هنا

[ملكةه]

تكملة البارت 8

شهم : " وينة الحلو غايب عليه اليوم
بيمن ملتهية شفت سيارة ببابكم غريبة عدكم ضيوف ؟
هند : " رديتلة اليوم جنت ملتهية عندي شغل
ويمنا ضيوف مشتاقتلك وربي ..
شهم : " ما اعرف منو هاي الضيوف الي يمهم
اول مرة اشوفهم .. احتمال بيت عمامها .. !
اشوكت اتصير بالوحدة واشوفها ماكو صبر ..

هند : " لميت المواعين وغسلتهم
وعفت اهلي وحسن كاعدين
صبيت الجاي ..
وكلت : اني اترخص رايحة انوم سارة
حسن : " بعد وكت .. جيبيها انومها .
هند : " لا من تنام بمكانها اتضل للصبح نايمة ..
ضوجتني اريدها تنام ..
حسن : " لدكولين ضوجتني متريديها
اني اريدها فدووة شكد محبوبة ..
هند : " ههههه يومين وتشمرها عليه
لتشوفها تضحك ترة تخبلك ..
حسن : " وشعندي اني راضي اتخبل .. ابتسمت الها ..
هند : " ماعرف شجان يقصد اترخصت منهم
اخذت سارة ورحت ..
يله حنومها اذا مانمت انزل ..
حسن : " منتضريج ..
هدى : " تعالي نلعب دومنه وين رايحة ؟
حسن : " اي والله ايام الدومنة صدك
هبة : " نوميها وتعالي ..
هند : " باجر اليوم تعبانة
هدى : " اووو لازم اطلع حجة ..
هند : " هههه ولج اذا نامت من وكت انزل..
صعدت سارة بسرعه طبيت سبحت
عاالسريع وثبتت شعري .. وكعدت عيني عالشباك
شهم : " اي اي صعدت الضوة انفتح خلي اشوف
هند : " شهم يتصل ..
الو .. ؟
شهم : " يااا الواات وينج عايفتني وحدي اليوم
هند : " هلوو حياتي مو عندي شغل ..
شهم : " واني ما اقبل اي شي بالكون يبعدني عنج
هند : " بعدهم كاعدين خلي ينامون عيني عالباب اخاف ..
شهم : " منو الضيوف الي عدكم .. !
هند : " حسن ابن عمي .. !
شهم ها الي ماخذ اختج .. !
هند لا اخوه ..
شهم : " ممم شرايد .. ؟
هند : " ماكو شي عندة شغل اببغداد
ومر علينة .. من تجي نحجي ..
شهم : " ماشي كتوكتي اموت على هالصوووت احبج احبج ..
هند : " هههههه اموت عليك يله روووح عاد ..
شهم : " وين اروح جايج بالليل .
هند : " راح ينور البيت ..
.شهم : " ابنورج يابعد الدنيا واهلها ..
هند : " كافي روم عاد هههه
شهم : " صار صار ..

هند : سديت الجهاز ونزلت اشوف الوضع ..
امي وابويه نايمين .. وسهى بالغرفة كاعدة ترسم
سديت الباب عليها استغربت حسن وينة ؟؟
انداريت ..
حسن مرتجي على الحايط ..
حسن : " .. لازم نامت
هند : " اسم الله فززتني..
حسن : " ههههه اشبيج .. !
هند : " اي نامت اجيت اشرب مي ..
حسن : " اكدر احجي وياج .. ؟
هند : " ابخصوص شنو ..
حسن : " اكدر احجي لو لا ؟
هند : " احجي ..
حسن : " اهنا !؟
هند : " لعد وين !!
حسن : " اقصد تعالي نكعد
ابغرفة الخطار ونحجي افضل ..
هند : " لا بنتي فوك اخاف تبجي وما اسمعها
واني مستعجلة ..
حسن : " لعد روحي باجر نحجي ..
هند : " من رخصتك ..
حسن : " ما اعرف ليش تحجي وياية ابهالشكل !
احسها تبتعد عني .. بس عمي جان حجيه
غير شكل ممم يمكن اتكون خجلانة مني .. !
هند : " اووف اوووف ما اعرف اشلون
اتخلصت منه وصعدت .. ولكيت مكالمة ورسالتين من شهم
شهم : " وييييج ردي ماكو صبر ترة راح اطفر ردي
هند : " عززة بعيني شبي ههههع رديت ..
تعال بس بدوون صووت ..
فتحت الباب على كيفي وشفت شهم وطولة الحلو
جاي يمشي بالسطح ..
شهم : " وينج موتنيني اليوم ..
هند : " هسة مو وكتها تعال جووة ..
شهم : " شبيج خايفة ..
هند : " ابن عمي جووة لايسمعك ..
شهم : " تعالي لعد جوة ..
هند : " قفلت الباب وكعدنة نحجي ..
شهم : " مشتااااكلج اهواية ..
هند : " اني اكثر ..
شهم : " شو اليوم احسج بااردة
كلامج متغي .. !
هند : " دنكت.. شهم ..
شهم : " ياكلبة وروووحه .. عيوني الج كولي
هند : " شهم ابن عمي اهنا ..
شهم : " اي !!!
هند : " جاي يخطبني ..
شهم : " تشاقين ..
هند : " لا والله ما اشاقة هو من قديم اتقدملي
ورفضتة وهسة رجعلي ..
شهم : " وانتي اموافقة .. احجي !!
هند : " طبعا لا ..
شهم : " بعد شكووو مدام رافضة ليش ضايجة !
هند : " بعدك متعرف ولد عمي من يردوون شي
ياخذو لو بالغصب .. !
شهم : " وكفت على حيلي .. دشوف الي ياخذج مني منو ..
هند : " نصي صوووتك اشبيك اتريد تفضحني .. !!

يتبع ...

