صباحكم ....
صباحكم ....
المعروف ان كل نتاج معرفي هو نتاج بيئته .. مثلا شاعر مخلص كل عمره بالصحراء ما معقولة يكتب عن المدينة ... باجوائها ومفرداتها اليومية ... وفق هذا التصور تلكة المعارف الابداعية متأثرة بالبيئة ... في جانب مهم منها . كما انها متأثرة ايضا بثقافة وابداع صاحبها ..
تلكة ايضا ... ان الزمن يلعب دور كبير في هذا الانتاج .. بحيث تلكة كل وقت واله معارفه الابداعية .. بالاندلس مثلا وصل بيهم الترف الى ان كاموا يبدعون بالشعر على سبيل المثال .. ابتكروا الموشحات اللي هي غاية في الجمال والترف .. الانتقال الموسيقي اللي بيها يجعلها خفيفة على المسامع .. راقصة حد الانتشاء .. وهذا ما جان موجود مثلا بالمشرق .. بحيث اشتركت البيئة والزمن بانتاجه .المشاركة الأصلية كتبت بواسطة راهب
بواحد من فيديوات اليوتيوب .. شباب اخذوا على عاتقهم تتبع الفن المصري خلال مسيرته .. على مدى قرن كامل ابتداء من الموشحات وطريقة ادائها وصولا الى 2015 ... وفورة الفيديو كليب والغناء اللي اقترب كثيرا من الراب الغربي ...
فيديو يكشفلك شلون يتغير الفن .. وطرق اداءه وعباراته ..
هذا التغير يكشفلك ايضا شلون تتغير طبيعة التلقي ( السامع / القارئ ) وشلون ينتقل الذوق عده .. وشلون يمكن ان يؤشر مفهوم جمالية التلقي عليه من خلال التماهي مع كل هذا التغير .. جمالية التلقي مفهوم غربي يدرس الاثر اللي يحققه المنجز مكتوبا ام مسموعا ام مرئيا بالمشاهد / السامع / المتلقي ..
احلى شي لمن تخلص اول يوم العيد بيت اهلك ...
صفنة وحدة على هذا الفيديو راح تكتشف شلون مستوى الذوق انحدر انحدار رهيب ... بحيث راحت تلك النوتات الموسيقي اللي كانت تُوظف في الاغنية مثلا على امتدادها ... تتلمس احساس الملحن اللي يخليك من خلال اللحن تحس بكل كلمة في الاغنية .. وتحولت الى تجميع نوتات ما اله علاقة بالثانية .. وتلكة بالنهاية اغنية مشوّهه بلحن غربي على عربي على مدري شنو وحركات ما تعرف بدايتها الى نهايتها ..
وبيت كطيو مثال حي على هذا الانتاج او التلقي .
هذا الحجي اسحبه على الادب ... واخذلك فرة هنا بالدرر .. اقرة النصوص واقرة الردود .. واخذلك مساحة بينك وبين نفسك وحضرلك لطمية معدلة من مالات نسوان كبل ... واشبع
تلكة ردود اصلا مو يم السالفة ... مو يم النص .. وتثير بصورة كبيرة صورة انه رد مجامل اكثر من انه رد موضوعي .. اشبه بواحد يشتري قميص غامق جدا .. وطالع بنص ظهيرة حمرة .. بحيث القميص صاير خلية شمسية ..
المشكلة من تسأل صاحب الرد ... شنو اللي عجبك بهذا القميص .. شلون اشتريته .. وليش اشتريت هذا مو غيره .. يكلك عجبني .. اي يا عمي ادري عجبك .. بس يجوز اني غافل عنه .. اشرحلي حتى يجوز اشتري مثله .. يدير وجه عنك