هنا

[ملكةه]

اسعد الله اوقاتكم بكل خير
قصة اليوم مختلفة من نوعها
تتحدث عن اثنين اخوات توام
بتصرفات طفوليه دمرن حياتهن وحياة الاخرين

ترقبوا القصة

[ملكةه]

البارت الأول
علي ..الليله ليلتي ..حبيبتي صارت الي ..
اخيرا سديت باب الغرفه ..حاجز سويت بالفندق بالگوة خلصت منهم كولهم اهلي واهلهه وانفردت بحبيبتي ..
سديت الباب وانداريت عليهه ..تقدمت تجاهه والفرحه مو سايعتني .. جانت گاعده ع الجربايه بهدوء وسكينه ومنصيه راسهه وايديهه بحضنهه تفركهن بتوتر وتطكطك بأصابيعهه مبينه خايفه ومتوترة ..
تأملتهه بحب ..عيوني محاوطاتهه بس مارفعت عيونهه لعيوني يمكن خجل يمكن خوف ..
تقدمت تجاهه وخرت البرنص نزعته الهه ..سبحانك ربي ياعيونهه وياسحرهن ..
قرفصت كدامهه اخذت ايدهه جفلت ..
علي ..اسم الله حبيبي ..
بست اديهه ثنينهن ..
علي ..باوعيلي حبيبي ..
رفعت راسهه بيدي ..صارت عيني بعينهه ثواني مو اكثر ونزلتهن بخجل ..
علي ..مبروك عليج اني حبيبي ..
ضحكت وضحكت هي لضحكتي ..
گعدت يمهه ع الجربايه بقربهه ..ايدي لازمه ايدهه ..بارده ايدهه وايدي دافيه .. جنت احاول اعصرهه وافركهه وادفيلهه ايدهه ..
علي ..حبيبي شبيج ترجفين ..
همستلي ..خايفه ..
علي ..شو ترجفين مو بس خايفه ..
ترة الشغله متخوف هلگد ..واذا تعبانه مو لازم اليوم حبي ..
التفتتلي بلهفه ..
اي اي عفيه تعبانه ..
ضحكت بعلو صوتي ..
ولج شنو هي شو ماصدگتي ..ماهدج اليوم ..
تجذب عليه لعد ؟
لااااء ممقبوله منج .. شوكت مجذب عليج اني ..
اسفه ..حشاك ..
قربت ايدهه لشفتي وبستهه ..صارت عيني ع راحة ايدهه اليمنه الي اعرفه بيهه شامه ..وين الشامه ؟ شي مثل الصخام يمكن عرگت وانمسح من تلازمنه ..غالطت نفسي بس بين فترة وفترة انتبه الشامه تظهر وتختفي ماعرف شنو فلمهه ..
علي ..
ياعيونه لعلي ..
اريد ابدل .
اطلع يعني ؟
اي بلازحمه عليك لان استحي ..
لالا شلون كلام هذا ..
لعد بس افتحلي السحابه مااگدر اوصللهه واروح ابدل بالحمام ..
وليش تروحين للحمام ..
شنو ليش غير اسبح ..
وليش تسبحين ؟
همه گالولي ..
منو همه ..؟ 5
جنت بسلاسه وتسلسل اسألهه اسئله نوعا ما سخيفه وهي ببراءة تجاوب بس شنو ويه كل سؤال تزداد جرأة سؤالي واشوف الخدود تتحول من حمر الى طماطه الى گلوبات من الخجل والاحراج واني مستمتع بتأثيري عليهه وهي من كل عقلهه تجاوب ..شكد احسهه طفله وفطيرة ..
جاوبتني ..
ماما وخالاتي واختي هاله ..
هسه اني صرت زوجج وتسمعين كلامي والاگوله هو اليمشي ..
اني احجي وهي تهز براسهه موافقتني الكلام ..
وشما اگلج تسوين ..تمشين ورايه وانتي مغمضه ..
هزت راسهه وهي تباوعلي عين بعين بترقب ..
كتلهه ..يله خليني افتحلج السحابه علمود تبدلين ..
گومتهه .......كلام محذوف ..
فصلت اني ..
شكو حبي ..شبيج ..ترة لسه كولشي مسويت .
همس ..وخرر عني ..
علي ..جلنار شبيج ؟
همس ..وخرر گتلك ..حرام الديصير ..
كان كلامهه مخنوك بعبراتهه ودموعهه ..اسمع حرف من الكلمه والباقي يروح ويه الشهگه ماسمعه ..
عقدت حاجبي ..
گلتي حرام ؟؟ لو اني ماسمعت زين ؟
همس ..اي حرام الديصير ..وخر ارجوك ..
شنو قصتچ جلنار ..ليش هيج دتسوين ..ندري خايفه بس مو هيج ..
علّت صوتهه ..
آني مو جلنار ..آني همس ..
شنوووو ؟؟؟؟

[ملكةه]

البارت 2



همس وجلنار ..توأم متماثل ..خوات نسختين طبق الاصل من بعضهم .
تلفات بالشخصيه جلنارشخصيه عنيده قويه خشم عالي مزاجي

ه مايعحبهه العجب والغرور تتفرد ومعروفه بي ..
طالبة كليه قانون مرحله اولى عمرهه 20سنه .
همس صدوگ همس هادئه مثل النسمه مطيعه شخصيتهه مرحه وحبوبه اجتماعيه ووجه بشوش ..
الفرق بين همس وجلنار شامه بايد جلنار بباطن الايد تحديدا وبمكان ثاني غير ظاهر للعين بس التوأم يعرفنه ..
الخوات ينعرفن من الطبع والشخصيه مو بالشكل لان توأم متماثل وحته الصوت نفسه .
جلنار تحب ابن عمهه اخو نرجس بعدين نتعرف عليهه تصير زوجة حسام اخو جلنار ..
همس طالبة معهد طبي مرحله ثانيه يعني هالسنه تتخرج لان معهدهه سنتين من السادس والتعيين مركزي بينما جلنار رسبت بالسادس وعادت السنه فدخلت كليه متأخرة سنه هستوهه مرحله اولى .
عائلتهم متكونه من 3اخوات هاله وهمس وجلنار ..هاله هي اكبر البنات وحته اكبر من الولد ومتزوجه معلمه ومتعينه تدريسيه وزوجهه من الوسط التدريسي معلم مثلهه عدهم 3 اطفال 2بنات وولد ..
يجي بعد هاله 3ولد محمد وحسام وبسام ..
حسام وبسام هم توأم وبعدهم توأم البنات همس وجلنار ..
الحاله الماديه للعائله متوسطه ابو هاله موظف بالصحه معاون طبي وام هاله معلمه لغه عربيه ..
ابو هاله جبر الاولاد والبنات من يوصلون صف سادس علمي يقدمون الانسيابيه معهد طبي لغرض التعيين المركزي الرجال يدور مصلحه اولاده وميريدهم يحتاجون احد او يصيرون تحت رحمه الزمن الصعب عدا هاله الي تخرجت من معهد المعلمات بزمن صدام فبوقته كان تعيين التربيه مركزي ايضا لذلك. راسآ تعينت .. اما اخر العنكود العنيده جلنار هي الي شذت عن القاعده وگالت اريد اصير محاميه وباصرارهه اخير شي رضخوااهلهه لطموحهه واختيارهه ..
محمد اكبر الولد متزوج بنت عمته زينه موظف بالصحه وطالع بيت لوحده وعندة طفلين ..
حسام متزوج بنت عمه اسمهه نرجس وهم موظف بالصحه وزوجته ربة بيت وكاعدين ويه اهله ولان نرجس ربة بيت فعدهه نوع من الغيرة ع جلنار وهمس وتوز حسام عليهن باللبس والطلعه والطبه وهنه وين يطلعن غير للكليه او المعهد والسبب الثاني للغيرة هو انو اخوان حسام الكبار ثنينهم طالعين بيوت وحدهم بس حسام لاء فدائما تسوي مشاكل بالبيت ومحد خلصان من لسانهه رغم بنت عمهم هي ..
بسام ايضا موظف بالصحه ومتزوج كرايب بنت خالته تحديدا اسمهه نور موظفه بالمصرف مأجرين بيت وطالعين البيت قريب ع الاهل ..
عائله علي ..
علي محامي عمرة 28سنه ماجستير بالقانون استاذ تدريسي بالجامعه الصبح يداوم بالجامعه والعصر عنده مكتب محاماة يديرة ..امورة الماديه تووپ ..عصامي طموح كون نفسه بنفسه رغم الحاله الماديه لاهله ماقاصرة ..
والده مقاول ودائم السفر ع طول مو بالبيت فمسؤوليه البيت شايلهه علي رغم عنده اخوان اكبر منه ..
عائله علي بالحقيقه 4ولد و3بنات ..حسين و حيدر كبار اكبر من علي مزوجين وطالعين وبعدين علي تسلسله الثالث وقبله 2بنات سمر وفاتن هم مزوجات وبعد علي حمزة ومن بعد حمزة آيه آآآخر العنكوود ..
حمزة هو الي لازم شغل الوالد بالمقاوله بالمحافظه بينما ابوهم هو الي يسافر لادارة شغلهم ببقيه المحافظات وع اكثر هو مزوج زواج ثاني بس محد مأكد الخبر وام علي مثل الي متريد تعرف او يمكن تعرف ومتأكده من الخبر ويمكن زوجهه كايللهه بس هي. فضلت السكوت لان شسوي مثلا تتطلگ وبناتهه مزوجات وولدهه هم وصار عدهه احفاد ..مترهم من بعد هذا العمر وهو رب العالمين محلل الزواج للرجال بعد هي ليش تعارض وليش تهدم حياتهه ..
المتعرفوه عن ام علي انسانه تحببب المظاهر كولشي ولا احد يخرب البرستيج مالتهه واهم شي شكالوا الناس وشلون يشوفوهه ..
انتهى التعريف بالشخصيات ..

[ملكةه]

..

البارت 3


علي ..عيونهه حمر اباوعلهه ماكو شقه بهذا الموضوع ..ساكته والدموع تصب عشرة عشرة ..
ظليت صافن أريد استوعب كلامهه ..
تذكرت الشامه بإيدهه أتذكرت اللهفه والتفاعل مرة والبرود مرة ثانيه بكل لقاء وبكل مرة انفردت بيهه بجلنار او همس ماعرف ياهيه بيهن اني جنت وياهه بأثناء فترة الخطوبه ..
حته من اتصل يجيني نفس الصوت ولافد طلعتلي همس كوله تطلع جلنار او هيج جنت اظن بس مرة عن مرة يتغير عليه اسلوب الكلام مرة مطيعه وحنينه وحالمه ومرة عنيده ومستفزة ..
شگد نكرت احساسي بأن اكو شي غلط بالموضوع وشگد غالطت نفسي وگلت البنيه مابيهه شي مجرد بعدهي صغيرة ومزاجيه وتتدلل عليه وهالطبع البيهه حتلو اكرههبس اني احبهه وواثق بنفسي حبي الهه راح يكدر يغيرهه لصالحي وللاحسن وياي .
بديت استوعب العبارة ..اني مو جلنار ..اني همس ..
گمت من فوكاهه واني صاير نار غضب ..عيوني صارن براسي ..
نترت بيهه ..گومي ستري نفسج..
كامت كعدت ع حيلهه تلفلفت بالجرجف ..
التفتت عليهه جريتهه من شعرهه بقوة لزمت ايدي تحاول تخفف لزمتي لشعرهه ..
احجي كولشي ..انتي منو ؟
اني همس ..
آني المن شفت بالكليه والمن خطبت ؟
جلنار .. هي طالبه بكليه القانون وهي الي تداوم وياك وانت شفتهه وخطبتهه .
ليييش ..ليش هيج سويتن ؟
صرخت بوجهه وبعدني لازم راسهه من شعرهه ...
اقصص فقط:
حجي فهميني لييييش ؟؟
اختي جلنار خطبهه ابن