[ملكةه]

سحرتني_جارتي ﴿ 9 ﴾
شهم .اتقربت الها وخليت راسها على صدري
اسمعي هند..اسمعيني يعمري .. انتي احلى شي بحياتي
ومستحيل اضيعج مني لا ابن عمج ولا غيرة ياخذج مني مااشي..
رفعت راسها باوعيلي من احاجيج حبيبتي انتي لتوافقين ثقي بية اني مستعد اتقدملج..لو كل الدنية توكف بوجهي..
هند.. ..هذا يوم المنى..واكيد اني رافضة
بس اهلي يلحوون بس هالمرة مراح يكدرون
يقنعوني مثل المرة الفاتت..
شهم.. اي عفية صيرري قوية هذا الحجي الصحيح لتضعفين اني وياج للموت..
هند. ان شاءالله عمري..
شهم.. داكول اليوم مختفية طلع الشفية هنا..
وين جنتي كاعدة شافج..سلمتي عليه
هند..اي شافني ..
شهم،، اهاا ومكيفة يعني،،.
هند.. شبيك شهم شنو مكيفة انت تعرف اني احبك الك ..مابگلبي غيررك
شهم.. واني ماريد يغيري يلمحج..متطلعين بعد علية.. شوكت يروح هوى..
هند. ماعرف عندة شغل ببغداد..
شهم.. يعني مطوول ماشاءالله..
هند.. شبيك هههت تغار
شهم.. اش ماسمع كافي..
هند. حبيبي زعلت..
شهم كلت اش سدي السالفة..
هند.. صار حبيبي ..
شهم.. متطلعين بعد علية افتهمتي..
هند.. ماكدر حبيبي هذا ابن عمي ورابين سوية
واحنة اهل..عيب مااطلع كدامة..
شهم.. ترة مابية اسمع سوالفج خلي اروح ماريد يطلع مني حجي يزعلج..
هند،، تعال لتروح شبيك..
شهم.عوفيني خرب مزاجي..خلي اروح
هند.. دانتضرك من العصر تالي بساع تروح
شهم.. انتي الي تنتضرين لو اني الي احسب دقائق روحي نامي وراية دوام ..رايح انام ودشوف باجر شلون تخلص ويا الشفية العدكم
هند. ههههه ماشي حبيبي تصبح على خير
شهم . بس اتريدين تخلصين مني..
هند .. يبو هههه احتاريت وياك..
شهم كبل للفراش جوة متنزلين ماشي
وهاي دشداشتج تلبسيها فقط الي
لا حسن ولا اهلج يشووفوج بيها
هند.. هههههههه تأمر يبعد الگلب ودگاتة..شعندي غير هالشهم اني
شهم.. روحي ام اللسان لا اجي اكلج تره مابيه على حجيج هذا تريدين تخبليني لتخليني اسوي شي... ولج روحي
اشتعلوو اهلج روحي عاد.ترة ماكدر اقاوم حسنج النوب لسانج ولج مو ذبت روحي.
هند . ههههههههه اووك گلبي حسكت تأخرت روح
شهم. تعالي..!
هند.. هاا
شهم..بوسة وحدة. بس..!
هند... هسس روووح
شهم..احترك عمي ..لج بوسة بس
هند،. روح عاد حروح ..
شهم،، وين تروحين مني...روحي تصيرين بيدي
راح شهم ..ورحت لفراشي نمت حجي شهم وردة فعلة طمنتني..ان شاءالله يكون من نصيبي بلكي ارتاح وياه..
شهم.. نار وشبت بيه اريد انام بعد ماكدر هذا يمهم.. ويشوفها كل دقيقية واني بعيد عنها ومابيدي شي لازم الكة حل هند الي ماريد اخسرها..((( اساور العزاوي))
هند.. كعدت الصبح نزلت سويت بيضة لسارة وكعدت اأوكلها.. اهلي جوة كاعدين همة وحسن
ام هند. شو هنا بالمطبخ كاعدة كومي تريكي جوة هنا حارة..
هند.. لا مرتاحة هنا..

تكملة البارت 9
ام هند كومي بلا عناد ابوج يردج..
هند،. شكو يمة اذا موضووع حسن كتلج محسووم
ام هند كوومي داكلج شوفي شيريد لتبقين تلاسنين بية..
هند،، استغفر الله كعدت من الصبح على هالسوالف تالي ،. كايمة رايحة دشوف تاليها وياكم..
غسلت السارة واخذتها ويايه للغرفة الخطار..
صبااح الخير..
الجميع..صبااح الورد..
ابو هند اكعدي بنيتي..
حسن.. انطيني سارة اشتاقيت الها ..
هند.. اخذها ضوجتني..
ابو هند.. بنتي حسن موغريب وابن عمج..
وجاي يتقدملج وبرضات زووجتة ..وابن عمج زين الشباب مولان ابن اخوية مراح تلكين احسن منة
هند.. بقيت صافنة على ابوية شديحجي وجمالة موافق وكدام حسن ديحرجني..
هند.. اني ماريد اتزوج..اريد اربي بنتي..
حسن .. هند بنتج هي بنتي وراح اخليها بعيوني تعرفين اني شكد احب الاطفال ومحروم منهم اوعدج اكون اكثر حنان من ابوها عليها
هند.. اني ماعيش بالانبار بعيدة عن اهلي..
حسن.. اأجرلج بيت هنا اروح وأجي سبوع هنا
سبوع هناك يم زوجتي..
هند.. بس اني مااريد اتزوج ..ليش متفهموني
حسن.. انتي بنت عمي واني حزام ضهرج
وانتي حلوة وماناقصج شي الزواج ستر
وراح تكملين نص دينج .. وياية واني راح اكون الج عون والي تريدي اني حاضر.. بالي تأمرين بي مراح يغلة عليج..
حسن.. لتستعجلين بالقرار فكري واني انتضر ردج وانتضرج لو الاخر العمر..
هند.. اني اروح انضف.. اترخص..
شهم .. اريد ادرس الطلاب ماكدر بالي مشووش فكري يم هند.. هسة كاعد وياهه شافها حجه وياهه شلون راح اتخلص منه اني لازم اتقدم الها وافضها ..
هند،. منين طلعتلي حسن اجيت ويا مابدت سعادتي ..ويا الانسان الي جنت احلم بي كل عمري..
شهم ..رجعت للبيت
يوم جوعان رحمة على جدي صبيلي اكل..
ام شهم.. شبيك يمة عبالك مزعوج
شهم .. يمة جووعان صبيلي غدة ابدل وانزل
ام شهم.. اي اي لازم واحد ميحاجيك مشتري الكلام وكوة يطلعة عبالك بفلوس بين ماحمي انت غسل
شهم.. غسلت وكملت وكعدت اكل..
الحمدلله يمة كملت عاشت ايدج ..
يمة اني اريد اتزوج..
ام شهم .. صدك ابني هاي الساعة المباركة منو بس اشر هسه اخطبها الك..اكيد منى..
شهم.. لا يمة كتلج ماريد منى اريد وحدة شفتها وعجبتني..
ام شهم .. اي بالله منو هاي هسه تطلع لا اصل ولافصل..
شهم.. يمة بدينة..!
ام شهم دكول منو هية..!
شهم.. بنت جوارينة هند..
ام شهم .. ولك المطلكة..
شهم ، اي عفية عليج هي هاي..
ام شهم.. ناقصك ايد رجل اخذلك مطلگة عشتو
النوب عدها بنية. صارلي شكد اريد ازوجك وفرح بيك تالي تجيب هند..
شهم . وشبيها هند شو بكل المنطقة ماكو بجمالها واهلها خوش ناس واني عجبتني
والمواصفات الي اريدها كلها بيها يمة لتعارضيني رحمة لأهلج..
ام شهم.. والله لا اروح ولا اخطبها..البنية مناقصها شي بس كتلك ماخذلك مطلگة والنوب عدها طفلة..
شهم،. لعد انسى اتزووج رايح انااام تعبان
لحد يگعدني اني اگعد ماشي!!!
هند.. عيني على المبايل شهم مااتصل ولا دز رسالة معقولة نايم..!
حسن.. عمة ام هند .. اريد هند منج قنعيها الي
والله اسعدها ..ليش ترفض..
ام هند، معليك منها هاي تستحي هسه يومين وادكول موافقة..
حسن.. عمة والله احبها وتدرين بية من قبل روحي بيها ونفسي بيها بس شكول الأمي اخ
الحجي ميفيد بعد..
ام هند،، اذا هي قسمتك متروح الغيرك
حسن،، واذا مو قسمتي هم اخذها واتحدى كلشي
ام هند ،، هههههه ان شاءالله وليدي هي الك
ليش تلكة احسن منك يتبع

