عرين النار
ج 15
ليث ابوس راسك عوفني ماكدر ..
خوش ادللي يابنت العالم لا تلوميني ابد ..
سدة بوجهي ..
بقيت كاعدة واحس الم بصدري قوي ..
اريد اكوم ارجف ..
يعني ليث جنت اتخيله فدشي وطلع غيره شجاه شبي
هيج يسوي ..
اتوجيت اريد اكوم اسمع ..
شحطه قويه ..
سمعت طلقة
كعدت بالكاع كعود ..ولزمت اذاني وي طلقه اصرخ ..
وطارت ااسيارة
وجهي بالكاع نص الرمل فات بخشمي
اريد امشي ماكدر
كمت ازحف ..وصلت للباب ..
اسمع امي تصيح
ولج رياام شكو هاي شوكعتي ..شنو هالصوت ..صعادة طلقه شنو
والجهال يصيحون ماما ..شنو هاي
جنت اشهك هوى بسرعه وقوة ..
كمت
اريد اكولها قبغ التانكي ماكدر ..
كوة طلعت مني الكلمه ..
..رن الفون..
جريته ايدي ترجف حيييل ..
صورة ..وكال هاي الامانه ..
فتحت الصورة زين ..
شنو هاي البيض ..
قربتها ابيض وبيها دم ..
اريد اركز عليها ..شفتها اسنان ..بشر ..
يمه شنو هاي ..ياربي ..
امي
وينج ..اي ماما نازله
نزلت الدرج وانفض بهدومي ..
كالت هاي شبي حالج
شبيه
متربنة ..
لا مابيه شي ..بس عثرت ووكع القبغ ..
صفنت
كالت ريام شنو جنتي صاعدة فوك التانكي
لا ماما مو شفت بزونه وخفت .
هتي شبيج ..
مابيه ..
طبيت للحمام ..
اغسل سديت الباب ..
كمت اتنفس سريع احس روحي طلعت ..
شلون يالله ..
هذا مخبل
3بحياتي
اسامه
اركان
ليث
سنون منو هاي اخواني ؟؟؟
ييييمه
غسلت وجهي وطلعت للغرفه سديت بابها واروح وا رجع
دكيت عليه ..
مجاوب
اكثر من مرة
جاوب
هلا ..
ليث شنو هاي ..
هاي سنون
سنون منو فدوة ..
اسامه
جذب ..
ليش جذب ..هديتج مال زواج ..
ورميت الج شتردين بعد وبعدني بمنطقتكم
حلفت اخلص مخزن يم بابكم
ليييث شتريد مني
اريد احجي وياج بس ..
ليث اسامه عدل لو ميت ..
ضحك ..كال لا
شنو لا
انتهت شغله اسامه مشوفي بعد ..
احجي ليث راح انجلط ..
ليش تنجطلين
منا اسامه ومنا اركان
وانتي معوزة حنان ..اختاري ..
عيب ترة تحجي هيج ..
كمت احجي بهستريا انت شتريد كووول ..
ماريد شي بس كلكم نفس الشي
مصلحه ..ودورن راحه وبس ..
بشنو غلطت وياك ..
غلطتي هوايه ..
اي صح اسرعت وياك ..
اي دومج سريعه بكل شي ..
بدة يهدى صوته ..
واختنك حسة ..
روحي من دربي ريام ..
كعدت بالكاع بزاويه
شبيك ليث ..
مابيه ..بس حياتي مخربطه وغلط ماريد اذيج بيوم
اركان خوش ولد وابن اوادم ..
ليث ماحبه ..اني ..ومنو كلك اريد ازوج
اني راح اروح ..
اوكف اريد اعرف شبيك لخاطر الله ..
اسمعني ليث ..
ريام .اني تعبان وكل الي يعرفني يتعب خليني
بعيد عليج
لا تخافين ام سعد كالت النا ع اسامه
وطبطبته شويه ..
وبعد ميوصل الج ..
ريام ..
نعم ..
اني من اول مرة اتصلتي بيه ع بنتي
اي ..
حسيت بيح ..
ومن شفتج وحجيت وياج زاد فضولي اكثر ..
بس دربي بعيد عليج ..
وعرفتج ..وبديت اميل الج ..
ريام ..
نعم ..
بيوم المطعم ..الي كلتي قصدتي
جانت لحظه همس ..شفافج عيشني بصراع ..
بين اريدح وبين اخاف عليج ..
ليش ليث انت شمسوي بحياتك ..وتخاف
جاوبني ..
تنهد واخذ نفس ..
