اليوم شلون انام والقصه بقت ابالي
للحكايه بقيه
اليوم شلون انام والقصه بقت ابالي
للحكايه بقيه
كملي يمعودة الله يخليج،
متابعه
تسلمين ع قصه عزيزتي
مشوقه جداً
ننتظر البارت السادس
لا تتأخرين
اعتذر علـى التاخير بسبب الكهرباء
البارت السادس
اعرف بنتج بنتج فيها تلبس من الجن
يمه ياساتر يمه امونه
حجيه سكتي خلي اكمل اذا ماتتعالج بااسرع وقت راح يسيطر على كل جسمها وبعدها ميفيدها شي لان حتى وان طلع البنيه يصيبها جنون
ايمان شيخ اشمعنا انا ليش اني الي بالبيت بس كذا يصير بيه
بنتي انتِ سبحانه الرحمن ابدع في خلقه والاسباب الرئيسي انت دائمآ تنظرين لروحج بالمرأة وتكلمين روحج وتباوعين لجسدج والسبب الثاني انتِ سابحه المغرب وبمي حا
ومأذيه نوع من الجن وهذا الجن قرر الانتقام منج ومراح يتركج اذا ميشوفج تتعذبين
ايمان اتذكرت اني من سبحت بمي حار ومكنت اهتم للاوقات الي استحم فيها فعلآ كلامه كوله صحيح
شيخ فدوه ساعدني لازم اكو علاج ابوس ايدك اريد اعيش مثل الناس بدون خوف
طبعآ بنتي نعالجج بالقران واعطيج وصفات لكن اريد الالتزام فيها لان خلالها راح تعبين وبأذن الله تتشافين
اووووف لو بس كنت اسمع كلام امي ماكان صار الي صار
اعطه الشيخ لماما العلاج وفهمها عليه شرط حجيه تلتزمين فيه خمسك ايام متواصله
خلص لازم التزم فيه اريد اخلص صعدنا للسياره واخوي ظل يسال ماما
وكلش انقهرو علي تمنيت ما صرت واشوف الي ديصير بيه
وصلنا للبيت في حجاب ماما خلته بمي ورشته داير مداير سريري
ماما لازم تقرين سورة الكرسي 10مرات قبل لاتنامين
ان شاء الله يوم اني نفسيتي تعبت من الي سمعته والي عشته نسيت هشام وتلفوني صامت مكنت مفكره بشي لان اذا اظل بهذا وضعي ابد مراح اربط انسان بيه
ظليت ملازمه لماما ابد متركتها لحظه
لحد ماوصل الليل واني متحمسه اريد اشوف النتيجه يارب يكون شفائي سريع
قريت سورة الكرسي حسب ماكلولي ونمت والحمد لله ماحسيت ابد بشي مزعج لغاية مافزيت محتاجه روحت الحمام اجيت انزل واشوف السرير مالتي في فضاء
يمه شلون انزل اوكع ربي دخليك
وصوت انفاس غاضبه
يووووووم يوووووووم
حسين كعدو هذي ايمان ركضنه لكيناها كاعده وتصرخ ومرعبه
شبيج حبيبتي امونه شجاي يصير بيج
حسين راح اوكع فدوه ساعدوني
يمعوده هاي اني يمج وين توكعين كولي ياالله وكومي
كانت لازمه ايدي وترجف احس نص حيلي راح شلون اشوف امونه هجي ضعيفه ومااكدر اساعدها
ماما روحتكم للشيخ شنو فايدتها
ابني الشيخ كال العلاج راح يتعبها بس يحتاج نلتزم بيه واليوم اول يوم
بنتي كولي ياالله وكومي
لالا مااكدر اوكع ماما اوكع
حسين امون كولي ياالله ليش ماتكولين شبيج
ياالله سحبوني اخواني وكانما وكعت من مكان عالي صرخت بصوت ياااااااااااامحمد
وكعت بالارض مال بيتنا
كعدت واني بس عيوني فاتحتهم ورهبه بعيني بدون مااحجي ولا كلمه
اخوني ظلو يبجون علي ويحجون على ماما لان تركتني انام لوحدي
ظليت اردد ياالله ياالله ياالله
ماما اخذيني للحمام
اي بنتي تعالي بس قبل لاتدخلين كولي اللهم اني اعوذ بك من الخبث والخبائث بصوت عالي امي لازم تكونين قويه ميصير تضعفين
رددتها
ودخلت الحمد لله ماكان ابد شي مزعج وكفت امام المرأة مشفت شي
هذا اعطاني دافع قوي ان اكمل العلاج
وفعلآ بدينا اني وماما حرقنا كلمات وشلت حجاب وياي رشينه الغرفه والبيت كله والاركان بالملح
احس نفسيتي اتغيرت الحمد لله الله يجزيك خير ياشيخ
اروح لهشام خطيه تركته صارلي يومين
لكيت كثير رسائل حب واشتايق وعتب
وفي الاخير
ايمان كوني واضح وصريحه معي تعبت لدرجه اهملت وظيفتي واهلي انت شنو الي في بالج تستمرين معي لو تركيني لاتخليني مااعرف شنو الموضوع تعبت مااريد اي رساله منج سوى الرد تحبيني او لا
انقهرت كثير اذيته وياي بس اني حبيته وهو صارله شهر وياي مراعي ظروفي حتى ماطلب يشوفني او ضغط علي اخاف اهمله واخسره خلص ارد عليه
هشام يومين هاملتني ماتستاهل حبي الها خلص اليوم ارجع واكول لأمي تختار وحده من معارفها اظاهر مااعرف اختار اني