[ملكةه]

سحرتني_جارتي ﴿ 10 ﴾
هند..اتصلت بشهم مرتين مارد هاي نايم خطية اجة تعبان اكيد
ام شهم . خلي اخابر اختة تجي تحاجي
يبين هذا كلامة صدك بس لا يسويها ويخطبها
شهم. نمت وفزيت جهازي جان يرن تعبان مادري بنفسي نمت وماسمعت الصوت
هاي هنودتي متصلة ..
خلي اخابرها ..
الو..
هند.. وينك حبيبي
شهم.. بعد روح حبيبج مشتاگلج والله..
هند.. ضل بالي حبيبي مختفي اليوم
شهم تعبان مالي خلك نمت..هذا راح من يمكم
هند، حسن!
شهم،، لتضلين تجيبين اسمه كدامي راح لو لا
هند.هههه اعصابك حبيبي لا بعدة
شهم . شو لزك شعدنا ها؟؟
هند. ديتتضر الموافقة مني..
شهم.. تحجين صدك..
هند،، اي حبيبي والله موحجيتلك البارحة ..
شهم . حجيت ويا امي علمودج..
هند، صدك حبيبي!!!
شهم اي بعد عمر حييبيج
ولج ماكدرت اركز بالدرس بالي يمج هذا يمكم اهذ كل فكري ..
هند، عمري ليش بالك يمة اني گلبي الك لتضل تفكر ياعيني.
هند .. حسد الجهاز ديصيحوني بعدين ماشي
شهم، لتروحين يمة..
هندههه صار
شهم . بالانتضار اتصلت ام محمد اختي اكثر من مرة ..محاجة امي برق وبرريق
اكيد وصلت الها الباص..
خلي اشوف ..شتريد..
هلوو ام حمودي الغالية متصلة عليه جنت احجي ويا صاحبي أمري!!
ام محمد.. اتصلت بيها امي..
شهم ، قبل لتكملين اعرف حجتلج على هند..
ام محمد،، انطيني مجال شبيك..
اذا رايدها هالشكل معليك بأحد اني وياك اني اخطبها الك امي معليك منها مصيرها تقنع.
شهم) هلا والله هلا بتاج راسي هذا الحجي
الحلو مو امي كلبتها سودة علية
ام محمد، لا والله واحد يحجي الحق البنيه مناقصها شي وامها حجتلي قصتها قبل كم يوم بالباب البنيه مضلومة بزواجها ..واذا عدها بنية مابيها شي يصيبك اجر ربيها معليك بأحد
شهم،، الغالية ام حمودي .. اشكرج على وكفتج وياية..تعالي حاجيلي امي بلكي تقنع..
ام محمد،، بس يجي ابو محمد اكلة واجيكم تدلل
شهم..غسلت وطلعت للباب بلكي اشوف هذا ابن عمها..شلون صاير..
هند.. كعدنا كلنا بالحديقة سوينة عصرية
داحس شهم بالباب واكف عطرة اجة بخشمي
من رحتلة فدووة..
اذا شاف حسن شراح يخلصني..
حسن عاشت ايدكم الكيك يخبل
ام هند. هاي هند سوتة
حسن.. معدلة من يومها..
هند. شكرا..
حسن عمة شلونها المنطقة هنا..
ام هند، احسن ناس الحمدلله مرتاحين
حسن . الحمدلله
هند. عيني عالباب لا شهم يشوفني..
شهم. دزيت رسالة الهند.
انتي وين))
هند.. يمة قريت الرسالة وعيني عالسطح بس لا شافني ..
شلت الجهاز وطبيت جوة ..اتصلت بي
الو ها يكلبيي
شهم وينج انتي شنو كاعدة برة
هند لا بس وديت الجاي حبيبي
شهم . شكايلج اني..
هند. حبيبي والله موبيدي يعني شلون اكلهم شهم ميخليني..
شهم . اي كولي منين خايفة..
هند، عززة شلون اكول شبيك. تخبلت
شهم. محد خبلني غيرج ولج انتي
اتمنه على صدرݘ مرة صدري يصير
وذراعـي على خـــصـرݘ كـون ملتـفـه
وشــفــافي على شفــتــݘ لو قيآمة تگوم
مـا اوخـر واشــيـــلـن شفـه عـن شـــفـه
هند.. شهم روح كافي عاد
شهم. تخجلين مني..
هند.. بعدين روح عاد..
شهم وين اروح ولج گلبي نار راح اطفر..
هند،. شهم الدنية نهار وين جاي..
شهم اشوفج بس لتخافين بس اشوفج كلبي نار
هند. اطلع عالسطح باوعني اني بالحديقة ..
شهم، شحجيت هسة موكتلج لتطلعين كدامة
شو صعدي فوك يله دشوف راح اطفر
هند،، لااا حباب الجيران يشوفوك
شهم .. انعل لتخليني اسب تعالي راح اعبر
هند.. هف جاية جاية
شهم،، شو معاجبج ام اللسان تعالي وصيري بيدي وعود كولي هففف
هند.. ترة ماصعد..
شهم.. كافي دلال صعدي
هند.. بس من بعيد لتعبر
شهم . تجين لو اجيكم
هند ، جاية والله
صعدت.. وفتحت الشابك اشررت بأيدي
هياني..
شهم اشرت فتحي االباب..
هند.. هههه لا العالم شبيك
شهم.. اوك اوك لتفتحي يصير خير
هند. اتصلت..
الو
حبيبي انت مو تحبني..
شهم . روحي ماسمعج..
هند. بس احاجيك..
شهم . كاااافي.. متثقين بية تخافين مني
هند. لا والله مويومية انت يمي..بس الدنية بعدها ضوة وحسن كدام بيتكم كاعد اذا شافك ..
شهم.. نعل هسة لج لتجيبين اسمة على السانج
اليوم ادز اختي عليكم اذا جتنا راح تجيكم
هند، شعجب..
شهم .. تريد تزوركم عندج مانع..
هند .. افرشلها الكاع ورد تكفي اتكون اخت ابن گلبي.
شهم. ام اللسان اموت عليج ..
هند،، واني اتنفسك ..
حبيبي خلي اروح لا احد ينتبه..
شهم ،، اوك ابقي بالغرفة
هند. حااارة مطفية الكهرباء
.. شهم . تالي وياج ..
هند، حسن هسة طلع لان يريد يشتري غراض من الاسواق..
شهم، اذا موولي الشفية نزلي ..
هند، اوك حبيبي ..
يتبع ..

