#قريني_سلب_مني_حريتي_
تصرفات الها اضرار ومؤذيه الهم يارب تستفادون منها بس اصحاب القلوب الضعيفه ياريت ميقرون القصه
قراءة ممتعة
#قريني_سلب_مني_حريتي_
تصرفات الها اضرار ومؤذيه الهم يارب تستفادون منها بس اصحاب القلوب الضعيفه ياريت ميقرون القصه
قراءة ممتعة
بطلة القصه
ايمان نتعرف على ايمان
هلاو اني ايمان عمري 18سنه مااحب ابد الدراسه حاولت ماما وياي هوايه مفاد هل الشي ابد احب البس واكشخ مااحب كثير الاختلاط بالناس انعزاليه عائلتي 6 3 بنات و3ولد
حالتنه الماديه مو كلش زينه يعني مشين روحنه بابا متوفي وامي واخواني هم الي قايمين بالواجب خواتي 2متزوجات واني ثالثتهم
موصفاتي طولي وسط عيوني زرق وشعري خمري الشقار الغامق وبيضه الى درجه كانت شراييني تبين
بعد مابطلت ظلوهوايه يتقدمولي
بس ماما تطلع حجج ماتقبل
وكانت تكلي دائمآ انتِ تستاهلين الاحسن حتى خواتي ظلو يغارون مني
واني الصراحه افرح من ماما ترفض مااحب ارتبط
علي وحسين ومحمد اخواني
دائمآ بشغل ميكعدون بالبيت ابد
وامي لو واجبات لو بالسوك لو تشتغل
ماما امونه كافي تباعين لروحج يوم والله حلوه وكلها تتمناج
ادري يوم بس اني احس المرايه صديقتي
ميخالف ماما كومي التهي سوي شي
اووووو ماما شتحجي
خلي اسبح واطلع
دخلت اسبح واغني
وحمامي صار 3ساعات بدون مااحس بروحي بين صافنه وبين اغني
طلعت
ها شبيج امونه
شبيه ماما
ولج نسيتج صار شكد من دخلتي
يمكن ساعه عادي
لج ياساعه شوفي هياتها الدنيا مغرب
البارت الثاني
يمه امونه اسم الله عليج شبيج
لك علي الحك اختك حرارتها عاليه
شبيج ايمان حبيتي زعلانه على التلفون اني اجيبه الج
امون امونه
وماوعيت الا اني بالمستشفى ومعلقين مغذي
ماما ليش اني هما
بنتي صار عندج اغماء وحرارتج ارتفعت ولحكنه عليج واليوم عطله ماكو دكاترا بس المقيمين
ماما طلعوني اري اطلع
بنتي انتاني الدكتور وانشوف شيكول
حسين امونه حبيبي مايصير هجي تسوي لان حاجيتج اختي ويهمني مصلحتج
درت وجهي منه ماعجبني احجي وياه
شوي واجه الدكتور
شلونها مريضتنا
زينه بس طلعني مابيه شي
دكتور هشام
نتعرف على دكتور هشام
عمري28سنه من طفولتي واني احلم اصير دكتور والحمد لله تحقق حلمي ماما وبابا منفصلين بابا بالخارج واني ساكن ويه ماما عند جدو اهل امي متمكنين وكانت كل طلباتي مجابه ماما سبورتيه احبه لان معاملتها الي كصديقه عمري محسيتها ام متسلطة
ماشفت البنيه الي تعجبني لابالكليه ولايعملي لو شخصيتها مهزوزه لو تصرفاتها متعجبني يعني ماكان يخش بالي شي ابد وجدو دائمآ يحاول ويه ماما تزوجني لكن بدون فائده لان ماما ماتدخل وتريدني اني اختار شريكتي
اجيت للدوام واستقبلوني روح للطوارئ مكتضه بالمرضى خلصت من الردهه وطلعت وبعد ساعتين رجعت للطوارئ اغلبيتهم طلعتهم كون حالات بسيطه واني اتابع المرضى وصلت فتاةشابه مجرد ماسئلت عنها دارت
لو مادارت احسن
عيونها اذهلتني تكلمت لكن ماسمعتها
سبحان الي خلقج
ها دكتور شدكول
اي حجيه تكدرون تطلعوها بس ديرو بالكم منها لان مبين نفسيتها تعبانه
ان شاء الله
بس كصولي الوصولات واريد اسم المريضه الكامل والعنوان ورقم التلفون
ايمان هذا شريد مريض جاي للمستشفى لو راح يعطوه قطعت ارض
اي ابني سجل اعطيته العنوان سجله على فايل ايمان واعطيته رقم ابني حسين
هشام طلعت واني محتار راح تروح شسوي يالله شنسوي ندعيلها بالمرض
ها دكتور هشام جايب وياك فايل
اي هذي عزيزه علي بس اريد طلب منكم من تدخل هجي مريضه للطوارئ فدوى بلغوني
اهااااا تطورات صايره تخبلت دكتور هشام ظليت تنعجب بالمرضى
