هنا

[ملكةه]

عرين النار
ج 24

غمضت عيوني ..
واخذت نفسس عمييق ..
بس جان ينكسر داخل بلعومي
وماينبلع
لييييييث طلكني ..

كعد كبالي..طلع باكيت جكاير ..وورث جكارة
نادرا اشوفه يدخن ..
اخذ نفس ..ودفعه اتجاهي
حلو اطلكج ..
وترحين تزوجين تعلمتي يوميه مطلكة ومزوجه ..
مو ..؟؟
رجاءا ليث كافي ..
هذا الصدك.. قابل شكلت اني

عفته ..وصعدت ..فوك ..
جانت خطواتي بيها خوف ومجهوله ..
اول مرة احس بهذا المقدار
من الخوف يمتلكني ويخليني ماعرف
اتحرك...

احس شكد صغرت نفسي ..
وارجع واكول من ايدي
طبيت جوة ..
فتحت الكنتور وبديت اطلع بالهدوم ..
واحطها بالجنطه
بس هدومي من اهلي ..
سمعت صوت ..
ورايه دخل
سد الباب وقفلها ..

حسيته تقرب مني ..
منداريت وكمت بسرعه اخذ الهدوم واحطها ..
بدون تركيز ..
وكف كبالي ..
اني اضم وهو يرجع ..
لزم ايدي ..
رياااام ..اني احبج ..
هزيت راسي لا انت تخوف
كمت اخاف منك ..
تخافين ؟؟؟؟
اني حبيبج اني ليث الي اطلعين اله بتالي الليل
نسيتي ..ريام
..هسة صرت اخوف فجاءة ..
حاول يدنالي .. وخرت بسرعه
طل يصيح
عجييب ..
شتريدين انتي ..
بقيت واكفه مداحس اكو الم بجسمي بس الم بروحي صعب اوصفه ..
انت عايفني ليث وينك من حياتي ..
ومن حياه اطفالك ..
ولك شنو ذنب ابنك ..يصيحلك يااابه .وانت وحش ..تنهش بروحه

رررريام مالج شغل بسبع ابببببد ..
افتهمتي لو لا ..
هو الوحش مو اني
كتله
واني ؟
وينك عني ..يامه افز تالي الليل انت ماكو ..
وينك ليث ..
حاير بالبنات مو
اني شبيه وشناقصني ..
شبيه ..انت متدحس بشي
شنوو انرفض ..
كمت اشمر بالهدوم
لك
هدووم ذهببب ..بيت شكبرة مرعب
ولك روحي فارغه
انت منو ليث منووووووو..
مداعرفك .. ولا اعرف روحي وياك

يوم بعد يوم تثبت والايام تثبت اني صح غبيه وياك ..
غبيه ..غبية ..
ولك ..فراشي بارد بدونك ..ملامح البيت باردة ..
كلشي بي كاعد ع صدري ويخنكني
جرني من ايدي حييل ...
اخ هد ايدي ..دفعته حييل من صدرة .
جرني لصدرة ..حيلل حضني نفس حضنه اول مره
الي حسيت عظامي تكسرت ..
شاورني عندج الحب افراش الليل
بس بهالشي تفكرين
هذا الي تريدي ..
اريد اتحرر منه احجي اكول
لا ليث لا
موهيج اني
احس روحي انحصرت ..
والكلام خنكني ..ومطلع

دفعني ع الفراش ..............................

هوايه سامعه ..زوجة تتعرض للاغتصاب ..
من زوجها ..والكل يضحك ..
نكول هو زوجها شنو هالكلام ..
اليوم حسيت بيها ..وضحكتي رجعت
سموم مو سم واحد عليه

هسسة حسيت مدى الام الي ينترك بالروح
احسس ..روح تنسلب مني ..
بالبداية حاولت اقاوم ..
بعدها صرت جثه هامدة بس دموعي تجري .
استحقار ضعف ..الم ..خنكة داخل سجن مرعب ..
عمر المراة مو بس جنس
اني الجنه ياادم ..

بفتحه عيوني ..كمت اشوف بالسكف ..نجوم ..
تفتر ...
اشوف ذكريات عمري ..
هنا اسامه اني واكفه بالمطبخ تقرب مني حضني
وباسني كال اريد افلوس ..
تنطيني لو اطلع ...
لا لا لتطلع انطيك ...

هاي شنو ..
هنا يجرني من شعري يريد يطردني من البيت ..
هنا اخذ مني ابراهيم...
هاي امي
اريد هوى هوووووى
مثل الي متبنج بس البنج راح منه وبس العيون تتكلب
ووووووووجع
روووح وجسد ..سوه يونن
اريد هوى ..
هذا ليث وهذا سبع بالزويه ..
يضربه ..
فززززيت ..ع ضربه بوجي ..
اخذت نفس واحد بعد الاخر ...
وعيوني مفتوحة حيييييل
كلي اشبيج ..
ضليت اباوع عليه
واتنفس بسرعه ...
كام من يمي ..
طب للحمام ..
لميت روحي ..
وكمت اضرب ع وجهي ..ريااام تستاهلين
ريااام هذا الموت لا لا مو الموت
هذا الموت حيا ..
عايشة واحس يذبون عليه تراب ..
ولج موتي موتي حبابه موتي ريام

كمت اكرر شهيق زفير .
كمت اتجى ع الاثاث ..وصلت للكنتور ..
طلعت هدومي ..
طلع ميباوعلي
طبيت بسرعه
حجة ويايه بس ماعاد اذكر شي ..
كل شي كدام عيوني مخربط ومشوهه..
طبيت سبحت ...
فتحت الدوش ..
الي اذكر جنت حييل اغسل جسمي
اريد اتخلص من ريحته بجسمي
وبيه اريد اخلص
وعقلي يدور ع الهروب منه وبس ..
اريد باب مفتوح
..حتى انهزم ..

كملت وطلعت ..
شفت مطفي الاضويه وعالك تيبلم ..
تعكس ..
الي شكله ..هذا الشكل الكضيت ايام اتامله
هسه اخاف حتى المحه

احس كلبي يرحف بشوفته ...
كعدت .كدام المرايا ..
اباوع وجهي ..تعبان ..
انتبهت صدري بي كدمات شفافي بيها زراك ..

حسيته كام من الفراش..لو بيدي ..اركض واصرخ منه ..
وي كل خطوة منه .. قلبي يدك اقوى

تقرب مني ..
اخذ المشط ..
ووخر الخاولي وكعد يمشط شعري .
خصله ..خصله ..
كلي خوما داأذيج.هزيت راسي لا ..
جر خصله شمهااا وباسها
اووف شكد احبج ...
ويمشط ..
تحبيني مو ؟؟؟؟
سكتت
ريام تسامحيني مووو؟؟؟؟
ماكدر اجاوب ..
دار جسمي ..كل عظمه بيها حكايه الم ..وون ..
تحبيني مو حبيبي اسامحيني مووو ..
ما كدرت احجي اي شي

اي اي تسامحيني ومسح دمعه من عيونه ..
تحبيني ..
تحبيني ..ادري بيج تحبيني انتي

وحضني احبج اسف اسف
هذا عقلي بي ..سوسه تنخر بي..
لزم وجهي بايدة ..
اني مريض ريام مو ؟
كولي لا
لا

..
اي مو مريض ..
تعاي .
جر ايدي ..
ونومني ع الفراش ..
حضنيني اني ابنج حضنيني حييل
اني خاايف من نفسي ..ريام
ويباوع بعيوني ..
خلي ايدج ع شعري
انتي يمي.. مترحين بعد صح

اخ ربي ارحم بيه شسوي هذا مريض ..
طففل وامه ميته ويدور حضنها بين الناس..
حسيت بي يرحف ..
ليث شبيك
ماييه بس حضنيني ..حييل ..
اريد اعرف شسووو بيك منو دمرك وانت جاي تدمر الكل ..

بيومها منمت ..من الالم والخوف والقلق ..
وليث كل شويه يفز ويشبكني اكثر ..

ماعرف شلون طلع الصبح ..
وكدرت انام ..
مرت يومين ..
امثل اني طبيعيه ويا
بديت احس ليث مصدر خوف وموت ..
هناك واحن اله .. وارجع اخاف
صارت بيه فزه من كل شخص بهالبيت

سبع مشفته ابد .. ليث مراقبني
هاله وبيبيته يمه طول الوقت

بهاي اليومين ..
ليث حاول ..يظهر الحب المضاعف ..الي ..
جنت شبح ويتحرك بالبيت ..
اصطنع كل شي ..
مرة دك جوالي اكثر من مرة لكن الرقم يختلف ..
مجاوبت ..
اندزت رسائل ..
ريام اني اركان ..جاوبي موضوع ضروري ومصيري ..
جاووبي ريام ..
من شفت رسائله خفت اكثر ..

حضرت الرقم
....
بين عليه مرتبكه وليث عيونه عليه

اشتاقيت لبيتنا .. امي وجهالي

توسلت هواي بي .. وقبل
نشوفهم ونرجع

طلعنا لبيت اهلي..
صافنه من الجامه.. ع الشوارع
احس نفسي مهاجره..
ورجعت للوطن..

مشتاقه .. حيل مشتاقه لهذيج الايام
الي جنت اطلع بيهم..اوصل الجهال للمدرسه
ارجع اسوك .. واروح للمحل
اشوف ايناس.. اويلي ايناس

لو تدرين هالقلب شكد يرف عليج
اني صاحبتج وهيج..
صهيب شنو حالته...

فجاه وكفت السياره.. كدام الاسواق
الي مره ...
شفته داخل بيها.. ودخلت اركض وراه
غبيه.. غبيه ريام غبيه

شكد ركضتي وراه.. شكد توسلتي بي
شكد حبيتي وبعدج..
اي بعدج...
تحبينه لدرجة العشق...

طلع ..
شايل بيده علاليك هواااااي...
خلاهم بالصندوق مال السياره...

ركب.. اني وجهي دايرته ع الجامه
ابد ما اباوعله
كلي
تذكرين هذا المحل.. كتله لا
- [ ] دار وجهي عليه برقه...كلي لتجذبين.. ادري كلش زين
- [ ] متنسين شي يخصني.. مثل ما اني حافظج
- [ ] وحافظ حتى الرجفه..
- [ ] التصيرلج من تشوفيني
- [ ] و الي سادة
- [ ] ايدج حيل حتى لا اشوفها
- [ ] راسا بجيت ..
- [ ] مد ايده لزم ايدي
- [ ] حاولت اسحبها.. مقبل بقه لازمها حيل
- [ ] لحد ما وصلنا لبيت اهلي..
- [ ] شفت بره سيارة ايمن
- [ ] نزلت اركض...
- [ ] فتحت الباب ودخلت... شفت امي
- [ ] مددة بالهول..
- [ ] سلمت عليها .. طلعولي الجهال يركضون
- [ ] طفروا عليه ووكعت واجوا
- [ ] جهال صهيب..وايمن
- [ ] وهمين طفروا عليه
- [ ] بين صريخهم .. وفرحهم
- [ ] وبين ضحكاتي حسيت بالحرية
هاي الاشياء الصغيره ...
شلون ما جنت اقدرها
هوسة جهالي...ضحكتهم
امي ودرمتها عليهم ..
اجه ايمن ومريم
سلمت عليهم وكلت لايمن ليث بالباب
طلع دخله..
بس فات ركضوا عليه الجهال
يسلمون عليه ... حتى ابراهيم راح سلم عليه

اسمع ايمن
يكله شنو هالزحمه
ليش تكلف نفسك .. ابو سبع

وليث يجاوبه.. بكل احترام
سلم ع امي
باس راسها.. وايدها
اني صافنه ياربي.. هذا نفسه اسد البيت؟

طلعت افراح من الغرفه
سلمت عليها.. سالت ع صهيب
كالت وين يعني .. بغرفته

دزوا الجهال يصيحوله.. من نزل
احس ليث تفاجا بشكله..
مبهذل .. تشيرت اسود
بنطرون اسود..
لحيته صاعده ع خده ... شعره طويل وما مرتب
جوه عيونه .. سواد
بيده جكاره .

سلم علينا بس احس نظرة عتابه الي

تجوي روحي من جوه
كعد .. طول الكعده .. وهو ساكت
يحاجونه يهز راسه...
قلبي معصور عليه ...

افراح ممهتمه..
ع حباية ونص لبس ومكياج ...
تسولف وتضحك وي الكل ..
مريم ايمن ليث...
ادنيت يمها كتلها ..
شبي صهيب
دارت عليه ورجعت دارت علي
كلتلي
شبي كلشي مابي.. اصحى مني ومنج
وتضحك

دخلت للحمام..
طلعت ملكيت
لا ليث ولا الجهال.. شهكت وينهم
وين اخذهم .. كلهم فزوا واخترعوا
ايمن كلي ...
اشش ولج شبيج
بالحديقه اخذهم يلعبهم
رحت ركض للمطبخ .. اباوع عليهم

بالفعل ليث يلعب وي الجهال.. صوت ضحكتهم وفرحتهم ..
يوصل لبيت ام سعد ...

كل ما يدنى يم اطرافالي افز... اتخيلهم
بالزاويه ولازم حزامه ...
ويريد يضرب بيهم ...
لا يلزم جهالي ... اريد اصرخ لا يدنالهم

سمعت صوت مشي ورايه... وكف يمي
صهيب .. كلي
هيج تخاف عليه
جانت .. مثل خوفج ع جهالج
يحجي مخنوك
وراح
اختنكت من حجيه اكثر ..

وصلي مسج
(اني ردت مصلحتج ريام.. انتي عايشه وي مجرم.. وكل جرايمه
انتظر اتصالج.. اركان )

فتت لغرفة الجهال .. بقيت هناك
ابجي .. ع حالي وحال اخوية
وفكره توديني وفكره ترجعني

شوي وانفتح الباب.. دخل صهيب

كوليلي ...
شنو ذنبي وياج ..
شنو غلطي وجرمي عليج..
مو خوش اني مو.. صيحت عليج هواية
هنتج صح؟
ظل يحجي
محافظت ع امانة ابوية.. قسيت عليج وظلمتج حيل
بس جاوبيني داعرف ..
ليش عاقبتيني بيها ..
ليش خليتيها تروح ...

كتله صهيب ..
ااسمعني اخوية انت
كلي اني اخوج .. اي والله اخوج

نسيتي شلون
وكفت هواي بصفج..
ياما ركضت من شغلي لبيتج..
انطيج مصرف ..
ادري اسامه ميشتغل
واخذ الجهال .. للسوك وي جهالي اجهزلهم

وبس ترفعين النقال تكولين مرضى
اجي ركض .. اخذهم للطبيب

بكل عركة.. وهوسه وياه
محسيتي بيوم انج بدون ظهر..
جنتي اجيله قبل ايمن ...البيته يم بيتج
واربي الج..
ومن تطلقتي ... محد مثلي انقهر وخاف عليج

لحيتي ع الورث.. ركضت ليل ونهار
حتى ابيعه .. كلت لو ما مضطره
متفرط بفلوس ابونا

وتالي فرطتي باخوج.. يا عيون اخوج
ذبيتيني بنار ..
بعد ما لكيت الجنه ...
وعشت بيها اشهر بس ..

دموعي تصب ع كلامه
كتله متفيدك.. والله


كال ااااه شكد سهل الحجي ...
اني احبها ريام...
تفهمين شنو احبها
لج ما انام الليل لحد ما اتخيلها كبالي
ومن اتخيلها اخاف اغمض..
وتروح..
ابقى كاعد حتى تبقى ..
عطرها بجيبي.. كل شوي اشمه

صوتها،سوالفها،مشيتها ضحكتها
كلهن يدك براسي دك .. متروح من بالي
بروحي عايشه مو بالارض .. لج هاي بروحي تعيش
شكد ما احاول انساها.. ما اكدر
شنو عبالج ما احاول ...

كتله صهيب حبيبي اسمعني.. ماكو منك والله
انت نعم الاخو
سندي انت..
حزام ظهري وابو فزعاتي
اني بدونك ما اسوه ..
كلشي تسوي ما ازعل منه ..
ولا اوفيك حقك ابد
بس حبيبي.. عيوني
انت مزوج
وعندك جهال ...
من الاول غلط هالشي
واني حسيت بالذنب ...لانها صاحبتي
واني الدخلتها للبيت

حسيت اني الخربت بيتك..
كام من يمي

كلي يا بيت ها... لج يا بيت
افراح مزوجه روحها...

سنين.. واني اماشيها ..
ع مزاجها
حياتنا.. تربية اطفالنا
كلشي تريده ...حاضر وصار
حتى من دكت رجل والا اطلع من بيت اهلك
لو تطلكني .. كتلها من عيوني
ومغزر..

لا يوم سالتني شبيك ضايج.. شنو من مشاكل عندك
لابيوم كلتلي شنو احلامك.. شلون جانت طفولتك ...
اني اكول ميخالف ... هي هاي الحياة الزوجيه
اساعدها بالاطفال .. ادرس وانوم
وهدايا الها ولاهلها ..
حتى ارضيها
من غير طلباتها المتخلص..
واني كله حاضر ومن عيوني..

بس اريد شوية اهتمام.. اعلم متتعلم
لو تتعلم يومين ..

ترجع اسوا من قبل..
حجيها وسوالفها... واذا سولفت وياها
عني وعن الاحبه ..
ياتستهزا .. يا تطنش...

لحد ما شفت ايناس..
وعشت دفوها.. حسيت باهتمامها
وحبها الي..
تعرفني من عيوني ريام تخيلي
اذا اجيلها اضحك ..
تكلي لتضم مبين ضايج...
تسمعلي بكل اهتمام ... تذكرني
بجهالي .. بصلاتي.. تسال ع ادويتي
اذا مريض حافظه اوقاتهم ...

تخاف عليه حتى من طريق الشغل..
مية مسج تدزلي بالطريق ..
تدرين الرجال شكد يفرح من يشوف هالاهتمام.. حتى لو ما بين
وحجه
بس هالسوالف ..
تعيشه ملك

افراح جنت اروح وارجع ..
مسج منها ما الكه ..
لا الله يساعدك ولا يمتى تجي
مرات اتاخر لليل .. ميظل بالها
ميت مخطوف .. يمتى ارجع
واذا الكه مسج ..
فكاتبة الاحتياجات ...
بدون حتى سلام ..

صبرت .. وتعايشت ونفذت اوامر افراح
١٢ سنه ...
لحد ما هذا ... ويدك ع صدره
هذا حب لج احبها .. مشتاقلها
رجعيها ابوس ايدج رجعيها

والله اخلي افراح ع راسي..
ما اسوي اي شي..
بس اشوفها كبالي..

حضنته وظليت ابجي..
كل واحد بينا يجر حسرة .. اقوى من الثانيه

وره فترة .. ما اعرف شكد

سمعت صوت الباب.. يندك

اني وياه .. مثل ثنين جانوا يركضون
سنين
وتوهم وكفوا يجرون نفس.. حتى حجي
مابينا حيل نحجي ..
بالكوه وكف..
نام ع الجرباية وغفه

صهيب مثلي.. البجي والقهر.. ينعسونه
ظليت العب بشعره..

كمت.. عدلت وجهي ع المراية.. عيوني دم
ووجهي نار ..
طلعت صار بوجهي ليث.. صافن عليه
يريد يعرف شصار بالغرفه.. رحت للمطبخ
احضر الاكل وي البنات ..
تقربت يم افراح ..
كتلها افراح
خطيه صهيب.. شوي مريض مبين
روحي يمه ..
اهتمي بيه .. هاليومين..
سالي شلونك.. شنو اخبار الشغل

كالت اوووووو
صهيب ...
ودلع صهيب المايخلص
طفل مو رجال وابنه بطوله ...
تعاي اهتمي .. وسالي وراعي
عبالك معندي شغل غيره..
كتلها ليش عندج اهم؟

هذا ابو جهالج.. ابو بيتج
احسن يروح لغيرج.. طفرت عليه
كلتلي ..
احجي سامعه شي.. شايفه شي
اكلب الدنيا والله ...
حلفتلها مصاير ورحت يم الجهال
عرفت افراح
ما منها رجى وفايده....

كعدت يم اطفالي .. حضنتهم وشميتهم
رادوا يجون وياي.. مقبلت ابد
اخاف عليهم .. منه
ما اكدر امن بيه .. يمهم

يفقد ويضربهم .. اموت والله

اكلنا .. وسولفنا
مخليتهم يكعدون .. صهيب
افراح حتى مسالت وينه ..
ليث .. يسولف ويضحك ويشاقى
بس عينه عليه ..
كل شوي يخلي ايده
ع جتفي .. يشاورني
يغمزلي..
مخلي ميمي بحضنه .. ويوكلها
يعني باختصار
صار ليث الي احلم بي
كدام اهلي...
وياكل كلشي.. من السفره
اباوعله واضحك باستهزاء.. وينه ابو الشوربه

بقينا لوقت متاخر.. بليل
رجعنا ..
اول مركبنا بالسياره
سالني ...
شحجيتي وي صهيب
ووين اختفيتي قبل العشا
ونقالج ليش .. بايدج

كتله ع ايناس.. حجيت ويا صهيب
ورحت يمه ..
ونقالي بايدي لان متعوده ..

وجنت
اطك صور للجهال

كلي .. خير ان شالله
وصلنا للبيت.. هاله وامه طالعين
عرس هاله .. قريب
وراها تسافر .. الفتره الفاتت
علاقتي بيها قوت .. وحضرت وياها
جهازها.. كل ما اذكر رح تسافر
والبيت ينقص انسانه حبابه
انقهر

عرفت اخت ليث الجبيره.. شمس
الي من نفس امه
رح تجي
ع عرس هاله .. مزوجه من زمان
وعايشه بالكويت

اول مفتت اخذت ملابسي... فتت للحمام وقفلت الباب

طلعت لكيته مبدل
كلي ... طالع اني
ظليت اضحك.. كلي حمزه اجه عليه
ما اطول ..
لتخربطين.. كتله اني كلي مخربطه
بقت ع هاي

كلي رياااااااااااااام
كتلج ساعه وراجع ..
ومن ارجع اوضحلج
كلشي كعدي هسه ...ما اسمع صوتج

راح .. بقيت لوحدي
شوي واسمع صوت .. دك باب خفيف

رحت فتحته ماكو احد... سديت الباب
شوي ورجعت اسمع نفس الصوت

طلعت ع كيف اباوع شفت سبع
من بعيد ياشرلي..
رحت لغرفته .. اول مفتت حضني
كلي عبالي رحتي .. عبالي مترجعين
وبعد رح تعوفيني...

كتله لا حبيبي رحت اشوف اهلي ..

كلي.. ادري انتي مو بعمر امي..
بس اني
احسج امي..
عفيه لتعوفيني.. ابقي وياي مثل
ابراهيم.. هيج حبيني
مو تصدكين ... بحجي ليث عليه
وتكرهيني عفيه

ظليت امسد ع راسه..
كتله لتخاف.. اني يمك
وانت ابني.. مياثر عليه ليث ابد

بس سبع عندي سوال... اسالي
شنو صاير بينك وبين ابوك..
ليش هيج ..
يكرهني؟؟
كتله لا مايكرهك .. ماكو ابو يكره ابنه
بس الصاير شنو..

كولي لا يكرهني اعرف.. تره جان يحبني مو عبالج
حيل يحبني..
جنت اغلى جهاله

اني رح احجيلج كلشي...
كل الصار قبل سنين..
تفاصيل اليوم الاسود ...
القلب قصرنا ...
لعرين النار...

[ملكةه]

عرين النار
ج 25

كعد ع الكرسي .. كعدت مقابيله
ع الجربايه ..
وجه صار احمر
بده يفرك بايديه ... ويتنفس سريع
عينه بالكاع

عفته ع راحته ...شوي وحجه
كال
كلشي بده بهذيج الليله ... بهذاك اليوم الاسود الي غير حياتنا ...
وحول قصرنا لعرين النار ...
لهسه محفوره بعيني كل تفاصيله ... كل ما اغمض ينعاد مثل شريط الافلام...

حتى ريحة الهوى بهذاك اليوم ... بعدني اشتمها...
يكولون ..
اكو مواقف توكف عمر الانسان...
اني وكف عمري بهذاك اليوم... ولهسه مماشي عمه

ابوية .. يعني ابو سبع

ماذكر شكد عمري .. الي اذكره طفل
طفل ينتظر ابو يجي من الشغل
بالحديقه كل يوم ...

شتا ووقت غروب ... والدنيا من صبح الله ظلمه ...
جنت العب بالدراجة دخلتني كريمه
من شافت السما رح تمطر...
مقبلت ..
ردت انتظر ابوية .. ابو سبع يعني

متعود كل يوم يجي.. يلكاني بالحديقه
يدخل بيده علاكة حلويات
يشليني ويحضني..
ابني البطل شلونه اليوم ..
يسميني ابني البطل عمه..
يفرني ويلعبني ..
وندخل للبيت

طول عمره حنين ويحبني ...
بس قبل لا يزوج نرمين جان حزين
وتعبان
بعدها
كلشي تغير
البيت كله حياة...كله سعاده .. وضحك
و... وحب
حب ليث لنرمين...

نرمين ... مرة ليث الثانيه كلبت حياتنا كلنا
جانت .. مرحة .. اجتماعية.. ذكيه ..حلوه
وسيطرت ع عقل وقلب ليث...
مياكل الا وياها .. ميسولف الا بيها

مثل الطفل .. شلون اني جنت اركض
وره بيبتي وكريمه
هو يركض وره نرمين ..
مجان يشوف غيرها...
خلال سنتين جابتله .. انمار ونرمين
تغير .. صار يضحك هواية
بقى يحبني بس بعد عني
مينام يمي هواية
ميطلعني.. .
لعبه وياية .قل
جنت اضوج منها
وهي دايما تطردني.. من المكان الكاعده
بي
مجانت تحبني .. متتقربلي ابد..
ومتخليني ادخل غرفتهم ...
ولا ادنى يم اخواني ..
بس كدامه تبين غير شي..

