منيلكم هاي الصلافه! حسين الساعدي
امنيلكم هاي الصلافه__ يلي جنتوا تستحون!
بس اكولن ياحسافه___وأصرخ ابليل السكون
يلي جان المستحه ايضوي ابضواكم
والورد هل باالعطر من مستحاكم
فدوه
فهموني
شجاكم
وعادي لمن ما تجوون!
امنيلكم هاي الصلافه__ يلي جنتوا تستحون!
:::::
من اجينه
انعاتب اعيون الحنينه
ما لكينه
المستحه وما عاتبينه!
جنها موش اعيونكم هاي الصراحه
ما دريت امنين اجتهن هالوكاحه!
انه
رديت
ابدمعتي
وأأخ يادمع العيوون
يجوي
بخدودي
ابجمرتي
وخيب امال الظنون
والله ماظنيت بيكم هيجي غفله وتنتهون!
امنيلكم هاي الصلافه__ يلي جنتوا تستحون!
::::::
جنت اباهي الدنيا بيكم
بالصدك والعاطفه
الدنيا معتمده عليكم
لو خلت من الوفه!
هسه مخنوك ابهواكم_مانفع حتى الهوه
والشمس ظلمه ابجفاكم-حايره اتريد الضوه
يادموع
التكفي
وبكلبي الحريق
وياطريق
اليخلص
اشطوله الطريق!
يوم ما رديت وحدي وضايع ابدرب الجنون
امنيلكم هاي الصلافه__ يلي جنتوا تستحون!
حسين االساعدي
رد مع اقتباس
المشاركة الأصلية كتبت بواسطة الشاعر عازف الاوتار
