كلمات قصيدة وداعاً ياعلي - مكتوبة - باسم الكربلائي
وداعاً يا حبيبي يا علي...وداعاً يا حبيبي يا علي
آنا زينب يا بو زينب أغله من كل ناسك
أشعر بغربة يحيدر ما حضني إحساسك
الليلة ريحة موت أشمن من عطر أنفاسك
من عسنها براسي طاحت بوية طبرة راسك
يبوية صوتي يمك يعتلي
وداعاً يا حبيبي يا علي
آنا منك و انت مني و انت جرح امصابي
يا علي و من نور وجهك الله سوه احجابي
ساهرة بدمعة عذابك بللتها اثيابي
حسبت كلشي و غيابك ما إجه بحسابي
يقلبي ياللي بالهم مبتلي
وداعاً يا حبيبي يا علي
أدري قلبك بوية يرفض تمشي و اتخليني
عيني ما تغمض وحقك لو غبت عن عيني
اخذ عمري ولا تكلي لازم اتودعيني
ضايعة الضيعة أبوها افراقك يأذيني
يحيدر يا بعد ناسي و هلي
وداعاً يا حبيبي يا علي
مثل زينب ألف طفلة و طفل دم يبجولك
الشمس بيدك رجعتها الموت عجبة ينولك
و اليتامه بالسلامة يا علي يدعوا لك
كوم و اتوضه الصلاتك كوم و امشي بطولك
يغالي و الحزن ما ينجلي
وداعاً يا حبيبي يا علي
عمت عيني اشلون وجهك غيروا ألوانه
بالدمع خليني أروي اشفافك الذبلانه
يا رحيم ارحم ببنتك زينب الحيرانه
حيلي وي عرش الجلالة اتهدمت أركانه
أخيراً راح أظل ابلا ولي
وداعاً يا حبيبي يا علي
الليلة أحلام البراءة بغيبتك مذبوحه
لابسة ثوب اليتيمه دمعتي المسفوحه
الله يلعن ابن ملجم الله ياخذ روحه
استقبلت عيد الله أذرف دمعتي المجروحه
أويلاه ما يقه واحد إلي
وداعاً يا حبيبي يا علي
رد مع اقتباس
المشاركة الأصلية كتبت بواسطة عماد جواد عبيد