وهواية تكله... سبع ضرب انمار
بس ليث ميهتم ...
ومرات حتى يرضيها يعيط بيه
بس
تالي يراضيني..
جنت اغلى اولاده ..
جنت اكله مسويت شي
اكرهه اني نرمين
يمتى تموت.. وتروح يم ماما

رغم حبه لنرمين .. بس بقه اهتمامه بيه
بس قل هالاهتمام وي كل طفل...
ليث يحب الجهال .. اذكر يكوللها
خلفي خلفي.. اني وحيد اريد اطفال
وانوب منج.. عيوني انطيها الهم
واني اسمع وانقهر

اذكر نرمين حبلت بالثالث

بقيت بالحديقه..
جنت العب واسوي اصوات ..
واضحك
وحسيت احد شالني.. من وره ورفعني للسما

هاي القوه.. الحنيه والامان
اعرفهم
اني بحضنه ... الي ماكو مثله ابد
عرفت اني وين راسا

صرخت .. باااااااابا

سمعته يضحك.. عيون ابوك انت
ابني البطل شلونه..

زين بابا .. تاخرت..
كلي
اي باباتي ..
ملكيت المحل اليمنا مفتح ..
رحت لغير شارع ..
جبتلك حلويات ...
وجبت لامك كباب مشتهيه
مو امي هاي... صيحت عليه مساع
كلي سبع ..
عيب بابا
ما اسمعك ابد تكول هاي ع نرمين
ازعل عليك خوش
كتله ما احبها بس خوش

باسني وكلي رح افرك
ومثل كل يوم طرت من الفرح...
وهو يفرني ويضحك

خلصت احلى واخر عشر دقايق النا سوه
كلي يلا ندخل نشوف امك واخوانك

اني سكتت.. اعرف
متقبل اصيحلها ماما.. ابد
بس ليث مصر

اول مدخلنا للبيت ..
كريمه سلمت ع ابوية
واخذتني تبدل ملابسي..
كلهم طين ..
واني ابدل..
ابوية صاح عليها
كللها اسبح واتغده جهزي الغده

كملت تبديلي
ظليت اتلفت علاكة حلوياتي ماكو

رحت لغرفتهم.. امشي ع كيف..
اخاف تشوفني خاله نرمين وتعيط

شفت العلاكة .. ع الميز
جريتها وشفت بصفها مسدس

مسدس ابوية..
ميقبل احد يلعب بي

جنت اتمنى بس الزمه .. جريته ثكيل
لزمته بثنين ايدي

وظليت العب بي..
اسوي طا طا

واحركة بالهوى ... شفت اكو عتله صغيره
حركتها من مكانها
اتذكر جنت حيييييل متونس...
كل حلمي كبال عيني ..
اني اصير مثل ابوية
ضابط وعندي مسدس ..
واشتغل وياه

سمعت صوت نرمين فجاه تصرخ
لك شدسووووووووي...

هي فزه.. وهي خرعه
وبدورتي سمعت صوت

طاااااااااااااااااااااااا ااااااخ..وبارود ترس الغرفه
واني طحت بالارض.. حسيت شي دفعني ووكعت
بس ما اعرف شنو ..والمسدس انشمر من ايدي
جنت خايف ...
وارجف ..الصوت السمعته
كلش عالي..

باوعت كبالي..
نرمين بالارض..
واكعه ودم هواي يطلع منها
مثل الناس الاشوفهم بالتلفزيون

طلع ليث ... يركض من الحمام..
شافها وظل يصرخ..كعد يمها
حضنها ويبجي..
مثل بجي بيبي .. ع عمتي من ماتت

ظل يكللها.. لالا فتحي عينج حبيبي
لتعوفيني.. ابنج اني
اموت وراج والله.. كعدي نرمين كعدي
ظل يضرب ع راسه
ويعيييييييييييييييط باعلى صوته

سحبوني... بيبيتي وكريمه
خلوني بغرفه وقفلوا الباب

جنت خايف من بابا .. بس اكول هسه
يخليلها دم
ويرجعون للبيت .. ويصيح عليه
وحتى لا تضوج يمكن يضربني
بس ميخالف .. تالي يبوسني
ونلعب

ايام هواية.. ابويةماكو
ما موجود
ناس هوااااااية..بالبيت..اسمع هوستهم
بس محد يخليني انزل..
واسمع يكولون.. ليث تخبل.. فاصل
ميحجي..وماخذي للمستشفى.. وكاسر ايد

الطبيب.. خوفي زاد
واشتياقي

لحد ما يوم.. جنت نايم
اسمع كريمه تتوسل .. بليث لا يفتح الباب

تكله .. ابوس ايدك .. طفل هذا
مايفتهم.. ابنك من لحمك
شمعرفه..
عوفه هنا اني اربي.. وما اخليك تشوفه
بس لتسويله شي

انفتح الباب .. ابوية الغالي دخل منه
وقفله .. .
بس هالمره ماكو ابتسامه..
ماكو ابني البطل
ماكو علاكة حلويات.. وياها فره وحضنه
اسمع كريمه وبيبتي يدكون الباب
ويبجون
ركضت عليه ..
طفل وشاف ابو بعد غيبه
وعندج حساب الشوق

قبل لا اوصله دفعني حيل برجله
اجت ببطني ووكعت
تاذيت وانقهرت.. وكرهت نرمين
بالكوه كدرت اكوم ..
كتله ليش تضربني
مزاعلك..
روح يم نرمين..ما احبك بعد اني

كلي قتلتها .. حيوان قتلتها
اني طفل ما اعرف شنو يعني قتل
كتله اي تولي..
لتخليني اعتذرلها ..
خوش ما احبها اكرهه..

بعدني ممكمل اخر جمله..وشفته هجم عليه
يضرب ويغلط
ضربني بكل مكان..بجسمي.. وبكل مكان بالغرفه
راجديات.. دفر..بوكسيات

صرخت وبجيت وتوسلت
كتله اعتذرلها بابا.. والله اسف
هسه اروح ابوسها
بعد ما ادخل غرفتكم
عفيه كافي بابا اني احبكم
اني اسف..
جنت اسمع كلمه منه من وراك صارت قضيه شرف ..
ولك العالم تحجي بشرفها ..

وراها محسيت..بشي..اني بالمستشفى وعمتي هاله وبيبتي يمي
يبجون ع حالتي ..
ومنا بده مسلسل الضرب اليومي
يجويني بالجكاير...

مرة كسر سنوني
صارت مني ردة فعل استفزة ..اضوجه ..
تغير ليث صار ابو الماضي
مز ابو سبع ..

غير الغلط والفشاير عليه وع امي
لحد ما بيبتي كالت لعمتي شمس.. ورجعت من الكويت
حجت وياه.. عمتي شمس قوية
بقوة ابو سبع
يسمع كلامها ويحترمها حيل

اجت واخذوني هي وبيبتي ركبولي سنون
واشترتلي هدوم،عدة رسم وكتب

وحجت وياه.. حتى ما يضربني
فاد وياه .. ظل مايضربني

اني جنت اكرهه.. ما احبها.. جانت تجذب وتفتري عليه.. وجنت اتمنى تموت
بس ما قتلتها اني ...
عمه ريام والله ما قتلتها
وين اعرف شنو قتل.. وشنو سلاح
شلون اعرف رح يرمي صدك .. ورح تموت
والله مو قصدي والله ...
وظل يبجي ..
ينحب حيييييييييل..
ويبجي بصوت عالي ..

هو يحجي .. واني ايدي
ع حلكي .. دموعي تصب
وعقلي متبنج .. اريد اصرخ
اريد الطم ع وجي..
هسه فهمت
ويارت ما فاهمه
هسه عرفت وتاكدت..سر مرض ليث
وعلاقته وي سبع
لا يا الله .. لا ياربي شسوي
شلون
ابن يكره ابنه لان يظنه قتل حب حياته
واي ابن ..

ااااااااااخ ربي ... احس اطرافي خدرانه
بالكوه كمت رحت يم سبع وحضنته

زاد بجيه .. وزاد نحيبه
كلي وهو يشهك..
من هذاك اليوم ..
رجع ابو سبع لحياته القديمه .. كلشي منظم .. كلشي بترتيب
عصبي.. حدي.. ظالم
حزين
وميخليني اتقرب يم اخواني.. بس من يطلع
او من ينام اروح احضنهم.. ابوسهم
والعب وياهم

عايش وي اكثر انسان يكرهني بالعالم..اني
شفتي بعينج ..بس ادنيت يمج
رجع للضرب...

اني بقيت حاضنته.. معرفت اكول شي
بعدين كتله..حبيبي موذنبك
قدر وصار.. حادث
والحادث مابي مذنبين
انت جنت طفل.. متعرف ومتقصد
كل ما احجي دموعه تزيد
ويبتسم
احس روحه تنشرح .. مثل الي شايل
صخره جواه..
سنين ..ودتنرفع شوي شوي

كلي
صدك.. كولي والله عمه
صدك تحجين
يعني اني مو مجرم
مو وحش.. اني
عفيه كولي صدك.. حضنته اكثر
وحلفتله

كتله كوم غسل .. ونام
حمام سبع بداخل غرفته ..

ووعدته باجر نسولف.. واني مراح اعوفه

طلعت من باب غرفته ..
ماعرف شنو الي اسوي وشنو اصرف هسة كلشي ..يزيد تعقيد يوم بعد يوم ..
دخلت لغرفتي ضليت افتر بالغرفه ..
اجه ابااي الغرفه الي المقفوله شنو بيها ومنو ..
كمت ادور بالمجرات
.اخذت ويايه درنفيس ..
وطلعت امشي ع طرف اصابيعي واتلفت ..
يمين ويسار ..
اخاف اكو احد..
ضليت واكفه ومترددة افتحها لو لا
اي لا ..
مادري
اخر شي ..
تقويت وضليت احاول اكسر ..
مكدرت ..
لزمت اليدة ..
مجرد مافتحتها انفتحت ..
انصدمت ..
الباب اصلا مفتوحه ..
جانت ..
دخلت وسديت الباب ورايه ..
ظلمه حييل
مديت ايدي ع زر الصوة بالحايط لكيته
فتحت ضوة ..واحد
اتفاجئت ..
شفت غرفه مرتبه ..
وحتى عطر بيها ..وباردة ..
عبالك مسكونه ..
كمت امشي بيها ..
بوجهي جربايه ..وع جهه الكنتور
ومقابيله ميز التواليت ..
طرازها قديم من ال 70لونها بيتنجاني ..
بيها حفر ورد ..
كل شي يدل ان الغرفه مرتبه ..
واحد داخل مرتبها ..
مديت ايدي ع الاخشاب ..نظيفه ..
فتحت الكنتور كل شي مرتب ..
ابلوع الهدوم قديمه من جيل ال 80-
ضليت حايرة المن هاي هي غرفه مراه
بس منو ماعرف
بقيت افتر وادور بيها
فتحت المجرات .
غراض ..مشط خشبي ..مرايا يديويه ..بيها مينا ..وحجر ..
كحل مكه ..عطر قديم حتى ريحته معتقه ..
ماكو شي
كمت افتح وادور
حتى الاحذيه ..مرتبه ..
وقديمه ..وكعب عالي رفيع مكتوب عليها باتا ..
ضليت حايرة .
هذا بيت لو متحف ..لو شنو الي بي اني .

جريت طبله وصعدت فوك الكنتور
شفت بوكس ..قديم عبالك مال قراصنه ..
الي يلكون بي كنز ..
جريته وكعدت بالكاع ..
فتحته ..
شفت ..
صور ..ماشات شعر ..ا

وراق ..
جريت الصورة
هذا ابو سبع ويا مراة جميله ..جدا ..
وهذولي جهال 2بنت وولد ..
تسريحه الشعر والكذله ..والنفنوف ..
يرجع الى ال80..هاي الصور
بقيت اكلب بيهم ..منو هاي ام ليث معقوله
طيب ليش هيج ..ممنوع احجي بيها ..
وممنوع احد يطب للغرفه
عرفت هنا هم سرر جبير ..
لغز بطن لغز ..
تعبت راسي تبنج ..
ماعرف شكد مر من الوكت ..

حسيت صوت برة ..بالكارج
كمت بسرعه ..
فتحت البردة ..شفت ضوى سيارة
رحعت بسرعه رجعت الغراض..
ورتبت كل شي وطلعت منها ..
وركض..طبيت للغرفه بالفراش ..
وجريت كتاب ..فتحته عود داقرا ..
واني كلبي من الرجيف راح مبقى بي شي ..
دخل عليه
ها سهرانه ..
برجفه صوت ي داقرا ..
تقرب مني ..
شتقرين سولفي الي ..
كتله شطلعت هاي ليث وياك ..
كعد يمي ..
جر الكتاب عدله ..
كال ماكو شي سلامتج بس مادري بس انتي تقرين بالمكلوب !!!!
وكام من يمي ..بدل هدومه ..
واجه للفراش ..
ونام ..بدون كلام ..
تقرب مني ..جرني ع صدرة
اخخخ ريام شكد احبج ..
ورجع يردد نفس الكلام ..عن احتياجه الي ..
ولا تعوفيني واحبج ..
جنت اسايرة بخوف ..
صعب يتحول الحب الى مجهول ومجهول مرعب
بعدها نام ..واني ..
مكدرت انام مثل كل يوم ..
يبقى الخوف بروحي ..
للصبح اغفى ..
بس هالمرة مو خوف ..
لا هالمرة ..تخطيط هروب
شلون اهرب من العرين اني والجهال وسبع
واخلص ..الشبل من ايد الاسد ..
ماريد ارجع لاهلي ابد اريد اهاجر لغير دوله ..

بدون خسائر ..

السبب مني اني الغلط ورطت نفسي
اكثر من مرة اسمع يكول لا عبالج تخلصين مني
ماعوفج
ومرة فرك حلكي حييل ..من كتله طلكني ..
حسيت اني اعيش وي مجرم مابيها مجال ..
وي انسان مريض ع ساعه يموتني ..
او يموت احد يعرفه
كل شي بالبيت مجهول حتى الهوى ..
ماعرف منو هووو ومن يكون ..
ظلام اجتاح ايامي
وحول نهارها لليل ..
بس اكو كسرة روح ..بحبه ..الي عماني ..
تعبت ياربي تعببببببتتتت...
حسيت الصبح ..الفون يهز جوة راسي ..
ليث ماكو ..يمي
جريته ...الفون ..اشعار رسائل ..
فتحت الرسائل ..
عيوني تغوش مال نوم ..
حضرتيني ..
ريام ليث مجرم ومتورط بقضايا جبيرة
ريام خابريني انتظرج ..
الخلاص يمي وويايه ..
اذا ..بيج حظ طلعي من البيت باقرب وقت ..
وي كل كلمه اقراها ..احس بخوف ياكل روحي ..

كمت من فراشي ..
بسرعه طلعت جنسيتي ..والمستمسكات خليتها بجنطتي ..
والذهب ..هم لميته كله .
رتبت جنطه للهدومي ..صغيرة ..
وعندي كم فلس هم خليته فوكاهن ..
وضميت الجنطه بالكنتور
طب ليث
صباح الخير ..
انداريت عليه ..
صباح النور..
شبيج مرتبكه ومتوترة شدسوين ..
ماكو شي ليث ومشيت .من الكنتور
احجي شضميتي ..
ماكو شي ليث ..
تقرب مني ..
شنو الي بالكنتور ..
داكولك ماكو ..
اني مليت من الي بي انت ..
مليييت ..
دفعني ..
وفتح الكنتور ..
عرفت راح يعرف اريد انهزم ..
قبل لا يفتح الجنطه ..
طلعت من الغرفه بركضه ..
الي يريد ينجي ..بحياته ..

[ملكةه]

عرين النار

ج 26


اكو لحظات تمر بحياه الانسان
اتخلي ميشوف شي ..
ابد ..
فقط الخوف والم من المجهول ..

كل الي اذكرهه ..
طلعت من الغرفه ..وكل الي يحاوطني الضياع ..
مجان ابالي شي ابد ..
الي اريدة انهزم واطلع من كل شي ..
طلعت من الغرفه ..
اريد اقدم رجل ع الثانيه ماكدر .
احس احد يسحب رجلي ..
ويمنعني عن المشي المسافه من غرفتي للدرج
امتار ..
لكن داشوفها ..مسافه بعيدة ..
وصلت للمحجر وكمت انزززل ..بسرعه ..
اخر بايتين ..
سمعته..صااح رياااام ..
هذا شنوووو..
كل الي اذكرة من هذا اليوم ..
حسيت روحي اني نايمه ..ع الجربايه ..
وليث واكف يتصل ..
فتحت عيوني وبعدة عقلي ..
ممسترجع الي صار ..
رفعت نفسي عن الجربايه وكعدت ..
ليث اندار
ابتسم بوجهي ..
واترخص من الي متصل بي..وسدة ..
كعد يمي خيرج شبيج ريام ..
شبيه ليث ..
كال نزلتي بسرعه ووكعتي من اخر دجات
كمت اللعب بشعري
انتظر يكولي شنو الغراض وتريدين تنهزمين مني ..
غمضت عيوني ..
كال هاي شوكت مشتريه الغراض
شنوو
سيت النوم يخبل الي ضميتي
شفته وابتسم هاي المفاجئه مو ..
احس حيلي انهد وراح ..

وكمت ابجي ..
كتله تعبت ليث ..كلش تعبت
اربعه وعشرين كاعده محبوسه احس روحي
مخنوكه حييل ..حتى الهوى هنا يختلف عن كل شي .
لا تخليني اطلع ولا اطب ..
الحياه وياك غريبه..
اني متندمه ..
متندمه ؟ من شنو ..
من كل شي ..اتسرعت هواية ودومي اتسرع ونفس الشي
دائما اغلط ..
تعبت ليث ..
اريد ارتاح واحتظن اطفالي
بعيدين عني وبعيدة عنهم ومداعيش ..
كل شي هنا يخوووف ..

ريام ..
اني احبج ..
انداريت عليه ..
مو كافي الحب ..هذا جوابك الي تذكر ..بيوم الي كتلك احبك

بس اني اختلف عنج ربام والوضع هسة اختلف كله
نظمت حياتج ..
انتي..مرتي ..
حبيبي ..
لا تكبريها ..
بس اخذ اجازة اطلعج ..
مو هيج ليث اريد اروح لاهلي فد اسبوع ارتاح ..
كام من مكانه يا اسبوع انتي شدتحجين ..
ريام اني ليث .
وليث اني ريام ..
ماكدر ماكدر ..
اتركني دخيل الله ..
لزم ايدي ..
ايدج باردة ثلج ..ليش ..
خاف راح تتمرضين ..

ليث ...
ماكو شي طبيعي بالبيت هنا ..
كام من يمي ..
كااافي واسكتي ولا طلعه ولا طبه
والاسبوع الجاي ننقل للبيت الجديد وماسمع بعد اي عذر

ارييد اخلص كميه الرعب الي بيها اني ماتخليني اعيش بسلام ابد
الحب ..
اكتشفت الحب كو الي
وحولني شبيهه ..
شبيهه ..نرمين ..

خيانه بدليه ..حياه غامضه ورعب

اب يحاسب ابنه علمود مراة ..
كيف ..شلوون من تكون هي،..
وشلون تظن طفل يقتل ..
لعد شكد يحبها ..

بقيت بفراشي ..
وصعد الي اكل..
وخلاه ع طبله وجرها يم الجربايه تعالي اكلي ..
اجيت اكل ..
اكو دوامه صراع بروحي
واكو امان بعيونه
اريد احظنه ابوح اله من كل شي يوجع

اكوله ليش وليش ..
بس جان اكو غصه بالبلعوم ..
مديت ايدي ..
مبرمجه ع الشوربه اولا ضحك ..
ضحكت روحي بس عقلي رافض
كل شي منه ..
رسائل تهديد ..
سبع
موت زوجته
امه
البيت
مثل الاعصار واني بوسطه
هيج ..حياتي ويا ..

كام يسولف ..الي وياكل ..
كمت استرخي كدامي دجاج وسوب وتمن ..
اريد ابلع شي منها ماكدر ..
جان التمن قبل لا يوصل لشفتي يوكع
واكل شويه منه ..
وابلع ريكي بمي ..
فجاءة اتحول هذا الحب المرعب الى خووووف مدمر ..
واباوع ع تفاصيله
معقوله يطلع ارهابي
لو قاتل احد ..
لو يعذب المسجونين ..

رييام شبيج حبيبي ..
وين سارحه ..

هااا لا مابية شي ..ليث ..

ليث اريد اشوف ايناس مشتاقه الها ..

كال عوفيها احسن ..
لا ليث ..محتاجتها ..

طيب ممحتاجتني .الي،..

بقيت اباوع عليه ..

اذكرت جمله ..

كلتها من شفته ..

كل العمر بسرعه يعمر
الا انت تاخذ العمر كله من تمر ..

انت محتاجني ..
زين واني ..مو من حقي احتاج
شبيج ريام اليوم ابد مو ع بعضج ابد .
لا لا مابية شي ..
كمت من يمه ..
طبيت غسلت ..
وطلعت ..
شفته منزل الاكل وكعد ..
كال ع العطلة ..راح اطلعج ونغير جو ..
حبي لا ضلين هيج
وامشي انروح لاهلج ..نجيب الجهال
ماريد ليث لا اهلي ولا شي
اريد اروح لايناس وعرفت بيها راجعه
لا مترحين
ليث الطلاق افضل حل ااي والك
اريد اهرب منك
انهزم منك والك
ولك تعب بالروووح تعب
مجاوب بشي ابد ..

اصريت ع كلامي ..
الا ان صدك..
العصر كلي بدلي يلا نروح اوديج ..

العصر بدلت ..ولميت شعري،..
وانتظرته ينزل ..من الغرفه ..
حتى انزل
خليت الغراض بطن جنطه يدويه
واستغنيت عن الملابس ..
نزلت ..
وطلعت وعيوني ع غرفه سبع ..
البيت
هادئ فارغ
عبالك البيت بي اشباح مو بشر
الي عرفته طالعين الكل
بس اني وليث بالببيت واكيد سبع محبوس ..

صعدت بسياىة
وبالطريق دزيت مسج لايناس
انطيتها علم ..

وصلني للباب
كال ..انتظرج
ليث شنو تنتظرني انت شدتحجي
كول ساعه واجي
ريام
رجاءا ليث ..
روحي طالعه ..لا تسويلي سوالفك ..

خوش ريام شوفي شكد اني وياج .واحبج ..
نزلت من السيارىة
ودكيت الباب
وطبيت مباشرتا

للبيت ..
بدون ماندار عليه ..
طلعت الي ايناس تلكتني وطبيت جوة ..
سلمت ع

امها وابوها ..
واخذتني لغرفتها وسدت الباب
شلونج ايناس
تمام وانتي
الحمدلله ..
تقربت منها .وفتحت الجنطه ايناس مو وكت حجي
هاي امانه يمح ..
وخليها
خاف كل شي يصير ..
تبقيها يمج ..
باي وقت اجيج اريدها منج
شكو خوفتيني ماكو شي
لا تخافين ابد ..
احجي
لا لا اكو
ماكو فدوة لا تلحين الله يخيلج ..
ها واطلب منج طلب
اريدج ادوين جروح صهيب من بيعيد ..
شلون يعني
يعني ..لا ترجعين اله ..بس خففي عنه ..
ضحكت ..
كالت ريما
هاي الجنطه امانه الله ورسوله ..
وكامت ضمتها جوة الهدوم ..
اما صهيب ..
انتي اختي وصديقتي ..وحبيبي..واعز انسان الي ..
بس شكد انانيه ويايه ..
ايناس غلط الي بي انتو غلط مو حب هذا
مزوج وعندة بيت ..

كالت احبه ..
انتي مو حبيتي ..مستكثرة عليه ..اعيش،الحب وعفته علمودج
وتريدين اطيب جرح صهيب وجرحي اني،
حاولت اسكتها
بس انفجرت
بجي،..
كالت عمر كامل ..مخنوكه..وانتي ويايه وتذكرين
هنا اشتغل ..واتعب ..
واوكل واشرب واعيش ..

وساكته وتضرب ع حلكها سااااكته ..
لو حياتي وي طليقي،..

والحمل ..
ريام ..
اذكرج ..
يوميه ..حبلي حبلي حبلي
اروح وارجع من الدكاترة
نفس الشي
كل شهر وكل امل يخيب وينتهي ..

لو عمتي،وفرة الشيوخ وساعه غسلي ..بجارة ..
وساعه بلعي عيون سمجه ..
لو الشيخ الي يتحرش ويلزم شي مني بحجه يقرا عليه
شحجي وشجرع
واني حقل تجارب الهم ..
كلها تهون ..والشغل والكراب
وكل كلمه بيج خير حبلي خلفي ..
ومحد يكول كدامي ..فلانه حامل
مو خوف ع احساسي لا خوف احسدها
عديت كل شي ع روحي وجسمي ..
.كلت رجلي يحبني
اسد الباب
اكوله زيدون اني تعبانه واهلك خبلوني ع الجاهل
واني شبيدي كولي ..
يكولي اهلي شنو بيدي اني
اتحملي واسكتي ..
كلها بجفه
وفديوم عمتي صاحتني
ايناس
من المحجر
ها عمه
تعاي،راح تجي بنتي اليوم ..
جنت خدامه اني ..
غدة عشا هدوم ..جلف من الصبح لليل ..

