كافي ياكلبي ندم وانسى النساك
كافي يا كلبــي ندم وانسه النساك
كافــي مو مليـت ويــاك النصح
... انته بعيوني جبل ماكو بعــلاك
مو مهم طاحت احجاره امــن السفـــح
كافي يا كلبي ندم عالمـــاوفاك
من يكتبه الدمــع ســـرك ينفضح
وابطريق الندم جـم شامــت وراك
هسه ليل وينفضــح صوت الجـــرح
لا تذم الريح موش ابمشـتهــاك
ما تفيد الريح مكســور الجنـح
الكاع لو ماتت عطش لتــذم سمـــاك
تدري عن الكـاع مســؤوله الفلح
وإنته توهب كاعك لكلمـن إجـاك
وعدنه ناس بلا بخت تـزرع ملـح
كون طبعك شمس ما يعمـه ضواك
بحربك اوي الغيم لا تعــقد صلـح
شكد مهم صوتك يمن بس بصداك
طمعــوا ودوروا ويــاك الربح
كلهه تانت طيحتــك شوف شغلاك
هواي حسبـــولك تطيــح وتنفضح
يا هوه الدنيــه الأخذ طيبة هــواك
ما يموت الهوه بطعنــات الرمح
لا تسد بابك هواهم كابـلاك
كله يعبر كون بابــك يـــنــفــتـــح
دورت مثلك لكيـت الما لكــاك
لا تعاتبني المثل طبعـك يـــشـح
شما يطول ليل حزنك عالجفـــاك
حكمة الله اليوم بي ليل وصبـح
إي يكلبي التعبت كلبـي بربـاك
وأثر بجلد الصبـــر كثـر اللفح
إشتري الماباع بيــع المشتـراك
تعرف الما باع باجر ما يصــح
صير ساس امودته ويعلــه بمــداك
ظاهرا عالساس يتعاله السطح ...!!!!!
رد مع اقتباس
