الي جاي ويانه ..
ايمن مضبرين راسه كله ..
اخذو من يمي مشيت وراهم احجي ويا
راسه منزله بس ياشر بايدة الي ..
اخذو لغرفه الاشعه ..
وبقيت برة وليث طاب وطالع عليه..
بعدها رجعو للطوارئ ..
ونام هناك ..
ليش بقوا مادري ..
طبيت شويه يمه وطلعت
الردهه كلها رياجيل حتى المرافقين
جنت مستغربه من شي واحد
ايمن من طبينا ..
اكثر الممرضين ..يمه ..
انتبهت ليث ..كل شويه ينطيهم فلوس ..
بين مسكن..ومغذي ..
وماعرف ليش المغذي ...
طلعت ..برة الردهه ..
والف مرة حمدت ربي وشكرته رجع الي اخويه من موت ..
وكلما يطب عليه دكتور خفر الزمه واحجي وياه ..
عن ضربته ..و ليش كام يرفس ودخل اغماء ..
ويطلع ..
الدكتور اصر يبقى حتى الصبح يحولو مفراس
واي مستشفى اهلي متستقبل الخاله
حاولت وياه انطلعه
كال ضربه الراس ..الافضل نابعها
اذا صخن او تقيئ يورم ..
الافضل هنا ...اليوم يبقى ..
بقيت برة الردهه ..
الف حسبه براسي..
بس كل شي متوقف ..والمهم سلامته ..
كعدت بالكاع وبقيت ابجي وين وصلتهم اني
ووصلت نفسي لشنو ..
صهيب ..كارهني
امي متحجي ويايه وزعلانه اكييد لهذا متسال عني
ايمن جان مات بسببي ..
ليث ..شك بيه ..
بقيت اسمع كلامهم وين وصلتي ريام ..
حسيت انمد الي بطل مي وعصير ..
رفعت راسي ..
ليث ..
اخذته من ايدة ..

عافني وفات جوة ..
كمت باوعت ع ايمن زين جان ..

ويحجي ويا ليث
ليث متركه ولا لحظه ..

مرات مواقف تمر بينا تخلينا نعيد كل حساباتنا ..
ونفكر بكل شي ..

ياريت جنت افكر ياريت قبل لا اخذ قراري ..
افكر جان موصلت لهنا ..
ولا عشت هالتجارب المرة ..

بقيت واكفه واباوع ع ايمن
وجان ليث مستمر بالكلام وياه ..
الي عرفته الضربه صايرة ..
ورة اذانه ..
والشك جبير ..
وفطر عندة ..بالجمجمة ..

وباجر نحوله لرنين ..
ونودي اخصائي بس المهم الليله تعدي ع خير ..

وكفت بسد الحايط ..
وطلع ليث يتصل ..
جيت قريب يمه ..
كتله تتصل بفجر مو؟؟خايف عليها اكيد ..
بعد الفون من اذانه ..كال لا صاحبي طبيب ..
وداخابرة ..
رجعت لمكاني واكفه وتعبت من الوكفه ..

رفعت راسي عليه ..
اشوفه موجهه الفون علية ويبتسم ..
ضليت اشر اله شكو..
اشر عليه ..
كتله شكو ..
ياشر ع هدومي ..
دنجت هدومي كلها دم ...
وانتهبت لابسه نعال تك بتك ..
والعبايه ..فوك حجل رجلي ..طافرة عليه ..
كال والله هيج ستايل ..ميتفوت
امشي اوديج للبيت واني ابقى يمه ..
عدلت نفسي ..
والعبايه نزلتها ..
كتله ماروح وماتحرك منا ..
اجه قريب عليه ..
كال ليش خسرتينا ..
كل شي حلو
اني غلط واعترف اصبري

انطي مجال اتعلمي عليه ..
ليش ريام ..
دائما عجوله بكل شي ..
ليش ..
اني ..حبيتج صدك ..
وعفت الكل لعيونج
مايوم تقربت منج ..اذا ماحس بخوف منج
اني غريب اي ..صح ..
بس انتي غلط ..
وحاولت وياج ..
ومقصرت بشي لا الج ولا اطفالج
الي ردتي كله يمج والج
حاولت اغيرج
انتي مومرتبه ..
مبهذله نفسج وحياتج كلها .
خسرتيني وخسرتي كل شي ..
من اذكرج احس بغصه ..تخنكني الي
من وراج اني جيت اموت
واخوج هم ..
لهنا ..واكولج كافي،
الي تريدي يصير ..
كال ريام ..الجد تعبت من كل تصرفاتج الا اباليه
شوفي وين وصلنا ..
هذاالي تردي يموت احد ..
هذا الي تفكرين بي ..
اظن كافي بعد ..
الي شفته والي صار كافي ..

