عرين النار
ج 8
جريت ابراهيم ..ورحت كعدت ع الميز يم امي ..
اباوع عليه ..
راح سلم ع العرسان هو والبنت الي ويا ..
ورجع كعد ..بالجهه الي مقابيلي ..
بقيت بس اباوع عليه مداعرف شنو ..ومنو ..الي ويا شجابه لهنا ..
ومين يعرفهم ..
امي كاعدة كبالي ..
وتحجي ع الرايح وع الجاي ..
وعلى هوسة الجهال ..
ريما منو هاي فاتت منا .
منو ماما ..
هاي الي وياها جهال ..
وشمدريني اني ..
وترجع منو ذاك ..وشنو هالهوسة وعيني على ليث ..
كعد ..
دقايق وطبو وجبه مال ناس ..
واجوي عائله كعدو يم ليث ..
اجتي ام سعد كعدت يمنا ..
اني بقيت مترددة اريد اسالها ع ليث منو وشيقرب الهم ..
جريت الكرسي وكعدت يمها ..
وضليت اللعب بششعري
واسمعها تحجي وي امي
شفتي اهل الغروس جنهم ماشيفين ..
باعي جهالهم ..لعبوا لعب بالحديقه ..
الحديقه جانت كلش جبيرة بيت 600متر نصه بناء روضه
ونص حديقه ..
الحديقه تصير بظهر الروضه
وهم كذالك من غير باب ..وحد يفوت الها ..
كلتلها خاله..
منو هذا الي فات ورمة ..طلق ..
امي هم كالت صدك منو هذا ..
هنا اني اتاكدت امي ممنتبه عليه ..من وصلني للبيت ..
اندارت واشرت هذولي ..
كتلها اي ..
اندا ت ع امي ..
كالت الها يااا صدك ماتعرفيهم ..
تذكرين بيت ابو مخلص الوكيل ..
امي كالت الها اي ..
بالفرع الي مقابيلهم وين بيت ام اسراء ..
اني كتلها اي خاله ..
منو هم ..
كالت ..هذا ..واشرت ع ليث ..
رجعت ضربت ع خدها ع كيف..
اني اريد اجمع براسي منو ..
شكو ؟؟؟
مو اسراء ..كتلت رجلها
اني وامي شنوووو ..
اي والله ..
ياسراء ..
هاي يم الوكيل ..
رجعت ذاكرتي باسراء ..الطالبه المتفوقه الخجوله ..
كتلها الي جانت ويانا بالمدرسه
كالت اي شبيج هي ..
وشلون كتلته وليش ..
كالت الله اعلم بيوم ولليلة رجلها صبحو العالم ميت ..
بداخل البيت ..
عدلت روحي ..ونسيت ليث اريد اعرف اسراء ..
خاله ماصدك معقوله
ترة هي كلش فقيرة
اي والله شبيج ..
اذكر اسراء ضعيفه وطويله وشعرها احمر من الله ووجها بي نمش،
وجانت كلش شاطرة وفقيرة بشكل
ازوجت قبلي ..
وصارو عدها اطفال
ومجانت بينا علاقه غير بس السلام
بس يستحيل الي مثلها يقتل ..
ي كملي ..خاله ..
كالت ..محد يعرف شنو السبب
ناس تكول رجلها مو ادمي
وناس تكول شافت عليه شوفه
وناس تكول عدها واحد وهي ويا كتلو
يمه الله اكبر
ماصدك
وهسة وين هي
شنو وين بسجن واهلها شالو
وجهالها يم اهل ابوهم ..
خطيه ..والله متستاهل .
ماصدك ..
كالت ضاربته ع راسه ..
وكاتلته ..
دخيلك ربي ..
وبقت هي وامي ..يسون افلام بالجريمه
شلون وليش انكتل
انداريت ..
ع مكان ليث ..
شفته فارغ ..هو ماكو ..
بس باقي العائله موجودين ..
ام سعد نست سالفه .ليث وكطمتها ومعرفت شي
كلت يجوز راح يغسل او شي ..
كمت ..كتلهم راج اغسل
اباوع ميمي تركص وي الجهال
وابراهيم يلعب وي الولد ..
رحت للحمام ..
طبيت ..
الحماك برة كرفان ..
دخلت بي ..
وكفت كبال المرايا
عدلت مكياجي ..
ريام انتي ليش هالكد مهتمه بي ..
معقوله بديت اميل اله ...
بنهايه الحمام اكو كارتونات ..
اكو ..
كارتونه بالكاع ..
ماعرف شنو رحت لزمتها قويه ..
تتحملني يعني ..
كعدت ..
وجريت الفون كلت اتصل بي
منو ويا وليش مجاهلني ..
طلعت رقمه ..