عمي وهي تريده وهو هم رايدهه ومرة اخويه جانت حامل وزعلانه عد اهلهه وابويه رفض لان بنت اخوه تجاوزت ع امي ورفضت تعتذرلهه ..
مافهمت شدخل مرة اخوج بالنص وابوج يرفض ابن اخوه ؟
مو مرة اخويه هي بنت عمي يعني اخته للولد ..
كملي ..
صارت مشاكل وجلنار دگت رجل الا تريد ابن عمي وابويه واخواني دروا وحطوهه وكتلوهه ..
وانت اجيت خطبتهه .. عناد بعمي وابنه وغصبن ما ع خشم جلنار وافقوا بيم حته بدون سؤال بسرعه ردولك الموافقه ..
ورة الخطوبه كالت جلنار متريدك ماطايقتك وقنعتني اطلعلك بكل مرة جنت تجي بيهه لبيتنه تريد تشوف جلنار او تطلع وياهه ولان اني وياهه توأم متماثل طمنتني گالت مراح تلاحظ شي مختلف انت لان ماكو فرق بيناتنه بالشكل ..
قنعتج ؟!!!
هزت راسهه اي ..
كفختهه ع راسهه بالخاولي جان قريب يمي وتفلت بوجهه ..
باوعتلهه باستهزاء ..
شكد غبيه انتي ..
كامت تبجي بحرگه ..ومن بين بجيهه تحجي ..
اني مو غبيه بس حبيتك ..
صفنت بوجهه ..
اي لتباوعلي هيج حبيتك ..
انتن لعبتن عليه ..
ولأن حبيتك كملت هاللعبه ويه اختي ..ماكدرت اگولك ..شكد حاولت بس ماكدرت ..تأنيب الضمير نهشني نهش اذاني ..
وشخلاج تحجين هسه ؟شنو فجأة صحى ضميرج ؟
لا ..الحرام ..صحاني ..من بديت تتقربلي ماكدرت اخليك تكمل ..
استهزأت بيهه مامصدك ولا كلمه من الي گالته بخصوص صحوة ضميرهه ..
هه !!
صرت نار كبرا ..من عقلي شوي شوي بدة يستوعب ..رجال شكدني شكبرني محامي ولازم قضايا وزلم مشوربه تحسبلي الف حساب وصرتاعرف البشر المقابيلي من نظرة عيونهم من رجفة شفافهم يحجي الصدوك لو يكذب ..برئ لو مذنب .. وع اخر وكت تجي زعطوطه هي واختهه لاكامن ولاكعدن ذاك اليوم صارن يضحكن عليه ..
نااار متطفه بضربهه رغم هي تحجي وتبجي وتجاوب ع اسئلتي بدون لف ودوران بس ملخت شعرهه بيدي ..
شياطين تتطافر كدامي ..افكار ابليس ميعرفلهه درب تدور بعقلي ..
يجي ببالي اغتصبهه هسه والعب بشرفهه واروح اذبهه ع اهلهه واگول مو بنيه وما اكتفي بهيج وبس لاااا افضح الثانيه جحيم ونار (جلنار) وافضح لعبتهن واگول اختهه اعترفت عليهه واخلي الصبح ميصبح عليهن ينكتلن ذبح بساعتهن غسل عار وبيد ابوهن واخوتهن ..
باوعتلهه واني مشمئز منهه ..
صكيت سنوني وحجيت ..
الي عقدت عليهه محكمه وسيد منو بيجن ؟
جلنار ..
هينه جلنار ..هينه بس اصبريلي ..
هالمرة صدكتهه لان هي كالت تحبني ومع ذلك من سألتهه منو زوجتي شرعا وقانونا كالت جلنار مو هي .. ويمكن صدوگ الحرام ومخافة رب العالمين هو الي رجعهه لعقلهه ووعيهه ..
لزمت تلفوني وبنيتي اتصل بابوهن شوف شلون يتصرف وياهن ..
باوعتلي همس بخوف ..
علي شراح تسوي ؟
شتتوقعين يعني ؟
اتصل ع ابوج ..يشوفله صرفه ويه بناته ..
ركضت عليه وركعت يم رجليه تريد تبوسهن دفرتهه ببطنهه ..
كوومي .. وخري من يمي ..
الله يخليك ابوس رجلك لاتفضحنه ..
كل ذنبي اني حبيتك ..اختي مارادتك ..
اذا اكو رب مال غباء فهوة انتي ..معقوله ولج اكو هيج بنات مثلج هلگد ثوله وغبيه لالالا ممعقوله والله انتي تجاوزتي كل الخطوط ..
وج انتي شسويتي بنفسج ..
نصيت عليهه جانت جوة رجليه قريبه عليه لزمتهه من شعرهه واعت بي وهي لازمه ايدي وتبجي ..
ولج شسويتي ولج هذا لعب بالشرف ..لعبتن بشرفجن ..
صرت اكفخ براسهه واحجي بدون وعي ..
تدرين اكدر هسه اخذج واذبج ع اهلج واكولهم مو بنيه وافضح ذيج الادبسز الثانيه وياج ..
وهي ابد مدافعت عن نفسهه ضربتهه لحد ماتعبت ..
الله يخليك لاتخابر ابويه عفيه لاتگوله ..
لعد شتريدين شنو الاسويه ؟
اختج الادبسز هي زوجتي ومال اعوفهه هيج بدون مابرد كلبي منهه گطنه وطلعيهه من اذنج ..
شسوي يعني ..ابدلج بيهه بدون ما احد يدري وينتهي الموضوع ؟؟
عبالج سهله هي ..بابا انتن لعبتن بشرفجن ..هذا عداد عمرج وعمرهه ..
لو اطلگهه واتزوجج لان هه ..طلعتي انتي الي تحبيني ..لو ماشاء الله اجمع بين الاختين واتزوجج انتي همين ع الواهس ..
ظلت تبجي ماتعرف بشنوتجاوبني بجيهه بندم وحرگه واني اعصابي فاايرة ..
وج زعطوطات ثنين يضحكن عليه ..اااااخ بس ااااخ عضيت اصبع ايدي السبابه بقوة اكتم غيظي وغضبي .. وتريديني استر عليجن واسكت ؟!
دفعتهه وكعت بالكاع ..
كومي البسي شي استري نفسج لعبتي نفسي ..
اخذت التلفون بدون تردد واني نار نار جهنم بصدري ماتطفه شمااضرب شما اعصب دتزيد مدا تقل ..
خابرت ابوهه ..دگه ..دگتين ..بالثالثه رد ..
حاولت استجمع قواي واهدئ نبرة صوتي بس الموضوع واضح ويقلق بليله عرسي اتصل ع ابو زوجتي ع شنو ابشرة مثلا انو بنته طلعت بنت بنوت لااا السالفه اكيد بيهه ان ..
الو ..
الو ..ها عمي شلونك ..
هلا عمي ..خيرك يابه متصل عليه بهل وكت بيكم شي جلنار بيهه شي ؟
مابينه شي عمي ولاصاير شي ..بس عمي اني طالبك بشغله ..
كول يابه انت تامر ..
لا استغفر الله ميأمر عليك ظالم ..
بدون هوسه وبدون ما الولد يعرفون تجيب المحروسه ج .. همس وياك وتجون للفندق الاحنه بي .. بلا امرا عليك عمقصص فقط:
ي ..
ليش يابه شصاير ؟
بداخلي اعرف وگعت گلبه للرجال بكلامي

هذا وبطلبي بجيتهم هو وبنته ..
عمي جيب همس وتعال وتعرف شنو الصاير ..
زتيت هالجمله بسرعه وماعرف شنو ردة الفعل عليهه ..
ماشي يابه ماشي احنه جايين ..
ودعته وسديت التلفون منه باوعت وين هالحقيرة راحت لگيتهه متكورة بزويه الغرفه مقرفصه لامه رجليهه لجسمهه ومخليه راسهه بين رجليهه وتبجي ..
نص ساعه واندگت الباب ..
گمت فتحتهه .....؟؟


.

[ملكةه]

البارت الرابع
جحيمي وناري
گمت فتحت الباب ..
هالنص ساعه اخذت عمر وحيل من حيل وعمر هالرجال من ورة سوالف زعطوطتين يلعبن بشرفهن بجهل ..
اول مافتحت الباب سلموا ودخلوا ..
صارت عيونهم ع همس مكعورة نفسهه بزويه ..
اول ماشافتهم همس علا صوتهه بالبجي ..بعيونهه
نظرات خوووف يمكن ودهه تطب بالحايط او تبلعهه الكاع وتختفي اعرف شعورهه صعب تترقب مصيرك ..سويت الذنب ومنتظر الحكم هيج جانت وضعيتهه ..
باوعتلي جلنار خزرتني الادبسز ..ركضت ع اختهه حضنتهه وصارت همس تبجي بهستيريا ..
جلنار ..احجي شكو شصار حبيبتي ؟
همس ..علي عرف كولشي ..
ضربت ع خدهه ..
جلنار ..منو گاله ولج ؟
همس ..اني ..
جلنار وگعت وهي گاعده بالكاع مثل واحد خرّ وفقد حيله بلحظه ..جنت اراقبهن ..عين عليهن وعين ع ابوهن الي جان عبالك يعرف اكو شي مو زين بالموضوع فرغم عينه ع همس الي جانت تبجي بهستيريا بس ماتقربلهه ..
كعدت الرجال ع الجربايه يرتاح ..
ريگه يابس ..يمكن هالليله موت هالرجال ع ايد هالزعطوطتين ..
انطيته مي شرب كمع ورجعه ..
بنفاذ صبر كالي ..
خير يابه شصاير ..شبيهه جلنار تبجي ؟
انصدمت ..التبجي هي همس ..معقوله حته ابوهن ميفرق بينهن ..او هنه هيج سون حته بالتفاصيل والتصرفات ..يتقصدن لو ببراءة هلكد الشبه بيناتهن ..
لعد لاعتب عليه مافرقت بيناتهن وانطلت عليه لعبتهن ..
سولفتله كولشي ..شنو سوّن جلنار وهمس بالحرف الواحد ..
حسيته مصدوم هادئ زياده عن اللزوم وهنه يتباچن وصوت بجيهن يعلا كلما اتعمق بسرد التفاصيل لابوهن ..
مادافعن عن نفسهن ولاحاولن ينكرن ..
توجه عليهن ابوهن ..سألهن ..
صحيح الكلام الي گاله ؟
محد بيهن دافعت عن نفسهه ..سكوتهن كان كافي وبكائهن هو الجواب الواضح لسؤال ابوهن ..
انهد بيهن ضربهن اذاهن عفته براحته ..هي نار ولازم يطفيهه ..
من صار صوت صريخهن عالي رحتله وخرته عنهن ..
هديته شويه ..
عمي كافي الضرب ميفيد ..صغار وغلطن ..
ياصغار عمي ياصغار البگدهن فاتحه بيت واطفالهه بذيالهه ..
ليش هو العقل بالعمرعمي ..
شراح تسوي انت يابه ؟
مرتي تبقه يمي وانت عمي تاخذ همس ولاتحجي لاخوانهه ترة يكتلوهن ثنينهن .
خله يكتلوهن ..
لا عمي لا ..
يابه انه ممنون منك مافضحت بناتي ولا شهرت بيهن بس راح اخذهن ثنينهن واغسل عاري بيدي ..
صفنت عليه ..هالرجال الجبير هو وشيباته مكسورة عينه نزلن راسه بناته عينه ميحطهه بعيني ..
عندي خوات متزوجات وعندي اخت بعدهي ممزوجه خطرت ع بالي ..الستر ..ربي يستر ع بناتنه ..
جاوبته ..
عمي مرتي تبقه يمي اني اعرف شلون اتصرف وياهه وهمس يمك انت بعد ابوهه وبكيفك شلون تتصرف وياهه وياعمي فكر باختهن الجبيرة مزوجه ترة تتطلك وتروح بالرجلين ومالهه ذنب ..لاتدخل اخوتهن بالموضوع ترة السالفه تكبر ونهايتهه ابد مو خير .
سكت الرجال ..يمكن سمع مني واقتنع ..
جانت جلنار من بين دموعهه تباوعلي بخزر وبحقد ..مبين دتستمع لكلامنه ..
عمي كام وباسني براسي ..
محشوم يابه وماقصرت وفضلك ع راسي من فوگ ..
بست راسه وماعرف بشنو ارد عليه ..اعرفه مكسور وموقفه صعب الله يساعده ع مابلاه ..كتله ..رحم الله والديك عمي ..
اخذ بنته همس وطلع ..
جلنار اقوى من همس ..جانت تبجي ع بجي اختهه همس او يمكن الضرب اذاههبس طلعوا ابوهه واختهه من يمنه سكتت ..
عيونهه نظراتهه تتحداني ..
اعرفهه عنيده ومغرورة وقويه ..
ليش هيج سويت ؟
وجهتلي السؤال بعد فترة هدوء وهي كاعده ع الجربايه ..
التفتت الهه ..
لو ممسوي هيج شنو البديل ؟
اطلگج واخذ اختج ؟لو اطلكج وكلمن يروح لحاله ..وبليله عرسج ..شيگولون عليج ؟ اكيد بيج شي مو تمام لو شفت عليج شي وطلگتج ..تصير قضيه شرف وتنكتلين مو هيج ؟
هه!! عود انت بتصرفك هذا مسوي عليه فضل ؟
صفنت بوجهه ..عيونهه بعيوني ..صلفه عيون ..گمت عليهه ضربتهه راشدي لزمت خدهه مابجت ومانزلت عيونهه من عليه استفزني تصرفهه كتلتهه كتله ملخت شعرهه بيدي ولاتنفست بس ظلت مخليه اديهه ع وجهه مثل الي حمت وجهه ولاصرخت ولادافعت ولا كالت كافي ..
صرت اعصاب ..
تستهزئين حضرتك ؟
ولج راح اشوفج ايام تتمنين لو رايحه ويه وكاتلج ولاباقيه هنا وياي ..
مجانت بس لازمه خدهه وتباوعلي ..
عفتهه ورحت ..هنا عرفت الضرب مراح يجيب نتيجه وياهه ..
رحت للجربايه انطرحت من الجهه الثانيه خليت ايدي ع راسي غطيت عيوني بالي مشغول وبي الف حسبه وتعبان واريد انام وهي لسه متكومه بنهايه الجربايه بطرفها الثاني ..
كامت حسيت بحركتهه وخرت ايدي شفتهه مشت للحمام غسلت وجهه وطلعت ..
السويت بي غرفه نوم وهول وغرفه ثانيه بي

قصص فقط:
هه سرير ابو نفر راحتله جلنار ..الجربايه جانت حديد وسبرنكات الجربايه تطلع صوت من واحد ينام عليهه عرفتهه نامت هناك ..
كمت شفتهه وين ولكيتهه مثل متوقعت ..شافتني جانت عيونهه حمر مبينه باجيه ..اي هي من هذا النوع ..قويه كدام المقابل او تتظاهر بالقوة وتاخذ حقهه ومن تكون وحدهه تبجي