انهزمتي او لا ميهمني بعد ..
والي صار وي ايمن ..
اني سدادة من مليون الى عشرة ..
بس رجاءا بعدي حمقاتج عني ..

كلتها واعيدها واكررها دوم ..
انتي انسانه مو كد مسؤليه ..
لا بيت ولا اطفال ولا زوج ..
كتله
بعد كل الي سويته بية وذب اللوم عليه ..
انت السبب بكل الي صار ..
وراح يصير ..

زين اسالج سؤال ..
بالله عليج ايمن شجابه لبيتي ..
سكتت كتله اني اتصلت بي لعد تريد ابقى
مكفخة الك ..
وانت والست جوليت ..عايشين الحب ..

ضحك ..دار وجهه عني ..
وحرك باللحيته ..
كال لا ..مو هذا الي اريدة
بس ثقي بالله ..وكعه اخوج ..
خلتني اغير قرارات هوايه ..
واولها انتي ..
انتي سبب دمار اهلج
واذا ا رجعج لبيتي ادمري .
ولو هو انهجم مابقى بي شي ..
غير اطفال 2..ومرت اب ..
واني ضايع بين شغلي وبينج ..
بس هم بسوء تصرفج ينهجم ..
الي تنهزم من رجلها مالها امان
ومتتامن ع بيت ..
وصلنا للنهايه ..

ردت احجيله عن كل شي صار ومنو السبب

كاافي ليث ..

اسمع صوت من بعيد ..
ولك ....
والله والله الا اقاضيك ..

وتقرب علينا صهيب ..
دفع ليث من اكتافه ..
ليث ..
وكف بعيد ..
والعالم التمت تباوع ..

كله ..دخلي يصير بابمن شي لا والله جد جدك احبسة ..

وحضر عمامك ..
يالبطل ..يالكادر ..برتبتك ..تسجن العالم ..
واندار ..عليه ..
كال وانتي حسابج عسير ..
من الله اخذج ولا رجعج النا ..
واسمعي زين جهالج يم اهلهم
ماتحمل ..احد اني ..ومسؤوليتهم ..

وانتي ..روحي ورة هذا الجلب ..
واتهجم ع لليث ..
تضرب اخويه ..
وطبت العالم تفازع بينهم ..
والحرس تحجي ..
هدة الوضع ..
صرت قريبةع صهيب كتله ..
هو مالة ذنب مرته ضربتهة لايمن ..
فتح عينه عليه كال انتي ضربين اخوج ..
لا لا مو اني مرته ..
مرته منو مزوج عليج يالغبرة ..
من امداج بصوت عالي ..

الله بعد شيسوي بيج ..

كتله صهيب ايمن مابي شي ..
طلعونا برة المستشفى بالباب ..
بسبب حس العالي لصهيب ..
والكلام الي كاله ..

طلعت ..وضليت اتوسل بي صدك
جهالي انطيتهم لاهلهم..
ميجاوبني ..

وليث واكف بعيد ..
عني ..
وساكت محجة شي ..

حاولت اتودد اله ..واحلفه بروح ابويه يهدى ..
ولا ياخذ قرار ياذينا بي ..
بس جان ساكت ..

كال اريد ادخل اشوف ايمن ..
كتله صهيب فدوة ..اروح الك..
بس طمني ع جهالي ..

كال ..جنا
عائله ..ام ولد 2وانتي ..
وبسببح ..
صفينا ..2
شنو ؟؟

شنو شنو سوين نفسج غشيمه لو شنو ..
امج ماتت من قهرج ..
سكرها جلطها ..
واخوج هم راح يموت وسالين شنو..
من الله ياخذج .
انتي عار ..
لو ميته ..
انتي ...
ومخلصه العالم من اذيتج وغبائج ..
كلام الباقي مداستوعبه
شنو امي ماتت ..
هذا شديحجي ..
تقربت منه وبقيت اتلمس بي واسالع
امي وين
شبيها امي ..
لزم اديه اثنينهم ..
ودفعني حييل وكعت ..
كال ماتت ماتتت ..
جرة ليث ..كله لهنا وكافي مثل ماعرضك
مرتي هاي ..لا تخليني افقد وياك ..
وراح طب صهيب جوة ..