وعدلت كعدتي..
ودكيت علية ..
دك ..مرتين جاوب
هلو ريما ..
ماحس الا ..اني وواكعة بالكاع ..
وصوت كسر قوي مال فرفوري تكسر ..
كمت بسرعه من مكاني
اباوع ..
شنو هذا ياربي ..
اكلب بالكارتونه
عززة هذا مري ..
يمه ..
مري مال حايط ..
اسمع صوت الو. ريام شبيج الوووو
جريت الفون ..
لييث ...
شكو شبيج ..
كعدت وكسرت المرايا ..
ولج يامرايا ..
اسمع صوت رمي ..برة
بعدين بعدين ..
شسوي ياربي ..
نفضت هدومي وطلعت ركض من الحمام ..
يا هو من كرابه العربيس واصدقاءة يجي يرمي ..
والجهال تصرخ ..
والي يطك طكاكات ..هوسة بهوسة
كعدت بمكاني بدون ماتحرك ..ابد
ولا اريد اعرف منو ليث ..
اسمع امي تكولي ..سوك هرج هذا ياعرس
تعبت من الكعدة
ريما ..
ريما ..
صاحت اكثر من مرة ..
نعم ماما ..
هاي ..تصير صديقه العروسة ..
منو ماما
هذولي الي سالتي عليهم
ايي ...
والباقي منو ..
كالت هذا الي جنه حايط اخوهم الجبير..وصديق رعد العريس .. والباقي كرايب يمكن ..مدري معارف يايمه واني شمعرفني
ليش اسالين ..
ها مو شبهت بيها ..
كالت ..
شبيج انتي
ماكو شي بس دخت من التعب ..
يي حقج من الصبح ..عاد اكلتي لكمه ..
لا
هسة اخلي ..ام سعد اجيبلج لكمه ..
لا ماما ..
شنو لا شوفي نفسج صفرة كركم
ام كامت تصيح ام سعد ام سعد .
اني من كلامها صدك دخت ..
متلها راح ارجع للبيت
لا عيب ..
جتي ام سعد ..
كالت الها مدشوفين ريام من الصبح وياكم
بالجذب لفه جبن سوولها ..
يااا عيب عليج ام صهيب ..
دزيت الها دجاج ماكلتي ..
ضليت اباوع ..عليها ..مشفت شي ..ولا احد دز
كتلها اي اي دزت ..وماكلت لان جنت اشتغل ..
وضلو بيناتهم ..يحجون ..وتعاتب بيها
صاحت ام سعد .حفيدها ..يجيبلي اك
ل
والحفله بدت ..تحمى اكثر وناس تكمز ..
وناس تركص والجهال يركضون والنسوان تحجي
والعر سان بغير عالم ..
كصو الكيك ..
وبدو يوزعون ..بالكيك ..وعشا
اني صدك دخت ..
فتحت جنطتي اشوف اكثر من مكالمه من ليث وشكو
شصار ..
اباوع مموجود هو ..
دزيت اله مسج بعدين من ارجع افهمك ...
امي مخلتني اروح .... وظليت كاعده بمكاني
جابولي اكل.. وكعدت اكل
بس دايخه وتعبانه ...الف فكره براسي
سالفه اسراء ، الفرفوري
الكسرته، ليث والعرس ..كلشي
عقلي
عبالك شريط قديم... مال مسجل
كل شوي يعيد الاحداث ويكررهم مره سريع ... ومره ببطئ
تعبني
والجهال كل شوي جايين...
ماما ماما ماما ...يردون شغله مني او ...
سوال اجاوبهم عليه
ماعرف شلون خلصت الحفلة..هوسة بتعب،..
دخلت غرفتي ..
بدلت هدومي ..ومددت بفراشي ..
واسراء متروح من بالي
معقوله تقتل ..وليش ..
رن جوالي ..ليث
جاوبت
هلو ليث ..
هلو ..شبيج شصار ..
مصار شي ..
بس زعلانه منك ..
ليش ..
سويت نفسك متعرفني بالحفله ..
ريام ..
نعم ..
يوم بعد بوم اكتشف انتي بعمر المفروض ناضجة بس
انتي لحد هسة .....
شنو لحد هسة ...
هيج ..
احجي ..راح ترزل كالعادة
كال
بس الحفله مو بس اني وياج بيها ..
عالم اشكال بيها ..اهلج جيرانج
بصفتي منو اسلم عليج ..
صديق ؟؟؟
ليش دائما تصورين العالم بس الح وبس انتي بي .
انتي ام لاطفال ..والمفروض كل خطوة تحسبين حسابها ..
بقيت ساكته ..وانقهرت من كلامه بس ماعرف شلون اردة
كتله اشكرك ..