بس شافتني صدت للجهه الثانيه انطتني ظهرهه ..
يابه ويطبج مرض ..
رحت قفلت باب السويت واخذت المفتاح كولشي يصير وكولشي اتوقع ماعرف نفسيه هالبشر ولاعندي فكرة شلون تفكر وشلون تتصرف واصلا هي طايشه وتصرفاتهه تصرفات طفله ..
رجعت نمت ع الجربايه ..هذا ملخص ليله عرسي ..هه!! خوش ليله تبشر بخيييير وحياة سعيده مديده ..
غطيت بنوم عميق ..
للصبح كعدت ع دكه تلفوني .. المتصل امي ..
باوعت الساعه 8:30 واحنه المفروض ب 10نفرغ السويت علمود لاينحسب علينه يوم ثاني ..
كمت من فراشي خابرت ع الرسبشن طلبت ريوك لان حييل جوعان البارحه نايم بدون عشا شويه وجابو الريوك ..
اندكت الباب ..
ع دكه الباب كعدت الخاتونه طلعت من الهول گتلهه ..طبي رجعي بين ما افتح الباب ..
طبت رجوعا للهول ..
حطيت الريوك ع الطبله كتلهه ..رتبي الريوك بين ما اسبح ..
رحت سبحت وطلعت لكيت الاكل ع حطيته بعده ع الطبله ..تتجاهلني ..تعاندني ..اعرفهه ..بسيطه ..راسج اليابس تكسيرة ع ايدي ..
كعدت تريكت ماصحتهه ..تولي ..
خلصت اكل ..فتت من يم الهول دا اريد الم غراضي وملابسي وابدل شفتهه مبدله وكاعده ..
رجعت باوعتلهه لابسه بنطرون اسود وقميص هم اسود ..تتعمد ..
هاي عود عليمن لابسه اسود؟
....
ماردت عليه ..تعاند وتتجاهلني ..تريد تفشلني ..
كومي بدلي ملابسج ..لبسي شي مستور ..
شفتهه ماتحركت من مكانهه ..
كلامي ماعيده مرة ثانيه ..
شفتهه زفرت بقوة وكامت ..
دقايق وصرت جاهز ..
القيت نظرة عليهه لابسه فستان محجبات طويل مستور لونه وردي فاتح وبي ورد جويتي والشال بلون الورد طالعه فد شي بس الوجه مبوز ومبينه ضايجه ومخنوگه ..
ماحجيت شي اشرتلهه كامت ..
اخذت الجنطه وباقي الغراض وطلعنه ..قفلنه باب السويت وسلمنه المفتاح لعامل الرسبشن وسيارتي بالكراج مال الفندق ..
صعدت الجنطه والغراض وهي صعدت بالصدر بدون ولاكلمه ..
رجعنه للبيت ..بيت اهلي ..كولهه جانت هناك باستقبالنه ..
امي وابويه واخواتي واخواني وعمامي وعماتي والخالات وولد العمومه كولهه موجوده مجموعين ببيت اهلي ديستقبلونه ..
من نزلنه من السيارة لزمت ايد جلنار وكتلهه ..
وجهج المعبس ماريد اشوفه ماكاتل ابوج اني ..ابتسمي وسلمي وسوالف المزعطه مالتج بطليهن وانو تحاولين تفشليني او تقللين من احترامي كدامي اهلي وكرايبي ادووس راسج برجلي سمعتي ؟.. لو افهمج بعد ..
عصرت ايدهه واصك بسنوني واني احجي وياهه وجنت صاد عنهم مطيهم ظهري واحاجيهه ..
ايدي اذيتهه ..كافي عوفني فهمت ..عليييي ..
وووجع ابتسمي ..اتصور تعرفين تمثلين ..اصلا بارعه ..
لمحتلهه ع الموضوع افتهمت قصدي صدت وجهه عني هديت ايدهه وتلكوني اهلي وكرايبي يباركون ويسلمون وعيني منهه وعليهه شفتهه مبتسمه شويه بس بتكلف بس ارجع واكول هذا طبعهه ..هي مغرورة ورافعه خشمهه مو بيدهه ..
اتفقنه من قبل الزواج نعيش ويه اهلي شكم شهر بين ميخلص بناء بيتي وقتهه ننتقل لبيتنه ..
غرفتي تصير بالطابق الثاني ..كوة خلصت نفسي من السلام والتبريكات صعدنه لغرفتنه ..بعدنه بالباب امي صاحت ..لاتتأخرون ذبوا غراضكم ونزلوا تريكوا ..جاوبتهه ..
صاار يووم ..
الظاهر اهل جلنار جايين من وكت وجايبين الريوك ورايحين قبل لانجي ..تصرف مقصود من عمي ابو جلنار علمود ميتواجه وياي لا هو ولا زوجته ..
اتفهم احساسهم ..حقهم ..فشله ..مكسورة عيونهم ..دخلنه غرفتنه ..
صعدت الغراض ويانه ..شفتهه فتحت الجنطه تريد ترتب الملابس بالكنتور ..
سديت الجنطه بنتر ..باوعتلي بعيون غضبانه تسألني شكووو ؟؟
مو وكت ترتيب هسه ..مو صاحونه ع الريوك ..يله ننزل سمعتي امي شكالت ..
عوجت حلكهه ..ورتبت شالهه ع المرايه وطوخت الحمرة عيني منهه ..گويه هالبنيه ..
ومشت نزلت كدامي ..نزلت وراهه ..
مجموعين كولنه سوة كرايب وحبايب كاعدين بالهول هولنه جبير ويسع الكل ومفروشه سفرة شطولهه كيمر وصمون وعسل وكاهي وانواع الاجبان وجاي وحليب ..
جان لازم اتصرف طبيعي كدام اهلي حته محد يحس بشي لزمتهه من ايدهه وجريتهه كعدتهه يمي بس عبوس وجهه فاضحنه عبالك مغصوبه ..
ضغطت ع ايدهه وصكيت سنوني وهمستلهه بعصبيه ..
ابتسمي لا اخربطلج وجهج ..
باوعتلي بسرعه ..عيونهه رصاصيات وساع محاوطتهن بخط كحل عريض طالعات يدوخن ..
ابتسمت لي مجامله كدامهم ..
كعدت امي يمي من الجهه الثانيه وجانت كل شويه تصد عليه تحاجيني لو تطيني لگمه ..
جنت اقرب الاكل من جلنار لان ماشفتهه اكلت شي گلت يمكن تستحي ومستغربه وناس هواي متعرفهم ..
اما امي ..فتصرفاتهه بحث اخر ..جنت اعرف بيهه متحب جلنار من فترة الخطوبه بس مو لهل درجه ..
صارت تدللني واحنه كاعدين نتريگ وكل شويه تطيني لگمه لو تحجي وياي

وتحاول تجرني بالكلام ..
خلصنه الريوك وهي تقريبا ما اكلت شي بقيتهه كاعدع يمي هادئه عبوسه ولاتحجي بس تجاوب من يتوجه الهه سؤال ..
شفت آيه اصغر خواتي تحاول تتقربلهه وتحجي وياهه وتضحكهه بس هي ابد قافله والبوز متر ليكدام ..
كولهه لاحظت وتسألني مرتك شبيهه اجاوبهم تستغرب وتستحي ولسه مماخذه ع الجو ..بس امي جان عدهه تفسير ثاني للموضوع ..
جلنار ..خلصنه ريوك صعدت لغرفتي دخت من الهوسه والصوت وماعرف احد ولسه ماعرف شنو مصيري وشراح يصير بحياتي ..
نزغت شالي خنكني وتمددت بملابسي ع الجربايه ..
دگت عليه الباب اخته آيه ..بنيه بعمري كولش حبابه
..
تفضل ..
دخلت لي للغرفه ..
محتاجه شي حبيبتي ؟
لالا تسلمين ..
جلنار شبيج ؟ احد ضوجج ؟
ابتسمت حرجني سؤالهه ..
لا والله محد مضوجني ..بس تعبانه منايمه هواي البارحه ..
شفتهه ابتسمت عبالهه صاير شي ..
هههههه
شنو ؟
اي غير عرسان ..
لا مو تغير عليه المكان فما كدرت انام ..
هاا ..
واشتاقيت لاهلي ..
سهله هاي ..بس يروحون الكرايب خلي علاوي يوديج تشوفيهم هو ترة كولش حباب بس عصبي حيل ..
اي اي ..
يله اخليج ترتاحين ..
تسلمين ..
يمكن آيه هي الانسانه الوحيده الحسستني بشويه راحه ..
من طلعت غمضت عيوني وغفيت ماحسيت ولا ادري شكد وقت غفيته بس حسيت ع صوت الباب ينفتح ..علي دخل ..
بوعلي وصد وجهه عني ..
كعدت ع حيلي ..يمكن متضايق لان نمت واكو خطار جوة بس ابد بالي مو يمهم ولايم هوستهم وعرسهم ..
بالي يم اهلي شصار ويه هموسه اكيد ابويه شبعهه كتل وظليت حايرة اخواني دروا باللي صار لو لاء ..
طلعت فوني دكيت ع همس جهازهه مغلق من الصبح لسه مغلق وامي مترد ..

[ملكةه]

البارت 5

صاحوا لعلي طلع من من الغرفه ..
اتصلت ع اختي هاله ..
الو ..
الو ..هلو هلوله صباح الخير ..
منين يجي الخير يمعزايه ..
گلبي انقبض ..يعني اختي عرفت بالموضوع ..
ولج شمصخمه انتي واختج ؟
ظليت ساكته ..نزلت دموعي ..ندمانه لان نزلت راس ابويه ..
ظلت تحجي هواي عليه وترزل بيه واني ساكته بس استمع دموعي امسح دمعه تنزل الثانيه ..
هاله شصار ..اخواني دروا ؟
لااء ..بس امي وهي سولفتلي ..
لو دروا اخواني غير يذبحوجن ..
وهمس ؟
همس اكلت الكتل والتكفخ من ابويه وامي عنج وعنهه ..
شهكت ولطمت حلگي ..
ولج ادبسز لعد شعبالج هي هينه ..ابويه جنزهه من الكتل گوة وخرناهه من جوة ايد ابويه اني وامي ..هم زين جانوا اخوانج راجعين كلمن لبيته وحته حسام جان ماخذ مرته وطالع والاّ لصرتي علچ بحلگ نسوانهم وشلونهن هنه مو كرايب عگارب ابد ميحبن المشاكل ..
جلنار انتي وياي ؟
جنت ساكته بس اسمعلهه وعيوني تصب دموع ..
تمتمت ..اي اي موجوده ..اسمعج كملي ..
باعي هاي امي ديطلعلهه انتظار دتتصل بيه ..
احاجيهه وارجع اخابرج ماشي ؟
اوك ..
سديته منهه وبكلبي كلت الله يستر خاف صاير شي خاف اخواني دروا وسووا شي لهمس ..لزمت كلبي ومنتظرة هاله ترجع تتصل عليه ..
دقايق ورجعت اتصلت عليه هاله ..
الو..
هاخير شصاير ؟ كولي بسرعه ..
وج ابويه متخربط ..صاعد ضغطه وناقلينه للمستشفى ..
شهكت وصميت حلكي حيييل ..
اويلي شراح يخلصهه ..شلون راح تصفه ..ياربي سترك ..
ناقليه الصبح للمستشفى ..
راح احاجي علي يجيبني ..
لاااا ابد ..امج شددت عليه حتلو تعرفين بابوج متخربط متجين ..كافي عليه قهر البارحه مو انوبينه تزيديهه عليه ..
لعد شلون بالي يمه ..
بالج يمه ؟ ولج ادبسز شكلتي لروحج من سويتي بي هيج بالله ذيچ ثوله وتتقشمر بحجايتين بس انتي ..اووف منج اعرف هذا كوله تخطيطج ومن جوة راسج ..
هاله الله يخليج مو وكت كلامج ولومج اليه هسه ..البيه كافيني وزايد ..
من ايدج خيتي من ايدج ..
هاله بروح منو غالي عندج اعتقيني ..ترة لومج وكلامج بسمار ويدوگ براسي ..
اسمعيني زين .. لاتتصرفين من وحدج ولاتسوين شي ..
وابويه ؟
اني اخابرج واطمنج عليه ..
يله هسه روحي ..اني اروح ابدل واخلي ضرغام يوديني للمستشفى ومن ارجع اخابرج واطمنج عليه ..
لااا اتصلي عليه وانتي بالمستشفى اول متحصلين خبر .
ماشي روحي هسه ..باي ..
الله وياج ..
سديته منهه ..دخل علي ..مسحت دموعي بسرعه .. باوعلي وصد ..اخذ مبايله ورجع طلع ..
علي ..صاحولي جنت بالغرفه ..امي كالت ديتصلون عليك كتلهه منو كالت ام جلنار ..استغربت ..بس متوقع هالاتصال ..يمكن تحجي وياي يمكن توصيني ع شي او تتعذر ..
طبيت للغرفه .. اول مطبيت جلنار ذبت التلفون ومسحت دموعهه ..عيونهه حمر ..انعصر كلبي عليهه عرفت صاير شي ..
اخذت تلفوني وطلعت برة اخابرهه خاف صاير شي ماردتهه تسمع او يمكن تدري شصاير وهذا سبب دموعهه احتمال ..
طلعت بالحديقه اتصلت عليه ام جلنار نبرة صوتهه منحرجه مني .. وتتعذر ..كالتلي ابو جلنار متخربط اليوم الصبح صاعد ضغطه وناقليه للمستشفى ..عرفت سبب دموع جلنار ..وطلبت مني حتلو عرفت جلنار بالموضوع وتحت اي ظرف ميجيبهه بهل فترة لاللبيت ولا للمستشفى ..ابوهه تعبان من وراهه ..تفهمت الموضوع ونهيت المكالمه ويه خالتي ..
رجعت صعدت لغرفتي طبيت ..
كعدت