نزلت محضرة الي كومه عشا

كعدت ..واسوي ..كملت بقت الزلاطه
كعدت بالهول بالكاع .
اندكت الباب
دخلت حماتي
من الباب،
شمرت ابنها الصغير ع امها
وباقي جهالها احتلو البيت بالهوسة ..

ابنها الصغير من الباب يصررررخ
بجي،..
عمتي،اخذته وحاولت ويا ..
تلعبة تهدئه
ميفيد يصرخ
وحماتي تحجي خبلني موتني

ربي يخلصني منهم ..

وضلت تشكي ..
كمت كملت كل شي
وكترته ع الميز ..
اخذت الصغير

جان احساس،غريب ..مثل موجه كهربا
تنقل من جسمي لجسمه
ضليت ..اهز بي والعبة
واحاول اسكته
بدة يهدى
ويسكت

حسيته انجر من ايدي بسرعه
اخذته عمتي مني،..

وضلت كاعدة كبالي،تقرا وتنفخ بوجهي،
واسالها كالبه خلقتها
وتدعي
منفوس،حسود
يمه الله اكبر عييون انفكست كون

عرفت عليه ..حتى الادعيه
طبيت للمطبخ دمعه احضر بيها العشا
ودمعه تنزل بنص صحن الاكل
من القهر

دخلت ورايه
فتحت الفرن ..طلعت طاوة
مسحت وجهي ولهيت نفسي ..
ارتب ..
شفتها ..خلت حرمل وطكطكته ..وسوت لعابه العين. .
فانداريت
اباوع وفرق بيني وبينها شبر
اشوف كاتبه اسمي ..بي ايناس،
وضلت لازمه دنبوس وتقرا وتدعي
وحركتها
احس حركت روووحي كلها

بيومها ماكلت ولا نمت ولا شربت

وبعدها ذبني بيت اهلي

وعرفت بي مزوج..

فترة وعرفت ميخلف ..

من سمعت الخبر
عفت كل شي،
وصعدت افوك باعلى سطح
ورفعت راسي وايدي وفتحت زيكي ..
وصحتتتت ربي دخيييييلك ربييي ..

انت حسبي وانت وكيلي
ممتخيله بيوم انتصر ويناخذ حقي،ويرجع اضعاف الهم
وحق روحي وجسمي،
حق الادويه الي اكلت جسمي
حق ..الدموع
ربي عوض صبري خيير ..

ودارت الدنيا الله دز الي داوى الجرح صهيب
حبيته لا تكولين ليش ..ابد
حبيته وحبيت كل شي بي
ابني حبيي عيوني ..كل شي ..

هذا هدية ربي
مسويت حرام
ازوجت والله
وممنعته من زوجته
وماردت طفل منه
احبة
تعرفين شنو احبه
اني داموت بدونه
اتعذب ايناس
داويني الي
اذا هو عندة بيت اطفال زوجه
اني منو عندي كولي الي منووو
انهزم ..
وين اروح وروحه يمي
واتوجع
من يدز الي
مشتاااگ
احترررررررك ...
وين اروح كولي الي

اطلب منج ترحميني الي ..

ابراهيم ..ميمي ..تنسيج الالم من اسامه
منو يداوي جرحي
خيااال اماني ضباب ...بس يمي همس ذكرى
وبس ..

دك جوالي
ليث يتصل ..

ماعرف شكول
كتلها اني اسفه

ماعرف دمرت الاثنين سوة ..

ودمرت نفسي وياكم ..

رجعي اله ايناس
انتو انخلقتو لبعض ..
رجعي ..
دك مرة ثانيه ..

اخر كلمتين كلتها الها ارجعوا

وامنتها بعد ..
وطلعت من البيت شفت سيارته
واكفه ..

اجه عليه ..
ركبت وياه بالسياره..
كل شوي يدور عليه
مثل الي يريد يودع مسافر..
عزيز وغالي عليه...
اني وجهي ع الشباك

لزم ايدي.. كلي بعدج تردين تعوفيني
وبالج خطه وهروب..
سكتت
جر ايدي وقربني يمه .. تفاجات
جان عنده نظام وطريقة حتى بكعدة السياره

كلي داحاجيج...جاوبيني
كتله
بشنو يهمك تركي.. اي اريد اتركك
اننننييييييييييي ..
ريام تريد تعوفك..
مو نرمين

ما اتوقع تتاثر بغيابي..

عليت صوتي..
سهله يومين
وتجيبلك لعابه ثانيه .. و

تغيرها
شعر اصفر ..كحل اسود
كعب وملتزمة بالقوانين
ونادره
مو بارده مثلي ..وتزعج عرينك
وتخيلها نرمين ..
تخيل حب حياتك يمك
واني اعتقني منك ..
من سجنك وحبك...
ظلمتني بزواجنا ...انصفني بالانفصال

اني منفعله..احجي ودموعي بعيني
تنزل جمر ع خدي
هو هااااااااادئ
شابك ايدي..
مخليها ع صدره
ومقربني حييييييل يمه...

وكل شوي يدور عليه
يباوع لتفاصيل وجهي .. لو يشم شعري
من يسوي هالحركات
روحي ترجف ..ابلع ريكي بالكوه

كلي خلصتي؟
طلعتي كل البداخلج..لو تردين تحجين بعد
حتى ترتاحين؟

اسمعج اني شكد ما تحجين..
كتله انت تستهزا بيه حضرتك

ابد..بس اني اعرف محد غيري يعالجج
ولا ترتاحين يم غيري
ولا اكو مثلي يحبج ..

ضحكت كتله تحبني!
هز راسه
طبعا احبج
ليش تعتقدين اني ما احبج؟!
لج اني اعشقج عشق...
ريام اسمي ...ريام مو نرمين
لتخربط ..

اعرف اسمج..وحافظه وحافظج
من راسج لرجليج ..
واعرف البداخلج قبل لتكولينه..
واحبج واحب كلشي بيج

فهاوتج..تسرعج..عنادج..صراحتج
حتى كعدتج بالكاع ..
وانتي تاكلين تشريب احبها ..

درت عليه فاتحه عيوني..
ضحك بصوت عالي.. حسيت الضحكه
من حنايا روحي طالعه..

كلي شعبالج..
كايلها الج من قبل كلشي عنج اعرفه
وكلشي يخصج حافظه

ريام ..سمعيني
اني احبج..هالكلمه متطلع مني لاي مره
طلعت مرتين بحياتي...
الج ولنرمين ...
نرمين ..
اثرت بحياتي..وغيرتها..صحيح اعترف
لانها جانت..اول شباك..نور عرفته
واول حبل نجاة..انمد ببحر ظلمتي

عبالي..رح اعيش واموت..
بالظلام والقسوه...
لحد ما تعرفت عليها ..
وراحت..

من شفتج.. وشفت بينكم شبه بالشكل
وصبغتي شعرج..ولبستي مثلها
ممكن شفت لمحه منها بيج
بس ايام..وانتهى هالشي
انتي ريام ..انتي غير
انتي حب حياتي ..
غزالتي الما اشبع منها ..

دايما اشتاقلج..
بشغلي..وي صحباني
حتى وانتي يمي
الشوق ..خانكني بيج

هواي احيان..ابقى كاعد
اباوع عليج وانتي نايمه .. ممصدك
يمي وتحبيني هالكد..
فتحتيلي ابواب الحياة بطيبتج ..

انتي .. خليتيني احب الرجعه للبيت
ومن ارجع انسى
انسى شغلي..مشاكلي
والمسووليات العليه

من انام بحضنج..ارجع طفل
والحياة كلها كدامي
انتظر الليل يجي..بس حتى تلعبين بشعري
وتلونين قلبي بحنيتج

واغار... ريام
اغار اغاااااااااار
هوايه اغار عليج

حتى من كريمه اغار
من تمشطين للجهال اغار
تبدلين الهم .. تضحكين وياهم
احس جمرة بصدري .. عليج
اريدج
بس الي
تمشطين بس الي
تسوين اكل وتضحكين الي وبس

مرات اهتم زايد بالاطفال.. حتى تتفرغين الي

تدرين شكد حاولت اتغير علمودج..
تدرين محاولاتي بكل ثانيه ودقيقه
علمود اصير مثل ما حلمتي

تدرين شصار بيه من ضربتج..
مد ايده الي ..بيها حروق
عااقبت روحي ريام.. جويت ايدي بالجكاير

لزمت ايده وشهكت .. حسيت قلبي
مجوي بنار ...مو ايديه
كلي
دموعج غاليه...تزلزلني من مكاني
تنزل ع قلبي مثل الصاعقه وتهز كياني كله

ريام صبري عليه.. محد تغير بيوم وليله

انتظري.. وابقي حبيني
وخليني اتغير ع ايدج
خليني اصير الرجال التستحقينه
لتعوفيني اترجاج.. ابنج اني
تعوفين ابراهيم.. متعوفي
اني هم لتعوفيني..

بقيت صافنه ع ايده
ودموعي تجري..
كلامه وايده وحركاته
قضوا ع كل خوف.. وتردد بداخلي
رجعوني ريام العاشقه ..
ريام الي مستعده تموت .. بس لخاطر نضره من عينه
احبه واعشقه..وعاش حياة ظلمه
وتعبان والكل ضده
والكل يريد منه وما ينطي

سامحي ريام..صبري عليه
وطلعي من ظلمته..
داوي جروحه..شافي ريام
هذا ابنج ..حبيبج ..زوجج

ظليت..ابوس بايديه بمكان الجويات
وابجي وهو يبوس براسي

وصلنا للبيت.. كلي
كلشي رح يتغير
منا وهيج رح ..
تشوفين ليث ثاني
كتله ..
ليث وسبع..
كلي عوفج منه

بس اني ما اقبل التسوي..
سكت شوي كلي احاول ريام
احاول...
كتله انت تثبتلي تغيرك
اذا تغيرت وياه..
كلي من نرجع نحجي
شغل مهم عندي ..
فتح الجكمجه .. بيها مسدسين
واوراق..
طلع منها علبه
كلي نزليها وياج
ومن اجي نفتحها سوه

ردت انزل.. جرني باسني

ظل جسمي كله يرجف.. وخر عني وابتسم

يلا ريومتي.. ريمة قلبي نزلي

نزلت واحس هسه تزوجت..
هسه دخلت لشهر العسل

واحلم .. بالايام الجايه
شكد حلوه ...
اني وليث وجهالنا

رح انسعد اكيد .. اي
رح تخلص الايام السوده

عرفت واتاكدت .. اذا حاول وتغير
رح انسى كلشي..

تندمت واكلني الندم شلون فكرت اعوفه شلون وكل هالحب الي
امداج ريام
عالجي هذا حبج
هذا عشقج
هذا الي فضلتي ع روحج

اي راح افتح صفحىة جديدة وابدي ويا
من جديد
وادوي
واغير كل شي

لان عشقي اله اقوى.. من كل اليسوي
دخلت استقبلتني امه
وكلتلي ...انو اخته شمس

رح تجي للعراق بهاي الايام..
محاجي من قبل عايها ليث ابد

شمس .. وحده من الغاز حياة ليث
عرفت انها قوية..
بس رح يحجيلي ليث
رح افهمه انه اذا راد يتغير.. وياي
لازم يحجيلي كلشي وبكل صراحه ...

بدلت ملابسي.. واغني واضحك

كعدت يم الجهال
ودك نقالي رقم.. مجاوبت
وصل مسج
خويه اني فاع

ل خير اذا عندج وقت جاوبيني..

استغربت ...خيرررر يارب
منو هذا ..عندة

الجراه حتى يتصل!

. من وين جاب رقمي..

اتصلت
الو .. السلام عليكم .. عليكم السلام ريام.. شلونج

مستغربه منو انت وشتريدون مني

معليج منو لييث ..
خير ليث بي شي

لا ليث كلشي مبي..
بس اني ردت احجي وياج بموضوع مهم

طيب منين جبت رقمي

والمهم معليج بالتفاصيل هاي .
تفضل محتاج شي
لا خويه ممحتاج .. بس الصراحه اريد افيدج

الجاي يصير وياج غلط.. متستاهلين

اني عرفتج.. وعرفت انج انسانه شريفه وطيبه
متستحقين انسان..
انسان شبي احجي ..
بس شوفي
انتي
واسكتي ..
هاي عشيقته وحبيبته ..من زمااان ..
هاي جنته ..وانتي واجهه بس
انفتحت كامرة
ثواني مو اكثر ..
هذا ليث ..ونفس البنية ام شعر الاصفر الي شفتها
اول مرة ويا
والي بصورة
كاعدة وبصفه
والضحكه تارسه
وجهها ..
انسد الجوال

[ملكةه]

عرين النار


ج 27


الشيب الابيض..غموضه ..عصبيته ..قوانينه ..
عشقتهم ..
اني انسانه ..ضعيفة وبوجودة..قويت ..
حبيته .. بكل ذره داخل جسدي
بس هسه..
الحب ..تحول رعب
الحنان ..تحول ذل ..

وعشي الدافي .. كرر قصة الغدر

هل ...ياترى ..
يتحول الاسد ..الجامح ..الى حمامه سلام ..
حبي قوي لهالدرجة.. ويتوب الخاين
لو الطبع يغلب..ع التطبع...

بعد ماشفت الفيديو .. ليث ..بقيت ساعات ساكته
افكااااار وضعف تهب براسي..تكسر
كل امل وياه...
ماعرف شنو الي اسوي
زين..شنو الي غلطت بي ويا
وليش هذا عقابي
وليمتى
نفس الكاس اشرب منه دائما ..
كاس الخيانه ..
والالم ..

معقوله الخلل..بيه
وجنس ادم..يخونون..كل امراه
تنطي من قلبها..حب وعطاء

طلعت من الغرفه ..تايهه وتدور
ع عنوان الخلاص...
عيوني مغوشه..
دكيت الباب ع سبع ادك ادك
لكن ماكو رد...
معقوله طالع ..وين يرووح
صار فتره ما اشوفه..

ماعرف ليش رجلي اخذتني للغرفه المجهوله ..
يمكن ادور اجوبه
ويمكن روحي اشتاقت لليث..
واعرف رح احسه.. هنا موجود
احس بوجوده هنا اكثر من ..غرفتنا

فتحت الباب مينفتح
غريب منو قفله
جان اكو هدوء عجيب بالبيت
صوت الهوى العالي
خارج البيت ..
احسة يصفر ..باذاني
مرات ..كاعده واحس صوت باذني
ماعرف هالشي..من غرابة الحياة البي
لو هو بيت مسكون

حاولت افتح يدة الباب منفتح ..
رجعت لغرفتي اخذت درنفيس ..
ومشيت ع اطراف اصابعي ..
وحاولت افتح بيها ..
بجيتها قوي ..
انفتح الباب ..
فتحته ع كييييييف
كفخت بخشمي ..ريحه عطر اشبهه بالياسمين
المعتق من سنوات ..
حسيت بسكينه ملت روحي

دخلت
ورجعت دقات قلبي سريعه ..
لزمت قلبي ..
حسيت الدكات اتحولت بكل جسمي
ادك ..بكل جزء بي..
شغلت الضوة
وجنت اتخيل الكة بركن الغرفه
مرة عجوز ..
ضليت ادور وماكو ..
رجعت جريت ..
بوكس الصور ..
وفتحته واقلب بي ..
صور..صور ناس ماعرفهم
بس من عائله مترفهه.برجوازيه ..
وهذا الطفل يشبهه سبع

ضليت اتلمس بي واكوله كولي شصار بحياتك
كولي ..
اني احبك ..
احبببببك
ليث..شوف شكد تشبه ابنك حبيبي

واحس دموعي نزلت ع الصورة ..
حاولت امسحها ..
وكلبت الصورة
مكتوب

ذكرى اني وماما وبابا بالحبانيه ..

هذا ليث ..
وهاي الفاتنه امه
وهذا ابو ..

امه كانت فاتنة بكل ماللكلمه من معنى
حنطية مايله للبياض..طويله
ورشيقة حيل
عيون عسلية كبار.. خشم صغير
شفايف ممليه ..
شعر حرير ذهبي..
تشبه شمس البارودي ..
بس احسها اجمل..واكثر جاذبيه
ضليت اكلب بصور وشفت هاله ..
وشخوص ماعرفهم ..

شدت انتباهي صورة

ابو ليث مرسوم عليه بالقلم ..
مسوين عندة كروون ..وانياب ..

درتها
قريت
انت مو اب وحش..اكرهك

بهالحظة حسيت روحي انحصرت اكىثر وبقيت
اردد شنو الي جرة بحياتك وشصار ..
شنو الغيرك..ومسح ابتسامتك

احس صوت تنهيدة ..
عميقه ..
وانسد الباب ..
انداريت لييث ..
كمت من مكاني مخروعه وفازة ..
قلبي يدك سريع..
وما بالي..غير اني رح انضرب

اني اسفه..
والله..هسة ارجع كل شي لمكانه
جدا اسفه ليث

كلما يتقرب ابتعد ..بخوف
رجليه يرجفن
واخاف يرجع
الوحش ..

اسفه ليث فضول مو اكثر ..عفيه

ساكت ويباوع عليه ..
عيونه مبيهم حجي..مبيهم شي
واني بهذيج اللحظه شفت..بيهم موتي

وصل يم البوكس بالكاع ..
والصور مشمرة ع السجادة الحمرة ونيلي الايرانيه القديمه

دنك لمهن كلهم ..ع كييف يشيل بيهن

واخر صورة بقى يتامل بيها ..

اني بلا وعي شفت نفسي واكفة
ع الجربايه ..وايديه ع وجهي..
احسب الابعاد
اذا اركض وطلع شلون ..

رفع صورته هو وامه وابو..ايديه ترجف

كال هاي ..هاي
الماس خانم ..

امي ..
وهذا والدي ..

وهذا اني ..

هزيت راسي اي ..
حلوه امي مو..
حلو ة مو حلوة ويتلمس الصورة ويمسد الها
كتله اي .
كولي اي
اي حلوة
كعد بالكاع ..

واخذ البوكس بحظنه ..وفتحه ..طلع خصله شعر ..

جرها وشمها حييل
ورجعها ..
جان كل قطعه ..ياخذها يشمها لو يبوسها ويرجعها ..

وكعت من عينه..دمعه
الماس ..امي ..فاتنه ..جميله ..محبوبه
ملكة
والكل تترجى رضاها ..

ومنهم ابويه ..
ضحك ..

سد البوكس ..
وتجه ظهره ع الكنتور ..
كال جنت طفل ...

واشوف امي الكل يحبها ويودها ..
وهي ويانه حنينه حيييل ..
واهلها من نسب عريق ومعروف بوكتهم ..

مدلله ..فاتنه ..خدم حشم ..مدرسين
معامين .. كلشي يمهم ملكي

ذكرياتي وياها مشوهه..حيل
اذكر بلليل تجي ..يمي ..
تقرا الي قصه ..

واخلي راسي ع حضنها ..واسمع الملك ..والجميله ..

وتكولي اريدك اسد قوي من تكبر
قانون الحياه البقاء للاقوى ..
تلعب بشعري..تكلي انت بطلي..
ابني البطل..

واثنينه نفزع بفتحه باب ..
ابويه ..

بقاطه ..الاسود ..وشعرة الاسود ..
شواربه عريضه وثخينه
وعيونه الاكبار ..

يكولها طلعي راح تخنثين الولد ..
بسوالفج المايعه ..وقصصج
وبعدين وياج..ليش تجبريني اربيكم

اترجاك ..كل الاطفال يسمعون قصص الكل ..
مابيها شي ..
عوفة..فدو

ه لعينك عوفه

عيونه تصير دم
اذكر فتحه الحزام ...حتى صوته ..

واشوف امي

توكف بوجهه ..
وترجف ..وتتحول من الملكة الماس..
للبوة شرسة.. بس ضعيفه كدامه.. مثلج

لا لا عوفه ..
الرجوله مو ضرب ..
حبيبي عفيه
ابوس ايدك ..
بعد ما اوصل يمه ..

وتنضرب منه ..بعد توسلاتها ..
واشوف الدم..يترس ملابسها
بعدين
يتقرب مني
يرفعع عني الغطا ..
يلكاني ..مدرر ع روحي ..
وارجف وساد اذني

من الخوف بابا والله اخاف منك ..عفيه عوفني

اني
وكعت من الجربايه ع رجلي ..
ماكدر اكمل الخنكه ..شجاي يحجي
اشوف دموعه..وحركته

كمل بصوت مبحوح ..

يجرني ..
والبد بزويه صغيرة ..وماسمع شي ولا احس بشي ..

الا بعد فترة ..من ينزل من يمي ..
وبقينا ع هالحاله سنين ..يضرب بيه

الشي الوحيد التغير..
امي..الماس خانم
يوم بعد يوم ..
ابتعدت عنا ..كمت ماشوفها
وانصاع لاوامر ابويه
اختي رسلتها ..بمدرسة خارج محافظتنا ..
واني اذا شافتني..تنهزم
اظل اتوسل بيها ..تحجيلي قصة
او تبدل ملابسي
بس متقبل ..خدم ربوني اني ريام

وبدت امي تذبل ..وتنتهي ..
وابويه ..
تاجر معررروف ..جدا ..

وكثر سفره وزادت فلوسه وحفالاته ..
ونسوانه

بعدها امي .. ظلت تطلعني لمحل
تاخذني نشتري كيك وحلويات ..

دائما ..
كل اسبوع
والاسبوع صار ..بين يوم ويوم
الى ان يوميه ..

جنت متعجب وطاير من الفرح ...
الموطه ابوية مانعها ..وهي يوميه
تشتري الي..
والاهم ..رجعت امي
ظلت تحضني.. ومن اوعدها ما احجي لاحد
تكلي عفيه ابني البطل
واني اطير .. مثل سوبر مان

ومرات ابو المحل..يقفل الباب

وينطيني..مجموعه حلويات

ويدخل هو وامي لغرفه
ورة الفاترينه ...
يكلولي شوي ونجي
ابقى هنا العب ولتسوي صوت
واذا اجيت ورانا ... انت مو بطل
جنت انتظر
بس
مرة ..
انتابني الفضول..
باوعت المحل ..فارغ الباب مغلق ..
المحل مستطيل طويل..لونه اخضر
وكله رفوف.. متروسه مواد غذائيه
وحلويات..والعاب
وبالنص ميز ومن فوك ..زجاج

مشيت لنهايته اكو باب صغير
فتت ..وطبيت ..ورة الفاترينا
شفت اله مال فلوس
ضليت ادوس بيها ..
صوتها يضحك..
سمعت صوت همس وضحكات ..ناصيه ..
اذكر لابس ..شورت صحراوي وقميص مقفل وشيالات ..
وحذائي يلمع ..والجواريب عليها علامه حصان ..
عفت الاله والحلويات ..
ومشيت ..
هالصوت اعرفه .. واعشقه
امشي
ممر اظلم ..واكو ع اليمين ..دجتين ..صعدتها فتت حمام فتحت بابه
تواليت شرقيه ..وجان المي ينكط..من البوري ..
ومايا مكسورة ..ومغسله وصخة حييل ..
سديت الباب من الريحه
جنت افكر شنو هاي..مايشبه قصرنا
والجهه الثانيه ..
غرفه ..
مفتوح شويه من بابها ..
وانارة خافته ..
تقربت صوت الهمس زاد ..
فتحت الباب والباب بيه صوت قووي ..
وشفت كدامي ..اقوى صاعقه بحياتي

شفت امي وابو المحل ..فوك جسمها ..لازك ..
من شافوني ..
صرخت..امي
دفعته وغطت روحها ..
بهدومها مشمرة ..
بيومها جانت لابسه فستان بيضه..وبيها ورد ماوي
وحذاء كعب ماوي..
بقيت بمكاني ..مكدرت اتحرك ابد ..

حسيت بحرارة بين اهدومي ..
وهم صافنين عليه ..
امي بدت تبجي
ردت احرك رجليه.. بالاول ماتحركت
بعدين
طلعت ..من يمهم بركضه ..
وصللت لباب اريد افتحها اجرها ماعرف وماكدر ..
صورة امي .
شلون حاضنته ..واديها محاوطة شعرة متروح من فكري ابد ..
ابو المحل .. رجال قصير اسمر
شعره خفيف..وعنده كرش
ماعنده لا هيبة ولا طول ولا وسامة ابوي

بكل قوة احاول افتح الباب ماكدر
كمت ادفرها برجلي ..

احس امي جرتني ..
وطلعنا من المحل بسرعه ..
والطريق كله جانت تبجي
وصلنا للبيت ..
ذبت غراضها وجرتني من ايدي للحمام ..
نزلت هدومي وتتتحسس الندب الي تاركها الي والدي ..
وتبجي ..
كالت ابوك موتني وموتك
ولو شمس هنا هم تموت ..
اني اسمع وساكت.. عيوني مغوشه
مابيهم غير منظرها .. وي ذاك

دخلتني وغسلت الي وتبجي
بحركه وتلزم كلبها وي كل دمعه ..
كالت ..
اكو اشياء من تكبر تفهمها ..
وتفهمني..
هذا البيت
وتاشر ع البيت يخنكني
هذا البيت موتني ..
ملعون ملعون ..
واني انسانه من مشاعر ..
ليث ماما مو تكرهني .
ابد اني امك ..
واحبك ..
وفديوم اخذك وانهزم ونخلص من ابوك ..
مكردت احجي شي
عقلي مديبرمج الي شفته ..

والي صار ..
من قسوة ابويه وحنان امي ..
الى ابو الكيك ..
والموقف
بقى عقلي يريد يجمع مكدرت اجمع شي
والساني انخرس ..
وسكتت ..