اريد اطلع وصل اشعار من الوتس
هذي امونه هههه نسيت كلشي
هشام اني احبك بس مريضه وظروفي صعبه لهذا ماارديت عليك اريد اتعافه
واجاوبك واذا كنت ماتتحمل تستمر وياي اني اتمنالك كل الخير انت انسان راقي مع السلامه
ايمان خلص هشام مراح اربطك وياي كافي اني العذاب الي عايشته
هشام هاي اني شسويت شلون بدون مااعرف اسبابها قسيت وياها ومريضه استغفر الله
اتصل عليها ماترد
ايمان بعد المسج ظل يدوك علي واني ابجي احس فقدت كل شي تربطت بدون حريه بدون زواج ولاحب ولاحياة طبيعيه
خلي فتره وينسه هو دكتور واني ايش بالنسبه اله
احسن اله واني الي الله
هشام تخبلت ليش هجي حجيت شلون اوصل الها حتى عنوانها مااعرفه بس وربي مااتركج لج اني كنت اشوفك بالاحلام وهياتج حقيقه واتركج
ايمان خلص اليوم هدوء بدون اي مغامرات
بنتي اليوم تنامين يمي ميقبلون اخوانج تنامين وحدج
الله كريم ماما ولشوكت راح اظل هجي
تخلص ماما وتصير سوالف وراح تسولفين بيها
نمت يم ماما وخليت التلفون على الصفحة هشام واباوعله انت مو من نصيبي كان بداخلي الم وجع
وبالخطا انرسلت ايقونه حاولت امسحها قبل لاتوصل
مافاد ياربي والله عيب طفيت التلفون
ونمت
هشام معناته لساتها رايدتني صدكي مااعوفج اني احبج وخلص اختاريتج ومااريد غيرج
امون فدوه جاوبي علي
امونه سامحيني
ماما ايمان كعدي صلاة الفجر
كعدت واني مرتاحه الحمد لله ماما احبج احبج يوم اني خلص اتعافيت مااشوف شي صرت طبيعيه
اللهم صل على محمد
الحمد لله الله ماقصر
صليت واني الارض ماشايلتني من الفرح
اول ماطلعت الشمس رديت على هشام وعلاقتنا تحسنت عجبني تمسك هشام بيه
هشام خلص امونه اني مااكدر بلياج واتاكدت من هل الشي والتواصل مكافي عندي اريدج يمي بااحضاني
ايمان واني اتاكدت من حبي الك وتجاوزت الصعوبات الي جانت بحياتي
انطيني العنوان اليوم اجيب امي وخظري نفسج اجي وياها لان طاح حظي الا تتمرضين ياالله اشوفج
هههههه فديت حبيبي وقلبه
وراح يكون العصر خطوبة ايمان
البارت السابع
ماما يوم يوم
بلي ماما خو مابيج شي
لايوم اليوم راح يجون ناس علي
صلوات على محمد
شنو ماما اول مره ناس تتقدملي
لايوم مو اول مره بس اني وكفت بقسمتج هوايه وادعيلج ربي يعوضج
ماكلتيلي منو هذول منين شلون عرفتي
ها ماما هذا دكتور هشام
دكتور هشام ومنين عرفتيه
من تمرضت ماما هو معجب بيه وتواصلنا بس وربي ماما ماسويت شي
لاتكولين ماما ماطول اجه يخطبج معناته عرف اختياره صحيح ربي يسعدج
الحمد لله زين تعافت بنتي الله يتمملها
ايمان نظفنه اني وماما وسويت كيكه وبخرنا البيت
اجيت اسبح اتذكرت الكلام الي نبهوني اكوله بس اني وماما ماكملنه الشغلات
يالله الله الحافظ
اللهم اني اعوذ بك من الخبث والخبائث
وسبحت يااااااي الحمد لله ماكو ازعاجات بدا وجهي يورد وصحتي اتغيرت لبست بدله بسيطه بصلي فتحت شعري ومكياج خفيف خليت لان مااحتاج
خلصت اريد اطلع وكع العطر من الميز وتكسر
هايوم شبيج
ماما العطر
ماكو شي يوم عادي اكيد مرتبكه وكعتيها تعالي طلعي
طلعت واني قلبي احتصر اكيد حيصير شي وبالاخص ماالتزمنا بالعلاج
ظليت بالمطبخ استحي ادخل لان ماما بلغت خواني وكعدو ياربي شلون اطلع
دكتور هشام اخذت ماما ورحنه على العنوان بيتهم بسيط بس اهلها ذهب على الاسلوب ورقي الاخلاق
كعدنا واحد يباوع لاخ
ندست ماما
طبعآ مااطول السالفه عليكم هذا ابني ماالي غيره بهل الدنيا ومااعرف هل السوالف بس اني جاي اخطب بتكم ايمان لابني هشام واتشرف فيكم ونعم مااختار ابني
حسين والنعم منكم ام هشام والنا الشرف بنسبكم بس انشوف رضات ايمان ويصير خير
ايمان ايمان تعالي
يمه قلبي وكع شلون راح اطلع
السلام عليكم
وعليكم السلام
هلا باايمان صلوات ماتصورتج هجي انت احلى من ماوصفوج
حبيبتي عيونج الحلوه
حسين امونه هذا الدكتور كدامج شوفيه اذا موافقه علمود نتوكل على الله
ايمان رفعت عيني بعين هشام وهو يبتسم نصيت راسي بسرعه ياربي
شكد عيب