ع الجربايه تنهدت ..
ليش جنتي تبجين ؟
ماكو شي ..
ماخبرتني باي شي ..سكتت عنهه عفتهه براحتهه ..يمكن قاهرني انكسارهه ..البارحه شكد ضربتهه وشكد قسيت وتباوعلي بصلافه عينهه بعيني تتحداني بس اليوم لا ..بس ارجع واكول تستاهل كولشي صار من ايدهه ولسه ماعرف شلون راح اعاقبهه ع الي سوته ..
شويه وصاحونه ع الغده ..
نزلنه سوة تغدينه ..بس كآبتهه والعبوس زادن ..صارت عبالك سرحانه بغير عالم صافنه متحجي ..
الزم ايدهه واكعدهه يمي تمشي ورايه بهدوء ..الي اكوله تنفذة فجأة تحولت الى خرسه ومطيعه ..خوفني وضعهه ..
اقرب منهه الاكل تبعده صافنه لازمه الخاشوكه بس ماحطت لكمه بحلكهه ..
الكل انتبه عليهه وامي تدري ابوهه مريض بالمستشفى لذلك عاذرتهه وعاذرة وضعهه وصفناتهه وكالت لكرايبنه متضايقه العروس ع وضعيه ابوهه الصحيه ..
رجعت امهه اتصلت بيه العصر كالت طلعوه نزلوله ضغطه وصار احسن وطلع لبيته وخبرت جلنار والظاهر اختهه هاله مخبرتهه بطلعته لان بس خبرتهه كالت اعرف ..
لليل بيتنه فرغ من الكرايب والحبايب ..
طشوا كلمن راح لبيته ..
تعشينه وصعدنه لغرفتنه ..
اني نمت ع الجربايه وهي فرشت فراش بالكاع واخذت مخده وبطانيه ونامت ..
مرت الايام ..ابو جلنار تحسنت صحته واني دائما ع اتصال بام جلنار وماكو شي خطير ع صحة ابوهم ..
كدام اهلي احاول اداري واقرب جلنار يمي بس هي فاصله ..كلامهه قليل واكلهه قليل ..قويه وتكابر مو هاي الانسانه العاشرتهه خلال فترة الخطوبه مدا اعرف البيهه ضعف لو قوة ..مدا اكدر اتوصل للطريقه الي تفكر بيهه ..
خلال هالايام امي ابد مفكت ياخه منهه ..دائما تسمعهه كلام عن وجهه العبوس ..جانت تكوللهه ..ابوح وطلع من المستشفى والحمدلله مابي شي شنو هالعبوس اضحكي شويه شنو مزوجيج ابنه غصب ؟؟
بالنسبه اليه 3ايام كعدت بيهن بالبيت ع اساس عود عريس ومن بعدهه صرت اطلع العصر لمكتبي عندي قضايا وموكلين محتاجيني قضاياهم معلگه يعني شغل متلتل والصبح ماعندي دوام بالجامعه لان عطله نص السنه ومن اطلع جنت احاول اوصي اختي ايوته تدير بالهه ع جلنار وتسولفلي شيصير بالتفاصيل خاصه ويه امي وتصعد تبقهه يمهه يسولفن سوة او خاف تحتاج شي وتستحي تكول هنه ثنينهن تقريبا نفس العمر ومتفاهمات جنت من ارجع من شغلي اسألهه تكولي دتتجاوب وياهه ويسولفن سوة بالساعات ..يعني مابيهه شي ودترتاح لآيه ..
علي .. طول هالايام اني ع اتصال بامهه ولحد هسه متقبل جلنار تجي لبيتهم تشوف ابوهه لان هو رافض يشوفهه والام تخاف ع زوجهه لايرتفع ضغطه من جديد وتنتكس حالته حته همس مابقوهه بالبيت اخذتهه هاله يمهه لان بيتهه وحدهه ومناك تداوم لان همس مخلصه معهد صحه وهالسنه تعينت موظفه بالمستشفى ..
امي بدت تحفر وتصيد بالمي العكر مثل ميكولون ..كامت تسأل اسئله ماعندي الهه جواب ..ليش اهل جلنار مااجوي بسبعه بنتهم رغم مسوينه سبعه بس حتلو اهل البنيه يزورون بتهم بيوم السبعه كتلهه مشغولين بابوهم المريض ..
سؤالهه الثاني زين ليش جلنار متروح تشوف ابوهه مو طلعت سبعتهه شنو هالبرود العدهه مو خبصتنه اسبوع هي مطنكرة لان ابوهه مريض وميصير تطلع لان عروس .
جانت امهه تطلب مني ماجيبهه حتلو لحت عليه وتوسلت بيه ماعرف بالضبط شصاير بس اسؤا شي ممكن يصير هو انو اخوانهه يدرون ..
جنت اتحجج كدام امي انو امهه متقبل اطلعهه قبل السبعه تكول عيب البنيه تزور اهلهه قبل لايعزموهه عزيمه عرسهه ..
زين طلعت السبعه ليش اهلهه معزموهه ..سؤال لاخ لامي وجنت اتهرب من الجواب ..
جنت بين نارين نار امي واسئلتهه ومحاولاتهه علمود تلزم شي ع جلنار لان هي شاكه بشي وتلمحلي ع شغلتنه وتسألني كملت لو لا واكوللهه كولشي تمام بس ممبين مقتنعه ..
ونار ام جلنار الي يمكن تصرفهه هذا انو تمنع جلنار تجي لبيت اهلهه يمكن دتحميهه من شي ممكن يصير اذا راحت ..
بالفترة الي صرت اروح بيهه لشغلي بالمكتب صرت احتاج غسل ملابسي وتحضير ملابسي لطلعاتي ..كوي وترتيب وهالسوالف ..
جنت اكلف آيه وامي متقبل تكول مو صارت عندك مرة اتحجج واكوللهه لساتهه عروس فترة وتتعلم بس هي متتقبل هالشي تكولي شلون تتعلم وانت معتمد ع اختك ..
واني بصراحه طلبت من جلنار شكم مرة تحضرلي شي البسه وتكويلي فلان قميص اجي ماالكاهه محضرة شي اسألهه ليش تكول نسيت ماعرف جذب صدوك عناد ..عفتهه مواكفه الدنيا عليهه ولا احتاجهه مليت اداري خاطرهه واتحمل مزاجياتهه واسئله امي المستمرة ..ممجبور اغطي بعد ..
صار يومين من طلعت السبعه فتت لغرفتي ..
سلام عليكم ..
باوعتلي بطرف عينهه ..
هلو ..
خابري اختج هالة خلي تجي لهنا ..
الجمله مالتي ثارت اهتمامهه ..
ليش شصاير ؟
مصاير شي ..
لعد ليش تريد اختي تجي لهنا ؟
احفظلج مي وجهج گدام اهلي ..ولو متستاهلين بس ماريد احد يحجي او يحس ع شي خاصه امي بس تريد عليج لزمه ..
واني شمسويتهه امك علمود هيج تعاملني ..
مو موضوعنه .. سوي الكتلج عليه ..
ماشي راح اخابرهه واخليهه تجيني ..
حاولي تخليهه باجر تجي ..
اوك ..
جلنار .. خابرت هاله و

حبت فكرة

علي وكالتلي باجر راح تجي وصدفه باچر جمعه فكتلهه معزومه ع غده يمنه كالت لا عيب من عيالج اجيج عصريه ..
هيج اتفقت وياهه وبلغت علي وهو بلغ اهله ..
صار ثاني يوم وتحضرنه ونزلت سويت كيكه وحسيت بالنشاط والحياة دبت بيه فجأة وآيه وياي تساعدني حسيت نفسيتي تغيرت وعلي كولشي احتاح يجيبلي من عصاير من حلويات وشغلات ثانيه .
صعدت لغرفتي بعد الغده سبحت ومكيجت وشسورت ورتبت نفسي ..باوعت لروحي بالمرايه حسيت بالرضى ع شكلي وترتيبي وجمالي ..
صار العصر واجتي هاله هي وزوجهه وهمس ..
علي استقبل زوجهه لهاله ضرغام وخواتي واني وخالتي وايه وحمواتي الاثنين الكبار المزوجات ناديه وتبارك هم جانن موجودات ..
سلمت ع هاله ..هاله انسانه محبوبه وملگه اجتماعيه ومرحه ولسانهه حلو گلبت جو البيت گلاب من اجت وغيرت نفسيتي من كآبه وجو متوتر لفرح وضحك وتحشيش شتان بيني وبينهه كولهه كالت هيج وكولهه حبتهه خاصه حمواتي خوات علي المزوجات ..
من شفت همس كوة سيطرت ع دموعي ..احس بالذنب تجاهه ..
ندمانه ع الي سويته ..اني الي قنعتهه تمشي وياي بالي سويته لان جنت اعرف بيهه تحبه من جان طالب ماستر لان هي دخلت للمعهد قبلي بسنه واني رسبت بالسادس ومن بعدهه دخلت كليه قانون وصرت كدام علي وجانت هي مرحله ثانيه معهد بس دائما تجيني واعرف شنو سبب جيتهه بس هو ابد مانتبهلهه او يمكن شافهه وعباله اني بس مجان يدري احنه توأم ومافرق بينه ..
بوكتهه هو خلص الماستر وتعين استاذ جامعي محاضر ..
حضنتني وباركتلي ببرود وابتعدت ..اني انخرست ..اريد اهمسلهه اسفه مانطقت بولا حرف ..
نظراتهه بانكسار .. يمكن تكرهني ..يمكن مغصوبه ع الجيه ..
جانت متغيرة طريقه معاملتهه اليه ..مالومهه وماعرف شلون اصلح الوضع ..
هاله تعذرت من خالتي وكالتلهه بس ابويه تتحسن وضعيته يعزمونه اهلي عدهم ..
للمغرب هاله وهمس راحن اخذهن ضرغام ..
حسيت بوحشه من بعد روحتهن ..مشتاقه لخواتي وماشبعت منهن ..
اجاني شعور بالكآبه اريد ابجي ..
حضرنه العشه اني وايه وحمواتي ويانه وازواجهن وهوسة جهالهن ..
تعشينه كولنه سوة ..
كان جو البيت حلو ..احب هوسه الجهال ماحب البيت الهادئ الكئيب رغم اني هادئه بطبعي ..
علي ويانه وخالتي هم ..اعرفهه من زمان تكرهني ومتطيقني يمكن تشوفني دون مستوى ابنهه يمكن جانت رايدتله وحده ثانيه كرايب او غريبه وعلي اختارني وفضلني الي ..
ظلت ببالي الحركه الي سواهه من گلي خابري هاله تجيج ..حفظلي مي وجهي گدام اهله خاصة كدام امه حته لحد يحس بشي او يمسني بحجايه ..
واني اصلا حته كلمه شكرا ماكتله ..
حته من سولفت لهاله انو هاي فكرة علي كالت شكد اكابري وحباب ووصتني عليه اداريه واغير معاملتي وياه للاحسن ..
اليوم بالعشه عمي جان موجود واصغر حمويني حمزة الي دائما مسافر ويه ابوه رغم همه دائما ممتواجدين ودائما بسفر حته كل الي بالبيت متعودين ع هالشي بس اليوم لا جانو موجودين وسوولنه جو حلو عمي شخصيته قويه اسلوبه حنين وجهه ضحوك عكس خالتي كولشي بيهه نكدي ..
خلصنه العشه وساعدت البنات بالتنظيف والمواعين ..
صعدت لغرفتي هلكانه من التعب بس رغم هذا جان يوم ممتع وحلو ..
سبحت وبدلت ملابس بهاريه للنوم صعد علي بس باوعلي ودار وجهه ..
ظليت افكر بهمس ونظراتهه اليه ..شعور بالذنب تجاهه ينخر بروحي نخر ..
احسن حل جان انو تاخذهه هاله يمهه الى ان يتحسن الوضع ..

[ملكةه]

.

البارت 6

جلنار ..ظل بالي مشغول من يوم تزوجت لسه مسامعه صوت امي يتصل عليهه علي دائما بينهم تواصل بس ابد متقبل تحجي وياي ولاتقبل اجي لبيت اهلي ..
وماعرف شلون راح ترهمهه هاله وتقنع اهلي يسوولي عزيمه زواجي لان فشله من عيالي ..
كل هالامور جنت سرحانه بيهه وافرش بفراشي وافكر ..
جبت الدوشک ورجعت اجيب المخده والبطانيه لگيت الفراش مشيول ..
صفنت مو هستوني جبت فراشي وين راح ..
حاجاني علي ..
كافي بعد ممنوع تنامين جوة ..
اشرلي ع الجربايه ..هذا مكانج ..
ماريد انام ع الجربايه ..مرتاحه بمكاني ..
بلا عناد واسمعي الكلام ..ماعيد الحجي ..
كعدت ع الجربايه تنهدت ..
انت شرايد مني ؟
كل خير ..
من وراك انت ؟.. يجي خير ؟ ماتصور ..
عرفني ع شنو اقصد .. صح جنت ناويه اشكرة ع تصرفه وياي ويمكن يلين اسلوبي وياه بس ماعرف لسه حاقدة عليه ومن يصير كلام بيناتنه احاول بشتى الطرق أأذيه بالكلام او استفزة او اوجهله اهانه اي شي بس المهم اضوجه ويشفى غليلي منه ..
صفن بوجهي ..حاجاني ببرود ..
ترة الي سويته اني ردة فعل للي سويتيه
انتي ..
سكتت بعد مارديت ..
رجعت بطانيتي والمخده لمكانهن وذبيت جسمي ع الجربايه بس قريبه جدا ع طرفهه يعني قريب الحافه ... تغطيت ونمت ..
ثاني يوم الصبح كعدت لكيته نايم ع صفحته وجهه عليه انفاس دافيه تلفح وجهي ..
ركزت بتفاصيل وجهه .. لحيه خفيفه كامله محدده شامه بخده شوارب انف عريض متناسب ويه وجهه عيونه شاگات الوجه كبار مغمض جان ماشفت لونهن عن عن قرب ..شفايف ورديه غامقه ورديه غامقه الشفه الفو

ك محدده م

قصص فقط:
ثل قمتي جبل بس بزوايه حادة مو نص دائرة وع هالاساس الشوارب محدده خفيفه ..
نزلت عيوني ع تحت حنچه بداية ركبته ..تفاحة آدم تتحرك بوضوح مثل واحد ديبلع ريگه ..يعني كاعد ..بفزع انتقلت عيوني لعيونه بعدهي مغمضه عيونه بس البؤبؤ داخل الجفن يتحرك تأكدت منه گاعد مو نايم ..
رأسا وخرت البطانيه وكمت من فراشي ..
طبيت للحمام غسلت وجهي ومن طلعت شفته بالمرايه بعده مغمض بس وجهه مبتسم ضحوك ..
سوالفه مو ببالي ابد ..يمكن لان كلبي مو يمي كلبي امنته عد انمار ابن عمي .. اي بعدني احبه ..واريد احافظ ع نفسي علموده ..ماريد يتقربلي علي ..اريد يمر شكم شهر واتطلك منه ..
اكيد اذا صرت مطلقه وخطبني ابن عمي .. اهلي مراح يرفضون ..
هيج جنت افكر واحضر بالريوك ..مبتسمه ونفسي مفتوحه للحياة ومزاجي حلو ..
ام علي ..شعجب ؟ كاعده من وكت والضحكه شاگه الحلك ..
رأسا عبست وجهي حته سلامهه من الصبح يغث مدري شبيهه هالمرة وياي ..
جلنار ..ها خالة صباح الخير ..عادي خاله يعني دا اسوي ريوك شكو بيهه ..
ام علي ..اي هيج تعودي كعدي من الصبح يوميه وسويلنه ريوك ..
جلنار ..ان شاء الله خالة ..هو هم هيج لان خلصت العطله منا وهيج راح ابدي اداوم ..
كامت تعوج بحلكهه وتكولي ..ايييه دوام ..
سويت الجاي وحضرت الكوابه والشكر والجبن وسلگت بيض ورتبت السفرة ع ميز مال اكل بالمطبخ ..
اني عادتي من احضر الكوابه ع العدد احط شكر الهن كولهن والي يريد يصب جاي شوكت ميعجبه يصب بالنسبه اليه ضفت حليب لان احب جاي حليب ..
واسوي لفة جبن واصب لنفسي وآكل ..
جنت دا اصب جاي اليه شلت عيني لكيت علي بباب المطبخ ..
ظل يباوعلي نصيت اكمل صب الجاي خاف انجوي ..تقدم ناحيتنه ..
صباح الخير ..
اني وخالتي .. صباح النور ..
جلنار ..تتريك ؟
علي ..اي صبيلي ..
صبيتله جاي ..
خاله اصبلج ؟
اي اي لعد شمنتظرة ..
صبيت لخاله وكعدت اتريك ..شويه وبزت الجاي خالتي اني بصراحه فزيت من ردة فعلهه ردت اشرگ حته حرارة الجاي وحليب الي جنت اشربهن لفحت شفتي ولساني انجويت ..
خالتي ..من ثول اي والله ..شنو هذا جاي لو عسل ..مو عندي سكر شنو تريدين تموتيني .
باوعت لعلي ردت اشوف ردة فعله جان صافن عاكد حاجبه يباوع لامه من شافني انتبهتله نصه ع الاكل كمل ريوگه ..
صح انهضمت وانحرجت من صياح امه عليه وغلطهه بس الحمدلله مابجيت ..
كتلهه ..اعتذر منج خاله مادري بيج عدج سكر ..
كمت من السفرة انسدت نفسي ..
خالتي ..ها وين ؟
جلنار ..شبعت خاله الحمدلله .
خالتي ..تتزعل الخاتونه ..مو عاجبهه ..هي بس هاي ظلت ..
اني طلعت من المطبخ ..
علي ..شفت امي شلون عاملت جلنار ..كرهت الطريقه التي عاملتهه بيهه وبدون سبب يعني هي البنيه مقاصده شي ولاتدري امي عدهه سكر قابل متعمده ..
جلنار باوعتلي نظرة فهمتهه ..مثل ساعدني .. بس نصيت ع اكلي ..مااطي بامي كدامهه وتتقوة ..سكتت .. هي كامت كالت شبعانه واعرفهه غير اللكمتين ما اكلت ..
يوم ليش دتعاملين البنيه هيج ؟
فاهيه واني ماطيق الفاهيات ..
فاهيه علميهه ..موهيج تفشليهه وتصيحين عليهه ..
وانت شدعواك واني شحاجيتهه وهيج انت ضجت ..ماصارلهه شهر يمك وهيج غيرتك ع امك ..
اهوووو ..بدينه ..يابه لافزعت الهه ولا غيرتني ..بس اسلوبج ابد محلو وياهه ..
اووي عيني اذيت

