هنا

[ملكةه]

مساء العشق
بين نضوج العقل وضياع القلب يولد حبا من واقع متعب. يتخبط في ثنايا الحياه ليواجه نيران الحقيقه ....عرين النار ...
روايتي التي سارويها لكم بكل تفاصيلاتها ...ترقبوها قريبا

[ملكةه]

عرين النار
ج1


نزلت من سيارتي جانت

دنيا صبح والدنيا غيوم نزلت من السيارة .

رفعت راسي للسما عبالك دنيا من الغيوم......

لليل نزلت اطفالي من السيارة وعدلت هدومهم
وطببتهم للمدرسة ...
يلا قليباتي ...الظهر ارجع الكم

باااااي ماما
باي واشر بايدي
دارجع اجه ابني ابراهيم
ماماماما
انداريت وكفت

كال كولي للمرشدة اكعد ثاني رحله ..حبابه
زين حبيبي ارجع ..للمدرسه وهسة اجي .

دخلت ويا امشي واشرح اله العلوم عندة امتحان بي
وصلت االادارة راح ودخلت
حجيت وي المعاونه..
و طلعت بطلعتي مطرت ..الدنيا وصارت رعدة ..
ضربت وحدة احسها بنص كلبي دكت ..
وكام يرجف عليها كلبي ..
طلعت اركض بالممر
وصلت للباب الرئيسي صارت رعدة اقوى
وكفت بمكاني..صوتها يرعب ..
جوة السقيفة
جان ازخها مطر قوي رجعت خطوات واباوع ع المطر الي ينزل بقوة عجيبه وصوت الجرس يدك للحصه الاولى..
والمعاونه تصيح ..يلا للصفوف ..

انداريت شفت المعلمات يمشون سريع كلمن الى صفها بقيت واكفة
اباوع ع الرسوم الي ع حياطين المدرسة..وشلون المطر ينزل منها ..وانتظر المطر شويه يخف ..
احس يمي احدوكف..
انداريت .. شفت طفله صغيرة
كالت ست نسيت الجنطة بالسيارة مال بابا
كتلها حبيبي اني مو ست اني ام طلاب وياكم
كامت تبجي ست عفية الله يخليج والله ست روناك تموتني
عفيه اريد جنطتي واجر بقمصلتي ..
اباوع ع باب المدرسه ..والمطر ترس الشارع ..
كتلها اوكفي خاف ابوج بعدة ..
مشيت ..وصلت ..لنهايه السقيفه ..
اباوع على المطر شلون راح امشي بي ..اتنكع..
واباوع ع الطفله تبجي ..
ركضت بسرعه ..
وصلت للباب اباوع يمنى ويسرى ...
ماكو احد الشارع فارغ ..
رجعت بسرعه بعد ماهدومي تنكعت ..تنكع ..وراسي هم ..
رجعت يمها ..
سكتت اعرف ست روناك مزعجة ونحسة
كلت الها ماكو احد حبيبي ..
ست شلوون ..اريد جنطتي ..

حياتي هو بيتكم وين ..
سكتت ..كالت
خابري عفية
ماما وشلون اتصل بي
ماعرف رقمه
بالكلام فاتت من يمي المعاونه
كالت هاي شعدكم يلا لصفج ميصير هيج درس الاول بدة
كامت تبجي اكثرالطفله وجلبت بهدومي

كتلها ثواني ست
اووف تاخرت وعندي كومه شغل
طلعت فوني كتلها سجلي بسرعه
كالت ماعرفه وتبحي
صفنت عليها امشي للادارة شسويلج اني
لالالالا...ماروح للادارة
زادت بجي
نزلت جنطتها اليدويه وطلعت محفظه فتحتها انطتني ورقه هاج الرقم

كالت هاج دكي عفية كولي اله اريد جنطتي
اخذته منها سجلت الرقم..وبديت ارجف من البرد وهدومي منكعه ومتاخرة ع شغلي دكيت
يدك يدك نعم صوت خشن
الو مرحبا شاورتها شسمج
كالت نرمين
ابو نرمين
نعم تفضلي
استاذ بدون زحمه بنتك نست جنطتها بسييارة يمك ودتبجي ..
سكت كال لحظه ..صح هنا بالمقعد الخلفي
هسة راجع

سديته منه يلا حبيبي روحي لصفج
لالالا مالروح اخاف من ست روناك
لعد ميصير هيح ياماما عندي شغل ..
هسة بابا يجي ..لا تخافين ..
انتي ييا صف
صف ثالث
اها بنتي ميمي مثلج وابني خامس وياج
مسحت دموعها كتاها اني اتاخرت ع الشغل ..بعد ماكدر اتاخر اكثر ..
زادت بجي جريتها حضنتها واخذتها للادارة
دكيت الباب
السلام عليكم
وفهمت المعانونه
ع وضعها وبستها وترخصت وطلعت من يمها
مشيت..ارجف وبدة يخف المطر ..
طلعت
من الممر اباب شفت رجال طب
شايل جنطنه عرفت هذا ابوها عفته وغطيت راسي بالجنطة وطلعت
اركض..لسيارتي اريد اشغل هيتر حتى ادفى شويه ..
البرد كله صار بعظمي ..
وصلت ..وكفت يم سيارتي ..
شفت سيارة عالية حاصرة سيارتي
خررررب بله هاي صدك اباوع ع الساعه تاخرت هواية والبرد موتني ..
كمت احجي
يعني هذا ياغبي عاف الاماكن كلها ووكف السيارة كبال سيارتي شنو هالغباء ..ميصير هيج
التلفت الشارع فارغ ..
اوووف ..
اسمع صوت ورايه ..
اندار اشوف رجال واكف
باوعت علية وابتسسمت
اله سيارتك
اي نعم
بربك الشارع فارغ الا هنا ..
بدون مجاوب توجهه لسيارته ..ديصعد بيها ..

كتله صدك موصوجكم صوج الي ركبكم سيارات..
وكف ورجع ..يمي ..ابتسم ..
كال لا والله مو صوجي صوج الي علمج سياقة

ايبااه صدك متستحي انت
بدون زحمه وخري اريد اطلع تارك الج مجال شكبرة بس الظاهر متعرفين ..
وصعد بسيارته ومشى
وبقيت ماعرف شحجي ..موقفه نرفزني وبردانه وتاخرت والطفله ..الي ثولتتي
صعدت بسيارة وبقيت احجي
غبييييييييييييييييييييييي ييييييييييييييييييييييي
وشغلت ورحت للدوام جنت كلش متاخرة
اول مافتت.. للمحل صديقتي كالت .
ريام وينج تاخرتي
كتلها ضرف صار ..برد كتلني اريد هدوم ..ابدل ..
هاي شصاير بيج ..
عتها وكبيت جوة بدلت هدومي واحجي عليه
وع اخلاقه ..
طلعت ..
كالت...

يلا عندج شغل جاي طلبيه مال عرسس
اوكي حبيبي
يلا طبيت..جوة واحجي عليه
غبي وماعندة اسلوب ولا اخلاق
احجي وادردم وي روحي واشتغل
شكد غثيث ...

اني ريام عمري 31.بيضه ..وطويله ..وجسمي متروس شعري طويل اسود ..ملامحي هادئه ودائما اسمع شكلج طفولي منفصلة عن زوجي وعندي 2 اطفال وعندي مشروع صغي

ر وهو كيك وحلويات
عايشة اني وماما بيت واحد
خريجة معهد تقني ..الحياه ويايه متعبه ركض بركض ماعرف شلون يبدي يومي ويخلص ..

طبت علية ايناس
كملتي؟؟؟؟؟؟؟؟؟؟؟؟؟
لا حبي بعد توني بديت ..
شبيج اليوم
واحد غبي وحيوان عكر المزاج
حبي عوفي ولا همج خلي يولي وين شفتي
حجيت الها الي صار
هذا شايف نفسة عوفي كملي الطلب اي حبي كملت بس بقى الكريمه
بين مداسوي الكريمة دك جوالي
مسحت ايدي وخليت الففون ع اذاني واطرك ابيدي الكريمة
الوووو
مرحبا
اهلا شركه النور
لا غلطان
شنو غلطان هسة الوكيل دك عليك وهذا اخر رقم اتصل بية
اخوية داكولك غلط..
وشدعواج عصبيه ..
صفنت ..شنو اليوم اللتمت عليه ..
كتله استغفر الله ..ترة ..
قاطعني ..
هذا هو......................

طببب سدة بوجهي باوعت ع الفون
شنو هااخلاق..شجاها البشر اليوم ويايه ..

رجعت كملت شغل الكيك شغلي مو بس كيك انظم وارتب حفلات تخرج واعراس ..بس اكثر شي الكيك ..
كملت الشغل والمعجنات
وطعت من المطبخ
كعدت برة
ايناس داتشتغل بلتزين
كالت ريمو

كولي
كالت شبيج
هم اسامه
انداريت عليها ايناس سدي الموضوع
خوش
كعدت تعبانه كتلها عدنا كهوة
ي ام ابراهيم عدنا
ضحكت ساعه ست وساعه ريما وساعه ام ابراهيم استقري
ضحكت كالت..دقايق واسوي الكهوة ..
كعدت ..ومديت ظهري ..من البرد كل جسمي يوجعني ..
اجتي ..ايناس ..
وهاي اطيب كهوة لاطيب ريام
كعدت وفركت راسي ووجهي تعبانه ...مو ؟؟؟
شبيج ريما ..
والله عصبت من الصبح
كالت ..يمعودة خلي يولي ماعاش الي يعكر مزاجج..
لا يمعودة ..وتعب ...
كعدت بسته الصبح بين الجهال وتبديلهم وبين امي والغدة ركض الوكت ركض تدرين ايناس اني مرات انسى نفسي هالكد ماانخبص بالبيت والهوسة والجهال يعني مرات افتح شعري واكف كدام المرايه يلا اعرف نفسي اني مراة
ريما انتيييييييييييي مكبرتها براسج ترة انتي تخبلين بس انتي هالمه روحج بشغل والجهال وناسيه نفسج
اخذت حسرة مو مهم هو العمر تعدى وراح وطك الشيب ..
كالت يمعودة الي يسمعج طبيتي بالعمرين احلى عمر الثلاثين بس غير اسامه الله لا يوفقه كسرج ..
ايناس سدي الموضوع ..
عوفج من اسامه باعي صبغي شعرج وكصي ..وشويه غيري نفسج ولبسج ..ترة الجهال يكبرون ويرحون وتبقين وحدج ..
ضحكت كتلها اي وبعدين ..
كالت حقج امج مريضة بركبتج..
الحمدلله ..
فتحت شعري شبي ..حلو طويل ولونه اسود ..احبه ..

بلاثناء طب زبون
السلام عليكم
اهلا وعليكم السلام
اني حجزت كيكه مال عيد ميلاد صار يومين
اسمك
راحت ايناس طلعت دفتر الحجوزات
اي نعم هذا طلبك كامل
ريما الكيكه الي بس نستله
دخلت رحت جهزت الكيكه من جوة ورتبت الكريم عليها وطلعتها اله
ورديت دخلت ماكو وكت للسوالف
كملت شغلي
كله وخليتهن بلبراد ...احس،نفسي راح اتمرض من البرد والمطر ...صدعت اكثر ...
كعدت ارتاح شويه ..
اباوع الساعه 12صارت بسرعه كمت وطلعت برة بركضة ولج ايناس تاخرت ع الجهال
وطلعت رجعت وفتحت الباب ايناس الكيك بلبراد كلهن جاهزات
بعد طلبيه اليوم كملتها
مشيت شويه وذكرت رجعت
سوي كريمه زايدة وارجع الجهال واجيب غدة واجيج ..
رحت بسرعه وعين ع الساعه وعين ع الطريق

مشيت بسرعه..وصلت ركنت السيارة ..مقابيل المدرسه ..
شفت المدرسة فارغه بابها ماكو جهال احس كلبي وكف

ونزلت اكو حرس بالباب
كتله وينهم الجهال
ياجهال
جهالي
ضل يباوع عليه كال جوة بالصفوف غير
كتله الساعه عبرت ال12
كال اليوم الدوام للوحدة
اوووووووووووووالله ولا ابالي
ضحك انتظري مضل شي..
رجعت بسيارة الجو بعد مطررخفيف والجو صارررر ثلج
كعدت ولفلفت روحي واباوع ع الشارع وانتظر الجهال يطلعون..مو مال ارحع ..اريد شويه اريح اعصابي
شغلت التدفئه ..
وبقيت كاعدة ..
كلبت بالسيديات شفت قرص لهيثم يوسف ..
جريته وشغلته ..
بدت الموسيقى ..استرخت اعصابي ..

فاتو كدامي بنيه وولد شباب واحد لازم الثاني ويسولفون جان لالزم اديها قوي من يمي حسيت بقوة ايدةجان لبسهم نفس ىالون بلوزات زيتوني وجنز فاتو من يم كيا هدت ايدة مدها وهو يمشي ولزما بقوة
حسيت بامان من يمي و حسيت نفسي لازمه ايدي جنت
ضليت اباوع عليهم لحد ماتعدوني
اخذت نفس ..وابتسمت ..
ودرت وجهي عنهم
اسمع صوت هورررن طووووووووووووط
فزيت انداريت سيارة عاليه

شكوووووووووو شبيك
ويدك ولايمه
اجه الحارس وكف يم السيارة ونزل الجامه اني بس اباوع هذا منو وشكد ماعندة اخلاق
حجة ويا
واجه يمي الحارس..دك الجامه
نزلتها ..
كال ست ممكن سيارتج اطلعيها منا لان الاستاذ ديريد يوكف وانتي واكفه بنص الباب ميصير ..
ليش هو منو المدير
كال لا ابو طلاب ..

اني فاكه حلكي وبس اباوع
كتله الاستاذ منو
رئيس جمهورية حضرته
لو وزير وفتحت الباب
شوو وخر عني وخر

سديت الباب اخذت نفس ومشيت وكفت يم الجامه مال السيارة دكيتها
استاذ
نزل الجامه ولابس مناظر ..
اندار عليه ..شكله ..جدا راقي ..خمري البشرة ..عيونه لونهت فاتح وصاحب لحيه خفيفه ..ومبين مو صغير لو نهايه

الثلاثين لو بدايه الاربعين ..عمرة ..
كال
نعم
نعم الله حالك شارع ابوك هذا لو مسجل باسمك
نزع المناظر وبكل برود خلاها ع المرايا
وكال ممكن تنطيني مجال اركن سيارتي بيها ....
صفنت عليه نفسة االصبح الي ضايقني وازعجني الغبي
ضليت اباوع علية شنو هالثقة بالنفس شارع ابوك
وكفت وراه سيارة لان هو واكف بنص الشارع ولا اهتم ولا تحرك من مكانه بديت
صدك اعصب واتوتر اكثر والسيارة ادك هورن هو ولا يمه كتله كان متكون انت الي دسوي اكبر غلط
طلع سيارتك..اول شي
مشاها من يمي وشخطها حييل وجان اكو مي بالكاع طفر علية ..وع هدومي ..
لو بيدي اكمز بنص الشارع ..
احس نفسي اعصابي انهارات يعني مو مال اسكت بعد
مشيت وجان واكف يمي الحارس كتله هذا منو
كال ابو طلاب
اي؟؟؟؟شسمه يعني ..
صافن ..
واذا ابو طلاب
كلي ست مالج بي ترة نادرا يجي ع اطفاله عفته ومشيت وصلت يمه نزل من السيارة عدل روحة ومشى وكفت كباله كتله انت جدا جدااااااااا مستفز........شوف هدومي شسويت بيها ..
...ابتسم ببوجهي كال
الله بالخير ..
ماكو خير دام امثالك بالعالم ..شنو الشارع باسمك وبس الك
انت متقصد اضوجني ..
نفض بنطرونه ..
ومسح ساعته ..
وجتف ايدة .
واندار عليه ..بكل برود ..كال
اولا انتي غلط مكان وكفتج وثانيا..احترمي شويه .. واتعلمي النقاش بس تحجين متنطين مجال ..
شسوي الشارع منكع ..وانتي واكفه بصف السيارة تحجين .
بعصبية اعصابج لا يطكج شي
وتنحسبين علية..
سكتت واباوع ع ملامحه المستفزة الباردة ..
كتله
شو انت متعرف تحجي ابدا
ضحك كال بس باعي وين واكفه بنص باب المدرسة وراكنه سيارتج غلط وفوك هذا تعيطين وتصيحين..
اندار واكف يمي الحارس بس صافن وفاك حلكه علينا وكانما دنحجي مؤتمر ويهز براسه اي اي
كله شتكول ابو خليل
كله استاذ حجيك حكم وذهب ..وضحك ..الحارس سنونه الاماميه واكعه ..جانت ..

اهاااااااااااا هيج ؟؟
اشكرك.....دامشي
كال ..
..عفوا مدام ..
وكفت ..كتله ..
لا لالا انت صدك متستحي وكمت احجي واشر بايدي وهو بكل برود انتجى ع السيارة وكال..
بس اعصابج متسوى ولا تستاهل ..هالرجف الي بي انتي
جان يحجي ويضحك ..
يعني لو ما عيب ..اضربه ع كميه الاستفزاز ..
بدت العالم والخطوط تجي ..
واني واكفه ع الرصيف واحجي ويا ..
كتله خلص هسة اني الغلط ..استاذ ..مدري منو
كال

وياج ليث ابو سبع ..وانتي منو ؟؟؟اميرة ديانا

شنو ..؟؟

سبع اممم مبين لو ناخذها ع الاسامي جان العالم كلها نبلاء
والسباعيه ع روحك واني شعلية واالله يالله وعفته ورجعت مديت ايدي ترجف من الاعصاب تلفت
من تصرفاته الاستفزازية
رحت وكفت يم سيارتي وانتجيت عليها وبيه حاله من اتوتر اضل اللعب بشعري واجر بي
وكل شويه اباوع عليه واكف ونافخ رووحه حييل عبالك بس هو موجود بالدينا منتجي ع سيارته و مجتف ايدة ويتصل ..
سبع ..وليث ..
كول ..هراتي ..وفار ..وافر بايدي ..

