هنا

[ملكةه]

البارت 21
علي .. وصلت جلنار للبيت لان تخربطت وناوي اليوم العصر اوديهه للطبيب حتلو بالغصب اريداشوف شنو علتهه ..
رجعت للكليه عندي محاضرة اخيرة لازم القيهه للطلاب ..
وصلت ويه الوقت تماما .. من سيارتي للكليه للقاعه ..
استمرت المحاضرة ساعه ونص من 1لل 2:30
دورت ع مبايلي بجيبي ماكو ولا بمكتبي موجود فعلى الاكثر ناسيه بالسيارة ..
خلصت دوامي وتوجهت لسيارتي وصجوك لكيت مبايلي هناك ..
39اتصال من آيه .. ياستار .. بسلا جلنار صار بيهه شي ..
رأسا دكيت ع جلنار محد رد رجعت دگيت ع آيه ..
الوو ..
هلو حبيبتي .. خير خو ماكو شي داكه عليه هواي ..
ليش مارديت ..
والله جهازي ناسيه بالسيارة وعندي محاضرة لل2ونص ياله خلصت ..
قلقتيني آيه احجي شصاير ..
ماما تعاركت ويه جلنار وطردتهه من البيت ..
شنووووو
اي مثل مدا اكولك ..
اتصلت عليك هواي ومرديت وطردت البنيه للشارع بطرگ العبايه توسلت بيهه تسترهه بشي ذبت عليهه عبايه وطردتهه وردت افتحلهه الباب ضربتني وحبستني بالغرفه ..
حمزة وين وابويه وين ..
ماكو احد بالبيت .. استفردت بالبنيه ..
جاي جاي ..
سديت التلفون 5
صرت اعصاب بالي يودي ويجيب وين راحت جلنار ماكو غير اهلهه تروحلهم .. 7

جنت امشي بطريقي لاهلي بعدين وعيت اني ليش رايح لاهلي قررت اغير طريقي واروح لاهل جلنار ..
وصلت الهم ..
دكيت الباب دكيت ماكو ..
تلفت اعصابي وين راحت ووين راحو اهلهه .. ميت فكرة براسي وكولهن وسوسه شيطان ..
شويه ووكفت سيارة بباب بيت اهل جلنار نزل ولد شاب يشبه الشفيه الافندي انمار ..
السلام عليكم ..
رد عليه السلام ..
وعليكم السلام ..
وكف يم الباب بس مادگهه طلع تلفونه واتصل ..
هلو .. اكولج اني بالباب طلعيلي ..
كلامه فر راسي تعوذت من الشيطان لان مرة اخوهم تصير بنت عمهم ويمكن هذا اخوهه ..
علي ..اكولك بلازحمه .. انت اخو انمار ؟
اي منو حضرتك ؟
اني زوج جلنار ..
هاا اهلا وسهلا ..
الاهل وين لعد .. صارلي ساعه ادوگ بالباب محد طلعلي ..
هاا ماادري والله بس اني جاي ع اختي امي شويه مالهه خلگ وجاي اخذهه ..
اهاا عدهه العافيه ..
بهاللحظه طلعت نرجس .. مبهذله وشايله جنطه ملابس ..
ارتبكت من شافتني ..حاجت اخوهه ..
عمار هاك هاي غراضي .. اخذ الجنطه صعدهه بالسيارة ..
ها اهلا خويه ..
هلا خيتي ..
دكيت الباب محد طلعلي ..خيرهم خوماكو شي وين راحوا ؟
هاا راحوا للمستشفى ..
شنووو .. ليش شبيهم ..
بلعت ريك .. ماعرف اني ماعرف همه تعاركوا اني معليه ..
جانت خايفه ومرتبكه وتتلعثم وهي دتحجي وياي..
كلبي انقبض من كالت اني معليه ..
جلنار وياهم ؟
اي اي هي وگعت ..
تذكرت هي اليوم تخربطت ..
عيوني صارت براسي ..
گتلهه .. وين بيا مستشفى راحوا ؟
مستشفى ......
عفتهم وصعدت سيارتي وطرت للمستشفى الكالتلي عليه ..
الساعه بحدود 3ونص دخلت المستشفى طيتهم اسم المريضه جلنار طارق كالولي بالطوارئ تلكاهه ..
رحت اركض للطوارئ ماكو جلنار ناقليهه بعنبر المرضى تحت المراقبه ..
من گالي الموظف تحت المراقبه تخبلت احس اطرافي بعد متشيلني دلاني المكان وين اسحل بنفسي سحل شنو جلنار بالطوارئ وشنو تحت المراقبه ..
بلحظه تخيلت نفسي فقدتهه ..
گالي الموظف .. قوي گلبك يابه ان شاء الله مابيهه غير العافيه ..
رحت بخطوات خوف وجزع مرعوب من الي ينتظرني ..
مرعوب اشوفهه ممدده گدامي بلاحول ولا قوة .. معقوله اني هلكد احبهه ..
مشيت گوة اجر الخطوات ..
لعنبر المرضى الي تحت المراقبه ..
من بعيد بالممر شفت ابوهه وامهه وحسام اخوهه ..
سرّعت خطواتي ناحيتهم ..
وصلت الهم ..
من شافتني امهه گامت تشهك وتبجي ..
شصار ؟
حسام ابتعد لهناك بعيد عني ..
ماظل كدامي بس عمي ..
تقربت بخوف وخطواتي متردده ..
عمي احجي شصار ؟
لزمني من نص جتوفي گالي يابه ادعيلهه ..
شبيهه هي .. وينهه ؟
احجوا شصااار ..
هي جانت تعبانه اليوم مالهه خلك واني تعاركت وياهه ع شغله تافهه حته ريوك متريگت ووگعت بالكليه ..
علا صوت امهه بالبجي ..
كالتلي .. يمه مرتك حامل وبين الحياه والموت .. نزفت هواي دم وعدهه فقر دم وحطولهه دم كوة دبرناه ويردون بعد ..
جانت كل عبارة تحجيهه ام جلنار سجاجين بگلبي ..عقلي مدا يستوعب ..
هووواااي عليه جلنار حامل .. وتنزف .. وهي اصلا عدهه فقر دم ونقلولهه دم وبعد محتاجين .. زين والطفل بعده لو ...
يعني ربي لا اعتراض ع حكمك .. بلحظه اطيته وبلحظه اخذته .. دمعت عيوني .. اجتي همس ع بالي .. ظلمتهه .. اعرف .. اناني واختاريت راحتي وظلمتهه وحوبتهه ماتعدتني .. بس بيه ياربي مو بالطفل .. اني الظالم ..
لسان حالي يخاطب عقلي .. وضميري يخاطب عقلي .. ..
وينهه هسه هي ؟
اشرلي عمي بعيونه عن مكانهه ..
دخلت للغرفه الهيه بيهه ..
ياحبيبه .. وجهه اصفر ونايمه .. كانولات بايديهه ثنينهن وصونده داخله بحلكهه ..
نايمه بس عاقده حواجبهه .. تون متأذيه ..
تقربت عليهه .. مهمني الصونده ال
تكمله بارت 21
الصونده الي بحلكهه .. رفعت راسهه لصدري وحضنتهه ..
ظليت اهمس الهه ..
اني اسف اني اسف عفتج .

. بس ماجنت اعرف والله ..
حسيت بيهه فتحت عيونهه ..

وخرت ابتعدت عنهه شويه ..
عيونهه مفتوحه بتعب ..
اويل الله ..
منو سوة بيج هيج ..
والله لاشرب من دمه ..
عاتبتهه ..
وج من شوكت يتعاركون وياج وتطلعين من البيت ..
من شوكت تعلمتي تطلعين بدون اذني ..
من شوكت تصير مشكله ومتتصلين بيه ..
هزت راسهه اعرف هي مو بيدهه وممسويه كل الي گلته ..
نزلت دموعهه ..
حضنتهه ..
دموعج غاليه .. وج كسرتيني ومامديت ايدي عليج غير مرة وحده وبعد مانعادت ..
اوووف منو مد ايده عليج منو سوة بيج هيج .. كوليلي منو ..
بس الدموع تصب ..
جنتي تدرين انتي حامل ؟
هزت راسهه لا ..
غمضت عيونهه بتعب ..
دتتوجعين حبيبي ..؟
هزت راسهه اي .. متكدر تحجي ..
دخلت الممرضه .. اطتهه بالمغذي ابرة مسكنه ..
گتلهه دتتوجع كالت انطيتهه شي يريحهه شويه هسه يسكن المهه وتنام .. بس محتاجين الهه بعد دم لان بعدهي دتنزف ومنا لليل اذا ظلت هيج نخسر الطفل ..
فتحت عيوني ع وسعهن ..
يعني الطفل لسه موجود مصار اجهاض ..
لا مصار بس مهدد بالاسقاط ..
الام حالتهه خطرة نزيف وفقر دم وضعيفة بنيه اذا ظلت هيج لليل احنه راح نضطر نسقط الطفل لان سلامة الام عدنه اهم من الطفل ..
شكد عمرة ..
عمرة 8اسابيع ..
المريضه محتاجه راحه ولازم تدبرون دم الهه باسرع وقت ..
انت زوجهه ؟
اي نعم ..
هاك وقع ..
شنو هذا ؟
طلب .. حته تروح لبنك الدم تجيب منه دم الهه ..
خوب اني اتبرعلهه فصيله دمي 0 ..
اي لعد تفضل وياي ..
اي جاي وراج ..
طلعت الممرضه .. تقربت ع جلنار بستهه من جبينهه ..
كوميلي بالسلامه ..
طلعت ..
خالتي كاعده .. رحت قرفصت كدامهه كتلهه خاله شصار منو سوة بجلنار هيج ؟
كالت .. والله ياخاله بذيج الظهريه اجتنه بطرك الدشداشه والعبايه امك طاردتهه ..
غمضت عيوني بقوة احاول اكتم غضب هذا ظلم من نوع اخر .. امي نفسهه حسابهه بحث اخر بس خلي افتهم من وصلت لبيت اهلهه شصار وشنو الي وصلهه للحاله الهي بيهه ..
اي كملي خاله .. وصلت لبيتكم وشنو الي صار ؟
نرجس ..
صكيت سنوني .. هم نرجس ..
مرة حسام الحيه ماعرف شكايله لامك ع جلنار وطبيت اريد اكسر حلكهه ع جذبهه ماحسينه الا وحسام فوك راسنه وصار الي صار ..
هو غير افتهم شصار ..
سكتت ماحجت بس رجعت تبجي ..
يعني حساب ضاربهه .. سألتهه بعصبيه ..؟
اجه عمي تقرب مني ..
عوف هاي السوالف يابه وربي يكومهه بالسلامه ..
ظليت اباوعلهه هي ارتبكت تباوعلي وتباوع لعمي زوجهه ..
نب عمي .. كال .. مو حسام .. هي وكعت ع بطنهه هذا الي صار محد اتدنالهه ..
هااا محد اتدنالهه ؟؟ مو ؟؟
واثار الضرب ع وجهه ؟
وجنتكم الي لمت غراضهه وشردت لاهلهه ..
ام جلنار فتحت حلكهه عليه .. اني عقلي بده يربط المواضيع والمشاهد وكل الي شافه .. حته ابتعاد حسام عنه ..
كمت ع حيلي ..
بخطوات ثابته سريعه توجهت لحسام وهو ظل واكف باهت عبالك منتظرني .. منتظر شراح اسوي .. منتظر ردة فعلي بس ابد ماتوقعني اضربه ..
بس صار كدامي وقريب ضربته بوكس دميته ووكعته بالكاع ..
كعدت ع صدرة وضربته بعد بوكس وثنين وتلاثه ..
الى ان التموا علينه العالم وابوه ركض عليه يجرني من صدر ابنه ..
كوة سحلوني سحل من فوكاه .. بس ارتاحيت دميته ..
طلعوني الامن من المستشفى .. مو اشكال شوي بعد ارجع افوت قابل يمنعوني من زوجتي ..
ايدي كولهه دم .. ضجت عبالي دمي لان جلنار احوج للدم الي عندي ..
رحت للمغاسل غسلت طلع دم حسام بيدي مو دمي ..
ارتاحيت نوعا ما ..
رحت للاستعالامات شوفتهم الطلب والحرس واكفين ..
كالولي ممنوع بعد تفوت .. كتلهم زوجتي جوة ومحتاجه دم وهذا طلب اني اتبرعلهه بالدم .. اي شي يصير عليهه احملكم كافه المسؤوليه ..
من شافوا هيج الحجي حامي وخروا عن طريقي ودخلت ..
رحت تبرعت بالدم بطل ونص ولكيت عمي مدبر بطلين دم من بنك الدم ..
حطولهه الدم .. ودننتظر رحمة رب العالمين ..
حسام ماشفته بعد الظاهر طالع من المستشفى ..
خابرتني ايه .. سولفتلهه ع وضعيه جلنار ..
ورة شويه اتصل ابويه ..
آيه مخابرته وهو بالطريق راجع من شغله هو وحمزة وشغله محافظات ..
فدقايق وصار يمي بالمستشفى هو وحمزة ..
دخلوا شافوا جلنار وظلوا يصبرون بام جلنار وابوهه ..
اخذت ابويه ع صفحه وسولفتله كولشي صار وامي شمسويه بالبنيه واساس السالفه شنو وخاف امي تبرر تصرفاتهه وتفتح موضوع انمار هم سولفت لابويه عليه وعن نرجس اخته ..
للعصر المستشفى انترس اهلنه جايين يسألون ع جلنار .. ضرغام وهاله وهمس اجوي ..واخواني الكبار حيدر وحيدر وزوجاتهم ..
هي حبابه جلنار بهالشهرين تركت اثر حلو ويه اهلي صاروا يحبوهه عدا امي لذلك تشوفهم اجوي من سمعوا بيهه متخربطه وبالمستشفى ..
طبعا ماكلنه امي طاردتهه واخوهه ضاربهه عمي طلب واحتراما لعمي اني نفذت .. كلنه داخت ووكعت ومندري بيهه

تيمور العراقي:
لذلك نازفه هواي ومندري بيهه ..
حمزة ماضميت عليه الموضوع وهو اصلا جان حاضر من سولفت لابويه تفاصيل الي صار ..
واحترم رغبتي بان محد يعرف بالي صار

[ملكةه]

البارت 22

حمزة .. همس من يوم الوگعت عيني عليهه عجبتني ..
اول مرة شفتهه جنت مسوي حادث ومكسر وهي جانت مثل الفراشه تفتر داير مدايري وعيني ماشلتهه عنهه ..
ايام ظليت بالمستشفى وصارت هي الداء والدوا ..
صح جنت اتألم بس جنت ابالغ حته يدزوهه تشوفني ..
حتلو لحظات اشوفهه تضربني المسكن وتروح جنت قابل ..
عجبني ثگلهه ورزانتهه وهدوءهه .. شكد ما جنت اتحارش كلام او نظرات مارفعت عينهه عليه ..
اعرفهه تحس وتسمع بس مغلسه .. حته تغليسهه عجبني ..
فررتني وراهه السبع فرات دوختني ماخليت شي مسويته ونظرة مابادلتني ..
گلت هالبنيه دواهه اجيهه من الباب وبلكي تصير نصيبي واني اعلمهه ..
شخصيتهه هادئه الى درجة انو تحسهه ضعيفه الشخصيه بس من تتعرف عليهه صدوك همسه نسمه هوا بارده عذبه منعشه بليله من ليالي اب ..
يعني مثل العجينه حسيتهه .. عجينه وبيدي وشلون مااريد اني اسويهه ..
صارت عزيمه العرسان اخويه وزوجته واهلي ببيت اهل همس ..
گلت ايييي فرصه اشوفهه وبلكي هالمرة تنطيني وجه ..
عاشرت جلنار والبنيه اخلاقهه ماكو منهه صاينه اخويه ومتحمله امي وطاير بيهه طيور ..
ناسبنه هالعائله وصار طريقي سهل اخطب همس وتطمنت اكثر من شفتهم يحبون علي وشايلين النسيب بالصلوات گلت واني اخو علي يشهدلي بس هالصيت ممعقوله اذا خطبت يرفضوني ..
فعلا حاجيت علي ودگ صدرة وكالي عد عيناك ..
ماجذبنه خبر بيوم العزيمه حاجينه ابويه وخطينه البنيه الي وبعد اسبوع اتفقنه تصير مشيه الزلم ..
الي ردتهه مو نفسهه الي تهواهه امي وتريدهه اليه وصارت بيومهه مشكله بس الحمدلله الله سهل ومشى كلام ابويه ونوعا ما اقتنعت امي باختياري بس اعرف همس لو جبتهه لهنا راح تتعذب ويه امي ..
فنويت اشهر اکعود ويه اهلي اشوف الاوضاع شلونهه وبعدهه اطلع اذا مناسبنه الوضع لو ماتفاهمن همس وامي ..
صارت مشيه الزلم وبعدهه باسبوع عقدت ع همس ..
خلال فترة اسبوعين ممتواصل ويه همس بالتلفون الا للضرورة وهنا مو اخوان همس ولا ابوهه الي يحاسبوني ضرغام زوج اختهه الجبيرة هو الي يحاسبني ..
دائما همس من اتصل عليهه الگاهه ببيت هاله هالموضوع كولش ضوجني ..
كلت بعد منعقد اطلب من همس تقلل روحاتهه لبيت اختهه لان ضرغام يبقه رجال غريب شلون تكعود ببيته ..
حسيتهه واكفه عندي همس صارت عرضي واني ماتقبلت الموضوع ..
عقدنه وهمس بعدهي كولش خجوله ..
موتني خجلهه لاماخذ منهه حق ولا باطل .اني استعجلت بالعقد وياهه لان جنت اريدهه تصير حلالي وتتعود عليه وتشيل حاجز الخجل بيناتنه كلت اتعب عليهه هسه ولاتشلع گلبي بعد الزواج .. 22
ثاني يوم من بعد العقد مالتنه صادف يوم سبت من الصبح اني وابويه طلعنه بشغل يعني سفر خارج المحافظه ..
رغم رقمي عدهه ومن البارحه بعد ماتعشيت يم اهلهه وصيتهه تتصل بس متصلت ..
محبيت بردهه تجاهي حسيتهه مجبورة عليه ..
من افكر بالموضوع شلون خطبتهه وشلون بسرعه عمي كال گبع واخذ .. فعلا محد اخذ رأيهه بس بالعقد مجانت مبينه معارضه ولا كارهتني ولامبينه مجبورة بس خجوله وسرحانه بعالم ثاني عبالك .. تبتسم مجامله بس هم مو ضايجه .. الهدوء والرزانه هو الطبع الغالب عليهه ..
فكرت ليش وافقوا بسرعه اهلهه بدون ميرجعولهه ..