تكمله البارت 6
مشاعرهه ..متكولي منين جبتهه اليه ..
ضجت حيل ..امي هذا طبعهه ..مايعجبهه العجب ..بس نفسهه وبس ..حته زوجات اخوتي شردتهن بليله ظلمه وقليل يجونه اخواني ومرات يجون بدون عوائلهم من وراهه لان مو بس تسوي مشاكل ويه زوجاتهم متحب هوسه اطفالهم ..
رجعت صعدت فوك لغرفتي ..
طبيت لكيت جلنار فاتحه الكنتور وترتب بالملابس ..
مريت من يمهه كتلهه ..
افوت اسبح الكاج محضرة ملابسي ..
ذبت البيدهه وراحت جا

تكمله البارت 6
مشاعرهه ..متكولي منين جبتهه اليه ..
ضجت حيل ..امي هذا طبعهه ..مايعجبهه العجب ..بس نفسهه وبس ..حته زوجات اخوتي شردتهن بليله ظلمه وقليل يجونه اخواني ومرات يجون بدون عوائلهم من وراهه لان مو بس تسوي مشاكل ويه زوجاتهم متحب هوسه اطفالهم ..
رجعت صعدت فوك لغرفتي ..
طبيت لكيت جلنار فاتحه الكنتور وترتب بالملابس ..
مريت من يمهه كتلهه ..
افوت اسبح الكاج محضرة ملابسي ..
ذبت البيدهه وراحت جابتلي خاولي وملابس اخذتهن ودخلت الحمام سبحت وطلعت ..
لكيتهه محضرتلي ملابس طلعه وكاعده ع الجربايه ..شويه شويه دتتعود ع طبعي ..
كعدت قريب عليهه انشف بشعري ..
حسيت عدهه حجايه وياي ومتردده تكولهه ..
التفتت الهه ..صارت عيني بعينهه ..كولي شعندج ؟
ماعندي شي بس ردت اكولك شكرا .
ع شنو ؟
لان خليتني اخابر هاله حته تجيني البارحه .
هااا اي سهله ..
كامت لزمتهه من ايدهه وكعدتهه ..
رفعت راسهه وعيونهه عليه ..
العصر حضري نفسج ..نطلع ..
وين ؟
كدام اهلي نكول تروحين تشوفين ابوج .
الضحكه ترست وجهه ..
صدوك حتوديني لاهلي اشوف بابا ؟
لا امج متقبل ..نروح اي مكان شكم ساعه ونكول رحتي شفتي ابوج واتطمنتي عليه ..
رجع وجهه العبوس ..
لاتضوجين ..كولشي اله حل ..
كامت النكديه ورجعت ترتب بكنتورهه ..
بدلت ملابسي كتلهه ..
اروح اشوف العمال وين وصلوا بالبناء ..
باوعتلي ونظرات عيونهه حزينه بس بكبرياء ..متريد تبينلي هي مهتمه ومتريد تبين ضعفهه وانكسارهه ..كولشي صار من ايدهه ..
كالتلي الله وياك ..
طلعت ..
العصر بدلنه وطلعنه سوة ..جانت جلنار مضايقه وضايجه ..
اخذتهه للكورنيش صفيت السيارة هناك وظلينه كاعدين داخلهه ..ساكتين ونتفرج ع الناس الجايه والرايحه والعشاق ..
اخذت تلفوني ونزلت ..اتصلت ع ام جلنار حجيت وياهه وطلبيت منهه تحجي ويه جلنار لان محتاجتهه ..احسهه مكسورة ومتدمرة ع فراك اهلهه ..
يمكن هاي افضل عقوبه صارت الهه انو اهلهه نبذوهه ..
بعد محاولات قبلت ..رجعت صعدت بالسيارة واطيت الفون لجلنار ..كتلهه ..
امج تريد تحجي وياج
فتحت عيونهه متفاجئه ..
صدوك علي ؟
هزيت راسي اي ..
اخذت الفون مني وكالت برجفه وتمتمه ..
الوو ..
هلو ماما شلونج ؟
هذا كل الي گدرت تگوله جلنار ..
ع طول باقي المكالمه امهه ظلت ترزل بيهه وتحجي عليهه وتغلط ..
اشوفهه بس ساكته مترد وكوة تبلع ريکهه والدموع تجمعت بعيونهه بس رمشت جرت الدموع الجانت محبوسه بسكوت تمسح دمعه بسرعه خطف تنزل الثانيه بهدوء ..
جان لازم تتحمل هالكلام وهالرزاله ..هالمواجهه ..
سدته امهه بوجهه بدون ولاكلمه وداع ..
رجعتلي الفون وهي تنشف دموعهه عبالهه ماشفتهه من بجت لان صاده وجهه ع الجامه القريبه منهه بس عيونهه حمرر ..
ورة فترة قصيرة من المكالمه ساد السكوت كسرته بكلامي ..
انتي ليش هيج سويتي ؟
باوعتلي بشبح نظرة متفاجئه من سؤالي يمكن ماتوقعته مني ..
جاوبتني بثقه ..
لان ماريدك وغصبوني عليك ..
صفنت بوجهه ..الصلافه الي شايلتهه مموجوده عد بشر ..
انت ليش دتساعدني ؟ ليش متطلكني ؟
سكتت ماعندي جواب ..
ظليت اباوع كدامي للفراغ مو لشي معين .. يمكن سرحت ..
دگ فونهه ..طلعته بلهفه يمكن عبالهه امهه رجعت اتصلت بيهه ..
شفت الاسم مكتوب أنمار ..سوته صامت وكلبته وضمته ..
منو هذا ؟
ابن عمي ..
شيريد منج ؟
ديباركلي اكو غيرهه ..
وليش مرديتي ؟
مالي مزاج بعدين ..
تمام ..نرجع للبيت ؟
كيفك ..
شغلت السيارة واخذت عشه ورجعنه للبيت ..
جنت افكر بالطريق انو عطلة نصف السنه خلصت ومن باجر راح ابلش دوام الصبح بالجامعه تدريسي والعصر بالمكتب .. وماعرف جلنار تداوم لو لا ..
طبيت للبيت ماكو احد بس آيه ..امي كالعاده رايحه لبيت خالتي ماخذهه ابويه ..
صعدت جلنار فوك تبدل ملابسهه عيني منهه ..
تلفونهه بيدهه وشاك ابن عمهه هو نفسه الي جانت تحبه اتصل عليهه ..
انزعجت حيل اذا اكو احتماليه انو جلنار كذبت عليه ..
صعدت وماخليتهه تحس بخطواتي ..
صرت ورة الباب ..مو من عادتي اتسمع ولاثوبي ولاعمري سويتهه بس وكفت ورة الباب واتسمعت ..
دك فونهه مرة ثانيه ..
هالمرة ردت ..
الوو ..
شلونج جلنار ؟
زينه الحمدلله .
مبروك .
جلنار ..لحظات سكوت قاتله ..عبالك الدنيا فرتني فر ماحسيت اني بوعيي ..
ماعرف شنو احساسي بالضبط من سمعت صوت انمار ..
جاوبته ببرود عكس الي بداخلي تجاهه والنيران الي تسعر بكلبي ..
الله يبارك بيك ..
سكت واني هم سكتت ..
ماعندي كلام ولاعندي قدرة ع الكلام انربط لساني وماعرف ليش متصل عليه ..
سمعت صوت تنهيده زفرهه بقوة ..
خابرتچ علمود اگلچ ابريني الذمه ..
استغربت كلامه ..
ع شنو ابريك الذمه ؟
بعدين تعرفين ..بس ابريني الذمه ..
تمام ..محتاج شي مني بعد ؟
ها ..تروحين ؟
اي ماگدر اطول وياك ..صرت مررة متزوجه .
من كلت هالكلام احس روحي دجيت نفسي بسجينه قبل لا ادج السجينه بي ..
انفتحت عليه باب الغرفه ..علي ..

[ملكةه]

البارت 7
انفتح باب الغرفه ..علي ..وكع التلفون من ايدي من الفزة والخوف ماعرف سديت الخط او لا بس بوكعته انفصل الجهاز عن الكفر عن البطاريه ..
شفت بعيونه شرارة غضب ..عصبي ..خفت منه رجعت ليورة ..موقفي ويه فزتي وكسرة مبايلي والخوف الي يكدر يقراه بعيوني خلوني بموقف المذنبه ..مسويه مكسورة ..
ظليت ارجع ليورة بخوف وهو تقدم اليه ولزمني بقوة من جتفي ..
هذا منو الي جنتي تحجين وياه ؟
يحاجيني بعصبيه ويهز جسمي بالكامل ويه هزة جتفي الي لازمه ..
ايدي علي دتأذيني ..
احجي من. هذا !!
ابن عمي شبيك ..مو كدامك اتصل عليه ..
وليش مجاوبتيه كدامي ؟
صفنت عليه ..شبح شك تراوالي بالموضوع ..نبرة ماحبيتهه منه ..
انت ع شنو دتلمح ؟
مدا المح اني ع شي ..مو هذا نفسه حبيب الكلب الي جنتي ناويه تضحكين عليه وتتزوجينه ؟
سكتت مجاوبته ..
الظاهر يعرف بقصه ابن عمي وجوابي اله هسه وهو بلحظه عصبيه مراح يفيدني بشي ..
احجي جاوبي مو دا اسألج ؟
ظل يلح عليه احجي ..استسلمت لضغطه ..
شتريد اجاوبك ..اي هو نفسه ابن عمي الي خطبني واهلي رفضوه واختاروك انت .
شراد منج ؟
ماراد شي بس باركلي وكالي ابريني الذمه ..
ليش شنو المناسبه ؟
والله مادري روح اسئله اله ..
جوابي استفزة ..قوت لزمته لجتفي ..
ولج شو انتي ماتعرفين تحجين شنو مو بعينج اني ؟
عجيييب ..هو اني شحجيت ..
وبعد شكال ؟
ماكال شي والله ..
احجي ولج ..صارلج ساعه تتكرصين وتتختلين وتحجين وياه ..
فتحت عيوني متعجبه ع كلامه ..صح سويت الغلط من البدايه بس مارخصت نفسي لبشر لهل درجه ..
مو كتلك والله محجينه شي غير ذني الكلمتين ..
صك سنونه وكلي ..
مامصدكج .
هه !!
ضحكت باستهزاء ..
اذا متصدكني ليش دتسألني اصلا ليش بقيتني ع ذمتك ع اساس تساعدني وهذا احسن حل ..هاي ذله يسموهه ..يا اخي ماريدك ..فك عني ياخه عاد ..
اختنكت منك ..
هااا هيجي صارت ..وشتريدين اطلكج مثلا علمود تروحين لحبيب الكلب ؟؟
شهكت من تفكيرة الوصخ صح احب انمار بس يوم الي تزوجت عفته ومافكرت اصلا اتصل ..
شعدك مبقيني يمك اذا هيج تفكيرك وشكك بيه ..طلگني !!
ضربني راشدي قوي وكعني بالكاع ..
حسيت وصله من خدي انشالت ..خدي اشتعل نار ..
كومني بجرة شعري ..
قربني من وجهه وبعده لازم شعري ..همس بعصبيه بوجهي وانفاسه الحارة تضرب تقاسيم وجهي وملامحي ..
تريدين تتطلكين ادبسز ؟
نجوم السما اقربلج ..
الظاهر اني مطيج مجال وحجم اكبر من حجمج بهواي ..استقويتي ..ولامعتبرة احد ..
دفعني ع الفراش بقوة وكعت ردت اكوم ..جنت احس روحي اكدر اقاومه ..قويه اني ..مراح اسمحله ينتهكني بهل طريقه بس ماكدرت له ..من ادفع يزيد قوة من ارفس يزيد عنف ..
قاومت ضربني راشدي بعد راشدي بعد راشدي ..باد حيلي ..هدأت ..صرت اهمس ..عفيه لاتسوي هيج ..عفيه لاتكسرني ..
استمر ..مافادت مقاومتي اله ..استسلمت وسلمت نفسي اله لان الالم صار لايطاق وكلما ازيد مقاومه يزيد قوة ويزيد عليه الالم ..
صح من سلمته نفسي رقق لمسته وياي بس يبقى اغتصاب ..
دموعي جرت وحدهه بدون عناء وبدون وعي ..كرهت ضعفي ..كرهت يشوف دموعي .. كرهت روحي واني جواه ..كرهته لان انتهك جسمي ..
اخذ حقه من جثه ..وصارت هالجثه زوجته ..
همستله بتعب ..ليش ..ليش هيج سويت ..باوع بعيوني من كمل وطوّل بنظرته ..همسلي ..صرتي مرتي ..مسح دموعي بباطن اصابيعه وباس گصتي ..طوّل بالبوسه وكام عني ..
التفتلي گلي .. يله روحي تطلگي ..
چرچف چربايتي صار نيشاني ..
لبس هدومه وطلع من الغرفه ..
من طلع انهاريت بجي صرت اناشغ بصوت عالي اباوع ع الجرجف بي دم ..
افرك بصدري جهه گلبي احس اختنكت ماكدر اتنفس ..
ع صوت البجي مالتي اجتي آيه تركض طبت الغرفه فزت من منظري ومنظر الجرجف والدم ..
الخوف بعيونهه ..عيوني من الدمع مغوشه ..
اباوعلهه بقهر .. بس لساني معكود ..تسألني شبيج شصار شسوالج بس اني اخرسيت مدا تطلع الكلمه من حلگي ..
جانت تباوع للجرجف بخوف ..
صارلكم 10ايام مزوجين ..هستوة ياله اخذج ؟
بجيت بحركه وقهر احس هالدموع التطلع من عيوني دتحرك خدودي لا اكثر دتحفر بگلبي ..
حضنتني وكلماتهه تهدئ وتصبر بيه ..
متأذايه ؟
هزيت راسي اي ..
گومتني ع كيفهه ..
گومي وياي حبيبي اغسلج ..
رحنه للحمام ..سندتني وساعدتني اذب ملابسي ..
برغم مستحيه منهه بس ابد محسستني بالاحراج ..غسلتلي وسبحتني ونشفتني ولبستني ملابس نظيفه ..
رجعتني لغرفتي شالت الجرجف وضمته كالتلي هذا نيشانج ..
فرشت غير جرجف ..كعدت ع الجربايه ..
الي صار لاتحجينه لاحد .