غبييييييي وشايف نفسة فدشي مهم ابوسبع خاف ابو جريدي دك الجرس وبدو يطلعون الجهال

طلعو اطفالي من الباب واجنتي بنتي تركض مااااااااااماااااا
عشرررررررررررررة اخذت
بطلعه اطفالي خف التوتر الي واللتهيت وياهم ونسيته
قلب ماما عفية ام العشرات كلها وانت برهوم امتحنت لا
كال اي
وشكد جبت
بعدها منطونه انتيجة
شبيك حبي شو معبس وكرصت خدة ..
بالاثناء جتي وكفت يمي نفس البنت الصغيرة
ست ست
نعم حبيبي هم بابا عايفج
كالت لا ست اني صديقة ميمي..
حبيبي...شسويتي بيه اليوم ابتسمت واشرت يلا اروح اني بيباي
وراحت انتبهت عليها صعدت وي هذا الغثيث
وبعد جان اكو بنيه ثانيه واكفه
كتلهم
ابراهيم ميمي كعدو بسيارة هسة اجي صعدتهم وسديت الباب ماما وين
انداريت لحظة هسة اجي لا تلعبون بشي
مشيت بين هوسة الجهال كوة اخذت الي طريق وصلت يمه بسرعه مديت راسي من الشباك بنتة كاعدة من جهه الشباك
ايتسمت
استاذ نظامي..ابو ضبع ..
يباوع علية
بنتك اليوم تبجي .......لان حضرتك مهمل ..
خنزر
ابتسم مثله ..
فيااا استاذ صكر ابو نمر شوية صير حريص ع اطفالك..وانتبهه عليهم قبل حرصك ع المرور و الشارع
يامير وليم ..

وابتسمت..ومشيت بابتسامه عريضة
عااالنه علامه النصر والفرح..

[ملكةه]

عرين النار
ج 2


رجعت صعدت بسيارة كعدت واضحك انداريت ع الجهال وبقيت اسولف وياهم فات من يمي بسرعه وعبرني اني هم حركت سيارتي ومشيت طلعت لليبت وكضيت الوكت اسولف وياهم وصلت لليبت
يلا بدلو احضر الكم غدة بسرعه وارجع لشغلي.....
.....
يومية اكعد من ساعه بالخمسة الصبح
احضر غدة امي مرة جبيرة وعدها سكر
ومرات من توكف ع الطباخ تحترك ومتحس ع روحها....
بسبب السكر واعصابها ضعيفه ...
يوميه اسوي التمن واني قبل يبوم محضرة المرك واكمل اريوك وتبدي مسيرة التعب ....

كعدت ع الكرسي..وابتسم وابالي ملامحه الباردة
وشلون جان مستفز وشلون رديته اني ..
ضحكت وي روحي ..
جتي بنتي ميمي ...
مامافتحي شعري
ابراهيم ماما.جوعان كمت غسلت ايدي وحضرت الاكل وحضرت اكل النا اني وايناس
ملتهيه اصب واحضر ..
اجه ابراهيم ..
ماما شبيج وي هذا الرجال ؟؟
ماكو حبيبي اني تعبانه اليوم والناس عديمة ذوووق
جتي امي يمي
ها ماما راح ترجعين لشغلج
اي شسوي لعدعندي كومه طلبات
يلا ماما تعاي اغديج قبل لا اطلع وارجع
احجي واصب اكل واحضر الاكل
ماما..... بيج شي
لا مابيه بس جعت ..
يلا تعالو اكلو ...
رجعت عدتها لامي ..ماما بيج شي شكلها جان تعبان
لا ريما ..
هسة اتغدة واخذ دوة وانام اني والجهال
جوووي الجهال كملت كل شي
وسويت الاكل بحافظات
وبوستهم ووصيتهم...
يلا اروح اني محتاجين شي
لاااا مااماا الله وياج
رجعت شلت راس قنينه الغاز واتاكدت من كل شي
يلا حبايبي ماتاخر
طلعت
صح قريب شغلي بس لازم اخذ سيارتي

دخلت للمحل كعدت
كتلها اينووو الي ضوجني الصبح
شبي ضوجته
شنوووووو
هيج
شنو الي ضوجني ضوجته
ضحكت كتلها ارتاحيت ..

يلا تعالي ناكل وسدي الباب
كالت ريما شنو هم اسامة
باوعت عليها شبيج جلبتي باسامه ..اسامه
هاااا شمدريني شبيج اليوم
لا تدرين احسسن
يلا ناكل واكمل كم قطعه بعد شكد
3 بقت بقت
سهله
كعدنا ناكل
راح فكري هناك بهذاك البيت الدافي الي بي اني واسامة والجهال
اسامه زوجي لاااااا طليقي ...
وشلون جنت احضر كل شي قبل جيتهم للبيت من اكل وحلويات ...
معقوله هسة هو الي الامان...الي
ابسط شي لو عندي رجال ماسمع من هذا هيج كلام وانغث
الله لا يوفقك اسامه كل شيئ وياك
رااااح
اسمع ريماااااااااااااا
نعم وين صفنتي لاحبي
ماكو شي
بس شبعت واريد اكمل شغلي امي ممرتاحه الها اليوم اني
كالت ....ريام وتالي وياج شايله الدنيا كلها ع راسج
كملي اكلج راح اطب جوة
طبيت اشتغل للعصر ع وكفه وحدة كملت كل شي
وسلمت االطلبيات
وحضرت لشغل باجر
واخذت ايناس وطلعت
ايناس قريبه عليه بيتهم اوديها وارجع
وللعصر وانعزل لان عايفه اهلي وحدهم ماكدر اطول اكثر...........
رجعت للبيت طبيت للكراج طلعولي الجهال
اخذو غراص من ايدي
ميمي بيبي شلونها
بعدهي نايمة
شنوووووووووو؟؟؟؟؟؟نايمه
ي واني وابراهيم ندرس
عفتها وطبيت بسرعه للبيت شفتها بفراشها
دغيتها ماماماما
الجهال ورايه ..
اشوفها متخربطه ...

بسرعه جهاز السكر يلا
انخبصت
لزمت كلبها ..مابيها شي
خابري خالج ايمن بسرعه...يمعودين وحدي مادبرها.
ماما يمعودة ..

خابري خالج ايمن بسرعه
مي وشكر
بلسرعه جريت اديها بدون تفكير
سويت الها تحليل السكر
وانتظرت واحجي وياها ماماماماما
مجاوب
ماما خالو يريدج
هااا ايمن امك تخربطت تعاال ..
شكو خيرها هم اكلت...
تعال ايمن وحدي مادبرها
علكي الها مغذي ولك تعال ...
وسديته ..
اشوف ..
اقرا التحليل نازل 35
بسرعه شكر ومي
كعدت يمها وخليت راسها ع ايدي
جابولي الجهال شكر ومي
وبديت شوية شوية اشربها
تشرب وتحجي بدون وعي
كولولي شسوت اليوم وشكلت
كال ابراهيم تغدينا ونامت ماكو شي
اكلت صدر الدجاج لو شنو
كال لا اكلت ويانه تمن ومرك وكالت هي تمن ومرك واضرب انسولين زايد
اوف ماما اووووووف
حسيتها كامت تحس
كتلها امي هم اكلللل وتالي وياج ..راح تموتوني انتو ...

انتظرت مدة وبدت تصحى
نوبه هبوط السكر لمريضين السكر خطرة كلش بس اتعلمت اتعامل وياها ومرات اني اشد المغذي الها ..بس من يصعد الا مستشفى ...
ووعت اخذتها غسلت الها وبدلت الها ملابسها
شبيج ياكي هم اكل
وتالي وياج ...
وبقيت احجي من احجي تزعل بس اني احجي لمصلحتها
احجي تزعل اسكت دووس بالاكل
رحت شلت فراشها وغسلته بسبب السكر يصر ادرار
مرات اكول الله رجعني حتى اداري امي ومرات اتعب احس نفسي ضايعه ومشتته ماعرف المن اني اني للكل
بس نفسي وين مادري اني منو
كمت اغسل.. واسمع صوت اخويه يمها طلعت من الحمام

اسمعها تكوله تعاجزتو مني الله شوكت يموتني وارتاح
ويجاوب لا ماما بس نخاف عليج ..
والله ..
لا تتعاجزون ....
وكفت بالمنور وبيدي فراشها
شافني كتله اسكت وعوفها
طلعت ورة البيت شريتها ع الحبال وطببت هدوم الجهال ..
وبدت ترزل بينا ..وتحجي معليكم بيه
اكل مااكل ماريد احد اله شغل بيه
ودخلت وبدت الفقرة المسائية بين امي والجهال والعشا وتحضير الغدة
كعدت اني وك

اعدة بديت اغفي ..اغفى وافز
فزيت ..
كمت ..ع البيت والشغل ..احس
فكري تعبان اكثر ليش بس اني هيج ليش كلها براسي
كملت كل شغلي
وغسلت البيت
كعدت اريد افتح عيوني ماكدر جتي ميمي ماما عندي حل
اي ماما دك جوالي اخويه صهيب
الووووو
هاام ابراهيم شبيها امي
تخربطت كالعادة
وهسة؟؟؟؟؟
تمام جاي اني وفرح والجهال
هلا بيك
كمت وكفت ع السنك غسلت وجهي
وميمي يمي يلا قريني وعندي علوم رسم
اييييييي خالج جاي ع عشا اكيد
رحت ع امي كاعدة وكاعد يمها ابراهيم يدرس
ماما صهيب جاي
دارت راسها ورجعت زعلانه مني
ماما
مجاوبت
رحت يمها يوووم والله ممتعاجزين منج بس اخاف عليج والله يامي
اكلي بس لا ضربين بكيفج انسولين
هزت راسها اي
كالت ريما لو مخلفتكم كلكم بنات مو احسن
حتى التعب مو بس عليج
ضحكت والله متعبانه ..
والله لو بنات احسن
شمستفادة من اخوانج غير التعب
اببتسمت يلا احضر عشا
كمت من يمها
اابراهيم ماما سمعيلي
جوووووووووووووز مني..
اقرا بروحك
وكفت احضر الاكل احس نفسي راح انام
كملت كل شي
بسبب شغلي تعلمت حتى العشا اجهز وجبات ستيك كباب
وبس احمي
كعدت اقرا لميمي دخلو بيت اخويه وجهاله من بعيد يصيحون
غمضت عيوني اريد اطلع من حياتي
دخلو وبدت الجهال تلعب وتشمر
ومرت اخويه تسولف الي عن ذهب جديد وملابس والجهال تكمز واخوية يضحك بصوت عالي
كاعدة كباها وصافنه اكول بس اي
عبالك بخلاط كاعدة ل11 يلا طلعو من يمنا لا كدرت ادارس ولا اسوي شي لميت البيت واني بتك عين وطبيت لغرفتي حطيب راسي
ذكرت الي صار اليوم
انكلبت ليش اني هالكد هجوميه
خليت مخدة فوك راسي
شجاني
اووووف شكد عيب
اذا اشوفه اعتذر
انكلبت ..مكدرت انام
عزة هاي شلون هيج حجيت ويا
كمت
جريت فوني
فتحته كلبت شفت الرقم بعدة
اتصل اعتذر لا لا عيب
مستفز جان
ادك لاااااااا
ادك اي عيب وكدام جهاله بله صدك متسوى
دكيت دك دك
مجاوب سديته ونمت بالفراش
اسامه انت سبب الي بي اني من تعب وارق واعصاب انت
اختنكت اخذت حسرة
جانت حياتي حلوة بيت واسرة
غمضت
.................................................. .....................
ريما
نعم اسامه
حبي راح اسافر
وين؟؟؟؟؟؟؟
اجيب بضاعه
عفت المواعين ورحت يمه شوكت
اسبوع الجاي
شنو
واني اخر من يعلم
لااااااا حبي بس شغل وي ولد
صدك تعالي
شكو
وين الجهال
بالغرفه
اريد ابوس
ضحكت يمعود
جرني كعدني بحضنه حبي ليش هالكد احبج
اني هم احبك
ريموووو
نعم
حبي السفرة يراد الها دفعه
شلووووون يعني راح اداين
ميين
مادري
مرت ايام نفس الموضوع
جنت دائما اشوفه مهموم ومقهور عصبي وي الجهال
وويايه..بس يخابر
اسامه انطيك ذهبي احسن حال ريما الذهب ميكفي
كعد كبااالي كلي تدررين شنو نرتاح
ونكعد بيت وحدنا ولا هاالهوسة الي بيها احنا
هي ضربة حظ
ونعيش برغد
اسامة بيع سيارتك وذهبي واداين من اخوتي
كام من يمي وعصب عليه
كال هاي بس اني مو؟؟؟؟؟؟؟
ورث مرتي كاعدين بي العالم واني حاير
اسامه امي بعدها عدله استحي اكول اريد ورثي
اييييييييييي ابقي استحي واستحي جيت قريب يمه
اسامة
دار وجهه عني
حبيبي ابو ابراهيم بس اسمعني يعني لو موزعيها ماعزها عليك بس مثل متشوف بعدهم
رياممم روحي من يمي
حبيبي بس احاجيك تعرف زين ماكدر ع زعلك ولا اكدر اغثك بس استحي
ايييييييييي؟؟؟؟؟ افتهنت تستحين واهلج احسن مني
اصلا من يوم اليي زوجتج لليوم اهلي واهلي بس كوليلي اهلج شنو الي سوو النا
اسامه شبيك
مابيه شي عيني انتي بس اريد اكعد وحدي
هسة اخابر صهيب واداين منه
كام ع حيله صهيب وصهيب واخوتي واخوتي بيهم خير مو عايفينا كاعدين بشقة 40 متر وايجار
الي تريدة شنو
ماريد شي الي اريد ورثج الج والشغل باسمج يصير
سكتت
ضلي هيج
سدي الباب اريد انام
وين تنام ؟
هنا .......
اسامه تعرف ماعرف انام وحدي
روحي عيني الي يسمعج تحبيني
رحت يمه نايم ع التخم
كعدت بصفه ع الحافه
حبيبي
مجاوب
اسامة ........
ريام اريد انام مديت ايدي ع شعره وكمت امسد اله ع كيف
اوف شكد احبك والله لو يرجع بيه الزمن هم اختارك الك والك والك
دار وجهه دفع ايدي
نعسسسسسسسسسان اريد انام وفري حبج لنفسج
بقيت كاعدة ماعرف شحجي
طفي الضوة
كمت ابجي مقهورة منه
رحت لغرفتي فتحت الباب الجهال فارشة الهم بالكاع
يجوز حقه هم بيتنا صغير والعيشة ركض رككض
نمت والدمعه منشفت من عيوني
كعدت الصبح لكيته بالحمام يغسل
بسرعه حضرت الريوك
وطبيت حضرت الجهال
طلع من الحمام ينشف براسه
صباح الخير
دار وجهه وطب الغرفه جنت اوكل الجهال وعيني عليه شفته طلع مبدل من غرفته
تعال اسامه نتريك
اسمع بس صوت الشقه انسدت
رحت بسرعه شفته ماكو
ركضت ع الشباك وخرت البردة شفته نزل وعبر الشارع
اووف ياربي ليش هيج يسوي ويايه
رجعت ع الجهال
كملت ونزلتهم للخط ورجعت وحدي فوك
ردت انام شويه لان الليل كله منايمه رحت مددت مكدرت بقيت افكر شراح اسوي ياربي
جريت فوني
اتصلت بامي
هلو ماما شلونج
هلاو ريما

اشلونج وشلون الجهال الحمدلله وانتو شخباركم
بخير برحمه الله
شوكت تجينا
والله ماما مدارس ومدالحك ع شي
ماما
نعم
لا هيج
شكو ماكو شي داسال ع فرح والجهال
وبدت تسولف الي ع البيت واجوائة واني ابالي اكول الها ع سالفه الورث بس اخاف احجي
سديته منها بعد ماطار النوم من عيوني وكمت ع البيت بين شغل وتركيب واروح واجرج اباووع ع الفون اكول يدك علية
بس مدك ولا سال ع الغدة ولا شي زعلان
اف مادري شلون كملت كل شي
وسبحت وعدلت روحي جوي الجهال غديتهم ونومتهم وهويجي ب 2 الظهر
عدة الوكت وماجه
ادك ميجاوب قلقت حيييل
للخمسه اجه فتح الباب
بدون ميسلم بدل اهدومه ونام بصاله
رحت يمه اسامه وين جنت ضل بالي اسويلك غدة وليش مترد عليه
ماريد متغدي طفي الضوة انام وطلعي وخرسي جهالج
اسامه
ريام ولي من خلقتي

بس ابجي ماعرف شسوي بديت اتوتر وي اطفالي واعصب ومادري الحل شنو ساعه وكعد وهم كابل التلفيزيون ولا يمه احنا والجهال اذا حجو عاط بيهم ويتصل
ولا عبالك يمه اني
باليل نومت الجهال من وكت وكلت احاول ويا اخر مرة بدلت ورتبت روحي وتعطرت رحت يمه كعدت
من كعدت كام طفة الضوة وجر مخدة والغطه ودار وجهه ونام
بقيت حايرة ليش هيج يسوي شنو بايدي اني
اسامه حبيبي مشتاقه الك
دفع الغطه وكعد وتربع كال
شكو ؟
مشتاقه الك وماعرف انام وحدي
تعلمي
ممشتاقلي
سكت تعبان
كومي وطفي الضوة
كمت وانقهرت اكثر واكثر اول مرة بحياتي يسوي هيج ويايه
.................................................. ..............................
جرت الزعله اكثر من اسبوع لا ياكل ولا يشرب بالبيت وبس يتعارك وي الجهال ..ويخابر
ويجون رياجيل بالباب
ميحجي حرف ويايه
اني احبة وماريد شي يخرب حياتنا

رحت لاهلي وفاتحت اخويه وصارت مغثه وسمعوني حجي
بس جنت مصرة اريد حياتي ترجع
مثل اول بدون مشاكل
بعد معامله الورث استلمت وانطيته وسافر اسامه
.................................................. .................................................. ..........