يوم يومين امي مريضة وتبجي ..
ورجع والدي من سفرة
بهدايا
وقوانين جديدة اقسى من السابقه ..
جنت مجتهد بمدرستي بس مايوم حسيت اني
الي اقدمه لابويه شي مميز ..
دائما اني مو رجال
وطفل ودائما ينتهي اليوم بعقوبه ..
صارمه ..ضرب جوي
يذبني بالشارع..ويربطني مرات
ويوم بعد يوم ..
تموت الاحاسيس بيه
وينخلق داخلي وحش
يريد يفترس ..
يريد ينتقم ...اكره كلشي
ابوية امي ابو المحل .. اصدقائي
كلللللللللشي

امي من طبيب الى طبيب معرفنا الي بيها شنو ..
من يكولون حاله نفسيه ابوية يغير الطبيب

اني جنت سبب نص مرضها.. نظراتي
وتحسسي من تلمسني دمرتها
جنت اعاقبها .. بيه

رجع سافر ابويه ..
فتره
ورجعت امي تاخذني للمحل ..ونفسه ابو الكيك ..

ثامر ..

ون

فس الاعذار
ونفس الدموع تتكرر بعد كل زيارة

وعرفت نفس الموقف ينعاد كل مرة ..

واكثر من مرة ..
اختلس النظر الهم ..
وجان ثامر يشوفني ..

ويركز بحركاته اكثر واكثر ..وياها .
ويضحك بابتسامه ..كلها ..استهزاء ..
احس ديكلي .. شوف
شوف امك .. شرفك بين ايديه

وجنت الليل كله اخطط بقتلة وبالطريقه

بس اني مو رجال ماعندي جرئه اقتله .
ولا عندي جرئه اكول لاحد ..
اني طفل مثل مكال ابويه

وتعيد امي نفس الكرة والسيناريو
الماس خانم ..

عقلي كدر يفرز امي خائنه ..

والدي الضحيه ..او السبب..
هنا عقلي ميعرف ..يفرق ..
شنو الي يصير ومنو الي مذنب
امي ابويه اني
منوووو

كل مرة توعدني .. تعوفه
او بعد ماروح وياها
وانجبر اروح ..وتجرني
وتضربني حتى اروح

سنتين عشت وبروحي ذنب ..
طفولتي ترفض تفسرهه
اكثر من مرة اشيل موس حجارة ويايه ..
اريد اضربه ..
واضرب نظرة الاستهزاء ..
ماكدر ..
اخاف واتردد
ويمكن اموتت..
طفوله عشتها ..
الليل كله اخاف اغمض من ضرب ابويه
واكرهه النهار يجي حتى ماشوف
ثامر ..

حتى المساجين تجيهم ساعه رحمة
الا اني ابوية مستلمني بالليل
وامي بالنهار

فديووم
اخذتني جبررر ..
بعد ما ابويه ..راح لمحافظه ..
شغل ..
وصلنا مثل كل مرة ...

كعدت ..بس ماعاد تغريني قطعه الكيك
ولا كاس الموطا ..

كعدت ..وانتظر دقيقه دقيقه
اطلع منا ..
واعوض الرجل الي بداخلي ..
باذيه الحيوانات ..السارع والحشرات

اكثر من مرة االم نمل من حديقة واخلي بشيشه
واذب نفط عليه ..
واحركه
اول مرة حسيت بذنب
بعدها ماعدت احس بشي ..
لو الزم الطيور ...
والعلكها ..
من جناحها واشلع ريشهم ..

بزونه ..احبسها كونيه ..واضربها بحايط وتطلع دايخه ..

يمكن جنت ارضي شي بداخلي ..
ماعرف اساسة شنو...

او يمكن اتخيلهم ثامر.. امي .. ابوية
ومرات احس هاي اني الجاي انازع

جنت كاعد ..
وسمعت صوت ..الباب مال محل ..انرج رج ..

درت وجهي ..شفت ..
اثنين ولد ..
الي اذكره ...
انرج الشباك ..
طلع ثامر ويعدل بهدومه ...
بس فتح الباب انسحب ..
وانجر ...
وامي بقت جوة ..ومطلعت ماريد اروح يمها ماكدر
ولا اكدر ابقى ..بمكاني ..

دخل ابوية وره دقايق ..
بكل بروود...
ليث للسيارة ..
طلعت ..والدنيا جانت ظهر ..وحارة تمووز ..
عيوني تمرش
رجلي تمشي
بس مابيه روح
بيه خوف ورعب
الشارع الي بي المحل فارغ ..
انسحل ثامر لغير سياره
واختفى من كل مكان ..

دخلت كعدت بسيارة
وعيني ع الجامه ..
شفت ابويه
جر امي ..من اديها
وشعرها
وفتح الباب
الي بي اني ...
وشمرها يمي ..

من يومها ماشفت امي ..
اخر لقاء بينا هو بسيارة

بعد ما شفت وجهه الحلو
ولا نمت بحضنها الدافي ..

جانت بس تبجي ..
ابويه معروف
وامي من عائله معروفه ..
مطلكها بس حبسها بغرفتها هاي ..
لحد ماماتت..
حتى ما ضربها .. بس اخذ حقها مني
وبقيت
عمر كامل شايل ذنب سكوتي ..عن امي ..

عمر كامل لحد مامات ابويه ..
اني اتعاقب ..
باشد الانواع ..
ساعه 12باليل..يرجع من سهرتة
يطب للبيت ..يسحلني من فراشي ..
ويصلخ كل هدومي ..
ويطلعني برة ..بدون ولا قطعه ..
اريدك تصير رجال
الي يتستر ع امه مو رجال
امك كذا وكذا انواع المسبه اسمع ..
ايام طويله اكعد يم الباب
هناك ..
واحاجيها ..
يوم .. تعالي سولفيلي قصه
يوم اني مشتاقلج
اسامحج اني اذا خليتيني اشوفج

ماما اني ابنج البطل.. متحبيني انتي
طلعي اشوف وجهج
ما ادنالج
يوم لتحرميني منج..
ابجي احتاجها احتاج ام اني مو منبوذ
ولا يتيم

وتجاوب بكلمه سامحني ..
سامحني
المفروض اخذك وانهزم واطلع بيك واخلصك واخلص من كل الكون ..
وحتى من ماتت ماشفتها بعد
ماخلاني اشوفها .. حبسني بغرفتي
وطلعوها بسكوت..
كالوا قسم ماتت منتحره..وقسم كالوا قتلها
وناس كالت من القهر

ماتت ومحد عرف قصتهم الحقيقيه

معشت حياتي ريام ..
يوم بعد يوم الكرهه زاد

لكل شي ..

ايدي ع حلكي واسمعه
دموعي تصب
وارجف.. شنو عاش
وبشنو مر

شنو من اهل.. هم اكو هيج بشر بالعالم

بريئ الاسلام وكل الاديان السماويه من كل انسان يخون .. وينكس
نفسه واهله ..

تقربت منه ..ع كيف

لزمت اجتافه ..
ليث اني اسفه وجعتك ..حبيبي اني اسفه
مجنت ادري هيج صاير وياك
دفعني ..حيييل
وكعت كباله ..
طلعي من حياتي طلللعي بسرعه
وهسة ..
ماريدج بحياتي وماريد اي احد بيها اطلعييي
خلوني ارجع مثل قبل.. اكره الكل
ووحيد
كلكم وحوش
وتكولون عليه وحش
ابوية وحش.. اني مو ابوي
امي خاينه
سبع قاتل .. انتي تكرهيني
ويجي يوم وتخونيني مثلها
مثل الماس خانم
نفس العمله .. نفس الجمال والجاذبيه
وعليج زلم هوايه

ظليت اهز براسي لالا
ليث ..اني احبك ..بس الك احب
محبيت احد مثلك .. والله بس انت ملكت قلبي
وجهه صار احمر

كام عليه
بكل ..قوته ..
كافي لج كافي كافي جذب
كافي ترستوا حياتي جذب

جرني حييل ودفعني ..برة
حاولت اوكف بوجهه ..
حاولت اهدي.. احضنه
مخلاني
لزمني من ركبتي ..
خنكني حييل عصر ركبتي ..
احس دموعي تنزل وايدي مجلبه بايدة ..ادفعها
اله

وى بده ينقطع
ايدي بدت ترخى

عيوني ظلت تغوش.. ويروح منها النظر
اني مابللل سروالي

خزرني اني اني مابللل سروالي

انتي هم تشوفيني مو
رجال ..
انتي هم تشوفيني طفل
ما عندي جراه ..
مو رجال انيييي
مووو
عيونج تكول
انت خنثي

[ملكةه]

عرين النار
ج 28


الموت ...
ظلام اسود يقطع الانفاس
صووت ..يهز اعضاء الجسم ..
بالحظات الموت العقل يرفض الاستسلام وكل الجسم ينازع
باول الهجوم ..
بعدها ..اعضاء الجسم تستسلم وتجبر العقل ع الرضوخ ..

نسيت كلمه الشهادة ..
فيديو مصور ويدور بعقلي ..

كل شي ..
اطفالي امي ..ابويه ..اسامه ..ايناس ..ليث ..

كل شي ..يدور ..
وشي بداخلي ..يكول هسة يتركني

الخنق ..وعصرته تفقد كل حواسك ..
وتخليك ..اسير الأدين ..
وتتمنى عطفها ورحمتها ..
رخت ايدي وحسيت لساني ثكل
ماعد اريد الهوى اريد ارتاح بس ..

غمضت ..عيوني
واستسلمت
بكلمه ..
حسبي. الله ونعم الوكيل ...

حسيت انشمرت ..
وين ماعرف ..
ثواني مو اكثر ..
عقلي صحاني اشهكي اتنفسي هوى ..
اتنفسي ..
كومي كومي ..

فتحت عيوني ..وايدي ع ركبتي ..
ليث مو يمي ..
ضليت اتلفت واتنفس واكح ..عالي ..
واشهك الهوى
مثل الي توة انولد ويريد يشم الهوى ..اول مرة ..
غركان ..
واخذ نفس ..عمييق
اريد اكوم
اعصابي ميته ..
حسيته طب يمي
احس عيوني مجزعه مو بس فاتحتها ..
وماكدر اصرخ ولا احجي مضل صوت عندي ..
كعد يمي بالكاع ..
انطاني المي ..
اخذته من ايدة
اريد اشرب ..
ماكدرت احس ..مثل الشي واكف بالعومي
شربت كمع دخل شي قليل والباقي ذبيته ..

طلع صوتي ..
الله لا يوفقم ولا ينطيك
ايييييي
انت مريض ..
ضل يمسد براسي اني اسف
بيج شي ريام حبيبي
اذيتج
دفعته بكل قوة بجسمي ..
وكمت
مشيت وخطيت اربع خطوات واتجة ع الحايط
وكعت ..
ورديت كمت
اجه لزمني ..
دفعت ايدة كتله اقسم بالله اذا تلمسني بعد لا احرك روحي
هسسسسسة
عوفنييييي..
ريام
لزم ايدي
اسف الي تريدي يجرة ويصير الج
وجوة رجلج ..

كدرت اطلع من الغرفه ..
اريد اوصل باب البرة ..بس لا هروب ..
رحت لغرفتي ..عقلي متبنج
اليوم
شفت الموت
لا مشفته اني متت..وماعرف شلون حيت من جديد
اتوجى ع الحايط وامشي كوة
رجلي طك طك ..
جسمي يختض مثل السعفه
وجايها هوى عالي
بس اني الهوى قلعني ..
وشمرني بعيد
كل خطوة خطيتها اذكر شلون جنت ويا
وشلون صرت
وشنو جزاتي..
ابتعدت عنه وكعدت بالغرفه ..
مجنت اكدر ابجي
ولا احجي احس ابلعومي ..حجار واكف وخانكني ..
دخل يمي ..
ريام ..
اني اسف ..
مجاوبته ..
كعد يمي اسف ..واحبج وعذريني ..
واخاف تعوفيني ..
ونفس الكلام ينعاد..
كتله الافضل نترك بعض ..
كام من يمي مشى ..
ووصل للباب ..
كال ..
وين ترحين سما ..صحراء ..نجمه اتصيرين
اجيبج
طلاك ماكو ..
متعوفيني .
شعبالج الزواج ..انتي بس حب ..
اني ممقصر وياج ..
واذا ضربتح
واذا صرت عصبي
كفرررررت ..متي قابل ..
انجبي واسكتي ..
ضليت بس اباوع عليه
ايييي لا تباعين هيج انجبي واسكتي ..
باعي ريام شغل الكيد ..مال نسوان اعرفه كله ..
اقسم الج ..
اي تصرف منج ..مو ع مزاجي
طلقات هواي..
طلقتين برجلج ..تحلمين تمشين ..
طكه ظهر ..تتمنين الوكفه وحركه الادين ..

ماشوهج لا ...
اخليج ..بس نفس يصعد وينزل ..
اطلع اطب اخون اعاشر .
مالج شغل ولا تحجين ..ع شي
وعافني وطلع ..

اكو كلام يمر مرور الكرام كلامه مر مرور السيوف ..
واخترق كل شعور بيه ..
حب ..
كرهه ..
اختلط بيه ..
ماعرف شسوي ..
ولا اذكر شلون مرت الايام ..ومشت ..



هاي الحادثه ..منست من دماغي ..ابد ..
وقررت اقدم الي اكدر عليه ..واحاول اعيش ..
تجربتي علمتني شكد اني بلا وعي جنت وشكد طايشة
وشكد تسرعت ورخصت نفسي وروحي ..
حتى اطفالي رخصتهم ..
قررت اعيش لا ارى ولا اسمع ولا اتكلم ..واعيش وبس
واحتظنت اطفالي ..واطفاله

عرس هاله قرب..شمس تحدد موعد
جيتها من الكويت..
ليث..اصر الكل يستقبلها..من البصره

جنت احس..بحنية صوته
باشتياق..من يحجي بيهاا

عرفته حيل يحبها..

البيت تحضر لاستقبالها..اكثر من عرس
هاله..

اني..
بحكم شغلي..القديم بالحفلات
هاله..اعتمدت عليه اكثر
بحفلتها..وعلاقتي قوت بيها
يمكن جنت اشوفها..بمكان ايناس
ومرات احسها ايناس..
الصداقة والصديق
اذا صار حقيقي..مكانته تعادل الحب واكثر
وفقده يكسر الظهر

اني انكسر ظهري ..بخسارة ايناس
وكسرت قلبها وقلب اخوية بطريقي

صممت الديكورات واختاريت التوزيعات
والكيك
وحتى بدلاتها .. اني طلعت وياها
جنت حيل مشغوله
ما عندي وقت جبير افكر بحظي وابجي

وهالانشغال كلش فرحني.. حسيت بنشاط
حسيت الي فايده
وكل ما ينعجبون بشغلي اكثر
انطي اكثر
واتعب نفسي

الكل عرف شنو طبعي..الكل شاف..
اني امشي بالكلام الحلو والتشجيع
وعلاقتي..بام ليث وهاله حيل تعمقت

حتى ظلوا يتجراون..ويدخلون لغرفتي
بغياب ليث ..

اتعجب ع الناس..الي يفكرون..المراه تمشي بالصياح..والتقليل..من الشان

واتعجب اكثر..من خوفهم بمدح المراه
حتى لا (يكبر راسها) ..
مفهوم جدا خاطئ..

ياريت ليث يفهمه .. ويقدر تعبي..جهدي وحبي اله ..

وياه احس دايما..اني قليله..موكافيه
واني مو مهمه..
رغم اني اشوفه..سندي وقوتي

بس هو يخاف..حتى من الكلمة الحلوه
من احضرله جو رومانسي..

او ال

بس..شي حلو..احضرله اكل يحبه

اغير الاثاث ويعجبه..
يخاف يمدحني..
مدحه يكون سريع.. وبعكرة حاجب
وبعدها يدور سبب..حتى يثور

بيوم كعدت ... ولكيت باب غرفة سبع
مفتوح ..

ركضت بدون..ما اهتم بوجود ليث

لكيته كاعد..ويباوع ع الباب
مبين ينتظرني

راسا حضنته بالبداية خاف وجمد
وظل يباوع لليث...

ليث باوع..علينا بطرف..عينه..ونزل

كتله حبيبي عماتي.. نورت البيت..

راسا ضحك وحضني

عمه اشتاقيتلج..
والله كد ما اشتاقيت..لاخواني..
اشتاقيت الج ..
ولميمي وبرهوم ..

وين جنت سبع..
بيت خالي ..
بالشمال ..
شاورني ..
من يزيد كره ابوية..يذبني يمهم كم شهر
يبرد ويجي ياخذني..
واغلب الاحيان..يجي بسبب اوامر عمتي شمس
هالمره رجعني علمودها..
تريد تشوفني بالبيت..من تجي
عمتي حيل تحبني..وهالشي ابوية ميكدر
يعارضه ولا يعارضها

كتله
سبع كلها..تحجي بشمس
خوفتني..
لهالدرجة يسمع
ليث كلامها
كلي واكثر .. عمتي كلش قويه
نسخة ليث..
بس النسخه الما متوحشه
نظيفه..
وادميه..

كم يوم عشتهم..وي الاطفال
ناكل ونشرب سوه..ادرسهم ونعلب
بليل
ننام كلنا بالارض..
بس يوميه اكعد الكه روحي بفراشي
وليث بحظني

يومين جدا سعيده..
اطفالنا صاروا اخوان
ومتعلقين باخوهم..الجبير سبع

سبع كان عبارة عن طفل..
بقلب يوسع وطن..
لطيف ومودب..بس وي ليث يصير
عصبي..متمرد

وي الاطفال
يلعبهم يوكلهم يبدللهم
اي شي في سبيل..يبقى يمي ويمهم

ومرات الكاه صافن ع ليث .. بعده يحبه متاكده..وبعده يتمنى يصيحله بابا

بابا..
كلمة مولفه من اربع حروف..
اول كلمة يتعلمها الطفل

بس كحجم ..عملاقه
حجمها ما يكفي بلد..ولا يكدر يحوي قلب

الاب
امان ..
حنيه ..
قوه ..

يكولون الطفل يحب الام اكثر
صحيح..
بس ويتعلم..وياخذ صفات
من الاب اكثر..

اجه الوقت..وسافرنا نستقبل شمس

من وصلنا ..
رحنا لبيت عرفت..تالي بيت..
من بيوت ابو..

وليث مخلي..عائلة تعيش..بي وتحرسه
وصلنا وي الغده
استقبلونا
بدلنا وشميت ريحة تجنن

لكيت مسوين النا..
سمج..صبور وتمن باكلا..
ما اكل السمج
من يوم تزوجت ليث .
.الا بيت اهلي
ركضت ع السفره..
بس وكفت اللكمه ببلعومي..

وفتحت حلكي مصدومه
من شفت ليث ياكل بايده ..
ومستمتع بالسوالف ...
شنو من انسان..
شنو من مخلوق.متقلب..اني عايشه وياه

ليش هالتناقض.. ليش هالازدواجيه

ظليت اصدك ..
ليث مو مريض..بدون ارادة
ليث مرضة بارادته

هواية ناس تعرضوا لمآسي...
وشكد شباب عاشوا قهر والم
وعنف من اهلهم ..

بس مصاروا مثل ليث..

ليث تعرض لمواقف صعبه .. بس طول هالسنين مطلع نفسه..منها
متعالج..
متغير ابد..
عرفت حتى امه وهاله محاولين وياه..
واكثر من مره ضارب هاله..

يعني هو ميريد يتغير..راضي

رح نكمل سنه سوه.. سنه كامله متغير
ابد

بعده عنيف..بعده خاين..بعده شكاك واناني

رغم اني.. غيرت نفسي علموده.. خليت كل اهتمامي اله..هملت اطفالي في سبيله

تحملت عنفه..شربت اصعب كاس تشربه امراه..كاس خياناته المتعدده..
واكول تهون ويحبني..
يرجعلي..ويصير ليث الحلمت بي

ومصار اي شي...

الى متى..ابقى اضحي..بحياتي اطفالي
علموده..

طلع.. ليث وابو العائله..الي بالبيت
يجيبون شمس

وره البيت بستان..ظليت امشي
اجر نفس بكد ريتي..وابجي

ابجي..حبي ..سجني..قهري..ضربي
ابجي اخوية.ابجي صديقتي وامي

كبرت فكرة الهروب..اعرف ماكو امل بالطلاق

كلي..بس الموت ياخذج من عرين الاسد

ميعوفني..لكه بيه نرمين..وشاف بيه امه
ويريد ياخذ حقه منهم..عن طريقي

سمعت..هورن
وصلت سيارتين .. باول سياره ليث
وشمس...

شمس..تشبه امها حيل..طويله
رشيقة..خمريه
عيون عسلي ..كبار
خشم طويل ومرفوع..
شفايف عريضه..وشوي ممليه
وعدها شامه بخدها

بيها شبه من ليث..

نفس المشيه الواثقه..والنظره العميقه
حضورها قوي..يجبر الموجودين كلهم
يصفنون عليها..

حضنت سبع حيل..وبقت تمسد ع راسه
شفت عينها كلهم دموع..وهو مقاوم
ميريد يبجي..يم ابو

الي واكف ع صفحه ومعاجبه الوضع

وصلت يمي..مديت ايدي
ضحكت وجرتني..حضنتني

كالت اني متمشي..عليه قوانين..استاذ ليث

عدها بنيه وحده..بس متشبهه
بيضه دبدوبه..وعيونها ملونه
وعرفت زوجها عنده شغل ..باقي بالكويت

بقينا لثاني يوم بالبصره ..ورجعنا لبغداد

وبالفعل كلشي تغير بجيتها..الاكل انتهى نظامه
سبع يطلع ويفتر بالبيت والحديقه..وليث ميحجي
ليث مظل يباات..بره

حيل ارتاحيت الها.. رغم هذا كانت نظاميه
بحكم دراستها بمدارس داخليه

راقيه كلشي يدل ع رقيها
كعبها الناصي..مجوهراتها النازكة..
تنوراتها القصيره وي القمصان
محبس الاسد..الي مخليته..بصبعها الصغير
رفعة شعرها..كلشي يدل ع انها سيدة مجتمع

جنت اشوفها هوااااية..تاخذ ليث وتكعد وياه بغرفة امهم..
ويطلعون عيونهم حمر..

ظلت تتوسط بينا..تحاول تصلح
تحجيلي ع معاناة اهلهم .. الاذيه الصارت
حياتها حاليا..شلون كدرت تتعايش
وشلون الوضع صعب ع ليث..لانه شاف اكثر وتاذى اكثر

وبيوم راوتني ظهرها عليه..علامه جبيرة
تشبه علامة الصح

ك

الت..هذا حرك ابوية .بيوم جبت درجة مو زينه
اجيت خايفه وارجف..شاف الدرجة وسكت
فرحت..نمت وكلت مسوالي شي
يحبني..منا ورايح ادرس اكثر
حتى افرحه بدرجاتي
كعدت بالليل ع لسعة برودة
وفجاة البرودة تحولت بركان ناري
ع ظهري
حمه حديده ع النار وخلاها..
يومين واني اصرخ من الالم..
مفاد لامرهم..ولا مسكن
ليث بعده كلش صغير
لازم رجلي ويبجي..
بعدها امي..
قنعت ابوية..
يدزني لمدرسة بعيده ..
ورحت..
وعفت وراي شبل..بريئ
ما خطر ع بالي..لحظه يحولونه
بافعالهم..لاسد ضاري

ريام احنا عشنا..بالبرزخ
لحد ما اجه يوم..واني انقذت
بس ليث..ليث حياته بيدج..

بقيت اسمع وابجي..حياتي ممحتاجه تصعيب اكثر

بهذاك اليوم حلمت..بصهيب..واكف بنص شارع بيتنا ويفتر..ع نفسه وشعره يوكع

كعدت مخروعه.. خابرته مرد
خابرت ايناس..
كلتلي..

خابرته هواية..بجيت وتوسلت بس مقبل
يرجعلي..
حلفته بحبي..بس اشوفه مره ثانيه
مقبل
وكلي رح يطلكني..باسرع وقت
وبعد ما اتصل بي..

تفاجات ...ليش هالتغيير ...
قبل كم يوم يتمنى يشوفها ...
..
شنو صار وتغير هسه..
اسمع ايناس..تشهك وخانكة بجيتها..
كتلها
لو اعتذر يفيد..؟
اعتذرلج دهر والله..اني السبب

ظلت تضحك..
كلتلي ريام اني مسامحتج
اي شي تسوي بيه مسامحته

لان لو ما انتي..مجان تعرفت..ع حب حياتي
ولا عشت اشهر..سعاده مضايكتها
طول عمري..
صهيب..شمعتي.. ملئ حياتي نور وسعاده
وحسسني بطعم الامومه

حبه احلى شي..صادفني
وكل هذا صار بسببج

راضيه اني..ما اشوفه بعد ..
شايلتله حب..يكفي عمري كله...

انتي صاحبتي..اختي..والسند الي
التجات اله وره طلاقي..نقذتيني
بحنيتج..وحرصج عليه
انطيتيني شغل..وصرتيلي اخت

يمكن الي يصير بينا هسه..سببه خياتنا الج

انتي سامحينا...

سدته مني ايناس.. وهاي اول مره احس روحي
ظالمه وقاسيه لهالدرجة.. بقيت الليل كله كاعده
اخاف انام واموت واني ظالمه..