[ملكةه]

سحرتني_جارتي ﴿ 11 ﴾
شهم .. رن الجهاز رسالة..
ام محمد.. اعتذر مراح اجي لان اتأخر ابو محمد على باجر..
شهم.. اخ هو هذا هم حضي..
رديت(( ولا يهمج ام حمودي بوسيلي حمودي))
رحت للمطبخ امي ادردم وية تفسها ..
شبيج يمة.. شبيج يعني كضيتي عمرج
تريد تزوجيني هسة من لكيتها ماقبلتي
ام شهم.. ولك متفيدك البنية مطلكة
شهم . يمة اني رااااااضي شبيج مدكليلي
ام شهم. روح اخطبها وحدك
شهم، عندي ام حمودي تخطبها
ام شهم. اروح لأم قاسم اكعد شوية ماريد اسمع سوالفك..
شهم.. يمة بربج سلميلي على ام قاسم شو مختفية..
ام شهم. سد حلكك..
شهم.. جديات يمة شبيج.ههههه
يمة قبل متروحين من الاخير كلمة اكولها الج
غير هند ماتزووووج .. ماشي اني اريد هند
غيرها لا لا ..
أم شهم. وعسى ماتبقى بلية زواج شعلية اني..
شهم.. خوش لعد ..
حسن.. رحت للسوك اخذت كم شغلة ..
وعجبني فستان وردي.. يلوك الهند..
أشرتية الها
واخذت كلابيات العمتي وهدى..
شلون راح تطلع هند بي..لو بس تحس بية
تحس اشكد اريدها ومحتاجهه بس بالها مدري وين
ام هند.. ولج كومي شلون حسن جابلج فستان
هند.. داكلب بالمسجات القديمة الي بيني وبين شهم من اقراهم احس براااحة..
واجت امي وجابتلي طاري حسن
هند، شنو المناسبة،. ليش جاب
ام هند.. النة كلنا جاب..
هند شكرا ماريدها كوليله موقياسها
ام هند. ولج كافي الولد شاريج
هند.. يمة افهمينييي ماااااريد اتزوج
اعرف حسن مناقصة شي
بس اني ماريد اتزوج والنوب اتويدون على ضرة
كل عقلج يمة..
ام هند، الولد يريدج جوة نزلي..
هند، يمة تحجين وكأن هو خطيبي بأي
صفة يشتريلي فستان وليش اروحلة ممكن اعرف
ام هند، مو غريب ابن عمج..
هند،، هاا ابن عمي حلال.. يمة لتخليني احجي حجاية بكد الدنية..
ام هند. يطبج مرض هاي الفستان ومعلية بيج
متريدي ودي انتي..
هند.. بلوة وكعت على راسي. حسن
حسن.. ها عمة وينها..
ام هند، دتنوم بسارة..هسه شوي وتنزل
هدى.. تلعب دومنة حسن..
حسن،، خلي تجي هندة..
هدى، معقدة هاي متلعب.
حسن، ههههه لتحجين على مرتي..
هند.. نزلت وسمعت يكول مرتي صدك ماضل عقل براسي..
هند.. حسن،،
حسن،، هند صاحت اسمي بحلكها شكد حلو جان ..
حسن. نعم يبنت العم..
هند. شكرا عالفستان.. بس ماكدر اخذه..
حسن،، السبب؟؟
هند،، شنو المناسبة جبتها الي..
حسن،، بدون مناسبة عجبني وكلت يطلع عليج حلو..
هند. لا موقياسي وماريدة..
حسن، كافي غرور هند.. اني ابن عمج ترة اكدر اخذج من اليوم بس اني مخليج اريد اسمع كلمة موافقة منج.
هند، شنووو ليش احنا بيا عصر عايشين واذا ابن عمي..
حسن؟؟ عمي كال هي الك وحجي زايد ماريد اسمع هند..
هند. والله لو على موتي..هالامر ميصير.
حسن.. لتجبريني اسوي شي موبرضاتج..
هند، محد يكدر يسوي شي موبرضاتي
حسن، شبيج.. غير اعرف..
هند، كتلك منتوالم ..
شهم .. هاي وين راحت حوگت.. الجهاز عليها مترد..
حسن.. اهدئي هسة بعدين نحجي..
هند.. ماححيت شي صعدت وعفتهم..
هدى،، موكتلك معقدة اووي شخبصتنها بيهه
تعال نلعب دومنة..
حسن، لا مالي واهس بعد اطلع ادخن جكارة برة ..
هند، صعدت واحس وجهي يطلع نار
والله شنو ياخذني غصب،.بطران
انتبهت مكالمات هواي من شهم ..