حسيت نفسي بين النايمه ولا
والفون يدك وراسي مصدع
رفعت راسي
رقم غريب باوعت الوكت بوحدة
الووو
الووو منو
انت منو
انتو داكين عليه
منو انت
ضحك كال وانتي منو
كمت من فراشي عدلت روحي
اذكرت الرجال
ها اسفه اني ام ابراهيم
منو ام ابراهيم
اني الي ,,,,,, سكتت واستحيت
الووووو الووووووووو
سديته
اوف شكوله اليوم رزلتك
دك مرة ثانبه
جاوبت اسفه انكطع
منو انتي
اني اني .............اي منو انتي
اليوم تلاغيت وياك يم مدرسة الجهال
ايييييي
والمطلوب شنو
رجعنا لانفس الاسلوب اووو
طبعا حبيت اعتذر عن ردة فعلي
اييي؟
صفنت شبي هذا مو طبيعي والله
شنو اي داكولك اعتذر عن ردة فعلي
اهااااا طبعا ام مدري منو نسيت الي صار كله ولا كانما موجود
اوووف وي نفسي كلت شكد عيب واني وكعت عليه رزايل
اشكرك
لا عفوا لان اني اكبر من هيج سوالف مال زعاطيط
وناس مشايفه
صفنت احس لساني انبلع

معرفت اجاوب سديته ........ هيج اخلاق مشفت بعمري...

انقهرت والدمعه طفرت من عيوني
ردتها حجة ع ذكرياتي المرة
كمت من مكاني وكفت كبال المرايا
اباوع ع شكلي واعدل شكلي
قربت وجهي ع المرايا
ريااااااااااام شبيج ؟
تريدين تبجين مو تبجين
اهز راسي لا لا
اي اريد ابجي مثل اكثر الايام الي ابجي بيها بسبب وبدون سبب
لا مابجي انداريت ع غرفتي وكعدت ع حافه احجي وي نفسي انتي قوية وكونتي نفسج من جديد لا اسامه يهزج ولا هذا استاذ مستفز هم
اخابرة ارزله ؟
لا اذا اخابرة اكبر راسه ..
رجعت لفراشي وتغطيت وحضنت المخدة ..اريد انام

رغم التعب واليوم المتعب بس احس نفسي منعسانه يجوز جسمي محتاج راحه بس عقلي
حاولت ابرد اعصابي ميسوة ولا يستاهل افكر بي اصلا
جنس نمرود ميفيد وياهم شي لا حب ولا عطاء ولا اسف شربت مسكن ونمت
كعدت ثاني يوم كعدت جهالي وبدلت الهم وراجعنا شويه
وحضرت اكل للغدى ولامي
وطلعت بسرعه اريد اشوفه
بس ماعرف شنو ردة فعلي اله شنو
وصلت للمدرسة نزلت اطفالي ونزلت وياهم وانتظرت شويه
بس ماكو
كلت بلكي الظهر اشوفه
زين اني ليش هيج مركزة ويا
مركزة لان استفزني واريد ارد اله الاساءة
بس شلون اردها اله
صعدت بسيارة وضحكت شكد فارغه حياتي واركض وراه
صدك اني بطرانه هالمرة
رحت لشغلي وركزت بي
مرات اكو كلمات تترك بالنفس اثر يعني من حجى وباسلوبه البارد المستفز ماعرف بس حسيت الدمعه طكت بعيوني والساني انبلع
ليش كل موقف يهزني شسويت بيه اسامه شتركت بيه انسانه لو بقايا انسان بس يريد يرجع من جديد
بأي طريقه ويثبت نفسة
دخلت للمحل وبلشت اشتغل...وفتحت نت وكلبت ..وشفت شي خله الدنياه سودة بعيوني
غلقت فوني ..وكملت شغلي بس جنت كلش ضايجة ومبين علية اكثر من مرة اتنرفز من واخرب الشغل
جتي ايناس شبيج ريم اليوم
مابية شي حبي
هم اسامه مو
جان بايدي قالب كيك
بدون وعي ش

مرته كتلها كافي اسامه اسامه شجلبتو بي متكولولي شنووووو شفتوني متت بدونه

ريام موقصدي اعصابج عفيه
قصد اولا
كاااافي ماريد اسمع اسمه بعد
وب 12 سدي المحل تعبانه ايناس
كالت. محد متعبج غير نفسج شوفي شكلج عيشي حياتج حبي وانحبي انتي محد يوتر اعصابج غيرة هو
كعدت
حبي اسفه ترة اعصابي تعبانه بين بيت وجهال
كالت ريما احنا صار النا سنين مو اليوم اعرفج
شنو صار
كتلها فتحي فونج ودخلي ع حساب اسامه شوفي شناشر
شنوووو؟
شوفي انتي خلي اكمل شغلي
راحت من يمي
رجعت كملت شغلي
طبت عليه كالت وليش ضايجة ناشر صورته هو وياها عادي هو يطلع كل شي منه
لا ضوجين لاماضوج بس اصعب احساس هو تحسين نفسج لا شيئ بيوم ولليله
من سافر اسامه واخذ ورثي من ابوية جنت اتصل عليه واسولف يوم يجاوب ويوم مشغول
واكثر شي اقرا مرئي وماكو رد
سفرته عود اسبوع بس الاسبوع صار اسبوعين وماعرف شي
عنه اخابر اهله يكولون ميتصل اخاف اخابر اهلي لا يذبون الصوج بيه
بقيت وحدي بشقتي مدة 18 يوم اجه
.................................................. ...
اندكت الباب جانت دنيا صبح
فتحتها
اسامه كبالي راسا حضنته ولزمته من وجهه متت خوف عليك وينك
كال خلي اطب الاول
طب اسامه
بس موهو الي كضيت ويا 10 سنين
غير انسان متكولي وين اختفيت شنو صار وياك
من اول مادخل كال ريام
لا تحجي شي ابد اكعد ارتاح هاي شصاير بيك خلي احضر الحمام لالال اسويلك اكل
وصلت لباب الصاله رجعت
حضنته حيييل
يومه جنت ضايعه بدونك مخنوكه وبسته من ركبته وشميتها حييييل
جر ايدي من ركبته
كال اكعدي قبل الاكل والحمام
اسمعي
عيني ادور كتله غراضك وين
اسمعي ريام
احناااا لازم ننفصل حياتنا مترهم بعد ابد
تشاقه مو
اي تشاقه اوكف اسويلك تمن احمر للغدى
ريام اسمعيني
وكفت ودايرة ظهري
ننفصل بهدوء افضل وكل حقوقج تجيج
ماكو حياة بينا
واذا ع الاطفال ماريدهم احس رجلي ترجف اريد اثبت ماكدر
وحتى ورثج ارجعه الج بس المهم اكمل اجراءات الطلاك باسرع وقت
انداريت عليه
والسبب؟؟؟؟
هوايه اسباب
شنوووو هي
مجنت عايش وياج
ابتسمت ودموعي خلت الروئيه تنعدم صح 10 سنين انت ميت
مووووو؟
ريام بلا حجي زايد المهم نحلها وديه بيناتنه
وعافني وطلع وسد الباب

[ملكةه]

عرين النار
ج 3



انسدت الباب احس انسدت حياتي وياها
ركضت ع شباك المطبخ شفته يخابر جوة يم العامود مال كهرباء واكف......
شسوووي اكيد اكو خلل بشغله واكيد عرف موكل الورث اهلي انطو الي وزعل .....
انزل اصيحة اييييييييييييي .....
رجعت شفت شفته ماكو
ركضت غسلت وجهي....
وكلما اغسلة ابجي اكثر ..
وجريت قلم كحل فتحته....
قربته ع عيوني ايدي ترجف ترجف ...
وكع مني بالمغسله شلته....
ولزمت ايدي وخليت كحله ....
ابتسمت هسة يصعد...مثل كل مرة ...
اييي عصبي وضايج وديون احنا طلبات منرحم بي...
رحت للصاله ...جريت الفون
دكيت ميجاوب مرة مرتين اكثر مجاوب
ماعرف شكد بقيت
اروح اسنط ع الباب بلكي اسمع صوت رجله وارجع ع الشباك اباوع
ساعات ...
سمعت الله اكبر صوت الاذان...
عرفت مر الوكت وماجه....
وجهالي راح يجون من المدرسة....
ضليت اروح وارجع شسوي اخابر اهلي ..لا شخابرهم ..
لا ماكبرها ...
اسمع صوت الهورن مال خط ...

اجوي دخلتهم اطفال كل همهم اللعب
ماما شبيها عيونج
ماكو شي جنت اثرم بصل
جوعانين
صفنت عليهم كل شي ممسوية كضيت الوكت اترقب جيته
واريد اعرف شنو الي صار ...
غسلو وبدلو ...
يلا ماما صبي جوعانين ...
اييييي
وصيت كباب
اسمع هييييييييييييي ...وكعدو يلعبون ..

رحت لغرفتي بدلت ..كتلهم دقايق اجيب الكباب ..واجي مو تلعبون بشي
لا
طلعت وقفلت الباب ونزلت
اني كاعدة بشقه ع شارع عام
وجوايه محلات ومطاعم نادرا انزل هيج وكت وحدي ...
متعلمه هو يجيب كل شي واذا اطلع فاطلع ويا ...
نزلت طلعت برة عيوني ادور عليه بالكي يجي
ماكووووووو
مشيت وطبيت بشارع ثاني وكفت يم الكصاب
السلام عليكم اريد كليو كباب
بعد الكلام
كال نص ساعه وتعالي
ايييي مشيت من يمه
كعدت ع الرصيف جانت الدنيا حارة
احس الصبه بيها نار بس متساوي نار روحي عيني ادور ع اسامه
معقوله يعوفني لالالالالا يحبني اني ريمته
لاعركه وكل شي يرجع كل مرة يكولها ونصافه
بس هالمرة مسمعني ..

وينك اريد افتهم شنو الي صار ...
بقيت اباوع مقابيل المحل اكو بيت
وجهال تلعب ..برمل مال بناء تصعد وتزحلك بي ..
ضليت صافنه عليهم ..
وع الضحكه الي بوجوهم ...
اسمع واحد يكول... خاله تعالي كمل الكباب
درت وجهي باوعت عليه اشرت اني
هز راسه اي...
وكفت نفضت هدومي ...
رحت وكفت يمه جان يشد بالجياسة
ضليت اباوع عليه استغربت من كلمه خاله بعدني صغيرة
كتله انت شكدعمرك باوع عليه
كال 25
اهاااااااا
تحاسبت وورجعت
كلت الخلل بيه اني هامله نفسي هوايه اي
اي اني السبب ...
حايرة اطبخ وادرس بالجهال
هم حقه اهتم بروحي
اكيد سمنانه هم ..من الحباله والولادة ..
اي ...يريد اتغير ..
فتحت جزداني بي 15 الف والصالون كبالي
وجهالي جوعانين وحدهم
اطب اسال واروح اغدي الجهال وارجع
وصلت للصالون فتحت الباب
وطبيت جانت اكو اثنين بنات يشسورون شعر وحدة شعرها اسود وطويل نازل من الكرسي
كالت تفضلي كتلها اريد اصبغ واحف
كالت شوفيني شعرج
شوفتها
كالت هاي شنووووو تعبان يراد اله معالجه ورها صبغ
هزيت راسي اياي شي
يالون تريدين
اسود
كالت انتي مسويه ميش وحجي مافهمه
المهم شكد
اتفقت وياها وطلعت ...
ساعه وارجع الها ...
وصلت للبيت تقريبا اني ساعه برة
دخلت شفت اسامه كاعد والجهال يمه
حمدت الله وفرحت وعيوني طكت دموع مودمعه
ماما بابا اجة
ايييي حبايبي اجة وبعد ميسافر ابد
طبيت ذبيت حذائي وخليت الاكل ع الميزززز
جنت فرحانه وخايفه...
بسرعه طبيت للمطبخ ...
وكفت ع السنك اسوي زلاطه ...
خيار وطماطه وامسح دموعي واكول ميعوفنه ولا يكدر يعوفنا
واسمع ضحكه اطفالي واسوالفهم
هذا الي اريدة ماريد شي بعد مسحت دومعي وصحت جيبو الاكل ارتبه
جابو الي الجهال الاكل
وكعدت احضر بي
واخذته ورحت
خليته وجريت الطبله وكعدنا
كعد كبالي
اسامه عيوني جانت ادور ع نفسي
بعيونه بس مشفت نفسي جنت احسة يتهرب مني حتى بالنضرة ماعرف شلون اكلت لكمتي ولميت السفرة طول الاكل هو ساكت ومحجة شي ابدا رحت للمطبخ اغسل المواعين احسة واكف ورايه يم الباب
كتله تريد جاي
كال ريام فتهمتي كلامي لولا
هزيت راسي لا
كال ....
نومي الحهال وتعاي احاجيج ......
ماذكر شلون كملتت شغلي بس جنت احس بالم حيرة ضياااااع ماله قرار.....
صعب عشر سنوات واطفال 2 ينمحون بيوم ولليله
ماكدر اركز بشي
اخذتهم لفراشهم
يلا ماما نامو
ماما بيج شي هم بابا مبجيج ...
لا حبيبي ابراهيم ماكو شي بس ماما تعبانه اليوم
اروح اني..نامو ارتاحو ...
ماما بابا شجاب النا ..
كتلهم اشياء تخبل بس نامو هية ...
ولا طلعون ابد من الغرفه ...
زين ..
وكفت وطفيت الضوة وطلعت

من غرفتي
رحت بخوف اريد اوصل للهول ماكدر بيتي جان كلش صغير اطلع من الغرفه بوجهي يصير الهول جنت قاسمته جزئين
جزء بي تخم وجزء بي ميز طعام صغير ...
هو كاعد بالجزء الثاني
رحت كعدت وهو كاعد بعيد عني
ويفرك بايدة كال
ريماااا
كتله قبل كل شي اسامه اني احبك فكر قبل

كل شي
كال ريما تريدين الصدك لو الكذب
سكتت
كتله
الكذب ماريد صدك واتاذة
كال ماريد
كمت كعدت يم رجله ورفعت راسي اله
اسامه اعرف اني مقصرة وياك والله وحقك بكل شي حتى بسالفه الورث حقك واني كلت الهم بس ميفيد
بيهم هسة باقي الورث اجيبه الك
واني راح ارتب نفسي مابقى هيج صح والله وحقك بكل شي طلباتنا هوايه ...
واني هملت نفسي مو مثل الاول ..
وجريت ايدة بستها ..
جرها ...
رياااام ليش جاي صعبيها علينا
اسامة لان هي صعبه ا
افهمينييييييييييييييييييي يييييي ماترهم حياتنا بعد
اريد سبب حتى ارتاح
ماكو سبب
اسامة ابوس ايدك جاي تموتني هيج شنو ذنبي كووووووووولي
بشنو قصرت
كام من يمي غراض البيت كلها اخذيها وغايبج يوصل وماريد سالفه محاكم اطول
اسامة مداصدك شبيك ..ترة ماكو هيج ...
كافي شبيج شكد تلحين
بس كولي شقصرت
وشنو الغلط الي صار مني وشنو الي سويته وياك

سكت وسكوت طول....

وانتهى كل شي بدون سبب وماعرف شنو ذنبي جان وشنو غلطي .......
حاولت مرات هوايه ارجعه مو ضعف.......
ولا مذلة ماريد اخسر حياه كامله صعب احساسي .....
سافر من جديد بدون خبر.....
ولا عنوان بقيت مدة طويله عيني ع الشباك وارجع ع الباب
ايييييي اني ضعيفه
انيييي صنعته بحبي واهتمامي وخوفي
اني كبرته عليه
ايام طويله ماعرف اني عايشة او لا الي اعرفه
ايام كبرتي سنين.....
وايام اخذت مني روحي ...
عزلت نفسي عن كل شي ومحد يعرف
شنو الي صار بيه لا اهلي ولا شي......
جنت انتظر يرجع يعقل يتغير شي بس....
اختفى اسامه.......
صعب اواجهه اهلي واكلهم خاصة من ردت الورث اخواني عارضوا بس جنت مصرة اخذة
واخويه كال ريما اذا ورثج 20 انطيج عشرة بس والباقي مضموم يمي ......

مرات افكر بايامي ويا ردت شي حتى اكول حقه ماكو
ايام طويله اوكف كدام المرايا اسال نفسي شنو بيه نقص وين العيب الي بيه ووووووووووووووووووووووينه ......

كعدت اذكر كلمه كلمه موقف موقف بس مالكيت شي
كل ما يتصلون اهلي بيه
جوابي يكون بخير والحمدلله
ومحد يجيني لان اخواني ميحبون اسامة
خابرت اخو اسامة الجبير
جان الرد ابرد من ما توقعت منعرف شي عنه
لكن تفاجئت اتصال بليل اجاني من مرت حمايه كالت
اسامة مسافر وعندة علاقه وي وحدة عربيه ووحجي هوايه والعلاقه الها جذور طويله من سنه او اكثر واني مادري ولا حسيت بشي
يمكن غباء مني هذا
لو ثقه عاليه
لو شنو
وصلت مرحله الف دينار ماكو بالبيت .....
ناكل هالموجود والموجود بدة يخلص
جنت انهزم من كلمه انتي السبب
وادور شنو الي ناقصني ...

وجهالي بدون مدرسة وكعدتهم
بالبيت ايام صعبه عليه جانت
والقادم اسوء من ماظنيت
بين اهلي
والوووم والعتاب اصبع الاتهام جان متوجهه عليه
اذكر جانت دنيا لليل ساعه
ب 9 كاعدة يم الباب اتامل صوت سويجه لو صوت رجله الجياسة
اي شي منه
اندكت الباب
كمت ع حيلي فتحتها محد يجيني بس هو
شفت صهيب كدامي وايمن
دخلو للبيت
وينه هذا الحيوان
ساكته
يله لمي غراضج وامشي ويانه شتنتظرين هنا
ساكته ماعرف شجاوب
عاط بيه يله
تحركي وكام يحجي ع اسامة واهله ومو صوجه صوجنا احنا انطيناه مرة وسويناه ادمي بفلوسنا وانتي وانتي وانتي
جنت ميته وتتحرك
لميت غراضي اني والجهال وطلعت من البيت عرفت بيتي انهجم وانتظرت هوايه بس انتظاري ماثمر شي ....

باعني بارخص الاسعار ......
بلاشيئ انتهى كل شي بينا......
وهبني ...للمجهول ...
وصلت للبيت
والطريق كله جهالي بحظني ويبجون ويسالون شنو شكو وين ماعرف شنو جوابي يكون....
حسيت فوك الخذلان بالانكسار ..