منو وياك جانت مرتك خطيبتك هاي ..
وجاي عليه تلقي نصائح ..
شجاب هاي ع هاي ..شبيج انتي
وانت شمعرفك بيت ام سعد ..
لو تركض ورايه انت ..
سكت ..
ماحتاج اعرف ..المهم ..
ميهمني كلامك اعرف نفسي اني شنو
وتصرفاتي صح ..
انت ليش دائما ترزل بيه ليش ...
يعني بس اني خطأ ..وانت الصح ..
ماعرف من اشوفك ..سكتت ...
شريد..اكوله ..من اشوفك قلبي ينفض
كال
اوك ..هذا هو ..صح صح ..
استأذن منج..
مع السلامه ..
وراح ..
سديته وبقيت ابجي شداسوي بروحي اني ..
معقوله اني هيج غلط والكل يكول انتي غلط..
واني ماحس ع روحي ..
بشي
بقيت ابجي لحد مانمت ..
كمت ثاني يوم عيوني وارمه من البجي
وصادفت عطله والجهال بالبيت ..
بقيت كاعدة بالبيت ..
وادور حجة ع اقل شي اثور
بدون اي سبب
حتى فوني ..
غلقته ..
ماريد اسمع احد ..
وايناس جانت كل شويه تتصل علمود الشغل
وشغلي راح ..
اريد اجمع افكاري ..
كلها اني غلط لو لا ...
بس مكدرت اعرف شي ..
صدفت العصر اجتي يمنا ام سعد ..
وبدت سوالف العرس
ع العالم والانتقادات
هناك وكالت
غير مدري ياجاهل ياغضب ..
كاسر المري الفرفوري
اني بلعت ريكي وكمت ..اسويلهم نسكافه ..
اخوط بالدله واسمع ..
والله يام صهيب ..جابهن ديسويهن للادراة ..
بذاك الحساب ..الله لا يوفقهم
حقج عيني ام سعد هو العرس خسارة
ترد تكلها هو
مرجيهن ..
بالحمام الرئيسي ..
بس جهال غضب الله عليهم ..
مابقو شي ماخربو ..
حتى خجلانه منج ريما ..
كالت ريما انداريت عليها ..
والله الستن مالج ملخي ..وموكعين عليه ببسي
بس كلهن غسلناهم ..
ومن ينشفن اجيبهن الج ...
هذا تعبي ..وشغلي ..
كتلها فدوة الج خاله ولا يهمج ..
عفتهم ورحت لغرفتي
اريد اعرف ليش هذا الضعف بيه
ليش احس الكون وكف من راح ليث ليش
معقوله اني بديت احبه
لالا شحب ..
واصلا ااي مثلي لازم متامن ولا دور حب ...
ضليت اروح وارجع شبيه اني ...ياربي ..
طلعت من الغرفه كتلها ماما اريد اطلع
مخنوكه وضايجة ..
وين ..
ماما باي مكان ..بس اغير جو شويه
لا ريام اخوج ميقبل..اطلعين اكعدي ..
واسكتي ..
امي ترة مو سجن هو ..
ريام اكعدي ..
عفتها ورجعت للغرفه ..
وجوي الجهال يمي ..
كعدو ..
ماما شبيج اليوم كله ضايجه ..
مجاوبت شي ..
ماعرف شكول الهم
اك.لهم انسان اختفى من حياتي يوم واحد وصار هذا
كله ..
سكتت..
وحاولت ابر اعصابي
بس بقيت ..متوترة
وكل شويه اجر الفون اريدوافتحه اريد اشوف اتصل بيه لو لا..
وارجع اشوفه متصل لو لا ..
فتحت الفيس ..مالته ...
شفت تسجيل دخول بمطعم معروف ..
قبل عشر دقائق ..
كتلهم بدلو خلي نطلع ..
وين. مو بيبي متقبل ..
كومو بدلو يلا ..
طلعت ع امي
ماما بدلي ..
شكو
نطلع
وين..
نتعشا برة ..
لا يمه وين بيه..
ماما فدوة خلي نطلع طاكه روحي ..
قبلت ..بعد كومه توسلت بيها ..وكمت ابوس بيها والجهال هم تتوسل
بالكوه قنعت امي ..نطلع للمطعم ونغير جو ....
رغم تصيح محبوسه ..ومحد يطلعني
بس من تصير صدك ..ترفض..مكسرة
اما الاطفال من دروا طلعة ....ومعطم ظلوا ميندلون
طريقهم ...من الفرحه
ساعه يبوسوني ...
ساعه يختارون شنو يلبسون ..شنو يطلبون اكل
عبالك عايشين بسجن ...
واول مره يطلعون
اني هم احتاريت بنفسي...
