كبر ذنبي
ولگيت الناس تهوى اسوالف الجنه
ابردت ناري وگلت معذور
اشما تنزل شمس للگاع تچـوي اخدودها الحنه
وعذرته
عذرته المايعرف الآخ عاش اوحيد !!
وعرفت الشجرة نثية گاع
من يلحگ ثمرها اتريد لـزمة ايّـد
نسيت الليل البراسي وحسبت الشيب عالگـمره
ويفزن بيه التلاثين ذلة غيم باگت هيبته الگطره
تصوفر صفنتي ابـــ مامش .. وأرد اتراب
واخضّر چـلمة امـلاگـه اعله كل أصبع يمر غلطان يم الباب
لا صحلي وجه واقراه .. ولانه اتهجه الـ ابـروحي
عشت دنيه غريبة شوف
انزع كل بياض الماي
واسومر مستحه ابـ لوحي
واثاريني فلا محسوب
ولا تايه سحگ دربي
لگيت الناس صبخة شوگ
اشتلك وين يا گلبي
رد مع اقتباس