دخلت للبيت كعدت ع الكرويته قبل كل شي صهيب كال كله منج انتي متعرفين تصرفين ميته عليه مووووت لا بقى عندج ذهب ولا فلوس حتى ورثج اخذة
هم كولي ابو جهااااالي كووولي
غبيه متعرفين تصرفين تستاهلين الي بي انتي حتى اتوبين بعد
وينه هسة
وفوك هذا كله من الغربه اسمع اختكم وحدها بالبيت ورجلها عافها
كام يعيييييط دماغج ووووين غبيه مغفله حتى فلوس الورث متحصليها
القانون لا يحمي المغفلين .....

امي وكفت بوجه
كالت اله كافي اسكت مو غبيه كول بنت اوادم ورادت تبني بيتها مو تهدمه
ممتعلمه فنون ومكرررر نسوان ربيتها ع الطيبه
محد يحجي حجي زايد
....
الكلام اشبهه بسيوف تخترق كل جسمي
وماكدر احجي شي ...
السكوت جان جوابي لكل سؤال ...مبهم ...
جرت ايام مابين اهله وتهديد ومشاكل وحجي ومحاكم ووهوسة
صفت اخر شي الطلاك
وطلكت منه...وماعرف ليش ...

ايام طويله صعب اذكرها واصعب شي التعب الي تعبته يرووح ...
وستين عنري وشبابي تتجازة بهجر ..ونكران ...
وتتفضل وحدة عليه واني اطلع منها صفر
العجيب سامعه بالخيانه اشكال بس حتى جهاله ميريدهم ابد
ابد ولا سال عليهم كل شي هان بين يوم ولليله وانتهى وراح ولا حصلت غايب ولا رجع ورثي
حصلت جرح صعب انساه او اتناسه
مدة طويله يلا كدرت اصحى ع نفسي واعرف اني جدا مغفله ويا جنت ...
وكدرت الم نفسي شويه شويه
وفتحت مشروعي الصغير
بيتنا جبير جان يطل ع منطقتين
كدرت

اخذ جزء من الجهه الثانيه وابنيها وبديت مشواري من جديد وحدي بدون عطف ومساعدة احد
هاي الافكار والذكريات ضيفه يوميه الي
يمكن شغلي طلعني شويه من واقعي
ومرض امي هم ساعدني
مع العلم زواجي من اسامه زواج تقليدي حان لا حب ولا شي بس حبيته ..وصنتة ..
وبكد الحب والذل كرهته وكرهت نفسي
اكثر...ويا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,
كملت شغلي مجان اكو طلبات هوايه بيومها غير من الجيران كم قطعه وكعدت حضرت لشغل ثاني يوم
حتى لا اتعب بي زايد
وجان عدنا عرس جيرنا الاسبوع الجاي ورادو اارتب الهم الحفله والكيك
فماريد اتعب اكثر وجايني تعب
الظهر عزلت المحل وطلعت وصلت ايناس وجنت كلش تعبانه و نعسانه ...ومنتوترة
وطلعت للمدرسة اخذت اطفالي
مجرد ما الذكريات تمر ع ابالي احس حياتي عبارة عن نفاخه فارغه واني بنصها والكل شي يحاوطني مرايا
واباع ع نفسي بيها وادور الف حجة بروحي....
حتى الوم نفسي بيها ...
يمكن ارتاح ..
يمكن احس بنقص ..
....
اخذت الجهال وجان واضح عليه الارهاق والتعب
واطفالي حسو عليه شبيج
ماما
مابيه شي حبايب
ماما طلعينا صار هوايه مطالعين
وين تريدون نطلع
للملاعيييب
ي باجر جمعه
اطلعكم حبايبي
اليوم تعبانه راح ارجع انام ومارجع للشغل بعد
يعني تسهرين ويانه
ايييييييي ..نسهر ..اليوم ونسوي شوي بالحديقه ..
حسيت بالفرح ..
حمدت الله عوضني بيهم ..
رغم اطفالي هادئين بس حساسين وخاصة ابراخيم
اي شي يصير ..يتوعد لابو ..
ايام طويله جنت ابجي ..
واحسة ع صوت البجي مالتي هو هم يبجي ...
ويكول ..بس اكبر ..اني اخذ حقج منه ..
ولو بيدي اشيل اسمه من اسمي
واخلص منه ..
هم السبب الوحيد الي رجع الي القوة ..ورجعني لحياتي من جديد ...
حركت السيارة
بحركتي شفت ابو السيارة العاليه فات من يمي بس مركزت بي ولا ردت اركز
الي بيه كافي ووافي وشافي ...
فكري مو يم احد فكري بذاك الصبح الي رجع من سفرة اسامه ...
ضلتت اترن براسي.....
كلمه اريد اعيش اريد اعيش مجنت عايش وياج
ثواني
داطلع الشارع واستدار
ماحس الا سيارة صارت بوجهي اريد الزم ريك
رجلي راحت ع البانزين وبكل قوة ضربته
وضربني راسي انركع بلستيرن
واطفالي يصرخون اسمع كلام بس اريد اركز ماعرف شنو دقايق هي مواكثر
انداريت ع اطفالي شفتهم مابيهم شي
فتحت الباب
نزلت والعالم تحجي الله الله ..
حمدلله ع سلامتكم ...
فدوة الكم ...
مديت راسي ع جهالي وفتحت الباب بديت اكلب بيهم وجهم ادديهم ماما بيكم شي
احجو
لا مابينه
ميمي يوجعج شي
لا ماما وتبجي
جان صاحب السيارة الثانيه عيط...ويكمز ..
باوعت عليه وقصير ..وكرشه عالي واكرع ..لابس تيشرت مخطط وبجامه سودة وشحاطه نص رجله طالعه منها
بصوت عالي ..كال
اللله اكبر عليج اني سايق بيها.....
موكد السياقه شجابرج سوقين اني بلا وعي بس ابجي
ماعرف شسوي ...
وكانما ادموعي تريد حجة حتى بس تنزل كتله
مشفتك والله اسفه اني ..
اباوع سيارتي مو ضربتها قوية بس هو سيارته البجم متفلش
الله لا ينطيج غير تلزمين بريك عالم تحجي ماعرف مين طلعت وجهالي تبجي واني غصيت بجي اكثر
بس اريدة يسكت
مستمر ويعيط
اريد مخطط اريد مرور هسة اني سايق ياعالم ويضرب ع راسه صاحبها راح يسجني والله ..
احس واحد واكف يمي كال
مو كتلج متعرفين سوقين
انداريت عليه رفعت راسي ومسحت جهي بالكلينكس

هو المستفز

ابتسم بوجهي ابتسامه باردة
معرفت اجاوبه
كال حليها ...يلا ..
بجيت كتله مشفته ...
كال لا متعرفين سوقين ..وابتسم ومشى ..
جان لابس بنطرون اسودقماش ..وقميص ابيض ..

راح وكف يمه مدري شحجة ويا وطلع من جيبه هويه اوباج وهذاك
يحجي ويعيط وياشر
رحت مشيت يمهم
كال الرجال الي ضربته
هنه ناقصات عقل هنه مال سيارة بربك حدهن بيت وشغل
وكفت بصفه كتله هسى الي تريدة شنو الي تريدة اخسرة
بصفي المستفز ابتسم كله الي
كال ممكن سكتين ...
كله ..
.... شو مجاي تفهم انت داكولك الحرمه جارتنا واعرفها وهذا رقمي ونتفاهم ع الاضرار ليش ماتعرف تحجي ....
كال ياخي سايق بيها ...

كله مو زلمه جاي احجي وياك لا تربط نسوان ويانه ...
هذا هو بلا حجي زايد ...اتوكل بالله وسهله ..

اندار عليه ...
كال يكدر يسجنج هسة ..ويهز راسه اي ..
يحجي ويايه بكل هدوء وبصوت ناصي ...
ساكتة
كال وينه لسانج شو كاضيتها دموع
باوعت عليه بجيت اكثر
كال روووحي اصعدي بسيارتج وكل شي سهل وابتسم كل برود وهدوء

مشيت خطوات وصلت لسيارة صعدت بيها ..اخذت نفس،عميق ...
انداريت ع الجهال ماما لا تخافون سهله حبايبي
شغلتها السيارة بس لشتي كلها ترجف اريد اسيطر ع جسمي ماكدر
شفت الرجال راح
المستفز اجه قريب يمي
اباوع عليه
تقرب من السيارة
دنج كال هذا رقم المتضرر والصوج منج
دار وجهه باوع ورجع حجة كال خلي رجلج يحاجي محلوة بحقج هاي
هزيت راسي ايي
اشكرك
وارجع واكول متعرفين اتسوقين كعدي بالبيت افضل ...
ولفي دولمه ..سوي طرشي

..ولا تسوقين وتتعاركين وي العالم ....
حمدلله ع سلامتكم ...
ابتسم و
وكف نزل المناظر وعدل اهدومه ومشى

[ملكةه]

عرين النار ...
ج 4
ماذا لو نتبادل الاماكن انت تنتظرني
وانا لا اعود

.................................................. .
مشى من يمي............عبر سيارتين رجع
اني بعدني كاعدة وتعبت من البجي احس نص حيلي انهد
رجع وكف يم الجامه..بدون ما اشر الي
..نزلتها
مد راسه احس كلبي رجف حسيت راح يهيني كدام اطفالي
مثل الي سويته بي ...
كال ...
رقمي يمج اذا تريدين سمكري ......
هزيت راسي اي جنت ارجف واحس رجلي اطكطك من الفزة والخوف بنتي ضلت تبجي ماما رجعينا للبيت
نزلت من السيارة
كتله ابوليث اشكرك
رجع عني وكف بسد الحايط
وكفت كباله كال
ابوسبع واسمي ليث...
ايييييييي وسنوني اصك ...
اني ماعرف شلون اشكر منك واندار ع جهالي
كتله اني ريام ام ابراهيم واعتذر ...
منك عن موقفي الي صار مني
بس حياه امراه مو بس طرشي و دولمه ابو سبع
باوع عليه ابتسم...
كال لا زوجج واثق منج ومن شكلج الرجولي لهذا معتمد عليج..
فكيت حلكي وعيوني ..
وداخلي يكول اني شكلي رجولي ...
مكدرت اجاوب ..
كال اعتذارج مقبول بس من اول كتلج متعرفين تسوقين ..
بس توقعتج راح تهدين برجال ماظنيت هالكد فقيرة
بقيت اباوع عليه ..
جتفت ايدي..اخذت حسرة ..
المهم اشكرك ..ع كل شي
وعفته وصعدت بسيارة
رجعت بك ومشيت
مشيت واحس نفسي كلش تعبانه والتعب فوكاه ارهاق
وصلنا للبيت صعدت السيارة
كتلهم ماما
متحجون لاي احد لا بيبي ولاشي
ابراهيم , ليش ماما
انداريت عليه
اول شي بيبي مريضة ومابيه اسمع انتي وانتي
ميمي ماوصي بعد
لا ماما
نزلت فتحت الكراج رفعت راسي اباوع عليهم وهمه بسيارة حمدت ربي الله طلعنا منها سلامات
لو صاير بيهم شي اني شنو يصير بيه ..
لو داعمه واحد وميت صدك شسوي ...
طولت بوكفتي نزلو من السيارة
شكو ماما
ماكو شي يلا طبو ومثل ما فهمتكم
طببت السيارة وطبيت للبيت
امي ,,,,,, تاخرتو شكو ؟
ماكو شي ماما بس اشترينا غراض
اندارت عليه وينها الغراض
ابراهيم كاعد بالكاع ينزع حذائة كال بيبي من المكتبه
هااااااا
اني كلت اي من المكتبه وطبيت جوة واحجي بس ابدل احضر الغدة
رحت لغرفتي يلا ماما بدلو بسرعه
نتغدى اسمع امي تكول ريما ريما
ما ترجعين لشغلج
مديت راسي من الغرفه لاااااااا
وكملت تبديل هدومي
داطلع شفتها بوجهي شكو شصاير تاخرتي وشكللكم مدري شبي وشغل مترحين
ماكو شي وحت دفعتها بحضنه
واخذتها للمطبخ
وبديت احمي الاكل
وتسولف الي وتحاول اجر لساني ...
اعرفها تحب سوالف الجيران
كتلها شوكت عرس ابن ام سعد,,
اسبوع الجاي وانتي ترتبين العرس ترة بالحديقه يسوها ماشاء الله حديقتهم جبيرة ونفهه
اي؟ سهله
خلي يجون ونتفق ع الاسعار
فتحت عيونها علية يمه عيب جيران هذولي
جنت اصب بالاكل واخلي ع الميز
كتلها شنو يعني ماما
كالت واجب مال عرس
ماما والله تعب شنو العيب والواجب
خليت الاكل كدامها ...
كالت هنه تولات وخرز. ووردات وتعليكيهن
هم صح سهله يوم بس الكيك ماكدر
كالت لا عيب تريدين ذبيني بحلكهم
شذبج بحالكهم ماما هذا شغل وتعب واني شعندي لوما ورث ابوية اني حجله ماعندي
موسيارة وشغل
لعد شلون كتلهم اني واجبنا ريما
لا تكملين فدوة ضغطي علك
ورحت من يمها الجهال خنسو
بيت اهلي كلش جبير 600 متر
من تقسم الورث طلعنا اني واياها حصتنا من البيت بنينه ورممنه مشتمل والمحل بظهرهه بغير فرع والباقي اتقسم وانباع
اني الي غرفه جوة ارضيه وامي بصفي ينامون يمها الجهال خليت الهم جربايه ام طابقين وامي جربايه
ومنور وهول واستقبال صغير ةمطبخ وكراج وحديقه شي مرتب وحلو الحمدلله لوما ورث ابوية ماعرف شنو حالي اني والجهال

يبقى اكو احساس فارغ مو مثل بيتي
صح تحبنا امي وتحب جهالي بس هم مرات اسمع كلمه كلمتين اطلع اروحح بس بديت اتعود ع كل شي الحلو والمر
وخاصه من صهيب دائما يحسسني اني مافتهم
وحقه تعب ابويه راح للغريب
مشيت من المنور جنت فارشته
طبيت لغرفه الجهال هدووء
الكاع كلها هدوم جواريب
رفعت راسي نايمين الجهال
رحت تقربت منهم
ماما يلا الاكل صار
ميمي كالت نعسانه
برهوم كام كال ماما
ها حبيبي كوم اكل
ماما ليش هوايه تبجين ؟؟؟
احساس صعب حييل طفل وابداخله رجال صغير ويريد يعرف كل شي
كمت الم بالغراض كال وهذا ابو السيارة لوما قافلتها انتي اروح اضربه واكسر راسه وهذا ابو الطرشي شايف نفسة علينا ليش ماما
كوة بلعت ريكي
كعدت يمه برهوم ماما لا تستعجل تكبر وتعرف العالم شنو
كال اني جبير غيري يشتغل ماما
حضني كال اني اموت من اشوفج تبجين ماما ماعرف شحس واكرهه بابا اكثر
حبيبي
حضنته اكثر سمعته يبجي
كتله ماما احنا الله خالقنه نبجي بسرعه ...مو مثلكم ..
وخر مسح دموعه كال اكبر وماخلي احد ياذيج...
معرفت اكول شي غير طبعت بوسه ع خدة ودعيت الله لا يحرمني منكم يلا كوم ناكل هسة تجينا عاليه خانم كوم
وكمت اشاقه ويا وادغدغ بي
كال وميمي ؟
عوفها نايمه حبيبي
رحنا اكلنا جنت تعبانه حييييييييييييل
اريد انام حتى اشوف ويامن اتفق

ع التصليح اكلت لكمه
وطبيت لغرفتي باردة ثلج جانت
سديت الباب
وكفت كبال المرايا
اباوع وجهي شكد تعبان عيوني رايحه من التعب
كعدت امسح المكياج
بقيت صافنه اصلا ماحط مكياج
مديت ايدي ترجف اظافر ممرتبه
كمت وكفت اباوع جسمي
ضجت اكثر اني هامله نفسي
ضجت ورحت بالفراش لفلفت روحي ثواني اودقائق فصلت
احس ابرد اكثر
فتحت عيوني الغرفه ضلمه حيييل
جريت الفون الساعه 7 اريد اعرف صبح لليل مادري
كمت مكسرة اكثر
جريت روحي من الفراش كوة
فتحت الباب وطلعت رحت للمطبخ مرتب ونظيف
وكفت غسلت وجهي
جنت جوعانه وكفت ع الطباخ اكو ماعون بي تمن ومركه فتحت المجر اخذت خاشوكه وكعدت اكل احس راسي يوجعني وتعبانه
اكلت
واخذت الماعون وكمت ادور ع اهلي وينهم فتحت غرفه امي
ماكو احد
رحت للهول ماكو
للصاله هم نفس الشي
صحت ماما ابراهيم ميمي
محد جاوب والبيت هادئ
خاف بالحديقة معقوله بس باردة
لبست لفاف وفتحت الباب وطلعت للحديقه اباوع ماكو احد هذولي وين راحو ياربي
معقوله اخذتهم للسوك او عند الجيران بيت ام سعد
رحت فتحت الباب بيت ام سعد مقابيل بابنا
يصيرون
مشيت وكفت بلباب ودكيت الجرس جان الجوووو بارد والشارع اظلم عيني ع بابنا وع بيت ام سعد كل شويه ارفع رجلي واريد اشوف احد بالمطبخ
سمعت صوت رجلين
عدلت روحي
طلعتلي بنتهم سلمت عليه
كتلها امي والجهال يمكم
كالت اي تعاي طبي سوينه شلغم ودبس
ودزينه عليكم
كتلها والجهال
كالت يلعبون ماكو شي تعاي فوتي
لا حبي اروح احضر العشا تاخرت ودزيلي الجهال
لاااااا الا طبين وتاكلين شلغم
بقت تلح عليه
طبيت وصلت للباب ...ريحه الشلغم ..بخشمي ..واني اكرهه ماحبه ...ذبيت شحاطتي وفتت
امي كاعدة وام سعد يمهم وجنتهم

طبيت سلمت وكعدت يم امي
كالت ام سعد
شلونج ريما لا تجين ولا تسالين
كتاها خاله والله ملتهيه بشغلي وتعب
شاورت امي الجهال وين
كالت جوة يلعبون اتاري واسمع صوتهم
قدمتلي بنتهم مها كاسه شلغم اني ماحبه ابد
لزمته بايدي وبقيت ابتسم بالوجوة
ام سعد كالت هذا منعول الصفحة شخبارة
باوعت عليه وعلامه تعجب ؟؟؟؟؟؟
رجلج ..
هاااا ماعرف
امي كالت والله يام سعد هذا يوم وذاك يوم جنه مصدك عافهم الف ميدز
شنو الف سؤال ميسال ..
اي خطيه مطلكه ..