اخاف دمعتها..ودمعة اخوية
تنكتب عليه سعير..ليش هالعقاب ربي
ساعدني واجمعهم وهدي روحي

توضيت وظليت اصلي.. واقره قران للصبح

ردت روحي تهدا..ونمت ع السجاده بدون ما ادري

اول مكعدت ليث يمي وخايف.. مبين من عيونه

محجيت وياه..
ردت اكوم
كلي اليوم الحفلة خو منسيتي.. كتله لا منسيت
رحت للحمام
غسلت واخذت الفون وخابرت امي..
سالتها ع صهيب .. كلتلي تعبان
ويوميه واكع بالفراش
لا اكل ولا شرب
حتى الشغل خله عامل بالمحل..وكعد

سالتها ع السبب
مكدرت تحجي ...كلت اليوم بالحفلة اعرف منها
اعرف منج

اليوم حفلة الحنه مال هاله.. بس ليث قرر يسوي وياها عزيمه ..للكل العوائل اليعرفهم

علمود اهل زوج هاله ...وعلمود ياخذون راحتهم
بوداع هاله

زوج هاله واهله..حضروا قبل يوم من الخارج
وليث اجرلهم فندق قريب من بيتنا..

الحفلة شمس اختارت الوانها
ماروني وابيض..
كلشي بالبيت من زينه...ماروني وابيض

اضوية..من السطح نازلة
ابيض وماروني...

وورد زينه...
من السكف نازل ع الحايط
ونازل للحديقه

اما البيت من جوه

ورد
من الطابق الثالث نازل
والدرج كله اضويه...

والصالة مخلين بيها كراسي
وتزيين

كوشة ورد
ابيض وماروني ضخمه ...
وكراسي ملكية ماروني..وماطره بذهبي

وكدامهم ميز مستطيل متوسط الحجم
عليه تور ماروني ونازل من الجوانب

الحواف ذهبيه...

الكيكه ..اني سويتها
بيضه اربع طوابق..واطار كل طابق

جانت حفله ملكيه ..
وهاله ..طالعه ..
كلش حلوة ..
كملت الها ..وراحت للصالون ..
التهيت بترتيب الاطفال ..كل وحدة اخذت مني ساعه ..
بين صاعدة ونازلة ..والكل مشغول ويركض..
وهوسة ..
اختاريت ..الي فستان ..
اسود طويل ..وبي شغل ليلو ..
ع الصدر والردن ..
كملت للجهال ..
ومشفت ليث اليوم كله مشغولين ..

نزلو الجهال ..
بهوسه منهم وهلاهل وضحك ..

قبل لا اسبح واجهز نفسي ..
انداريت شفت تاج ميمي ..يمي ..
اووو نسته ..

كلت بعدين انزله ..

بعدين اذكرت راح يجون ..
نزلت ..من الدرج
ادور ع الجهال ماكو
اصيح ماكو ..
نزلت ..للمطبخ ..اشوفهم بالحديقه يالعبون ..

طلعت..
سمعت يم باب الاستقبال ..صوت
عرفت الرياجيل جاين ..ع ليث ..
بطلعتي ..لمحت ليث ..طلع ..
انطيتها التاج ..
وطبيت ..جوة ..
جان لابس اسود قاط كامل ..وعطرة من بعيد اشمه ..
ابتسم الي ..فتح الباب
طب ..
ريمو ..
انداريت نعم ..ليث ..
تعاي عدلي الي ..القميص ..
تقربت منه شبي ..
كال تعالي ..
جرني من خصري ..
كال ..احبج ..
وربي يحفظج اليه ..
كتله بعدني ممجهزة روحي ومخربطه ..
كال تخبلين ..بكل ..حالاتج ..
صفنت ع كلامه ..
رجع ابتسم الي ..
اليوم اني وياج عرسان وحجزت باجر فندق النا ..
ليث كافي وخر ..لا احد يشوفنا
جان الجام مضلل محد ..يشوفه ..
وطبع بوسه .بين شفتي وخدي ..
اقسم الج بالعرش والملكوت احبج ..
يمكن..هاي البوسة ..عادلت سنه كامله عشتها ويا ..
دخت ..جيت اوكع ..
ضحك عليه ..كال يلا رايح يم الولد ..

راح من يمي ..
كلمه ..حلوة ..دفو احساس ..
عيشني ملكه ..
ماريد افلوس ولا جاهه ولا مال .ولا بدلات ولا شي
اريد اعيش بحب و

بسلام وبس ..

طلعت من المطبخ ماحس امشي ع رجلي
ولا ابالي شي ياذي ويغث ابالي كل شي حلو ..
وضليت ادعي الله ..
يبقى هيج ..
بين المطبخ والاستقبال ..كليدور ..صغير ..
طلعت
من المطبخ
بفرحتي وخبصتي ..
حسيت ايد جرتني ..
وصرت بطن ..الكليدور ..
واحد حظني ..من ظهري ..
وايدة ع حلكي ..
قلبي يكول ليث بلا هالشقه ..
سمعت ..
همس باذني ..
انتي ..الي ..
وحصتي ..
صوته غريب ومو غريب ..
حاولت ادفعه ..
اعصابج ..اني اركان ..
ياحلوة ..

[نـارڤـين]

تشبه قصة خطوات نحو الجحيم
ليث مثل مالك

[ملكةه]

...

عرين النار
ج 29
********

.اركان
وخر جسمك عني ..شدسوي انت
انت مخبل ..
اريد ادفعه اريد ..ابعد جسمه عني
مكدرت ..
لا اكدر ..اصرخ ولا احجي ..
ضل يردد كلمات مامفهومه
وشفافه قريبه يم اذني ..
ليث اخذج مني
واني هويتج الاول ..
وانتي حصتي ..
ضليت ادفر برجلي ..
اريد احرر روحي من ايدة ..مكدرت ..
الكليدور مربع ..
بي مرايا ..ع طول الحايط
واكو..استاند وفون قديم ذهبي والجهه الثانيه اكو رف عليه
زرع ..ولوحه ..
ام وطفل ..
المرايا ..
مقابيل الباب
الي ..
تطلع ع تقسيم البيت ..

لمحت شعر ..مد راسه ..
وراح
جمدت..قلبي يرجف..
ثواني ..
دفعته ..
كدرت اتحرر..
منه..
جر ايدي..بقيت لازمه
بطرف الحايط..واجر بايدي منه
اريد احاجيج..
عووووووووووووووووووووفني
ريام..لازم تعرفين..انتي عايشه وي مجرم
اصرخ والمهم عليك..ليث يذبحك عوفني
جريت ايدي منه

اخر كلمه همسها ..
متحصلين من ليث بس المرض والموت....

طلعت بسرعه ..
التفت اريد اشوف منو الي مد راسه ..
بس الممر فارغ ..
وباب الغرفه ..الجانبية..جان مردود ..توة انسد..
مشيت ..مرعوبه
اعثر..بخطواتي
واتلفت..
وصلت للغرفه ..
فتحت االباب ..ع كييييف
شفت شمس كاعدة ..
وتحجي بالفون ..
تقربت منها ..
بس ماعاد احس بجسمي
ارجف صفرة..
خضرة..
ماعرف ..
كتلها. .بعدج ماجهزتي روحج ..
وخرت الفون وابتسمت الي ..
حبي ..هسة يجيبون البدله ..موتوني موتوني ..
كالتها بعفويه ..
مثل المتهم ..وثبتو برائته هيج ادور بالوجوة ..وابتسم ..ويمكن سويت حركات بوجهي..بدون ما انتبه
منو الي شافني ..

صعدت فوك ..
امشي ..واسال هذا شيريد مني ..
ليش سوه هيج..ما ارتاح اني..
حياتي..قطار سريع..ميبطئ..ابد

طريقه حظنته الي ..
وكلامهة جان ..يخوف..
يخلي نفسي تلعب واكرهه كل شي بيه ..
وبي ..
متغير..مونفسه..البطل النقذلي ابني
الرجال الي متروس انسانيه..

عرفت لكل..قمر ضاوي..جزء مظلم مخيييييييييييف

طبيت الغرفه ..
كعدت ارتب بروحي ..
بس بالي شارد ..
شراح يصير بيه ..
منو الي شافني ..
وصلتني رساله...
(حياتج..تظنينها رح تكون سعيده
وي ليث
وي رجال مريض وايديه كلها دم)

صافنه
هسه تاكدت ..مارح يرتاحون وارتاح
الا من انتحر...واخلص
كعدت
وحطيت..ايدي ع راسي

دخلو الجهال ميمي ونرمين ..
ماما حمرتي راحت ..
هااا..
خاله ..خلي الي اني هم ..
وشوفي حذائي وردته..رح تطيح
ماما اني اول..لالا اني

شاردة من عالم كامل ..
جريت الحمره ايدي ترجف..
عدلتهم ..

نزلو من يمي بهوستهم وضحكاتهم الي ترست الغرفه ..
وراحو ..
كدرت ارتب نفسي ..
وامكيج ..
شفت نفسي بالمرايه ..
ضليت اتامل بشكلي وجسمي ..
شعري ..عيوني ..
اكو بريق مختفي عنها ..
طول عمري اركض ورة راحه البال والحب ..
واحس نفسي مثل الي،سافر لابعد البلدان ومجاب علاجه ..

لبست بدلة..
كعب اسود..
مكياج خفيف..وشعر كيرلي من جوه
وكلبته صفح

انفتح الباب ..
درت وجهي ..بسرعه عليه
ليث ..
سده ..
هنا اني ..درت ع كييف
وباوعت ع الساعه جانت 5/40دقيقه ..

عقلي ركز ع كل شي بالغرفه وحتى هو

وكانما ..يستعد للوداع او كارثة ..
اريد احفظ..وقت موتي.. وشكلي من متت
جريت نفس اريد اعرف..شلون جانت ريحتي باخر لحظات..
تقرب مني ..
كال ريام ..
ننننن اريد اكول ننعم ماكدرت ..
لزم وجهي شبيج حبي ..تعبتي مو ..فترة مرهقه..
مشوفين حجزت النا بفندق ..
رح اعوضج..تعب الفات
رح اخليج ملكة بنص قلبي
اني بس عيوني تباوع ومجانت عيوني راكزة ع شي
حتى راسي احسه يرجف ..
باعي والجهال.. بقيهم هنا..
بلعت ربكي
ياجهال
جهالج شبيج ..
لا ليث مترهم ..
ليش ريوم ..شعليهم حبي
اوديهم لاهلي ..احسن

ليث شتريد من الفندق ..ماريد اروح
عفيه نبقى هنا
اكو كلمات تحفر بالذهن متفاركه ..
طلقتين برجلج ..
ماخليج تتحركين
اي انفراد بينا عقلي يصيغها تهديد ..
حتى ضربه الي ..
وطريقه كلامه يعجبج لا ..
صار شكد ويا ..
ممنوع اسال منو هاي الي دائما الكاها بصور ويا
ولا من حقي اسال سبب الخيانه شنو
من حقي شي واحد اتواصل ويا ..

اتواصل مع ..انسان فجاءةيصير طفل وديع
وفجاءة يتحول ..اسد شرس ..

واني مابين الاثنين مجبورة اوازن
هيييييي وين صافنه
هااا ماكو شي ..
تقرب الي ..
الاسود والشعر والحمرة
تعب اعصابي ريام ..
امسحها يعني ..
لا اني اريد اضوكها ..وامسحها الج
باللحظه باسني ..من شفتي ..
بس ماعاد احس اني بحلم ويا ..لا ..بكل حركه منه عقلي،صاحي ..

استمر يبوس به ..
واسمع كلمات ..اجمل ماتكون ..
ملكتي ..
ملكه قلبي ..
شفافج عسل ماشبع منها ..
احبج ..
وحضنتة الي جانت ترد روحي كامت تسحبها ..مني ..
اتحول وي لحظاته وتقلبات مزاجه
مثل الفصول الاربعه ..
من شتاء الى ربيع ..الى صيف والى خريف ..
حب ..دفئ ..مرح ..نار ..غضب وتساقط العقوبات ..

ريام ..انتي ويايه ..عمري

شفت نفسي بالفراش ومجردة من ملابسي ..

ي وياك ..حبيبي
كلي..يا يابا صار شكد

مسامعها

يلا اتاخرنا كومي رتبي نفسج من جديد ..

هااا ..
اريد ا

كوله ليش شصار ..
معقوله مرت علاقه كامله واني عايشه بخيالي ..معقوله ماحسيت بي

ها ريام..بديتي تنفصلين من الواقع
بديتي ترحين لعالم الجنون

مثل الي يمشي ع الرمل وفجاه رموا ببحر
عميييييق..لا يكدر يطلع..ولايكدر ياخذ منه نفس..

رجعت
غسلت..ولبست وعدت مكياجي.. شعري غيرت تسريحته..لاعندي وقت اعدله
ولا رح يترتب مثل اول..

باوعت ع الساعه..
٧/١٠
نزلت..

صفكة..
اغاني..
ركص..
عصاير..كيك..زينه..ابتسامات

اشياء تسعد صح؟؟
غلللللللللط...
هالاشياء ثكلت روحي اكثر واكثر...

لحد ما شفت بين الازدحام نور..
اشعه..خير
دفو..يشبه دفو الشمس اول ما تطلع بفجر الشتا..

شفت امي.. ركضت عليها..مثل الطفله

حضنتها حيييييييييييييييل
وشميتها..بستها..باوعت عليها هواي

وهي..ظلت تبجي!
جانت تضحك وتصفك وقبل كم يوم شفتها
ليش دتبجي..تحس بيه اكيد
ادري بيها
قلب ام..اني هم احس باطفالي مو؟
اي احس وابجي.. بس اني ام ضعيفه

ام جرت اطفالها لعمق البحر..وماتعرف يمتى تطلع وتطلعهم منه...

يم امي كاعده مريم..قليل تفتح شعرها
رغم هو اسود وحلو..
ولايك وي بياضها..وعيونها المدوره
بريئه هالبنيه شكل..وقلب بريئه
لابسه تنوره سوده قصيره..وبدي بي تور اسود
حمرتها..حمره
وكحل..سواده قوي
طالعه حلو بس مجرد ما شفت
الاسود والاحمر ..ضجت سلمت عليها وسالتهم ع افراح ..اشروا الي ع الوسط

شفتها تركص..بالنص
مكياج صارخ
وبدله حمره طويله...بيها جاكه
كللللش مرتفعه... رغم طالعه
قمه بالجاذبيه..بس حيل فشلت منها
ومن الي جاي تسوي

حركاتها..لا تناسب عمر ولا وضع اجتماعي
ولا حتى فكرة انها معزومة
يم عيال اخت زوجها..

التركيز كله..
بدخلتها..طريقة مشيتها
جسمها المتناسق..طول وضخامه وتقسيم

بدلتها اسود ع الجسم..
ردنها تور
ومن فوك ليلو ناعم ذهبي
من جوه حوريه عريضه
جاكة صغيره...
كعب ذهبي..ساعه ذهبيه
واكيد محبس الاسد..

الحفلة الكل استمتع..الكل ماعداي طبعا
اخذت امي للغرفه...

ردت اعرف شبي صهيب..
عزمت ايناس
بس مقبلت تجي..
كلتلي اذا اشوفه.. انتهي

يا اما اموت او اروح بنص الناس احضنه
واكله كطعت بيه .. لك كطعت بحبيبتك

سالت امي ع صحتها والبيت وصهيب وافراح..

بالاول جانت متردده.. متريد تخرب سعادتي العظيمه

تالي حجت الي..كلشي

كلتلي قبل فتره..هم سمعت
صهيب يبجي..صعدت وحضنته
ومسدت راسه وبوسته

كلي يوم..احبها وهي عافتني وراحت
لقرايبها..حتى تنساني..ماعرفت ع منو يحجي

هديته واخذته يمي يصلي..قريت ع راسه قران ونام
بهالفتره..ابنه زيودي تمرض تدرين
وافراح يا امي تكوم وتكعد..تكله كله منك
الله يعاقبك بيه
الديصير بسببك
واردها ونتعارك وتصير هوسه..
ظليت اسكت يا يوم..عن المشاكل
وصهيب يحس بالذنب ويتمرض
ع مرض ابنه

الطفل ما تحسن حالته..اني وصهيب
قلبنا نار وهي بارده..يايوم مو خوف ام

بيوم شفت علب الدوه متروسه
عرفتها ما تنطي دوه..حتى تاذي صهيب بالحجي..فرت والسكر طك عندي
ووكعت..

اني شهكت ولزمت ايد امي..طبطبت ع ايدي ما كلنالج حبيبتي ردنا ترتاحين شوي من عدنا

كتلها يا يوم انتوا راحتي..ليش تحجين هيج
انطيكم عمري..واقصر بحقكم والله

جرحت حسرة..مسحت عينها بشالها
وكملت

كالت يا يوم..ياريام
ما كدرت اكول لصهيب..كلتلي سويت هالشي حتى لا ينهدم بيتي
اني سمعتكم..وعرفت
عنده وحده ويحبها
وبجت هواية..سكتت وكتلها
يا ماما..
ديري بالج ع زوجج واطفالج
اهتمي بيهم..
الرجال يجي بالحجايه الحلوه
يجي بالاهتمام والطيبه..
ينفر منج اذا بقيتي هيج..
سكتت وعبالي تتغير

وره كم يوم..اجتلي
سمعتها تحجي وي اختها..
تكللها اي
سويت فيس وكتله التحبها..سافرت
حتى تزوج..غيرك
عافتك من خلصت فايدتها وحضرته

لا لج بس هالشي اعرفه..ياريت اعرف اكثر
حتى اخبله..لا حرام صهيب ما يروح لغيري
احركه واحرك الياخذه

لا اكدر احجيله..وياذيها
يضربها..يدزها لاهلها
واحتمال يا يوم..يطلكها
مخبل هذا متعرفي..
والله يدخلني بخطيتها
وخطية هالجهال...وين يرحون يا امي
يبقون..مثل ميمي وابراهيم

حالهم يكسر الخاطر...
سكتت..كلشي وضح كدامي

افراح شغلت كيد النسا..عذبت اخوية
بابنه وضميره..وخلته بنص وضعه يشك
بايناس..
همزين ما عرفت منو المره اليحبها..

والا اكيد رح تفضحها..وموبعيد تروح
لاهلها وتحجيلهم..لازم اتحذر منها

واجمعهم بدون ما افراح تحس..موبعيد حتى اني تضرني..اذا عرفت
هالشي اكيد حقها تدافع
وتحمي زوجها..
بس هي مهمله ..بارده
متعبه..وسطحيه جدا

متستاهل صهيب...حضنت امي وسولفنا
فاتت شمس..باوعت علينا شوي
عبالك متحضره لشي.. تالي كالت
حبايب العشا دينصب
تفضلوا..
تعشينا
وخلصت الحفلة

اني فكرة توديني.. وفكرة تجيبني

من ودعت اهلي.. شفت صهيب
مو هذاك صهيب
اوسم شباب المنطقه..واحلاهم
ولا هذاك ابو ذوق الحلو والمشيه الثكيله
حتى جسمه مو نفسه

متغييييييييييييييير.. صفنت عليه ودمعتي بعيني
ودرت ع ليث.. كلت بقلبي معقوله
اني هم متغيره هسه مثل اخوي بسببك

ليث.. صاحوا عليه ودخل يسلم
اني لاب

سه..جاكيت فوك بدلتي طويل

سيارة صهيب متكفي..امي وافراح
ايمن وزوجته
والاطفال..

راسا طلع اركان..
كال
خو ما تاخرت.. عذروني
دار عليه
شلونج
خويه ام ابراهيم.. ان شالله بخير
بابتسامه.. مكدرت ارد
تقرب شوي مني... كتله اليوم اتصل عليك
تفاجا وفرح...

راحوا.. بدوا المعازيم يرحون..
طبعا..تودعهم شمس وام هاله

البيت هوسه ...وجايبين منظفات وي كريمه
وهاله هي وخطيبها كعدوا بمكتب ليث

اهل علي زوج هاله.. بقوا يمنا
وعرفت من الجهال ..سبع همين حضر
لابس قاط ويسلم ع الناس..وبقه واكف يم ابوه

وتالي عرفت ..كلها متعجبه عليه وع اخلاقه

استغليت الهوسه وصعدت لغرفتي
قفلت الباب..واتصلت ع اركان
رفعه من اول دكة ...

الو..هلا بهالصوت..اخ ريام لو تعرفين شكد مشتاقلج

اسمعني اركان..اسمع ولا تقاطعني
الصار اليوم..اذا تكرر منه اي شي
قسم بذات الله احجي لليث سامعني
خلي يذبحني ويذبحك

اني مو بت شوارع كدام حضرتك..
انسانه مزوجه وسعيده بحياتها..
واحب رجلي
لا واعدتك بحب ولا بزواج..

وغلطتي الوحيده..صرت انسانه وياك
وسمعتلك بيوم..
لاتخرب حياتي..لاتتقرب يمي
والا ليث وصهيب وعشيرتي كلها
ما تخليك بالعراق..واقل شي ممكن اسوي
اراوي مسجاتك الي من فاعل خير
لليث فاهم

كلي خلصتي؟مقتنعه بحجيج..؟
كتله اي مقتنعه..وبعد لا تدنى يم عائلتي

كلي قبل لا ترحين كلمه وحده..
هالعائله رح
تدفنج بالحياة..
ويجي يوم تطلبين مساعدتي
ومو اركان الي يدز رسائل بدون اسم
اني رجال فاهمتني..روحي دوري ع اليحفر
عليج وع (ررررررجلج)
صدكيني تلكينه بوجهج..
واني احبج...

كتله اني اكرهك.. وسديته

انهاريت ع الفراش
ابجي.. ابجي وابجي

لو حسبت دموعي من اليوم الي انولدت بي
لليوم...كم دمعه؟
مية..
الف..
مليون..

كم لتر؟
مية..
ميتين...

والاهم
كل دمعه نزلت شنو..
اخذت وياها
كم شعور انقتل بدموعي..
كم عصب
انكطع بآهاتي

لو افكر بايام حياتي...واذكر
كم مره انعصر قلبي..بجيت..وجريت حسرة

افتخر بنفسي...مريت بكل هذا وما متت

سبحان الله ..طلعت قويه

ظليت اضحك بهستيريه قويه اني قويه

مر
باقي اليوم والليل ...مر مشوش
بين تفكير شلون..
اجمع صهيب وايناس

منو اليدز مسجات..شلون وي اركان
منو شافني..
شلون.. اخلي ليث يبقى وياي هيج
وليش ما ظليت احس بي من يتقربلي

رجع بليل ليث سبح وبدل..
نومت الاطفال ..
وبقيت شوية يم سبع..لكيته يرسم
ويضحك
طاير من الفرح..
مقبل يحجي السبب بس عيونه تلمع

تحمست اعرف البي
سولفت وياه هواي لحد ما عرفت...
اليوم
ليث مبتسم اله..لاول مره من سنين

كلي..درت يمنى ويسرى
عبالي يبتسم لواحد يمي
ودرت وراي وماكو احد
يعني الي..عمه ريام معناها ابتسم الي
يعني يحبني ..
تقرب مني ..
كال اريد احصنج بس اخاف ..
ليش تخاف حبيبي ..
اخاف ..
تعال ..حصنته ..هذا مو سبع ابراهيم ..
عمة بابا يحبني داكولج ابتسم الي والله ..

اخ يا ابن ادم... كل التريده بهالدنيا
اهتمام..واثبات وجود

الناس تشوفك وتحبك..كل همك

ولهالسبب تنسى..جروح وعذاب
تنسى ايام جفه وخيانات

شكد وشكد بسيطين احنا..
.....................................

اجه يوم...العرس

وبما انو...احنا بقصر..ليث
الحلاقه ..ومساعداتها
اجو للبيت

من الصبح للعصر مكياج ..وتسريحات

ليث اخذ ابراهيم وانمار و...سبع!!!
للحلاق

وميمي ونرمين يلعبون يمنا...

كل شوي تجي يمي شمس..
بكل لطافه وثكل..تسولف وياي
وتذكر امها..وليث
واني مراح الكه مثله..وتحجيلي عن حبه الي
وعشقه...
هاله متوتره
وكل شوي تحضن امها وتبجي..
طلعت ملكه جمال
بدلتها...ملكيه..اوف وايت
من فوك كرستال..ومن جوه بف خفيف
واكليل..كلش طويل
تاجها يشبه تاج الملكات ضخم وبارز
بس حيل نازك...
اني
خابرت ايناس... هوااااية
مردت
بالاخير اتصلت بامها حتى
تجي.. كلتلي انها مريضه

وانطتها الي..حلفتها وغلاتي
تجي وعندي موضوع ضروري وياها

كملنا مكياج...

اهل الولد راحوا لبيت قرايبهم..حتى تجي مناك الزفه...والفرقه

الحفلة بقاعه

اوامر ليث..بما ان العرس مختلط
ان لبسنا مستور وطويل...

وبدوا الناس يجون...للبيت
كرايب ليث ..
صاحباتي العروس
معارف شمس

وصلوا اهلي..وكالعاده
افراح رايحة صالون.. وبدلة ضخمه
ومخليه الاطفال يم صهيب

خليت انمار يصيح لصهيب بالمطبخ
اخذته وحجيت وياه

مخلاني بالبدايه احجي ..
ومبين شايل عليه
وضايج مني حيل...
حتى ميباوع لوجهي
لحد ما كتله ..ايناس مريضه
رفع راسه وتغيرت ملامحه..
ليش شبيها..ودوها للطبيب
شلون صارت..احجي لج احجي

كتله مابيها شي مريضه بغيابك..
دنك راسه..وجر نفس..وطلع بداله
حسرة جوت صدري

كلي كافي سدي الموضوع...
كتله والله تحبك والله تموت عليك
والله ما عافتك.. اني جبرتها
وراحت لكرايبها وكضتها عدهم مريضه

وهناك ماعدهم رجال ..بقت بحدها مريضه اسابيع
خويه..صعب الانسان يلكه بهالدنيا
الي يفهمه ويهتم بي
لا تضيعه ..لاتضيع حبكم

نزلت منه دمعه..واني احاجي
كلي الله ديعاقبني باطفالي..
كتله ممسوي شي غلط
انت

متزوج وممقصر وي اطفالك

صهيب ارجعلها.. ابوس ايدك
ما تلكه مثلها ولا هي تلكه حب مثل حبك

صفن هواية .. كلي سدي هالموضوع
واعتبري ماصار
ايناس انتهت بالنسبه الي....