يمكن لان العائلتين صارت بيناتهم نسبه فماكو داعي لفقرة السؤال عني وعن اخلاقي ويمكن لان تعرفوا ع علي وشلون مداري جلنار ويحبهه ويمكن لان مرتاح ماديا بس هالاحتمال مااحب افكر بي بعيد لان ماطلبوا ولاتشرطوا ..
السبت الظهر جنت مسافر بس ببيت ابويه الثاني اتصلت ع همس ..
جاوبت سلامهه عادي ماكو لفهه بصوتهه محسيت بهالشي ..
سمعت صوت اطفال يمهه گتلهه انتي وين كالت ببيت هاله ..
كولش تنرفزت ..
نهيت المكالمه ماردت اتعصب عليهه ولا اضوجهه كلت بعدهي ممتعلمه ع طبعي ..
اكره العناد اني .. اكره البنيه التعاندني ..
صح مامنعتهه بشكل نهاءي من بيت اختهه بس مو من ثاني يوم العقد الگاهه ببيت اختهه ولا كأنه اني حجيت شي ووصيت ..
سديته منهه وحاير شلون اعلمهه ع طبعي ..
عدى اليوم بالشغل ويه ابويه ..
وبتنه هناك ببيت ابويه ولا اني رجعت اتصلت ولا هي ..
ثاني يوم الاحد هم شغل .. اني بالشغل ايد ابويه اليمنه مقربني من دون اخواني لان مهندس وهاي شغلتي من جنت طالب صارت عندي خبرة بالبناء والاعمار وهذا شغل ابويه بالتحديد .. مقاول بيوت وعمارات وقطع اراضي نشتريهه نبنيهه ونبيعهه ومرات يأجرونه عالم نبني الهم البيت عدنه ببغداد مكتب يهتم بهالموضوع واني اهتم واشرف ع البناء بشكل مباشر ..
جنه مقررين نرجع العصر بس علي خابر الوالد وطلب منه يرجع ..
الي افتهمته صايرة مشكله بين امي وجلنار بس المشكله جبيرة وامي طارده جلنار من البيت ..
هالكلام قلقني ..
احنه ممناسبيهم گ

صه بگصه بس المشاكل بين جلنار وامي اكيد حتأثر ع علاقتي ويه همس واهلهه ..
وصلنه للمستشفى ح

جينه ويه علي وافتهمنه السالفه كولهه ..
هنا مو بس قلقت .. صح عاقد ع همس وصارت زوجتي شرعا بس ردة

[ملكةه]

جوعانه حبيبي .. اكيييد ..خليتهه تكعود ع حيلهه وجبت الشوربه الدافيه وكعدت اوكلهه ..
مثل الطفله داريتهه ..
وشربتهه عصير موز وحليب شويه وكالت كافي ..
عل ي .. هدوو مي كول هه د م عفيه كعد ام ي تساعد ني اب دل
وليش اكعدهه اني موجود ..
حطيت الشوربه ع صفحه وقبغت الحافظه حته تبقه دافيه وكمت طلعت الملابس الي جايبيهه الهه اخذت دشداشه وتوجهت لجلنار خليت المغذي مالتهه ع حامله متحركه تتحرك وياهه وين متروح ..
راح اشيلج للحمام وانتي بس لزمي الحامله ..
هزت راسهه اوك ..
شلتهه للحمام فتحت المي الدافي كعدتهه ع كرسي التواليت الغربي بعد ماسديته ..
رفعت دشداشتهه لحد افخاذهه وهي كاعده وغسلت الهه رجليهه لان اكثر الدم جان ع طول رجليهه .. فركت الدم اليابس باصابيعي وحاولت مااذيهه ماكدرت اغسل ايديهه لان ثنينهن بيهن كانوله غسلت الهه وجهه ..
نزعتهه دشداشتهه المتروسه دم ولبستهه وحده ثانيه نظيفه ..
ابتسمت خجلانه لان نزعتهه بس يشهد عليه رب العالمين ماببالي ولابتفكيري هاي الشغله ابد ..
خلصت غسلتلهه وجهه ورجعت شلتهه .. باستني بخدي ..
كتلهه بالشقى ..
لاتتحارشين بيه وين اروح بهالليل ..
زادت ابتسامتهه وحضنت رگبتي بايديهه وهمستلي باذني ..
والله احبك ..
تنفست بعمق وهو شهيق من رگبتهه غمضت وذبيت الزفير بقوة .. عتقت عطر حبيبتي بين طيات حضني كولشي بيه يريد يحفظ عطرهه اطول فترة ممكنه ..
رجعتهه للفراش ..عدلتهه وعدلت نومتهه ..
يوجعج شي كالت لا ..وبدت تكدر تتواصل وياي بالكلام ..
بعدج جوعانه ؟
لا حبيبي ..
صفنت عليهه ..
عيوني متقبل .. ترفض تفارك وجهه ..
نظراتي مركزة عليهه ..
كالتلي .. علي اني فرحانه ..
ضحكت وضميت ضحكتي .. لان دائما جلنار تنكتل واكو جانب مشرق بالموضوع يفرحهه ..
ليش بله فرحانه ؟
لان رب العالمين قسملي هالطفل منك ..ومااخذة ..
شفت الفرحه بعيونك من سالتك ايه شنو شعورك لو كلولك زوجتك حامل ..
اي صح فرحت .. بس لو خيروني بينج وبينه اختارج الج ..
ابتسمت بتعب ..
جنتي تدرين بنفسج حامل ؟
لا والله ..
وجهك تعبان سودة عليه ..
مو تعبان لاتشيلين همي .. بس گوميلي بالسلامه وانتي تداريني يروح التعب مني ..
لزمت ايدي اخذتهه وباستهه ..
ولج لاتتحارشين ..
مشتاقه الك .. نيمني بحضنك ..
بنت الاوادم ماتشتاقين الي الاّ واحنه بالمستشفى ..
نطلع لبيتنه ..؟؟ شتگول ..
لااااا الحمل طلع عينج ..
ههههههه اخ ههه والله مابيه حيل اضحك عفيه لاتضحكني ..
دخلت الممرضه ضربتهه بالكانوله مسكن الاَم حته يساعدهه ع النوم وطلعت ..
اني وخرت بعيد عنهه ومن طلعت الممرضه كالتلي ..
ها شو شردت وغلست ؟
لااا ابد ..
لعد نيمني بحضنك ..
صار .. غالي والطلب رخيص ..
تدنت عني شويه سوتلي مجال بسريرهه ونمت يمهه حطت راسهه ع صدري حضنتهه وغفت واني من التعب هم غفيت بسرعه رغم شخير خالتي واصل لنهايه الممر هههههههه ..

[ملكةه]

البارت 23جحيمي وناري

علي .. ثاني يوم النه بالمستشفى .. جلنار وضعهه احسن .. الطفل بعده مهدد بالاسقاط بس هي بخير عدا فقر الدم الي عدهه يرادلهه مداراة بالاكل ..
اهلهه داير مدايرهه .. امهه معافتهه ابد ..
الطبيب سمح اليوم تطلع جلنار ..
مشكلة جلنار ويه امي بعدهي .. لارحت للبيت وتواجهت ويه امي ولا هي اجتي للمستشفى ..
محتار شنو اسوي .. بيتي مو كامل .. خليته بيد حمزة ولان حمزة ملتزم بالشغل ويه ابويه خارج المحافظه فالبناء يمشي ببطئ وحتلو دبرت بيت جلنار يرادلهه مداراة بعد الي صار والغدر الي انغدرته وهي بداخل بيتي مكدرت احميهه بعد ما أمن عليهه يم اي احد وسالفه انو تروح يم اهلهه شكم يوم من سابع المستحيلات ..
امهه حجت وياي بهذا الموضوع وطلبت هي تهتم بيهه لان عدهه تحفظات من يم امي ونص كلامهه كالت انو هي متريد بنتهه ترجع تصير تحت رحمة امي وترجع تأذيهه بوكتهه اني تعصبت ورديت انو هي هم محافظت ع زوجتي بداخل بيتهه والي وصلنه اله من ورة ابنهه حسام فعافتني وسكتت .. 29
عرفنه حسام رايح لبيت عمه متعارك ويه عمه ع الي سوته نرجس والكلام الي مطلعته ع اخته ومهدد يطلكهه اذا مااجتي واعتذرت من جلنار وصلحت موقف جلنار كدام مرة امي .. بس مااصدك انوحسام ممشترك بهاي اللعبه..
المهم جلنار بعد متعدي عتبة باب اهلهه هذا اخر كلام عندي ..
قررت الحل الوحيد انو ارجع جلنار لبيت اهلي واني بنفسي اهتم بيهه اخذ اجازة من دوامي وشغلي بالمكتب خلي اجيبه للبيت منا لمن تتوضح الامور ..
ما اطي اعذار لامي بس من تجي وحده مثل نرجس بهالقرابه من جلنار وبهالوضع الحساس انو تكون اخت انمار طبيعي امي تصدگ هالكلام وتگلب الدنيا ع جلنار لان هذا شرف مو لعب بس ردة فعلهه جانت مبالغ بيهه تصرفهه خطأ جان المفروض تنتظرني وتحجيلي واني اتصرف ..
وبعد الي صار ماتصور امي تتجرأ بعد ع جلنار لان عرفت تصرفهه غلط ومن فهمت ابوي القصه كولهه راح سولفلهه ورزلهه ع تصرفهه ..
اهلي كولهم بصف جلنار شي صعب تأذيهه بعد ..
منا لمن اشوف چارة لبيتي يجوز اسلمه لغير مهندس لان حمزة راح ينشغل بتحضيرات زواجه واتوقع بعد هالمشكله راح يستعجل بزواجه ولوما اهل جلنار خوش ناس اوادم جان يمكن فصخوا عقد بتهم من ابنه خاصه همه مطلبوا يطلعون البنيه بيت وحدهه يعني راح تكعود ويه نفس المرة الي طلعت بتهم بعز الظهر بدون متفتهم شنو السالفه .
طبيت لجلنار بالغرفه .. جانت يمهه هاله ..
ليش صوتك عالي .. شبيك ويه ماما ؟
ماكو شي حبيبي لتشيلين هم ..
مشايله هم بس كافي عركات ومشاكل الله يخليك تعبت ..
ممتعارك ولا اريد مشاكل عمري انتي ..
كل ماهنالك تجادلنه ..
ع شنو تجادلتو ..؟
الطبيب كتبلج ع خروج وخالتي كالت تاخذج لبيت أهلج ..
صفنت عليه ..تنهدت وسألتني ..
وانت شنو رايك ؟
اكيد لاء .. مااقبل ..
لعد وين تريدني اروح ؟
لبيت اهلي لغرفتنه ..
تنهدت اعرفهه متريد ترجع لهناك ..
انتي عندج ثقه بيه ؟
طبعا عندي ثقه بيك ..
لعد هاهيه مثل. ما اكلج سوي .. الموضوع كوله سوء تفاهم وفهمت امي. القصه كولهه وترة هي هم حقهه من تسمع هيج كلام من بنت عمج ع زوجة ابنهه شلون تريديهه تتصرف ..
هااا يعني انت قابل بالي سوته طردتني بهدومي لو ما اتوسل ع عبايه تسترني بيهه ..
لا اكيد مقابل بس كتلج سوء تفاهم ..
طبعا متطي بيهه هاي امك ..
جلللللناار احترمي ..
محترمه اني بس شوف كلامك ..
كلامي مبي شي .. بس انتي تتحسسين زياده ..عموما اخذت اجازة من الدوام وآني راح اكعودلج واداريج ..
خليني اروح لبيت هاله فترة وهمس يمهه .. خواتي يديرن بالهن عليه ..
مو كتلج اخذت اجازة من دوامي وشغل المكتب هم اجيبه للبيت واداريج لو مو بعينج اني ..
سكتت ماحجت بعد بس ضايجه وگالبه الخلقه ..
حاولت هاله تلطف الجو بيناتنه وحاولت تقنعني تاخذ جلنار يمهه شكم يوم وبررتلي موقف امهه انو نرجس انطردت لاهلهه واحتمال يطلگوهه نهائي بس اني جنت قافل ماقبلت باي حل غير انو ترجع وياي لبيت اهلي وتحت عيوني وهذا الكلام كوله صار ع مسمع من جلنار ..
عافتنه وطلعت هاله ..
كالتلي جلنار ..
خلي ببالك لساني ميطخ لسان امك معليه بيهه فهمت ؟؟
خزرتهه لجلنار حتلو امي غلطانه بحقهه مااقبل هيج تتجاوز عليهه تبقى امي ..
موجلنار التسكتلهه بعد ..
جلناااار احترمي شكم مرة صار انبهج ..
صدت وجهه عني مدلغمه ومتريد تباوع لوجهي ..
يله خليني البسج خته نطلع ..
صيحلي هاله تلبسني ..
انجبي وسمعي الكلام ..
ماريد اسمع ..
مو بكيفج ..
جبتلهه عبايتهه الاسلاميه لبستهه الهه فوك الدشداشه ولفيت الهه الشال مالتهه شلون ماجان لان ماعرفله ..
الممرضه جابت كرسي متحرك نطلعهه بي شلتهه من السرير وكعدتهه ع الكرسي المتحرك ..
ودعت اهلهه امهه وابوهه وخواتهه وطلعت ادفع بالكرسي ووصلتهه لحد باب السيارة انداريت فتحت الباب ورجعت شلتهه خليتهه داخل السيارة ..
سديت الباب ورجعت الكرسي المتحرك لموظف المستشفى ورحت رجعت للسيارة ركبت شغلتهه واتجهت لبيت اهلي ..
تكمله البارت 23