هشام من شفت ايمان ردتلي روحي يابه شكد حلوه وخجوله ونازكه شلابسه يابه ولج انتِ مريضه وتخبلت عليج هنوب كاشخه
بس مااكدر احوس اهلها وامي عيب
علي ها خويه شكلتو
ايمان قابله بالدكتور
هزيت راسي وبدون ماارفعه يعني موافقه
حسين دكتور هشام اتصور ماحاجه اسئلك لان انت الي جاي علينه
هاا اي خويه ومااحصل احسن منكم
انطونه مهله يومين نسأل ونرد خبر ويصير خير
نترخص احنه
كل الهلا فيكم اهلا وسهلا
ايمان اول ماطلعو هشام وامه
استلمني حسين ومحمد اخوي الزغير ساكت ماشارك ظل يعيط شلون عرفتيه واني اكول عنج فقيره وانتِ من جوى لجوى
علي اسكت لك ماتتمنى اختك تتزوج وثانيآ احسن قسمه اجتلها لاتعرضلها وانت باجر عكبه تكول احب بنيه خطبوها الي
تعاركو علي وحسين تصايحو وماما تهدي بيهم
الحمد لله ماكو فرحه تكمل علي
ايمان حسين انتَ اذا ماراضي عادي نردهم مو مشكله اهم شي انتم
بعديش عكب ماوصلتيهم للباب ازوجج اياه حتى لو موزين
دخلت الغرفه ابجي
ارتاحيتو ولكم البنيه مريضه الله واكبر عليكم خلي اروح الها
ماما لاتبجين المهم يصير من قسمتج جانت امنيتي تتزوجين دكتور والحمد لله ماعليج بااخونج يغارون عليج وعلي فرحان بهل القسمه كافي كومي غسلي وجهج
غيرت ملابسي بس تعبانه كولشي
بس تمددت على الفراش نمت
حلمت بنفس الي شفته يكولي لاتتزوجين تندمين ومكنت اهتم لكلامه لكن شكله مرعب ومزعوج بحكني خلي ايده على ركبتي اختنكت اريد اصرخ مااكدر احاول ابعده ماكو
يمه بنتي لحكو ايمان ماادري شبيها
ايمان عركانه وتتنفس بصعوبه
حسين علي اضربها خلي تكعد
لك حتى بهاي تستنكف اختك هاي
علي هزيتها قوي كعدت وظلت تبجي ادعولي اموت امااريد اعيش خلص كرهت الدنيا مااريد اتزوج مااريدكم
حسين ماما مو اخذتيها للشيخ اشو ماكو نتيجه
ها مكدرت اكوللهم نسيت اكمل العلاج
ابني الصبح اخذها واروحله
بعد ماتاخذيها اله خلص مافادها المن موديتها
ايمان وصلت لمرحله كول اعصابي انتهت اخاف اسبح اخاف انام اخاف حتى من هشام كرهت الحياة جزعت من كل شي
يوم خلص لاتوديني لاحد مراح يتركوني مراح ارتاح
لايوم لاتكولين هجي خلي ايمانج قوي
ماما كعدتني وهي بس تشتغل واني الصوت ظل بدماغي
ماما بلغي حسين اني ماموافقه على هشام
شنو شتحجين مو بكيفج انت تتزوجين كافي عمرج يمشي وشوفي شجاي يصير بيج
اي ماما وهشام خوش ولد واني مااريد اتعبه وياي خلص اني ميفيدني شي
وصلو اخواتي وحجت وياهم امي حسين سكت ماعلق وعلي ماقبل واجه قنعني
حبيبتي امونه ميصير تركين سعادتج هذا يعتبر ضعف ايمان انت قويه هزمي هل الشي بس مو برفضج لان راح يقوى عليج اني اوعدج اساعدج لحد ماتتخلصين منه
هشام انقطعت عني ايمان ماراسلتها ولااتصلت لان صارت الشغله رسميه انتظر خبر من اخوها
ايمان اقتنعت بكلام علي خلص لازم اقاوم وكون قويه وردو خبر بالموافقه وحددو المهر ثاني يوم كان هشام كولش مستعجل
هشام خابر اخوها علي وبلغني بموافقتهم
فدوه خويه اريد باجر المهر ولاتكول مانلحك لان اني كلش مستعجل قصدي جدو مستعجلواي شي تحتاجون اني بالخدمه
هذا هو خويه نتوكل على الله باجر باجر الله يسهل
البارت الثامن
هشام اخذت ماما وطلعنه من الصبح لبيت ايمان
ولك ماما ليش مستعجل تعب ماتلحك
انلحك انلحك كولي ياالله
ياالله ماادري شلون تاليها وياك
ايمان اجه علي هشام وامه علمود الذهب والبدله وقت ماعدنه يمتى نلحك صالون بس ماحبيت اعارضه
كعدت ورى وماما وياي
هشام اشرتلها تدنه علمود اشوفها بالمرايا
ايمان اتقربت يم ماما
ها يوم شبيج
لامبيه شي بس اريد يمج اكعد
هشام هههههه يوم شكد حلوه انت اليوم
خير اليوم تتغزل بيه
مويوميه موكبال عيني واشوفج من صدقه لهل العيون
ايمان حلوه فرحة هشام بيه يارب دومها علي لان حيل محتاجته
نزلنه اخذنه ذهب وماخله شي هشام مااشترالي فستان بيجي وذهبي اغلبه شفاف وحذاء وبوك
وعطور
اكول هشام
روح هشام كولي عشيرتي كلها بخدمتج
ترى راح نتاخر على الصالون
مامحتاجه شي امونه بس كولي
لا عمري مامحتاجه شي
شنو كلتي عودي