هشام ماحجيت الهم
بقلبي كلت ولكم لو شايفين العيون جان محجيتو
ايمان حقدت على حسين حاول يصلح الوضع وياي ابد مااعطيته مجال
رجعت اتباوع للمرايا بس منظرات متشائمه
يوم ايمان ليش كاعده لوحدج موزين وقت اذان كومي يمي شغلت الضوى
وايمان تخبلت تصيح وتضرب بروحها خفت منها ربي دخيلك شديصير بالبنيه
ايمان ماما طفت الضوى واختنكت احس النفس انكطع
طلعي برى مااريد طلعي عوفيني كرهتكم كرهتكم
طلعت ماما من الغرفه وطفيت الضوى
ايماااااااااان
هذا صوت بالغرفه بس ابد مخفت
ايمااااااااان
منو وياي اطلع اني مااخاف من احد دور على شخص غيري يخاف
فجأه انكسرت الجامه ماشباك
شغلت الضوى وركضت لماما
شبيج ماما ليش هجي تسوين
ماما الجامه انكسرت
ياجامه
مالغرفتي
وشلون نكسرت تعالي اشوفها
ماما وخرت الستاره مكان شي مكسور
هنا بدأ خوف يكون عندي
لكن في داخلي صوت هو الي يخليني اتشجع اكون قويه
ماما امون وين
اريد اسبح
لاتسبحين مو زين هل الوقت
ماما ليش متحجيلي شنو الي موزين
مو هسه ماما غير وقت اكلمج هسه كومي صلي راح ترتاحين
ههههههه من كل عقلج اني ارتاح وياكم
يالله اتزوجي اني بعد مااعرضلج خلص مااريد اكون سبب بخطيتج
باوعت لماما بااستهزاء
وجريت المنشفه ودخلت اسبح وياريتني ماداخله
اني من عادتي اسبح بمي حار يعني حرارته طاغيه احس اعصابي تسترخي
فتحت شعري وفتحت الماي
واول ماخليت المي على جسدي سمعت صرخت رجل
ربي شديصير وياي
كملت سبح بس كانت ايدي ترجف سبحت بااقصى سرعه في سبيل اطلع
ها ماما بسرعه هل المره كملتي عل المره
تركت ماما وركضت لغرفتي
شغلت كل الاضاءه الي بالغرفه
وكان نفسي سريع الصوت عالي ماما ماسمعته ليه بس اني الي اسمعه
لازم اشوف شديصير بيه
كملت وتعطرت طلعت ماما اريد استخدم تلفونج
اي ماما اخذيه
اخذته ودخلت بسرعه للغرفه فتحت الانترنت وبحثت
عرفت انو الصوت الي بداخلي يشجعني على العناد ويحثني على السوء هذا قرين لكن الصوت الخارجي الاحداث الغريبه مرتبطه بالجن والعياذ بالله
يارب ايش فيه اني شنو يصير حتى الانترنت والعلماء الي فيه مااعطوني اجابه ظليت ابحث وتعمقت بالبحث الى ان وجدت طريقه عن احد الشيوخ وهي قراءة سورة الكرسي وسورة البقره هذي احسن طريقه اول ماتطلع ماما للسوك راح ابدي فيها يارب مااريد شي بس اريد ارتاح
اجه الليل واني عيني بالمرايا وعين بالشباك
خلص لازم اطلع مااظل هذا حالي
طلعت تعشيت ويه اخواني والكل مستغرب لميت الصحون واخذتها اغسلها واسمع ماما تكلم حسين
يمه خطيه اختك لااخت ولاصديقه ولا دوام وكسرت تلفونها وخليتها وهي يتيمه وامانه بركبتنه مايصير نخليها تنهضم
صار يوم من باجر اجيبلها احسن تلفون
قلبي حن اله ودي اطلع واحضنه لكن في داخلي صوت يمنعني لاترحين هذا هانج وضربج يكرهج
رجعت كملت شغلي وطلعت لماما
ماما اريد انام يمج اليوم
صدك يوم فرحتيني ياريت على طول يمي
ماما تنام من وقت واني همات تعبانه خلص اروح انام يمها
سحبت ايد ماما ونمت عليها
ايمان سحبت ايدي دمعت عيوني ميهون علي اشوفها ضعيفه
ونامت قبلي واني نمت بس سعادتي ماتنوصف الام مهما كبرو اولادها تحب ان يكونون محتاجيها
ايمان حسيت براحه واني يم امي واني نايمه ماحسيت الا ثوبي انسحب بقوه
يووووووم يممممممه
يمه متت خوف والله دا انشر وايديه يرجفن
البارت الثالث
ايمان حسيت براحه واني يم امي واني نايمه ماحسيت الا ثوبي انسحب بقوه
يووووووم يممممممه
ها يمه شبيج تصرخين اسم الله
ماما ملابسي
حبيبتي ذكري الله انتِ لازمه ملابسج محد لازمها