ردت احجي بعد..بس دخلت كريمه وراسا راح

طلعت واني كلي حقد..ع افراح اريد
اتعارك وياها
اريد اصرخ بوجهها
اريد اكلها لا رحمتي اخوية ..ولعفتي رحمة الله تنزل بيه

بدخلتي للصاله

تجمدت..وكفت بمكاني
رجليه ظلت متمشي
عيوني رمشت بالثانيه عشر مرات
ايدي احسها صارت..ثلج
وصدري نار..اشتعل

الاشوفه كدامي صدك...
اني اتخيل مستحيل ...مستحيل الاشوفه
ميصير

لالا اكيد اتخيل....
هاي نفسها بالصور ..مو ؟؟؟؟الي ويا ليث ..
مو ..الي يخوني وياها ..

اريد امشي ماكدر ..
غشاء ونزل ع عيوني ..

واني جامده وبمكاني
سمعت صوت طلق عالي

شمس كالت اجوا الزفه ..

استمر الطلق..وعلت الموسيقى
واني بمكاني..مثل ما اني
ثواني وووكف

سمعت ..صرخة ..هزت البيت كله
وهزت ..روحي ..ورجفتني ..مثل الزلزال ..
صوت ..كتم ..صوت الاغاني ..
يصرخ باعلى صوته

ابني
سبببببببببببببببببببببببب ببببببببببببع.....

[ملكةه]

عرين النار
ج 30

الحزن .....

يكولون الحزن من يمر مثل الغيمه السودة ..
ترافق صاحبها..
وتمطر عليه ..مطر اسود ..
تحول حياته ..من الالوان الى ..لون موحد وكئيب ..
الون الاسود ..
ويكولون ..
الحزن ..
هبه ..لهيب نار ..تيبس كل احساس ويبقى ..بس النار بداخل الانسان تستعر وتحرك كل ضحكه وبسمه ..
وتحول الحياه الى رماد حياه ..

يوم الخميس ...
الساعه ..6/18دقيقه عصرا ...

نزلت ع قلوبنا اكبر..خيمة حزن بحياتنا

............................................

اني سبع ...اول فرحة لابويه
ابنه الجبير ...ابنه البطل

اني ابن..الاسد الطيب..الي مرفضلي بيوم
طلب..والي ميقبل احد غيره..يوكلني
يبدلي ..او حتى يلعب وياي

اني سبع...الي دخلت لمدرسة ابوية للتعذيب
قبل لا ادخل مدرسة ابتدائية...
بسبب اهمال...تحولت بعمر العصافير لقاتل...

اني سبع ...الي جسمي صرخ وي كل ضربة

بابا اني احبك..وانتظرك تبتسم الي وتحضني حتى تفرني مثل قبل

اني سبع...
كل يوم امشي ع اطراف اصابعي..
اباوع لابوي وهو نايم..حتى ارتاح واحس بالامان


البارحة اول يوم... يبتسم الي...ابوية
حسيت
الزمن مشى...السما...ضحكت لحد ما طلعت شمسها

اني سبع...لحد قبل لحظات
قلبي كله امل.. رح يجي يوم
وترجع تحبني...واسامحك اكيد
مثل قبل..اني احبك
انت ابوية
ظليت ارددها بكل خطوة..وكل ميدور عليه ابتسم اله ...انتظره يبتسم مره ثانيه

صافن ع الطيور واتنفس براحة...
رح يرجع ابوي يحضني ويرفعني يمكم
ويفرني..انتظروني

وصلت الزفه..وصار صوت اطلاقات ناريه
واني مبتسم...مخفت ابد..ابوية يمي
والاسد دايما يحمي سبعه

حسيت بحراره..واطرافي خدرت
راسي رجع ليوره..وصارت غشاوة ع عيني

شنو ديصير..وين اني هسه
شنو هالبرد الاحس بي..
وليش حلكي ديصير مر...وبي زفر دم
هذا ابويه..اني بحضنه ...
هايه ريحته ...متغيرت من صغري
نفس الريحة..ترست ريتي
واخيرا..يا اسد حضنت شبلك
ضحكت..ردت ارفع راسي...مكدرت
ردت اشمه ..
بس ليش ديبجي..لتبجي بابا..اني احبك
اني مسامحك ...
ردت احرك حلكي..مكدرت
ردت اكله
يلا بابا ارفعني وفرني ..وي الطيور بالسما

قبل لا اصير طير...واعوف هاي الدنيا

اني سبع...واحد من الالاف الاطفال
الي انطفت..احلامهم ..بسبب طلقة تايهه...
.........................

اني..جنت واكفه بمكاني
صافنه ع ملكة الجمال الكبالي

سمعت صرخه ..
هزت كل كياني ..
وحسيت شعر راسي وكف ..
نسيت ام شعر الاصفر ..وملامحها ..الجذابه والجميله
نسيت كل شي ..

ركضت ..بسرعتي ...
عثرت اكثر من مرة من بدلتي ..والكعب ..

وصلت بنص الطارمه
شفت لمه رياجيل ...كلهم وجوهم ما تتفسر

اريد امشي اريد اوصل ..
ماكدر ..
فاتت من يمي شمس دفعتني وتعدتني ..
وصلت قبلي
الصريخ زاد ..
صوت صرخة ليث وشمس
كانت عبارة عن انين...قشعريرة مشت بكل جسمي
وصلت ..
كمت ادفع بالواكفين ..

تقربت
وضحت الصورة ..
ليث بالكاع ..وسبع بحضنه منزل ايدة ..

والكاع كلها دم ..
اكو نضرة بعيون ليث مشايفتها ولا راح اشوفها ولا اريد اشوفها بيوم ..
هي ؟؟؟؟

استغاثه ..عطف ..مساعدة ..كسر ..
كل شي امتزج بيها ..
حاضنه حييل ..
بنص صدرة ..
ويصرخ ..سسسسسسسبع يابه كوووم ابوية انت ..
وكعت ع رجليه وصرخت بكل قوتي
بلكي ..تسمعني روحه وترجع

عم ..الهدوء.....وفرغ الكون ..

وراح ..الشبل ..ظلم حياتنا
وترك اسد ..مجروح ..من ظلمه ..وكبريائة ...وقسوته ...

اي مات سبع ..مات

يمكن ارتاح ..؟؟؟؟
ويمكن عقاب لليث ؟؟؟
ويمكن ..رحمه اله ؟؟؟؟

بس مات وانطفت ضحكته ..وخسرت حنيته للابد

راح يم رب كريم يعرف الحق ..
رب حنين ...يداوي ندوب جسمه وروحه ..

وهناك اكو ام ..تنظر ..وليدها ...

بني ادم ..القسوة..والحقد ..والغيرة ..والظلم ...
ليش .....
واحنا مفارقين
ياما فاقدين او مفقودين ..

عش حياتك ..بحب .سامح ..تعاطف ..حب ..عانق ..قبل..
ازرع حب ..لتجني حب
لعل بعد الرحيل ..
تستحق الرحمه ..
وليس الرجمه ..
*****************
ماذكر شلون مرت ..الفاتحة ..
الي عرفته ..
مات ..بطلقه استقرت بنص صدرة ..
وبأثرها ..مات مباشرا ..

اول ايام..
ماشفت ليث ..بس جنت اسمع صوت نحيب ..

اكوم ادور ..الكه غرفه سبع ضواها مشتغل
والصوت مناك يطلع ..
اكعد بالكاع .واسمع ..
اني احبك ..وجنت احبك ..بس ردت تصير رجال ..
صح حرمتني من نرمين ..
بس ..هسة اكولها
فدوة الك نرمين ..
بس ارجع يابويه ارجع ..
سامحني ..ماتستحق اب مثلي ..
اروحلك فدوه.. اني وعشيرتي
بس ارجع..
احاول اتقرب يمه ..احتضنه
اواسي..مكدرت
كل مره يدفعني..يضربني
او يضرب نفسه
عرفت يحس بالذنب ..ذنب رهيب

ظليت اسمع بجيه
وكلامه
ويشهك ..بصوت عالي ..

واكوم ..كل مره
واروح لغرفه اطفالي احتضنهم ..لو بيدي ارجعهم باحشائي ..
وامن عليهم ..من غدر الزمن

شمس بقت يمنا ..للاربعين وكالت اروح
هاله ..بعد الفاتحه ازوجت .بدون هوسه وعرس.وسافرت ..
لان ملتزمين بشغل اهل رجلها ..

بقيت اني مثل العامود لازمه كل شي ..

وابث ..طاقه ايجابيه للكل ..
وتنسحب كل قوتي وانهار ..

جرت ايام ..ليث ماشوفه ولا التقي بي ابدا ..

بالنسبه الي..الايام تمر طويله وكئيبه
محد يحجي..
ومحد عنده قدره يبتسم حتى
الاكل ينصب..ماينوكل..ينذب
اغلب اوقاتنا...نايمين
ونبجي..
حتى الممارسات الحياتيه السهله
مثل السباحة..التبديل
صارت صعبه من كد الحزن
كلشي يذكرنا بسبع

بكل مكان نسمع صوته
نشوف عيونه الحلوه..اتخيله بكل مكان
يلعب وي الجهال..
ياكل وياي ع الارض..
يحجيلي عن مدرسته ...
يرسم ويجي يراويني..امدحه ويحضني

اسابيع مرت...وما انطفى نار اي واحد من عدنا
وخاصا ليث..الي بالفعل تحول ل ليث

بيوم كاعده بالموزع..الي يم غرفتي واسمع صريخ مره

الصريخ ظل يقترب..عبالك صار داخل البيت

وهالصوت اعرفه..هذا صوت افراح
نزلت امشي..ع الدرج
ماعندي قدره لصدمه ثانيه ولا متحمسه اعرف الصاير اصلا...

منظرها...غريب
شعر منفوش
مكياج مخربط
وملابس عبالك طالعه..من عركة توها

بس شافتني ..ركضت عليه ضربتني
ما جان الي خلك حتى..الزم ايدها

كريمه جرتها مني وام هاله ركضت عليها تدفعها...
ظلت تصرخ..
ها ارتاحيتي..انسعدتي هسه
زوجتي صهيب لصاحبتج المطلقه
قلبتي عليه وع اطفاله
عسا حوبتهم...
ما تتعداج انتي وجهالج
الله ينتقم منج
ضيعيتي وضيعتي بيته ومرته وجهاله
ع وحده بت شوارع..
من الاول غيرتج مني
عاميتج..وتردين تصيرين مثلي ما تكدرين
من الاول تكرهيني...بس ما توقعت تهجمين بيتي
ان شالله ينهجم...بيتج واتشفى بيج
الله لا يوفقج...
طبعا سب وغلط هوااااي بحجيها كالته
وكريمه وام هاله لازمينها ويجرونها
للباب..

اني عيوني مفتوحات ع النص..ومستنده
ع الميز الي بالصاله..
وكل الافكر بي..شلون عرفت

ولا تاذي..ايناس
خفت عليها حيل
بهالاثناء اندك الباب حيييل...ركضت كريمه تفتحه
ورادت افراح تضربني مره ثانيه
هالمره ردت ادافع عن نفسي..بس
صهيب وصللها قبلي وجرها

طلع هو الجاي..كلي مسحيها بوجهي
هاي تخبلت ..اني اربيها
كتله شصاير
كلي بعدين بعدين وراح..

صعدت دكيت ع امي ما جاوبت
دكيت ع صهيب ايناس..محد يرد

رحت لبيت اهلي..خفت حيل
والجهال هناك..افراح تسوي بيهم شي

وداني سايق ليث ..
وصلت لكيت الهوسه واصله للشارع

صوت افراح تصرخ..خله الجيران يطلون
من بابهم
لكيتها مسوية زفه

تصرخ وتسب بي وبيه
حتى باطفالها تسب
الكل ..ساكت ويسمعها
حتى صهيب راسه بالارض
امي حاضنه الاطفال

اني هم اسمعها وسكتت..رغم
كلامها عني كلش قوي

حتى ذبت عليه...
وع صهيب عطور الميز ..
ولايت كهربائي صغير..اجه بجتفي
بقينا ساكتين ..
بس ردناها تفرغ الي بقلبها لان مو سهل
المراه ...
تستبدل او تشارك بامراه اخرى
مهما كانت مهمله..او باردة
وبنفس الوقت ما اكدر اشوف اخوي
تعيس ..

انهارت افرح تقرب منها.. صهيب ديحضنها
ضربته وظلت تسب..بي
وتبجي
دخلت لغرفتها وقفلت الباب..هو كعد يم الباب وايديه ع راسه ...
اطفاله يرجفون..ويبجون
اجه ابنه زيودي ظل يصيح عليه
كله منك بابا..انت السبب
جريته وحضنته
ووديتهم كلهم بغرفة ..ورجعت يم امي
وصهيب لكيت دموعهم تجري وساكتين
دموعي ..اصلا ميبست
من اليوم الشفت دم سبع ع الارض

عشر دقايق مرت..طلعت افراح
ماخذه
جنط هدوم وكلتله وديني لاهلي..
اخليهم يكسرون ظهرك ..
مجاوبها واخذها ...

كعدت يم امي..اول مباوعت عليها
كلتلي من يمتى تدرين
اليحبها ايناس..

ظلت تعاتبني..وتبجي ع حظها
ومن الي ديصير ويانا ..

وكلتلي صهيب ..صارله كم يوم متحسنه حالته ..متغير وفرحان
ورجع يشتغل..
وكلي حجيت وي اهل البنيه الاريدها
حتى اخطبها ..
بس مدريت بيها ايناس ..اليوم
عرفنا
والباقي صار كبالج

رجع صهيب..صعد للسطح
سويت اكل للجهال
انطيت اكل لامي
وصعدت احجي وياه
لكيته يدخن ..كعدت بصفه
كلي
شفتها لايناس قبل كم يوم..من رحت اجيب
مسواك ..جانت تسوك
اصغر مخلوق بالمحل..عصفور ويمشي
تدرين شحسيت ..حسيت قلبي نص ليمونه صغيره يعصرون بيها ..والحلو اني ما اهتميت
للالم لان صار اشهر محاس عندي قلب اصلا

مثل البركان الخامد وفجاه..انفجر كل احساس بي..
وشافتني هي ..راسا ظلت تبجي
عافت المسواك وطلعت..
متحملت اتصلت بيها
وردت اشوفها ..بنفس البيت النتلاكه بي

اول مشفتها ضربتها..
ضربتها لان عافتني..لان مشتاقلها
ولان خلتني اشك

بس ورب العزه ريما كل ضربه
اذتني اكثر..قهرتني اكثر
موعيت الا اني وياها ع الارض نبجي

احبها ..ما اعيش بدونها
هالمخلوقه اني اعشقها

وقررت اخطبها..حاجيت اخوها
كلي كبع واخذ..تعرفي شكد يضوج منها

واليوم حجيت لامي وافراح
والباقي تعرفي..

من بين غيوم الحزن..شرقت علينا شمس
شمس الحب..الينور طريقنا الابدي

انرسمت شبه ابتسامه..وفرحة من قلب حزين بالايام الي وراها...

ايناس وصهيب انخطبوا..بس صهيب فهمنا
انه مستحيل يتخلى عن افراح والجهال

وع اكثر من مره ياخذ خوالي..ويروح
يستسمح من اهلها
ويدزلها فلوس ومسواك..
بس هي مصره يطلك ايناس

الفرحة الشفتها بعيونهم...هي الفرحة الي عرفت انها مستحيل

اشوفها بوجهي

فرحة حب..فرحة لقاء.. وفرحة نهاية
سعيده ..زينت قلوب
متخدشه من الالام الحياة..وظلم البشر
.........
مرت ايام طويله وليث ..
مموجود بحياته ..
ظنيت الموت ..راح يرجعه النا ..
ويقربة منه ..
بس يوم بعد يوم يبتعد ..
ماعاد يبات بيت ..
ولا نشوفه ..لا من قريب ولا من بعيد ..

مثل الضيف يمر علينا ..

طيف ..ضيف ..

اشوفه ..من بععيد ..ويروح
لو احجي ويا لو لا ..
الاجواء بالبيت ..
زادت حزن وغرابه ..

فديوم ...
اخذت رقم حمزة من فون ليث ..
بعد ماتعبت ..
لا اني الي داويت جرحهه ..ولا اني الي عشت حزني ويا
ولا اني ..الي عشت ايامي ويا بطبيعه ..

بعد ماطلع ليث مثل كل يوم ..
اتصلت ..
بحمزة ..
الو السلام عليكم ..
وعليكم السلام اهلا ..
وياك .ريام زوجه ليث ..
هااا اهلاوسهلا اختي شلونج اخبارج ..

بخير ..حمزة ..
حمزة ليث وين .
بالبيت غير ..
لا ..ماكو ..
وينه ..
ماعرف..
بقيت احجي وياه اني تعبانه حييل ..
اريد اوصل اله ..
جان ينكر..وميعرف مكانه ..
وتكررت الحاله ايام طويله ليث ميبات بالبيت ولا ينطيني مجال احجي شي ..
وارجع واتصل بحمزة
رغم مساندته الي ..
بس ميحجي شي عنه ..
بقيت ايام كل ما يغيب ليث بحجة اني يم حمزة اتصل بي ..
واحجي ..
مالي ذنب بشي ..كلام طويل ..
ساعه يلين ..
وساعه ..يتحجر بكلامه ..

كال اختي ام ابراهيم ..
اكون معاج صادق ..

ترة ليث يم زوجته ..مو هنا يمنة ..
احس صاعقه ونزلت عليه ..معرفت احجي ..

شنو ؟؟؟؟

اي نعم ..ليث مزوج ..
انت شدتحجي ..
واني شنو لعد خاف انت متوهم ..
كال اهدئي رجاءا ..

كعدت وبديت ..استقبل الكلام بهدوء ..

كال مزوج ..
اي ...
من وحدة من سنين طويله ..

المن مزوج ..
اسمها فجر ..
منو فجر ..
زوجته ..

حمزة ..الله يخليك اعصابي ماتت ليش ازوجني اذا هو يحب ومزوج ومستقر بحياته ..
اني شنو ذنبي ..
اكيد انت تكذب عليه ..
كال سالفه اكبر منج ..بهوايه ..واني هوايه حذرته وكتله الله يعابيك ..لا تلعب باعراض العالم ..
والله اخذ منة سبع بس ميفيد ويا ..

من المصايب ماعاد احس بشي ..
جمدت ..مدري احتريت ..واحس نار براسي ..
مدري برد ..ماعاد احس بشي ..

اريد افهم ..
مداستوعب الكلام ياعرض ويا مزوج ..

ويايه انتي ..
اي وياك ..

عندة اطفال منها ..

كال لا ..

طيب ..زوجته يارقم ..

كال 3..

واني الرابعه .

سكت ..
كولي اكو بعد ..

لا بس رجاءا ماريد احد يعرف اني اعزج واريد خاطرج
وانتي مثل اختي ..

وهو صاحبي .اني لمصلحتج احجي ..

بس سؤال ..هي نفسها ام شعر الاصفر ..

كال جانت موجودة بعرس هالة ..
اي نعم ..هي،..

ريام اخر كلام وياج روحي شوفي
ليث ليش ازوجج ..
انتي ..
ظمن لعبه ..جبيرة ..
وانتي مجرد
لعبه ..
ورهان ..

[ملكةه]

عرين النار
ج 31

يكولون
اسوء شعور بالحياه هو ..الفقد ..
يموت كل الاحاسيس ..ويخلينا ..نعيش بس نشتم الهوى ...

ويكولون ..
الخذلان ..اشد ..خيبه تصاحب الانسان ..

ضكت الاثنين ..بس سحبتني
اللعب ع المشاعر ..

مثل المتاهه ..مالها حل ..

خذلان وفقد ومرارة عشق ..وضياع يحيط اركان البيت ..

كل حايط رسمت عليه امالي ..
هذا الحايط اني وليث واطفالي ..
هنا..حبنا ..
لا لا ..
هنا اني ويا عجايز ..

وهنا كل شي انهدم بلمح البصر ..

رهاااان ...
اني لعبة ..جنت لعبة ..
وابشع لعبة ..

احس رخت اعصابي ..وصوت حمزة بعدة يرن بدماغي
انتي للعيه ..ورهان ..
اركان وليث لعبو عليج واني شاهد
هاا بس ريام اني فاعل خير ..
ولمصلحتج احجي ..
سديت الفون ورجعت راسي ونمت ع المخدة
بردت اعصابي كلها وثلجت
جريت الغطا وتغطيت ..

غمضت عيوني ..
وللساني يردد ..
الي مالها حظ بالدنيا لا دور بخت ..
حسبي الله ونعم الوكيل
اكو فاصلتين بدماغي

ليث يحبني رغم الي بي هو
ولا
اني مجرد لعبه

بقت الافكار براسي ..وكمت احس عيوني ثكلت كلما افتحها تنزل
ماعاد حسيت ..
بثواني
احس اني ..
بالقصر ..
وظلمه ..مداشوف شي بس اكو انارة حمرة جوة الدرج ..
تعكس الي ..
ع الحياطين صور ..
صور ليث وفجر ..
ونرمين وام سبع ..
صور نساء هوايه ..
بس اني مموجودة ..
ضليت افتر واصيح اني مموجودة اني وين..
احس ايدين ع ركبتي
خنكتني ورفعتني فوك
ورجلي بالهوى تفتر وعيوني غوشت من الدمع
وبدى الهوى يروح من صدري ..

اريد اصرخ
ماكدر ..
احرك ايدي ماكدر ..
فزيت من نومي ..
الم قوي ..
بطني
هي فتحت عين وهي صرخه اخ بطني
احسها تتكطع ..
زحفت من فراشي
لزمت وجهي جسمي عركانه
ضليت افرك بركبتي توجعني ..
والالم بطني بعدة
.
كمت وكفت
حسيت حرارة ..وماي
قوي..جوايه ..
الغرفه ضلمه ..
اريد امشي كلما امشي ..الالم يزيد
واحس حرار ة ومي مني ينزل
اريد اوصل للدكمه مكدرت
لزمت بطني واتوجى ع الحايط
وفتحت الضوة
اشوف نفسي غركانه بدم
والدم ع طول خطاي موجود بالكاع نسيت الالم ركضت ع الفراش
بقعه جبيرة من الدم ..
كثافه الدم والالم ..
والبرد الي بي اني ..
دوخني ..
وشفافي يبست ..
برررد وعرك نفس الوكت ..
والم ..قووي ..
والدم مستمر اريد اروح للحمام ماكدرت
جريت الفون ..
اتصلت باليث ..
دك دك ..
جاووب ..ليث اخ يمه ..
فصل رديت دكيت ..
جاوب

الوةو
الحكني ليث دانزف ..
سكتتتت
الو ليث ..تسمعني ..
نامي الصبح جايج ..
ليث مو شي عادي
طب انسد الفون منه ..

كمت من مكاني من جديد ..
وفتحت الباب
وعيوني ع غرفه سبع اتمنى يطلع ويساعدني

استاهل كل الجرة بيه استاهل
وبعد وبعد كوون .
اي اقسى اكثر اريد اكرهك حتى
اطلعك من حياتي

صحت باعلى صوت كريمه ..شمسسس
وكعدت ع الدرج .
وتجيت راسي ع المحجر ..

وكمت ابجي من الالم مدري من برودة ويايه ..
تاهت حتى الدمعات ..

دقايق يمي كريمه
شبيج ريام اسم الله عليج شجاج

يايمه شنو هالنزف
وعافتني وركضت
اجوي الكل
يمي ماعرف شلون لبسوني عباه جتف
وضلت ام هاله تتصل ..
اقل النص ساعه
وكالت يلا نطلع..
اول مرة احس بهيج الم واخاف امشي
كل ما امشي يزيد ..
طلعت وصعدت بسيارة
اول ماكعدتبسيارة
سمعت سلامتها شبيها ..
رفعت راسي
اركان هذا ..
شجابه وليث وينه عني ..
ليش عايفني وحدي
اريد شي واحد حتة اتمسك بي ماكو ..

اريد شي واحد يعيد الي ..حبه ماكو

دخلت للمستشفى ..
منتبهت لشنو ..بين الهوسة ..
طلعوني وحولوني لمشفى نسائي بدون فحص او شي ..
مثل الحيوان يتعاملون ويايه
لا لا مو حيوان ..حتى الحيوان روح ..
نكرة مالي وجود ..
ودوني لمشفى حكومي للنسائية ..

هنا عرفت قيمه البشر بوطني شنو ..لاشيئ
اني اتلوى ..ومحد يمي ولا احد يدري عني
جتي سستر سمرة حييل ..
وسمينه ..كالت شبيج ..
كتلها دانزف ..
حبلى ..
لا ...
انتظري تجي الدكتورة المقيمه ..
والانتظار فوك الساعه ..
لحد ما تعبت وكامت عيوني تطفى نعس وبرد ..

اسمع اصواتهم يحجون ..
اركان يصرخ بيهم ..
وشمس هم ..
واخذوني ...
ع الكرسي وين ماعرف طاقتي خلصت من الصدمات والالم ..

احس بالوجاع وحجي ..
عليه غلط ..بكل اخ اكولها ..
اني واعية بس مالي طاقه احجي
احس بس دموعي تنزل ع خدي ..
مدة ..واحس كانونه بايدي ..
والكل يمي ماعدا لييث ماكو ..