هههه مكلت شي
اوووووف منج يالله امشي اوكفي لحظه
بلي
تدرين عيونج سحر ومن يضرب بيها الضوى تصير بلون السما انيالي عليج امون انتِ مو بس شكلج حلو حتى روحج
عيونك الحلوه لزمت ايده هشام
عيون هشام
محتاجتك
لا لا لا وليش هل الحزن اني احبج واتمنى تحتاجيني ماتشوفيني متخبل عليج
وصلني للصالون وام الصالون اتلكتني رزاله بعد لو متاخره واني شلحك اسوي
كلش ضجت
حبابه اني مااريد شغل هواي شعري مفتوح بس تعديل الاطراف ومكياج وهمات مااريده طوخ يعني مااتصور يحتاجله وقت
وبعد تعلميني شغلي يالله كومي نزعي العدسات ورانه شغل
هذول عيوني
صدوك تحجين شلون جمال
كملتني لبست الفستان
لج عيني يجنن الفستان شهل الذوق
ذوق خطيبي
اي هي من تضحك الدنيا فد نوب ماتقصر
اخذني علي للبيت
اجو الزلم اتفقو
علي كومو ايمان بالغرفه يجي الشيخ يمهر
ايمان احس صدري ضاق علي كولش
متت ودي اصرخ عيوني صارو حمر وجهي تغير
ام هشام كومي بنتي شبيج خايفه ترى مو عرس هذا بس مهر
ايمان رجلي احس بيها ثقل حديد اريد اشيلها مااكدر
ام ايمان يمه بنتي ربي عديها سلامات مستقبلها يضيع ربي ادري بيك ماتقصر ركضت واغطي على الموضوع
يوم كومي لاتستحين
يوم مجاي اكدر اتحرك
تعالي بنتي سحيتها وصلتها للغرفه
بدا الشيخ يعقد
هشام ماشفت شي من ايمان مغطيها اوووف يمتى يخلص الشيخ اريد اشوفها مااصبر
ايمان وصلي الشيخ كلي ان قبلتي كولي نعم
اسودت الغرفه ماظليت اشوف بس اتذكر كلمات علي لازم تقاومين
لازم اتحداه
نعم قبلت
النساء تهلهل وطشو الجكليت والشيخ كام هشام ظل يمي
اني ماظليت احس بشي
ظليت اودد يارب
يامحمد
ياعلي
ادركوني
صعبه الناس تاني تشوف عروس واني مثل الجاين يقبضون روحي
فتحت عيني هشام كدامي
ابتسمتله بس قلبي يوجعني
هشام شوفي شوي واجي اكعد يمج افتهمتي
ان شاء الله
رجعت الامور طبيعيه فرحه هلاهل وركص
امه اجت لبستني سبحه ذهب
جدته لبستني محبس
ماما كانت خايفه واني اي فرحه ماعندي الخوف الي عندي يقتل كل الفرح الي بقلبي
خلصو وراحو السيارات وظل هشام كاعد ام هشام قبل لاتروح سمعت امي خلي الولد يكعد يم مرته شوي يتعلم عليها وبعدين طردوه
اخذني هشام دخلت لغرفتي
لزم ايدي تدرين بيه شكد احبج
واني هم
احس ايد من نار على جسمي
وخر وخر
هشام شبيج ايمان لاتعيطين
اني ادفعه لان مااتحمله وهو يقترب لحد ما طلعلي نفس الشكل ااي اشوفه بدت انفاسي تنقطع اتقرب مني وكانما يقبلني
صرخت بصوت
ام ايمان يمه بنتي ركضنه اني وعلي وحسين ومحمد لكينه هشام واكف بزاويه وايمان فاتحه عيونها بوسعهم وبحقد على هشام
شبيج ماما
طلعو برى مااريداحد ترى اقتل نفسي
مو صوت ايمان يمه بنتي صار الي خايفه منه دكيت ولطمت
هشام طلعت واني مااعرف شنو بحلم بعلم شنو الي يصير
حسين ايمان صيحت ونامت ظلت امي يمها وطلعنه انا وحسين
هشام فهموني شنو الي صار
والله ياخويه شنفهمك البنيه تمرضت فجاه بس تحلم وتخاف وهاي الحاله هسه صارت يمك ماصارت قبل
علي الله بالخير خويه مانتوسل احنه بعدنه على البر الي تريده يصير
اختنه تمرضت شنسوي
هشام اي مرض تحجون عنه لاصوتها ولاتصرفاتها ناوين تخبلوني تكلولي مريضه يامرض
حسين لاتصيح افتهمت مو حسبالك دكتور واحنه حيوانات مانفتهم شي
ام ايمان صوتكم اشبيكم صلو على محمد يمه هشام نعتذر منك روح ارتاح ويصير خير
هشام طلعت واني ضايع شسوي انكلبت سعادي وشفيها ايمان معقوله جانت تبتعد لان هذا وضعها رجعت ماحجيت احد بحجة تعبان
وامي وجدو من يسألون اغير السالفه ومشيت الامور واني الهم ذابحني معقوله اختياري خطأ مرة ايام على انقطاعي عن ايمان وهمي وحزني زاد
حسين ايمان صارت للاسوء كان شي مسيطر عليها حتى احنه نخاف منها وظلو يوصونه على اماكن وناخذها الي يقرأ والي يضرب وايمان صارت بس نفس وجهه تجعد من الصعف وصارت هزيله شعرها الحلو صار تلفان مابيها اي روح خواتي ظلو مايجون علينه يخافون
صار البيت جحيم وماما صار عدها سكر
علي اكولك حسين هشام لازم يشوف حياته صارله شهرين واكيد اهله عرفو وهو يريد يستقر وايمان وضعها تعبان