واحس نفسه من الفون يحرك روحي
كال ..ريماا
اني ..تعبان ومتعب الكل
ادري بيها هاي شنو بيك اريد اعرف اترجاك ..
المهم ميخصج اني شنو ومنو
للمهم ..
اذا زوجتي اركان ..
صوني ..
مازوج شبيك انت ..
تغيرت نبرة صوته من الهدوء للعصبيه
مو بكيفج انتي ..
تلعبين ع الولد ..
هاي شبيك ليث ومنوكلك ع اركان تقدم الي ..
هو كال اتصلت بي ..
وجان مشغول وعرفت وياج
وحجة الي الة نيه يخطبج ..
ليث مالك دخل بية لا انت ولا هو
شنو تورطت عرفتكم ..
هااا صرت ورطه ..
شوف نفسك شسويت اليوم ..
والله من ايدج ..تلعبين عليه
عززة شلعب شبيك انت ..
ليث مو نفسك الي رفضتني وطلعتني مو اني الي تفكر بيها
كال برود اي صح ..
اذا مالك دخل
كمت من مكاني
ومن كلمه صح انقهرت
معليك بيه ازوج اركان غيرة مازوج احب انحب مالك شغل بحياتي
زين ..
اني حرة وبكيفي ..
اهااا جيد جدا ..لعد راح تلعبين بالنار ..
يانار
ناري ..
ليث مالك دخل بحياتي ..
اذا ع سالفه ابراهيم ..
شكد تريد انطيك..وخلص شنو طمغتني بيها
ولج احجي عدل لا افرك حلكج شنو بعازتج انتي اغركج فلوس
لو تريدين غير شي ..هم اغركج
ليث رووح .دتخربط كمت
ماروح والله واني قريب عليج ..
والا اكسر راسج ..
واخابر اخوانج اكولهم لزمو بنتكم ..
اول مرة احس بتهديد
من انسان تغير 160 درجه ..
مداعرفه منز بالضبط فجاءة يهدى وفجاءة
يتحول عليه ..
يلا اريد اشوفج ..طلعي هسة ..انتي مو مال هداوة ..
اسمع طالعه الك هسة
خوش مو انت الي تهدد بيه ..
سديته منه ..
يمه شراح اسوي ياللهي ..
اووف ياربي ..اني شسويت بروحي ...
يمه دخيلك ..
دك ..
ضليت اباوع والخوف اكل روحي ..
جاوبت ..
ليث عفيه ..شتريد ..
طلعي ..والله اتخبل بابكم هسة طلعي ..
ليث دخيل الله ..
طللللعي ..
مشيت ..والفون باذاني
جان يردد اغنيه ..
مفتهمت منها شي ..
طلعت من الممر ..اعاين امي نايمه
والجهال ..
هم ..
صعدت فوك ...
وكفت ب
الباب مال سطح ..طلعت
كمت انزل الدرج
برجفه وخووف
طلعت بالطرمه ومشيت بسرعه ..
وصلت لباب الطرمه .
الدنيا لليل جانت .والكمر مطفي بالغيوم ..
اريد افتح الباب ماعندي جرءة بس واكفه ..
والفون مفتوح وبايدي..
ليش شجاي يصير بيه ..
شداسوي بروحي ..
ليش من يكول شي اسوي بدون وعي حتى لو ع حياتي خطر ..
ليش ..
حسيت فتحت الزلاجه مال باب ..
وطلعت خطيت خطوتين ..
باوعت يمنى يسرى .
ظلام ..
وماكو شي ..
جتفت ايدي وواكفه ..
ع الرصيف ..
بقيت واكفه بدون تفكير ابد ..
شفت ضوة سيارة عكس ..
من طلع من الفرع ..
رجعت خطوات ليورة ..
وصل قريب يمي ضل يباوع عليه ابتسم ..
ونزل الجامه ..
كال تعالي ..
وكفت تبسمرت بمكاني ..
وراها رحت مشيت ..
وصلت للباب وصعدت ..
وسديت الباب ..
ومشت السيارة وعيوني اندارت ع باب بيتنا ..
طلع الشارع ..
واستدار وطلع ع الشارع العام ..
ساكت ..
كتله احجي اسمعك ..
بدون ميندار عليه
مد ايدة ..
فتح الجكمجه ..
بوجهي صار سلاح ..
خفت ..وضليت فاتحه عيوني ..
كلب بيها ..
طلع كلينكس وفلوس ..
وسدها بقوة ..
وخلاها بحضني ..
انداريت عليه ليث شنو هاي ..
كال الامانه واستدار ..