شنو شكو ..
سقطتي جنين ..
انييي ..
اي..
ياريام دام جامل غير ديرين بالح ع روحج ..
ماعرف خاله بحملي والله ..
ليش هيج الجاهل جبير يكولون 3اشهر ..
انصدمت اكثر ..
ماعندي اي اعراض حمل ..بالاضافه كل شي تمام ..
حتى شهريتي ..
ضليت حايرة وصافنه ..
بالحظتها ..
حسيت نفسي مو مكاني هذا ولا الي وجود هنا ..
ساعات وطلعوني من المستشفى ..
و رجعت للبيت ..
اول ماطبيت اخذت فوني واتصلت بدون تردد
بصهيب ..
مهما يكون الثمن بس اني تعبني وجودي هنا ..

الووو ..
تعال اخذني ..
شبيج ريام ..
تعال صهيب ..مداتحمل الي بي اني اترجاك ..

جايج بس اريد افهم شكو ..
كمت ابجي ..
عفيه تعا

ل ..
سديته ..

بقيت كاعدة ..وضلو يحجون ..
لا ترحين متسوى الروحه ..
ويحبج بس ديمر بضرف وتعب منه .
انطي مجال ..
مجان اكو اي جواب مني بس الهدوء ..
واحس روحي ..خلصت بعد ..
اريد احافظ ع الي بقى منها شنو هو ماعرف ..

سمعت صوت هورن ..
عرفت هذا صهيب ..

بدون كل شي
مثل الي مسجون ويريد ينهزم من كل ماضي اله ..
طلعت بدون ماسلم ع احد بدون ماخذ شي ..
بدون كلمه ..
جنت امشي واحس رجلي اسرع من كل خطوة خطيتها بجياتي
هذا الهروب..

دك عليه صهيب ..
جنت تعبانه كوة امشي واتحرك ..
واريد اوصل للباب ..
فتحتها
بوجهي صار ليث ..

اشر بسويج واندار
اخوج شعنده واكف بابنا ..
ولزم ايدي وين تريدين ترحين احجي

هزيت راسي اي
اريد اروح ..
نزل صهيب ..
وكف خير ابو سبع ..شكو صار ..
شبيج ربام ..وجهج اصفر .
اندار ع صهيب كله ماكو شي
تعال تفضل
صهيب /اني جاي اخذ اختي
ليث /ماكو شي ..

كلت لا اكو ..وكل شي اكو ..
اخذني صهيب ماريد ابقى هنا اذا تعوفني اموت روحي
والله ..
حجيتها واني كلي خووف منه ..

ليث بكل هدوء ابتسم ..
ومشى وجرني ويا
هد ايدي ..
اجه صهيب ..وكف بوجهه ليث شبيك
رجاءا ..صهيب لا تدخل بيني وبينها ..

صار مشادة كلاميه بينهم .

طلعو اهل ليث ..
اكو دجه باب المطبخ
طاقه ماعندي هوايه نزفت رغم صغر الجنين

وبعدة عندي الم ..
كعدت ..
وضلو واحد يصيح ع الثاني
وكلام ليث وصهيب قوة هوايه وتهديد
واني مابيه احجي .
واكول الي صار ..

ماعرف دماغي مشتت مشتت ..

احس شمس فوك راسي ..
لزمت جتفي ..

ونزلت يم اذاني كالت ..
شوفي وين وصلتيهم اخوج ورجلج يتعاركون ..

ارتاحيني ..

خلي اخوج يطلع من بيتنا ..
وهدي رجلج ..
لا افضحج ..
انداريت عليها
شنوو..
اي ياحلوة ..
اركان وحضنه الكليدور ..
والغزل
هاي اذا الطفل الي وكع من اخويه لو ؟؟؟

فتحت عيوني كلها عليها ..
رفعت راسها ع ليث وصهيب ..

كالت بكيفج ..بعد
هسة اسويها شغله شرف ..

اخويه ممتحمل صدمات مو لسواد عيونج ساكتة
لا ..
كافي سبع مات والماضي وحدة
دمرنا ..
دفعت جتفي كومي يلا ..

كمت ..
واشبهه السكران وميندل دربه ..
لزمت صهيب من هدومه
كتله ..روووح ..
لج ريام تعاي غصبا ماعليه ..

فدوة لعينك رووح ماكو شي واني، واتسرعت
ولج لا تخلي يطيح حظج مثل
اسامه ريام اصحي ..
ليث انسحب ..
ووكف يم اخته ..
انداريت عليهم ..كتله ..اييي بس هاي حياتي..

كلي ضربج ..
لا
غلط عليج
لا
شسوة لعد ..
تقربت منه اكثر ..
كتله ..عايفني ..ومكابل غرفه ابنه ..
سكت مدة طويله
وحسيت بعيونه ..كلام اولها ..واخرها
دتكذبين ..انتي
كال ريام ..اسلوبه زفت شنو اشتراج
لا تتورطين اكثر ولا تخضعين اله ولا دنجين راسج بيت اهلج مفتوح
ولج ..امشي
ابوس ايدك ماكو شي ..روووح صهيب

ماريد اخسر رجلي ..

رياام
اي صهيب ..
اني رايح يابنت ابوية ..وكسرتي حجايتي للمرة ثانيه

انسي عندج اخ ..
صهيييب ..
عافني وطلع وعيونه كلها غضب ..

تمشى ليث وسد الباب ..

الكل طب ولا كانما صاير شي ..
بقيت بالطرمه ..

تقرب مني ..
رجعت ..
كال ..شصار فهميني .
دازة ع اخوج يهد عليه
اكسره واكسرج ..هنا وادفنكم
كتله

اني طرحت ..طفل وبسببك انت ..مات ثاني طفل الك ..
انت مو بشر انت وحش ..
مجرم
ليث اكرهك ..اكرررهك اكرهههك
ضل يباوع عليه ..
حسيت ..رنه باذني ..وجهي شتعل نار ..

هم ضربني ..
رجعت ..من ضربته خطوات ..

ضحكت اله ..
كتله اضرب ..هذا الي يرضي رجولتك ..انت مريض

السبب مني اختاريتك .بحياتي غلط ..
وانت متسوى شي ..
رياااااام ..
كاافي ..لا مو كافي
انت الي كافي عمري راح واني ..انتظر منك شي
حلو ..
وانت ولا يمك ..
شنو الي حصلته هسة
خسرت نفسي واطفالي وخسرتك
اني احبج ..
ليث انت متحب ولا راح اتحب ..
اذا صدك تحبني طلكني اريد ارتاح
واعيش..
انت غلطه ..غلطة كلش جبيرة ..
ومداعرف اصلحها ..
ولا اعرف ابقى وياها ..
عوفني ..

ضحك ..مو بكيفج اعوفج او لا
ولا انتي بكيفج ..تعوفيني ..

لعد الموت الحل
اموت روحي واخلص منك ومن كل شي ..
مشيت من يمه ..
طبيت جوة ..
وصعدت فوك لغرفتي
كل حركه اتحركها احس الدنياتفتر بيه فرة سريعه ..
طبيت للغرفه ..
ونمت بالفراش..
ماكو دموع ولا اكو شي ..
اكو ضياع ..
غمضت عيوني ..
فجي يوجعني من ضربته جسمي كله يون عليه
مثل الي شامري من برج عالي ..
نمت ..مادري شكد و

حسيت الباب انفتحت ..

وانسدت ماكدر افتح عيوني ..

غفيت ثواني ..
وحسيت ايدة ع وجهي

ريام اني احبج والله بس اتحملي هالفترة وكل شي يرجع لمكانه ..

واني هم مخنوك وتعبان حييل ..
وبعت الببت اريد اخلص منه
وراح نعيش مرتاحين ونجيب اطفال هوايه ..
حسيته باسني ويمسد لشعري
بين النايمه والكاعدة
بقيت متبنجة بمكاني ..

بعدج تحبيني مو ..
مجاوبت ..
ريام تحبيني اعرف والي وكع طفل مامقسوم للنا

واني جنت بواجب ومكدرت اجي ..
احبج واحب الكل حتى سبع احبه ..
كسرني فراكه ..
تمنيت يكبر ويداري كبرتي ..
درت نفسي عنه ..
للجهه الثانيه .
حسيت بايدة تحاوط خصري وراس

ه يم ركبتي وكمل كلامه

اني تعباام ريام ..

ساعديني ..من الي بي اني ..
طلعيني ..

بديت اصحى ..بس ماكدر اسوي شي اني مربطه
بكل شي ويا ..

كلام شمس وتهديدها
كلام حمزة
وليث
وصهيب
يوم بعد يوم داتحول جماد
من كائن حي الى جماد بدون احساس ..
رجع كمل كلامه

متعوفيني مو ..تحبيني مو ..
كولي احجي ريام
واذا ع الطفل هسة نسوي طفل
وحسيت بدفو صوته ودفو حضنه ..
رجع طفل ..ويريد ام ..بحياته ..

جاوبيني ..
همست ..
كتله اني للعبة بحياتك .وكل للعبة مصيرها تنشمر وتنهمل

لا لا انتتي كل حياتي بس ماحب احد يدخل بيها

ماله داعي دازه ع اخوج

مصار شي هسة رجعت الج
حقج والله اني غلطان وراح
اعوضج عن كل شي
راح اخذ بيت جبيرررر وبي مزرعه ونعيش ..
احلى عيشة ..
وغيرت نظام دوامي ..
يعني .راح ابقى الج .وحدج ..
ضحكت ..
كتلة انت مو الي
وصح مو اني الي ابالك ..
كافي ريام
كافي خسرت هوايه ماريد اخسرج ..
كافي وحسي بيه اني تعبان ..
ليث وخيانتك واهمالك ..
اني ماخنتج ابد بس جنت بعيد وهسة رجعت الج وبعد ماروح من يمج ابد..
ليث انت لعبت عليه ..
شلعبت ..
سكتت عرفت ماكو دلليل يثبت صحه كلامي لا رهانه ولا خيانته ..
كتله اتمنى امووت ..
كال اهووووو ..رجعنا لعقلج وتصرفاتج
والجهل الي بي انتي ..كبررري عاد ..
حتى الموت ميبعدني عنج ..
وقرب شفته يم اذني
كال عوفي سالفه انتحر ..
ثقي بالله ماخليج بكبرج ترتاحين ..
اذا انتحرتي وعفتيني ..
اخذ احد من اهلج واخيسة بسجون واخذ افقرهم ..
واعيشهم بالوعه وعذاب
درت وجهي عليه ..
ابتسم وهز راسة اي اي ..
وباسني احبج ..
وكام اني راح اسبح..
اريد عشا ..
كولي لكريمه ..
يلا حبيبي كووومي ..
وابتعد عن السرير ويدندن وي نفسه ..
واخذ ملابسة وطب ..
رجعت غطيت راسي ..
حتى الموت حلم ..صار ..

رن فونه ..

مرة ..وسكت..
رن مرة ثانيه ..كمت ..باوعت عليه .
البيت يتصل ..

يابيت هذا يتصل بي ومنو ..
بقيت واكفه بمكاني وحايرة ...

طلعت من الغرفه صحت كريمه حضري عشا
المن .
ليث ..
شيريد ..
ماعرف حضري اكل ..
ودخلت سريع ..
الي اعرفه ليث يتاخر بالحمام ..
جريت فونه ..
وحاولت افتحة ..مكدرت ..
وخفت لا يقفل ..
بقيت اكرر للارقام الي قريبه علية ..
واحاول ..مافاد ..
اذكرت مرة كال اكرهه الارقام الزوحيه ..
دخلت ارقام فرديه ..
اشتغل ضوة وفتح ..عندي ..
رحت ع الرسائل بالمواقع ..وكلبت بسرعه
شفت اشكال ..
اخذت سكرينات ودزيتها لفوني ..
بسرعه ..اكثر من مرة يوكع من ايدي الفون ..
من الخوف ..
ليث صاح ريااام ..
ذبيت الفون ..
ومشيت ..
وكفت باب الحمام ..
نعم ..
كال شاي اريد هم .
لزمت قلبي اييييي شوكت تطلع
فدشوية ..
رجعت بسرعه دزيت صور وسكرينات ..الكلام
وحذفت كل شي ..
واخذت الرقم ..
ومسحته ورجعته نفس مكانه ..

ونزلت جوة ..
اخذت صينه الاكل وصعدت فوك ..
شفته ..
واكف ..ويتصل من شافني نزل الفون ..
جريت الطبله ودنيتها يم القنفات ..

كال لا حبي تعاي ..نكعد بالكاع ..

ليث ماريد اني ..مجوعانه .
كعد بالكاع واشر تعاي،..ناكل ..
ي تعالي ..
رحت كعدت ..كال لا بعد اقرب اليوم اعرف تعبانه ونزفتي دم ..اريد ترجع عافيتج مثل الاول ..
واحسن ..
حتى ضعفانه ووجهج شاحب ..

قربني ..
اكثر ..
وكعد يوكلني بايدة ويضحك ويسولف ..
تعاي بحظني كعدي اريد اشبع منج ..
لييث ..
تعاي ..
ليث حتى اكل ماريد ..
خنزر وكعدني جبر ..
وبقى يسمعني كلام حلو وي كل كلمه ولكمه بوسه ..
ويهمس احبج ..

بقيت اباوع علية ..معقوله اني رهان ..
ومنو متراهن عليه ..
زين شلون اخلص منه ..
وشلون وي شمس
والكل شلوووون ..
كعدت اكل ..ويحجي وبس ابتسم اله بس ..

كمل اكل ونزلت الصينيه

كتله ليث راح اسبح..

اوك حبي انتظرج .
طلعت هدوم الي وخليت فوني بين الهدوم ..
وطبيت وقفلت الباب
فتحت ...الدوش..

وبديت اكلب ..
بصور..شفت
فجر ..
امراة جميله جدا جدا
بيضة العيون واسعه سووود الشعر اصفر ..
الشفه منفوخة واكو شامه ع خدها بوجنتها ..
وجوة شفتها ..
وجسمها كلش حلو ومتناسق ..
ضليت اكلب بصور..
ماحسيت باي غيرة ..حسيت بحيرة
بيها شبهه من امه غريب عجيب نفس الجمال
ونفس الشكل ..حتى نرمين تشبهه ام ليث،..
ردت اعرف منو هاي ..وليش ازوجني اذا مرتاح بحياته ..

قريت كل الرسائل ..
وينك ..تعال مشتاقه جيب وياك اكل ..
تعبانه ليث ..احبك
اذا متجي اجي لبيتكم والله ..
اني بالشقه انتظرك ..
وكلام هوايه ..
ايدي ترجف ..
صاح ريام..بيج شي ..
لا لا دقايق ..
ذبيت جوالي ..
وطبيت سبحت بسرعه وطلعت
بعيوني خوف لا شايف شي
او لا يطلع اكو كامرة بالغرفه هم .

طلعت ..لميت شعري بدون مامشطه وطبيت للفراش ..

ودخلت للفراش..اول ماحطيت راسي نمت ..

والليل كله كوابيس..
ساعه اشوف نفسي اغرك واكوم فازة ..
ومرة اشوف نفسي امشي بدرب اظلم ..والخوف عاميني
اخر حلم حسيت نفسي باعلى وادي ..ع تله واكفه
وجانت دنيا لليل والسما كلها غيووم ..
ونجمة وحدة تلمع بس ..
وعيوني ادور بصيص امل ..
ضوة .اي شي ..
لا اكدر ارجع ولا اكدر اتق

دم ..
حسيت صووت ورايه صرخ
ريااااام ..ودفعني بوادي اظلم
فزيت ليث يكعدني
الصبح..
كلي شبيج الليل كله تفزين وتونين ..وتصرخين
ماعرف ..
كوة كمت من فراشي ..
وغسلت ..
ليث
نعم ..
اريد اروح لاهلي ..
ريام مو هسة
لا هسة حتى افهمهم ع البارحه ..

يلا بدلي نتريك ونروح سوة ..
بدلت ..ونزلت ..
اكلت كوة ..
وطلعنا سوة ..
صعدنا بسيارة ..
ريمو حبي بليل ارجع عليج عندي،شغل ..
ايي
ريام اني اسف وجر ايدي وباسها وخلاها ع شفته ويعضها ع كيف اني اعشقج ..
ولج انتي عشك الشيب يدك براسي صبح ولليل ..

اسف والله اسسسف ماعرف ليش اضربج واتعصب
ماعرف ليش ..
مالزم اعصابي
وعد ابد بعد مامد ايدي عليج واخذج ..ونسافر ..
ايي
ريام
نعم ..
كافي هالبرود حبي ..
بالليل نطلع نتعشى برة ..
بس كولي تحبيني ..
سكتت ..
ودرت وجهي،ع الجامه وبقيت صافنه احس الدنيا فرتني فرة قويه ونزلتني ..
مالحكت افرح بزواج ولا حب ..
ولا احزن بوفاه سبع و لااجهاضي..
ولا رجع احساسي للامومه تجاهه اطفالي ..
فقدت كل شي ..وتبنجت .من كل شي .
كل احساس بيه ماات ..

اكو كلام خانكني اتمنى الزمه واكوله ..
كل شي ..
واخاف منه بنفس الوكت ..
يضرب واحتمال يموتني ..
ايي اتمنى اموت واخلص من كل شي
مثل الوباء ..
ميترك صاحبه الا جثه ..
ياما حلمت بيك
وياما بنيت امال .كل درب بي عطر وذكرى شكل ..
ماظنيت اوصل وياك لدرب مسدود كل شي بي ..

وصلت يم اهلي ..
نزلت ..
وراح ..
شفت سيارته تخطت الشارع ..
بقيت واكفه لا بيه اطب لاهلي ..
ولا بيه ارووح ..
بس اروح وين مادري ..
طلعت المحادثات ورجعت اقرا كل الكلام ..
الشقه اسمها هوايه اتكرر..
مرة فتنا من عمارة كال عندي شقه
هنااا ..
عفت بيت اهلي ومشييت ..
وصلت لراس الشارع .
وكفت ..اجرت تكسي .
ودليته للمكان الي اريد اروح اله ..
صعدت بسيارة وعيوني ادور ليث بكل سيارة ..
تصير بصفي، .
وصلت ..يم عكارة جبيرة ..
جوة بيها محلات واسواق ..
وفوك شقق مبينه من الغراض والملابس الي مشرورة
طيب اني شلون اعرف شقه ليث وين ..
الف فكرة اجتي بالي،بين الي ارجع وبين الي اكمل الي بديته ..
اخذتني رجلي .يم الاسواق
طبيت ..السلام عليكم
وبقيت افتر اخذت بطل مي ..
وانتظرت العالم تروح .حتى اسال ابو الاسواق ..
وكفت يمه ..حاولت ارخي اعصابي وابعد التوتر عني
بدون زحمه ..استاذ ليث عندة شقه هنا فوك بس تيهت الشقه كال ماعرف ..
ابو سبع ..زوجته فجر ..
وهذا رقمها ..بس مدتجاوب ..
وابتسمت ..
كال فجر ..
اي فجر ..
ثالث شقه الطابق الثاني ..
شكرا الك ..
طلعت ورجعت انطيته فلوس ..ورحت صعدت ..
درج كصيف قديم ..كله بناء ..
وطابق كامل شقق واصوات اطفال وريحه اكل ..
وبي درج ثاني ..للطابق الثاني
وصارت كدامي شقه رقم 3
وكفت كبالها ..
وكلي خوفف وتردد ..
وبنفس الوكت الجرئه .والاندفاع ..
كل ما اريد ادك الباب اتراجع ..
اخذت نفسس عميييق احسة حار بصدري ..
ودكيييت الباب ..
وبقيت واكفه مثل السعفه الي هزها ريح عالي ..
ورجف حتى جذورهااا

انفتحت الباب ..

[ملكةه]

عرين النار
ج 32
نهاية الفصل الاول

انفتح الباب واحس روحي نزلت بالكاع
وبديت اعرك ..
جانت الصورة موواضحة
سمعت اهلا ..
لزمت ركن الباب وحاولت اركز اكثر ..
بيج شي ..
ريم موو اسمج بيج شي ..
جانت هاله سودة جبيرة مغطيه كل شي ..
كعدت بالكاع ومكدرت احجي شي ..
حسيت مي ع وجهي ..
وبحلكي تحاول تدخل مي ..
اخذت نفس وبديت ..ارجع لوعيي
وشويه شويه السواد راح مني ..
كومتني وكعدتني جوة ..
بالهول ..
مديت راسي ..و بديت ارتاح ..
ضلت تسال بيه ..
شبيج ..عفيه مابيه حيييل اني
هبطات
اوووف منك ليث شمسوي بيها ..
وجايتني ..
تموتين يمي وتبليني شنو
كتلها ماكو شي ..
مدت كلاص لبن..كالت شربي ..
هسة ترتاحين ..
بديت اشرب جان كلش مالح ..
وضلت تحجي ويايه بعد مدة صغيرة ارتاحيت ..
اكثر ..
وكدرت اكوم ..واغسل وجهي ..
وانتبهه ع المكان زين ..
هول جبير ..بي تخم جوزي وبيجي .
وطبلة بالوسط عليها ..قطع تحف ذهبيه..
كلشي بالشقه نازك ومرتب ..
كعدت كبالي ..
ريمم مووو
لا ريام ..
انتبهت عليها وبقلبي رددت سبحان الي خالقج ..
جانت لابسة تراك بيت اسود واحمر ..
وشايله شعرها ليفوك .
وماكو مكياج بس جميله جدا ..جداااا

كالت خير ريام شعندج جايه ممكن اعرف ..

عدلت كعدتي كتلها ..
اني مرت ليث ..
كالت اعرف ..بيح ..ايي؟

والمطلوب مني شنو .

انتي منو وشتريدين منه ..
ضحكت وقدمت الي جكليت ..
اكلي وجهج اصفر ..يمعوده
دفعت ايديها ماريد ..وخري
بسببج سقطت جنين..
كالت لا لا عاد مو كل شي ينذب براسي
تزعيلنه واني اتعاقب
تاذينه ويجي ياذيني اني..شطلعت
هو هذا ليث من زمان هيج ..

انتي شنو بحياته ..

اني ..
ايييي ..
حبيبتي مرته ..وصار 8سنوات ..مرته ..ع سنه الله ورسوله ..

لعد ليش ازوجني اذا انتي مرته ..

والله هاي سالي بيها اركان ولييث واللعبة الي لعبوها عليج ..ويا حرام رحتي بالرجلين

كمت وكفت يمها ياللعبه

اريد افتهم ..لييش
شنو ذنبت اني بي..لعبه..لعبة شنووووو

ذنبج غبائج..حبي
شنوووو

اي اي لا تفتحين عيونج بوجهي..انتي غبيه
وعماج الحب

ليث متراهن وي اركان عليج
منو يخيلج تحبي وياخذج

وليث ربح الرهان..وجائزته صارت لعبته
يعني انتي...

تحجي ومخليه رجل ع رجل ..وتاشر
بايدها عليه وتضحك

هنا اني فقدت اخر ذرة بعقلي... ظليت اصرخ
بكل قوتي واكسر كلشي بوجهي..
كلهن صارن..فتات
مثل قلبي بالضبط

فجر مبينه قوية..انهياري والحقيقه الحجتها
وكل التخريب السويته بشقتها
بقت هيه ع كعدتها وضحكتها...

كعدت ع القنفه مهدود حيلي...
كالت ها فرغتي..ميخالف كم شهر وتتعودين

وتالي تصيرين ابرد منه...
كتلها
شلون راضيه بهالوضع..شلون ترضين يعلن عني وانتي بالظل

تغيرت ملامحها...كعدت عدل وجرت الشكاله وانفتح شعرها
خيوط حرير تنزل مو شعر
طوييييييييل واصل لنهاية ظهرها

كلتلي ليث وتعرفي ..مامنه مهرب؟
وبعدين ليث يحبني الي..وباقي وياية اني
من اول ما ماتت نرمين ..بس انجبر يعترف بزواجه منج..حتى ليتفاشل وي اركان

والا هو اغلب ليالي بحضني..

يتفاشل! ..غير حياتي وقلب دنيتي
حتى ليتفاشل!!!

باي قذاره اني وكعت ..وشنو بعد رح يجرى عليه ...

كتلها
والرسائل..التهديدات الي مبطلت
منين ...منج مو
كالت
اني وحمزه..

حمززززززززززززه!!!!!شلون..
ماكو شلون ريام..ردت اطلعج من حياة
ليث ..وهو مقصر ..
جاب رقمج ويدزلج مسجات ..
وصور..وكله بعلمي ..
حتى تركين ليث..

بقيت اباوعلها..وابتسم

ابتسم ع السويته..بنفسي
وع الوحوش الي بحياتي...

هي استغربت ..كمت امشي
افتر بالشقه..كلشي مرتب ونظيف
ونازك..فتحت كنتورها ..كله سواد
وكعوبه
وهدوم ليث هم موجوده..نفس الترتيب
احذيته وعطوره ...
وع الميز شفت صورة..من بعيد مغوشه

تقربت شوية...
صورتي اني وليث والاطفال حتى سبع ويانا

سديت عيوني وفتحتهم..شلتها وايدي ترجف
درت عليها..شنو هاي
صورتي شتسوي عندج..

ظلت تتلكأ ومتعرف شترد..

ضحكت حيل..وليش طول هالسنين
مراد منج ولد ..
ميريد حتى منج ميريد
ولو يدري بيج حامل..يخليج تنزلي مثل
خلاني انزل طفلين ..

وع فكرة الموضوع مدته جانت سنه..وبعدها يطلكج
بس بسبب موت سبع..استمر

انتي نهايتج وياه ..وااااااااضحة

كعدت بهدوء..ع الجربايه السوده

جريت نفس..نفسين..تلاثه

يلا ريام ..ابدي
اخذي حقج...وكافي ظلم

طلعت للصاله ..لكيت جنطتي..
فتحتها..سحبت فوني
ورجعت ذبيته..
من شفت نقال فجر ع التلفزيون..فتحته.. مبي رمز
هي تباوع عليه
احسها خايفه مني..او بالفعل
اعصابها لهالدرجة باردة...