جلنار .. دخلنه لبيت عيالي واني خايفه وحيل متضايقه .. ماريد اتواجه ويه خالتي بعد الي سوته بيه ..
من طبيت تلكاني عمي تحمدلي بالسلامه وايه حظنتني وبوستني وباركتلي ع النونو وحمزة همين ..
خالتي جانت موجودة شافتني دخلت للبيت گامت طبت لغرفتهه ..
باوعت لعلي اشرلي معليج ..
صعدت لغرفتي ..
اول مافتت تمددت ع الجربايه الواحد ميرتاح غير بس بفراشه وغرفته ..
ضايجه من علي لان جبرني ارجع لهنا ردت ابقى شكم يوم ببيت اهلي لو ببيت هاله بس مقبل ..
تريدين تنامين ؟
لا ..
تقرب مني وكعد يمي واني مطروحه ..
اخذ ايدي باسهه ..
وخرت ايدي منه ..
مزاعلتك وخر ..
قابلين عمي .. يجي الليل ونصالحج ..
محتاجه شي ؟
ليش شنو طالع ؟
اجيب عشه وارجع ..
شمشتهيه ..؟
ماعرف بكيفك..
الطبيب كال كبد لاتقصرون بالكبد .
موكولش احبه ..
بس لازم تاكلينه علمود نعالج فقر الدم ..
هسه راح تطلع ؟
اي ليش محتاجه شي ؟
اريد اسبح ..
خليهه ورة العشه ..
ماشي ..
عفيه اذا نزلت صيحلي آيه ..
كوليلي شرايده واني اجيبه الج ..
مرايده شي بس ماريد ابقه وحدي بين متجي ..
اهااا اوك ..
باسني بخدي وگام بدل مرة ثانيه وطلع يجيب عشة ..
شويه وصعدتلي آيه .. ظلينه نسولف .. اكثر السوالف الهه هي لغويه شسويلهه ..
الى ان اجه علي ..
لان خطر اسقاط ميصير انزل واصعد درج ولازم ابقه فترة نايمه ع ظهري وممنوع الرجال يتقربلي ولازم مراجعه لطبيبه اختصاص كل 3اسابيع ..
لهذا مانزلت العشه اجاني لحد غرفتي .. ايه جهزته وعلي صعده ..
علي اخذلي اجازة اسبوع وبعدهه نشوف شلون تصير وضعيتي ..
تعشينه سوة وبعد العشه ساعدني اسبح لان اكو كانوله بيدي ..
بعدهه دخلنه بفراشنه ونمنه ..
بعد اسبوع ..
خلصت اجازتي طلعت مرة وحده رحت للطبيبه گتلهه عدي دوام وامتحانات وماكدر بعد اتخلف عن دراستي خاف تروح عليه السنه ..
كالت عادي مسموحلي اداوم بس ما اتعب نفسي بالمشي ..
خالتي ابد ماشفتهه بس بيوم رجعت من الطبيبه ولان اني بغرفتي ومانزل ابد فلا شفتهه ولا صعدت لغرفتي ..
الطبيبه كالت تشوف وضعيتي بالدوام اذا ماكدرت ادبرة تسويلي ربط للطفل ولحد شهر التاسع وتفتحه علمود الولاده ..
بلشت دوام دنيا مداريتني ابد معافتني .. اروح ع كد المحاضرات لا اطلع ولا اطب ولا افتر حته من اجوع دنيا تروح تشتريلي واكثر المرات اقضي وقتي يم علي بمكتبه لوحدنه لان دنيا تستحي تجي وياي ..
فهو خطيه يوصي ع اكل وعصاير النه يجيبوا العمال للمكتب مالته ونكعود نتغده سوة ..
من بعدهه نرجع للبيت ..
صرت انزل جوة لان علي رجع يروح للمكتب العصر بس ميتأخر لل8او 8ونص يجي واضوج ابقه وحدي ...
خالتي مرتاحه منهه نتواجد سوة بغرفه وحده بس متحجي وياي ..
خطيه ايه وحدهه رجعت اساعدهه بشغل البيت طبخ ومواعين بس تنظيف واي شغلات ثكيله مالي علاقه بيهه واهم شي عد خالتي الطبخ لان هي هم موظفه رغم علاوي ابد ماقصر حته آيه ميتعبهه ويجيب اكل من برة بس الى متى لذلك اني لزمت الطبخ وخالتي مالهه علاقه بيه ..
رحت للطبيبه مرة لخ وسوتلي الربط ..
اهلي مارحتلهم من طلعت من المستشفى لحد اليوم ..
امي يوميه تتصل تتطمن عليه ومرات هي وابويه يجون ربع ساعه ويروحون وهاله هم تتصل ومرات تمر عليه شويه وتروح ..

[ملكةه]

البارت 24
همس .. من اني وصغيرة تعلمت جلنار تصير هي محط الاهتمام .. انجح بتفوق اني وهي تسرق الانتباه لان مجابت درجات عاليه مثلي وتبقى تبجي الى ان يجيبولهه هديه لان خاطرهه مكسور من درجاتهه ودوم العذر المدرسات شادات وياي ومن احجي واتعارك اني المتميزة اني الاستاهل الهديه يسكتوني انتي العاقله اختج خطيه ..
من نسوي وكاحه اني اترزل وهي تگلبهه مناحه ع اساس اني عورتهه ويحيرون شلون يسكتوهه ..
كبرنه واني تعلمت ..صرت اعلم نفسي اني اكبر من هديتهم لجلنار من تنجح نجاح عادي واني انجح بتفوق .. اني اكبر من انو اسوي مشكله ويه جلنار ع شي تاافه .. اني اكبر من ان اعارك علمود اهتمام من اهلي الي ..
وهي جانت محط الانظار .. رغم توأم متماثل وامي جانت تلبسنه نفس اللبس وتسويلنه نفس تسريحات الشعر ونفس القراصات بس هي تتعمد تختلف عني .. تتعمد تضيف شي ع مظهرهه يختلف عني خاصه اشياء ماعندي .. حته يكولون جلنار احلى وارتب جلنار كذا ..
يمكن احد يسمع كلامي يكول عليه شكد تافهه بس اني جنت بعمر صغير وداخله عمر مراهقه وماعندي هموم ومسؤوليات بالحياة غير ذني السوالف الي يمكن تشوفوهن تافهات بس عندي جانن شي جبير .. يحز بنفسي .. انوجدن بمراحل حياتي .. انوجدن بمراحل تكوين شخصيتي لذلك صرت انطوائيه انعزاليه اكره الاختلاط الاجتماعي خجوله جدا ماعندي خبرة ولا رأي حاسم بالناس رغم عمري وصل 22سنه بس كلام او فعل يجيبني وفعل يوديني .. ماعندي قدرة اميز الناس تضمرلي خير او شر عديمه الخبرة صرت واثق بالناس بسرعه وهذا اكبر خطأ بشخصيتي ..
استمرت جلنار بحربهه النفسيه وياي الى ان وصلنه سادس اعدادي ..
جانت حته بصديقاتي تحاربني .. اني اشوفهه حرب يمكن اتحسس يمكن تصرفاتهه عفويه وممقصوده بس اني جنت اشوفهه مقصوده ..
بالسادس اعدادي اني طلعت وقدمت معهد صحه ولا عادت السادس ..
وبالسنه الثانيه معهد وهي مرحله اولى كليه وهم معافتني بحالي رغم شهادتهه بكالوريوس يعني تحصيلهه احسن من تحصيلي ..
جانت تتعمد تاخذني وياهه للكليه وتتعمد تستعرض جمالهه كدام صديقاتهه مثل واحد يگللهم شوفو رغم احنه توأم بس اني احلا ..
فرقهه عني الخيط ماشي بوجهه والمكياج واني لا جنت استحي احف او احط مكياج مو اهلي مانعيني من هالشي بس اني اشوفهه عيب ..
تعلمت البس الكلام واغلس .. يمكن هذا اسلوبي وسكوتي هو الي اطاهه المجال تتجاوز بالتصرفات بس هي دائما تستخدم الحيله واللواته ماعرف اشرح بس من اعاتبهه ع كلام اوتصرف تطلعني اني الغلطانه وماعرف اجادلهه لذلك اسكت وتطلع هي ام الراهي وتزعل ع اساس هي خايفه عليه وتحبلي الخير واني ماقدرت كل هذا وتسويلهه زعله واضطر اصالحهه لان تبقه اختي وماعندي احد غيرهه بالبيت لان هاله تزوجت من زمان واكبر منعدنه بهواي ..
جنت اكره خضوعي الهه ..
تجاوزت كولشي بدر من اختي .. لان تعودت ..
اكو ذكريات ماحب اتطرقلهه .. احب انساهه .. لذلك ماراح اسمح لذاكرتي تمر عليهه ..
اخير شي ربي عوضني بشاب بي كل المواصفات الي تتمناهن بنت مقبله ع زواج ..حمزة ..
شفته اول مرة جان مسوي حادث وانطلب مني اهتم بي لان جنت اشتغل بالمستشفى الي جابوه الهه وخاطر من خاطر وعيب من عيال اختي ماقوم بالواجب ويه ابنهم ..
من اول ماوكعت عينه عليه صار يحوم ورايه .. كونه اخو علي ابد مرتاحيت للنيه والنظرات تجاهي ..
كل الي سويته كالعاده تجاهلت وغلست ومانطيت مجال .. طلع من المستشفى حمزة وهو مماخذ مني لاحق ولاباطل والحمدلله ارتاحيت من هالسالفه او تهيألي ..
بعد اسابيع وتحديدا بعزيمه جلنار بعد العرس شفته مرة ثانيه ..
مافك عني ياخه لا بكلام ولابنظرات عرفت عنده نيه تجاهي ..
بيومهه اخواني عرفوا باللي حاولت انساه واتكتم عليه وتقدم حمزة لخطبتي ..
كل اسباب القبول والموافقه توفرت لحمزة من خطبني وكل ظروف الغصب والاجبار توفرت لاهلي علمود يغصبوني اوافق .. لشدة ضعفي محد سألني عن رأيي بزواجي وتمت الموافقه ..
جهازي والنيشان كولشي من احسنه رغم مبين ام حمزة مموافقه بس انجبرت مثلي ..
حمزة شخصيته مرحه اجتماعي يحشش يضحك جرئ ..
من قبل لا اصير حلاله يتغزل ..
حببني بي كوة عليه ..
يكولون القشه التي قصمت ظهر البعير .. لا حمزة صار القشه الي نقذتني من ظلم اهلي وجبروت اخواني ..
انخطبنه وعقدنه وكل يوم احبه اكثر من الي قبله بسبب كلامه وافعاله واهتمامه بيه بس ابد مابينتله هالشي ..
تجاه كل كلمه حب منه يقابلهه برود مني ..
تجاه كل اهتمام منه اقابله بتجاهل مني ..
ماعرف ليش هيج دااتصرف .. دا احب شخصيته ودا احب اهتمامه بيه .. افعاله كولهه كلامه غزله كولهه تدل ع حبه بس اني ليش ممتجاوبه ومطيه الاذن الطرشه ..
اول مرة اني اصير محل اهتمام شخص معين .. اول مرة تركيزة عليه اني وبس .. اهتمامه الي وبس ..
كلما دا احاول احبه ديبعدني عنه شعوري بالذنب تجاهه ..
احس بالذنب لان دا ابني حياتي ع كذبه ..
يمكن لو الماضي الي ما اتجرأ افكر بي حصل ويه شخص ثاني غير علي يمكن بوقتهه ماكو تأنيب ض

مير يمكن اقنع نفسي انو هذا ماضي ومو من حق حمزة يحاسبني ع الماضي بس الماضي يتضمن علي .. اخوه لحمزة ..
بقرارة نفسي اعرف التصرف الصحيح هو ان احجي لحمزة كولشي وهو يقرر مصيرنه .. النه مستقبل نكمل سوة لو كلمن يشوف طريقه ؟؟

جنت بالدوام اتصل عليه حمزة ..
هلاو هموستي ..
ابتسمت .. هلو حمزة شلونك ..
تمام انتي شلونج ؟
بخير ..
انتي وين ؟
شويه واطلع من الدوام ..
شكد شويه يعني ؟
هيج فد ربع ساعه .. ليش دتسأل ؟
ماكو شي بس عازمج ع الغده .. ماريد اعتراض اتصلت بعمي واستأذنت منه ..
حمزة ..شوكت تبطل ذني سوالفك ؟
ياسوالف ؟
دتحرجني ترة .. 5
تكملة بارت 24
جحيمي وناري
طلبنه اكل ع ذوقه ..
اكلنه بهدوء ..
ظلينه نسولف شويه عن احلامنه ..
من هسه اكولج ترة اني احب الاطفال فبالقليل بالقليل اريد نص درزن اطفال ..
خجلني الكلام بهالموضوع ..
ههههههه يمه .. هواي ترة نص درزن ..
لا مو هواي ..
بس اني مناويه اترك وظيفتي بعد الزواج ..
ومنو كال اريدج تتركيهه .. اصلا منطقتنه انترست حضانات ..
ستتهم نحطهم بالحضانه واوصلج لدوامج واروح اني ع شغلي ..
هههههههه محسب حساب لكولشي ..
اي حته ميصيرلج عذر .. ولا تخافين اني اساعدج نربي سوة ونتعب عليهم سوة ..
صفنت عليه .. وع كلامه وحنيته وشلون يحجي ويخطط ويسولف شكم طفل يريد ..
حمزة هديه من السما اليه ربي يديمهه عليه ..
دمعت عيوني محبيت يشوفني هيج ..
گتله ربي لايحرمني منك ..
حمزة ممكن طلب ؟
أمريني ..
ليش متفكر جديا انو نستقل ببيت وحدنه اول منتزوج ؟
حسيته انصدم شويه من طلبي ..
هذا طلب لو شرط للزواج ؟
لا اني كتلك ليش متفكر بالموضوع ..
شنو السبب الخلاج تطرحين هيج موضوع ؟ليش ماطلبتي من البدايه ..
لتزعل مني بس السبب واضح ..
عرف قصدي هو .. عرفني اقصد امهه متتعاشر وبكلامي المح للي صار ويه اختي جلنار من جوة راس والدته ..
حسيته ضاج ..
السبب الرئيسي الي خلاني اطرح هالموضوع هسه انو ماعندي قدرة اعيش ويه علي كزوجه لاخو علي واني انكشفت اله وببيت واحد ..
صعبه عليه مو لان احبه مبقه من ذاك الحب شي بس صعبه لان احس بالذنب تجاه حمزة .. احس نفسي خاينه رغم ماعندي اي مشاعر حب تجاه علي ..
سرحت بعيد بتفكيري ورجعني للواقع صوت حمزة ..
وين صافن الحلو ؟
ماكو شي ..
شنو رأيك بالموضوع ؟
اي موضوع ؟
گلبت عيوني بعدم رضى ..
انو نستقل ببيت لوحدنه ..
لا ماتوقع ..
ليش ؟؟فكر ..
لامترهم ..
بالعكس ليش مترهم .. خوب الواحد يشتري راحة باله ..
مو كتلج مترهم .. يعني اخويه الاكبر مني لسه مطالع ومشاكله ويه امه وصلت لحد انتي تعرفينه وماطلع ليش اني اطلع مثلا ..
وتعتقد هالتفكير صح .. يعني شنو سوة فلان لازم احنه نسوي مثله ؟
زين واذا فلان اخطأ لازم اكرر خطأة اني ؟؟
همس احترمي !! اول مرة اسمعج تحجين بهالاسلوب ..
دنكت ضجت من نفسي .. لان اسلوبي جان هجومي وهمجي حسيته ..
رفعت راسي باوعتله ..
عندك شي بعد ؟
لا .. كومي اوديج للبيت ..
بدون ماتنفس بحرف واحد اخذت جنطتي وكمت والدمعه متغرغرة بعيني مستقرة بس ارمش توكع ..
هو دفع الحساب واتوجه للسيارة واني امشي وراه ..
نزلت دمعتي مسحتهه بسرعه ماردت احد يشوفني ..
صعدت بالسيارة درت وجهي ع الجامه ..
لو ع الجامه لو مدنكه عيني ابد مارفعتهه عليه ولاشفته بعد ..
شلت عيني ليكدام ..
انتبهت قريب منوصل هذا طريق اهلي ..
بدون ماباوعله گتله .. ماروح لاهلي وديني لبيت هاله ..
هو سمع هيج لو هو كام يفور ويتبدة ..
غير الطريق لطريق بيت اختي ..
وصلنه ببابهم ..
حجه ..
عود شنو هاي دتسوين عناد وياي ؟
شنو المناسبه اعاندك .. ماعندي هيج حركات ..
لعد شيسموهه هاي من خليتيني اوصلج لبيت اختج ..
لان اني ساكنه هنا ..
فتح عيونه ..
اي مثل مكتلك .. اخويه وزوجته حاربوني واهلي ناس مرضى وميحبون المشاكل واخذتني اختي يمهه ..
دبرت هالكذبه هاي لان مليت من طلبه لاتروحين لبيت هاله او قللي الروحات لبيت اختج .. طكيتهه وياه ..
بس بعده ممقتنع ..
الي اعرفه مرة اخوج طردتوهه لبيت اهلهه ..
المهم .. اني ساكنه هنا .. بعد لاتتعب نفسك وتطلب اقلل روحاتي لبيت اختي ..
مع ذلك انتي ع ذمتي صرتي ومااقبل تبقين ببيت اختج وزوجهه رجال غريب عنج ..
حجابي كامل كدامه ..
ميهمني .. ماطولج ع ذمتي ترجعين تعيشين ببيت اهلج واذا استمرت اذيه اخوج او زوجته الج نعجل بزواجنه وبيج خير وتدللين ..
فتحت عيوني ع وسعهن ..
شنوووو نعجل بزواجنه ليش ..
لعد من باجر ترجعين ..
ماارجع حمزة ..
تعانديني ؟
انت متعرف الوضع شلون صاير .. ماكدر ارجع لبيت اهلي ..
ليش شنو صاير غير الي گلتيه اليه ؟
حمزة رجاءا لتجبرني ..
كلامي ماثنيه ..
واذا مرجعت ؟
مراح يصير خير ..
ظليت اباوع عليه ردت اشوف شي بعيونه كلامه وإصراره جديات لو شقة مباوعلي ابد ..
يباوع ليكدام ولازم ستيرن السيارة حيل بثنين ايديه ومن كثر مصاير عصبي وكاتم شرايينه الي بايده بارزه والمفاصل صايرة بيضه من كثر مضاغط عليهم وشاد نفسه ..
وهسه تفضلي نزلي عندي شغل ..
ظليت لحظات اريد ارد عليه رد يخليني اتشفه بي بس معرفت ارد سكتت ولبست جنطتي ونزلت ركعت باب سيارته وطبيت للبيت ..