تكملة البارت ١١
شراح يخلصني..
خلي اخابرة..
هند.. الوو
شهم.. ويننننج!!
هند! شبيك؟؟
شهم! وينج انتي!!
هند،، حبيبي هسة مالي خلك احجي بعدين اخابرك..
شهم،، شبيج احجي..
هند،، ماكو شي حبيبي..!
شهم،، تحجين لولا..!
هند،،اووف شهم شحجي ..
شهم.. ولج موتيني شبيج..
هند،، ابن عمي موحجيتلك يريد ياخذني بالغصب ..واليوم حجة وياية.. وجايبلي فستان
واهلي موتوني يلحون علية.
شهم.. اووكفي اوكفي.. بيا صفة يجيب فستان
وشكوو رحتي حجيتي ويا.. يعني اذا هسة
اجي اهجم علية البيت احد يكدر يكلي ليش!!
هند،، شهم فدووة اروحلك ماريد مشاكل اتركها علية اني احلها..
شهم،، ولج هذا شنو يحاجيج ويريد يجبرج..
مواجي اسحلة..
هند،. حبيبي اهدء كلشي بالتفاهم ينحل..
شهم.. هيج مواضيع ماعندي تفاهم بيها .
هند،، حبيبي كافي تره اعصابي تعبت
شهم،اطلعي اريد اشوفج..
هند. بعدين..
شهم!! كتلج اطلعي..
هند.. خلي الناس تنام لا احد يشوفنا..
شهم،، تطلعين لو اجي..
هند،، اووويلي ..تعال تعال
شهم، افتحي الباب راح اطفر..
هند.. لحظة اشوف الوضع..
شهم.. شوفي واذا ماكوشي رديلي
هند،، شفت اهلي كاعدين يكرزون ويتفرجون فلم
ركضت على شهم .. اشوف عبر لولا..؟
هند، دزيت مسج.. تعال..
شهم.. فتحتلي الباب وكعدت يمها
هند.. اجة وعيونة تجدح نار اول مرة اشوفة
هالشكل عصبي.. خفت احجي شي
شهم.. تالي وياه..
هند،، حبيبي لتضوج ماراح اوفق لو على موتي
شهم،. ولج هذا مكابلج هنا وكاعد شعندةةة بصيااااح
هند،، شهم حبيبي صوتك والله راح يسمعوني
شهم،، ميهمني خلي يسمعون
هند،،واني شلون موتصيرلي مشكلة شبيك
شهم.. باجر راح اتقدم دشوف شلون ياخذج مني
هند.. حبيبي اني الك والله بس لتنقهر
شهم، شوفي اذا حجيتي بعد وياه ولا رديتي علية او كعدتي كدامة انسي شي اسمة شهم
هند،، بقيت ساكتة ماعرف شنو احجي خفت منة
شهم،، ليش سكتي جاوبي
هند، يجرالك شتريد يجرالك والله
شهم.. قفلتي الباب !
هند، اي مقفول
شهم.. اووف صدك ضوجني هذا گلبي
يغلي نار علية ..
هند،. دكافي ياعيني تضوج بنفسك
انت موكتلي من اجي يمج انسى الدنية
شهم.. تعالي يمي..
هند..لعد اني وين مويمك..
شهم.. يمي يعني يمي..يمييي
هند.. اي..! يعني شنو ضحكت ونضرتلة نضرة بمكررر..!
شهم،، كعدي. يمي اريدج يمي گلبي نار
تعالي خلي اشبع شوف منج .. تعرفين
انتي شمسوية بيه ولج ماخذة عقليييي
اتقربت الها وايدي على خصرها
سحبتها الي .. وهمست بأذنها
((( اعشق انفاسج)))
هند،، كلامة وغزلة يخربطني..
يخليني انسى الدنية وبنفس الوقت گلبي احسة يريد يطلع من صدري جسمي يرجف رجف
هند.. همست ..(( احبك))
شهم .. بستها من ركبتها بهداوة..
هند،، ذبت. واني بين ايدة.. نسيت الدنية كلها
ماشوف بعد شي كدامي غير شهم ذبت بحضنة
حسن.. رن جهازي.. اووو هاي رشا راح اتضل تحجي لان اتأخرت ببيت عمي ..خلي اطلع
بالشارع احاجيها لا يسمعون ..رفضت المكالمة
عمي،، اني برة اشرب جكارة واخابر صاحبي انت تفرج الفلم ما اتأخر عليك..
هند..حبيبي .. انت اتأخرت وراك دوام الصبح
شهم.. ماريد الدوام خليني يمج..
هند.. كوم حباب هسة تجي هدى واخاف تشوفك
شهم ..اخ منج ..تعالي خلي نطلع سوه
وصليني ..
هند.. اي للباب وافوت جوة اخاف ..
شهم.. اني وياج لتخافين عمري..
هند، يلة كوم..
حسن.. احجي ويا مرتي رشا تعيط وتصيح
واني كلشي مافهم عليه ضوجتني واني بالشارع ساعة ارضي بيها مترضى .. سديت الجهاز بوجهها..
ورفعت راسي شفت خيال على بيت جيران عمي..
بقيت اراقب..
هاي شنو منو هذا الي طفر من السطح..!!!!
هند.. داقفل بالباب حسيت احد صعد عالدرجات
صوت مشي.. قريب مني انداريت فزززيت...؟!!!