هشام بلغت امي لان مر شهرين واني هملت روحي لاحلاقه والبس اي شي ظلت تضغط علي لحد ماكولتلها
شوف يوم ماتظل ويه ايمان ساعه وحده من باجر تروح تنهي العقد وتطلكها افتهمت
ماما مااريد استعجل
شوف هشام ماارضى عليك اذا تظل هذا وضعك من باجر تروح تطلكها
هشام طلعت يمكن اني استعجلت صح بس حبيتها صعدت السياره ودمعي تنزل مااريد احد يشوفني ويعتبرها ضعف
محتاجج ايمان لنظرتج لخجلج لطاعتج واحترامج الي كنت احس ملكت الدنيا بوجودج شلون اعوفج شلون تعالي وكليلي اني انتظرك اني رجعت
صعب الفراك ومع الضغوط محد راح يحس بألم وجع هشام بس الي مفارك شخص تعلقت روحك بيه قبل ماتعرفه
البارت التاسع
حسين صح اني قسيت ويه ايمان لكن تظل اختي واحبها اكثر من نفسي شوفت ايمان فقدت كل عافيتها وصحتها واصبحت شخص ثاني الكل ايخاف منها ومحبوسه بين جدوان ججالغرفه فقط نوم وكانت ماما تدخللها الاكل وتغسللها نمشي بالشارع وبالدوام والكل يسألنا شلون صارت اختكم مايصير تسكتون شوفولها حل
بين فتره وفتره يجي هشام يشوفها من بعيد ويروح كانت نظراته الها كلها حزن والالم
علي اكولك حسين خلص صار 4اشهر ايمان مصارت زينه اني متعجب شلون ظال هشام واهله ساكتين اني مااقبلها احس الولد انظلم مامجبور يتحملها لازم نخليه يشوف حياته
واني هم هجي اكول لان لو اني بمكانه من يوم المهر اتركها واتزوج
خلص حسوني بلغه وشنو يريد ذهب فلوس من حقه لان ماشاف من اختنه شي
لا اني ما ابلغه انت اتصل وكلمه
تدري بيه حسين مااكدر انهي سعادة اختي بيده مااكدر
علي واحنه نحجي
هلا خوين
شلونك علاوي شنو اخبار ايمان بشرني
والله ماادري شكولك هشام استونى نحجي بيك اني وحسين
خير ان شاء الله
خويه بعد ماتفيدك ايمان واحنه حاظرين انرجعلك كلشي واتظل اخ عزيز علينه
ليش علاوي اوي ماشكيت من شي ساكت وعندي امل ترجع احسن
لا هشام مانكدر نربطك فيها ترى صعبه علي اكولك كذا لان كنت اشوفها كيف متحمسه للزواج منك وهسه اشوفها لاحول ولا قوه
بس طلب اخير اجي اشوفها
تعال هلا فيك
يوم يوم يمه
خير ابني ليش تصيح
ماما راح يجي هشام يشوف ايمان وراح نفسخ الخطوبه
ليش يمه وانت تدري بااختك جانت رايدته
وانت كلتيها اختي وهسه وينها اختي يوم احنه جاي نستغل هشام خلي يشوف مصيره واختي الله يعوضها
حظري فلوس المهر وذهبها الي جابوه الها
يمه قلبي ماتنطيني لميت غراضها واني دموعي تجري على حظ بنتي ليش شتفرق عن البنات وهجي يصير بيها
هشام قلبي يوجعني اخر مره راح اشوفج بيها انهدمت كل احلامي دكيت الباب فتحلي حسين
اتفضل خويه
امها استقبلتني تبجي شلونج خاله
هلايمه هلا هشام
اني رايد منكم طلب اشوفها لوحدي
علي اي خويه ادخل ماهي مرتك بس هي ترى مو ايمان دير بالك
دخلت كانت نايمه هزيله وجهه تعبان وشعرها متناثر
كومي كومي وشوفي بعدج شصار بيه
مشتاقلج وعيون المفارك صور تمشي على ماي.
مشتاقلج
والطير من ايضيع عشه اينقصه رأي.
بس أرمشي حتى احس روحي عدل .
بس اضحكي حتى احس بروحي مؤمن
حتى أصلي.
حتى ادعي الله يخظرج يم داري
حتى أشوف
صار مدري اجم عمر طافي ضواي
مشتاقلج امونه واني الي عجلت بكلشي ضنيت راح تكونين بحظني
واليوم جاي اودعج اهلج واهلي اختارو نفترك بس مشتاك لشوفت عيونج
واني اعاتبها واحجي وياها بحركه فتحت عينها وخلتها بعيني ظلت صافنه
اطلع برى منو انت اطلع اطلع برى مااريدك اطلع
ظلت تعيط عرفت ايمان ماتعرفني وتاكدت من كلام علي كال مو ايمان
دخلو خوانها طلعوني
هاك يمه هذا حكك واعذرنه ترى بنتي مثل الورد هسه هجي صار بيها
اخذتهم منها بدون مااحجي ولاحجايه
امشي واتذكر حجيها ضحكتها خجلها جمال وجهه خلص ضاعت مني بس حيل مشتاقلها
خليت الغراض بالسياره ورحت للشيخ طلكتها وصلت نسخه لاهلها
وماحبيت اكل لامي لان ادري بيها تفرح مراح تهتم لحزني
علي ماخلينه شيخ ولاسيد ولامكان ماوديناها اله اخر شي اخذناها لمرأه كبيره كانو يصيحولها العلويه ام ....