[ملكةه]

البارت 25
همس .. يمكن هاي اول عركه بيني وبين حمزة .. ماعرفت نفسي شلون جاوبته وشلون تفوهت بالكلام .. ابد ماظنيت بيوم انو ممكن اصحى من سكوتي وسباتي واثور لنفسي .. ومن اثور تصير بوجه حمزة .. عفت الدنيا كولهه وثرت بوجه حمزة ..
دخلت البيت واني جسمي كوله يرجف من كدما اعصاب ..
تلگتني هاله. ..
هاا هموسه شو متأخرة ؟
ها مو حمزة عزمني ع الغده ..
ياا هاي شبي وجهج اصفر ؟
مابيه ..
وج خاف سوالج شي احجي ..
لااا شبيج مسوالي ..
لعد شكو .. هي غير تحجي ..
تعاركنه ..
انتي ومنو ؟
اني وحمزة ..
ياا ليش ..
ميقبل ابقه عايشه هنا ..
ليش عيني ؟
يكول ضرغام رجال غريب وماطولج ع ذمتي ارجعي لبيت اهلج لو يستعجل بزواجنه .. 4
خيه حقه يغار .. وانتي شگتيله ؟
هو تعاركت وياه .. كتله مرة اخويه مأذيتني انوبه يكولي مو دزيتوهه لاهلهه ..
منين مااجيه محضرلي عذر ..
والله ماعرف شأكولج خيتي .. لعد صدوك احسن حل تستعجلون بزواجكم ..
شنو نستعجل انتي الثانيه .. اكولج هاله .. هو اني شفتهمت من حمزة ترة صارلنه اسبوعين بس من عقدنه ..
وهو شراح يسوي ؟
خيرني .. ياارجع لبيت اهلي من باجر الصبح يا يتصرف تصرف ميعجبني ..
مثل شنو يتصرف يعني ؟
والله ماعرف ..
دفوتي فوتي ارتاحي وشربيلج ميه .. الله كريم ..
ونعم بالله ..
فتت لغرفتي بدلت وسبحت وتمددت ع جربايتي ..
ظل بالي يودي ويجيب .. كل تفكيري يم كلامه انو يستعجل بزواجنه ..
شلوون واني لسه ممقنعته انو نستقل ببيت وحدنه قبل الزواج ..
غلط مني افتح وياه هيج موضوع وهو عصبي .. اوووف ربي دائما توقيتي غلط ..
اجتني رنوده بنت اختي هاله بصف رابع ابتدائي ..
خاله خاله عفيه قريني ..
تعالي شعندج ؟
علووم ..
اوك طلعيلي تحضيرج ..
ظليت اقريهه بس بالي مو يم القرايه كل شويه وتكولي لا خاله مو هيج المعلمه هيج شرحتلنه اخير شي طكت روحي منهه ..
ايا ملعونه اذا انتي تعرفين شلون تقرين تحضيرج والمعلمه شارحه الدرس شكو تكوليلي قريني ..
خاله شبيج مو اريد واحد يحفظني وانتي حبابه اذا اروح لماما تصيح عليه ..
مو بس ملعونه واستغلاليه همين ..
يله راح اشرح واثناء ما دا اشرح حاولي تحفظين ويايه حته من اخلص اخليج انتي تعيدين الموضوع ع الغيب ..
اوك ..
ظليت ادرس بيهه ووراهه درستهه انگلش ..
حاولت اقتل وقت بعيد عن التفكير بحمزة والعركه ..
صار المغرب صلينه وحضرنه العشه وتعشينه ..
متعوده حمزة من التسعه تسعه ونص يدوك عليه وللثنعش للوحده نظل نسولف وهو اكثر كلامه وياي غزل ويحاول يجرجرني بالكلام لسوالف جنسيه بس اني اتهرب منه لو اسده واسد النت واشرد انام ..
اليوم ماكو ولا اتصل ودز مسج ..
شفته ع النت نشط بس ميحاجيني ..
يعني زعلان ..
وشنو يعني اني هم زعلانه وماريد احاجيه .. زعلانه منه ..
بس اشتاقيتله ..
ظليت اتصفح واتفرج فديوات لحد ماصارت ب 12
باجر عندي دوام والضوجه تقرة الف عندي وحمزة ايست منه يتنازل ويحاجيني ..
لفيت راسي ونمت بس مختنكه من شعور الضوجه ..
ثاني يوم رحت لدوامي وهمين مراليوم بدون ميتواصل وياي حمزة ..
هاله دائما تسألني .. ها مااتصل مادزلج مسج وجوابي هو لا ..
لازم واحد بيناتنه يتنازل واني بصراحه اشتاقيتله ..
صار اليوم الثالث ..
جنت بالدوام بحدود الساعه دعش ونص الشغل قليل بهيج وقت ..
اكو نت بالمستشفى واعرفه بهيج وقت هو بالمكتب ..
طلعت رقمه ظليت صافنه عليه بعدين تجرأت دكيت ..
دك دك ..
طلعلي صوته ..
الوو ..
...
همس ..
من كال همس تمنيت اكوله مشتاقتلك ومشتاقه لصوتك ومشتاقه اسمع اسمي بنبرة صوتك بس عوبه محجيت شي ..
هلو حمزة شلونك ؟
سمعته تنهد .. وزفر الهوا ..
بخير .. انتي شلونج ؟
زينه .. ليش متسأل ولا تتصل ؟
يهمج ؟
اكييد طبعا ..
شو ممبين ..
شنو قصدك ؟
انتي وين ؟
بالمستشفى ..
ومن ترجعين ليا بيت تروحين ؟
لبيت اختي ..
زفر بقوة ..
يعني عاندتيني ومشيتي الي براسج ..
لا معاندت بس گتلك ماكدر مو عناد هو ..
تمام .. اني اعرف شلون اتصرف .. يله روحي عندي شغل ..
مالحكت اجاوب ولا احجي شي رأسا طبگه بوجهي ..
ظليت صافنه شنو هالتصرف عبالك مدا اعرف حمزة .. يعني عبالك عنده وجهين لو شخصيتين .. لو حنت مطيعه واسمع الكلام يطلعلي وجه حمزة العاشق المحب الغزل والاهتمام ومحد يلحگه ومن اعانده ينگلب عليه 180درجه ..
خوفني طبعه واخير شي خوفني تهديده .. يعني شنو اني اعرف شلون اتصرف شراح يسوي ..
ظليت افكر تالي التهيت بشغلي ..
خلصت دوامي ورجعت للبيت بدلت وسبحت ونزلت اتغده ويه هاله سولفتلهه ع الي صار مخابرتي اله وكلامه وياي ..
گالت .. شيريد يسوي يعني اتركيه خلي يهدئ وحاولي تغيرين اسلوبج وياه هذا يكره البنيه العنيده باوعتلي صفح گالتلي وانتي منين طلعلج هالعناد من تالي مو جنتي مثل الورد يكولج روحي يمين تروحين يمين يگولج شمال تروحين شمال ..
ضحكت صدوك كلامهه صايرة ارد مااسكت واعاند ..
يعني شتريديني اسوي ارجع لضي
تكمله البارت 25

لضيم مصطفى وظلم اهلي ..
ياحبيبتي والله ماعرف هو مال ترجعين ترة لازم ترجعين والا يشك بشي ..
والله ياهاله دا افكر اكوله ..
شتكوليله يمعزايه ؟
اعترفله بكولشي وهو يقرر ..
انجبي واستري ع نفسج ..ولاتفكين حلگج بحجايه ..
هاله دا احس بالذنب ومدا اتقبل فكرة اعيش بنفس البيت العايش بي علي .. والله مو عندي شي ناحيته بس احس نفسي دااخون حمزة .. حته من ماكول لحمزة داخونه ..
كتلج اسكتي .. من تحجيله معناهه تخلين الاخوة يتذابحون بيناتهم وتنفضحين .. مشكله وانسدت بطلعان الروح ليش ترجعين تفتحيهه وتفتحين باب جهنم عليج ..
ضربتني ع راسي بس مو حيل ..
شغلي هذا شويه ياغبرة شوفي ذيج اختج شلون تفكر وتتصرف خلت علي يحبهه وجوة ابطهه بظرف شهرين سوي مثلهه يحظي تعلمي اخذي من حظهه ..
حته فتحت وياه موضوع انو نطلع بيت وحيدنه عصب عليه وماقبل ..
اي اكيد انتو دتتعاركون وفتحتي الموضوع ..
اي شسويله يعني اتنعوص مثلا ..
اتنعوص وتدلل واتغنج واصير مايعه كولشي اسوي علمود افرله راسه فر ..
ماعرف هيج ..
لعد ظلي راسج براسه وشلون الرجال يكره هيج مرة عبالك ديج مو مرة وظلوا تكافشوا ..
ضحكت ع كلامهه تخيلت حمزة ديج واني دجاجته هههههههه الله والله تخبلت يمكن اني ..
ردت ادزله مسج مكتوب بي احبك لو مشتاقتلك رغم اني بالحقيقه ابد مكايلتله ذني الكلمتين بس هو لا يكولهن عادي الف مرة باليوم ميشبع منهن ..
تذكرت من سد التلفون بوجهي وبطلت .. جبانه ..
بالليل جنه كاعدين وضرغام يسولف اندكت الباب ..
منو ..
امي وابويه ..
اخترعت اني من جيتهم اول مرة يسووهه ممسويهه من زمان خاصه من كعدت ببيت هاله لليوم ..
كلبي ضرباته ترگع مو تدوك ..شكوو .. عبالك مسويه مكسورة وخايفه .. يمكن خايفه من تهديد حمزة .. اي هذا الخايفه منه وتوقعته راح يفصخ الخطوبه ويطلكني .. ماعرف عقلي الباطن هيج يفكر وشبه مقتنعه هذا هو التهديد والوعيد الوعدني بي ..
تفاجأت من بابا طلب مني ارجع لبيت اهلي وكالي انو حمزة حاجي وياه بس بدون ميگله انو ضرغام رجال غريب .. المهم قنعه انو من الافضل ارجع لبيت اهلي ..
شغله ثانيه كالي ابويه زواجج بعد اسبوعين ..
هنا صدمتي متنوصف .. شنووو هااا ..
بابا گلي حمزة عنده سفر ومستعجل فيريد ياخذج وياه علمود يكمل شغله وهم تتونسون بشهر عسل بغير دوله .. علساس يسافر ل اذربيجان ..
گلي بابا باجر داومي ومن ترجعين من دوامج حضري غراضج وارجعي ماطول باجر خميس ..
علمود تبدين تحضرين نواقص عرسج ..
صرت افووور واتبده ..
بس اريدهم يطلعون حته اروح واتعارك وياه ..
حاولت ويه بابا كتله بابا اني شعرفت عنه وهيج استعجل بزواجي خزرني ماقبل هالكلام مني ..
رد عليه بعدين تعرفينه ورة الزواج ..
سكتت .. ظلوا نص ساعه وراحوا ..
طبيت لغرفتي سديت الباب واني احس بروحي صايرة اعصاب فد مرة ..
لزمت التلفون واتصلت عليه ..
اول مادگ ..شاله ..
انت شلون تسمح لنفسك تقرر نتزوج بهالسرعه ؟؟
ضحك .. اسمعه خربان ضحك ..
ع منو دتضحك .. عليه ؟؟
من تهدين نحجي ..
ماريد اهدا .. ليش هيج سويت ؟؟
تعلمي تحجين ويايه بأدب .. ماشتغل عندج وتصيحين احترمي شويه ..
دا ارد عليه سده بوجهي ..
جنت ارجف من العصبيه .. تهديده طلع هذا .. مو بس فاجئني صدمني .. ممستعده ابد .. ممستعده اتزوج هالشعور يوترني ..ابد ماتخيل روحي بين اديه ..
ثاني يوم رحت لدوامي بصمت واخذت زمنيه وطلعت بوجهي لمكتب حمزة ..
دخلت ..
مجان اكو احد بس هو ..
تفاجئ من شافني واول مشافني كام ..
صباح الخير .. اهلا .. شرفتي بس شجابج لهنا ..
ظليت واكفه اباوع عليه مخنزرة ..
وهو كمل كلامه ..
لو كايلتلي اني اجيج حبيبتي ..
وركز ع كلمة حبيبتي ..
صح مخنزرة بس مشتاقه اله لوجهه حركاته صوته ..
اريد افصخ خطوبتي وياك ..
مدري شلون طلعت مني هالعبارة ..
بقه واكف هو وصافن بوجهي ..
تفصخين خطوبتج ؟
مثل مسمعت ..
اي مو هي بكيفج ..
طبعا بكيفي هو شنو الزواج غصب ..
نصي صوتج لا راسج ادوسه ..
عينه تحولت مني ع الجامه الي تطل ع الخارج يمكن شاف زبون جاي تجاهنه ..
لزمني من ايدي ودخلني لغرفه ثانيه مثل المخزن ..
نفس مااسمعلج .. امشي زبوني وارجعلج نكمل كلامنه ..
خفت من نبرة صوته الواثقه هزيت راسي موافقه ع كلامه بدون وعي ..
هد ايدي عافني وطلع ..
ظليت بمكاني بحدود ربع ساعه ورجعلي ..
اي ست همس كملي ..
اي اريد نفصخ خطوبتنه ..
ممكن اعرف شنو السبب ؟
تقرب عليه من بعد ماكال هالعبارة .. 11
ممرتاحتلك .. ليش مستعجل ع الزواج .. اني لسه مااعرفك ..

عدج اسبوعين اعرفيني زين .. وقت كافي هذا ..
لا مو كافي ..
تقرب اكثر اليه .. خفت منه .. صرت ارجع ليورة ..
ورايه مثل الجام خانه .. ظهري صار عليهه ..
شبيج خايفه ..
ممخايفه ..
تقرب اكثر ومد ايديه اثنينهن للحايط صار راسي محصور بين ايديه ..
نفخ بوجهي نفس حار ..
ابتعد عني حمزة .. شتريد تسوي ..
دا اريد اشوف ليش ممرتاحتلي ..
تكمله البارت 25 4
حمزة ابتعد ..
قرب وجهه لوجهي ..
طيني سبب واحد علمود ابتعد ..