ماذكر شنو الي سوته من هالخبر ..
امي ماتت ..
يعني شنو ..
بعد ماعندي ام ..ماعندي جنه ..
ماسمع دعاء الي ..
ولا اشم عطرها ..ولا اسمع صوتها ..
ولا اسمع .ام سعد وام سعد ..
لو ابطال المسلسلات ..القصص الي تحجيها الي من الصبح لليل ..
ناربيه ومتطفى بيوم ..
الي موت امي منو اني ..
ايي اني ..

اصعب شعور ..الندم والذنب ..
احس الذنب ياكل كل شي بية
..
مابقى للسعادة ..مكان ..
اخذ كل شي ..
ومرت الايام
رجعنا ..
للبيتنا كل شي فارغ والظلام الي بالبيت ..يخنك
حت.ى هوى مابي ..

ونسيت .فرحتي باطفالي وشوفتهم ..
فقد امي كسرني حييل ..
وملامه صهيب الي نهتني ..

ايمن بدة يتعافى يوم بعد ..يوم..
بس ماحس بشي ..
ومثل كل قصيه ..وشكوى تصير ..
يصير تنازل وتسند ..
بالعشاير ...
كمت اسمع كلام ..من الناس ..
عن زوجي واخواني ..
صار صلح ..
انحلت ..بيناتهم ..
الهشاير راضت النفوس وهدتها ..
واني شبح متجول بالبيت ..

الليل كله بغرفه امي ابجي ..
وبلنهار بين ..المهدئات وبين صهيب
وكلامه الي جان ..يذبح العظم ..

حتى اطفالي بدو يتغيرون ويايه ..
ويحملوني كل ذنب ..
ليث اختفى من حياتي ..
ايناس ..هم كذالك تغيرت ..
ايمن ..رجع لبيتة ..

بقيت وحدي ..
ممنوع عني الفون
وممنوع عني اطلع
وممنوع عني احجي ..
اكثر كلمه جانت توجع
انتي ططوة وعار علينا ..
حملوني ذنب طلاكي مم اسامه
الى

زواجي من ليث ..
صار البيت مثل الجحيم الي ..

اريد احجي واكول عن الي شفته .
الكل تسد اذانها مني ..
حتى ايمن ..
ابتعد عني ..
شكلي راح واتغير ..
صرت مثل العجوزة كوة اكوم وكوة اكعد .
اكفالي ماشوفهم يم ايناس اكثر شي ..

وحتى اذا جوي يمي .
يحسسوني بذنب ..
فقد امي
وبهذلتهم من بيت لبيت ..
مرة ابراهيم كلي ..

كلي ..
ماما اني كتلج لا تزوجين .واني باجر اصير جبير
واصرف عليكم ..واهتم بيكم ..
بس انتي الا تزوجين
وخايف منج ..
لا تزوجين بعد وتعوفينا ..

كلامه مثل الرصاصه ..بقلبي. جانت ..

ماعرفت اجاوبه ولا اردة ..
ذنبي ..جان اتعامل ويا الكل بطيبه بس ..
اسامه غدرني وباك فلوسي ..
ليث ..
هم غدرني ..ولعب لعبه قذرة ويايه وتركني ..
وحدي ..

الكل نفس الاسلوب يتبعوا ..
صهيب بدة ..يضوج من الجهال خاصتا من ايناس حبلت
ومن يجيب جهاله يمنا ..
ع كل شي يعيط بيهم ..
ويضربهم ..
ويحجي ..
ويكول هاي حصتي ..
لو ما اني انتي حصتج مجيب غرفه وحدة الج تلفيج انتي وجهالج
بديت افقد السيطرة ع جهالي ..
ابراهيم بدة يلاسني
ومي صوتها يعلى عليه ..
حسيت الدنيا بدت اشد ..الطوق ع ركبتي
وبدت تخنكني حييل ..

من توصل بينا الحياه الى
البدايه ..
وتكون البدايه هي النهاية..

ينسد كل طريق النا ..
اني مردت شي ..
ردت اعيش بهدوء وحب ..
بس قدري اخذني ..الى اقسى التجارب ..

والكل تخلى عني ..

الي ينشد بيهم الظهر كسرو ظهري ..
والي بنيت عليهم احلام انهد كل شي وياهم
اني ضعت ..

مرت الايام طويله ..
وماذكر شكد بالضبط ..
لان مابيها طعم بشي ..

اجاني اتصال .
صهيب جاب الفون وانطاه الي ..
جاوبت ..
الووو
هلو ريما شلونج ..
هلو ..
خاله ..ام ليث ..مرت ابو ..