رجعت عيوني دمعت ..اريد احجي بس عجزت واني احاول احجي والكلام ميطلع مني ..
ليش هيج صار ؟
شنوانتي مانعته واليوم اخذج غصب ؟
ماعندي قدرة ارد ع كلامهه ..
كملت كلامهه ..
جنت حاسه اكو شي مو طبيعي بعلاقتكم ...
تكمله البارت 7
جحيمي وناري
جان اكو برود بيناتكم ..
المهم مثل مكتلج لاتحجين لاحد ترة كولهه تلومج وتذب الصوج بيج حتلو هو عايفج براحتج لبين متتعودين عليه ..بس اني شفته معصب مبين صاير شي ..
التفتت ع تلفوني الي جان متفصخ بالكاع الكفر وحد والجهاز وحد والبطاريه وحد ..
شنو تعاركتو ..شصار احجيلي ..
بس ساكته ودموعي تجري ..
كافي بجي الله يخليج ..حاولي تصالحين زوجج وتكسبينه .
وين صوتج جلنار ؟
شبيج ليش متحجين ؟
اشرتلهه ركضت جابتلي ورقه وقلم ..
كتبتلهه ..مدا اكدر احجي ..عبالك لساني انعگد ..
ظلت صافنه عليه ..هسه شسوي اني ..علي وين راح ..
كتبتلهه ..بدل وطلع مادري وين راح ..
اتصلت عليه آيه مارد ..
گالتلي ظلي بغرفتج ارتاحي ..
امي اليوم مو هنا تبات يم بيت خالتي ..
هزيت راسي .. اوك ..حطيت راسي ع المخده بتعب وتسرسحت نزلت براحه ع الفراش ..
غمضت عيوني اريد انام ..اريد ارتاح ..اريد انسى الي صار وياي .. بس غمضتهن نزلت دمعه من عيني .. كلبي عصرني ..كرهت الضعف الاني بي ..ليش هيج ..من شوكت اني ابجي كدام احد ..صراع نفسي بين كلبي وعقلي ..كلبي الوفي لانمار ومجروح من الي صار جنت اريد احافظ ع نفسي ومن جهه عقلي يثور يكولي حراام علي زوجي وهذا حقه ..
كافي حبيبي ع شنو تبجين ..لاتقهرين روحج ..
ظلت يمي تمسد بشعري ..صح ايه اصغر مني بسنه او سنتين بس ناضجه وعقلهه وتفكيرهه اكبر من عمرهه ..
غمضت عيوني وبعدهه ماحسيت بشي ..
يمكن مرت ساعه او ساعتين صحيت وجانت ايه بعدهه يمي ..
تمعجت من اثر النوم والنعوسه ..رغم ايه سبحتني بس بعد عندي الم ..
حست عليه متألمه ..
يوجعج شي ؟
اطتني ورقه وقلم حته اكتبلهه ..
اخذتهن منهه وكتبت ..موجوعه شويه ..
شلون شسويلج ترة اني ماعرف بهاي السوالف ..
ابتسمت ..ولا اني اعرف ..
بس عندي دهن مال التهابات نستاكورت مرات من تصير التهابات ماما تطينه منه بلكي شويه يهدئ الالم ..
كتبتلهه ..اي عفيه اريده ..
هسه اكوم اجيبه الج ..
مشكورة ..
ع شنو يمعوده ؟
ع هاي وكفتج وياي .
ع بختج هسه اني شسويت قابل ..
بس اريد اكولج نصيحه .. صح اني اصغر منج بس اكو شغلات يمكن اني اوعى منج عليهه ..
الاهتمام اساس الحب ..علاوي ادري بي يحبج بس انتي شو عندج برود واضح تجاهه ..ماعرف شنو صاير بيناتكم بحيث 10ايام وهو ممتقربلج وشصار اليوم وغصبج تصيرين مرته ..
من اول مطبيتي لبيتنه حسيت عليج مطايقه الوضعيه ومتضايقه حيل .. كلتوا بوقتهه السبب مرض ابوج وورة فترة تحسن وبعدج ع نفس وضعيتج ..والرجال ميحب البنيه النكديه ..
اعرف امي ظالمه وياج ودتأذيج بالحجي بس هي مو بس وياج هيج حته ويه اخواني وخواتي ..
هذني خواتي تزوجن وشردن لبيت الرجال ..
صح ابويه عايش بس ممتواجد دائما مسافر وامي هي الحاكم الآمر الناهي بالبيت ..
الي عوضنه هو اخوانه حنينين علينه شلون تكولين همه زوجوا خواتهم لاصدقائهم لان خطيه تزوجن بعدهن طالبات كليه وازواجهن همين لسه طلاب واحد جان بعده طالب وواحد توة متعين بس اوادم وماخلوهن تحت رحمة العيال وخلوهن يكملن دراسه وتصدكين اذا اكولج ابويه واخوتي الي جانوا يدفعون اجار البيت لان حالتنه الماديه خير من الله واخواني شاغولين ..
علاوي ديبني بيت الكم يعني اشهر او سنه بالهواي تطلعون وتستقرون ..امي تحمليهه وزوجج كسبيه وحتلو هي الي اذتج خلي هو يشوف اذيتهه الج مو انتي تحجيله وشماتحجي ابد لتردين .
اني بتهه ومدري شلون الله هاديهه عليه لحد هسه يمكن لان الصغيرة بزر الكعده شويه حنينه عليه بس هسه هي مستلمه اخويه الصغير ..
هو اكبر مني بس اصغر اخواني الولد وهو الوحيد ظل ممتزوج وتريد تزوجه بنت اختهه ..
جانت تريدهه لعلي وعلي اختارج الج وهسه حولت ع حمزة تريد تجيبه للطريق بس هو يكوللهه شايل فكرة الزواج من راسه وهمين البنيه اكبر منه ويمكن يمكن عدهه احد تحبه ورايدهه وماعرف شلون راح تصفه ..
هواي ظلت آيه تسولفلي عن عائلتهم بالنص ساعه استمرت ..
ع طرف لساني كلام اريد اسألهه ..
كتبتلهه ..علي اجه ؟

كالت لا وابتسمت مادري ليش
انتي طول مااني نايمه بقيتي يمي ؟
لاشسالفه ..رحت سويت عشه وسبحت ورجعتلج ..اكيد جوعانه مو؟
هزيت راسي اي ..
تكدرين تكومين ؟
كتبت ..اي اكدر
رغم هذا ساعدتني اكوم لان جنت متوجعه ..كالتلي ماكو داعي لكومتج ..اني اجيبلج العشه لهنا ..
كتبت ..بس ماتعشه وحدي اذا جبتي العشه لهنا ..
اكيد طبعا نتعشه سوة ..
راحت بسرعه بسرعه جابت العشه تعشينه سوة وخلصنه ..
نزلت الصينيه وسدت الضوة يمكن جانت ورة العشرة بشويه وعلي لسه مراجع للبيت ..
تركتني علمود ارتاح ويمكن هي هم راحت نامت ..
نمتلي ساعه واكثر ..بحدود 12بالليل حسيت انفتحت الباب .. غمضت عيوني بقوة وچان ظهري ع باب الغرفه ماعرف شجان يسوي بس اكدر اخمن ..
مافتح الضوة بس ضوة التيبم لامب الخفيف ..بدل ملابسه يفتح بالكنتور يدور ملابس ..
طب سبح دقايق وطلع واني ع نومتي ..
تقرب للسرير.. ارتبكت لان نايمه ع الجربايه يمكن هاي اول مرة ومن دخل للحمام حاولت انحشك بنهايه الجربايه ..

ذب جسمه بتعب ..ع الجربايه ..صرت وجه بوجه وياه ..
التيبم لامب صاير بظهري وخفيف جان وجهه يتقرب مني مثل واحد يريد يعرفني كاعده لو نايمه ..
عيوني سادتهن بس حيل يعني مبينه متصنعه النوم ..
جنت خايفه منه ودگات گلبي ترگع مو تدوگ دگات طبيعيه ..
أدري بيج مو نايمه ..فتحي عيونج دا حاجيچ ..
رخت حركه جفوني بس مافتحت ..
همسلي بتعب .. جهنمي ..ناري ..
فتحت عيوني باستغراب من كلماته ..صارن عيوني بعيونه ..تذكرت هالاسم كالياه بالفندق لان اسمي جلنار كالي جهنم وناار ..
موجوعه شي ؟
سألني بنبرة ندم ..
من بعد ما اطتني آيه عصارة النستاكورت وخليت منعدهه راح الشعور بالالم كولش ارتاحيت عليه ..
هزيت راسي بلا جواب ع سؤاله ..
جو مشحون متوتر بيناتنه ..
ماستحملت هالضغط النفسي ونظرات عيونه المركزة عليه واحسهه عبالك تخترق روحي ..
گلت بگلبي اگوم افرش فراشي وانام جوة احسلي ..
نهضت بتعب يمكن عرفني اريد اكوم اغير مكان نومي .. قراني وكأنهُ ..
جر ايدي وسحبني رجعت للفراش ..گالي ..
نامي هنا هذا مكانج ..بعد ماكو نزله جوة ..
حجاهه بصيغه امر ..ماجاوبته ولا جان بمقدوري اجاوبه ..
رجعت لنومتي ومحشوكه بنهايه طرف الجربايه ..
اكو قوة جانت تمنعني اغمض ..ممرتاحه لهل شعور ..نبضات گلبي سريعه ..
تأثيرة عليه احسه ضغط مدا اكدر استحمله ..
اخير شي درت جسمي ونطيته ظهري عاد من بعدهه غمضت عيوني ..
بين نعاسي وبين دگات گلبي المضطربه غفيت ..
..

[ملكةه]

البارت 8
ثاني يوم الصبح صادف يوم احد خلصت عطلة نص السنه واليوم اول يوم دوام متفقين وماخذة وعد من علي اكمل دراستي بس بعد الي صار بليله عرسنه ماعرف بعده ع الوعد لو تراجع عنه ..
اكره الشعور من اصير تحت رحمه شخص ..يعني هو يتحكم بمصيري ..
ساعه 6:00 الصبح مبايلي دك منبه البارحه جمعته الكفر والبطاريه واشتغل ووقته ..
طفيته وكعدت غسلت وجهي باوعت علي نايم ع بطنه ..
الحمدلله زينه ومموجوعه ..حاولت احجي مكدرت ..
نزلت اسوي ريوك ..
البيت فارغ وهدوء كولهه نايمه ..حطيت الجاي ع النار وبديت احضر سفرة الريوك ..
طلعت الاجبان والبيض سلگته وحطيت الخبز بالاوفن احميه وحطيت الكوابه طبت خالتي ..
ياا شعجب ..
التفتت الهه ..هزيت راسي وابتسمت ودرت وجهي رجعت احضر باقي الريوك طب علي كال صباح الخير ..
بس التفتت صارت عيني بعينه ..
صديت عنه ..
امه ردت عليه ..صباح النور يمه ..ماكدرت ارد اني يمكن عباله زعلانه وامه ع اكثر عبالهه متعاركين او متزاعلين ..
كملت كولشي ..
كعدنه نتريك تلاثتنه ..امه تباوعلي بخزر ..
ها يمه شنو اليوم عندك دوام الصبح ؟
اي يوم خلصت العطله بعد طلابه ..
رفعت راسي وعيني باوعتله من جاب طاري الدوام يمكن نظرتي بيهه سؤال وفضول هو افتهمه ..
صارت عيني بعينه ..كالي ..
تداومين مو ؟
هزيت راسي اي ..
خالتي كامت تعوج بحلكهه .. كالت ..
لعد والبيت ..اني هم عدي دوام ومعتمده مرتك تطبخ الغده غير تگول تحجي ..
ساكته اني بس منتظرة رد علي ..يحجي ويبرر لو ينطي بيه ويكولي لتداومين اليوم ..
يمه انتي من يمته تطبخين الغده وتروحين للدوام ..اشو ايوته خطيه مرات تجي ركض ركض من دوامهه وتطبخ شي ع السريع ومرات نجيب اكل من برة ..
دنكت وضميت ضحكتي ..فشل امه ..
ظلت تعوج بحلكهه معاجبهه ..
اي اني كبرت وصارت عدي چنه بالبيت غير اعتمد عليهه ..انوبينه هي عليهه تلزم الطبخ من الليل تطبخ او من الصبح تكعود اوكت شو شتسوي ماعرف تدبر نفسهه ..اجي من دوامي الكه الغده جاهز ..
باوعلي مثل الي يگولي سمعتي الحجي ..رد عليهه كاللهه ..
صار يمه تدللين ..
ماراد علي يتطور بعد كلام امه ويمكن تغثني اكثر او توجهلي بعد حجي يسم البدن من الصبح ..
يله جلنار گومي بدلي ..
عفت اكلي وكمت صعدت لغرفتي ابدل ..
اسمع حجي امه بذيالي تگوله ..
دشوفهه شوفهه شلون رافعه الخشم مدري ع شنو من حورهه مايعجبهه ترد ..عيني مو من مستواهه تحجي ويانه ..حته صباح الخير ماكالت ..
علي ..كولش نرفزني اسلوب امي هي من تشد ويه واحد بعد تشد وتعلنهه حرب عالميه نفسيه عليه حتلو ميحجي ولايرد هي هم تلكالهه حجه لعدم رده وتظل تعير بي بالشكل لو التصرفات ماعرف احنه شنو خالقين علمود نتجرأ نعير البشر ع خلقه رب العالمين . 1
بنفس الوقت ماعجبني تصرف جلنار ..حته صباح الخير ماكالت ..
زفرت وعفت اكلي وكمت ..
غسلت وصعدت لغرفتي ابدل ..
لكيت جلنار بالحمام عرفتهه دتبدل ..طلعت لابسه زي جامعي قميص ابيض وتنورة سوده ..
طويله بس مرتبه ع جسمهه بنزاكه ..
تباوعلي وتنصي ..
طبيت بدلت لكيتهه مخليه مكياج ولافه الحجاب ..
هادئه جدا ..بس يعجبني اباوع لنزاگتهه ووجهه ..
خلصنه ..
هايله خلصتي ؟نطلع ؟
هزت راسهه ..اي ..
نزلنه ..صعدت بالسيارة وياي بالصدر ..طلعت ورانه ايوته تركض ..
علاوي علاوي اوگف ..
ها ايو ..
لاتعوفوني ..خطي اليوم ميجي عفيه وصلني وياك ..
انتي خلصتي ؟
اي بس اجيب جنطتي واللفكس ..
يله لعد استعجلي ..
ركضت ايه جابت اللفكس والجنطه ..
صعدت بالسيارة وسلمت عليه
التفتت ع جلنار عيني منهن بالمرايه ..وجلنار همين دارتلهه ..
ها حبي شلون صرتي ؟
عقدت حاجبي ..شنو شلون صرتي ليش هي شبيهه ليكون سولفتلهه شصار بيناتنه ..