محجيت سكتت ..
عيوني بعيونه .. عيونه عين بعيني وعين ع شفتي ..
تقرب اكثر ..
حمزة الله يخليك ..
الله لايخليني اذا اعوفج هسه ..
شال ايده من الحايط ع حنچي برقه لزمه وميله شويه وتقرب اكثر .. ضغط شفته ع شفتي .. ذبت .. معت انتهيت ببوسته .. اختل توازني .. رجليه مشالتني يمكن حس عليه ويمكن لا بس بحركه سريعه نزل ايده الثانيه من الحايط ع خصري وقربني اكثر اله ..
بحركه لا اراديه لزمت وجهه من خدوده حوطت خدوده بايديه .. لحيته جكجكت راحه ايديه .. قطع البوسه وباوعلي بعيوني تواصلت بعيوني وياه .. نزل عيونه ع شفتي ورجع باسني ..
ماعرف هالمرة تفاعلت وياه لو ماتفاعلت تجاوبت لو ماتجاوبت ..
كرهت ضعفي كدامه ..
ابتعد اخذ نفس وانطاني مجال اخذ نفس ..
ابتسم بخبث وانتصار ..
گالي .. احبج ..
ضربت صدرة بجنطتي وتركته وطلعت ..
دايخه وماواعيه للي صار هسه ..
اني ع شنو اجيت وبشنو طلعت .. ليش هيج صار ليش ماضربته ليش ماصديته ليش استسلمت ليش
وهاي ختمناهه ببوسه ..

[ملكةه]

البارت 26
همس .. طلعت من مكتب حمزة فااايرة اعصاب شلون يتجرأ هيج يسوي وياي ..
احس جسمي كوله يرجف .. اخذت سيارة تكسي للمستشفى لان ماخذة زمنيه ..
وصلت وكملت دوامي .. دخلت للدار عقلي مو براسي تفكيري مشوش ..
خليت البنات يغطن ع غيابي ورحت ارتاح بالدار .. من اتذكر باسني بشفتي ابرد واختض جلدي يكزبر وارجع اتلمس شفايفي باطراف اصابيعي .. بسري بداخلي نوعا ما فرحانه .. ليش انكر اي احبه ومارحت افصخ خطوبتي وياه رحت انتقم لكرامتي ماعرف ردت فد شي أأذيه بي لان تخطاني وراح لابويه وقرر شي يخص حياتنه ثنيناتنه ..
ع صدري جبل هم .. هاله تنصحني مااحجي شي وعلي حجه وياي ولمحلي انو ماكو داعي حمزة يعرف بالموضوع ..
عرفت نفسي ضعيفه بحضور حمزة ..
مااكدر .. لتأثيرة عليه .. وهو يعرف هالشي كولش زين وواثق منه ..
قررت اقاطعه مااحجي وياه .. حتلو زواجنه بعد اسبوعين اعاقبه ..
من جنت بالدار اتصل عليه شكم مرة مارديت ..
اني اعلمك حمزة ..
ظلينه شكم يوم هو يتصل واني ماارد ..
الي صار بالمكتب ماحجيته لاحد حته لهاله ..
ومثل ماطلب مني ابويه ارجع لبيت اهلي من ثاني يوم لميت غراضي ورجعت بدون كلام ..
الاوضاع ببيت اهلي زوينه امي وابويه زينين ويايه ..امي تحب الي يداريهه ويشيل عنهه بشغل البيت واني ع طول مااني موجوده بالبيت ايدي بكولشي .. طبخ مواعين تنظيف ماخليهه تشتغل ..
حسام مو بحالي يحجي وياي بثكل من ورة خشمه وع گد الصخرة والطلبات مالته لان زوجته عد اهلهه واكو احتمال يطلكهه بس ابويه معارض لان تبقه نرجس بنت اخوه بس هي نرجس حيه متستاهل واحد يوگف بصفهه لو يدافعلهه من باب خطيه وحرام علينه وهذا هدم بيوت وحسام معاند الا يطلك لان تفاشل ويه اهل علي من وراهه وشغله ثانيه صارلهم 4سنوات مزوجين وماعدهم اطفال فأخويه لگاهه حجه يطلگ ويجدد لذلك اغلب المشاكل الي ببيت اهلي بسبب هالموضوع ..
اني التهيت بين شغل البيت ودوامي وبين تحضيرات عرسي ..
يوميه العصر نطلع اني وامي لو ايه لو هاله للسوك اشتري نواقصي وتأجير بدلاتي ..
حمزة بس اول يومين جان يتصل عليه بعدين توقف بطل يتصل ..
مرساله جانت ايه الي صارتلي اخت وصديقه والحلو بيهه كتومه اذا تسريهه بسر او كلام متطلعه ..
احتياجاتي اكتبهن بورقه ونطلع نشتريهن ونسوي قائمه سوة توديهه ايه لحمزة علمود مينسه شي من التحضيرات ..
بس ابد من بعد ذنيج اليومين ابد مدگ عليه ..
عرفت مأجر قاعه ومرتب الزينه البيهه واغاني الدي جي هو اختارهن بنفسه وتم تاكيد الحجز لاذربيجان واني عبالي كذبه من بابا كال عنده شغل وياج وياه ..
مر اسبوع وبقالي بس اسبوع واحد ..
احنه عقد محكمه عاقدين ومكملين حته الجنسيه بدلناهه الى متزوجه وبالظهر مكتوب اسم الزوج ..
عرفت من ايه غرفتي غرفة الاخشاب جهزت ..
ونصبوهه بالغرفه ..
اخذنه موعد ويه الصالون .. والحجز بمكان راقي وكذلك حجز الفندق اهتم بي حمزة ..
اتصلت بيه هاله ..
حاجتني حمزة متصل عليهه ..
سألتني شصاير بيناتكم ..
مصاير شي ..
لعد ليش صارلج اسبوع متحجين وياه ولاتردين ع مكالماته ..
زعلانه منه ..
اي مو كافي زعل .. بعدين ديحاول يتصل بيج ليش متجاوبينه ليش متعاتبينه .. ترة اسلوبج غلط ميصير هيج تجافين الرجال ..
خليني براحتي هاله ..
اريد اعلمج انتي داخله ع حياة جديده ماعندج خبرة بيهه شلون اخليج براحتج ..
مرديت عليهه مقتنعه بالي داسويه .. صح مشتاقتله بس ماعرف ..
هو شنو الي صار بيناتكم ؟
مسولفلج ؟
لا سولف .. كال اجتني همس للمكتب تعاركت وياي لان حجيت ويه عمي علمود ترجع لبيت اهلهه ونستعجل بالعرس .
بس هيج سولفلج ..
اي .. شنو صار شي اكثر بعد ؟
اي ..
شنو احجي ..
باسني ..
ههههههههه والله ياحبيبتي انتي فطيرة ودتضيعين هاي الايام من ايدج ..
وج واذا باسج .. غير انتي حلاله ..غير يحبج .. هاي احلا ايام ايام الخطوبه اشبعي ونسه ودلال وطلعات وبوس هههههههه شكو بيهه ..
هاي انتي تحجين هيج هاله ..
اي احجي واعلمج لان شو تبدل لسانج بس الظاهر لسه ثوله ومتعرفين مصلحتج وين ..
مو ثوله ..
ديله ماطولج مو ثوله خابريه وتصالحوا ..
ما معليه ..
يابه يطبج ورد اني شعليه بيكم اووي ..
يله روحي عدي شغل ..
اي تمام الله وياج ..
هلا ..
سديته من هاله واني افكر بكلامهه بس عندت وركبت راسي ..
الاسبوع الثاني تقريبا خلص بنهايته ..
زوجات اخوتي اجن يمنه يساعدن بالتنظيف والي تساعدني انظف جسمي ..
جلنار تمر عصريه ولليل يجي علي ياخذهه .. حامل وتعبانه ..
رحت للصالون اهتموا بيه عنايه بالبشرةوتنظيف وشمع وحفافه ..
طلعت الهث ماعرفت نفسي وهاي عود بدون مكياج ..
وغيرت لون شعري هو طويل لحد نهايه ظهري ..
هالمرة مو بس ايه وهاله وياي اجن خوات حمزة المتزوجات بمحافظات بعيده فاتن وسمر وهم ع واهسي اشتغلتهن ام الصالون شمع وتنظيف بشرة وتغيير لون الشعر بين صبغ وميش وتخصيل ..
ثاني يوم الحنه بس اني ماردت نسوي
تكمله البارت 26

ماردت نسوي حنه .. احنه حاجزين قاعه ونسوي بيهه حنه وزفه بس حمزة لا راح يسوي اليوم حنه شبابيه يفرحون بي اهله ويحنوه ومن تخلص حفلته يمر عليه يحنيني ..
اسبوعين اني مشايفته ولا سامعه صوته .. اني اختاريت هالعقوبه اله ماردته بعد يجبرني ويلغي شخصيتي ..
قبل يوم الحنه بيوم دزلي مسج ع الخط كاتبلي بي ..
باقي بس ليله وحده بس وتكونين بحضني ..
غمضت عيوني وتخيلت نص كلام رسالته .. جلدي كزبر وخجلت حيييل ..
غطيت وجهي بالبطانيه ونمت ع صفحتي .. تخيلت حمزة نايم كدامي .. فتحت عيوني مجان اكو احد ..
رجعت غمضت .. تذكرت بوسته ..ابتسمت لا اراديا ..
بس يخلص باجر وراهه راح ابوسه بكيفي .. شوكت مااريد .. يويلي .. بس التفكير بهالحظات يخليني اموت خجل .. هه افكر ابوسه والله اموت بكاعي من خجلي ..
بيوم حنة حمزة بيتنه هووسه الكرايب كولهه ملتمه من البارحه بايتين يمنه ودي جي اغاني وكولهه ترگص صدوگ لو گالو العرسان ثنين والمجانين الفين ..
اتصل حمزة بامي گاللهه خلصت حفلته وراح يجون يحنوني ..
لبست ع السريع بدله قصيره للركبه كلوش احمر من كدام قصير ومن ورة اطول بس مو ع طولي ومن فوگ تطريز مخرم مستطيل بمكان الصدر بدون تعلاگات يعني البدله ملزومه بصدري ومن ورة قيطان علمود يضبه ..
شعري عفته سرح وع طوله ..ومكياج مخليت هواي او مالحكت اصلا ..
جنت كاعده بالهول مبوزة وهو دخل عليه بقميص سمائي و بنطرون نيلي ..
رفعت عيني اله صارت عيوني بعيونه ..
تنهدت ونزلتهن لان جان يضحك وماردت ابادله الضحكه واعرف لو باقيه اباوعله جان استسلمت وضحكت ..
عيونه ونظراته نظرات عشق ..
زفوه لي يمي باس راسي واخذ ايدي باسهه وكعد سلم ..
شلونهه حياتي ..؟
الحلو زعلان بعده ؟
وج يويل الله شطالعه ..
دنكت حصرتني الضحكه ..مارديت .. بوزت ..
ليش زعلانه مني .. ؟
لان بستج ؟
لعد شوفي باجر شراح اسوي بيج .. اذا ما ادمي هالشفه مو اني حمزة ..
صديت عليه بخزرة .. بس محجيت ابد .. 12
تعاقبيني بسكوتج ؟
والنبي اني اعلمج باجر.
جان يحجي وياي ويتوعد بيه ع باجر والضحكه مافاركت وجهه ..
لازم ايدي وكل شويه يشيلهه يبوسهه امه تقربت منه كالتله .. اثگل شويه شنو مشايف نسوان ..
رد عليهه .. اي يمه هيج كيمر عرب اني مشايف ..
باوعتلي صفح معاجبهه ..
انطته امه الحنه حطلي باصبعه حنه بثنين اديه وخلالي فوك كل ايد حناهه عمله نقديه هاي عد امهاتنه وبيبياتنه عاده يحطون عمله نقديه (درهم ) ع الحنه بايد العروس تجلبلهه الرزق والحظ والسعاده ويه زوجهه وعائلتهه الجديده ..
وباصبعي حنيت ايد وحده بس هو طلب ..
بقه شويه يمي ووطول الوكت اني مدلغمه عليه ابتسم مرات مجامله ..
من كام باسني براسي ..
نص عليه وهمس بأذني ..
باجر موعدنه ..
شكد جرئ وشكد متحمس لباجر واني شكد خايفه . 5
تكمله بارت 26

شكم لقطه حلوة سويه لوحددكم ومن بعدهه تدخلون سوة للقاعه سألتهه منو خطط لكل هذا كالت حمزة لعد ماكلج ..
سكتت ماريد افضح روحي واكوللهه صارلي اسبوعين ماحجي وياه واليوم زواجنه واني بعدني زعلانه ..
كملت كلامهه هاله ..
وبعد اختار اغاني لدخلتكم للقاعه واغاني ترگصون عليهه سلو ..
فتحت عيوني ظليت فاكه حلكي ..
سدي حلگج خيه فضحتينه ..
لسه متحجين وياه مو ..
ضحكت .. هاله الوحيده الحافظتني بدون ما احجي شي ..
يرادلج كتله معدله .. هو حمزة لو يفتهم من اول ليله يكفخج شكم راشدي حته تجرين عدل الظاهر لسه متخافين من زلمتج ..
ضحكت ولج تطين بأختج ..
اذا مثلج عوبه اي اطي بيج لان عجزت واني احجي وياج واعلمج ..
لاعفيه هاله لاتخوفيني ..
دمشي امشي ..
دخلتني هاله لغرفه ثانيه حطتلي باودر ع جسمي علمود توحد اللون ويه وجهي ولو هو مو هواي فرق لان مكياجي نازك مو اوفر واني اصلا بيضه ..
وبعدهه لبستني البدله الماروني الي اشتريتهه بالعقد بس مالبستهه ..
جانت قصيرة كوولش طلعت بيهه عبالك لعابه ..
آيكون مال نزاكه ..
بعد عمري هاله من شافتني بالصورة النهائيه هلهلت وبوستني ودعتلي ربي يسعدني ..
ظليت كاعده انتظر ام الصالون تخلص البنات ع السريع لان اتصلنه بحمزة علمود يجي ياخذني ..
جانت جلنار كاعده وتتراسل ويه علي وهي مبتسمه ..
بداخلي حقد الهه ..
صح راح اتزوج حمزة ومو ع بالي علي ابد واصلا حمزة باسلوبه وشخصيته خلاني احبه بس بوقت من اوقات حياتي وصلت للحضيض بسبب جلنار وهي هم وصلت للحضيض بس اكو من مدلهه ايده وانتشلهه بس هي ممدتلي ايدهه .. فكرت بأنانيه فكرت بنفسهه وشلون تنقذ نفسهه وبس ..
تذكرت قبل اشهر جنه كاعدين نفس هاي الكعده وهي تبجي موتت روحهه من البجي وحاولت تنتحر وبالفعل اخذت حبوب اكثر من شريط واتخربطت ووديناهه للمستشفى غسلولهه معدتهه ياله تحسنت كوله علمود تجبرني اصير عروسه علي بمكانهه واني شكككد ثوله وغبيه استسلمت لضغطهه ناسيه حرام الله وناسيه شرفي وناسيه انو كان ممكن انذبح من وراهه ..
گتلهه بحقارة ..
تتبادلين بمكاني ؟؟
هي التفتت عليه مصدومه ممصدکه تسمع هالكلام مني ..
افتهمت قصدي كولش زين ..
ضحكت باستهزاء ودرت وجههي عنهه ..
رتبتلي

ام الصالون الطرحه بشكل سهل وثبتتهه بماشات وخلتلي تاج نازك بسيط ولبست عبايه اسلاميه مزدوده فوك البدله وع راسي لبست برنص مغربي ابيض مال عروس ..