امانه شنو ..
ضبتين 25،الف ..بقيت اباع عليها والكلينكس بي دم ..
جانت لشتي كلها ..ترجف ..
ليث شنو هاي
ابتسم الي ..
وجنت اركز ع تفاصيله ياربي شبيه ويا ..
جان لابس بلوز اسود وبنطرون اسود جينز ..
كل شي بي اسرح بي عبالك العالم يفرغ وبس اني ويا بي ..
حتى ابتسامته ..بالنسبه الي غير شي ..
شنو هاي ..
كال ..امانتج شلعتها من اسامه ..
انداريت كل جسمي عليه ..
شسويت بي ..
ماسويت شي ..طبطبته شويه الي يهد ع نسوان مو رجال
وبعد متشوفي
ليث خوما مات
اندار عليه ..
كال احد كلج اني مجرم هااا؟؟اكتل عالم
لا مو هيج قصدي ..
زين انت ليش هيج سويت ..
خله ايدة ع الستيرن ..
وعيوني ع محبسة ..فضي وبي راس اسد ..وحجر احمر ..
كال ..
انتي ..بمنطقتي وبحمايتي ..
واندار .لغير مكان
مجنت اعرف وين راح اروح ويا
ولا ليش صعدت ..
هاي الفلوس شنو
مو باك فلوسج ..رجعت الي شفته يمه ..
لا تخافين راح يسافر ..او سافر هسة
وهاي شنو السنون ..
هذا ابو جهالي ..
ريام ..
انتي شيطانه .
شنوووو..
والله شيطانه ..
هسة ابو جهالي ..وهذاك صاحبي
انتي شتريدين ...
تفرقين بيني وبين اركان توكعين بينه ..
جان يحجي بعصبيه بس لازم نفسه ..
اخذيهن وخلص ..
ليث ..ماريد اركان ..
فجاءة ركن سيارته ع اليمين ..ولزم بريك
جسمي كله انخض..
كال الله احلى شي بيج جفصين وتكولين ..
اني شعليه ..
وشجابرج تقصقصين اليوم كله.هم شعليج بله
وانتي صدك ياهو يحجي وياج تحجين ويا ..
ودار جسمه .عليه ..
احجي ..
شدسوين بروحج سوالفج..مال وحدة عمرها 13سنه مو اكثر ياهو الي يجي جلب
بي
عاط شبييييج انتي ..
ماكو عقل ماكو تفكير شمحشى دماغج هوى ..
كمت ابجي ..
لان الي اسوي مداقصدة واستحي اكوله روح لاركان
ليث مو هيجي..
هاا هذا الي حصلته بجي
اندار وضرب ع استيرن
اني شسوي هسة صيري بمكاني ..
اني احبج
وصديقي المقرب واخوية يحبج
احجيييييي..
يعني اذا ادزلج واحد تكعدين تقصقين ويااا..
شسوووي ..
بقيت مصدومه ..
ماعرف شكوله ..
وشغل سيارته ..
ومشى ..والطريق كله ساكت
مدري شكد بعدنا عن بيتنا ..
بس بقى ساكت ..
يحبني ؟؟؟
لعد ليش رفضني ..
ليش خلاني اعيش بضياع ايام شطولها ..
ليش خلاني ادور عليه ..وملكيته ..
كتله ليث..
اني ماحب اركان .. ...
ضحك ..
متحبي والليل كله سوالف ..
تحبي شسوين تنامين بحظنه لو طببي لبيتج
نرفزني ..
الزم حدك ويايه بالكلام ..
شوف نفسك شكد جرحت بيه وهنتي ..
شنو متكولي اشايف روحك انت ..
ضابط ع نفسك ..مو عليه ..
كاافي ليث دوس عليه لهنا حدي وياك ..
نزلني ..
وين انزلج ..
رجعني لبيتنا ..
راح ارجعج ..لا تخافين ..
مو انتي الي اخاطر علمودها ..
الف وحدة عندي مكفيتي مميت عليج ..
وي نفسي اتاكدت مو طبيعي ابد
منا احبج
ومنا يجرح بيه ..
وصلنا للشارع الرئيسي ..مال منطقتنا ..
اكو اسولق وافران ومحلات ع الشارع ..
كتله ..هنا نزلني ..واني اروح ..
للباب اوصلج ..
هنا نزلني ..
وبعد ماريد اسمع منك حرف زين ولا اشوفك بيوم
واركان اني مو افقه عليه
وهسة اكوله وافقت ..
اي بالخير عليج ..
بس مو بكيفج تزوجين ..