لاماما والله انجرت
ماما حبيبتي سمي بااسم الله ورجعي نامي مابيج الا العافيه
وفعلآ سميت ونمت وهل المره بدون ازعاج كولش
بنتي ايمان اني رايحه اطلع للسوك بالج من البيت
ان شاء الله ماما فرصه خلي انقذ الي قريته
ركضت سديت البيبان كليتهم وشغلت قران بااعلى صوت بس المفاجأه انو بعد قراءة القراءن بحوالي عشر دقايق
بدآت اصواات بالبيت وظلت تقوى صريخ وكأنما جيش دخل للبيت احس البيت حينفجر
خليت ايدي على ذاناتي وظليت اردد عيني يارب عيني يارب
فتحت ايدي هدوء
شوي وظلت الستائر تتحرك فعلآ حسيت البيت راح ينشلع من مكانه
ركضت للقراءن طفيته وفتحت الستائر والنوافذ
هدأ البيت ايقنت بيني وبين نفسي انو هذي الشغلات الي تصير وياي مجرد تخيلات لازم ماافكر بيها اعيش حياتي واول شي اسويه لازم اطلع من البيت هذا لازم ارتبط
هشام صارت امنيتي التقي باايمان
شفتها اخرمره واختفت كولش يارب يجعنه بصدفه منين يجمعني واني بس بالمستشفى اووووووف اوووووف مااعرف هذي البنيه كيف من نظره كذا يصير بيه كأنما سحرتني
ايمان رجعت ماما من السوك
الله يساعدج يوم
هلا بنتي
يوم فدوه اريد اطلع اي مكان اي مناسبه
صلوات على محمد واخيرآ انفكت عقدتج يارب يرزقج باابن الحلال الي اطمئن عليه فيج
يعني ماما ماترفضين
لابنتي ليش ارفض خلص العمر جاي يمشي وهذا متحاسب عليه
دخلت لغرفتي فتحت الستائر وشعلت بخور ونظفتها وعطرتها احس براحه نفسيه خلص ماافكر بعد الحمد لله عدا اليوم هدوء وطبيعي ماكو شي
كعدت ثاني يوم ماما طالعه خلي افاجئها انظف البيت وفعلآ بدين بيه هلكت من اخشاب وجام وارضيات صار نظيف وصلت للجربايه خلي انظف جواها اني مديت ايدي وطلعت القطعه الي امسح بيها كلها دم
يممممممممممه عفت كلشي وركضت كعدت بالباب اتاني امي
شبيج يوم كاعده بالباب كومي
تعالي يوم لازم اشوفج شديصير جريتها من ايدها وديتها للغرفه
كلشي طبيعي
ماما بس هنا جان
حبيبتي اليوم معزومين بحفله حظري روحج اخذج
اي يوم فدوه لازم اطلع
حظرت فستان وحميت الشسوار وادخل اسبح
هشام اتصلو علي اصدقائي عازميني بمطعم
ماقبلت اروح عندي واجب اليوم وتعبان عذروني
يمعود انتَ خربان مو هشام الاولي يابه اتزوج بلكي تضوج من مرتك وترجعلنه
ههههههه خوش تحللون اني مامفكر اتزوج خلو هل الشي الكم
وصلت للمستشفى طبعآ جاي على اعصابي كعدت بالاستراحه
ايمان دخلت اسبح ماتباوعت للمرايا ابد كرهتها
واني اسبح بس خايفه حيل
ايماااااااان ايماااااان
شتردين ليش تصيحلي كافي حطمتيني
صوت ضحكه قوي
وبعدها كلي سدي المي ايماااااان
اني كد ماحقدت فتحت المي على اعلى شي شيصير اكثر من الصار بيه
واخذ بالمي اذبه على رجلي
اااااااااااااااخ المي حار
ظليت اطفر سحبت المنشفه والكه بيها شعر اسود
يمه رحت للباب افتحه هذا مو باب حمامنه هذا حديد
يمممممممه لحكي علي يممممممه
حسين صوت ايمان بالحمام صحت لماما
كسرنه الباب
دخلت ماما لكتها واكعه بالارض ورجليها حمر وارمات
لفيتها بالمنشفه وشالها حسين طلعها الفراش
اطلع يمه خلي ابدللها
سديت الباب وبدلتلها تكحت برجلها ظلت تصرخ اتباوع اشوفهم الجلد مفصول وكلهم جراحه دخيلك ياعلي
يوووم فدوه رجلي
طلعت يوم فدوه شعل السياره اختك محتركه رجليها
كوموني مكدرت اكوم شالني حسين وخلاني بالسياره
وصلنه للمستشفى ماكو اي عنايه واحد يذب شغله على الوخ
هشام كوم جيك المرضى
اعذرني علاوي اليوم ماالي خلك اتسوي فضل علي اذا تشوفهم
امري لله ماتكلي المن جاي
واني اشرب كوفي وبعد نص ساعه اجه محمد كعد يمي
