هنا

[بهلول الرشيد]

مفطر ولامامفطر انه شنو والجكاير
وداعتكم عندي مره ايده والخشبه بس اشرب جكاره وعلى راسي
وعلى راسي وانه اصيح اوكفي يمعوده بس هالنفس ولاواحد يسمعني
طبعا مضار الجكاره اكثر من فائدتها والف الحمد لله والشكر حين تركتها
خلفي بعد صراع طويل امتد الى 39 سنه وانه امصمص بيه وماشبعان من حبه العقيم
مع تحيات عمكم بهلول

[Jawad980]

اخي ما تفضلت به في هذا الاقتباس ليس بدليل على عدم الافطار او الحلية
فالغيوم ايضا يرفعها الهوء فهل الماء الذي ينزل على شكل المطر غير مفطر ؟؟؟؟
الغبار الغليظ ايضا يرفعه الهواء فهل الغبار الغليظ اذا دخل جوف الحلق يكون غير مفطر ؟؟؟
واكثر من ذلك فاحيانا الهواء القوي يرفع حتى الاسماك والضفادع واشياء اخرى
فهل السمك والضفادع اخف من الهواء
لذك في خصوص الجكارة وغيرها في المسائل المستحدثة
انا قلت كل واحد يراجع مرجع تقليده و يسئله عن اي اشكل قد يواجهه

مرحباً أيها الطيب ؛ إذا تلاحظ أنا قلت " يرتفع " ولَم أقل يرفعه الهواء ! فَـ هناك فرق بين ما يرتفع بذاته وما يرفعه غيره ( الهواء ) .. مثل قولنا قام فلان .. و قولنا أقاموا فلان . والرد ع التعليقات كنت أرمي به رداً ع تعليق العزيز رامي .

شكراً لاهتمامك بالتعليقات مشرفنا الوردة .

[الرميثي]

شكرا للتوضيح عزيزنا جواد
نورتنا بردك الجميل

[Jawad980]

بما انك اندكيت بيه بردك ف اتحملني شوية هههههه


خلي اناقشك بنقطة نقطة

اولاً

گلت ان دخان الجگارة اخف من الهواء ، بعتبارة يرتفع ، زين (العجة) شنو تعتبرها غبار دقيق ؟ تره هم تطير بالهواء ، يعني اذا تاكل رذاذ التراب ماتفطر ؟ زين بجوابي السابق على احمد كلت اذا نخلي الجكارة بفلتر و نشربها راح تترسب مادة سوداء ، برأيك اذا ردت اتذوق طعم هاي المادة بعد كسر الفلتر ما اعتبر روحي فطرت ؟

حبيبي رامي ( أبو العجة ) ليش آني مخبل حتى أندگ بيك ! أنته هنا شبه حكومة ..... وآني مواطن درجة ٢ ههه

أسمع يا حبيبي :

أولاً العجة مالتك وغبارها الغليض هو يرتفع بفعل الهواء وبمجرد سكون الهواء يستقر الغبار بشكل واضح ( نفس نظريتك مال السيارة ) يعني : هناك ما يرتفع بذاته ( إذا هو أخف من الهواء ) وهناك ما يرفعه الهواء بقوته وبمجرد زوال قوة الهواء ينزل بثقله ( ذلك أثقل من الهواء وبالتالي هو غبار غليظ ) ..

هسه نجي لنظريتك مال الفلتر ، شوف يا حبيبي ؛

بصالة العلميات جاي نستخدم الكب ( غطاء الأنف والفم ) طول الْيَوم تقريباً ، ولاكثر من كب .. لما نجي نشمره نلگه بيه كومه شوائب ! هل هذا يعني أن الانسان بلا ( كب ) .. هو مفطر ! حسب نظرية الفلتر !!



ثانياً

كثير من علماء الدين اجازوا التدخين مو بس السيد الصدر ومثل ماتفضلت هو ماكو تحريم قطعي استناداً الى انه مابيها امر اللهي او حديث نبوي ولكن نرجع ونكول الله مو بكلشي لازم ينزللنا اية او النبي مو الا يتدخل بكل التفاصيل ... لازم نفكر بيها بنفسنا

الكثير من المراجع أباحوا التدخين !! أين هم ؟ ولما لم تحدث تلك الضجة التي حدثت في زمن السيد الشهيد ولا زالت مستمرة الى الآن !!

و إذا كان هناك مراجع أباحوا ذلك ، شنو داعي هالجدال المستمر !!

بعدين لكل أختصاص أختصاصة يا حبيبي وإلا شنو الداعي للمراجع ! وشنو داعي للطبيب ! وشنو داعي للمهندس وغيره ..... إذا كل شيء نحكم به أنفسنا كما تقول !!!


اما عن قضية مداعبة الزوجة ، ارجع لرأي اكثر المراجع ستجدهم ينهون عن المداعبة لانها تُثير الشهوة و بالتالي قد تُبطل صيامك إذنْ كلامي لم يتناقض ! صديقي جواد خلي نحدد سياق الحديث اكو فرق بين محرم وبين (على الاحوط وجوباً) الابتعاد عنه كي لا يُفطر ، النظر للزوجة بعين الشهوة برأي اتوقع حتى محمد باقر الصدر و السيستاني على الاحوط وجوباً عدم فعلة فما بالك بالغريبة ؟

ارجع لتعليقك و شوفه ...
گلت اللذة مفطرة .. لو نسيت !