كامت امي ترفع وام سعد تكبس اني تعبانه وريحة الشلغم ادك بخشمي
وكعدت كبال الصوبه ..وحرارتها بوجهي ..

حسيت نفسي كامت تلعب ومعدتي تكلب
كمت رجعت الماعون
كتلهم
نسيت الباب مفتوح وصح البيت عفته
وصحت ع الجهال اجوي
اخذتهم وطلعت
طبيت للبيت ماما جنه نلعب ليش رجعتينه
وضلو يحجون براسي انريد اكس بوكس
ونريد ..نطلع ضايجين مطلعينا
ماماما نطلع نطب نروح نرجع طلبات لا تنتهي
كافي ماسمع ولا كلمه شنوووووووووووووو شريد اصير اني اليوم من وراكم اندعمت السيارة اششششششششششش
باجر لازم اصلحها مدار س وملازم واكل وشرب والبس واني وحدي شريد اصير
.يلا روحووووووووووو من يمي
ماشوف احد
دخلت امي واني معصبه حيييل
من كل شي كمت اخذت كلاص
وكفت يم البراد
ترسته مي وانداريت
مطلقة ؟؟؟؟؟؟؟؟؟؟؟؟؟؟؟؟؟؟؟؟؟؟
وكانما فد عاهه ع المجتمع يامي
كالت لا يمه شكد حساسة بس غير تحبج وتسال عليج
تحبني ع راسي تكولي مطلقه ومطلقه لااااااااااااااا
مو مطلقه اني اني مطلقه حظ وبخت
كااااااااافي يامي
هاي شبيج ريام تعاي يمعودة
ام سعد اشاقيج وصلت لنص الممر
رجعت اشاقيني اهااااااااااااا مو جاهله اني وتشاقيني يامي
المهم
شراح تتعشون
كالت ماريد اكلت شغم كومه
جنت متنرفزة
وكتلها اني ماحب الشلغم اموت منه تكولين اكلي ليش
كالت اهووووووو وعافتني وراحت ..
رجعت للمطبخ هذا مكاني اني اخدم واسوي واجهز واحضر
وكفت اسوي عشا مرات الانسان يحس
نفسة لاشيئ بكون جبير
ويسال منو اني
وشوكت اعيش
ايييييي شوكت اعيش
شميت ريحه الاكل لجعت ..

ايييييي شوكت اعيش
شميت ريحه الاكل لجعت
شلت الطاوة انجويت ووكعت من ايدي بالكاع
وطفر الزيت بكل مكان والاكل هم
بالحضة هاي بقيت جامدة ومداحس بشي اكو حرارة ع رجلي بس مداحس بيها
ثواني
وحسيت بحركه اباع اصابيعي كلها دهن ركضت غسلتها بمي بارد ...
اباع الكاع كلها ..

وومثل كل مرة وكل يوم اسهل تعبير عن الفرح والحزن الي الدموع
ماعرف ليش جنت ابجي من الالم لو ع نفسي
كعدت وامي ضلت تخليلي دهن
واني امسح بدموعي
والجهال مسحو الكاع
وكالو ناكل جاي وجبن
ماما متوجعه
هزيت راسي لا

لعد ليش تبجين بعد منصيح عليج مو ابراهيم ومنريد العاب مووو
ابراهيم يكولها اي عدنا تاب
وترجع ميمي تكول
يييي وهنا نلعب ونحمل مو ابراهيم
رغم البراءة يحاولون يواسوني ..
امسح دموعي
مسحتها وكمت
امشي
وحضرت الهم اكل وبقيت كاعدة وياهم يم امي رغم الالم بس اسولف واحجي
وهناك اذكرت السيارة
الي دعمتها شسوي يالله
اخابر ع صهيب
لاااااااااااااااا ياكل روحي
اخابر ع ايمن ايييييي
افكر وعيني ع الجهال وامي تصيح سكتو دنسمع اسكتو خل نفهم
شصار
ولج ريما السلطان راح يزوج هويااا

م
انداريت عليها
كتلها ع الخير
صفنت عليه
كالت يمه مسلسل
ابتسمت الها وضحكت
وكمت من يمها طبيت للغرفه
طلعت فوني
ايناس متصله بيه
اكثر من مرة

كعدت وعكفت رجلي وانفخ ع رجلي احس روحي بيها
دكيت
جاوبت
هلو وينج يمعودة ضل بالي
كتلها اسكتي اشكال صارت االيوم
شكووووووووو
مو دعمت واحد
يمه اسم الرحمن مات
لا ولج دعمت سيارته وحجيت الها الي صار وكتلها باجر ماطلع حبي..
يااااا عدج طلبيات

واني مومال وحدي ...
كتلها باعي خابري ع هدى وخلي تجي يمج هم شغلها مرتب
هدى كرايب ايناس هم تشتغل بالكيك ومن يصر عدنا شغل ندز عليها
كالت سهله
وبقيت اسولف وياها ونسيت سالفه الدعمه
طبو الجهال يردون ينامون
ليش ساعه بيش
بالوحدة
اباوع ع الساعه صح عدة الوكت واني سوالف
كمت بسرعه نومتهم
وشفت امي نايمه ..
والغرفه بيها حفله ..كمت الم بالغراض وارتبها ..
وطفيت ..الضوة
وطلعت للغرفه
شغلت التلفزيون واكلب هناك واذكرت
بس الوكت مشى مو مال اخابر ايمن
مكدرت انام وكلت بالننهار اخابرة
احسن شي ..
وهم اخابر ..ع
ايناس..اوصيها ..ع المحل ..
ايناس اكثر من اخت
هي نفسي اني اقرب انسان الي يمكن اكو اشياء استحي احجيها لروحي الكه نفسي اكولها الها ..بدون تردد ..
تعرفت عليها بصدفه
تعرفت عليها من موقع نت
وجنه داخلين بنقاش
قويي عن الرجل والخيانه
بعدها عرفتها نفس منطقتي وعرفت جانت ويايه بنفس المدرسة بس اكبرمني هي بسنتين
والها قصة
متعبه اكثر مني
بديت انعس
ونمت واني افكار براسي صاحيه
كمت الصبح قبل الكل بدلت وطلعت
اتتصلت بلرجال الي ضربته
جاوب
سلمت عليه
مبين من صوته نايم
كال منو وياي كتله اني الي صار الحادث البارحة
هو سمع وبدة
جهالي بدون عشا نامو
وابو السيارة راح ياخذها مني
وضل نفس الونه
كتله وين تحب نلتقي...
واخذك ع صاحبي يصلحها
كال اليوم جمعه
شنوووووووووووو؟ولا ابالي ..شلون هسة ..
ي جمعه ذكرت صح جمعه
هوف وتالي
كال مو مشكله صاحبي شغله مرتب
هسة ابدل واجيج
وين صاحبك
بشيخ عمر
كتله العالم معزله
لااااااا ميعزل
خليها باجر
والله ضريني واني واني
اف
اني هم ملزومه بشغل
كتله اوك اخذت العنوان ورحت
وصلت لمكان
وانتظرته اتصل بيه وينج كتله اني براس الشارع
كال فوتي بالفرع
ترددت بالبدايه لان المحلات معزله
وتخوف بس دهن ووسخ بشوراع ..
بعدين عادنت نفسي وكلت ليش اخاف اني قويه
فتت وصلت لنهايه الشارع اكو صبه والشارع مسدود بس قبلها اكو محلين مفتحين
وكفت طلعلي بكرشه ونفس هدومه يمكن نايم بيها
نزلت وسلمت وطلع الي رجال وبدة يحجيلي ع الضربه ةشكد يكلف تصليحها بس انصدمت بسعر الي طالبه يعني هي سيارات ايرانيه وغراضها متوفرة
متحتاج هيج شي
رفضت وكتله باجر نروح للي اعرفه
كال هو انتي حرمه شمفهمج
جان اسلوبه حيل مزعج
كتله هذا الموجود الي عندي كلته مرة رجال بكيقك
كال ضريتيني الله لا يوفقج غيري يكاموج رجلي توجعني ريكي يابس يمكن صار بيه سكر
حجي هوايه وابو المحل يأيد كلامه
حسيت نفسي بين قفاصه
كتلهم اروح ادز رجلي
وباجر يصير خير
ابو السيلرة الي هو ابو هيثم ماسكت لحظه
حسيت نفسي راح انفجر بي
صعدت السيارة وعفتهم وطلعت لصهيب
وصلنت البيت
تعبانه حيل من الهوسى الي صارت
نزلت دكيت الباب
شفتها مزنجله من برة
فتحت الجنطه اتصلت بي
دك دك جاوب
ها ريما
انت وين
اني بيت نسيبي..
شعجب ..؟
معزومين
شوكت ترجع
باجر
اهااا
شكو امي بيها شي
لالا
ماكو شي سلامتك عبالي نتغدة يمكم
كال غير تكولين
مصار شي سلملي
سديته
وصعدت بسيارة
اتصلت بايمن
جاوبني ياهلا
شلونك ايمن
انت وين
والله بالمقر
يوووووووووووو بلبصرة
كال اي شكو
ماكو شي بس شيسرعه رجعت
شغل والله امي بيها شي
لا بس ضايجه
شكو اسامه
لا لا يمعود ماكو شي
عليج الله ماكوشبيك
سديته وماعرف شسوي

رجعت ...وبالطريق نزلت اسوكت ..مخضر للبيت وصمون وجنت اباوع ع العالم ليش المراة مستضعفه ..بمجتمعنتا..
وعليها علامه استفهام ..
ولازم تستغل ..؟؟؟؟

وصلت لللبيت لكيت امي كاعدة ومحضرة ر يوك
وكعدت بينهم
وين جنتي
جبت صمون ومسواك
مر اليوم واني ماعرف شسوي
اتصل بالمستفز لا
خليت رقمه كدامي وكل شويه اريد اتصل واتردد
الا ان حفضت الرقم لان جان كلش سلس اعدادة زوجية متكررة
حرت وتعبت اكثر اشتغل وبالي يم هالبشر
الي تشوف المراة مجرد اداة للبيت وفقط
صار المغرب اجه صهيب يمنا
لان قلق من اتصالي
صار نقاش وكتله الي صار
بس ردة جان كلش مؤذي وتالي وياج انتي تخربين واحنا نصلح
كتله قدر وصار
ومدرسة وهوسه
عصب كال ذبيهم لاهل ابوهم
لو صاير بيهم شي ..
شكول وشحجي اني ..
انتي ضيعتي فلوس ابونه ..
حجايه مني ومنه كبت مشكله
بس جنت اشبهه بالورقه بسرعه تتمزق
داخلي جدا ضعيف وهش ..
روحي ضايعه ..
مابين اهلي ..ووضعي ..

كمت كتله خ.ش ..صهيب ..
رحت للمطبخ احس روحي اختنكت ومابيدي حيله لشي
صدك احس بضعف مو طبيعي ..داخلي وقهر والم ..
عفتهم وطلعت
شغلت السيارة و

مشيت بدون وعي وين راح اروح تلزمني سيطرة
ازدحام امشي وفكري ضايع
مشيت حسيت السيارة تعت اباوع
بانزين خلص
ركنت ع اليمين وشغلت دبل اشارة
جان الليل وظلمه
اباوع يمنا يسرى جول اني وين ياربي ..

فوني وينه ..
دورت ماكو ..
فتحت الجكمكه ..
ماكو ؟؟؟
يالله نسيته ..

لااااااااااااااا ماكو هيج ..
كمت نزلت من السيارة ..
اباوع اكو ضوة بعد اميال عني ..
بس ماكو شي يمي غير ..
الجهه الي بيها اني ..
كشك ..مسدود ..
زبعد عنه ..بمحل مكتوب عليها كرين ..وهي مفلشه
رجعت كعدت بسيارة وشغلت الضوى الداخلي الخوف بروحي...وضياع ..
اريد ارجع للبيت ..ياربي شراح يصير بيه ..
انزل امشي وادور سيطرة ..
وسيارتي اخاف عليها ..
شلون يالله ..شورطت نفسي ..وين عقلي جان ..
فاتت سيارة من يمي ..
مشت ..
ووكفت ورجع بك ع كيف ..
قفلت البوب ..
وكمت ادور شي
وبصفي ..لكيت ..فرجه مال شعر ..
شلتها ولزمتها..
نزلو ولد 2ضوة السيارة مديخليمي اركز..
والخوف ..
ودكات قلبي احسها بدت تخنكني ..

اريد ادور شي حاد ادافع ع نفسي بي ..
زصلو قريب مني ..
جريت الحزام الامان ..
ولزمت القبضه مالته ..
وغمضت عيوني ..

وضليت اترقب
وكف يمي دك الجامه.....

[ملكةه]

عرين النار
ج 5

بقيت ادعي ..يارب طلعني منها ...
وكف بصفي دك الجامه ..
اريد اندار ماكدر ...
جمدت بمكاني ..
اسمع دك الجامه ..مرة ثانيه ..حضرت ايدي ..
وانداريت ..ثواني ..جنت اتخيل بيها كل شي ..
فتحت عيوني ..

اشر الي نزلي الجامه ..هزيت براسي شكو ..
كال خويه محتاجه شي ..
هزيت راسي لا لا ..
تريدين مساعدة بشي ..
باوعت يمنى يسرى ظلمه ودليلها الله ...
جان واحد واكف بصفي ..
والثاني يم البنيد..

ربي شسوي خاف يسولي شي ..
احس جسمي ..تبنج رجلي اريد احركها ماكدر ..

تجرات كتله اريد بانزين ..
فتحت الجامه شويه كتله اريد بانزين سيارتي هنا
وكفت ..وخلص ..
كال سيارتي مينسحب منها بانزين ..
تريدين اوصلج لمكان ..
عندج واير للسحب ..
بقيت صافنه بوحهه ..ماعرف شنو اجاوبة ..الي واكف يمي عشريني ..لابس بنطرون وسترة كابوي ..
والثاني ممبين وجهه ..
كال اختي امي ..ليش خايفه يشهد الله اريد اساعدج ..
تريدين ا وح ...
جانت سيارات تمشي من يمنا ..
نزلت الجامه ع النص ...
كتله اخويه راح يجيب بانزبن ..
كال خوش لعد اذا هيج يمج احد اروح اني ..
كتله خاف يتاخر ..
انطيني بانزين انت ..
كال سيارتي ماينسحب منه ..
خابري اخوج ..وشوفي وين وصل ..
غلط تبقين وحدج هنا .
دنيا تخوف..
وين بيتكم ..
كمت احس بالراحه شويه ...
اتجاهه ..وكلت لو يريد ياذيني جان ..سوة شي ..
رجع كال
ومنو وياج ..
سكتت وخفت ..
تقرب الثاني كال مرحبا ..
كتله اخويه وابن عمي ويابه ..
بس كل واحد راح من جهه .
ضحك كال اسمعي اولا البانزيخانه بعيدة منا هاي وحدة والشغله الثانيه ...
انتي وحدج وخايفه هذاحقج مالومج عليه ..
تريدين الفون تتصلين باحد ..
كولي ..
اني تاخرت ..ولازم اروح ..هاي اخر مساعد. الج وانتي حرة
كتله ..
لا مو وحدي ..
كال ..فونج وين ..
سكتت ..
مد ايدة بجيبه ..
رفعت الجامه بسرعه ..
وبعدت ع الكشن الثاني ..
طلع بايدة الفون ..وضل يباوع عليه
باستغراب ..؟؟؟
رجعت كعدت طبيعي ..
وفتحت اشويه الجامه ..
مد الفون وكال راح ارجع بسيارة انتي اتصلي ابد لا تخافين ..
انطاه الي وراح وكف يم سيارته ..
والثاني جان ..يدخن بس بعيد عني..
فتحت الشاشة مال فون ..
عيني ع الولد وعين ع الفون ..
الفون من رجف ايدي جان يهتز ..
اريد اذكر رقم ماكدر ..
اباوع الساعه ب9..
لا ياربي هسة اهلي كالبين الدنيا ..شكول وشحجي الهم ..
بقيت ادوس ارقام ..
اريد احصر ذاكرتي ع رقم ماكدر ..
ادوس وارجع احذف ..
الولد ..رجع ..وكف يمي ..
كتله ثانيه ماذكر ولا رقم ..
اشر الي ع ساعته ..
دنيا لليل وتاخرت واحنا بشارع ..خارجي ..
بس لحظه ..
ذكرت رقم ليث ..
بس شكوله ..
اكوله تعال ساعدني بمناسبه شنو ..
لا اكوله روح ع اهلي ..
اف هو وين يندل اهلي ..
رجع دك الجامه ..
سجلت الرقم بسرعه ..
ودكيت ..دك دك ..الى ان راديفصل
اسمع الوووو ..
اووف ارتاحيت ..
الووو مرحبا ..
اهلا منو زيايه ..
اني ام ابراهيم ..
اهلا ..
عفيه محتاجتك بخدمه ..
كال امري ..
اني ماعرف وين وسيارتي مابيها بانزين وخايفه وحدي
واكو ولد يمي ..
شنو؟؟؟؟؟؟؟؟؟
تكدر تساعدني ...
لحظه مجاي افهمج عدل ..
رجعت كررت الي صار ..
كال انكيني الولد ..
فتحت الجامه وانطيته اله ..
ضل يحجي واني اباوع وياشر اله..
رجع انطاني الفون ..
الوو..
كلي شعندج بالحصوة ...
شنو ..حصوة ..
مكان بي انتي ...
كال
قفلي البوب وطفي الضوة الداخلي ..وهسة جاي،..
ولا تنزلين ابد لو شيصير ..
ماتاخر ..
فتحت الجامه انطيت الولد الفون ..
وتشكرت منه ...
كال اعتذر منج لازم اروح ..
طفي الضوة الداخلي ..
بس الاشارة شغليها ..
هزيت راسي ..
مع السلامه ..
وراح ..
بقيت وحدي والخوف اكثر بروحي ..من راح الولد ..