ولك هشام والله لو تدري منو اجه للطوارى جان رحت ركض
منو ؟؟؟؟
ايمان
لك تشاقه وياي
لا والله رجليها محتركه
حقير غير تصيحلي
لا تستعجل اني خليتهم يننظروم تروح تضمد جرحها
لك صدك تحجي اضمد جرحها تدري مو شغلتي هاي
لعد اني اروح اعتذر منك هشام
لالا اوكف اني اروح امري لله يوميخ ادعي اشوفها
ايمان الوجع كتلني صاحو لدكتور هشام مار علي هل الاسم هسه يجي ونشوفه
هشام دخلت اووووف شكد اشتاقيت لشوفتج
حسين انتَ دكتور هشام
اي اني
تعالي عيني شو اشوف رجلج
هاي ليش هجي
دكتور بالمي الحار
الله لايوفقك دكتور محمد مالكيت غيري ينظف جرحها
ونصيحه مني الكم من يقرأ القران دائمآ خلو الابواب مفتوحه علمود يطرد الشر لان اذا مغلقه حتحبسونه ويتعذب وهذا الشي الي صار ويه ايمان
كملي حلوة
البارت الرابع
هشام نظفت جرحها وكل صرخه منها احسها بقلبي عجيبه هل البنيه شلون سيطرة على عقلي لازم الكالي حل وياها مو كل مره الدنيا تعطيني فرصه
بلا زحمه عليكم ممكن تطلعون لان جاي توتروها خلي اخلص شغلي
هي تبجي وتصرخ وامها واخوانها وياها يبجون طلعتهم برى
دموعها من تنزل تحرق قلبي ضمدتها رغم هذا الشي مو شغلي
سلامتج عيني
ايمان متت من نظفلي الدكتور الجرح لكن كان كولش حلو تعامله وياي
خلص وكلي سلامتج باابتسامه
صفنت بوجهه
الله شكد محتاجه هجي شي محتاجه شخص يكلمني من تركت الدوام واني ممقابله احد
الله يسلمك دكتور
دكتور هشام
اتشكرك على تعاملك وياي
نسيتيني ايمان
اها تعرفني
اي انت زرتيني قبل فتره كنتِ تعبانه
عذرآ ماكنت منتبها
عيني هذا كارتي بيه ارقامي ياريت تتصلين بيه مثل هل المره الدكتور محتاج المريض
وطلعت دخلو اهلها واني طلعت بس كون تتصل علي
مااعرف كل تفكيري توقف الي اعرفه اريدها
ها بشر دكتور هشام
معليكم بيه افتهمتو لاتدخلون
عمي حقك خوش صيده حرامات تتفوت واحد ياخذها بس يشوف عيونها
كااااااافي
ماتحملت يتغزلون بيها
ايمان اول مدخلو اخواني ضميت الكارت
مااعرف رغم جمالي والناس تتقدملي بكثره لكن ماواجهني شخص وكلمني
دكتور هشام مميز ومبين مهتم لأمري الصراحه فرحت
حسين ايمان انتي عزيزه علينه وماعدنا بغلاتج فدوه شنو تردين بس كولي لاتسوين هجي
اريد تلفون ومره ثانيه ماتهيني اني بابا عمره ماصاح علي
كافي ماما مايصير هجي تسوي
حسين من باجر الصبح هو عندج هياتني انزلكم واروح اشتري
حسين ابوي قبل لايموت وصانه باايمان كان كولش يحبها واني من اشوفها متأذيه احس بابا مراضي عني
ايمان دخلت البيت اختنكت مكانت هذي حالتي
شفيج بنتي امونه ليش وجهج تغير
ماما اختنك من البيت اختنك
صلي على محمد ماما شبيه بيتنا
مراح تفهميني من احجي خليني ساكته
كعدت ماما جابتلي شوربه
اكلها واتذكر منظر الدم والشعر دفعتها ولعبت نفسي ركضت للحمام
معدتي ظلت توجعني
غسلت وجهي واباوع شكلي على قبيح وابتسامه ماكره
ظليت اردد بسم الله بسم الله واني مغمضه عيوني وطلعت
اختنكت لااكدر احجي لأحد ويفهمني راح انجن ربي ساعدني
دخلت الغرفه طلعت كارت دكتور هشام
ياريت دكتور تحبني وطلعني من هل الجحيم خلص من باجر اراسلك واشوف نيتك شنو وياي
ماما اريد اظل يمج
اي بنتي حتى اني مااريدج تنامين لوحدج ماعاجبني وضعج
ظليت يم ماما بس منمت ابد درت واشوف كدامي مصحف سحبته وحضنته مااعرف من حضنته اعيوني ظلت تجري حسيت اني مبتعده هوايه عن ربي
غمضت عيوني وقلبي يبجي الهي سامحني وارحمني انغريت هوايه وابتعدت عنك لهذا اني مامرتاحه
فتحت المصحف انفتح على
وما خلقنا الجن والانس الا ليعبدون