شالبس ... شلون اسوي شعري
وامكيج....
البس وانزع ....واصفن ع نفسي بالمرايه واقتنع ثواني .... واغير رايي
وسوال واحد يخطرلي
رح اعجبه... رح ينتبه عليه
وهناااك واكول شبيج ريام... انتي مرايحة علمود تشوفي ويشوفج....
لا رايحة حتى تشوفي ا
عترفي
بالاخير
لبست يلك زيتوني... وجواه قميص ابيض ....وبنطرون ثلجي
كعب وجنطه بيض
شلت شعري من الجوانب
وقررت اغير مكياجي ....
المشمشي مال كل مره واخلي وردي فاتح وكحل بارز ...
وتعطرت
ونزلت لكيت امي والجهال مخلصين وكاعدين
وصلت طبيت للمطعم
بقيت عيوني ادور عليه وينه ..
اكو ميز مقابيلي فارغ
الجهال ركضو ماما نكعد هنا
لا لا اصبرو ..
بقيت افتر ..
ماكو ..
صعدت فوك ..
صوت المواعين وطكطه الخواشيك براسي
انتبهه ع ضحكه هاي اعر فها ..
صعدت بسرعة..
اول ماكملت الدرج صار كبالي ..
كاعد من جهه الجام مال مطعم ..
والميوزة الي بصفه كلها مليانه
بس واحد
مقابيلهم فارغ ..
بي 3كراسي ..صغير يصير بصف دنكه ..
رحت وكفت كدامه ..
ممنتبهه اصلا يضحك ..
ويعدل بشعره ..
ويرجع ..
ياكل ..
ويا 4شباب ..
اذا هم ماخذين الكرسي ..
خليت جنطتي ع الميز ..
ونزلت صحت اهلي
امي كالت ماصعد ..
مابيه مفاصلي مطسرة ..هذا مو فا غ ..
لا ماما محجوز ..
صعدتها كوة ..
وصعدت وياها ..
مشيت ..
كدامه ..
اندار عليه ..ضل يباوع
ورجع دنج ويسولف وي الولد ..
كعدت ورجلي ماسيطر عليها ..
من الهز ..
اريد الزمعا ماكدر ..
نزلت طلبت اكل ..
احسه بصفي ..
يم الكاشير
كدامي اثنين ..
كال منو يلحك منو ..
انداريت عليه ..
كتله المطعم الك لو مسجل باسمك ..
كال اسف ..بس صدفه غريبه ..
منداريت عليه ..كملت الطلبيه ..
وصعدت ..
صعد ورايه ..
المهم شفته ..اييي بديت احبه
لا شنو بديت اني احبه ..
ف ق بينه امتار بس احس نفسي ملكه
وامان ويا ..
لا ماحبه هذا تعلق صار فترة وتعلمت عليه ..
ماما شبيج ..
هااا مابيه
لعد وين صافنه ..
هيج داحسب الحساب ..
امي كالت بله شكلج جايبتنا هنا بالهوسة..
وكسرتي رجلي ...
نزل الاكل امي والجهال سكتوا ..
اذاني وعيوني تخوني ..
كل شويه تندار ..عليه جبر ..
واتامل ملامحه ..
ايدة ..ترتيبه لبسه ..شعره ..
بديت اتعب بي ..
داخل نفسي ولا كانما عشت حياه مرة بسبب رجل
معقوله اني هالكد هشة ..
لا هو بي جاذبيه خاصه ..
الي اكدر اوصفه واعبر عنه
من اشوفه ..
ماحس ع داكات قلبي ..احسها ترف ..
تريد طير ..
اعرك اتوتر ..اتلعثم بالكلام ..
مرات حتى رجلي تخوني بالمشي ..
اشهر ويا ..
بس مايوم عبر بكلمه ادل ع ان هو يميل الي او يحبني
لو ينصح..
لو يشاقه ..
يبقى غامض الي بكل شي ..
بس احب الكلام ويا واحب لسمع كلمه بابا
ابويه انتي ..
اسمع الجهال يكولون ماما مي نريد مي ..
ادور بعيوني ع عامل ..
ماكو ..
كتلهم لحظه ..
نزلت ..
جبت مي ..
من داصعد ..
نزلو هم ..
انتظرت ينزلون الكل اخير واحد هو ..سبحه بايدة لونها ماروني ومداليه بيها وسويجه والفون ..
قبل لا يخطو اخر بايه ..
وكفت كباله ..
رفع الي تك حاجب ..
ضليت اباوع عليه ثواني هي ..
همست بحركه بشفافي ..
اني ...
احبك ...
رد مع اقتباس
المشاركة الأصلية كتبت بواسطة بّـنِوِتُةّ فُﮯكةّ