وضليت عيوني ادور ع ليث بسيا ات ..
وكل شويه تخطف من يمي سيارة ..

فات ابو سيارة حمل ..
جنت كاعدة ..واقرا ايات .
.
ومغمضه عيوني اخاف حتى افتحها ..

ابو الحمل وكفت سيارته ..

كدام سيارتي ...

نزل منها ..واحد جان ضوة السيارة يعكس هيئه واحد ضخم
بس ممنتبه ع شي ..من الظلام ..

اتقرب من يمي ..وبايدة لايت ..
تقرب اكثر وكف يم البنيد ..وخله ايدة ع السيارة ..
كال سلام عليكم ..منو هنا اكو احد ..
هاي اللحظه جانت مو رعب جانت ..شي كلش مخيف ..
اريد يطلع الوقت ويجي ليث ..بس مامشى الوكت وياية.
تقرب من الجامه ..
باوع عليه ..
ضليت اباوع عليه ..
ثواني ..
صافنه بوجهه وموجهه اللايت بوجهي ..
كال ..
فتحي،الباب ..
ومد ايدة ع اليدة مال باب ..
ويصيح فتحيها بسرعه ..
اني ..
طبيت جوة الكشن ..
واعيط روووح روووح منا ..هسة اخواني جاين روووح
فتحيها يلا ..وكام..يجر بالباب ..
سديت اذاني وكمت اصيح يارب ساعدني ..يارب ..
رووح منا ..
فتحي اساعدج يلا بسرعه ..
داكولج فتحيها لا اكسر الجام ..
ونبرته كامت تعلى اكثرررر...
ثواني صار هدووء ...
اريد افتح عيوني ماكدر ..
اريد ارفع راسي هم ماكدر ..اسمع صوت ..
شخطة مال سيارة ..
صوت..طلقه ..
اني اريد ..اتنفس ماكدر ..
لزمت حلكي حييل وكمت

ابجي بصوت عالي واصرخ ..
اندكت الجامه حييل ريااام فتحي الباب
رياااام ..
ام ابراهم ..
جنت طابه جوة الكشن ومغطيه راسي ..

هاي اني ليث فتحي الباب ..
رفعت راسي ضوة عليه ..
وجهه ع روحه اي هو ..
هاي لحيته ..
كمت ..وفتحت ..
كعدت ..وفتحت السنتر مال باب ..فتحلي الباب ..
كال بيج شي ...
كمت اخذ نفس متكطع ..ومخنوك ..
جرني طلعني ..جان اكز ولد ثاني ويا ..وكف يمنا
وكفت يم ..الباب ووكعت بالكاع ...
ابجي ..ابجي بس ماكو دموع ..
كومي ماكو شي راح كومي لا تخافين ..
راح لسيارته ..
جاب الي مي ..
فتح البطل شربي ..
المي يرجف بايدي ...
شربت شويه ...
غسلي وجهج ..وواكف كبالي .ويباع ع الشارع ..
كال يلا تخوف هنا امشي ..
بصوت ..يرجف وي وين ...
جاوب بعصبيه شنوووووة الوين ..
تبقين هنا لعد ..
لا ..
امشي ..كومي ..ومد الي ايدة ..يلا كومي

مديت ايدي اله وكفني ..
واخذني ..صعدني بسيارته وسد الباب ..
ارتاحي ...
ثواني ...
وراح ..من يمي ..
ورجع عندج واير سحب ..
هزيت راسي لا لا ..
ضل هو والولد مدري شيسون واني صافنه شسويت برةحي يالله
جنت ا رجف وعقلي متشوش ..وباذني صوت ..
افتحي الباب ...
مر الوكت واسمعه يشتغل ..
نعست من الخوف ..
والرهبه الي عشتها ..
مدة واجه صعد ..
..صعد ..

كتله وسيارتي
كال راح نسحبها وي صديقي ..
انطة الي مي و سد الباب ..
وذب سلاح يمي ...مسدس
رفعت راسي عليه ..
شغل سيارته ..ومشى ...
ضل يمشي بينا ..واني ساكته ..بس جانت ملامحه عصبيه
وكلامه هادئ ..
كال ..شجابج هنا ؟؟؟
شغل ..
ابتسم ..شغل ؟؟؟ولعب بشعرهه ..

كال ..انتي منو ؟
شنو ..
انتي منو ..
درت راسي ع الجامه ..سؤاله اني ادور عليه ..
كتله ماعرف ..
بس مو قصدي ..يصير هيج ..
طلعت بشغل وخلص البانزين ..
ريام ...
اكو شي ..
ثالث مرة اشوفج بيها وهي ...
مو قصدي ..
الي داشوفه ذبين نفسج ابلاوي .تكولين موقصدي ..
جان يمشي ابطئ ..
كال ..رجلج وين ..
مسافر ..
اها ...
اهلح ..
موجودين ...
بيها الخير ...
وبقى الطريق ساكت محجى شي ..ابد ...
جنت اباوع ع الشارع ..
وبديت احس بالامان داخل نفسي ..
وراح الخوف مني ..
كتله ..
اني اشكرك ...
لان ساعدتني المرة الثانيه ..
كال ..
اسالي نفسج قبل الشكر لو مجاي شنو مصيرج ..

يعني اول ولد ..خيرين الي اتصلتي منهم اما الباقي
مو كل الناس ..زينبن ..
وانتي وحدج بدون رجال ..
انتبهي ع نفسج واشتغلي عليها اكثر ..
ماعندي معرفه بيج ولا من حقي اسالج ..
بس الخلل بيج ..
اتمنى متوكعين نفسج ابمشاكل اكثر مو كل مرة تسلم الجرة ...

وماظن احد يريد يتححارش بيج اتوقعه طمع بسيارة

بس شنو حالج لو صار هيج ..

معرفت اجاوب جنت ساكته ..ومادري شكول ..

وبشنو ابرر الي صار ..
كال المهم ..انتبهي ع نفسج وين تريدين اوديج

لبيتنا ..
ممكن العنوان ..
جنت استحي اندار عليه واباوع ملامحه ..
بس ..عيوني خطفته اكثر من مرة ...
لحيه والشيب الابيض القليل الي بيها جان ..
بارز ملامحه الهادئة والمستفزو ..
ونضرة عيونه ..
نفس الشي
ركزت بي اكثر .ملابسه الي متناسقه حييل ..
بنطرون اسود ..وبلوزة نيلي ..والساعه .والمحابس..
العطر ..يدل ع انسان ..مثقف ومرتب ..
حتى سيارته ..وترتيبها ..
رغم الهوسه بس اريد اجمع تفاصيل عنه اكثر ..
كتله ..
اني وحدي ..
شنو وحدج .
يعني وحدي وماعرف اصرف ..دائما جنت معصبه وطلعت بالسيارة وخلص البانزين ..
بس هي الضروف تجيني هيج مو اني ..اتعمد ..

ريام ..
كلنا وحدنا بس ..لازم نحكم بتصرفاتنه..
الي دسوي غلط كل تصرفاتج غلط ..
وصلت قريب ع المنطقه ..
اول مرة اصعد وي انسان غريب وماعرفه ..

وماعرف اهلي شنو ردة فعلهم ..ويايه ..
ولا شنو ابرر..
دليته وصلنا يم بيتنا ..
نزلت ..ونزل فك السيارة ...
طلعت امي .
ولج ريام وبنج يمه اخوج راح يدور عليج .وطلعوت الجهال ..
عليه ماما وكفو بصفي ..
بقيت واكفه ماعرف شحجي..
امي ..منو هذا ..
ريام شبيج ..
منو هذا ..
اجه اتقرب وكف يمنا .
مساء الخير حجية ..
هلا يمه ..
سيارة الست ريام عطلت وجبتها لهنا ..
اشكرك عيني متقصر ..
والله متنه بهدومنا عليها ..
غير تخابر غير تحجي ..
كتله اشكرك ..هوايه اني ..
وعفتهم وطبيت جوة ..
كبال للحمام ..
طبيت سبحت ...
اول مرة اريد ابجي بس دموع ماعندي احسها خلصت من عيوني

وعيوني جمدت ..
فتحت الماي الحار ..
وكعدت اذب مي ..ع جسمي وراسي واذكر هيئة
ابو السيارة الحمل ..
واذكر كلام ليث..
وصهيب ..
هناك ..واحس ابرد واذكر اسامه ..
بقيت بالحمام هوايه واني بعدني مسابحه مجرد ماابلل روحي ..
واريد اصحى ..
اسمع صوت ميمي ..
ماما ..
ماما ..
نعم مي ..
تاخرتي وخالو برة ..
هسة طالعه..جيبي الي هدومي ..
ماما ..
كمت فتحت الباب طلعت بس راسي ..ودليتها ع هدومي وسالتها ع خالها معصب لو طبيعي ...
عصبي ..
سديت الباب ..نشفت وجهي ولفيت راسي اباع ع رحي صدك اني شكلي رجولي ..صدك ؟(
اخذت الهدةم من ميمي .
وبدلت وطلعت ..برة ..
اسمع امي ...
عوفها لا تلح وياها ..داكولك. ..سيارتها عطلانه
مالك دخل بيها ..
وس

مع..صوته ..

يحجي بحس عالي ..
متستحي شتريد تسوي بينا ..
وين طالعه ..
وشسوت ..وتالي وياها ..وبتصرفاتها..الغلط ..
من باجر لا سيارة ولا محل ولا اول ولا تالي،..
متعرف تصرف كل شي ييها غلط .
خبلها اسامه عبالك بس هي عافها رجلها ..
يمه ميخالف اختك هاي وبس هالوحدة ..
غلط بغلط ..
اني بالليل اطلع وافرفر وين تروح ..
الله يقبلها تالي واحد غريب جابها ..
بتالي الليل ..
يمه الحياه مو فارغه بس هي بيها ..
لو وحدها ماهتم ..
لا ابالها ام اخ ناس
واكفه باممر ..
تقربت من المطبخ ..
صار بوجي ابراهيم ..
دفعني من بطني ..
وجرني لغرفتي ..
ماما لا ترحين خالو عصبي ..
واذا يشوفج يعصب اكثر ..
اكعد هنا انت واختك ..لا طلعون ابد ..
طلعت ..من يمهم وصلت للمطبخ ..
اسمعه يكولها حياتها. كلها غلط بغلط ..
من اول يوم ازوجت اسامة كل شي بيها غلط ..
وامي تهدي بي ..
طبيت ..
صهيب..شنو الي تريدة بالضبط ..
رفع راسه عليه ..
كال لا سلامتج ماريد شي ..
ضلي انتي خربي واحنا نصللللللح ..
وتالي وياج ..
انتي مو جهاله ام وجبيرة ..بالعمر ..
ومسمعين كلام ليومج هذا وابالج بس انتي ضحيه ..
ومحد ضحيه..
انتي دمرتي نفسح بايدج ..
كعدت كباله ..
من يوم الي تاخذين من امي فلوس وتنطين لاسامه بديتي ضيعين نفسج..
واحجي ومسمعين كلام ورجعتي بعتي ذهب ووكعتي نفسج بدين وتاليهل اخذ ورثج كله وانطيتي اله وتاليها شمرج مثل جيس الزبل
كتله هذا الشي انتهى وراح ..
لا مراح ولليوم انتي باغلاطج مستمرة ..
يوم متعاركه وي عامله يوم ..دعمتي سيارة ..
يوم بايكج ..واحد وهسة ذني الجديدات ..
مالاتج ..
فوك هذا انتي ام الراهي ..
كلمتين اكولها تركين ..الشغل والسيارة ..
وتكعدين هنا ..
وكل شي يوصل الج وخطوط اطفالج ومدرستهم ..
كافي بعد مشاكل ..
يوميه احنا من وراج مهزوزين ..
ومتاكد اطلع منا امي تكول عوفها واختك ..
وتحلفني وانجبر اخضع بس لهنا وبس ..
اجارات توصل وتقاعد ابويه وعيشو ..
مو لازم الشغل والسيارة ..
صهيب ..شبيك ..
كام ..
مابيه شي لهنا كلامي وياج ..
امي تحجي ويا ..
عافنه وطلع ..من البيت ...
انداريت ع امي ..
كالت اشش متحجين شي حقه ..اكعدي واسكتي ..
كم يوم وهو يفك ويرجع ..عادي
اخوتج يحبوج ..وانتي متعرفين تصرفين ..
ماما ...
اسكتي ..ريام..السكر علك عندي ..
ناوشيني الحبوب..
بقيت يمها وصدك تخربطت بس تلاحكت الها بالحبوب ..
والدوة ..
وبقيت كاعدة ..
وماريد اذكر شنو الي مر والي صار بيه..
اليوم ..
وكلت انتظر كم يوم يبرد بيها ..
صهيب وارجع لكل شي ..
اتصل بيه صهيب ..
جاوبته ..
اخذ مني عنوان الرجال الي ضربت سيا ته
وسدة ..
وخابرني ايمن.. وايناس ..
وكتلها لا طلعين منا ليومين ووقفي طلبات ..
ومر اليوم ..
واني ..صدك ماعرف شي بي ..
ولا داعرف شي ..
اني صح ..لو هم الغلط ..
منو الي بينا ..ضحيه ..
منو الي ياذي للثاني ..
الكل يكول انتي السبب ..معقوله التضحيه والحب بين الزوجين يصير ..سبب ...وغلط ..
ومعقوله العمر كله اتحاسب ع شي مر وخلص ..
ولشوكت اني ابقى حبيسة نفسي ..
جنت تعبانه فكر ..عشيتهم ..
وكبيت لغرفتي ..
مددت بفراشي ..
رن جوالي،...
باوعت ع الرقم عرفت
ليث ...
جاوبت ...
مرحبا ....
اهلا ليث
اتمنى مصارت الج مشاكل ..
سكتت ..
والله ليهسة خايفه ..
كال لا تبجين مين خفتي،انتي ..
مدابجي بس مصدومه وتعبانه كال ..
من ايدج والله اني مع المراة بكل شي بس لو عندي انتي
اربطج وماخليج طلعين ...
ليش بلا ..
يححي برود وبصوته الخشن ويضحك
مو اخاف عليج لا
لان انتي واخويه ستار نفس الشكل
بس،تصرفاتج كلها غلط بغلط ....
ستار منو ..؟؟؟
ترة انت صوجك متستحي،وانسان مستفز مالك حقك تحجي ويايه بهالسلوب عود انت رجال جبير
سديتة بوجهه

[ملكةه]

للحكايه بقيه

[نـارڤـين]

خطية ريام

بانتظار التكملة

[ملكةه]

عرين النار
ج 6


الرجل والحب ..في حياه المراة
اشبهه ..بحبل الاعدام ..
في بادئ الامر ..
تضعه كقلادة بخوف حول عنقها ..
بعد مدة ..تبدء بلتردد مابين ..
السقوط والموت او ..البقاء ..معه ..
والاحتفاظ بما تبقى من .كبريائها ..وكيانها
ولكن في النهايه
يكون لها الموت
واشد من الموت ..
هو سكرات ووجع ..الموت ..

...................................

سديته ...
ستار ...اني ستار ..صدك عديم ذووق..وومستفز ..
صوجي اني والله ..

دقيقتين ..وصل الي اشعار رساله ...

جريته ...
مكتوب ..هههههههه اني اسف ستار ...
جنت اشاقه لا اكثر ولا اقل ..
شمرت الفون ...
بصفي وضليت اللعب بشعري وكلش متوترة وضايجه ..
بعدها جريت الفون من جديد ..
ورجعت قريت الرساله ...
ضليت الوب ا وح وارجع بالغرفه فتحت كنتوري ..
نزلت هدوم ..كلها ..
وبديت اكلب بيهن بناطير وبلوزات وستر ..
شنو ستار ..
لعد واحد شيلبس ..
رجعتهم ..
ووكفت كبال المرايا ..
اباوع بشكلي ..
هذا صدك ميستحي شنو الي بيه اني ..
وكال هيج ..
جريت المجر ..
وكعدت امكيج ..واجرب ع روحي اشكال ..
.ارجع امسح وجهي ..
وهكذا كضيتها اكثر من ساعه اني ع هالحال ..
تالي صفنت ع نفسي
معقوله علمود واحد حب يقلل مني هيج اسوي ..
ومهما يكون ميهمني هو عندي الي كافي .
من مشاكل ..
مسحت وجهي ..
ورحت لفراشي ..
وضليت اكلب بالنت .
شي بداخلي يريد يعرف هذا الانسان منو ؟؟:
و ع شنو شايف نفسة امير زمانه ..
سجلت رقمه ع الفيس ..
وطلعت الي صفحته الشخصيه دخلت عليها ..
اكلب بيها..وافتح تعليقاته واشوف ..
شفته مركز ع المنشورات مال تمنميه والتطور ..
وسياسيه هم...
بقيت اكلب بالصور لفتني شي ..
السلاح الي دائما بحزامه واكو صورة ..لابس دشداشة وعكال وسلاحه ..ونشكر العشيره الفلانيه وشيوخها ..
منشور طويل لانتمائه للعشيرة ...
بقيت اكلب بيهن ..لحد ماتعبت ..
وبديت اغفي ..
اسمع صوت رساله ع الماسنجر ..