سحبت روحي وتوضيت خليت السجاده وبديت اصلي احس كأني عندي جناحان وعالم لوحدي
حسيت براحه يارب رحمتك لاتتركني
سجدت واني اكرر الهي مسني الضر وانتَ ارحم الراحمين حسيت بنعاس
فجأه اني اصعد درجات بااعلى الدرجات نور قوي
فقط صوت تمسكي
وفجأه اشوف نمل يمشي على قدمي صرخت
يمه امونه شبيج صلوات تصليت
كنت نايمه على السجاده واني ماحاسه
خلص اتاكدت طريق نجاتي التمسك بالله
قررت ان اغير حياتي
كعدت ماما للصلاة واني وياها
حظرنه الريوك اجه حسين باسني على راسي واعطاني تلفون وحديث
مشكور اكدر اطلب منك طلب
شطلبين بعد جيوبي فرغت
لزمت ايده اني محتاجتك
افا ليش تكولين هجي واني شنو وجودي
تسلم بس اريدك مو اخ متسلط تبعدني عنك اريذك صديق
ان شاء الله خويه شعندي غيرج ياامونه
ايمان اخذت التلفون وخليت فيه الكارت وبديت انزل برامج فرحانه بيه كولش مثل ام وشافت ولدها
الله شون حلو خطيه حسين واني ظلمته
واني ملتهيه بالتلفون المروحه تحركت والستائر انسحبت
ياربي اريد ارتاح ربي لاتتركني كلشي بااردتك ابعد الشر عني
غمضت عيوني فتحتهم كلشي طبيعي
رجعت للتلفون
هشام رجعت من المستشفى مانمت انتظرها طولت علي
احتمال مرتبطه اكيد مو بالها اني
يالله كافي خلي اشيلها من راسي اليوم كله افكر بيها وهي ولايمي ابد
خلي انام احسن
حلمت ايمان ماده ايدها الي وعيونها يجرون دموع سود
فزيت مرعوب ياستار شفيها هذي البنيه
كعدت اتصفح بالتلفون
بس اذا هي صدك مرتبطه ليش اخذت رقمي رجعت كملت منامي كعدت من وقت بدلت
تعال ابني تعال اريد احاجيك
بلي جدو
شوكت تتزوج بيتنا محتاجله روح حياة فيها
جدو كلتلكم مااتزوج وحده متعجبني
لا تصرون
ابني اتزوج الي تعجبك منو لازمك بس اتزوج اريد اشوف جهالك قبل لااموت
اسم الله عليك جدو شعدنه غيرك
ابني اسمع حجايتي قبل لاتتندم
ان شاء الله
طلعت واني اكول هل القلب الطايح حظه ماجلب الا بمريضه لاوجماله مرتبطه حتى ماردت علي
نزلت للمستشفى دخلت الغرفه خليت تلفوني والمفاتيح والسويج بالجرار وقفلته
وبديت اتفحص الطوارى
خلصت رحت الكافتريا كعدت شربت كوفي اتذكرت تلفوني يالله يولي منو يتصل
ايمان حفظت الرقم سميته دكتوري
بس ترددت اراسل لو لا بس هو الي كدامي خلص خلي اعيش حياتي مثل كل بنت ماافرق اني عنهم
صباح الخير دكتور هشام اني ايمان تشرفت بمعرفتك
والله يالله اريد اعيش مثل البنات واني حتى مااعرف اكتب يالله نتعلم
خلي اساعد ماما نظفت وعزلت المطبخ بس الحمام كان عذابي فيه
ليش اني من دون اهلي ايصير بيه كذا مره لوخ اذا صار شي اكول لأهلي
لازم يعرفون
خلصت تنظيف وكعدت ويه ماما
بنتي صلوات على محمد وجهج مورد ولاتعبين روحج مااريد جرحج يلتهب
اكول ماما انتِ همات تشوفين شغلات غريبه بالبيت
مثل شنو
يعني بالمرايا او تختفي شغلات وتتحرك من مكانه
يم اسم الله ليش تحجين هجي مابيتنا اي شي من هذا الي تكولينه
يعني بس اني الي اشوفه
ليش لازم اكو سر
شبيج بنتي مااسمعج
لاماما ماكو شي احجي بيني وبين نفسي
فتحت التلفون ماكو رد من الدكتور
لازم اكتشف شنو الي جاي يصيرلي فتحت النت وظليت ابحث الي اكتشفته انو بالمرأه يظهر القرين القرين نوع من الجن يأمرك ويشجع تعمل سوء ويكون ملازم الك لغاية ماتموت
لا لا ربي دخيلك اكضي عمري كذا انجن خلي ابحث كيف اتخلص منه
من اسبابه النظر في المرأة طويل وخاصه التحديق بالبؤبؤ وفي الظلام
ظهوره بشكل مستمر يؤدي الى الجنون
يارب دخيلك خلص الطريقه الوحيده لخلاصي هي التزم في صلاتي
هشام رجعت للغرفه اتصل على والدتي اتفاجأت مسج من رقم فتحته