شايلين ايمان طبعآ تضرب وتصرخ والناس تتفرج الي ينقهر والي يخاف واني وحسين كوى مسيطرين عليها
طبعآ الناس مخبوصه والازدحام مو طبيعي والكل من شافونه وخرو
دخلنالها رفعت راسها بعصبيه
خليناها بالارض اول ماشافتها
هزت راسها وبعصبيه كالت بعد وكت جايبيها الي هسه شكد فريتوها هسه يالله وصلتو
علويه ماجنه نعرف بيج
رجال كال اسكت لاتحاجي العلويه
كامت على حيلها رغم كبرها بس قويه
لزمتها ايمان من راسها بااطراف اصابعها وضغطت عليها وشربتها مي كانت تقرى عليه
وكعت ايمان
ركضنا عليها اني وحسين وامي
يمه بنتي
رجعو مااريد احد يوصل لهنا خلوني اشوف شغلي بس اسمع صوت اذب بنتكم عليكم حيرو بيها
توقعاتكم هل الشي حيفيد ايمان وله مجرد كلام يقنعون فيه الناس نشوف ايمان شراح يصير بيها بالبارت الجاي اذا تردونه انزله الكم الليله
راح اوديكم للعلويه يالله نتوكل على الله
البارت الاخير
رجعو مااريد احد يوصل لهنا خلوني اشوف شغلي بس اسمع صوت اذب بنتكم عليكم حيرو بيها
بدت تقرأ ايات
ليش وصلت الها
اذتنييي
حسين علي هذي ايمان
سكتو مااريد صوت
اطلع منها اتركها
مااطلع منها الا تموت او جنون
اني اكولك اطلع
مااطلع تموت اذا اطلع
اتركها مو بيدك الموت بيد الله
اذيها اذيها
اطلع منها اتركها
حسين ولد ويه العلويه سحب عصا واجه يضرب ايمان واني مااتحملت
لك حقير تضربمن تضرب اختي
عيني اذا ماتخلونه نعالجها اخذوها ترى بنتكم منتهيه
علي لزمت حسين طلعت وكان ظرب قوي لحد ماسمعنا صريخ ايمان لك حسين هذا صوت ايمان
دخلنه امي تهلهل راح من عدها يمه راح من عدها
ايمان بس تباوع علينه بس نظراتها طبيعيه بوسناها وظلينه نبجي
العلويه صاحتلنه واحد منكم يوديها للسياره عندي حجايه وياكم
حسين اخذ ايمان شالها على كتفه لان كانت كلش ضعيفه ماتقوى على المشي
علي كولي علويه امري
اصير واضحه وياكم بنتكم مأذيته لهذا هو انتقم منها
بس الحمد لله طلع وعلويه احنه بخدمتج شنو تأمرين
خليني احجي لاتقاطعني
صح طلع منها بس بتكم راح تكون مجنونه روحو الله يشافيها
علي ماما وكعت واني ظليت ادك على راسي ربي رحمتك ويانه الناس التمت علينه بين تلي مقهوره وبين الي تسأل الي بالغرفه
وكان ردهم اتأخرو هما السبب بأذيتها
اخذت امي وصار علاج ايمان عزانه فعلا ايمان صارت مجنونه تظحك وتبجي لوحدها وتطلع بس نفتح الغرفه للشارع
عرضنه البيت للبيع
ومحد قبل يشتريه بسبب حالة ايمان
اضطرينه نترك البيت اخذنه اغراض الضروريه وسدينه الباب خلينه رقم تلفونه واعطينه العنوان للجيران في سبيل اذا يوم يجي شخص يشتري البي ونروح عند بيت اهل ابونه بكربلاء
واخذنه سياره خاصه بس النه لان ايمان تبهذلنه
صاحب السياره كان من اهالي كربلاء
من انتبه لأيمان ظل يكول لاحول ولاقوة الا بالله ويفر براسه ومقهور
عمو شنسوي قسمتها هاي وله بنيه مثل الورد الناس تحسدها
يعني بنتكم ماجانت هجي
لا عمو ومخطوبه وبيوم خطوبتها صار الحادث
صدك تحجون
حسين لانتشاقه
لاابني مو قصدي بس انتو ظالين محتارين بيها وعلاجها سهل
علي عمو هي انجنت بعد العلاج
اي ابني ادري لهذا كلتلكم سهل علاجها عندي واني ان شاء الله ادور الاجر والثواب لااكثر ولااقل
حسين
علي اي عمو ياريت تكون صاحب فضل علينا
لاعمو الفضل لله فقط
علي اخذت رقمه واتفقنه نتواصل وياه
هشام مرت الايام وامي تلح علي طلكها خلي ازوجك طلكها
كااااااافي يوم طلكتها ارتاحيتي طلكتها طلكتها خلصيني شتردين زواج مااتزوج هسه اني راح اسافر اكمل دراسه بالخارج
شلون يمه تعوفني ربيتك ويوم يوم انتظر افرح بيك تاليتها تعوفني ليش ماما ليش جدك على ساعه والله ياخذ امانته واني وين اروح
يوم رحميني فدوه رحميني ترى تعبت تعبت اترك الدراسه بس مااتزوج لاتكليلي ازوجك
لاابني اتزوج وسافر بس المهم تتزوج اطمئن عليك
استغفر الله شخلصها وياج يوم شما تردين تسوين سوي
وامي ماقصرت خطبتلي بنت صديقتها وصار كلشي بسرعه وعقدنا
البنيه حلوه ومؤدبه طالبة علوم بس احس بداخلها شي مامفتهما يالله اتعرف عليها ونشوف ولو ماعندي وقت
اكولك ماما هشام ماتطلع ويه خطيبتك خطيه وماظل شي على الزواج ماشافت منك شي البنيه
بعد هل من اوامر اخر ست الحسن
لا ابني بس اني اريد اشوفك مرتاح ان شاء الله باجر اطلعها ونتعشه سوى بعد شتردين
اي هشام خوش بنيه وحبابه واني تمنيتها الك من زمان
هشام من كالت هجي ماما حسبالك ذبت ملح على جرحي عفتها وطلعت مريت على بيت ايمان