هزت راسهه جلنار بابتسامه ..
همستلهه ايه كالتلهه ..علي درة ؟
باوعتلهه بالمرايه ل ايه ..عين عليهه وعين ع جلنار بشنو المفروض ادري ؟
جلنار هزت راسهه لا ..
وج عوبه كوليله حته تشوفين طبيب هاي ..
ماعرفت عن شنو تحجي ايه ..
حاولت اعرف بس عبالك يحجون بالالغاز ..
حركت السيارة ..وصلت ايه لكليتهه وبعدين وصلنه اني وجلنار لكليه القانون اني صعدت لمكتبي وجلنار راحت لقاعتهه ..
جلنار ..ماكدرت اسلم ع البنات رغم عطله صارلنه اسبوعين كاعدين بالبيت وممتشاوفين ولا متواصلين وهمين باركلي ع الزواج بس اني جنت احاول احجي بس ماكدرت ارد عليهن بحرف ..
حيل حسيت بالحرج ..
دنيا صديقتي تولت الرد عني وهي متعرف شنو موضوعي بس فهمتني ماكدر احجي ..
تولت الرد عني وكالت للبنات عدهه فلاونزا والتهبت الحبال الصوتيه مالتهه وراح صوتهه ..
جرتني دنيا كعدنه ع صفحه ..ع الستول ..كالتلي ..
سولفي شنو سالفتج ؟
جبت ورقه وقلم وكتبتلهه ..صارت مشكله وماعرف وراهه بعد ماكدرت احجي ..فقدت النطق فجأة ..
سألتني ..رحتي لطبيب ؟
كتبت لا ..
يا لج ليش خاف تبقى وياج هاي الحاله خاف تتأزم اكثر غير تروحين ...
تكمله البارت 8
جحيمي وناري
غير تروحين طبيب تشوفين شبيج مابيج ..
اي ان شاء الله بلكي اليوم علي يوديني ..
بدت المحاضرة ..
سلام وكلام وترحيب والقاء محاضرة وبنهايه المحاضرة دناخذ حضور ماكدرت اگول نعم ست موجوده بس رفعت ايدي من صاحوا اسمي ورادت الاستاذة تسجلني غياب لولا دنيا تنط من مكانهه ..هاي ست جلنار موجوده ..
كالتلي لعد ليش متحجين دنيا كالتلهه ست مريضه فلاونزا قويه ومتكدر تحجي ..
الطلاب كاموا يضحكون ..سمعتهم يگولون صارت خرسه وهمه يدرون بيه هستوني تزوجت فكاموا يذبون حجي ..
هيج الزواج يخرس الوحده ويضحكون كولش تضايقت من كلامهم .
بالمحاضرة الثانيه تفاجأت مغيرين استاذ الماده ودخلنه علي ..زوجي ..كأستاذ بديل للاستاذ السابق ..
سلم ودخل عرف نفسه ع الطلاب وتعرف عليهم ووصل السرة اليه ماكدرت اعرف عن نفسي ..
الولد ضحكوا من يمهم لان حاولت اگول اسمي وتلعثمت ..
شعور كولش مو حلو ..
كامت دنيا وهي تعرف علي هو زوجي ..
استاذ ..جلنار مريضه ومتكدر تحجي التهاب قصبات قوي صاير عدهه ..
علي ظل يباوعلي ..بنظراته الف سؤال ..اولهه يستفسر عن سبب عدم نطقي واخرهه ليش مگتيلي ..
حسيته گوة لازم اعصابه ..نصيت ماريد تصير عيني بعينه ..
شرح المحاضرة واحس عيونه عليه محاوطاتني ومراقباتني طول المحاضرة ..
واني هم ع اعصابي ..متضايقه من البسبسه والكلام والاحراج ..
صارت الساعه ب 12:00وشويه خلصت المحاضرة ..
اخذ الحضور وبخزرة رادني اروح وراه للمكتب ..
نظرات خايفه باوعتهه لدنيا طمنتني وكالتلي ..من شنو خايفه روحي احجي وياه قابل انتي شمسويه ..
لميت اوراقي واخذت جنطتي ورحت وراه لمكتبه ..
طبيت للغرفه جان ورة الباب اول مادخلت سد الباب ..
باوعتله ..يتفحصني بنظراته ..شبي صوتج ؟
ليش متكدرين تحجين ؟
طلعت دفتر وقلم وكتبتله ..ماعرف ..
من شوكت صار عندج هيج ؟
كتبتله البارحه ورة ماعفتني وطلعت ..
شلون يعني تحسين بألم يوجعج شي ؟
تقرب مني ..بلعومج يوجعج شي ؟
هزيت راسي لا ..
وليش ماحجيتي ؟
باوعت بعيونه ونصيت ..كتبتله ..ايه اتصلت عليك انت مارديت ..
سكت ماحجه شي ..
بعد عندج محاضرة ؟
هزيت راسي اي ..
لعد انتظرج تخلصين ونطلع سوة ..
اكلتي شي ؟
هزيت راسي لا ..
امشي ناكل شي ..
طلعنه من مكتبه ورحنه للكافتريا ..
شفت دنيا من بعيد ظلت عيني عليهه اريد اروح يمهه ..
ممرتاحه لنظرات الطلاب لان صح همه يدرون اني جنت مخطوبه وتزوجت بس ميعرفون استاذ علي هو نفسه زوجي ..جنت محرجه حيل ..
بس يمكن الحلقه بيد علي اطتهم فكرة انو هو زوجي ..
هو علي شكم مرة من جنه دنشتري اكل انتبه عليه اباوع ع مكان دنيا كالي ..
تريدين تروحين يمهه ؟
هزيت راسي اي ..
اشترالي لفه وعصير ..
وكالي ..روحي يمهه ..دُخلي محاضرة ومن تخلصين يا اما تجيني للمكتب لو تتصلين عليه اجيج اول متخلصين ..
هزيت راسي اي ..
رحت يم دنيا و اكلي وياي ..
كعدت جانت تضحك شارگه الحلگ اشرتلهه شبيج ..
كالت ..هنيالج ولج شلون مداريج استاذ علي ومن عرف ظل متعصب من حجي الولد يگزگز واحسه گوة لازم روحه ..
هي تحجي ومنفعله واني اباوعلهه صفح ودي املخهه ماعرف ليش بس احس علي يخصني ومومن حقهه تجيب طاريه ..
انتبهتلي كالت ..
هاشبيج تغارين لان احجي بزوجج وبطولاته ..
ضربتهه ..شوف هاي البطرانه ..
دكلي اكلي لتروحين توگعين عليه وهم مابيه حيل اشيلج وهم شيخلصنه من استاذ علي ..
تعوج بحلگهه وتمط بالكلمه من تكول استاذ علي ..
اكلت وخلصت ودخلنه محاضرة ماكو شويه وطلعنه دگيت ع علي انطاني رفض واجاني للقسم ..
تمشينه للكراج ..
صعدنه السيارة وعلي ساكت ماحجه ولا كلمه ..
وصلنه للبيت لكينه ايه واصله قبلنه وكاعده تشتغل بالمطبخ تسوي غده اول ماطبينه ابتسمتلي ..
هاحبي شلونج ؟ الله يساعدك علاوي ..
هزيت راسي ..زينه ..علي كللهه ..
ويساعدج ..شمسويه غده ؟
تاجينه وروبه ..
امي هنا ؟
اي بغر

فتهه نايمه .
يله لعد ابدل وانزل ..
باوعلي بطرف عينه مثل ديشوفني شاريد اسوي ..
حجت وياي آيه همس ..ها درة بيج علي ؟
هزيت راسي ..اي ..
يله اصعدي بدلي وانزلي ساع

ساعدي ساعديني ترة ميته جوع ومنتظرتكم ..يله روحي بسرعه عليج الزلاطه واللبن .
ضحكت وهزيت راسي ..اوك ..
علي سبقني من دقايق ..
صعدت ع السريع ابدل لكيته بالحمام ديسبح بسرعه بدلت ونزلت اساعد آيه حضرنه السفرة كعدت خالتي طبت المطبخ ..
ها خاتون اجيتي ..
مجانت قابله لان آيه هي الي اجتي من دوامهه من وقت وطبخت الغده ..
مارديت ع خالتي ..
نزل علي وصبينه اني وايه الغده والتمينه اربعتنه ع السفرة ..
فتحوا موضوع ع الاكل وكعدوا ياكلون ويسولفون واني طول الوكت ساكته واباوع بوجه الي يسولف مرات باهتمام ..احجي بداخلي ..والله النطق نعمه ..بس هم مرات من تسكت تغث المقابل بس السكوت ياذيك الك من كثر الكتمان والضغط النفسي تلفلك حرگه وتتمرض ..
حجت أيه بالمواد ونتائج امتحاناتهه وناجحه لحد
تكمله البارت 8
جحيمي وناري
ما خالتي وجهتلي الكلام ..
وانتي عيني اخذتي درجاتج ؟ناجحه راسبه خلي نفتهم أهلج شرطوا علينه الاّ تكملين دراستج ..
مارديت نصيت ع الاكل سويت روحي اكل بس هي تعصبت مني حست بيه حاگرتهه او متجاهلتهه هيج شي ..
ياا شو متردين ..شنو مو من مستواج تحجين وياي وتردين عليه ..
رفعت راسي وعيوني صارت بعيونهه تجمعت الدموع بعيوني ..
اي شنو اخرسيتي ؟
انهضمت بشكل من كلامهه خاصه من كالت اخرسيتي ..اكثر شي كسرني من بعد تجاهل اهلي الي هو هذا فقدان نطقي ..ماردت ابجي ..
جنت اقوي نفسي واردد بداخلي ..لاتبجين ..لاتبجين ..ديربالج تسويهه وتبجين ..
من كالتلي خرسه تذكرت كلام الولد بالكليه اليوم حزت بنفسي ..انقهرت ع نفسي ..
غمضت عيوني بقوة وبلعت ريگ ..
نزلت دموعي لا اراديا ..
علي صاح ..يووووم ..مترحمين بحال البنيه شويه ..
يااا ماصارلهه يومين من اجتي گمت ادافعلهه هاي التستنكف تحجي ويه امك ..هي هاي تاليه تربيتي وتعبي بيك يايمه ..
يوم البنيه مريضه متكدر تحجي ..
عفتهم وگمت من الاكل ..صعدت لغرفتي وعلي بعده يتلاغه ويه امه ..
ماتسمعت ع الكلام الدار بينهم ولاردت اسمع شي بعد يكفيني الي سمعته ..تعبت ..
طبيت لغرفتي بجيت بحرگه ..استحق الي الله ديسويه بيه ..
شويه ودخل علي وجهه احمر وهو عنده عاده من يتعصب يگوم ينفخ شلون من نشوف بالكارتون التنين من ينفث نار بس علي ينفخ الزفير بقوة بحيث تسمع صوت النفخ وعظام وجناته محدده بحيث اكو عصب يتحرك ع طول عظم الفك يظل يصعد وينزل من عصبيته وكأنه گوة صاك ع سنونه ..
يله بدلي آخذج للطبيب اشوف شبيج ..
هزيت راسي ..لا .. واني صجوك ماريد اروح ..
جانت عيوني حمر ووجهي احمر ..مبين عليه باجيه هواي ..
شنو ؟؟شنو ؟؟
ظليت اهز براسي ..ماريد اروح للطبيب هو تعصب اكثر ..
شبيج شبيج مدا افهم عليج ..
جر ورقه وقلم بعصبيه وحطهن بيدي گوة وگالي ..
كتبيلي ..خبلتيني ..كولشي مدا افتهم عليج ..
كتبتله ..ماريد اروح للطبيب ..
لحظات شاف شكاتبه ..
لحظه للي كاتبته ولحظات استغراب اليه ..
ليش ؟ خلي نشوف شنو علتج وليش هيج متكدرين تحجين ..
ظليت اهز براسي ماريد اروح ودموعي بدون جهد تنزل عشرة عشرة وامسح بيهن يرجعن ينزلن ..
كام يصيح عليه ..
شبيج انتي شبيج ؟؟
يعني عاجبج هيج وضعج ..امي تصيحلج الخرسه وبالطالعه والنازله ترزل بيج وبالجامعه يستهزرون بيج ..عاجبتج هاي وضعيتج ؟
احجي ؟
..ها نسيت انتي خرسه متحجين ..
هنا من كال الكلمه ..خرسه ..ضغطه عليه وصياحه وكلامه القاسي وياي انهاريت بجي گمت اناشغ بصوت عالي وگعدت بالكاع ..
لسان حالي يگول ..تعبت رحموني ..كااافي تعبت ..
هو باوعلي مثل المصدوم ..ابتعد عني وسكت ..
ظليت ابجي بسكوت من بعد ماسكت عني .. ظل يفتر بالغرفه يفرك باديه ..
انتظرني اهدأ وابطل بجي ..
مدلي ايده ..ظليت اباوع ع وجهه وع ايده ماتحركت ..سحب ايدي بايده الثانيه وكومني من الكاع ..
يله روحي غسلي وجهج ..
خطيت خطوة تجاه الحمام ووكفت لان كالي ..
غسلي وجهج وبدلي حته نروح للطبيب ..
وكفت لان رجع يلح ع نفس الموضوع ..
دفعني ع كيفه تجاه الحمام ..يله لاتناقشين ..
وجهه مبتسم ..بعيونه نظرة حنيه ..
ركزت بعيونه ثواني ..نظراته قنعتني ..
مشيت اخذت ملابس ورحت للحمام بدلت وطلعت ..كملت لبس الحجاب وباقي الشغلات ..
طلعنه لطبيب اختصاص علي يعرفه ..
وصلنه دخلنه للدكتور وسولفله ع حالتي وظل الدكتور يسألني لشنو متعرضه بالفترة الاخيرة سولفتله رؤوس اقلام عن مرض ابويه المفاجئ واني عروسه فصايرة بيه مثل الهبطه ..
ولان الانسان بالعاده من يتأذى او يصيرله شي يبجي لان البجي يريح ويفرغ الانسان من الهم ويفرغ الطاقه السلبيه اما اني من النوع الكتوم يعني من اضوج من احزن من اتأذه ما ابجي اكتم بداخلي وصايرة بيه مثل عقده ترجمهه جسمي ع هيئه فقدان نطق مؤقت ..
ظل الطبيب يسألني عن حالتي واني اجاوبه كتابه ..
اخير شي كال عدي صدمه نفسيه فترة وتروح بس لازم ابتعد عن اي انفعالات ..
حته دوة ما انطاني لان سألني عن نومي بسهوله انام لو اعاني كتله لاعادي انام بسهوله قليل يصير عدي ارق فكال ماكو داعي لأي علاج لان اكثر العلاجات مسكنه ومنومه واني كتله عندي دراس

ه ودوام كليه فعلاجي الحقيقي هو الراحه النفسيه والابتعاد عن التوتر والانفعالات ..
رجعنه للبيت ساكتين طول الطريق .....