صباح الخير دكتور هشام اني ايمان تشرفت بمعرفتك
خلي اقرا مره ثانيه معقوله يتصورلي
اها هذي ايمان فدوه اروحلج الدكتور
ايمان واني ابحث واحاول الكي طريقه اخلص بيها من الشي الي محاوطني
وصلت رساله من دكتوري
صباح الحب من قلب في كل اوقاته محتاجك… صباح الشوق من قلب يموت بروعة احساسك
شيقصد هذا اشو كبل حب شنو شاف علي
رديت دكتور لاتظن بيه سهله لان راسلتك ليه دزيتلي رسالة فيها حب وغزل اترجاك اذا اذا الك غايه وياي اتركني ماافيدك
هشام لا لا ايمان فدوه ليروح بالج بعيد من اول يوم شفتج واني قلبي تعلق فيج ونيتي وياج صافي بس انطيني شوية مجال واني اثبتلج
حنان رد الدكتور الي يطمن بس خلي شوية ينتظر رغم كنت اتمنه اظل وياه محتاجه شخص وهذي حاجتي كدامي بس لايمكن ان ارخص نفسي واكون سهله
بعد الغده مباشره خلصت التنظيف وكعدت اقرأ قرأن وجدت راحه عمري محسيتها ابد والحمد لله ظليت ابتعد عن الظلام ومااطول بالنظر الى نفسي
يوم امونه اختج تعبانه وتريدج يمها كلتلها امونه مريضه ماتكدر
لا ماما اروح ماطول رجلي اوكف عليها اروح لازم اكسر الحواجز الي صارت بيني وبين اختي
الله يهديج يمه شريد اني
الحمد لله فرصه اجتلي اطلع من هل البيت
هشام انتظرت انتظرت طولت معقوله زعلت من كلامي خلي اتصل
لا خاف اهلها يمها مااريد اسببلها احراج خلي ارسل مسج وبعد هي بكيفها
ايمان كعدت الم غراضي واني حيل فرحانه واخيرآ راح اتخلص من الكوابيس الي اعيش فيها
رن التلفون قلبي طار اكيد الدكتور
تزعلين مني واني احسبج نصي الثاني ايمان اني صارلي فتره مريض وعلاجي عندج فدوه لاتركيني لان فرحتي بيج متنوصف واذا مرايدتني براحتج ماافرض نفسي عليج
هذا شيحجي مايدري بيه اني شكد فرحانه خلي اتصل عليه
هشام اظلمت الدنيا بعيني بعد مافرحة بيها يالله اذا مامقسومتلي شسوي
اتصال من ايمان
الو
هلا ايمان بعدج زعلانه
لاابد مكلت شي يزعل بس اني مااحب تفهمني خطأ
ايمان اني نيتي وياج بالحلال بس حبيت اطمئن انتِ مامرتبطه
لا ابد مامرتبطه واذا صدك الك نيه تعال تقدملي
صدوك تحجين
ها اشو اختلفنه
لا ابد براحتج مثل ماتردين انطيني العنوان وايصير خير
هذا صدوك يحجي
لحظه دكتور خلي اتعرف عليك قبل لايصير الشي رسمي
اي هذا الحجي الي يرد الروح لازم اتعرف عليج ايمان وانتِ تعرفيني وصدكي اني اتمناج الي اليوم قبل باجر
يالله دكتور استأذن اني
لحظه
بلي
كوليلي هشام بدون دكتور
صعبه اكولها
الحمد لله اذا هذي صعبه عليج خوش اتعرفنه
فدوه ايمان خلي اسمعها
الله وياك هشام
وسديت التلفون مااعرف بين مشاعري بين الفرح والخوف تجربه جديده يارب يكون صادق وياي
هشام فدوه للخجوله ان شاء الله اطلعين مثل مااتصورتج
ايمان جهزت نفسي ودعت ماما لان راح اظل عشرة ايام عند اختي ومامتعلمه على فراكها
وصلني اخوي علي
استقبلتني دعاء وفرحانه بيه
لج امونه مامصدكه انتِ اجيتي
اني اتغيرت وانتم تظلون خواتي ماالي غنا عنكم
وهنا يبدأ الماساة الحقيقيه
لاتظنون الهروب يفيد المواجهه افضل الحلول واجهو واقعكم ومشاكلكم ابد لاتتهربون لان ماتعرفون شنو ينتظركم
الخوف سيطر عليه شيكملها
البارت الخامس
كعدت ويه اختي طبخنه سوى ولزمت الجهال العبهم وهي خطيه نامت من التعب
ظليت صافنه شكد كرهتها قبل وهسه اني احبها اكثر من نفسي ياسبحان الله وكعدت اغنيلهم وهما يركصون كمت وياهم دخل زوج دعاء بدون مااحس بيه درت والكاه وراي شدتسوي رافد
غير تحجي هجي الاصول (طبعآ رافد زوج دعاء )
واني شمدريني انتِ هنايه
تركته ومشيت
تعاي يابه سلامات شبيها رجلج