شنو معروض للبيع
ليش شصار بيهم نزلت دكيت الباب طلع جيرانهم
عمو شالو لكربله واذا شراي انشوفك البيت ويجون اهله واتفقو وياهم
اكولك ردت اسئل عن ايمان وتراجعت خليها اني خطبت ومااريد اظلم خطيبتي
صعدت بالسياره باوعت لذهبها اوووووف شكد مشتاقلج امونه
هذا الذهب راح انطيه لخطيبتي باجر من التقي بيها خلص لازم انسه ايمان
علي استقرينه واني ماتركت الرجال لان ايمان صارت خطره انخاف عليها
التقيت بيه الي عرفته اخوه عالم دين بااصول القرأن والفقه
ابني جيب اختك وتعال وان شاء الله الشفاء بأذن الله
علي مااصدك شكد قرينه عليها قرأن وسمعت ابد مو يمها هسه يجي هذا ايكلي اعالجها شكد بطران عفت الموضوع
اكولك ماما علاوي هذا الرجال ماشفته
يوم مايفيدنه انت مو تقرين عليها قرأن تسمعيها
اي يوميه هذا وضعي
هذاك الرجال نفس الشي يسوي ماما ايمان انجنت بعذ ميفيدها واني تعبت
ماعليك انطيني العنوان واني اروح تعب تتعب من اختك عاجبك وضعها باجر تتزوج انت مرتك اتريدها مع الاسف عليكم
ماما على كيفج ماكلت شي خلص تردين اوديها اوديها حظرو روحكم باجر اخذكم الصبح اله
هشام رجعت تعبان من الدوام ماعندي حيل اطلع بس مسكينه شنو ذنبها اطلع لخاطيرها
هشام بدلت وتعطر خلص لازم انسه الماضي اتصلت عليها
حظري نفسج جاي عليج
اوك هشام اني جاهزه
يالله دقايق واني يمج
وصلت يمهم بس ركنت السياره طلعت
هلو ايمان شلونج
شنومن ايمان هاي
اووووو لاتفكرين هسه نوصل واكلج منو ايمان مااضم عليج شي واعتذر لان خطأت
مو مشكله
هشام غريبه البنيه ابد بالها مو يمي يالله بالبدايه وتستحي
وكفت يم مطعم
هشام مااريد اكل اخذني لغير مكان
هههههه مو شرط ناكل اني عندي هوايه حجي اريد اكوله الج وعندي مفاجأه الج
المفاجاه طبعا ردت اعطيها الذهب هديه لان مااكدر اضمه تصير مشاكله عاد اشوفه كدام عيني
اي تفضل هشام احجي
عيني ايمان كانت خطيبتي وكلش احبه اختياري كانت وقصة حبنه غريبه ههههه تمرضت وجابوها اهلها ومنها روحي تعلقت بيها بس للاسف ماتمت فرحتنه
هدى ليش (هدى خطيبة هشام)
ايمان تمرضت بيوم المهر وكلشي انتهه
اممممممم
هشام صفنت على روحي جني زيدها اي بعد كلشي بالقسمه والحمد لله ان شاء الله الله يعوضني بيج
هدى ماطول حجيت كل الي بقلبك اني هم اريد احجيلك شي وراح يكون القرار الك
هشام خير
اني احب ابن عمي بس ماما ماتريده وسوت مشاكل وتهمته بسرقه ويتحرش بينه في سبيل بابا مايقبل بيه واجتي والدتك خطبتني بهذي الفتره وبابا وماما جبروني اقبل هشام اني احبه مااكدر بلياه ادري هو مو مثل شهادتك وموصفاتك بس قلبي يحبه
هشام كافي انتِ جبيره وماالهم حق اهلج يدخلون بزواجج ومن هسه اعتبري كلشي انتها
هدى ياربي شحجاني هسه ابوي يذبحني
هشام امشي اخذج يالله
هدى هشام اني خايفه من اهلي
ماالج غرض اني اعرف اتصرف
دخلت للبيتهم تلكتني امها هلا
صيحيلي رجلج
شهل الاخلاق
والله عاجبج عاجبج ماعاجبج بكيفج مايهمني
شبيك تخبلت
لا اني اعقل منج ومن عقليتج الحجريه جبرتي البنيه اتزوجها شنو ذنبها تاخذني واني قلبي ويه غير بنيه اني مااحبها لبنتكم لوتحبوها صدك ماجبرتوها
خلو عقل عدكم زوجوها فقير ويحبها احسن من دكتور وقلبه مو وياها ويعيشها بجحيم
من باجر ورقتها توصلها وكلشي انتها فكرو بيها مره ثاني فكرو بتعبكم ورباكم سهله تبيعوها علمود افلوس لو شهاده اشترو شخص ايخبها ايعيشها ملكه وخلص كلامي وياكم
طلعت واني فرحان احس نفسي تحررت خلص رحت كملت يم امي فرغت كل طاقتي السلبيه بيهم خلص لازم اسئل عن ايمان قبل لااسافر
علي اخذت ماما وايمان
كانت ايمان تسببلنه احراج حسين يتهرب من خروجها ويانه بس اني اتحمل غصبآ علي هذي امانة المرحوم
وصلنه يم الشيخ رجل وجهه نوراني
تعال ابني خليها هنا ولاتطلع ابد لان اني
احتاجك فعلآ كعدها وجاب بطل كبير مي ظل يقرأ بتلاوه عجيبه كان لصوته خشوع عجيب
ايمان هدأت وظلت ساكنه في مكانها
وعينها في عين الشيخ رغم هو ابد مانظر الها بعد ساعه كامله من القراءة نامت ايمان لكن الشيخ نبهنا نيقضها واستمر لحد مااتفاجأنه باايمان تبكي في علو صوتها
الهي ارحمني
هذي ايمان المجنونه
بعد ماانتها الرجل نفخ في الماء خمس مرات وسكب الماء عليها
سوف انادي واريد ان ترددو معي
الهي بحق فاطمه وابيها وبعلها وبنيها والسر المستودع فيها الا وشفيته ايمان بنت ......