ايبااه
وانت منو حتى تقرر عني منو الي ازوجه لو لا ..
قبل لا يطب بشارع ..
وكف السيارة ..
كتله لهنا وراح انزل بعد ..
اريد افتح الباب قافلها من يمه
كتله افتحها ليث وهاي السنون والفلوس خليها لروحك
ثمن ..مساعدتك لابراهيم ..
غمض عيونه ..وضرب الستيرن ..
وجر ايدي من زندي حيلل حسيت العظم يريد يتهشم بالزمته ..
كال ..اعيد كلامي لو لا ..
لا تستفزيني ..ترة متعرفيني بعد
هد ايدي اذيتني
ويضغط عليها اكثر ..
ويخزرني بعيونه ..
وملامحه كله تغيرت ..
هدني كمت اجر بايدي عوفني ..مالك شغل بيه ..
جرني ..من اديه
وخال راسي ..ع صدرة ..
غمضت عيوني ..
حسيت بحرارة بانفاسه يم
ركبتي حسيت بشفافه عطرة ..
..اخذت نفس وفتحت عيون
ي ..
حسيت حضنته قويه احس ضلوعي راح تتكسر ..
دفعته ليث ..اني مو هيج انت شدسوي بيه
وكمت اريد افتح الباب ..
متفتح
افتحها ليييث ..
شغل السيارةةووصل لراس الشارع ..
ووكف ..
رجع الفلوس ..
بحضني ..
وكال اني اسف ..مو كتلج اتعب الكل ويايه ماريد اذيج ..
دربي ودربج ميتلاكن بيوم ..
راح اختفي من حياتيج نهائي
بس عيوني عليج تحرسج ..
مسمعت شي ..
انفتحت الباب
كال والله فلوس اسامه هاي حقج
وخلي الاسنان ذكرى يمي ..
اخذتها من الكشن ونزلت ..امشي سريع
وابجي بصوت عالي ..
واتلفت لا اشوف احد واباوع بالكاع بعدها سيارته موجودة
ضوها يعكس ..
وصلت لبابنا ..مشت سيارته ..
وصل قريب يمي فتحت الباب طبيت ..
وزلجتها ..
وصعدت بسرعه .
وقفلت الباب الثانية
وبقيت واكفه اباوع من السياج ..
شفته مرتين راح ورجع ..
وراها ..
طبيت للبيت ..
وقفلت البوب ..
ونزلت ع كيف ..
جانت انفاسي تتكطع وقلبي مو يدك لا جان يرجف احسة
نزلت ..بالممر .ع اليمين غرفه امي واليسار غرفتي ..
والجهه الثانيه الهول والمطبخ ..
داروح للغرفه
رجعت لغرفه امي اباوع ..
كلها نايمه ..
طلعت
ورحت لمطبخ ..اخذت مي من البراد ..
شربت ..ورحت للسنك غسلت وجهي ..
واخذت نفس
وطبيت لغرفتي ..
سديت الباب وشمرت الفلوس
وبقيت افتر بالغرفه ..
مثل المخبله اني شورطت روحي وياهم ياربي
شسويت بنفسي
بقيت اروح وارجع ..
تعبت ..تعبت ياللهي
اني ماعرف اصرف ابد
دخلت 2بحياتي واني حياتي مو الي ..
بس اني احب ليث
اتمنى صوتي يوصل اله
ليييث اني احبك
ومجبورة يوميه احن الك
واشكي اضل منك الك ..
بس صوتي موصل الك ولا راح يوصل
اكو حب يدخل بروحنا بدون ميدك باب
يوكف كل المشاعر بينا الحلوة والمرة ..ويبقى بس هو يدك بروحنا
اني هيج ويا ..
شعري لبسي اظافري ..
والترتيب
حتى اجذبه ..
تغيريت علمودة وبي
تغيرت اله ..
اني مو ضعيفة اني احبة
اول مرة بحياتي احب ..
بس لو اعرف الحب بي هيج وجع بالروح ماحب
احس روحي موجوعه ..
شكد حلو الحب وشكد ياذي ..
ياربي ..
بقيت لحد ساعه اربعه اروح وارجع وافكر
بين ليث واركان ..
حتى الشيخ الي كالت عليه ام سعد اجه ع بالي ..
وكلت اروح ..واريد اشوف شبي حظي اني..
تعبت من التفكير ..
هناك واحس بدفو يدفي كل جسمي
واشم عطرة بهدومي
والزم ركبتي مكان شفافه ..
واحس جسمي ..قشعر .