[ملكةه]

سحرتني_جارتي ﴿ 12 ﴾
حسن.. ولج منو هذاا الي طلع من السطح

هند.. ماعرف بعد شنو اجاوب كل جسمي يرجف
هند.. شنو حسن محد بالسطح اني داشر ملابس..
حسن.. لج وتجذبين هم. سحلتها من راسها
طببتها للغررفة وقفلت الباب..
هند.. شبيك هدني شعري شبيك وخر مني
حسن،، لج صاقطة.. منو هذا بنص الليل
يعبر سطوح هاا احجي..
هند،، ماكو احد شبيك..
حسن .. اضرب بيها بدون وعي..
ولج بعيني شفتة..
هند.. عوووفني لتضرب معليك بية..
حسن.. ترفضيني علمود هذا الي جان هنا مو
ولج اليوم اسحلج بكل البيت ..
هند.. داكولك ماريدك متحس..
حسن،، تريدي موو..
هند،، ميخصك..
حسن،، اني اعلمج اليوم دشوفج شلون ميخصني..
هند،، اوكف..
حسن،، والج عين تحجين.. ياساقطة
هند.. اني موساقطة اني حبيت حالي حال اي وحدة وهالشي موحرام اسمعني اهلي لتحجيلهم..
شي
حسن،، هههه ضحكتيني خايفة على اهلج..وتحجين بالحب ياحب هذا شوكت حبيبتي
اكبرج هنا وماخلي ياخذج..
هند،، حسن الله يخليك عوفني بحالي اني ماريد اتزوجكك..
ليش هيج تلح
حسن.. لو تموتين والله على موتي ماخليج تاخذي .. حتى لو اعقد عليج بس اكسر خشمج يكفي اذلج.. باجر اكطع مهر تحضري يله ولي
.هند.. ويييييين عوف الباب..
حسن،، راح اقفلة صووتج مااسمعة..
هند، الباب ليش تقفلة..
حسن،، كافي وليييييييييييي
شهم.. رجعت للييت اريد اطمن بعد مقفلت الباب شلون الوضع احد شاف شي.
نامت كاعدة.. حركت الجهاز ماكو رد...
حسن،. نزلت جوة وبوجهي طلعت للسيارة افتر
ايدي توجعني من الضرب الي ضربتة الها
كلشي جنت اتوقعة بس ماجنت اتوقعها تحب النوب علينا الحب ..اعلمج ست هند اذا ماكسرت خشمج اني موحسن
تحاجي ولد ببنت عمي
اني اعلمها شلون بعد تحجي ..ال..
هند.. نزل حسن وقفل عليه الباب بعد ماضربني حلكي يذب دم جسمي كلة يون
سارة نايمة كعدت بالكاع مابية اكوم من الهبطة والنوب تضربت هذا الضرب
كعدت بجيت على حظي ..
اهلي اذا عرفو شلون.. شراح اكلهم
امي.. شلون راح اباوع بوجهه..
راح يفكرون بية ..اني رخيصة
ميدرون حبنة نضيف وناوين نتزوج ..
اووف گلبي ليش هيج حظي..
شهم.. ضل بالي شلون راح اكدر انام هاي وينها..
هند،، سحبت الجهاز هم زين مااخذة مني حسن
شفت مكالمات ورسائل هواية من شهم جهازي على طول صامت مسويتة
اتصلت بي وكوة احجي..
شهم.. ماصدكت اتصلت جاوبت وكبل كلت
ويننننج!!؟
هند،، اريد احجي ماكدر مخنووكة
هند،، شهم انساني..
شهم.. شنوو شييج.. شبي صوتج..
هند.. شهم حسن شافنة..
شهم.. لتبجين على كيفج عمري شوي شوي
هند.. راح اسد الجهاز ..
شهم، لا دقيقة شبي حسن وياج احجيلي لتخبليني
هند. شهم الله يخليك عووفني هذا حسن
مراح يسكت يريد يعقد علية
شهم.. وج ليش تبجين سوالج شي
هند.. مومهم بعد شافني ..
شهم، والله الا اندمة هاي تضمين علية موو
والله اذا ماندمتة واخذتج من بين عيونة
لعد اني مو شهم ...!ة
هند، شهم فدووة لعينك عوفه خلي نحلها هسة
شهم .. وينة هو!!
هند،، منو!!
شهم،، هذا العار ابن عمج ...
هند... شبيك داكلك عوفة راح اغلق جهازي واضمة خاف ياخذة مني بداعتي شهم
بداعتي عوفة
شهم.. هاي ليش تبجين.. اذاج!!
هند. لا مابيه شي بس مقهورة
شهم،، والله ماد ايدة عليج هذا موزلمة الي يمد
ايدة على مرة.. ماشي أحسابة عندي عوفيني نارر ووووشبت بيةةةةةة
هند،، لا تستعجل شهم ..
شهم ، اخ ياربي شلوون بية..
مدي افوت هسه اكسر علية البيت..
هند،، والله حتخبل ليش ماعندي حظ
ليش دائما موسعيدة.. مرات افكر اموت واخلص