وطلعت لحمزة ..
صعدت ليورة لكيت ايه موجوده سلمت عليه وكالت راح اروح وياكم بس علمود ارتبج واساعدج ..
باوعتلي وكملت كلامهه .. عبالي بدلتج مدنفشه ..
كتلهه لا لبست القصيرة اول وبعدين البس الثانيه وبعدهه البيضه ..
اي زين تسوين ..
حمزة يباوعلي بالمرايه ..
كلما اشيل عيني الكاه مبتسم ويباوعلي ويسويلي حركه ينزل ايده ع حنجه يتوعدلي ..
وصلنه للاستوديو ..
لزم ايدي حمزة ونزلني من السيارة ..
جان اكو 3درجات ساعدني اتخطاهن بدون مااعثر ..
طبينه حجه ويه مالك الاستوديو طلب كادر نسائي دخلنه للغرفه الي راح نصور بيهه واسعه الغرفه وبارده وبيهه مري هواي وورد وارضيات خضرا عبالك ثيل وكاعدين بحديقه ..
ايه نزعتني العبايه الاسلاميه والبرنص ورتبتني ..
حمزة لابس قاط حبري القميص فاتح والرباط غامق طالع فد شي عيوني ماشلتهه من عليه ..
واول ماطلعتله ظل فاتح عيونه وصافن ..
اجتي المصورة ..
باركتلنه بوجه مبتسم ..وكالت ..
مو عرسان شبيكم تقربوا ..
كاللهه حمزة.. زوجتي تستحي ..
كالتله عادي عادي وانت وين رحت عنهه..
تقرب مني گلتله المصورة صير مقابيلهه اوكف واحضنهه من خصرهه..
وهو ماصدك وكف كبالي وحوط خصري بايده ..
كوة كاتم ابتسامته وعيونه بعيوني ..
يهمسلي كلمات ..
هذا الجمال كوله الي اليوم ..
اويلي يابه ..
المصورة توجهنه ونسوي مثل ماتكول ..
اكثر واحد مستمتع ومستفاد هو حمزة ويمكن مراد جلسه التصوير تخلص ..
حرجني حيل والمصورة مقصرت ابد باللقطات الي اخذناهه واني متت بخجلي كوة سيطرت ع نفسي حسيت بالحرارة تطلع من وجهي وعرگت ..
خلصنه لبست عبايتي والبرنص وساعدني حمزة انزل الدرج واصعد بالسيارة ..
تقرب مني كالي ..
والله لو ماعيب جان خليت الزفه من التصوير للفندق شلت عيني باوعتله غمزلي ..
يله حبيبه صعدي لا اغير رأيي ..
صعدت بسرعه هذا مخبل يسويهه كولشي اتوقع منه ..
وصلنه للقاعه ..
صعدنه درج طويل وايدي بايد حمزة لانحذائي كعب عالي وخفت خاف اوكع بس حمزة سندني ابد ماتركني ..
بنهايه الدرج نزعتني ايه العبايه الاسلاميه والبرنص وطبيت للقاعه واشتغلت الهلاهل واشتغلت وياهن اغنيه حسام الرسام ..
جبناهه واجت ويانه ..

الصلاة والسلام عليك ياحبيب الله محمد ..

هم عريس هم نشمي وهم ربعه يزفونه ..
هي وياه وتتمناه وهو بحبهه خيعونه ..
دسمعونه الهلهوله ..
الف مبروك گولوله ..
عرسه العيد ..
چا شيريج ..
اذا مثل الگمر مرته ..
هلاهل وورد وجكليت وهالاغنيه كل هذا بدخلتنه للقاعه..
تكمله بارت 26 3
احلا استقبال شفته بحياتي .. دمعت عيوني فرح شفت السعاده ع اعتابي ..
نسيت زعلي ونسيت هم بكد الجبال
شايلته ع ظهري وردت اطير ..
هالسعاده الي .. هالفرحه الي .. باوعت لحمزة .. هالرجال اللازم ايدي وماعافني ابد زوجي هذا حقي وحلالي ويحبني ..
فرحت لنفسي الي انكسر خاطرهه بعلي وجلنار وانجبر بحمزة ..
عصرت ايد حمزة الي لازمتني هو التفتلي عباله اريد شي ..
همستله .. احبك ..
ماسمعني .. بس من حركه شفايفي عرفني شگلت ..
توسعت ابتسامته .. شفت عشق بعيونه مو بس حب واهتمام .. احبه اريد اصرخ احبه ..
الاغنيه مستمرة ..
هاي الشافهه گلبه وحلم بيهه ..
حبي وروحي وعمري يسميهه ..
الهلاهل مستمره واجواء فرح ..
والاغنيه فدشي مو طبيعي اني ماسمع اغاني ولاواهسي يمهن لذلك بالي جان يم كلمات الاغنيه وعبالك الدكه مال الاغنيه بگلبي تعزف شمااحجي مااكدر اوصف شعوري .. 1
گلبه يغار تشعل نار لمن تحجي وي غيرة ..
مو معقول صح ميگول بس مبينه الغيرة ..
وهو يضحك .. باسني بايدي الي لازمهه وابد ماهدهه ..
اخير شي بالاغنيه ..
منوصيك نعرف انت تهواهه ..
تنسة الدنيا كولهه انت ومتنساهه ..
اجتي امي بوستني وباركتلي وهو باس راس امي ووصته عليه وامه هم تقربت بوستنه وخواته وخواتي بوسني وهواي ناس دخت من كد العالم السلمت علينه ..
كعدت شويه ع الكوشه وحمزة يمي اخذنه صور بالمبايل ..
وبدت الدگه مال اغنيه سلمى رشيد يهنيالي ..
علمني .. اغمض العين .. دونك لحظه ياغالي .. نسيت شلون .. الك اشتاگ .. گد ماتجي ببالي .. 1

گومني حمزة نرگص سلو اني استحي وماعرف وخاف يصير شي واتفشل بس ماهمني شي ماخفت ماطول حمزة وياي ولازم ايدي .. حسيته هو السند الي ..
يهنيالي ويهنيالي ..
حبيبي يمي هنيالي ..
انا اتمنيت بگلبي بيت واعيشك بالگلب مالي ..
انت عيني ونظر عيني ..
ادورك لو غبت بيني ..
اريد وياك الف الكون ..
ولاخر نقطه وديني ..
اوعدني ابد متروح ..
عن عيني ولا لحظه ..
تكتلني .. اذا انت تغيب ..
لأنك للكلب نبضه ..
يحسدوني ويحسدوني ..
ع حبك يحسدوني ..
شتريد انطيك ..
حته ارضيك اذا مكفت عيوني ..
احبك كلما ترمش ..
عيونك بالعشگ متغش ..
تخيل صير حبيبي طير ..
الك حضني يصير العش .. 3
تمنيت الاغنيه متخلص وتمنيت حمزة ميعوفني .. بس عافني وطلع وبدت حفله النسوان بالقاعه ..
ساعتين .. دي جي صوته عالي قريب والصوت باذني انطرمت ..
لبست بدلتي البيضه والطرحه فوكاهه وجلوني ..
ودزلي حمزة مسج .. كاتبلي .. جايج حبيبتي .. عرفت الزفه بالطريق بلغت امي والبنات حته يتحضرن ويلبسن ..
شويه واجتي الزفه ..
لبسوني البرنص بس اكدر اشوف وجهي طالع ..
دخل ابويه واخواني تلاثتهم وعمي ابو حمزة وحمزة وعلي واخوانهم الكبار حيدر وحسين ..
المشهد جان مهيب تدخل بالكلب رهبه شلون ابو البنيه يسلم بنته لزوجهه ويوصيه عليهه ..
ابد مجنت خايفه من الحياة الجايه وحمزة بجانبي وايده بيدي ..
هالموقف تكرر عليه للمرة الثانيه ..
نفس الوكفه .. ابويه واخواني .. نفس عمي ووگفه الاخوان بس العريس علي جان مو حمزة ..
الفرق هناك جنت خايفه واليوم لاء ..
سرقت نظرة لجلنار واكفه يم علي .. هالثنائي سببولي التعاسه بيوم بس اليوم السعاده ع اعتاب بابي واني فاتحه الهه بابي واكوللهه بالمهلي ..
ربي تمم عليه سعادتي ..
ابويه لزم ايدي حضني وباسني بکصتي وسلمني لحمزة..
بدلنه حلقاتنه من اليمنه لليسرة الاقرب للقلب ..
نزل البرنص مالتي وگاودني شبك اصابيعه باصابيعي وخطيت اول خطواتي بحياتي الجديده ويه حمزة .. ..

[ملكةه]

البارت 27
همس .. زفونه للفندق .. صعدونه .. حمزة بس يريدهم ينشلعون گعدوا ع گلبه فد ربع ساعه تالي ماستحه طردهم والنسوان كولهه تضحك ع سوالفه ..
أيس منهن حمزة يطلع ناس يطبون غيرهن عشيرة مال نسوان لاحكاتنه للفندق فنزل يسلم ع الزلم المنتظرينه برة الفندق علمود يباركوله .. 24
اخير شي ظلت يمي خالتي وهاله طلعت البنات وظلت توصيني انو اطيع زوجي واسمع كلامه وتمنتلي السعاده وعلمتني شغلات اسويهه دعاء وصلاة ومن هالامور وهاله تتمضحك ..
تكوللهه خاله ماعلمتيهه بالمفيد ..
خالتي .. انجبي انتي عيب خالة زوجج هو يعلمج وطيعيه وابد لاتعانديه حته متتأذين ..
هزيت راسي اي ..واني اضحك ع سوالفهن .. بيه خوفة كل بنيه بأول ليله عرسهه ..
بس قلبي مطمئن شويه ..
بوسني خالتي وهاله وودعني وطلعن ..
ظليت ع گعدتي ع الجربايه اتأمل السويت الي حاجزينه بالفندق .. حلو ديكورة ..
دخل حمزة ووياه المصورة الخاصه بالفندق اخذنه لقطات بالبدله البيضه كملنه وطلع تحاسب وياهه ورجعلي مبتسم ابتسمت بوجهه ..
تنهدت زفرت براحه ..
كعد يمي ع الجربايه ..
شو باعيلي ..
فتحلي قيطان البرنص وخرة عني ..
باوعلي نظرات ماعرفت شلون افسرهه .. صار وكت لحظه الجد عاقل عيونه عاشگه بس بعقل ..
حوط خدودي بايديه قربني لوجهه باسني بگصتي ..
وابتعد شويه ..
جانت جنطه بيضه صغيرة ع الجربايه بيهه مرايه وقرآن جنت لازمتهه من طلعنه من الفندق لحد دخلتنه للفندق ويمهه المسكه ..
طول بنظرة اليه .. عيونه نزلت لشفايفي ..
عادي اضوك العسل من هالشفايف لو هم تضربيني بالجنطه ..
زادت ابتسامتي دنگت راسي خجلت ..
رفع راسي وباس شفايفي بوسه حلوة خفيفه رقيقه ع الماشي ..
عدنه صلاة ودعاء وعدنه تبديل وعشا .. وورانه سهرة صباحي ..
وغمزلي ..
من جان ديعددلي شعدنه حسيت عبالك واحد محفظه شيسوي اول ماتنسد علينه باب غرفه وحده ..
بصراحه متوقعت من حمزة بعد الوعود والحرشه والغزل بالحركات والكلام الصريح الجرئ متوقعت هسه فجأه يثكل ويعقل توقعت حيصير شي اول ميسد باب الغرفه ..
اخذ ايدي گومني ..
فرشنه سجادتين وصليت وراه .. علمني الدعاء قراه بصوت عالي وعدته وراه ..
كملنه سألني ..
تسبحين لو جوعانه ..
عادي بس اريد انزع البدله لان حيل ضايقتني ..
ضحك هو بعدين كلي ..
ماشي لعد انتي بدلي واني راح افوت اسبح ..
اوك ..
فتحت الجنطه الصغيرة لكيت بيهه العشه مالتنه امي محضرتلنه تمتوعه هيج يسموهه تمتوعه العرسان ..
فتحت الجنطه الثانيه البيهه غراضي وملابسي ..
باوعت سيت النوم الابيض اول شي حاطته هاله ..
بس اني داحسه سيت نوم ثاني احمر مستور ستن ..
دورته وطلعته ..
نزعت البدله ولبسته ع السريع ..
بديت اجهز العشه ع ماصه جبيرة بس ارتفاعهه ناصي ..
صدوك جوعانه ..
طلع حمزة من الحمام بالبجامه والفانيله ..
ينشف براسه بالخاولي ..
باوعتله ابتسمت ..بس احس خدودي اشتعلت نار من شفته بس بالفانيله ..
البس قميصك حمزة وتعال نتعشه ..
رفعلي حاجب .. هاي شنو من اولهه تستحين ..
لا بس خاف تستبرد والسبلت مفتوح ..
هاا تخافين عليه يعني ..
.....
سكتت ماعرف شجاوبه دومه يحرجني ..
هههههههه عذر احلا من الثاني ..
قربت الماصه ع الكنبه التخم وكعدت وهو هم اتقرب وگعد ..
بس هاي شلابسه ..
شنو شبي .. ملابس نوم ..
هاي ملابس نوم ؟ عمي ملابسي افضح منج .. اجيبلج عبايه تتلفلين بيهه فد مرة ..
لالا هيج هاهيه هههههههه
وجماله تضحك .. مو اتذكر اشترينه سيت نوم ابيض حلو ..
لا شنو حلو .. ذاك فضيحه هذا حلو مستور ..
هههههههه خرب بعقلج ..
شو انداري خلي اشوف .. ماكاتبه خطر سريع الاشتعال ..السلامه اولا ..
ههههههههه لا مكاتبه ..
يله بي دكم من كدام يفيد خوش فيكه نفتحهن ونتوكل ..
حمزة !!
ياعيونه ..
اسكت لاتحجي هيج ..
ها هم خجلتي ..
يمعود اسكت ..
ميخالف هسه مااحجي زين وبعد شويه شراح تسوين ..
ترة جوعانه وكلامك راح يحرمني الاكل ..
لالالا كولشي ولا تنحرمين من الاكل نحتاج طاقه لبعد شويه شلون ..
تبطل سوالفك لو اگوم ..
اذا گمتي اگوم وراج ..
خزرته بزفير قوي ..
سكتت يله ..
بعدين ضحك ..
فديت اني الحواجب من تخزرني .. يمه اموووعن ..
دنكت حصرتني الضحكه .. استعاديت توازني ورجعت رفعت راسي وبلشنه نتعشه ..
كل شويه وهو يوكلني لگمه بايده ..
صفنت بعيونه ..
گتله انت شلون هيج ؟
بلع لگمته وگلي .. مافهمت ..هيج شلون يعني ؟
شخصيه واسلوب وكاريزما ودمك خفيف ومتواضع وعندك شي يجذب وتطي للواحد امل ..
ابتسم ..
يمكن خليته يخجل اوهيج تهيألي واني ماعرفت نفسي من حجيت هالكلام شلون تجرأت ..
هاي بس عيونج الحلوة تشوفني هيج ..
ظليت صافنه بعيونه ..
اخذ ايدي وكومني للجربايه .. جنت انفذ بدون مااعترض عبالك مسيرة او منومه مغناطيسيا ..
كعدت وعيوني تنظر لعيونه عبالك التنويم بعيونه ..
حمزة .. اني اخاف ..
واذا گتلج ماأذيج ..
مراح يروح شعوري ..
بس يخف مو صحيح ... 38

دگات گلبي ترگع .. يمكن الف ضربه بالثانيه .. يمكن هو هم يسمع دگاته ..
من كلي شعور الخوف يقل ابتسم وجهي ..
كولشي مااعرف حمزة ..
وياج اني خطوة بخطوة اعلمج ..
ماعندي خبرة ..
ضحك بقوة ولج اكسر. راسج اذا احس عندج خبرة بهيج موضوع ..
حسيت ع نفسي اني شحجيت ياسخافه كلامي الي نطقته !!
نومني ع ظهري بهداوة ..
ونام فوگ جسمي ..
مرتاحه هيج ؟
بعدج تخافين ؟
هزيت راسي اي بعدني اخاف ..
بوسني بخدي الايمن وبخشمي وخدي الايسر ..
وهسه سولفيلي .. بعدج ممرتاحه ؟
مرتاحه بس خايفه ..
بوس حنجي وغمضت عيوني بوس الجفون الايمن بعدهه الايسر ..
وهسه ..؟
ضحكت .. انت فد واحد ...
قاطعني ..
لا .. اني ا حبج ..
مارديت عليه جنت متيمه بي ومتيهه دربي بعيونه ومضيعه الاول والتالي ..
شي يشبه التنويم السحر .. شي ضرب من الخيال والله اني مو هيج ..
اكو وحده حوريه مو بنيه تكتل ..بالحفله .. كالتلي احبك ..
ابتسمت بشقاوة ..گتله ..
منو كال ؟
اني سمعتهه ..
عبالي مسمعت ..
عيديهه ..
لا ..
باس حنجي ورفع راسي والمكان الي تحت حنجي مباشرة باسه جلدي كزبر من لمساته وجكجكة لحيته ع ملمس بشرتي ..
ها تعيديهه ؟؟
لاااء ..
احب اتدلل عليه ..
فتح اول دكمتين من قميص النوم مالتي وباسني بمقدمة صدري ..
مديت ايديه لصدرة ردت ادفعه عني لزم اديه بايد وحده ورفعهن ليفوك ..
فتح بعد دكمه ..
بينت مقدمة صدري ..
باوعلهن ورفع عينه باوعلي ..
هالكيمر ليش ضامته عني ؟
عض حنجي مثل العقوبه الصغيرة لان مارديت ع سؤاله ولابررت تصرفي ..
آي ..
اسبوعين گلبج انطاج متحاجيني ؟
تستاهل ..
هاا ..
لثم شفتي وجرهه عضهه اذاني .. وتركهه ..
بعدني استاهل ؟
لا ..
رجع باس شفتي برقه ..
لعد اذا مااستاهل كوليلي احبك ..
اممممم ما ..
رجع عض شفتي وجرهه ..
ونيت متعه وحب وشهوة و
جكجكة لحيته توعيني خاصه من يضغط ع شفتي ..
تستسلمين لو اعض بعد ؟
سكتت دايخه حس بيه هو .. فقدت السيطرة ع نفسي وحواسي .. شي مثل الخدر اول مرة اختبرة وامر بي ..
رجع باسني برقه وبخبرة رجال ..
احبك ..
باسني وتعمق بالبوسه وبادلته .. بوستي ترجمت عشگي اله ..
همسلي بأذني .. اريدج ..
انسلبت روحي من حجايته ..
حسيت گلبي نزل لبين رجليه وبلحظه صعد رجع لنفس مكانه ..
وراهه محسيت بشي بعد ..
من بعد هاللحظه كولشي صار ماتذكرة .. تفاعلت وخدرت وارتويت منه ..
صرت زوجته .. زوجة حمزة .. من گلبي وروحي وبكامل عقلي وارادتي ..
نمت ع صدرة للصبح ..