ثواني حسيت بيها امان دفو عالم ثاني ..
اريد ارجع بالوكت واحط راسي ع صدرة وانام ..
وماكعد بعد ..
وافز ع اطفالي اني ام ومطلقه مو مال اراهق..
طلعت للمطبخ احس راسي طبل صار..
فتحت الضوة
فتحت الكاونتر ..ادور ع مسكن ..
طلعت ..
اسمع امي تكولي شمكعدج لهل وكت ..
انداريت ..راسي يوحعني
خيرج يمه ..
وكعدت ..كالت ريكي يابس ..اريد مي ..
اخذت الها مي ..
وانطيتها ..
كالت ريام ..حالح صار اشهر ميعجبني ابد
اني امج احجيلي ..
شحجي..ماكو شي..
لا اكو يمه تحبين احد مقشمرح مورطج
لا ماما وكعدت يمها بلعت الدوة ..
كالت من انتي صغيرة مدلله كل شي يجي يمج ابوج الله يرحمه ..جان مدللج لان يحب خلفه البنات ..
ويكول البنات احنان ..اكثر من الولد
هسة يلا عرفت صدك احنان ..
بس غلطنه بدلالج يمه ..
احسج متعرفين تصرفين وتغلطين هواي
ماما حتى انتي
ريام اني امج ..واعرفح واعرف الي ابالح متكدرين وحدج عليه..كولي الي شبيج ..
وحتى سالفه السطح مدري شوكتي متدخل عقلي نزلتي صفرة
ي وكع القبغ شفت جريدي ..
انتي كلتي بزونه ..
ها شمدريني ..شفت ذيل ..ماعرف
بقت تلح عليه شبيج ..وحاولت جان الكلام بطرف لساني
بس بلعته وسكتت..
ماريد احد يلوم بيه ..
ماذكر شلون نمت بس عطرة جان بهدومي
غفيت واني اشم بعطرة..
كمت متاخرة من النوم ..
اول مافتحت عيوني جريت الفون ..
اريد اشوف متصل بيه ليث ..
ماكو بس اركان وايناس..
كمت اللتهيت وي البيت والجهال
النهار كله ..براسي يدك ليث
مثل المدمن من يريد الي ادمن عليه
هيج اني احس روحي فارغه وتلوب عليه ..
وكل شي بالدنيا مو بعيني ..
جنت تعبانه حييل والدمعه بطارف عيوني ..
دكت عليه مرت اخويه كالت حضرو روحكم راح نطلع
كلنا وين
للملاعيب خطية العطله خلصت ومطلعناهم
مابيه حييل بس طلعت ..
وتعبت اكثر من التركيز ع الجهال ..
حتى اصعد ملاعيب وياهم اخاف لا يضيعون لو اسامه ياخذهم
ومناك رحنا لمطعم ..ورجعت الذكريات ابالي ..
والسبحه وهدومه ..الي لابسها ..من شفته بالمطعم وبتسامته ..
وعطرة .وارجع اسولف وياهم ..
تعشينه ..
ورجعنا بالليل ..
بعد ما الجهال كضو تعبت بدلو ..ونامو ..
وامي هم ..
والفون عفته بالبيت
طبيت ..بين مدابدل
شفت 15مكالمه اركان ..
بدلت بسرعه ..
واتصلت بي ..
الوو..
وينج ..
شكو ..
ماكو شي بالي يمج والله كلت اذا مجاوبين باجر اجي اشوف وينج والله حتى شغلي ممركز بي ..
ضل بالي ياغاليه
وصوته جان صدك مال واحد متلهف وقلق ع واحد..
كتله ..جنت طالعه ..
وين ..
وحجيت اله ..
الف عافيه اتونسي يامحلاها الضحكه بشفافج ..
اووف ريام ..عبالك سنين اعرفج ..
اقسم الج ..اعصابي رجفت عليج ..
وقلقت حييل ..عبالي
هالنذل اندك بيج
منو ؟
اسامه ..قسم بالله اكسرهه الي يوصل حدج..
لا لا كافي عقلي راح يوكف سنين مركونه مثل اثاث العتيك
وهسة الكل ترجف عليه
كمت اضحك
كال شبيج ..ضحكين ..لازم كلامي يضحك
لا مو هيج ..
رياام انتي مثل الهوى ..واشمه ..
فدوة روحي الج ..
ماكو مثل قلبج وطيبج وفطارتج ..
انتظر ردج كل دقيقه ..ريام ..
قرري ..لان
اني احبج رياام ..
رد مع اقتباس
قرا۽ه ممتعه لكم احبتي