كررناها ولااتذكر العدد الذي رددنا فيه
ايمان يامحمد يانبي الله
سكت الكل التفتت ايمان ماما ليش تركتيني
كلنه بكينه مؤلم ان يكون احد اهلك في شده ولاتستطيع مساعدته
الشيخ ابتسم حاولنا ان نعطيه مبلغ من المال رفض
بس ابنتي نصيحه التزمي بصلاة وسورة الكرسي لايمكن لالأنس ولالجن ان يؤذيك ِباارادة الله
ايمان الحمد لله استعادتُ صحتي والتزمت في صلاتي ولم اتركها رجعنا لمنزلنه ماعدت اخاف من شي بفضل الله ونبي واهل بيته اصبحت قويه وتعلمت درس ان لااستهان بالعباده والتزم بطاعة الله
بعد مااستقرت حياتي افتقدت هشام اتصفح في التلفون واتذكر ايامنه الحمد لله استحي اسئل اخواني عنه مااعرف وين صار كل الي اعرفه اشتاقيتله
علي كومي ايمان بسرعه
خير علاوي شنو
ولج شفتلي بنيه واريد اعرفج عليها علمود اتقدملها
صدوك فرحتني ماطول هجي خلي اكشخ علمود تكول اخته احلى مني
اي حبابه كشخي
ايمان لبست سترة وردي وبنطرون اسود وضعت مكياج خفيف
يالله علاوي جهزت
الله امونه اشتاقينه لسوالفج تخبل اختي لو اموت ماالكي مره احلى منج
شكرآ حبيبي هذا من ذوقك
وين انروح ونشوفها حبيبتي بالحدائق هي موجوده وزحمه اروح لوحدي
ايمان نزلت دخلنه وعلاوي يحاسب واني فرحانه بشكل الحمد لله
اتاخر علاوي وقفت بجانب الشلال
هشام وينك ركضت حضنته واني ابجي وهو يبجي
ليش تركتني
كنت مجبور امشي
وين
امشي
اخذتها مهرنه وطبعآ استغربت لان مكانت تعرف فسخنه الخطبه حجيت الها بالطريق وحجزنه الفستان والفندق والقاعه
واخذتها لماما ماما بعد الي صار ماتدخلت
من شافت ايمان فرحت
علي اتصل علي هشام يريد يعرف اخبارها قبل لايسافر وخبرته بشفائها طلب مني ان اساعده برجوعها اتفقنه راخذت امونه الها وتركت ايمان ويه هشام واني مطمئن وكنه فرحانين اني وامي ماعده حسين يتحسس وصلت متاخره باليل
اكولج ايمان شنو هل التاخير
لك علاوي فدوة اروحلك انت احلى اخ بالكون
وبعد مرور اسبوع ايمان اختاريت فستان ضيق اوف وايت وشعري رفعت شي بسيط وتاج والمكياج فاتح جدآ لااني ولاهشام نحب المكياج
هشام طلعت ايمان واني عيوني دمعن مامصدك بعد الصار ننجمع اني وياها اخذتها للقاعه
ولج امون كليلي اني مو بحلم
فديت حبيبي الي فرحان بيه
شنو كلتي والج اوديج لباريس بس عودي
لا باريس ولاشي مكابلتك العمر كله وانت حبيبي ونظر عيني واني بدونك اموت
ولج امونه هلكد تحبيني
واكثر هشام عمري ماالكه احد يحبني مثلك لا وشنو ماالكه بحلاتك حبيبي
يمه قلبي على كيفج وياي
هههههههه
ايمان طبعآ ماافتهمت شي من الحفله مكابلني هشام وكل شوي وكال كافي يالله
والحمد لله صرت زوجة هشام ظليت سنه بدون اطفال هشام سافرنه وسوينه انابيب وصار عندي توم ولد
بس مااكتفه يري بنيه
هشام طبعآ اني مااحب الاطفال كد مااريد احد شبيه ايمان بس اجت البنيه وهم مو نفسه وسوف استمر لو يصيرون عشره ناوي عليها
رد مع اقتباس