احتركت بالمي الحار
اوووووف ماتستاهلين امونه اكيد طكوج بعين هما خواتج يموتون منج
شوف داكولك مااسمحلك تحجي على خواتي نكره نحب براحتنا
على كيفج عيني شكلنا وعصبتي
درت وجهي منه ورحت كعدت دعاء
خلينه الغده وعزلنا
اني تعبتج وياي امونه
حبي تعبج راحه
بس سؤال اسئلج عنه وماتزعلين
وليش ازعل منج
شنو الي غيرج وصرتي حبابه كنت غير
هههههه اظاهر كلكم ماخذين عني اني مااحبكم حبي هذا طيش هسه الدنيا فهمتني غصبآ عني شلون احترم واني بالنسبه الي حتى قبل احبكم مااختلف شي بس تصرفاتي
ياالله فرحتيني امونه ماتدرين شكد محتاجينج
ايمان اوووووووووو نسيت التلفون ماطلعته اكيد هسه هشام قلق علي خلي اشوفه جائز ماراسلني
فتحته لكيت 6مسجات ههههه يمكن صدك ايحبني
هشام صرت اعصاب وتنرفزت وبس اصيح ماادري هل البنيه خلتني بنار
ليش ماترد ليش
ايمان اخذت الجهال بالغرفه سديت الباب ونزلتلهم العاب واتصلت
الو
صدوك تحجين. يابرودج ليش مارديتي علي
على كيفك عيني بعدها ميانتنه ماقوة وهجي تصيح
مو ظل بالي يمج ياعيني ماتكولين المسكين ايفكر بيه
اني بيت اختي وانشغلت شوي
اها امونه ديري بالج على روحج
ان شاء الله بس اكدر اسئلك سؤال
سئلي يمعوده سئلي
انتَ تحبني
لا اكرهج هذا سؤال
لا بس احب اتاكد
ولج اموت عليج ماخليت احد ماوصيته من يشوفج يبلغني ماادري شسويتي الي
الله هلكد تحبني
اي واكثر وانتِ
اني شنو اني مكنت خاله بالي يمك غير مريضه
اني مااتكلم من اتمرضتي هسه شنو مشاعرج الي
سؤال صعب من اتأكد من اجابته اكولك
نصبر والله كريم
ايمان سديت التلفون واني طايره من الفرح فتحت الوتساب وطلعت اسمه اباوع على صورته معقوله الدنيا تضحكلي هجي انسان حلو محترم ومثقف يحبني
خليت التلفون على صورته وسرحت بعالم ثاني
خاله خاله
حبيب خالتك انتَ شتريد
اخذيني للحمام
اي مو تدلل
اخذته وغسلتله لازم اغير ملابسي
دخلت الغرفه سديت الباب ولبست بدله قصيره حار الجو
خاله فتحيلي
شكو حبيبي اريد انام
اي اني اريد انام يمج
ههههه فديته حبيب خالته دخلته ودفعت الباب حضنته ونمت
الله حلو هل الاحساس ربي وفقني ويه هشام هجي تصير عندي عائله
هشام اريد انام وصلت رساله
تصبح على خير يااحلى دكتور
الله هذي الكلمات الحلوه تشجعت ارسللها
ايمان غطيت وجهي ورن التلفون
سمعتي اكو احلى من الكمر
اي اكو انتِ احلى مافي دنيتي كلها
امون احبج حتى وان تزعلين مااكدر اخفي مشاعري تجاهج ابد
وانتِ من اهل الخير ياروحي
يمعود اني محتاجه هل الكلام فديتك وفديت كلماتك العسل تعبانه نعست بس غمضت عيني نمت
رافد كعدت ادور على ابني فتحت الباب على كيف واشوف ايمان الغطا مرفوع منها اوووووف كارثه هذي البنيه مو حظي شخيرها واصل للجوارين
اتقربت منها ماكدرت اقاوم ابد
ايمان حسيت باايد تلمس افخاذي كان ظني رجعتلي كوابيسي التفتت هذا رافد اريد اصرخ خله ايده على حلكي ونظراته الي ودى ياكلني ظليت احرك بأيدي وادفع حيل احاول اكعد ابنه
الحمد لله كعد
بابا شجاي تسوي
رافد ها بابا اجيت اغطيك
طلعت هسه وكتك ابن الفكر تكعد
ايمان ركضت سحبت بجامه لبستها
واني ارجف على لحظه كان احلامي كولها ضاعت ضليت حابسه البجي واضرب بوجهي مااريد جمال اريد اعيش مثل الناس
رحت للحمام اغسل اماكن الي لمسني الحقير فيها كلب الله لايوفقك
كاعده وابجي
ايمااااااااااان
الصوت رجع ربي ارحمني
منو وياي شتريد مني ابتعد
انتِ الي
منو انت منو ابتعد عني اني مو لأحد كافي اتركوني
دعاء هذا صوت ايمان ركضت شبيج امونه ليش كاعده هنا
دعاء فدوه ساعديني راح اتخبل