[ملكةه]

البارت 28
حمزة .. ثاني يوم الصبح بعدنه بالفندق كعدت الساعه 8 همس نايمه ع صدري طول الليل مافاركتني عيشتني ليله من الجنه بخجلهه ودلعهه وعنادهه خلتني اسعد انسان .. بس متعبه متتجاوب بسرعه روسي ميحمه بسرعه الا شويه احماء ياله تدخل بالمود ..
وخرتهه شويه عن صدري ..
انداريت ع صفحتي واستندت ع عكسي وظليت اباوعلهه ..
نايمه بهدوء ولا حست بيه من حركتهه ..
نفخت بوجهه عقچت حواجبهه .. ابتسمت .. نفخت مرة ثانيه شالت ايدهه حركتهه كدام وجهه وبعدهي عاقجه حواجبهه ..
تتعارك ويه ذبان وجهه ..
بست خشمهه فتحت عيونهه ..
ضحكت اول مشافتني بوجهه ..
صباحوو حبيبي ..
صباح العسل ..
رجعت غمضت عيونهه الظاهر بعدهي نعسانه ..حقهه البارحه للساعه 4الفجر ياله خليتهه تنام وهي تتوسل اعوفهه بس شأعوف وشأخلي ..
احبك كلما ترمش ..
عيونك بالعشگ متغش ..
غنيتلهه هالمقطع فتحت عيونهه ..
حضنت رگبتي بايديهه بدلال وشاورتني .. واني اموووت عليك ..
حبيبي ساعه 8 وربع وطيارتنه ب 12ونص هم ياله نلحگ ..
يعني اگوم ؟؟
سألتني بخبث ..
هههههههه لوعليه والنبي ماخليج ابد تكومين ..
غمزتلهه ..
ماعليه حبيبتي عدنه اسبوعين باذربيجان باب الغرفه منطلع منه .. اعوضج ..
وشغلك هناك مو كلت رايح بشغل ؟
ياشغل انتي صدگتي .. غير ردت اسويهه ظلمه ع عمي علمود يوافق نقدم عرسنه ..
ضحكت ..
خبال ..
بحبج غير .. ع اساس انتي عاقله .. اكو وحده يبوسهه خطيبهه وهي تظل اسبوعين متحجي وياه .. مخبله انتي عاقله .. وهاي راحت عليج هواي بوسات ..
تعوضلياهن اكيد ..
درت وجهي عنهه سويت نفسي عودزعلان ..
افكر عود ..
اممممممم ..
کومي سبحي ولاتأمأمين مابينه حيل نسوي هجمه مرتدة ..
ههههههههه اوك ..
راحت تسبح واني سبحت وراهه ..
الفندق جابولنه ريوك بس اني مقبلت نتريك لان اكيد هسه ريوگنه من بيت عمي وصل ..
بس بدلنه وهي تأخرت لان متعرف تحط مكياج وكل شويه خربان وتمسحهه وتلوص عيونهه وانوبينه لمينه غراضنه بالجنطه ..
بالتسعه ونص ياله سلمنه مفتاح السويت للفندق ..
سيارتي موجوده بكراج الفندق ..
صعدت الجنطه بالسيارة وصعدنه متجهين لبيت اهلي ..
وصلنه نزلنه .. تلگونه من الباب جايبين مزيقه وطبل وولد عمامي وولد خوالي واخواني واصدقاءي كولهه تركص ..
طبينه ذبحوا ذبيحه تجراة دم جوة رجلينه ..
اني ظليت يم جماعتي وكرايبي الي علگوهه رگص ويه المزيقه همه اصلا هتليه مطربگين رادولهم بس حجه حته يصير الركص علني كدام عمامي وخوالي ..
همس اشرتلهه تطب لان كولهه زلم وماشفتهه بعد ..
بالنص ساعه العالم تردح ..
تالي حاسبت اهل المزيقه وكتلهم كافي روحوا ذوله فشلونه لو تظلون منا لثاني يوم الصبح تدگون هم يظلون يرگصون فشله من عمامي وخوالي وذوله واحدهم لايستحي ولايحس .. 43
طبيت للبيت والهلاهل صارت ترگع فشخوني بالجكليت مالتهم ..
باوعت هموسه كاعده ..
سلمت ع كرايبي من النسوان عمات وخالات وبنات عمامي وخالاتي ..
ورحت كعدت يمهه ..
كل شويه تجيهه وحده من خواتي تكوللهه نزعي شالج انتي عروس لويكللهه صعدي فوگ لبسي بدله ونزلي هي جانت لابسه كوسستم مستور بنطرون واوفر وسترة ومقبلت لاتبدل ولاتنزع الشال ..
ضايقنهه ..
نصيت عليهه گتلهه .. شبيج حبيبي ليش متريدين تبدلين ؟
كوومه زلم شلون البس بدله لو اذب شالي ..
سكتت بابتسامه شكد عجبني ردهه ..
ميخالف صعدي بدلي ملابسج بشي ثاني هم مستور ع ذوقج ..
باوعتلي بابتسامه .. كالتلي ..
تدلل ..
يابخت حمزة .. يدلل ع هالعيون الحلوة ..
زادت ابتسامتهه بخجل ..
نصيت عليهه اكثر ..
كتلهه .. ترة ميصير هيجي كلما اغازل مرتي لو احجيلي احجايه خدودج تصير طماطايه ..
ضحكت وضمت ضحكتهه ورة جتفي ..
فاضحتنه انتي ترة بالخجل ..
انتظرتهه ترجع طبيعيه بعدين كتلهه كومي بدلي ..
صحت لاختي الجبيرة فاتن صعدت وياهه وايه لحگتهن ..
شويه ورجعت لابسه فستان احمر .. گعدت يمي ..
ها حياتي شو هم احمر ..
متحبه ؟
شلون ماحبه هو غير خبلني البارحه .. مستور وخبلني لعد لو مشخلع شيسوي بيه ..
ههههههه حمزة لتحجي هيج ترة اصعد ابدله ..
شحدج ..
عرفت همس من هذا النوع من البنات مو بس تستحي وتهتم لسوالف الحرام والحلال ..
اهلهه جانوا جايبين الريوك ورايحين لان تأخرنه عليهم .. احنه بحدود العشرة ونص ياله وصلنه ..
گعدنه تريكنه وحيدنه سوة ..
صحت امي ..
يوم راح نصعد فوك نجهز نفسنه .. طيارتنه ب 12ونص يعني هم ياله نلحك ..
براحتك يمه ..
اخذت همس وصعدنه فوگ .. اول ماسديت الباب اخذتهه بحضني وبستهه من شفايفهه .. فاجأتهه ومتجاوبت وياي اول مرة بس من نطيتهه مجال تاخذ نفس تجاوبت وياي ..
اشتاقيت للشفايف العسل ..
واني اشتاقيت الك ..
مافاركتج ..
حتلو .. سوالفك واهتمامك بس بيه .. من وصلنه لهنا اهلك اخذوك مني كل شويه صايحيك وتروح يمهم لاساعه ولاساعتين ..

تتغنج وتحجي ..
يممممه .. اتخبل ع الي تغار اني ..
وبنات خالتك .. يريدن ياكلنك بعيونهن ..
اي چا غير اخذتيني منهم ع الجاهز انتي ..
واني شعليه دكيت بابك انيلو ضربتك ع ايدك ..
لايابه لا .. لا دكيتي ولاضربتي ..عمي اني استقتلت ياله حصلتج ..
قصدك زحفت ..
اييييي ع اديه ورجليه ..
خاصه بالمستشفى ..
هاي يعني حسيتي وجنتي تشوفيني الوب ..
اي وغلست ..
هههههههه لا ياخبيثه ..
راح اعاقبج ..
شلووون ؟؟
رفع شالي من صدري وباسني بقوة من رگبتي ..
حسيت شلع وصله من المكان ..
اخ اخ حمزةشسويت ..
هاي حته بعد متغلسين ..
ترة اذيتني ..
اسويلج غيرهه ؟
ابتعدت عني لالالا دخيلك ..
وكفت ع المرايه ترتب بشالهه وبعدين حضرنه ملابسنه ..
خلصنه نزلنه سلمنه عليهم .. كولهه باقيه البيت هوسه معزومين ع غده ..
عفنه الهوسه وطلعنه بعد مودعناهم ..
حيدر اخويه وصلنه للمطار بسيارتي علمود يرجعهه للبيت ..
صعدنه الطيارة وطارت بينه لاذربيجان .

ساعات وصرنه بأذبيجان ..
طول فترة الرحله هموس نايمه اول شي جانت خايفه لان اول مرة تصعد طيارة وبعدين نامت ع جتفي طول فترة الرحله ..
نزلنه بفندق اني اصلا دائما احجز بي لان مو اول مرة. اجي زياره لذلك يعرفوني زبون دائمي الهم ..
حجزت سويت كامل مخصص للعرسان وهمه فنادقهم وسويتاتهم ابد مو مثل الي عدنه .. هنا اكبر واحلا وارقى حته الاكل بي توصيل ومن افضل الانواع ..
اول مادخلنه سويتنه ..
العامل كان موصل اغراضنه قبلنه للغرفه ..
اول مدخلنه هموس ذبت نفسهه ع الجربايه غفت بملابسهه ..
معوزة نوم ..
اندكت الباب مجنه طالبين شي بعدنه بس اجه العشة كهديه للعرسان من ادارة الفندق ..
عشاء رومانسي شموع ومشروب كحولي واطباق اكل عراقيه ..
بقه الاكل بمكانه والاطباق مغطايه رحت يم همس دا اريد اكعدهه نتعشه سوة ..
هموس .. حبيبي .. كومي خلي نتعشه .. جوعان حبيبي كومي خلي ناكل .. من الريوك كولشي محاط بمعدتي ..
جاوبتني بصوت ناعس ..
نعسانه والله ..
اي الوكت كوله بالطيارة انتي نايمه ..
اي انت البارحه مخليتني انام ..
ياربي صبرني .. هاي انتي شلون دتحجين .. ترة هذا صوتج .. احم .. يثير مشاعر جياشه بيه ..
ماردت ..
هاهم خجلتي ..
باوعتلهه لكيتهه نايمه ..
تمددت بصفهه بس حست عليه حضنتني سحبتهه لصدري خليت راسهه ع صدري وحضنت خصرهه وقربتهه اليه ونمت ..
الظاهر اسبوعين العسل راح نكضيهن نوم بنوم لاونسه ولا عرس هاي مبينه من اولهه هيج ..
يمكن ساعتين نمنه .. فتحت عيوني مالكيت همس بحضني الظاهر كعدت ومحسيت بيهه ..
ونة صوت الطيارة بأذني دوخني ..
طلعت همس من الحمام شعرهه لافته بخاولي ولابسه تراك وردي بي ارانب ..
باوعتلهه ضحكت ..
خري بحظي المصدي ..
عرفتني دا اباوع ع ملابسهه ..
هي هم ظلت تباوع ع نفسهه ..
ها شكو شبيهن ملابسي ..
لاحياتي مبيهن شي .. بس سؤال هذا السيت مال البارحه ابو خطر سريع الاشتعال ماجبتيه وياج ..
لاحبيبي جبته ..
اييي رحم الله والديج .. عاد هذاك استر ويسوي واهس ..
شنو قصدك ..شبيه تراكي .. .

حبي الارانب متسوي واهس محد معلمج ..
واهس لشنو ..
خرطت خدودي باضافيري بالشقه ..
راح انجلط وانتي السبب ..
يا ليش اسم الله عليك ..
اذا اسم الله عليه لعد لبسيلي لبس نوم مال اوادم بس دخيلج مو مثل الاحمر مال بارحه ..
هيج اريده يفضح ومايستر ..
يااا حمزة شبيك عيب والله استحي ..
هذا الي يجبرك ع الحرام .. عروس والجسم كيمر وحلالي وتكولي عيب استحي ..
حبيبتي اسمعي .. اذا انحرفت ف انتي سبب انحرافي ..
يعني شنو انحراف ؟
عظيت اصبعي .. لا اكيد راح تجلطيني ..
اووي شبيك ..
عافتني وراحت ..
هسه عاد لو برموده هم قابل بس بدون الارانب ..
صبرني ياربي ..
رجعتلي بهمه ..شايله بيدهه بطل المشروب الكحولي ..
فاتحه عيونهه عليه ..
حمزة هذا شنو ؟
ضحكت .. متعرفين هذا شنو ؟
الي بالي بالك ؟
شنوة ؟
شرب مو؟
اي ..
يمه .. انت تشرب ؟
لا ولج دزولنياه هديه ..
ومنو كاللهم احنه نريده ..
مو دا اكولج هديه يعني انتي شايفتلج واحد يتشرط بالهديه مالته ..
واحنه مراح نشربه مو بله حمزة .. عفيه ترة حرام ..
لاحبيبي بس كمع اشربج بس هاي الليله بلكي تحسين ..
كل عقلك اشرب والله ماحطه بحلكي ..
اتشاقه حياتي .. اكيد منشربه ..
اي عبالي ..
خلي نذبه ..
ولج وين تذبينه .. معليج بي خلينه نتعشه ونرجعه مثل ماهوة ..
سحبت ايدي وگومتني وكعدنه نتعشه سوة .. 15
مرت الايام واحنه نكعود الصبح بوقت متأخر نسبح نبدل وننزل جوة بمطعم الفندق نتريك لو نتغده ونطلع نتونس ماخلينه مولات مدينه العاب متحف حدايق مصايف مرحنالهه ونرجع بالليل هلكانين من التعب ..
بس التعب ميمنعني عنهه .. نعيش ليله من العمر وننام لثاني يوم لوقت متأخر ..
همس بعدهي ع طبعهه تستحي ولبسهه مستور كدامي ..متقبل تلبس ملابس نوم غير المستور للحظه افكر انو بيهه شي وحمه او عاهه متريدني اشوفهه او تخجل من شي بجسمهه بس والله من اعريهه بين اديه عبالك حوريه مو بنيه ..
الاسبوعين بسرعه عدن .. نفخناهن وطارن ..
هاي اخر ليله بأذربيجان وباجر حاجزين طيارة المفروض نرجع ..

