ياريحة اهلنا
ياريحة اهلنه يازمان الفات
ياطيبة ومحنه وگلب وافي
صح چان الفقر موجود بالناس
بس چانت قناعة وبال صافي
چان البيت والتنور من طين
مثل حضن إمي چان البيت دافي
وطعم ذاك الخبز مو طعم خبز اليوم
بيه ريحة حطب للعله شافي
چان العطف والاخلاص موجود
ومن كل حقد چان الگلب خالي
مو بس الگلب شايل نظافة وطيب
حته الكاع طيبة واللون زاهي
وأظن مو من فقر حافي البشر چان
بس كاعه نظيفة ويمشي حافي...
رد مع اقتباس