تكملة البارت 12
بس اتذكر بنتي ..
مرات افكر انهزم واعوف اهلي
الف حسبة تمر بالي وياريت الكي حل
شهم، لتحتارين والله يحلم يلمس شعرة
منج انتي الي هذا بطران..
واتركي شغلة اموت واخلص مافكرتي بية بعد عمري انتي اتأذيتي بسببي اخ ربي
روحي خلي اروح..
هند،، وين...!!!
شهم..! مادري اطلع اشوفة برة...
هند... شهم تريد تموتني داكووول عوفة شو انت متفكر بية متكفر بالي راح يصير ..
شهم،، ولج هو منو الواكف بعيني غيرج اخ
هند. يلة حروح ..
شهم. دقيقة ضمي الجهاز زين ومن يصير بيدج
مجال حاجيني ..
هند، ماشي عمري باي احبك..
شهم.. يبعد العمر انتي اموت عليج ..
حسن.. بيت عمي نامو واني بس افتر ماكدر بعد انام شلون انام وبنت عمي الي احبها
جانت ويا واحد ثاني،. صفنت شوية
اتذكرت عدها مبايل .. اي ايً
هسة خابرتة ....!
خلي اصعد..
هند. غلقت الجهاز طلعت جنطة بيها ملابس شتائية قديمة ضميت بيها مبايلي
ورجعتها فوك الكنتور..
تمددت يم سارة..حضنتها وابجي
حسن.. فتحت الباب جانت نايمة شافتني فزت
طيبت وسديت الباب وراية..
هند،، شكو النووب ...
حسن، كعدي خلي اسولف وياج..
هند،. كاعدة منايمة احجي..
حسن.. مبايلج وين..
هند،، شعليك بي مالتي مانطي..
حسن،، خابرتي مووو
هند.. مخابرت احد ومعليك بية..
حسن.. وكفت لحيلي لزمت شعرها بقوة
لتلاسنين. المبايل وين!!!!
هند،، عوف شعري ..
حسن،، تحجين المبايل وين لو اكسرج
هند، موتني عادي كسرني راضية ..
ليش دبقى عايشة خلي اموت..
حسن،، تحبي!!
هند؟.. شعليك بية ميخصك..
حسن،، كعدت كدامها هديت شعرها..
شوفي داكلج انتي الي بالقوة بالرضى بالغصب
باجر نكطع مهر..حضري روحج..
هند.. تحلم والله
حسن.. اشوفج باجر شلون احلم..
هند،. يعني شتقصد،..
حسن،، تحبين احجي الي شفتة العمي.وابوية
هند،، لاا شلون تحجي تريد ابوية يموت..عززة بعيني
حسن،، لعد مافكرتي بي من الاول
طببتي هذا الغريب هنا..ولج اذا اذبحج مايبرد كلبي..هذا جان يسوي هنا..
ولج شكد رخصية انتي.. !
.............
هند. اني مورخصية ماسويت شي غلط والولد يريد يخطبني ..
وماكو شي بينة لتضل تتجاوز بكلامك
اني مطلكة صحيح بس محد لمسني ماشي
حسن،، وشنو اليثبت الله اليعلم هاي غرفتج فوك وتصعدين من وكت علمودة اذا ماحاربتج اني موحسن من باجر نعقد وحرف ماسمع منج
انتي طلعتي من عيني بس لتتصورين
اعوفج اخذج بس اكسر خشمج ..
هند، احرك روحي وماصير الك..
حسن،، ولج حجي زايد ماسمع ترة اكوم اكسرج
هند، انت شبقيت كل جسمي يون ...
............
حسن.. من كالت كل جسمي يون
گلبي انعصر رغم متحبني رغم الي شفتة بس احبها مااريد أأذيها غصب عني ضربتها البية
ميخليني اسكت وبعد الي شفته وهم احبها
شسوت بية هاي ذلتني والله ...
حسن، احسن علمود تحسين بغلطج..
...........
هند،، ماغلطت حسن ليش متفهمني
اني احبة والله احبة .. انت متزوج عوفني بحالي ليش تضل وراية مامليت روح لزوجتك
اتركني خليني اعيش حياتي..
.............
حسن . ولج كافي ادكولين احبة مواكوم اكسرج
ومااعوفج لو تموتين انتي الي تفهمين شنو الي
راح انزل وكل دقيقة اراقبج اذا سمعت اي حركة متعرفين بعد شراح يبددر مني ...
هند.. "مارديت بقيت مندارة عالحايط..
.............
حسن".. قفلت الباب ونزلت
نزلت لغرفة الخطار بقيت افتر ماكدر انام بعد الي شفتة شلون هذا جان يمها معقولة لمسها
معقولة اكو شي صار اخ هند شسويتي بية
بقيت الليل كلة ادخن ساعة ٦ يلة غمضت عيني
هند، "بقيت ابجي لحد منمت من تعبي جسمي احسة مكسرر
شهم .. "ماغمضت عيني للصبح
عيني على الشباك..انكسر گلبي عليها شلون جانت تحجي وتبجي انضربت بسببي
التفكير بيها موتني شلون اذا اهلها عرفو
شراح يسوون بيها اني لازم الكي حل..
مانمت للصبح ،، نزلت غسلت ولبست وطلعت للدوام
حسن.. نمت شوية وكعدت ماكدرت خلي اشوف عمي قبل ميروح للكهوة.. علمود اليوم اعقد
واروح للرمادي .. كافي انتضرت هواية

يتبع....

[قلم و ورقة]

لي عودة

[ملكةه]