دورت ع اسم ليث ملكيته..دورت بالاسماء
لكيت اسم عشقي

دكيت..رنة رنتين..تلاثه
بس مو بالنقال احسهن بروحي يرنن

رد هذاك الصوت..
الزلزل روحي وحبيته بيوم

ها فجر..كم مره اكول لا تتصلين..بهيج اوقات

مو فجر..اني غروب وظلام ما ناوي تطلعله شمس

سكت شوي..بعدين كلي...
ريام شتسوين..انتي وين
وشعندج بنقال فجر..كتله تعال اني بيتك الثاني...

كعدت بمكاني..واكبر واقوى فكره ببالي..
يا اموت يا اعوفه ..حل ثالث

ماكو ريام
لهنا وكافي..

فجر انشغلت ترتب نفسها!!!ولا يمها
اشوفها تدخل للحمام ..وتطلع تدخل للغرفة

واني اباوع عليها..محتاره
اقتلها.. انتحر
اقتل ليث حمزه اركان
موت موت اريدهم يموتون..مثل مقتلوا
كل ذره بيه شوي شوي...

ماعرف شكد مر وقت..وشفت الباب انفتح
دخل ليث..عصبي وسد الباب حيل

رفعت راسي وابتسمتله..راد يجي عليه
ركضت عليه فجر وحضنته...

باست ركبته..وخرها
لزم ايدها وعوجها..
كلها انتي حسابي وياج
بعديييييين..اصبريلي

عافها واجه يمي..شتسوين هنا

مجاوبته دفعني من راسي..باطراف اصابيعه

هيي احاجيج..شتسوين هنا

رفعت راسي عليه..كتله اجيت اتعرف
ع فجر..واعرف موضوع الرهان

عجيب امرك..هم مخليني رهان
وهم متريدني اعرف

يمعود لو كايلي..يمكن اتراهن وياكم
هم .. لو الرهان بس عليكم حلال

جنت احجي ..مثل الانسان التوه طالع من عملية وفكه البنج

اضحك واشر..وما اعرف شنو حجيت
بس حسيت ع روحي..من طش بوجهي
مي...

ليث كاعد ع ركباته..ويغسل وجهي
ريام حبيبتي..اصحي..مدافهم كلامج
حبيبي اصحي.. شنو شربتيها فجر

استوعبت...
ظليت ابجي واضرب بي..وهو يحاول
يسكتني ..برد برد ظليت اصيح
بردانه..نزع جاكيته
ولفني بي..شميت بي ريحة سبع
تذكرت ..
مره لكيت سبع بغرفتنا..
بيده عطر ويرش
من سالته شدسوي
كلي..ردت اكسر عطور ابوية واعصبه..
ومن يومها انتبهت ..سبع يرش من عطر
ليث...حتى يحس بعطر ابو

..سبع وينك
تعال شوف حالي..ياريتني رحت وياك حبيبي
كتله ليث مشتاقه..لسبع
كلي ميخالف اوديج والله اوديج..للمقبره
بس اصحي ابويه انتي

كتله لاااااا..مومقبره وديني هناك يمه
بلكي يقبل ..اعيش وياه بعيدين عنك وعن شرك

راسا تغيرت ملامح ليث..وكف ع حيله
وسحبني ..امشي للبيت نتفاهم
انتي ..تخبلتي.

الصار كله وفجر واكفه بزويه وصافنه علينا
دار عليها ليث..كللها صبريلي..حسابي
وياج هالمره لا حزام ولا ضرب..غيييير

كلتله ميخالف..اهم شي ترجع لحضني..
هنا عرفت..فجر مو خايفه مني ولا منه
اعصابها باردة...

فجر مريضه..بحب ليث
مثلي تماما..الفرق
اني لازم اصحى ...

وصلنا للبيت..طول الطريق عصبي
ويضرب بالستيرن

اما اني..اشم بريحة الستره
واتذكر سبع..ضحكته..طيبته
نكاته..وارجع اون واهذي باسمه

وليث يعصب اكثر...
اول مفتنا..
ليث حاضني ويمشيني
شمس..طلعت بوجهنا من الصاله..تباوعلي بنظرة استحقار

خييير..
كللها مدخلج ..ولحد يصعد علينا

فتت لغرفتي..عفته وركضت ع الغرفه مال التبديل

جريت المسدس..من الخزنه
وطلعت
سحبت اقسام
وخليته ع راسي..
لج رياااااام
ركض عليه راد يجره
وخرت ..
قبل لا يوصل
كتله
احجي ..
ريام لتتخبلين انطيني المسدس
ما انطيك ليث احجي
اقسم بالله اقتل روحي وابليك
.الله ع الظالم

احجي والله انتحر .
..تغير كل شكله

وكعد
رجع ابني..رجع الطفل حبيب امه

كلي احجي احجي بس عوفي..
عوفي هالسم
الله يخيلج...
لتاذين روحج..هذا غدار
ماتنتبهين وتطلع منه طلقه...

كتله موضوع الرهان...

كلي..من شفتج بالمدرسه
وتعاركت وياج
اول يوم..ورجعتي تعاركتي وياية

جنت معزوم بيومها يم اركان...
حجيتله ..عنج
كتله شفت اليوم..وحده حلوه
بس فطيره..ونجره
وصارت بينا علاقه..عبالي
شي عادي اتونس..وياج
مثلج مثل غيرج..بس طلعتي شي
نظيييييييييف وحلو
حيل حلو
بحلاة..الطهاره

ظلينا كل ما نكعد اني واركان..تجي سيرتج
خفت عليج مني..وكتلج نبتعد
ما افيدج
وصارت سالفة..ابراهيم
شفت روحي مشتااااااااق..لشوفتج
وعيونج..ظليت الوب بس حتى اسمع صوتج
بعد مره

غريب من يمتى اني اشتاق لوحده..متشبه امي...اني حبيت نرمين لان تشبه امي
وحبيت فجر لان نسخة امي..
انتي شنو وضعج ..مااااعرفت ولا اعرف
حاولت اتناساج
وما كدرت
ظليت اتخيلج بمكان فجر
واغلط باسمج..بعد ما جنت اصيحلها نرمين

بيوم من الايام..التقيت باركان
وصدمني..بانه معجب بيج
ويريدج..ويحجي وياج بالنقال
وكلي متاكد
وحده مثلها بسرعه تميل وتحبني

الا اخليها تنساك..وتجيلي
تحديته ..كتله متجيك
واتفقنا اليكدر
يتزوجها ويطلكها بعد سنه...

وبدينا الرهن..بس الصار
مو بالحسبان

اني واركان..اثناء رهنا
حبيناج ..ثنينه..
اني عشكتج ..صرت ما اتخيل يومي بدونج
صوتج..ضحكتج..كلامج..طيبتج
جسمج ..تملكتيني..
وصرت انسان مشتتت..

بديت بحرب وي روحي
وعقلي وماضيي
اما اركان..مبين مثل حالي
قبل
عرسنا بيوم ..اركان يم الباب يتوسل اعوفج
ويهدد افضحك
وصارت عركة الها اول ما الها اخير
وحمزه تدخل وحلها..

السنه الفاتت اني بصراع..بين حبج
وبين الماضي وخوفي من خسارتج
وفجر وسبع..
واركان الي كل شويه يهددني
عوفها لا افضحك..

كل مره احاول وارجع انتكس..واطلع من يمج
اروح لفجر...لان اعرفج حساسه
ما تتحملين اذيتي

اما فجر..شما اسويلها تسكت وتكول
زيد..كلشي منك حلو
مرات اتخيلها امي..واضربها

لحد ما اجه اليوم..الي عرفت بي
داخسرج..واذا ما سويت شي
ترحين مني ويروح الاحساس
الغريب العشته وياج..
عرفت الفات مجان حب..والقبلج
جانوا..تعويض..عن خسارة وخيانة ام

ي

هذا الحب..شوقي الج..خوفي عليج
غيرتي حتى من جهالج عليج
هو هذا الحب...

رحت قبل حنة هالة لفجر..وكتلها رح اطلكج ..وكل التعويض التردي يوصلج

صيحت..توسلت ..بجت وسبت..مهتميت
رجعت رجعت علمودج والج
واني ناوي افتح صفحة جديده..
وبعدها بيومين مات ابني
مات سبع
مات ريام مات..وظل يبجي
ع بجيه .
عبالك اول يوم من وفاة سبع

بقه هو يتوسل..ويبوس كل مكان بيه
حتى اسامحه وانطي فرصه..ونبدي حياة جديده..
اما اني ..
جنت مصدومه ..لغبائي ويا

وصلت لنهاية الطريق وياك ليث

وهذا اخر يوم..يجمعنا سوه
..........................
نومت ليث بحضني..بهذيج الليله
وهو يتوسل ويطلب السماح ويبجي

غفى وسحبت روحي منه..وطلعت

دخلت لغرفة سبع...واتصلت ع اركان

اول مدك شاله..
ريام..
رجعت ببالي مخابراته
وشلون انقهر من رفضته..
ومن حضني بالكيلدور

ردت اتقيا..بس لزمت نفسي..
رياااام ..الو ردي وينج...
بيج شي ..سوالج هذا الحيوان شي

كتله
اكو اكبر من السويتوا..
شنو اسوا من انكم سويتوني رهان رخيص
هاااااا شو سكتت..متعرف تجاوب مو...

متخاف ..يجي ابن حرام ويلعب ع اختك
ويخلي حياتها...
وهي عدها اطفال ثنين
معلكة ع كلمة رهااااااااان...

الله ليسامحك..انت وياه
الله ليسامحكم
الله ليوفقكم ..كسرتوني وذليتوني

ولك وين اروح وين انطي وجهي
ارجع لاهلي..واصير خدامه ومصكعه
للرايح والجاي

لو ابقى هنا..حيوان ..بوقت النومه
والضرب
وام بوقت المرض
وبسسسسس

انتحر واخسر اخرتي..لو اقتلكم
واكضيالباقي من عمري بالسجن

اسف..والله اسف والله مو هيج اني
وحسيت بغلطي..وردت اصححه
وتوسلت وهددت بليث قبل يوم
عقدكم وقبل زواجكم

وحتى بعد مطرحتي..رحتله لشقته
وجريت عليه اقسام
وتعاركنا
ومقبل..انطيج روحي بلا مقابل
ريام ..انتي انظف من قذارتنا

اذيناج احنا اسف والله اسف

ظليت اضحك..كتله اني بغرفة
سبع
كوله اسف..بلكي يرجع
احجي كول
الاسف يرجع الميت..اني حالي
مثل سبع هسه
ميته وما اكدر لا امشي ولا ارجع ليوره

مدين الي بحياة اركان...واريد هالحياة منك
عيوني الج..امري شتردين..

هزمني .
.شنو..هزمني من العراق
هزمني من ليث وقصر الرعب

ما اريد ابقى هنا ..اطلع اني وجهالي
ريام شدتحجين..الي سمعته
تريد تكفر عن السويته..هربني

لحظه شنو تشاقين انتي..لو تخبلتي
عبالج انتي حجي.. لو سهله
تنهزمين
وبحدج وي جهالج

بابا هذا مو لعب..
كتله تكدر لو اشوف غيرك
شتشوفين..شبيج انتي ريام
مستوعبه الدتحجي

اني اطلكج من ليث واخذج ..والله احبج
وحبيتج من اول ما انغمى عليج كدامي

والله احطج بعيوني انتي وجهالج

كتله اششششش
حجيكم شبعت منه
دمرتوا بي حياتي
واني الغبيه صدكته
اخر كلمة وياك اركان تساعدني لو لا

لا ريام ما اساعدج بهيج شي...
سديته..بوجهه

ظليت افتر بمكاني...اضرب ع الميز
واصيح سبع تعال..اخذني

واكعد ع جربايته واحبس وجهي بالمخده
واصرخ..باعلى صوتي اصرخ

بلكي يروح الجبل المبني ع صدري
بس لافادت صرختي..ولا دموعي
ولا مناجاتي

بقيت مثل ما انا بدموعي وانكساري
وره فتره ردت ارجع للغرفة

دك النقال..اركان

الو..ريام اني موافق
شنو..
مثل مسمعتي موافق..
اني ارتبها واسفرج..بس متسوين شي من وراية

تحجي صدك.
.طبعا .
.اعرفج فطيره
وتثقين بالناس
انوب يرحون يسوولج شي

ضحكت كتله ..هسه اني اخويه ما امن بي
مو بعد الناس
غيرتوني هواية..وذبحتوا ريام القديمه
بافعالكم

كلي
انتي احسن من عدنا ..لتخسرين روحج بسببنا
ابقي مثل معرفتج
نظيفه..طيبه

كتله ما اعيش اذا بقيت هيج ما اعيش...
كلي الصبح اتصلي عليه
...
رجعت للغرفه ..وفراشي
حضنت ليث
بدون ما احس باي شي..ونمت
نومه عميقه
عبالك سجين وكلوله باجر افراج سراحك

كعدت من النوم ..شفت ليث جايب
صينية الريوك..
جبن وبيض عيون ومخلمه..وكعك وجاي
وورده بيضه مخليها ..

جبرت روحي ابتسم..وظليت اكل
اكلت هواااااااااااية ما اعرف ليش
جوعانه..خايفه من الجاي

لو اريد اشبع يمكن هاي اخر مره اكل
بهالقصر

ليث طلع.
اخذت ورقه وقلم وكتبت كل شي ...

ليث اني حبيتك حب ضعت بي والحب تحول الى ناار صعب اطلع منها حولتني الى رماااد ..بقايا انسان
ينازع الموت وياك ..
ليث ..اني هاجرت لا دور عليه ولا تسال بقيني ذكرى حلوة
ذكرى اخذت منها كل شي حتى روحها ..
اني احبك وابقى احبك بس صعب اعيش بخوف ورعب وياك ..اقسم الك اهلي مالهم دخل لا تاذيهم بشي ..
واتمنى الك ترتاح وتتعالج من الي بي انت
اني اسفه هالمرة الي راح انسحب من حياتك واعوف كل شي
احبك
ريام
طويت الرساله وضميتها بهدومه ..

..واتصلت ع اركان
مجاوبني..
رجعت اتصلت عليه ..كلي
كلشي تمام باجر الفجر
نطلع للشمال..ومناك لتركيا..وبعدها لدولة
اوربيه..

كتله نطلع؟
كلي اي اني وياكم لحد ما اطمن عليكم للقرب مكان ماكدر اسافر بعيد ممنوع ..
وهذا اقل شي اسوي..الج
بعد السويته

مجنت خايفه ولا احس بشي اصلا...
متبنجه واتحرك بدون وعيي

واحجي بكل برود..اشبه فجر ببرودها صرت

رجع ليث..كلي خلاص طلكت فج

ر
ومنا ورايح اني الج..انتي وبس
ورح اتغير..واعوضج
اني احبج
وبقه يحجي هوااااااية..ويبوس
ويهمس باذني كلام حلو
ويتلمسني..واني ابتسم..
انتبهت اكو طكعه ع ركبته ...واضحة اثرها من فجر

ضحكت وعرفت هالاسد صعببببب يتروض ويرجع
وعمرة مجان الي ...

بدون احساس ابتسم..
بالعلاقه
الصارت ودعته حطيت راسه
ع صدري ..ظليت امسد بشعره
واغنيله
حسيت دموعه تنزل ع ملابسي

ومحوطني حيييييل بايديه

وغفيت ع دموعي ..وبداخلي اكوله
حبيتك اني..حبيتك من كل قلبي
لحد ما نهيت القلب وصاحبه

كعدنا العصر..كمت قبله سبحت
وحضرت كم قطعة ملابس
وبدلت

طلع تفاجا بيه
كتله الاطفال مشتاقيلي..واهلي زعلانين
واني تعبانه رح اروح يومين وتعال اخذني

مقبل ابات..
كلي بليل اجي عليج...
حاولت وياه وسويت روحي زعلانه وعصبت
قبل ...
وبدل..لزم ايدي وطلعنا...
....
اجه الوقت ..الوقت الي اودعك بي يا عرين
ناري..حولتني لرماد بجمرك

احتركت واحترك بيه كل احساس..اجيتك عروس بالابيض اني واحلامي
وطلعت روحي مكفنه ..واحلام نسيت حتى
شكلهن

هذا سبع ..واكف يم باب غرفته
حبيبي ودعتك الله
انت احلى شي صار بهالبيت
ياريت انوخذت روحي بدالك..
اه يادرج شكد ركضت عليك خوف ..وحب

وشكد تلكيت مني دموع... كريمه
ياطيبه ..جنتي خيط امل بكومة ظلام

ام هاله ..وشمس
لبوة العرين المفترسه...حضنتها وهمست باذنها..

مو اني الانطعن بشرفي..والشفتي
خيال من راسج لا اكثر ولا اقل
اني احسن وحده بهالبيت

مو لان امج رخيصه..شفتي الكل رخاص

وخرت عنها وعيونها وحلكها مفتوحات..
مبينه مصدومه من ردة فعلي..

طلعت درت ع الباب..هنا ركضت ع ليث
هنا كتله اخذني..اي ريام شردي لغير بلد

هذا مصيرج ..هذا عقابج
بدون لا ابو ولا اخوان
عار ع الكل واولهم روحج
هذا اختيارج
اتحملييييييييي

طول الطريق لازم ليث ايدي..كل شوي
يبوسها..ويحجي بعدد الاطفال الي رح نجيبهم

واسمائهم..وكم بلد رح نزور
وصلت يم بابنا
كلي ما انزل..هسه صهيب موجود ونتعارك
وتضوجين ...بس هااا ليخابر
ويكلي
ريام تبقى..وزعلانه
وحركات...والله اذبه بالسجن

وبعد ماكو ضوجه بينا ..محد يفرقنا
بعد
كتله اوك...فتحت الباب

ردت انزل..ما كدرت
درت عليه وحضنته..حضنة ام لابنها

حضنة طفلة لابوها..حضنة حبيبة لحبيبها
حضنتنا استمرت قرن وكم ساعه بعيني

وع طرف لساني كلمة اني هم احبك ..ومراح اعوفك بس مطلعت

نزلت ودموعي ع خدي
درت عليه قبل لا ادخل من الباب
متجي راسه ع الكشن وصافن عليه

مع السلامه..يا حب العمر
......
فتت لبيتنا..سلمت ومحد رد عليه
ما عدا ايناس..حليانه حيل وسمنانه

وعيونها قبل حلكها يضحك

افراح..بعدها مراجعه
وشرطت اذا ترجع..البيت الي اشتراه
صهيب
يتسجل باسمها..وتعيش بي هي والاطفال

بس حاليا الاطفال..بيت اهلي..

امي وصهيب استلموني...
انتي ليش ما تحجين..ليمتى تبقين تكتمين
ليش تبقين مذلوله..ليش تحبين الاهانه

نستقبلج معززه مكرمه ..نحطج ع روسنا
ساعاااات يلا قنعتهم..مبيه شي
وصالحتهم..

بقيت بيناتهم ..اريد اشبع منهم..
اسولف واضحك
واكمز..رجعت لايام المراهقه

واصفن ع صهيب وايناس.. عبالك عصافير حب

وكله سوه..تروح للمطبخ يروح وراها
يروح للغرفة تركض تلحكه..واحديوكل الثاني

لو صافنين بوجه بعض..متعجبين احسهم
ممصدكين جامعهم بيت واحد...

من يطلع يحضنها ويبوس كصتها

ومن يرجع تركض تستقبله..مثل الاطفال
دعيت الله يديم حبهم..ويحميهم من المشاكل
امي تعبانه.. بس حيل فرحانه
ايناس معدله وشايله البيت
وصهيب سعيد

هذا مقصد وغاية كل ام...سعادة اطفالها

اني يا امي عمري كله عذاب..شتسوين اذا دريتي؟
اني لعبه..رهان..حيوان...شبيه

اني يا امي ...انخلقت لكي اكون انثى
لكني ما رايت من انوثتي شيئا
يستحق الحرب لاجله..عدا كوني اما

صارت ب١٢
صحت ع ايناس.. وره نص ساعه يلا اجت
تغني وتركص.. وتبوس بيه وتحضن
ايناس تعاي احجي وياج
يي حبي اسوي جاي واجيج
لا لا تعاي اخذتها وطلعنا بالحديقة ..

ايناس اكو موضوع مهم ..لازم تسمعي ..
شكووو ..ريام احجي
بقيت اتلفت يمين ويسار ..
باعي اني راح اسافر
ايييي..
ويامن
وحدي ..
اقصد اني والجهال ..
عزة ريام شبيج ..
لزمت اديها ..الي بيه مينحجي ولا ينكال ..
بس اسمعيني ..اريد مفتاح السطح ..
وليييث خبال ..
صوتج نصي ..
اذا مانهزم اموووت تفتهمين لو لا ..

حجيت هوايه الا ان قنعت ..
وكوة قنعت ..
اخذت منها الامانه ..
واتفقت وياها تحضر الي هدومي وهدوم جهال ع كد للحاجه
وتخليها فو
واذا ليث اجه ع اهلي يكولون ..
مندري ..
وابد متحجي ..ولا انطيتها تفاصيل ..

ماكو خلاص من ليث ..
حتى موتي مو خلاصي منه ..

اليوم كله واني نايمه بحضن امي وكلما تنزل دمعه مني امسحها بهدوء
خابر ليث ..
ريييام
نعم ليث ..
مداكدر انام اجي اخذج .
لا ليث جهالي بحظني نامين
ريام احبج يوم واحد مو يمي دامووت ..
باجر يمك ..
حبيبي تحبيني ..
اييييي واخذت حسرة وخوووف والف فلم ابالي شراح يصير لو انهزمت اني ومصير اهلي شنو ..

المهم يق

را الرسالة الي تركتها بهدومه ..
سديته منه ومانمت ..وبقيت اتراسل وي اركان
وحدد وقت ..ساعه 1باليل ينتظرني
براس الشارع
ماذكر شلون مر اليوم ..
وخلص ودكت ساعه 12
الجهال يمي بالغرفه ..
كومتهم..
وبدلت الهم والنوم بعيونهم ..
وسكتتهم كوووة حتى لا يحجون ..
ايناس ..كل شويه ادك ..
تكولي اصبري اخوح منايم
ريام اتراحعي اكعدي ..
بس ماظل بالعقل ..تفكير ..دكت ساعه الصفر ..

دزت رساله نام ..
كملت كل شي ..
ودعت اهلي بعيوني بس ..

صعدت فوك ..شفت ايناس تنظرني ..
حصنتها ووصيتها باهلي وبس اوصل اتصل وافهمهم الي صار ..
نزلت ..وبايدي جنطه والثانيه لازمه جهالي
شكوووة ماما ..
ماااماااا..
اكو ضيااع والم صعب اوصفه لو تمر دهووور ..
لييث مريض وصعب اعيش ويا صعبببببب..
الكل بالبيت بيهم خلل..
وطيبيتي دفعتني ثمن غالي ..

اذكر نزلت وطلعت ..امشي سريع واتلفت وبكل خطوة اشوف ليث ونهليتي ويا ..
وصلت للركن شفت صوة سيارة ..
بسرعه انفتحت الباب وصعدت ..
وصعدو جهالي ..
وطلعت السيارة بينا ..
دنيااا لليل والدرب اظلم ..
وضوة السيارة يعكس الي عمري الي راح ..
وي اسامه وليث ..
وي غبائي ..
اركان ساكت ..
مجنت خايفه منه ابد ..يمكن التمست منه صدق ..
وطريق كله ساكت اكثر مني ..
مشينا ساعات طويله ..جنت انام وافز ..
واطفالي نامو ..
فزيت بسيطرة ..
والجيش الكوردي محاوطنا ..
لزمت كلبي ..
وشفت اركان مو يمي ..
انداريت ع جهالي نايمين ..
ايد ع يدة الباب عين ع اطفالي ..
وخووووووووف كتم انفاسي ..
وبس عيوني تباوع ..
ونظراتهم الي الجنود تخووف ..
وضوة البلوجكتر يعكس الي صورهم ..
صعد اركان ..وابتسم الي ..
خلص ..
طبينا الشمال ..
وراح نطلع لتركيا ..
اركاان ؟؟؟
اي اليوم اذا يمر واحد وليث يعرف بينا بالعراق يجيبنا ..

ماذكر كم سيارة صعدت ولا كم مرة نزلت ورحت ..
وطلع الصبح واحنا من سيارة الى سيارة ..
ومجنت اشوف شي من الهوسه ..الي براسي واتخيل مةقف اهلي وابجييييي او ليث من يجي شراح يسوي
راح يصرخ
رياااااااااام
اخ قلبي وعقلي
ادمرت انتهيت
مبقى بيه شي
بس نفس يصعد وينزل
مجنت واعيه ع السفرة واكثر من حبايه فاليوم شربت بس اريد افصل وارتاح ..
وحتى اوراقي ..وكل شي يم اركان مو يمي ..
الي طبع ابدماغي ..
سمعت للغه متشببهه لغتنا ..
واباوع بوجههم ميشبهونا ..
والي عرفته طبينا الحدود التركيه العراقيه ..
وكل شي تمام ..
اني واطفالي واركان ..

.........................
ودعت العراق وودعت كل احلامي والامي ..اهلي ..ذكرياتي
ودعت كل عمري وطلعت ..
هربت من مستقبل مظلم ..
من خووف من رعب ...

صار بوجهي ضوة قوووي ..
رفعت راسي ..
اسمع واحد يكولي انت رياااام ..
ايييي نعم اني ريام ..
رن باذني صوت الختمه ..
تاشيرة دخووول ..لتركيا ..

وانتهت حياتي ويا العرين ...

وبدت حياه جديدة ..