هنا

[ღ عِشق ღ]

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

تبارك .. إله المن عزم سيفك توحد
يالنك .. ابو الهيجاء والفارس الأوحد
إلاهك .. يحيدر باعثك تنصر محمد
نصرته .. وجذب من گال بسمك ماتأيد
النبي لو رادك نجاة ... تطلع من اربع جهات
تصرخ الحومه ابوجل ... علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

فقارك .. وتر والضربة ما ضربة مثلها
العساكر .. يلمسون الرگب عن لافصلها
يحيدر .. بدر تدري البدر انته النزلها
وبلا شك .. احد يا اباالحسن انته جبلها
الوحي رافعلك شعآار .. بس علي وبس ذو الفقار
والخطر كل ماوصل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

ابفعالك .. محمد ظنه ابداً ماتخيب
يكلفك .. لإن انته علي ال عالصعبة اصعب
شهد لك .. حصن خيبر المن عزمك تهيب
تفتحه .. كلت بالمره تفتح راس مرحب
تشهد الخندق يحيد .. ابصدره منهو الدگله ايد!
راس ابن ود انفصل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

يحيدر .. يتاريخ الرفع للدين رايه
مصيرك .. تروح ابرجلك لسيف المنايه
ابصلاتك .. تلوگ السيرتك هاي النهايه
وينادي .. المنادي انهدمت اركان الهدايه
امر ربك ذو الجلال .. ياعلي ايگلك تعال
شخصك لأمره امتثل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

اعله راسك .. ابن ملجم نزل سيف انتقامه
ابفعلته .. استفز اجهنم ويوم القيامه
المثيلك .. تخاف الحومه لوضيگ لثامه
وسافه .. ايتأذه جرحه لوخله العمامه
راجع الدارك جريح .. والعرش بسمك يصيح
اليحمل الكون انحمل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

عجيبه .. يمن تضحك على الكلفه جروحك
ابطبرتك .. تون امن الألم والهم يلوحك
ابمصابك .. خجل عزريل يقبض بيده روحك
لذالك .. گعد بين اليتامه وضل ينوحك
حتى موتك يدعي ليك .. ايموت هوه ولايجيك
لكن لعمرك أجل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

يحيدر .. مصابك ياگلب يگدر يشيله!
اليتامه .. مثل اولادك المدمع تسيله
وداعك .. اذا تسأل عن همومه الثجيله
تشوفه .. كبل موتك كسر گلب العقيله
وياهي اصعب يا أمير .. الطبره لو گلب الكسير!
مابقه لزينب أمل .. علي للموت ارتجل

فارس السبع الشدآاد ..

نزل عن ظهر الجوآاد ..

الليلة توديع البطل .. علي للموت ارتجل
الليلة توديع البطل .. علي للموت ارتجل

العقيله .. وگلبها اليصعب اعليك انكساره
شوضعها .. اذا وسط الگبر جسمك تواره
نذرها .. تزبن الكوقه لوتسمع بشاره
يبوها .. البكه براسج غدت اصعب عباره
الكوفه راوتها العذاب .. ترجع الها ابجم مصاب
ترجع الها ابلا أهل .. علي للموت ارتجل


________

من ابداعات الشاعر : علي السقاي

_______

التدوين#زهراء العبيدي

[❀ Bookworm ❀ ❦]

أحسنتِ حبيبتي زهرة
ربي يعطيكِ ألف عافية
تحياتي

[ღ عِشق ღ]

أحسنتِ حبيبتي زهرة
ربي يعطيكِ ألف عافية
تحياتي

شكراً لحضورك العطر غاليتي روافد انرتِ

[عماد جواد عبيد]

اللهم صل على محمد وآل محمد وعجل فرجهم والعن عدوهم