[ملكةه]

البارت 10
خلصنه محاضرات ورجعنه للبيت صعدت بدلت ونزلت اصب غدة وآيه وياي تساعدني وخالتي كالعاده ماتجوز مني ..
ماعرف شتريد بعد مني غدة وطبخت ياله رحت لدوامي ..
اكلت وغسلت مواعين وايه رتبت المطبخ واني صعدت لغرفتي تمددت شويه وبعدين طشرت ملازمي ومحاضراتي ع الجربايه ..
مانتبهت ع الوقت ظليت اگلب بيهن مرت ساعه طب علي ..
اني محتله الجربايه كولهه ..
صار ظله فوگ راسي وهو ظل يباوع يحوص يمكن يريد ينام ع الجربايه ..
گمت الملم بملازمي ..فرغتلهه جانبه من الجربايه سويتله مكان تمدد ..
ظليت اني اقرة محاضرات اليوم ..احس عيونه عليه يراقبني ..ماعرفت شلون اقرة ..
ماحب تأثيرة عليه ..يظل يباوع بصلافه ويوترني ماركز باي شي دا اسويه ..
اخذت ملازمي وكمت كلت انزل اقرة بالحديقه احسلي ..
من كمت رفعلي حاجب ..
هاشنو ضايقتج ؟
ع وين ؟
ابد ممشتهيه ولابخاطري اجاوبه ولا اباوع لوجهه كلما اتذكر الي سواه بيه الصبح مدري شيصير بيه ..
تجاهلته ..
اخذت ملازمي ونزلت للحديقه ..
كعدت ع المرجوحه وكلما اغمض عيوني اتذكره وهو نايم فوگ جسمي ويهمسلي ..ذوبي ..ذوبي ..اتفاعلي وياي ..
ينتفض جسمي ويكزبر جلدي ..اهز راسي احاول اطرد هالافكار من راسي ..
مو وضعيه هاي .. اريد اركز .. اريد اقرة ..اطلع من دماغي .. اطلع كااافي ..
ليس من العدل ان تذهب عني ولاتذهب مني !!!
في مستشفى ....
همس ..اليوم مثل كل يوم عادي رحت لدوامي بحكم اني خلصت معهد صحه فتعينت رأسا بالمستشفى ..
شغلنه محصور بوضع كانولات للمرضى وزرق ابر والعنايه بالمريض ونسويله الطبله مالته او نحضرة للعمليه هيج شي يعني ومرات شغلات كتابيه باصات ما باصات حسب المنصب او العنوان الوظيفي يعني وهو تماما نفس عمل الممرضه ..
اني اختاريت اكون في احتكاك دائم مع المرضى لان احب اساعه الناس واخفف عنهم الالم بالي اكدر عليه ..
ومرات الي يشوف مصايب الناس تهون عليه مصيبته ..شغلي واحتكاكي ويه الناس والمرضى بشكل خاص ساعدني انسه الي مريت بي من شهر واكثر ..
انسه الي سوته بيه اختي ..لا ماكدر احملهه كل المسؤوليه ..المسؤوليه اخليهه ع شماعه غبائي وثولي ..
من حبي نسيت رب العالمين ونسيت الحرام والحمدلله صحيت قبل لا اغط اكثر بالغلط والحرام ..
صح كانت العواقب وخيمه وتأذيت حيل بس لو مكمله لعبتي ويه اختي جان يمكن معايشه لليوم ..واني اطيهم الحق ..كتلي حلال ..
انطردت من اهلي ..خسرت ثقتهم واحترامهم ..مو مكسورة خاطر وجناح لا مكسورة كسر مينجبر ..الوم بنفسي ع كم الثول والغباء العندي ..
شجنت متأمله يعني ..من يعرف علي باللعبه ..يبادلني الحب لان كتله اني الي احبك لو يطلگ اختي ويتزوجني ..وين احنه قابل مسلسل تركي لو هندي ..
انتقل سكني لبيت اختي لان ابويه بعد ميريد يشوفني ولايريدني بالبيت ..
حقه ..فوكاهه تمرض ودخل مستشفى من ورايه ومن ورة اختي ..
جلنار بحث اخر ..حقدت عليهه لان استغلتني ..استغلت طيبتي ..استغلت حبي لعلي ..عرفت بيه مراح اكدر ارفض الهه اي طلب يتعلق بقربي من علي ..
اليوم .. يوم دواام اعتيادي ..جنت بالطوارئ مكاني المعتاد من يبلغونه انو راح تجينه حالات سواء حوادث او انفجار فنتواجد هنا ونصير تحت ايد الطبيب او الطبيبه المسؤوله خاف يحتاجون شي وعموما بعد معاينه الطبيب للمريض وطلب التحليلات اللازمه باقي الشغل احنه نسويه اوتماتيكيا ..
بلغونه بحادث ع الخط السريع سيارة ستاركس بيهه طلاب جامعه والظاهر اقسام داخليه وجايين من اهلهم لكلياتهم لان شجاب الطلاب ع الخط السريع واصلا الخط السريع سايد واحد وخطر وابو الستاركس فاقد السيطرة ع السيارة لان محصور بين سيارتين والسيارة الثانيه تصير عكسه بالاتجاه بالسايد الثاني فضاربهه ..
السيارة الثانيه عاليه ومابيهه بس شخص واحد ..
شويه ووصلت سيارة الاسعاف ..
دخلوا المصابين بيهم 11واحد والسايق والولد الي بالسيارة الثانيه ..

اسعفناهم والحمدلله ماكو حالات وفاة اكثرهم كسور ورضوض ..
السايق متأذي دخلناه عمليات ..وسايق السيارة الثانيه العاليه فاقد الوعي .. عندة كسر بايده وجتفه ..
9ولد وبنات 2 الطلاب تحت الملاقبه تتراوح اصابتهم من طفيفه الى متوسطه الحمدلله رب العالمين ستر بس خطيه هي بس الهبطه كافي عليهم ..
الولد الثاني الي بالسيارة العاليه بقه من الصبح للظهر فاقد الوعي ..
لا اسم ولا هويه ولامبايل محد يعرف عنه شي ..
للظهر اجتي الشرطه محققين بالحادث ..
السايق طلع من العمليات بس بعده تحت تاثير البنج ماصحه ..
واحد من الضباط جاب هويه الولد الثاني وتلفونه ..
جنت اني موجوده ..
سمعته يحجي ويه الطبيب ..
الطبيب كاله الولد فاقد الوعي وخليناه تحت المراقبه منكدر نسويله شي هسه بس جبرناله ايده وكتفه ونراقب حالته خاف عنده نزيف داخلي منكدر نتصرف الا بعد مايصحى وهاي من الصبح لسه ماصحى وماكو اي معلومات عنه وعن اهله وشلون نوصللهم
تكمله بارت 10
الضابط طلع هويه الولد من جيبه والمبايل وكال لاطبيب ..
لكينه ذني بسيارته ..
بهالاثناء دك مبايل الولد ..
رفعه الضابط حجه ويه الطرف الثاني ..
كاله ..اني الضابط فلان ..صاحب هذا التلفون مسوي حادث من الصبح وهسه هو بالمستشفى الفلاني منو ويايه ؟؟
ماسمعت الطرف الثاني شحجه بس انسد التلفون ..
سمعت اسم الولد اثناء حجيهم ..
حمزة محمد صادق ..
الاسم مو غريب عليه ..
عبالك كلوب وانفتح بعقلي ..تذكرت .. علي محمد صادق ..شلون انسه هالاسم ..معقوله هذا اخوه لو تشابه اسماء ..
اتذكر عنده اخ اسمه حمزة ..
رحت للولد باوعتله جان وجهه مورم .. اكو شبه بي لعلي او يمكن يتهيألي ..ماعرفت الخبر اليقين ..
شسوي ؟؟
ماريد اتصل لجلنار گاطعه علاقتي بيهه رغم رحتلهه لبيت عيالهه بس هاله جبرتني اروح عيب من عيالهه ..
احسن شي اتصل بهاله اشوفهه وهي تتصل بجلنار ..
فعلا اتصلت بهاله وكتلهه صار حادث وصلنه مصاب فاقد الوعي وهيج اسمه شوفي هو نفسه حمى اختج لو مجرد تشابه اسماء ..
هاله ماجذبت خبر اتصلت ع جلنار ..ماردت ..اتصلت ع علي ..اكدلهه الخبر ..هو حمزة اخو علي ..

جلنار .. بعدني برة حاولت اقرة ماكدرت ..
شويه وسمعت صوت عالي ..
عبالك وحده دتصيح ..
طبيت جوة ركض لكيت خالتي واكعه وايه وعلي ديصحون بيهه ..
جنت ااشر لايه شبيهه خالتي ..
كالتلي هسه اتصل علينه واحد حمزة من الصبح مسوي حادث وهسه هو فاقد الوعي بالمستشفى ..
ضربت ع حلگي .. هاي المخافي والتايهات ..
خالتي هم تخربطت ..
علي ركض صعد فوك بدل واتصل ع ابوه واخوانه الكبار حيدر وحسين ونزل اخذ امه بالسيارة وشكد لحت عليه ايه تروح وياه ماقبل ..
ظل بالنه يم خالتي وحمزة خاصه منعرف عن حالته شي ..
فرغ البيت علينه وايه ظلت تبجي ..صرت اواسيهه حضنتهه وحاولت اهدأهه .. بس ظلت تبجي ..
....................
بالمستشفى ..
همس .. قرب دوامي يخلص .. بس بقيت قريبه من المريض الاسمه حمزة مااستعاد وعيه ومن ما اتصلت ع هاله الي بدورها اتصلت ع علي واكدلهه الخبر ..
دقايق ولكيت هاله وزوجهه ضرغام بالمستشفى ..
استغربت اهل حمزة لسه ماوصلوا ..
رغم صار تقريبا نص ساعه من بلغوهم ..
من وصلت هاله زوجهه دخل شاف حمزة ماعرف شنو علاقته بحمزة ..
سألت هاله شعجب وصلتوا قبل اهل الولد رغم بلغهم الضابط بحالة ابنهم من زمان ..
كالتلي ..لا ..علي وامه هنا بس بالطوارئ عفناهم ام علي تخربطت ضغطهه صعد من سمعت الخبر ..
سكتت من جابت اسم علي ..غصه بگلبي ..زوج اختي صار وسمعت من هاله زواجهم تم ..لازم ينشال من گلبي وعقلي ..
لعد ضرغام منين يعرف حمزة ؟
هاا مو جانوا جيران من قبل لايشيلون اهل ضرغام لغير منطقه ،حسين و حيدر اخوانهم الكبار اصدقاء ضرغام جانوا وصدفه بزواج جلنار شافهم وتواصل وياهم ورجعت توطدت العلاقه ..
هااا افتهمت ..
ابن الحلال بذكرة ..
حيدر وحسين اجوي ناحيتنه وكدام رجال جبير يمكن هو ابوهم ابو علي ..
اجوي سلموا يعرفون اختي هاله ويمكن عبالهم اني جلنار ..
دخلوا يطمنون ع حمزة وحجوا ويه ضرغام .. اتوقع سألوا ع اخوهم علي وامهم لان هو الي اتصل عليهم شعجب لسه ماوصل فكللهم ضرغام موجود بالطوارئ لان الوالده متخربطه صاعد ضغطهه وشكلولهه مغذي ومدرر بين مينزل الضغط ..
حمزة لسه تحت المراقبه وفاقد الوعي ..
اني خلص دوامي ..
يمكن اكو جان امل بداخلي ماعرف شلون اوصفه ..اعرف هو صار زوج اختي بس جنت اتمنه اشوفه او المحه بس ثواني ..
رحت نزعت صدريتي وعدلت حجابي واخذت جنطتي وطلعت ..
متقصده اطلع من باب الطوارئ بلكي بعده موجود ..
دا اسد الباب والباب جان زجاجي .. وهو وخر البرده جانت يمه سديه امه نايمه عليهه معلكيلهه المغذي ..
يمكن تفاجئ من شافني ..هيج عيوني فسرت النظرة الي انرسمت ع وجهه اول ما لمحني ..
نصيت اني وهو بغباء كام يحرك راسه باتجاهات عشوائيه عود ما شافني ..تمام وصلت ياهمس هو هذا الي جنتي تريدينه ..
سديت الباب وانطيته ظهري ..لزمت صدري جهه كلبي .. فركته ..هالمكان يأذيني يوجعني ..هو لو وجع عضوي وبجسمي جان رحت لطبيب وداويته بس هو شي محد يحس بي ..شي يخنك ..عايشه اني بس معايشه ..مثل ميكولون على قيد الموت ..
عصرته حيل مكان گلبي ..عيني صارت ع الخاويه مال مخلفات الطبيه جان يسحب بيهه عامل النظافه علمود ياخذهه لمكان بعيد ويتلفهه ..
تمنيت اشلع هالگلب واذبه بهالحاويه علمود ينحرگ ويتلف ولا يرجع يدوك لشخص ميستاهلني .. اي ميستاهلني .. عقلي گال كلمته ..عقلي هو الي اريده يحكمني منا وهيج بعد ..
عصرت عيوني ماريد ابجي .. اريد اصير قويه ..ماريد احد يدوسني بعد شناقصني وما انحب ..شناقصني وبسهوله يكسرولي گلبي ..
يمكن ظليت واكفه دقيقتين او تلاثه بس حجم الالم والوجع والهم الحسيت بي يعادل سنه ونص حب لشخص ورة ذاك الباب الزجاجي وورة ذيج البرده ..
شمرت كولشي ورايه من هاللحظه ..
قويت روحي ومشيت خطواتي واني اتن 1
تكمله البارت 10
اتنفس هوة الحريه ..
حريتي من حب ضايع ماريده بعد .. استاهل احسن منه ..
كسرت قيودي بايدي ..
ماريد انكسر بعد ولا اريد اصير تحت رحمة بشر بعد ..
للحكايه بقيه ..
دور همس اذاني ..الظلم يوجع ..يأذي ..