[ملكةه]

البارت 29
جلنار .. اليوم يجون العرسان من شهر عسلهم وخالتي مسويه عشه ع شرفهم لان يجون العصر متأخر ..
الشغل والكرب بده من الصبح .. اني وايه نركض ركض .. خطيه اغلب شغل التنظيف ع ايه لان اني ماكدر ..حملي متعب وصلت بحملي 14اسبوع يعني تقريبا 3اشهر ونص .. بدة كروش صغير يبين ..
الشغله الي تخلص ب 5دقايق اني اسويهه بنص ساعه لان ع طول احس بثكل وحركتي بطيئه ..
احس ظهري انفصم نصين حييل گام يأذيني ..
زوجات حمويني مقبلت يجن لان اطفالهن مدارس وبدت امتحانات المدارس الابتدائيه وخواتهم المزوجات بغير محافظه يعني بعيدات وميجن يعني كولهه صارت براسي وراس آيه ..
كملت شغلي ..
صعدت لغرفتي علمود اسبح وابدل وارتب نفسي شويه ..
علي مموجود راح للمكتب يفتحه ساعه ساعتين ويرجع ميتأخر ..
اول مدخلت غرفتي لكيتهه هوسه ملابس رغم علي مرتب بس ماعرف شبي ويايه هذا هم حظي ..
رتبت غرفتي ..
كعدت ارتاح ع الجربايه .. من الالم بعد ماكدر ادنك نزلت دموعي ..
ظليت سانده اديه ع الجربايه ودموعي تنزل .. مهضومه ومتأذايه .. خالتي رجعت تحجي وتغلط وميعجبهه شغلي وتزيد عليه بالشغل خاصه من علي مموجود ..
هرموناتي دتتحكم بيه كمت اكره الطبخ بس مجبورة عليه اي شي اني اطبخه بس احط لگمه بحلگي منه واتذكر اني طابخته كبل اذبه ..
وعلي صرت ماحب يتقربلي يجيني شعور بالغثيان خاصه من يبوسني رغم هو نظيف وريحته طيبه وحته ميدخن بس اني السبب بالحمل مالتي ..
حته من يتقربلي امنعه يبوسني اوياخذ راحته .. كرهت شي اسمه لعاب ..
هو لحد الان متفهم .. لان شايفني قبل شلون جنت وياه ومن صرت حامل شلون اختلف الوضع ومقدر وضعيتي بس اعرفه ديضوج وديكتم بس شنو بيدي اسويه اله ..
ومن يكثر الصد للرجال شي ابد موزين ..
سمعت صوت خطوات ع الدرج اكيد علاوي مسحت دموعي وابتسمت اول مفتح الباب صارت ابتسامتي بوجهه ..
سلام عليكم ..
وعليكم السلام ..هلو حبيبي الله يساعدك ..
باسني براسي ورجع ليورة ..
عقد حواجبه ..
شبيج ؟باجيه ؟
لا حبيبي ..
شبيهن عيونج شو حمر ..
مابيه شي .. تعبانه شويه ..
من شنو تعبانه ..
من الشغل .. نفسيتي هم تعبانه ..
دمعت عيوني ..
جلنار شكو ..
ماكو شي بس وديني لاهلي شكم يوم ارتاح ورجعني ..
ماكو شكم يوم يم اهلج ممنوع ..
لعد وديني لهاله .. اختي تداريني ..
واني وين رحت حبيبي واختج تداريج ..
علي انت ياخذك الصبح يجيبك الليل يابالجامعه يا بالمكتب وينك عني بحالي قابل .. رجعنه مثل اول خليني اروح لبيت اختي ارتاحلي يومين ورجعني ..
هو شصاير حبي ؟
امك رجعت مثل اول واكثر شغل وغلط وصياح وكولشي ميعجبهه ويوم بعد يوم اني دا اتعب .. والله مدا اتدلل بس اني ماكدر اشتغل شغل ثكيل وحته الطبخ فوك راسي واني نفسي تلعب من الطبخ الاطبخه شكو شي اكله واتذكر اني طابخته رأسا اذبه ..
كمت ابجي .. حرام عليكم والله ظهري انكسر من الشغل ..
هسه ليش تبجين ياعيني ..
لان انت محاس بيه ..
صعد رجليه ع الجربايه يريد يخليني اتمدد كتله ..
وخرر ماريد .. اريد اكوم اسبح ريحتي كولهه زفر وتگلاه وعركانه صارلي نص ساعه كاعده اريد اكوم مابيه حيل ..
تعالي اني اسبحج ..
وخر علي انت سوالفك كولهه هيج .. حته بهاي تدور مصلحتك ..
فهم قصدي وضاج من كلامي واني ماعرف شدا احجي فتحت جبهه حته ويه علي .. هو صح مدللني ويهتم بيه بس اغلب وقته لشغله ومن يجي تعبان ينام وعود من بعدهه يتفرغلي ..
كومي اسبحي معليه بيج خاف عبالج رايد شي منج من كتلج اني اسبحج ..
مو قصدي حبيبي ..
مارد علية ..
بس تنهد وكعد بصفي ع الجربايه ..
ميلت راسي ع جتفه باوعلي بطرف عينه ..
ها هسه منو يتحارش ؟
لاتضوج بداعتي والله احبك ..
ماضجت ..
والله مبين ضجت ..
شويه ..
بسته بخده ..
مو كلنه لتتحارشين ..
ضضحكت .. ماراحت الشويه ..؟
حضنيي من جتفي ..
بعده ظهرج يأذيج ؟
من سمع صوتك هدأ عليه الالم ..
امممممم لعد كومي نسبح العرسان ع وصول ..
وغمزلي عرفت قصده رأسا ..
هااا هااا شگلنه ..شلون يحجي ويطلعني غلطانه وفكرت بي غلط وخلاني احس بتأنيب الضمير واصالحه ..
ههههههههههههههه .. اكو وحده زوجهه يكللهه خلي اسبحج ترفض هيج عرض ..
اي اني ..
بهاللحظه شالني من الفراش وهو يكولي ..
دنشوف منو يرفض ..
نزلني علي ..
اسكتي يمعوده لتسمعج امي وتكول ابني ديغتصب المرة ..
ههههههههه وانت صدوك هيج دتسوي ..
آآآخ اوفيييش ..
ولج شو صاير ثكيله ..
غير النونو ..
نونو توة 3اشهر يعني بعده بگدالحمصايه وانتي كرشتي ..
هاا يعني كرشت اني .. نزلني
لاحبيبتي منيلج انتي كرش اصلا ..
شكد لوتي ..
مصلحتي يمج شلون ماصير لوتي ..
ههههههههه وتعترف ..
سبحنه سوة وبالحمام حاول يتقربلي وكأني مو حامل ودخلت بنوبة تقيأ لحد ماصار وجهي اصفرمثل الليمونه ..
ماكو شي مااستفرغته وصلت لمرحله حسيت امعائي راح تطلع ..
علي يحاول يساعدني واني ماقبل اريده يبتعد لان خاف نفسه تلعب منو يت

منو يتحمل هيج ..
بس هو ماسمع مني ..
كعدت بالكاع مهدود حيلي وجهي اصفر احس روحي طلعت مو بس استفرغت ..
دخت وضغطي نزل ..
تقرب مني علي غسلي وجهي واديه واني كاعده واخذ خاولي نشفني ولبسني وهو لبس ع السريع شورت وفانيله ..
نظراته بيهه ذنب ..
لف شعري بخاولي وگومني .. شالني وطلعني ..
خلاني ع الجربايه تمددت وخله مخاديد عاليه جوة رجليه لان گتله دايخه وضغطي نزل ..
عدنه ثلاجه بالغرفه وبيهه لبن ولان ضغطي دائما ينزل من صرت حامل لحد هسه فالملح والاشياء المالحه دوم وياي ..
سوالي اللبن بگلاص وحطلي ملح زايد عليه وشربته ..
حسيت صرت شويه احسن وشعور الدوخه راح ..
تمدد يمي علي ..
كالي .. اني اسف ..
حبيبي ..
تقربت منه وحضنته صار راسي ع جتفه وهو هم حضني وقربني اله ..
گتله .. شفت والله مدا ادلل عليك ..
هذا مو حمل هذا غضب ..
لعد شسوي قابل بيدي ..
محجيت شي حبيبتي ..
اممممم ..
اليوم العرسان يجون ..
اي اعرف لعد الكرب والهوسه من الصبح لسه علمود من .. غير علمود العرسان ..
لعد شو محد اجه يعاونكم ؟
منو تقصد ؟
نسوان اخوتي ..
يكولن اطفالهن عدهم امتحانات ميكدرن يجن من الصبح عود يجن تالي وكت ..
هم زين ..
حبيبي اني بعد مانزل ..
صد عليه ..
ليش ؟؟
والله ظهري متكسر ..ترة موحمل اصعد وانزل درج ماكدر ..
عاد بس نزلي سلمي ع العرسان من يجون .. عيب ترة ..
اي اوك انزل اسلم وبعد معليه ..
شدوا روسكم ياگرعان ..
عرفته يقصد ع امه ..
كتله .. الله بعظمته يرحم هي مترحم لييييش .. ارحموا من في الارض يرحمكم من في السماء ..
ادري حبيبي ادري ..
تمددنه شويه علاوي غفه خطيه تعبان يمكن منايم الظهر .. كمت من يمه بهدوء خليته ينام لان هو مو مثلي يبدل ويتجهز بسرعه اني شويه بطيئه خاصه المكياج اتمكيج بفهاوة ع كيفي ..
بدلت فستان وردي ع بنفسجي فيزون صح حار بس هو الدارج يصير حصر من الصدر والباقي جرس مو كولش عريض لذلك حملي والكروش الصغيرون مبين شويه ..
حطيت مكياج ودا الف بالشال كعدت علاوي حته يكوم ..
سحلته سحل من الفراش كام غسل وبدل وجان ديمشط واني بعدني اعدل بالشال ..
دراني عليه ..
شو تعاي يمي ..
تقربت ..
اخذ الدنابيس مني خلاهن بين شفايفه عدلي الشال طبكه من الحافه شويه وقسمه بالنص وحطلياه ع راسي حطلي قارصه صغيرونه واخذ طرف الشال الايمن لفه ع الجهه اليسرة وحطاه دنبوس واخذ الطرف الثاني مال الشال ولفه ع الجهه اليمنه وحطله دنبوس لاخ من فوك صار شكل الشال وكأنه نص دائرة وشعري شويه طالع يرادلي كب ..
گلي كملت ..
انداريت للمرايه مطيته ظهري وهو ورايه ..
باوعت حلوة اللفه مال الشال ..
هاي شنووو منين متعلمهه ..
عدلت ياخة قميصه ورفع راسه بانفه ..
لعد شعبالج .. اضبط منج ..
تخصرت له ..
منو معلمك هااا اعترف من. معلمتك ..؟
هههههه محد والله ..
اخذ ايدي المتخصرة بيهه وباسهه ..
لاتلغمط عليه الموضوع ..
شو انتي طالعه حلوة حبيبتي ..
ها علي !!
وداعتج من النت شفتهه فديو بنيه بلوگر ناشرتهه ..
هاااا
فديت الي تغار ..
يله ننزل ..
اذا كملتي يله ..
اي كملت ..
نزلنه سوة ..
لكيت زوجات حمويني موجودات وجهالهن وياهن وحموديني الكبار همين وعمي موجود ..
سلمت عليهم نفر نفر وگعدت ..
اباوع هوسه الجهال .. يبوو راح كل تعبي وتنظيفي .. مو علساس عدهم امتحانات شجابهم ..
مرت نص ساعه واحس راسي صار طبل من هوسه الجهال صح احب اللمه لان البيت هدوء بس هم مو هيج يعني امهاتهم كاعدات يسولفن ولايصيحن بيهن ولا عبالك اكو هوسه وصوت ويتراگضون منا ومناك ..
شويه ونسمع صوت زفة هورن سيارة .. حيدر هو الي راح يجيبهم من المطار ..
وصلوا العرسان ..
طلعنه الهم كولنه استقبلناهم بالهلاهل والجكليت ..
سلمنه عليهم وباركنالهم وگعدنه كولنه بالصاله گعدوا يسولفون ع السفرة مالتهم ..
طبعا حمزة هو الي يسولف لان همس خجوله وقليلة الكلام ..
صارت گعدتهه يمي .. حسيت باحساسهه تحس نفسهه غريبه بنصهم ..
رغم حمزة كل شويه يحاول يشركهه بالحديث بس هي تجاوب بكلمه كلمتين وتسكت ..
صح جنت كاعده يمهه بس ابد ملتفتت عليه ..
اخير شي انسحبن البنات للمطبخ حمزة شاور همس كامت وياهن عرفتهن راحن للمطبخ وراح يبدون يحضرون بالعشه ..

شاورت علي ..
حبيبي شد راسك ..
ضحك افتهم قصدي ..
گلي .. حبيبتي اني مو اگرع ..
همستله .. احبك .. سويلي لفه عود من تصعد ..
تكلفج ترة ..
جاهزة حبيبي .. بس ها حسب كبر اللفه ..
هههههههه صايرة ام بطن ..
هههههه لان انت حتسويهه عقلي ميفكر اني طبخت فأكلهه بدون ماذبهه ..
عقلج هذا نغل ..
لاتحجي ع عقلي ..
ماشي روحي يله ..
ها تريد تخلص مني ؟
لا بس كولهه فلتت للمطبخ بس انتي باقيه وامي عينهه عليج تخزر بيج ..
لاعفيه .. افلت بريشاتي احسلي .. باي حبيبي ..
ضحكلي وكمت ..
صعدت كبل لغرفتي ..
نزعت شالي وتمددت فتحت التلفزيون ظليت اكلب استقريت ع فلم عربي تابعته من النص شو شويه وغفيت ..
محسيت ال 5
تكمله بارت 29

الاّ ع علي وهو يفتح الباب ..
ها حبيبي ..
صح النوم .. شنو جنتي نايمه ؟
اي ..
خلصتوا العشه ..؟
ياعشه حبيبتي الساعه دعش ونص ..
يااا هلگد نمت اني ..
يمكن لان تعبانه ..
اكو احد جوة ؟
لا كولهه رجعت لبيوتهه والعرسان طبوا غرفتهم ..
ضحكتله .. وانت حبيبي ؟
واني يابعد عمري تسحبت للمطبخ مثل الحرامي وسويت لمرتي ام كرش لفه لان خطيه نامت بدون عشه واكيد هسه جوعانه ..
اي والله حبيبي جوعانه ..
كعدت ع حيلي ..
اخذت اللفه منه ..
حته بعدج بهدومج ..
اي حبيبي اول معفتك وصعدت بس ذبيت روحي ع الجربايه نمت ..
اخذت اول عضه من اللفه ومديتله ايدي البيهه اللفه علمود يعض العضه الثانيه ..
لاحبيبتي شبعان اكلي انتي ..
اممممم ظليت اتدلع .. لاتردني .. ميرد الكريم الا البخيل ..
ههههههه هاي عود دتحرمصيلي صرتي كريمه وطلعت اني بخيل ؟
هو منو سوالج اللفه اصلا .. شودجيبيهه ..
جرهه من ايدي اخذهه واخذ عضه شكبرهه منهه ..
لالا حبيبي عفيه والله جوعانه .. حباب شجاك ..
بعد ايده البيهه اللفه عني .. كالي ..
منو الكريم ؟
انت والله انت ..
ومنو البخيل ؟
اني اني ..
شوف شوف .. تستقتلين علمود لفه ..
دجيبهه حباب ..
اخر مرة .. لتسويهه بعد ..
والله بعد ماسويهه ..
طاني اللفه واكلتهه بسرعه خاف يرجع بكلامه وهو كام يبدل ملابسه ويباوعلي مبتسم لان دا اكل بسرعه ..
لتغصين ع كيفج ..
هزيت راسي اي وحلگي متروس اكل ..
خلصت لفتي اجه علي يمي لابس بس الشورت والفانيله ..
هاا شنو تسويلي اغراءات ..
ياريت لو تفيد خاف تذبين اللفه بوجهي ..
كمت ذبيت ملابسي وبدلت ملابس نوم ..
اجيت بحضنه ع الجربايه جان لازم مبايله ممنتبهلي ..
كتله .. صار شي جوة .. خالتي هم حجت عصبت ..
رد عليه بدون ميوخر عينه من مبايله ..
اي اكيد وباجر تكملهه عليج من الصبح ..
يوووه .. شوكت يخلص بناء بيتنه ..واخلص ..
حبيبي اصبري .. خليته بيد مهندس ثاني ..حته يستعجلي بالبناء ..
اي خوش ..
باله مو يمي اضوج من هيج حاله كون من احجي ينتبهلي ..
جريت المبايل من ايده بسرعه وخفه وسديته ..
هاي ليييش .. مو چنه نحجي ويه العالم ..
ماكو عالم تحجي وياهه غيري .. هذا وقتي اني .. حصتي بيك ..
يابه فديت الي يدور حصته ..
باسني بشفتي بوسه خفيفه ميكدر يسوي شي اكثر لان خاف اذب الاكل بوجهه .. هههههه شكد حباب ..
ترة نعسان ..
واني شبعانه نوم ..
غمض عيونه يريد ينام ..
عليييي لاتنام وتعوفني وحدي ..
حبيبي والله تعبان ..
طيني مبايلك العب كلاش بالقريه مالتك ..
بس مو تخلصين فلوسي ..
هههههههه تحصل كومه فلوس حبيبي واذا خلصتهن ..
امري لاالله ..
اخذت جهازة وكعدت العب كلاش ..
يمكن للساعه 2 ياله نمت .