والنظر للمرأءة ( سواء الزوجة أو الغريبة ) غير مفطر يا صديقي ، نعم هو ذنب ولكن ليس كل الذنوب مفطرة بعد روحي .. ولو كان النظر مفطر لما بقي صائم .. ههه وانته اعرف بالمجتمع .

وبالنسبة للمحرم والاحوط وجوباً يا حبيبي تره احنه هم نقرأ ومار علينا .

• بصراحة مشتاق لسوالفك

[انسان ثاني]

ارجع لتعليقك و شوفه ...
گلت اللذة مفطرة .. لو نسيت !



والنظر للمرأءة ( سواء الزوجة أو الغريبة ) غير مفطر يا صديقي ، نعم هو ذنب ولكن ليس كل الذنوب مفطرة بعد روحي .. ولو كان النظر مفطر لما بقي صائم .. ههه وانته اعرف بالمجتمع .

وبالنسبة للمحرم والاحوط وجوباً يا حبيبي تره احنه هم نقرأ ومار علينا .

• بصراحة مشتاق لسوالفك

صلي على النبي يمعود انتَ الحكومة واني مواطن درجة خامسة هههه


اشوف اعطينا القدر الكافي للنقطة الاولى

اما النقطة الثانية فـ راح اذكرلك كم اسم ، فضل الله ، و قسم من علماء الشيرازية ، و سمعت مرة من ولد يگول (الحيدري) انا ما متاكد من هذا الكلام لان ماسمعتة بنفسي ، يتبنون نفس فكرة الصدر ، اما الضجة انت چنت مُعاصر لزمن السيد وتعرف تبعات هاي الفتوى ، قُيل حينها (السيد راد يكسب ود المواطن البسيط الي عنده الجكارة اهم شيء بالدنيا) لذلك خرجت الانتقادات ، اما لمسئلة تحريمها فـ انا لم اسمع اي مرجع يحرمها بالقطع ولكن جميعهم يفضلون تركها ( تفضيل و ليس نهي)


اما النقطة الثالثة ، انا ما ناقضت نفسي لكن ايجوز خاني التعبير ، و ارجع واكول اللذة مُفطرة ، و انا قلت النظر للزوجة او الغريبة (وحددت نوعية النظرات يا جواد ههههه ) في بعض الحالات قد يُفطر لذلك للاحوط وجوباً ترك هذا الامر عند الصيام ، و اكيد الكل يقرا واخوك الصغير اني تقبل حديثي كما عهدتك دائماً بصدر رحب

و اني مشتاق لوجودك يا صديقي

احبك ^_____^

[Jawad980]

شكرا للتوضيح عزيزنا جواد
نورتنا بردك الجميل

الشكر لك لأسلوبك الرائع أيها الرميثي

[Jawad980]

صلي على النبي يمعود انتَ الحكومة واني مواطن درجة خامسة هههه


اشوف اعطينا القدر الكافي للنقطة الاولى

اما النقطة الثانية فـ راح اذكرلك كم اسم ، فضل الله ، و قسم من علماء الشيرازية ، و سمعت مرة من ولد يگول (الحيدري) انا ما متاكد من هذا الكلام لان ماسمعتة بنفسي ، يتبنون نفس فكرة الصدر ، اما الضجة انت چنت مُعاصر لزمن السيد وتعرف تبعات هاي الفتوى ، قُيل حينها (السيد راد يكسب ود المواطن البسيط الي عنده الجكارة اهم شيء بالدنيا) لذلك خرجت الانتقادات ، اما لمسئلة تحريمها فـ انا لم اسمع اي مرجع يحرمها بالقطع ولكن جميعهم يفضلون تركها ( تفضيل و ليس نهي)


اما النقطة الثالثة ، انا ما ناقضت نفسي لكن ايجوز خاني التعبير ، و ارجع واكول اللذة مُفطرة ، و انا قلت النظر للزوجة او الغريبة (وحددت نوعية النظرات يا جواد ههههه ) في بعض الحالات قد يُفطر لذلك للاحوط وجوباً ترك هذا الامر عند الصيام ، و اكيد الكل يقرا واخوك الصغير اني تقبل حديثي كما عهدتك دائماً بصدر رحب

و اني مشتاق لوجودك يا صديقي

احبك ^_____^

آي لاڤ يو .. تو .. رامي

[الرميثي]

سؤالي لكل الاصدقاء الاعزاء الي شاركوا بالرد على هذا الموضوع
انتم تدخنون لو لا ؟؟ هههههه
الي ما يدخن جكارة لا يتعب نفسه لانه في راحة من همها وغمها

شوفوا البنات لانه ما يدخنن ماشاركت ولا وحدة منهن بالرد على هذا الموضوع
اني ما ادخن واضوج من ريحة الجكارة

[حسن هاشم]

هسة طلعت تفطر لوما تفطر

[الرميثي]

تنـويــه
اخواني الاعزاء
نحن لسنا فقهاء في الدين ولا يمكن ان تغني اجاباتنا عن مراجعة الفقهاء
ولكننا ننقل ما يقوله الفقهاء حول هذا الموضوع الذي اثاره الاخ احمد الناصري
وقد تركت الموضوع يأخذ مداه في النقاش الممتع والمفيد مادام عند بعض الاصدقاء
اضافات وتعليقات تعمق مبدأ الفائدة العامة