فتحتها وبعيوني النوم ..
نفضت من مكاني هذا هو ..شدخله هنا ..
فتحتها ..
؟؟؟؟؟؟؟؟؟؟؟؟؟
من تكون انت ..وشنو شغلك ؟؟؟
افكار ابالي هوايه
افتحها لو لا اسوي قبول لو لا بقيت مترددة ونعسانه ..
لا خلي يولي شنو يحجي هيج ويايه ورزلني بسيارة ..
عفتها ونمت ..
كمت ثاني يوم ..
جان صهيب يمنا الصبح ..يمنا وميحجي ويايه ..
واللتهت بالبيت ومر اليوم وعرفت صلح السيارة واخذ من امي فلوس ونطيتها اني ..
انتظرت تبرد السالفه حتى ..ارجع لشغلي ..
بس والله مو عن قصد الي اسوي ..
هي المشاكل تجي يمي وانجبر بيها ..
ضجت وطكت روحي بين الجهال وامي وسوالفه
ع جيرانه ام سعد ..
ويا جابو الغرفه ويانصبو سبلت ..
وكل شويه ..تلبس ربطتها ..وتمشي مثل البطريق ..
وتروح يمهم ..هي والجهال ..
يوم يومين ..
واني كاعدة بالبيت
وكل شويه افتح صفحه ليث واتابع الي ينزله والي
ينشرة ..
فديوم خابرتني ..
ايناس ..
هلو ريمو شلونج قلبي
تمام ..وانتي
ولج طكت روحي بلا شغل ولا شي ...
وجايه طلب مال عيد ميلاد ..هم قطع وهم كيكه رئيسية ..
وطلبت سعر ..كلش زين نعوض ايام الكعدة

ها ريما ..
والله ياانوسة ..عالكه يمي ..
انتظري كم يوم ..
كمت من المطبخ وطبيت للغرفه وسديت الباب
ايناس ..اريد منج شغله ..
شنو ؟؟
اريد تجين اطلعيني من البيت ..
شلون يعني ..
باعي اريد اروح صالون ..بشرتي تعبانه واريد اسوي كم شغله ..
واشتري كم قطعه هدوم بيها حظ هاي الفساتين ..
القصيرة وياها بوت وهيج ..
سكتت كالت شعجب ..
دومج يابنطرون ويا ..لافه شعرج كبايه ..
جنج عبسي من يهجم ..
ولج صدك اني هيجي ..
ضحكت لا اشاقه حبي ..يلا شوكت اجيج ..
باوعت ع الساعه ب 2
بعد وكت..كتلها هسة تكدرين ..
كالت يلا ابدل واجيد ..
وهم نمر ع المحل نشوف الغراض ولج هسة الكريمه..
خربت والنستله ..
وشلون جهزت وجبه وفرحانه ..
كتلها نرجع لان ام سعد عرس ابنها السلطان
ولازم اجهزها ..
كالت سعد منو ..
اخو العريس ..
هاي شبيج ..
مابيه باعي ..خلي انوم الجهال ..
وابدل وتعالي الي ..
سديته منها ..
وكمت ..
رحت امي كاعدة والجهال يلعبون ..
مرات كد مايخربطون البيت اريد اهج ..هالكد ماانظف وراهم
ومرات انقهر لان خطيه حابستهم بالبيت ..

كمت الم واحجي ..
عليهم ضجت طكت روحي بس اشتغل وتالي وياكم ..
ومحبوسة وشغلي راح وتعبي ..
امي نصت التليفزيون واندا ت عليه ..
خيرج ..
رجت يمها ماما ضايجه وطافرة روحي ..
اريد اروح لصالون ..
ريام ..
ماما مو جاهله اني وصهيب ييمنعني من كل شي ..

لا طلعه ولا طبه شنو الي سويته اني ..
لا مسويتي شي بس هذا الي جنه باب ..
وصلج للبيت ..
ريام اني احبح وانتي المدلله مالتي بس غلط وعيب ..
الي تسوي ..واني ماقبل هيج ..
اييي لا تقبلين يامي اني مو جاهله ..
وواعيه و جهالي بطولي ..
لا ريما ..انتي وحدج وغلط ...
هااا الا رجال ..بحياتي مثلا ..
لا مو هيج ..
بس داكولج ..اخوج ميقبل ..
خوش يامي ميقبل بس هو مو سجن ..
واني رايحه ..للصالون ..
ويقبل ميقبل مو بسجن اني ..
ترة مو حاله هاي ..
يلا

ماما ..ابراهيم وميمي ..
نامو ..
اريد اطلع ..
امي ضلت تحجي عليه ..
كتلها رايحه صالون مو طالعه افرفر ياماما...
ونسيتي سالفه ام سعد شلون ..
سكتت كالت اي والله هاي ام سعد شلون ..يمه تاكلنا وتشربنه وتشمرنا رووحي عيني
دباعي عليه ..
روحي لصالون رتبي روحج ومناك مري للمحل جيبي غراضج هنا ..
واشتغلي بيهم ..
وضحكت بوجهي ..
خوش ماما
طبيت لغرفتي ..
اكو اشياء بالعشرين الانسان يتقبلها ..
ويدوس ع نفسه بس من توصل الثلاثين تكوم متتقبلها ابد ..وتحسها صعبه لان كل شي ينضج ..بينا ..
بدلت وكملت وطلعت ..
جتي ايناس ..
طبت ..
حوة ..
هلو وبوستني ..شلونج ..
شو ماكو احد ...
نايمين امشي بسرعه يلا دنطلع ..
طلعت السيارة ..وطلعنا ..
سوة ..
الطريق كله بالي وفكري يم ..ليث ..ماعرف شنو السبب ..
وصلنا للصالون ..
طبيت كابلتني ..
وحدة ..
السلام عليكم ..
ايناس ورايه شافتها ..
وضلت تسلم عليها ..
لان صديقتها ..
ها شعدكم ..
كتلها الي تشوفي سوي ..
جانت سمينه حييل ومدحدحه ..
وشعرها بنفسجي ..
كعدت فتحتت شعري ..
اكصه واصبغه الج ..شقارات ..
هاي شنو وجهج بي تصبغات ..اسويلج سنفرة ..
هاا وشعرج يرادله معالجه ..
واذا تحبين اسوي حواجبج تاتو واخلي الج شامه ..
الا اطلعج منا نانسي عجرم ..
بقيت صافنه عليها ..
وهي سمرا طوخ ..
كالت ها حبيبه شكلتي ..
كالها عوفي الصبغ ..والتاتو والشامه ..
خوش يلا ..
راحت من يمي ..
كتلها ايناس خاف سويني عجرم مو نانسي ..
غمزت الي كالت اسكتي يمعودة ..هي ترتبج ..
اجتني ..
وبدت تشتغل بيه..
مخلت شي مسوته ..
وصلت لشعري كتلها اوكفي ..
وكمت ..الزم الها بس هالكد كصي ..
كل ما تمد المكص اجر روحي ..
واحرة لان صدك احبه لشعري وميهلي اكص منه ..

بس جنت محتاجه اتغير من زمان مو من اليوم ..
لازم اغير بروحي ..
قبلت ادرجة الي ع طوله ..
وشسورته الي ..
احس نفسي شلون الدجاجه الي يشلعون ريشها هيج
حالي وراها يشوها ...
تعبت حييل ..
دخلو بنات اثنين ..وحدة جبيرة بالعمر والثانيه اصغر منها ..
سلمو وكعدو ...
وياهم طفل صغير ..
ضلت ام الصالون تحجي وياهم ..وتستفسر عن شخص منو ماعرف ...
الثانيه شكالت الها ..
كالت هسة انتي شجلبتي بي ..
دعوفي هو لو بي خير ميعوفج ..
شو انتي كلشي مناقصج ..
وجر بشعري حيل من شسورة ..
كتلها عفيه تاذيني هيج ..
حتى الشسوار توجهه ع راسي ..وانجوي واضل رجلي تكمز ..
بس هي ملتهيه وي البنات ..
كالت الها طبه مرض ..بس هي الحقيرة هجامه بيوت ..
اني وايناس بس نسمع ..
ايناس كالت الها شبيج حبيبه ام زين ..
بس تشكين ..
كالت والله ياختي تذكرين هاي العامله الي جنها
ضفدع..ام عيون مبكبكه ..
ايييي
اني فتحت اذاني كلها...
كالت صار سنتين يمي ناكل نشرب سوة ..
واطببها لبيتي ياختي ..
تاليها بيوم ولليله ..تختفي ..
بدون سبب ..
اييييي
كالت هذيج ..
زوجت رجلها ..
اني وخرت راسي منها ..
كتلها محسيتي بي ..
كالت هي لو هو ..
كتلها هو...
كالت لا والله ابد..حياتنا عادية ياختي ..
امي ميحرك كلبي غير سالفه وحدة ..هي حسبتها اعز من اختي والله ..شاخذ لروحي اخذ الها ..
ومغزر بعينها شي ..
بله هو ..رجال والرجال اذا ميخون هذا مو رجال
بس انتي شركتي وصديقتي ..
كتلها وشسويتي ..
كالت طردته من البيت ..
شو كلها براسي دادة ..شسوي بي .الي مايغزر بعينه تعبي
ميت جلاق اضربه ..
رجعت تشتغل ..ورجع بيه ..
نفس الموال ..
ليش يخون الرجال ..ليش ..
جنت اذكر ايام دائما يردد بيها ..
البيت الشغل سوي ..شيلي حطي رتبي درسي
واني اركض ..حتى ارضي ..
ومن اخلي راسي بالليل بصفه ..
اكوله تعبانه
يكولي مو جنتي عماله اطلعين ..
هو انتي كاعدة بالبيت هاي لو تعيشينا شسوين ..
اشتغلي شغلنا واحجي ..
سؤال بخاطري لليوم ..
لو الرجال يعيش حياتنا شيسوي ..؟؟؟
وهم يقبل واحد يكوله انت شمقدم وشمسوي
ويطلعه صفر اليدين ..
شنو ردة فعل ادم ..؟؟؟
يرضى جبروته ..وغرورة يضع حواء دائما بالخلف وهو بالمقدمه
بمقوله
الرجال قوامون على النساء ..

............................

بقت بيه ..ساعات ..
كملت شغلي منها وكمت ...

تحاسبت وياها وطلعنا ..

رجعنا من الصالون ... طبكت يم محل اخذت ملابس... فتت شفت الالوان

جانت دائما الالوان الاخذها ... الرصاصي، البيجي ،الجوزي

هاي الالوان الاحبها ... مماخذه بيوم هيج الوان فاتحه

اخذت فستان تركي طويل لونه وردي فاتح ... واخذت فساتين قصيره مورده ،تنانير قصيره
ويلكات ، بناطير جينز ثلجي ورصاصي وبيجي وحتى احمر

بعدها تسوكت عطور ... واخذت تراكات جديده ، احذيه جنط

امي توها مستلمه تقاعد ابوي....
وكنت دايما اشيل جزء بسيط من ارباح الكيك ......واضمهم للزمن

صرفتهم كلهم... اخر شي بقى كم فلس جبت نمنمات للبيت و ملاعيب للجهال حتى ليكعدون ينكون .... وهم ردت افرحهم بكد ما اني فرحانه

احس وكان كلمته مال انتي ستار

هيجت بيه احاسيس جنت ناسيتهن او متناسيتهن...
هالكلمه هيجت بيه ريام الانثى.

طلعنا من السوك... عيوني تلمع محسيت حتى بالوقت ...

مري

ت ع المحل برجعتي ..
اخذت الكريمه من المجمده ...

وفرغتها بعلب ..وطلعت غراض التزيين والقوالب وصفطتهن

ايدي تشتغل ... وجهي يضحك
وعقلي بغير مكان

طلعت ،،وصلت للسياره تذكرت ناسيه اطفي نقطة المجمده والگلوبات مال العارضه والمحل .... رجعت ركض وايناس تضحك عليه

طفيتهم ورجعت للسياره ،شغلتها وطلعنا ....

نزلت ايناس لبيتهم ورجعت اني للبيت

طبكت السياره ونزلت ... هنا خطر ع بالي صهيب

شلون اذا لكيته جوه ... شاكله ميسمع ابد

بس الحمد لله ملكيت احد بالبيت ...

طبيت لغرفتي وانا فرحانه مثل الجاهل ... شلون من يشتروله هدوم العيد

كل شوي البس شغله وانزع شغله

وفرحانه بشعري حييييييل وافتر داير مداير نفسي

اباوع ع المرايه واصفن ع نفسي ...وابتسم
لو بيدي اكص صورة.. وانزلها ع ع الفيس

حتى يشوف اني صدك ستار...
بس صدك اني
دافنه روحي بالطحين ..والشغل والوم ..روحي ع الحاضر والماضي ..

مر اليوم بفرحه بروحي متنوصف ابد ..
كل شزيه واباوع ع غراضي ..
وانتظر باجر يجي حتى البسها ..

واتمنى يشوفني بيها ..
ستار ..؟؟؟
ماكو غيرك ستار والله ..
اكو كيميا بقربه انجذاب وامان ..
وجودة بيوم الحادث بصفي خلاني ادور ع ريام الي اندفنت من سنين ..
عطرة ..شكله ..نضرته وابتسامته ..
الي ..دائما تكون باستهزاء ..
تركت شي بداخلي اريد اعرفه ..
مثل كل يوم صار ..
هو الي ينتهي لليلي بي واكلب بصفحته
واقرا تعليقاته واتخيل شكله وكلامه ..
غفيت وبايدي الفون ..
احس الفون يدك ..
كمت من نومي ..
جاوبت ..
الووو..
ضحك ..كال ادري عسل بصفحتي ويوميه داخله عليها ؟؟
فزيت من فراشي
منو انت ..
باوعت المتصل..المستفز ..
كتله غلطان ستار ..
ضحك ..لا مغلطان ..وهسة ادزلج دلليل ..
وينة بلا ..
شوفي ..الخاص ..
وشلون اشوف وانت تحجي ويايه ..
سدي وشوفي اذا متعرفين ..
بالاثناء طلعت شفت صورة اني مسويه لايك ع تعليقه وع منشور ..يووو بدون مادري ..
رجعت
كال الوووو
نعم
غلطان ماريد اشوف ولا اشوف ..شي ..
انت ساعدتني بشي ع عيني وراسي
بس مو معناها تقلل من قيمتي وتوصفني برجال

ضحك ...
وشكد اتنرفز من يضحك .
كال والله ..
بظلمه وبضوة الايت الخفيف شواربج اثخن من شورابي ..
سكتت..
ولزمت حلكي ..
كال اوكفي بالله عليج اشاقه ..
ريام..ام لاطفال اثنين منفصله ..وعدها محل للكيك ..
وتعيش وي امها ..والجيران يكولون عليها ..
موطبيعه ..يرجى عدم الاقتراب ويضحك..بصوت عالي ..
صوته خشن وبي بحه ...

كتله كملت كلامك استاذ مستفز ..
سكت ..
هاي اني مستفز
اي نعم انت ..
جدا جدا ..مستفز ..
تقبل اشبهك ..بام الكيمر سهيله ..
ضحك اكثر..
اخ الله ..بويه متت ضحك ..
جريت الفون كبالي واباوع عليه وصوت ضحكته طالعه
وكانما ترج اركان الغرفه كلها ..

كال ..اني كيمر ..
بس مو عريف .ستار .ابو شلتاغ ..

بدون زحمه ترا لا عمرك وهيئتك توحي لهيج
المفروض شويه تثكل ..
سوه احم.. واتنهد ..
كال اسف والله بس حبيت اتمازح وياج ..
حاليا اني ع الحدود العراقيه طريبيل وعندي ..
واجب ..
وحبيت اتلاطف وياج ..
اعتذر ع اسلوبي ..سيدي ..

بس انتي متعرفيني متكدرين تقيميني منو ..اني ومن اكون ..

من تكون ؟؟؟؟

كال الله ذكرتيني باغنيه اسمها من تكون ..

اني صافنه ..شبي هذا يالله ..

اني انسان عادي..من طين وماء
..شائت الاقدار تجمعني بيج ..
بصدف جنونيه ...

انتي انسانه فوضويه ..تصرفاتج غير متزنه ..

وانا انسان نظامي ....وقيادي ...

ياما تكونين نظاميه ..

او تكونين نظاميه ..

هاي شبيك دخيل الله ..
شبيه ..
ماعرف مداجمع بكلامك ..

المهم يام ابراهيم .
حذفي رقمي ..وهاي اخر مرة اتصل بيج ..
واي شي تحتاجي اني ..موجود ...

ومرة ثانيه دزي طلب ..وافتري بحسابي
عادي ..

شنو مسمعتك ..
كال كلام الملوك لا يعاد ..

مع السلامه ...
سديته واباوع ع الفون ..مو طبيعي فوق الطبيعي هذا الانسان ..

ياعمي ..انت مجنون رسمي ..

سديته ..منه ..
واني كلش ضايجه ..
ثاني يوم ..بدلت ومكيجت ولبست حذاء عالي ..اول مرة بحياتي اسويها ..حتى مكياجي غير ..جنت اوصل لبال الغرفه وارجع ..استحي لان متعلمه بس كحل بعيني وحمرا شفافه ..طلعت ومدنجه ماريد احد يشوفني
بس اطفالي صفنو عليه ...
اخذت السيارة ورحت وديت الجهال ..
جنت فر حانه حييل وتمنيت يشوفني ..
واشوفه
اريد يشوف ستار ..
صدك ..
بس جان ماكو ..
ورجعت الظهر ..وبغير ملابس هم ..
ماكو ..
يوم يومين..
ماكو ...
بديت امل ..وادخل ع صفحته ..
واطلع ..وحتة منشور ممنزل..
بديت اضوج ..
ثالث يوم ..
لبست فستان الوردي ..وبوت عالي وخليت كحل ..
وحمرا وردي ..
وطلعت
جانت علامه ؟؟؟؟
عليه من امي وجهالي اما صهيب ..مشافني وعرف اطلع بس اوصل الجهال ..

وصلت ..نزلت الجهال ...وجنت يوميه اوكف مقابيل ..
باب المدرسه ...
طببتهم ..
وطلعت من طلعت ..
من الباب ..
صار بوجهي ..نزل اطفاله ..
ركضو من يمي ..
اني ضحكت ..
ودنجت ومشيت ..
وصلت لسيارتي ..كلت هسة ينزل هسة يحجي ويايه
هسة..
اريد افتح يدة الباب مال سيارة

ماكدر كلبي ينفض..
ياربي هاي شبيه ..
احسة ورايه ..
واسمع كلام ..
شكد حلوة ..واني اسف شبهتج بستار ..
غمضت عيوني وي الكلام الي اسمعه ..بخيالي ..
فزيت صوت سيارة ..من يمي ..شخط تايرها ..
اندار اشوفه لا نزل ولا اعتذر ولا برر..
راح ..