شبيج حبيبتي اخذتها للغرفه احجي امونه شبيج
اكو صوت يلاحكني وصوره قبيحه تطلعلي بالمرايا فدوه ساعدين حسبالي اجي ارتاح عندج بس الراحه طلعت مو الي
يمه ياساتر شبيج حبيبتي صلي على محمد
ولج والله مصليه وذاكره الله بس ماجاي ارتاح فدوه شوفولي حل
الصبح احاجي رافد ونشوف الج حل
لا دعاء اني مااظل للصبح من وكت اروح
ليش شبيج حبي اذا على هاي سهله
لااختي مو على هذي بس اني متعوده على ماما مااكدر على فراكها
اذا هجي براحتج
روحي حبي يم زوجج اني هسه ارتاح وانام
سحبت التلفون فتحت الوتساب هشام متصل
متصل ويامن
هههه خرعتيني اليوم خفاره
اها وماكو حلوات
اكو كلش هواي دكتورات وممرضات ومريضاات
وماطول اكو ليش تكلمني
فديت الي تغار كولي امون ليش كاعده
تعبانه مجايلي نوم
اجي يمج
لايمعود ماناقصني مغامرات
هههه اتمازح وياج اكول امون
بلي
مشتاقلج
تصبح على خير
لج تعاي شبيج لاتكوليلي زعلتي
لا بالعكس اني عندي ثقه بيك متلعب بمشاعري وماانكر اني فرحانه بوجودك بس اروح لان مااريد اندفع واكول كلام مامتاكده منه
كولي الله يخليج كولي اموت واسمع منج كلمه حلوه
لاتستعجل هشام
الله حبيت اسمي
باي
واني بديت ا حبك صار كلامك الي دواء غيرن ملابسي وحظرت اغراضي بس يطلع الصبح اخلي علي يرجعني
خلي اكوم اصلي
وماحسيت بالوقت بين التلاوه والتسبيح سمعت دعاء بالمطبخ
اووو الساعه سبعه اتصلت وبلغت علي ياخذني قبل روحته للدوام
واول ماوصل
دعاء شبيها ايمان شصاير من الصبح متصل تريدني ادري بيها متحجي
تعال اكولك كول لأمي تاخذها ترقيها ايمان مضروره وامس اتاذت ظلت تبجي وتصيح
بالليل
شتحجين انتِ عود هاي المثقفه
انت ماعليك بلغ امي وبس
الله كريم
ايمان سمعت دعاء تكوله
ابد مازعلت احسن بلكي يساعدوني
رجعنا الطريق كله علي محجه ولاحجايه وياي
وصلني وكعد يكلم امي وامي تبهذلت امورها
هههههههه هاي بس سمعتي وهجي صار بيج لو شايفه الي اني شايفته
يوم امونه شلونج دعاء شلونها
الحمد لله تسال عنج
ماما اني اروح للسوك بس عندي عتب وياج اني امج ماتكوليلي الي يصير وياج
ماما الله يخليج لاتلوميني بشي
اذا تكدرون ساعدوني
اني راح اطلع واسئل بلكي الكي شخص يفتهم
الله وياج
ركضت للتلفون خلي اتصل بهشام
يرن يرن وماكو رد
يالله خلي انام مانمت من ورى رافد الحقير
خليت راسي وماادري بالدنيا
فزيت على صوت مامفهوم وقريب
صحت ماما ماما ماكو الصوت بدأ يقوى ايست اني لوحدي شسوي
مننننو شتردون الصوت يمي
اقترب حسيت شي بالارض
نصيت راسي اشوف وايد لزمتني من جوى الفراش صار وجهي بوجهه
يمااااااا حسين علاوي لحكوني
كان عيونه بس سواد وبشرته لونه على ازرق منظر مرعب لدرجه احس قلبي يوكف
احاول اسحب ايدي
اتركني اتركني
يمممممممممه
ام ايمان وصلت للبيت وصوت ايمان برى تصرخ يمه بنتي
تركت المسواك بالشارع ودخلت
ايماااان يمه شبيج
حضنتني وتبجي لاتركيني ماما وحدي
ليش ماما شفيج
ايمان ماما شفت جن مو بشر يوم حموت
ماما انتِ كنتِ نايمه يعني يتهيئلج
لج يوم شفته
ها شنو بنتي ليش هجي جسمج رطب الغرفه مو حاره
ايمان لزمت ايد امي شوفي ماما شوفي
كانت ايدي فيها اثار اظافر مخترقه جلدي
يمه بنتي يمه اليوم اوديج وصفولي رجال وراح ياخذنه علاوي العصر
رن التلفون هذا هشام
من هذا ردي
لا ماما هذا رقم غريب يولي طفيت التلفون
ماادري ليش مامقتنعه بكلامج
يالله كومي وياي لاتظلين وحدج
صار العصر حظرت نفسي
وصلنه لرجال كبير بالعمر نظراته حاده وكان مركز علي بدون منحجي
حجي جايبه بنتي الك
لاتكملين اعرف بنتج
رد مع اقتباس