سلمت عليه هوايه واتعذرت بسفرها واخذت من خاطري ..

وسالتني عن ليث ..وينه ..
شنو وينه ..

حبي رجعنا للبيت وهو ماكو ..يمج ..

لا مو يمي ..بس تلكي يم فجر اكيد ..

ريام ..

نعم مكافي ..رجعي لبيتج ..والجعال يسالون عنج ..

خاله ماكو بيني وبين ليث ..طريق رجعه
هو عندة حياته ..

واني داعيش حياتي ..

ريام ماكو مراة تنهزم وزوجها ..عادي تريدي وياها ..
المف وض منج يامي ..
تعتذرين منه ..وتصلحين كل شي بينكم ..

سكتت وماعرفت اجاوبها ..
انجر الفون منها ..
نرمين ..
كامت تحجي ويايه وتكولي ماما ..
مشتاقين الج ولمي ولبرهومي ..
ارجعي يمنا ..
هوايه مشتاقين وجبت الج هدايا تخبل ..
وانجر الفون انمار حجة ويايه ..
ورجعت ام ليث ..تحجي ..

سديته منهم ..
واني داخلي فرح ..
بس ..هناك ..واذكر الايام الي عشتها ةيا ليث شلون جانت
والخوف والرهان ..
والضرب ..
والاذية ..
ليث مصدر ..رعب لروحي
مو الامان ..

زين اني ليش ما اصارحهه بالحقيقه واكوله
فجر وخمزة واركان السبب بالي صار

واكوله بكلامهم الي .
شنو جان ..

ليش ..ابقى منزله راسي وراس اخواني
وااسبب منهم ..

الف حسبه ابالي ..
بس ماعرف شنو الي اقررة
واخاف اقرر وحدي ..
من طلع صهيب لشغله
لزمت ايناس وحجيت الها الي صار كله ..
كتلها كل مرة اقرر وحدي ..
اريد حل ..
حتى اطفالي من سمعو
بكلام نرمين وام ليث
رادو يرجعون
يردون الاستقرار ..
ويعيشون حياتهم ..
بهدوء ..

بعد كلام طويل ..
شجعتني ..ايناس ارجع ..
وافتح صفحة جديدة ويا نفسي
وافتح صفحة جديدة ويا
ليث بس جنت خايفه من شي واحد
ليث يرجع يتقبلني لو لا ..

وارجع واكول لا مارجع اله ..
ابد ..
وارجع لنفس العذاب ..
واتفاجء باليوم الثاني
بتصرف من صهيب يفقدني كل امل ..
ردت افتح المحل وارجع اشتغل ..
كلي حتى هالمرة جيبين النه واحد من العصابات
هم يذبحنا وهم يبوكنا ..
جنت اسكت اعرف اني غلط ..

فديوم كاهدين نتعشى ..
كلنا ..
جنت احاول بكل الطرق ارجع علاقتي بصهيب واتودد
اله ..

كاعدين ..
مي اصرت بان الفون يبقى وتاكل ..

كعدنا ناكل وجانت تباوع كارتون ..
وصهيب يتابع ..طوبه ..

سويت لفات الهم ع سريع وعيوني ع صهيب
شفته متوتر ..
بالاثناء طلعت اغنيه بالكارتون
شال الفون كسرهه بالكاع
وشال الاكل شمرة ..
وضل يحجي عليه ..
ابراهيم جواب ..خاله ..
ضربه ..
وكفت بوجهه واحامي ع اطفالي ضربني الي هم ..

انكسرت اكثر ..
اخذتهم ومشيت واسمع
جهالج ..وديهم لاهلهم ..
ماريدهم ..

بعد تعبت منج ومنهم ..

اخذتهم وسديت الباب ..
ابراهيم يعيط كله منج انتي
مي تبجي ..
صفيت لا اب ..ولا ام ادافع ..
اخ ..اخو مرته مو اخويه ..
ايمن ..تغير ..
صديقه سحبت نفسها
اطفالي مداسيطر عليهم
جنوووون عقلي صابه الجنووون
لو ليث ونارة
لو اموت ..
وين اروح
لا فلوس عندي ولا شي ..
وين اروح
ربي ..
ارحمني ..
يوووم ..وينه دعائج الي ..
وصلت لدرب مسدود ..

اخذت فون ابراهيم ..

واتصلت باليث ..
دك دك ..
مجاوبني ..
سديته وكعدت بينهم
وبراسي. قرارين
..
بالليل ..
اجيب سم ..واسممهم واسمم نفسي ..
او ارجع عبدة
ليث ..