[ملكةه]

عرين النار
ج 7

..
ماذا لو عانقت النجوم ارواحنا انت وانا ..
ماذا سنكون ..
شمسآ منيرة..
نجم يلمع ..
قمر مضيء..
ام ..
نكون الليل ..وظلامه ؟؟؟
.ّ.........................
بقيت واكفه ماعرف شنو الي اسوي داتخيل لو صدك وكف ورايه واعتذر وكال انتي حلوة ..
اتخيل نفسي الي تريدة ..حسيته ..
لا نزل ولا وصل يمي ..
شفت سيارته مشت ..
صعدت بسيارتي ..
احساسي مزعج متعب ممل..احس مثل الطفل من يبدل ويريد احد يكول الله شكد حلو طللع ..ومحد يشوفه .او يجاهلوا ..
نقهرت حييل ..
مشيت بسيارة ..
وصلت لراس الشارع ..
جان اكو محل شفت سيارته واكفه بي ..
قللت سرعتي ..ودرت المرايا الاماميه عليه ..
وعدلت شعري..ونفسي واخذت نفس عمييق ..
وطبكت سيارتي .
ونزلت للاسواق
فتت..
شفتة كبالي واكف منطي ظهرهه ..
واكف مقابيل الثلاجه
جان يتصل ..
طبيت ..
السلام عليكم ..
وعليكم السلام ..
عيني عليه .بس مستمر هو يسولف ويسوك .
سويت نفسي داشتري واباوع عليه ..
اجر الحاجه وارجعها ..
حتى ممركزة شنو الي اريد اخذة
بس اريدة يشوفني ..
من الموقف حسيت الدنيا نار ..
اندار ..شفته مشى الي ..
المحل بي ممرات وخانات ..
دنجت اني ..
وضليت اكلب..بايدي بالغراض..
وكف بصفي .
هلو ...
سويت نفسي ماسمع ..
مرحبا ..
انداريت ..
عدلت شعري وابتسمت ..هلاو ..شلونك ...
ضحك ..
وجر من ايدي ..علبة ...
اني اباوع عليه ..
كال بامبرز ..كبار السن ..المن هاي ياترى ..
اني عين ع الحاجه وعين عليه
نثولت ..
وصرت دم..
ضحك ..
جرتيها من ايدة ..ومشيت..
ووكفت يم الكاشير ..
وانطيتها اله ..
وكف بصفي ...
كتله عفيه ..خوش نوعيه هاي ..
الولد كال ممتازة ..
كتله ي مو جارتنا وصتني ..
ضحك ..
اخذتها وطلعت ..
واحجي وي روحي ..
نخبلتي رسمي ..
فتحت الباب وشمرت الجيس ..بسيارة ..
وصعدت ..
اووووف يالله ..شنو جاي اسوي اني ..
شجاني ..
شغلت ..وطلعت..
حفاظات مال كبار السن ملكيت غيرها ..
اووف ..
بس صدك شمدري هو ..بجوارينا ..
وصلت للاشارة ..
وكفت اريد استدار وارجع للبيت..
وكف ..
واحد يمسح بالجامه ..
يرش ماي ويمسح ..جانت الدنيا باردة ووجهه مكشر من البرد وصاير احمر دم ..
صحته ..كتله هاك وعوف الجامه ..
وشغلت الماسحه ..
وضليت اباوع عليها ..شلون تتحرك ..
صدفه انداريت شفت سيارة ليث بصفي ..
ضليت اباوع عليه
جان يتصل ..
واباوع ع ايدة ..المحابس اثنين فضة وساعه
حلقه ماكو ..
اندار عليه ..
هز براسه ..وابتسم ..
اشر بايدة ..اشبهه بالمشي ..
ضليت اكوله شبيك شكوووو شكوو.
اسمع صوت هورنات ورايه ..
فزيت منها ..
ومشيت ..
هو طلع كبل واني استداريت ورجعت ..
الطريق كله ..
اسال نفسي شبيج ريام ..
ركزتي ويا زايد ...
وصلت للبيت
قبل لا انزل اخذت الجيس ورديت شمرته ..بالصندوك
شسوي بي ..
ودخلت للبيت ..
مر اليوم عليه واني بس افكر بي ..
ليش منتبهه ع شكلي وليش مكال شي ..
زين اني ليش هالكد مركزة بي ...عبالك بس هو بالدنيا ..
الظهر جبت الجهال وامي اجت ويايه ..
لان تريد تسوك ..
اخذت الجهال وكضيت الوكت كله وياها
بالسوك ..
ورجعنا للبيت ..
بديت امل واضوج من كعدة البيت
وكل شويه ايناس ادك عليه ..
علمود طلبيه
لو شي ..وضاجت من كعدة البيت هم ..
بس..امي متقبل ..
كمت سويت معجنات للبيت ..
وامي اخذت االجهال وكيك وراحت
لبيت ام سعد ..
الغروب ..
اني كعدت ..افكر ..
كافي افكر بي ..
يجوز مزوج ..صح يجوز مزوج ..وهو عندة اطفال ..
يعني اني خالته ابالي ..
غلط ..
كمت افتر بالمطبخ ..
وارتب بالغ اض ..
اكول هو ..اني اني ادمرت حياتي بسبب ..
وحدة دخلت بحياتنا ..
وهجمتها هجم ..
ي انساه واطلعه من بالي نهائي ..
وانسة كل شي ويا .

اي اني زايد خليته ابالي
ظليت الوم بنفسي ... اني شجاني ليش هيج داسوي وياه

اني بيتي انهجم... علمود وحده دخلت حياتنا.. وخربتها

ظليت اروح وارجع ...ساعه
امسح بالكاونتر ساعه اجر بالغراض .. واغسلهم من جديد

يعني حركة واحد متوتر ويفكر هوااااااي ...... فيظل يروح ويجي اكيد

ويشتغل مرتين تلاثه .... مجرد يريد يطرد الافكار من باله

اتصلت بي بعد مالفكر اكل عقلي

دك ...دك ..

مجاوب ..
اني هم سديته ..ورحت للغرفه ..بديت احضر ملابس للجهال ..
اسمع امي تصيحني ..
ريما ..ريما ...
طلعت ..
ها ماما ..
كالت جيبي مفتاح ..المحل ..وتعاي
شكو ليش ...
دجيبي وتعالي ..
رحت فتحت الكنتور طلعت الجنطه ..
واخذت السويج ..

طلعت شفت صهيب واكف باب المطبخ ..
هاي شكو ..
مد ايدة .
اني طيته اله بدون ماعرف شكو ..
اخذة وراح ..
ضليت اباوع عليه شكو ..
غير اعرف ..
امي كالت مادري..بس رادة ..
شويه ودخل ..
كال اجرته للمحل لولد عرف ..
شنوووو.
اي اجرته والفلوس تبقى الكم ..
كتله مو بكيفك تصرف انت هذا شغلي وحرام ..عليك ..
جنت واكغه يم الكاونتر ..
وهو كاعد ..
يم امي ..
ويحجي بعصبيه ..
اي شغل ماكو بعد
لخاطر امي قبلت توصلين جهالج ..
شتريدين لعد ..
كل سالفه توكعينا بيها اكبر من الثانيه ..
جايتني بنص لل

يل ..وحدج ..
كام يصيح رايحه للحصوة شسوين .
صوجنا احنا انطيناج ثقه زايدة ..
شبيك صهيب ..
لا مابيه شي ..
المهم المحل اتاجر وانتهى الموضوع
انسد الموضوع ..
ماسمع شي بعد ..
عفتهم وطبيت للغرفه ابجي احس روحي
اليوم اطلكت ..
واختنكت حييل ..
يعني مداسوي شي غلط ولا اني تعمدت .
يصير هيج ..
قفلت الباب ..
وضليت ابجي ..
احس الكل مل مني ومن دموعي حتى اطفالي ...
دك فوني ..
اباوع ليث..
جاوبت ..
الوو..بعبرة ..
كال خيرج بيج شي ..
ابجي لا..
لعد شنو الي صار .
سكتت كتله مشاكل وي اخويه..وسد المحل .
اهااا..وشجاوبتي انتي ؟؟شنو شجاوبت ..
لاخوج شحجيتي ويا ..
ضليت اعيط واصيج
جيد ..
شنو ..
غلط ريام ..
انت هم عليه ..
لا اوكفي اسمعي ..
ترة صدفه انجمعت بيج ..وعر فتج ..
تصرفاتج غلط ..
مجربه ..فديوم تحسسين اهلج بلأمتنان ..والحب
سكتت ..
يعني
يعني مثلا ..
الحمدلله الله عوضني بيكم ..
احلى اخوان انطاني ..
انتو سندني بالدنيا ..
هاي الكلمات اثرها طيب ع النفوس ..
كال للحظه ..
ومدري شسمع اشبهه بالنداء ..
ورجع ..
كال جربتي لو لا ..
سكتت ..
كال اعرف ستار متطلع منه هيج اشياء ..
بس سؤال وديتي الحفاظات ..لجيرانكم العجوز
كمت اضحك وامسح دموعي ..
اي طبعا وديتها
ريما ..
اجمل شي بالحياه الحب ..
مو الا نحب انسان وعشق ..
لا حبي كل شي ..يمج وبيج ..
حتى شواربج حبيها ..

هاي شنو رجعنه ..لنفس السالفه ..
ترة جديات اضوج

ضحك ..كال اشاقه وياج ..

كتله راح اروح اكول لاخويه ..

اووووكفي شنو جاهله انتي ..بابا مو هيج ..
خليها عفويه بالايام ..
كوليها ..
يعني ...اني غلطانه مو ..

سكت كال راح اضلين يعني انتي مو جاهله
ابويه انتي ..
ريام ..
نعم ..
راح اكولج كم كلمه عيشيها ..
شنو ..
غمضي عينج وتخيلي نفسج ..بستان جبير ..
وانتي لابسه فستان ابيض وبي وردة وردي ...
غمضت عيوني ..ورحت ع صوته .بنص البستان ..
ساكته ..
كال ..
واطفالج يلعبون كدامج ..
واهلج هنا ..يشاقون ويضحكون ..

وانتي ..تمشين وسط الخضار ..وهوى عالي عذب ..
يلعب بشعرج ويحركه ..
وع اليمين ورد احمر ..وع اليسار اشجار عاليه ..كلها ثمار ..
ورحتي كعدتي ..جوة في شجرة ..

والهوى بارد ..
بقيت مغمضه واحس بهدوء ..
كال ..
هناك واحد يصيح ستااار ..
فزيت ..
كتله انت مستفز حتى بشقاك ..

ضحك .ضحكته بيها بحه ..حلوة ..

كال..اشاقه شفتي ..
الحياه شكد بسيطه بسطيها ابويه انتي ...

كلمه بابا ..باباتي ...
مدري شحركت بيه
وشحسيت بيها ...

حسيت بامان ..فقدته ..
ختمته ويا وهو ساعه يرزل وساعه ينصح ..
راح ..
ومكدرت انام ..
كل شويه ادخل ع صفحته واشوف
متصل او لا

ايام معدودة تغير ..كياني كله ..
بس داخلي جنت عايشة بدوامه جبيرة ..

ليش ..
وشنو ..
اريد اعرف شجاني ويا ..
اسمع كل كلمه يكولها . ...

واصفن بيها ..

واطبقه ..
كلامه مثل التنويم المغناطيسي ويايه ..
اعيش بغير عالم ..

كل كلمه بيها معنى واثر بروحي ..

الايام مرت ..بسرعه ويايه ..
يوميه اتصل بي ..
واعرف اخبارة ..واسولف وياه
كلامه كله ايجابي الي ..
بس معرفت ..مزوج او لا وشنو شغله
دائما يتهرب ..من السؤال ..
مرة مرتين اشوفه ..

احس كلبي ينفض ..ويدك سريع ..
وماعرف امشي ..
ولا اعرف اسوق ..
اضل متوترة ..
ويضل يبادلني بابتسامه باردة..
ويبقى هو ؟؟؟

ماعرف من يكون ..

فديوم احجي ويا ...
كتله ..اروح انام عندي شغل ..الصبح ..
شنو شغلج ؟

عرس ابن جارتنا وجبر ..اسوي الهم ..
شغلات ..
ليش جبر ..
امي تريد..
وين عرسكم ..
يمنا ..
جيرانا ام سعد ..
اها بيها الخير يوم الج ..
كتله اني مازوج بعد ابد ..
كال ..ماظن ..
ليش ..
انتي هشة بسهوله ..تتعايشين وتعيشين اكثر من حياه ..

وانت ليث منو ...
مزوج لا ..
كال ابو سبع ..شتتوقعين طلعولي باليانصيب ..
لا مو هيج ..
بس،مسمعت تحجي بيها ..
كال ..راحت لدار حقها من سنين ..
اهنا احس كلبي يريد ينفجر من الفرح ..
ماع ف ليش ..
شنو ديصير بيه
اها الله يرحمها...
المهم اروح اني وانتي نامي ..
ختمته منه ..
واني بغير عالم ..
كل شي فجاءة صار حلو ..بحياتي
حتى كعدة البيت ..
والشغل بي واهس،
هناك واضحك وي روخي واذكر كلامه ..
ثاني يوم كعدت من وكت اكلت لكمه بسرعه

بديت احضر بالغراض

طبعا الحفله مسويها بالروضه
مال سعد ....
روضه اهليه .. سعد متفق وي الاستاذ .. ومسوي روضه باسمه
....حديقته كلش جبيره ..وقريبه ع البيت ..

بديت اسوي الكوشات والميز ... والاشياء المحتاجتهم مسجلتهم وكل شوي اباوع... خاف اكو نقص ... لو شي ممرتب

سويت الكوشات من ستن ومن جوه بيهم دانتيل ...
واختاريت الاكواب ، قطع التقديم والصحون ... لونين
بناتي وولادي وتصاميم كارتونيه لعمرهم

جهزت نفاخ ورتبته.. وزينت الممر بورد..
وبداية الحديقه خليت لوحه ... عليها ستاند وكتابة ترحيب بالحضور

حسيت شوي ارتاحيت .. ونفست عن نفسي ...

التهيت بالتريب ... الورد والزينه
والنفاخ

من الصبح اني رايحه واشتغل...

من خلصت حسيت برضى عن شغلي ... المكان

وترتيبه .. كله طلع مثل ما كنت اريد .. واكثر

ظليت للعصر يمهم ... وجهالي يم امي ما اعرف عنهم شي

رتبت البيت وعدلته ..وسويت الكيكه الرئيسيه ... بس مكدرت
اسوي القطع الصغار... لان كلش تعبت ولوحدي ... وره مكملت
حسيت ما اكدر اتحرك من التعب ...

الحفله ب٥ وهسه ب٤ واني ممجهزه نفسي ...وما متحضره اببببد ...
اهلي دخلوا وبدخلتهم اني
رجعت للبيت ...اختاريت فستان تركي ميدي..

بيجي من يم الخصر تبدي نفشه بسيطه وبي من يم الصدر.. خرز جوزي

وحزام جوزي وكعب ذهبي فاتح

خليت مكياج سموكي بسيط، حمرة مشمشي

شعري... ملحكت اسويله اي شي خليته
مثل ما هو نازل.... ولو بيدي اسوي كباية واخلص ..بس مترهم

علاقتنا ببيت سعد مو من هسه ... لا قديمه من عشرين سنه
قبل وفاة ابوية ... اذكر جمعاتنا بالحديقه ع الحصاير والمرجوحه القديمه ...الحديد

وفرحتنا من تروح امهاتنا للسوك وياخذونا وياهم ....
ونظل وياهم نمشي ونلعب ..
اني وبناتها ..
الجبيرة هناء زوجت بالخارج ..جانت صديقتي ..
ونرجع ..العصريه ..
كل من يروح لغراضه ..ولبيتة
وبليل من تطفى الكهرباء نطلع ..
برة ..
كل العالم تكعد ..الرياحيل يلعبون طاولي
.... لو يتناقشون ابويه وابو سعد ع شي مهم .....
واحنا نلعب لو توكي لو شرطي وحراميه ..
لحد ماترجع الكهرباء ..ونطب لبيوتنا انام ..

احس جنت عايشه بجنه،امان وراحه صعببب ينعادون

يااادوب كملت وره ال٥ بشوي رحت اركض... للباب حافيه والكعب بايدي

لبسته ومشيت بثقه وفرحة ولو كان جزء كبيييييييير منها مصطنع

اول مفتت حسيت الكل انتبه ع التغيير ... الي مدح والي اكتفه بعيونه يعبر..واسمع كلمه خطيه ..رجلها طلكها وشمرها ..
لو متستاهل ..
وتبسبس اشكال ..

ظليت كاعده يم امي... والاطفال كبالي يلعبون ويركضون....وكل شويه ميمي جايه يمي
عدلي تاجي
ماما ضربوني ..
والجهال اجر بالميز ..
وشغل ال٧ ساعات او
اكثر يخربوه ب٧ ثواني ..بس مهتميت التعب كله الهم ولفرحتهم. هاي...
بديت ادور وي نفسي ع كل اثنين
سوة ...واسرح بخيالي ..
واشوف العروس والعريس كل شويه يشاورها
لتمنى اسمع كلامه الها.
ولزمة ايده الها..
اني احس بدفوها من يمي ..

اسمع صووت رمي عالي ...
دنجت راسي ..
وامي كالت يامنعول هذا ديضرب طلقات ميكول جهال
نسوان هنا ...
اني جريت الجهال ..
وابراهيم ..راح يشوف منو ..
ثواني ..
وطلعوا الولد ...

وطبو ..من الباب اني اباوع ..عليهم ..
شفت واحد لابس قاط ..
ضم سلاحه ..بصفحته ...

وطب ...وي الولد ..
كمت وكفت ..
هذا ..ليث ..
ي ليث ...
كمت تقربت اكثر..وصلت قريب عليهم ..
بحجة اصيح ابراهيم اشوف ..بنيه ويا شابه ..وحلوة ...
سلم ع الولد . وفات من يمي ...
وكانما مموجودة اني

وللحكايه بقيه
شهرزاد

اخوانا المسيح ... رمز السلام والمحبه والذكريات الملونه بطفولتي ....

فكرت شنو اهديلكم بعيدكم المجيد
ملكيت اجمل من كتابة بارت
طالع من القلب ...للقلب

مستسقى خصيصا من روحي الكم ...

ادعوا الله ان يحميكم ... ويسعدكم

ويعيد شملنا مع كل مسيحي مهاجر...

والف الف مبرووك ..فوز منتخبنا الوطني ..على المنتخب القطري ...في كأس الخليج ...