سحرتني_جارتي ﴿ 13 ﴾
هند.. فزيت مثل المخبلة هذا قافل علية الباب شلون اهلي اذا كعدو راح ينتبهون ..
حسن..غسلت وصعدت افتح الباب
هند،، الحمدلله يمكن اجة داسمع صوت مشي على الدرجات..
شهم.. ماكدرت اركز بالدوام بالي مشووش
حسبة توديني وحسبة تجيبني هذا شراح يسوي ابن عمها معقولة ياخذها ويروح ..
لا لا والله لو على موتي ماخلي ياخذها ..
حسن. فتحت الباب ها شو كاعدة..
هند. ليش هم على نومتي وكعدتي تريد تحاسبني
حسن،، سدي حلكج اليوم احجي ويا عمي علمود نقرأ الفاتحة ..حضري روحج ..
بعدها اطلع للرمادي عندي كم شغلة ارجع
اخذج ونروح للرمادي..
هند، وكفت الحيلي انت متفهم لو شنو
داكلك ماريدك ماريدك يااخي افهم غصب خمو غصب
حسن، اي غصب شغلة ماريدك انسيها
كافي حجي زايد اتحضري اليوم فهمتي..
هند اموووت روحي والله وابلاك ..
حسن،. اذا تكدرين سويها لان اني عندي
تموتين ولا غيري ياخذج ..
هند .. بجيت متحملت .. حسن ربي يخليك ويسعدك بحياتك خليني اعيش حياتي لتوكف بقسمتي حرام عليك تجبرني اني اقدرك واحترمك خليني امشي ولتوكف بقسمتي
حسن،، واني هم احبج ..
يبنت الناس حسي بية والله احبج ..
والله ادللج اعيش اميرة بحبي ليش هيج تعبيني
انتي بس صيري وياية شوفي شلون راح تنسعدين وتتمنين لو من قديم موافقة بية
هند،، ماكدر موبيدي گلبي ويه غيرك ..
حسن،، سدي حلكج ماريد اسمع هالكلمة مرة اخرة ..
راح افتح الباب وصوت ماريد منج طلعة ماكو برة انزلي تريكي وسوي الموضوع طبيعي العصر انتي الي..
هند،، روح من يعجبني انزل بس الباب لتقفلة
حسن،، والله اذا طلعتي الباب تندمين ..
هند، اطمن ماطلع بس عوفة مفتوح..
شهم خلص دوامي وطلعت لبيت ام محمد
حجيتلها الي صار كلة ..
ام محمد) ليش ياشهم خطية البنية هسه شصار بيها جان رحنة خطبناهه بدون سطوح ياعيني
شهم .. غير امج اوووف ..
ام محمد،، معليك منها تعال اتغدة والعصر نروح اني وياك..
شهم،، ماكدر اكل تعبان حروح للبيت انتضرج ساعه ٤ اخيتي مالي غيرج ..
ام محمد،، عيوني الك اخوية لتنقهر ان شاءالله هي الك..
شهم.. رجعت للبيت عيني على بيتهم وينهه هسة
شصار بيها شنو الي صار التفكير موتني
جهازها مغلق ياربي لوبس اطمني عاد
الانتضار موتني..
هند.. نزلت طبيعي اشتغلت
مابينت الاهلي على شي
حسن عيونة علية بكل مكان خايف انهزم خايف اسوي شي ..كملت الغدة ورحت اغسل المواعين
هدى، ولج هند صدك اليوم مهركم ..
هند.. شنو..
هسة حسن وبابا ديحجون وسمعت حسن يكوله نجيب السيد ونجي العصر،.
هند،، مابقى حيل بية .. ذبيت كلشي من ايدي
هذا شديخربط يربي شلون..
نشفت ايدي وصعدت الغرفتي ادور على المبايل ..
فتحت الجهاز اجتي رسائل كومة متصل شهم
شهم..
اتصلت .. ميجاوووب ياالله
شهم .. جنت اتغدة وجهازي فوك عالشحن..
هند.. يارربي ليش ميرد دجاوب عاااد
حسن .. طبيت للمطبخ هند ماكو..
هدى اختج وين..
هدى.. صعدت فوك..
حسن.. بقيت اباوع عالدرج ماكدر اصعد بيت عمي كاعدين شلون..
هند،، خلي ادز رسالة واغلقة
هند،، حسن اليوم راح يكطع علية مهر
مابيدي بعد شي شلون انت وينك موكلت اليوم احلها .. اني ماكدر ارفض راح يحجي الاهلي
ابوية اذا سمع يموت ..
مابقى بيدي غير لو اموت لو اوافق بحسن
دزيت الرسالة وغلقت الجهاز ونزلت..
حسن.. وين جنتي..
هند، شعليك ..
حسن،، وين جنتي داحجي وياج.
هند، سويت حليب السارة..
حسن.. ممم انتي اوووف والله مادري شكلج امشي صبيلي جاي
هند.. افتهمنا ..
حسن.. ساعات واتكونين مرتي..
هند، مارديت وخر اريد اعبرلتضل مراقب الدرج موتريد جاي..
حسن، تفضلي عيوني منو مانعج ..
شهم .. غسلت واتذكرت جهازي فوك ..
خلي اصعد اجيبة.. وهم اخابر ام محمد
شلت الجهاز .. يبو هند ٤مكالمات ورسالة
قريت رسالتها هاي شبيها كل عقلها توافق
غير عاد تجي اختي الانتضار هذا موتني
افتر بالبيت والوووب مثل الي مذبوح عالنص
ماصدكت تجي ام محمد..
ام شهم.. هاي شعجب بينتي اليوم لازم رجلج بالدوام..
ام محمد.. لا يمة اجيت علمود شهم..
ام شهم، شبي،،

ام شهم، شبي،،
ام محمد،، غير نخطبلة
ام شهم..المطلكة،،
ام محمد.. يمة شبيج واذا مطلكة..
شهم.. هاي صوت ام محمد هنا خلي انزل
سمعت. امي واختي يحجون بهند وطاري مطلكة
شهم.. هلا ام حمودي ..
حمودي.. خالو اشتريلي..
شهم.. اشتريلك اليوم بعد خالو انت بس انطيني مجال ..
ام محمد..ها خوية شسويت..
شهم.. شسويت والله دانتضرج ..
ام محمد. نروح بعد شوي!!
ام شهم. وين محد يروح ..
شهم،. يمة اليوم اخطبها لو كلها توكف بوجهي..
ام شهم،، تخطبها واني موراضية..
شهم.. يمة احبها..
ام شهم ماارضى عليك روح اخطبها ..
هند.. مابقى وقت عيني عالباب لا شهم بين ولا شي جديد ..
شلون اموت روحي واخلص ..
حسن،، زوجتي سمعت من مرت اخوية اليوم اخطب هند حركت الجهاز علية..واني ارفض المكالمة مو وكت سوالفها..
زوجة حسن.. اني صح كتلة اتزوج بس ماجنت اعرف راح يسوويها صدك هناك علية العشرة
وكبل راح يخطب .. مراح اخلي هالزواج ايتم
دزيتلة رسالة (( تعال للرمادي لو اجي عليك البغداد ماقبل تتزوج وتعووفني))
هند.. وينك شهم وينك ..
شهم عوفي امي كومي نروح ..
ام محمد اني اروح يمة لتزعلين عليه
بس خطية ليش نوكف بقسمتهم ..
شهم طلعنا لبييت ابو هند ودكيت الباب
ام هند.. هلا تفضلوو
ام محمد .. اجيناكم نسينة ننطيكم خبر
ام هند .. صدك جذب البييت بيتج
تفضلو ..
هند،، الباب اندك راحت امي تفتحة احس روحي طرت فرح وبنفس الوقت الخوووف موتني
شراح يصير مادري ..
شهم كعدنا وعيني عالباب هند وينها راح تطلع لو لا
حسن.. هذا سواها وجاب اهلة ..
ام هند ابو هند حسن كومو كعدو يم الولد اول مرة يجينا عيب..
حسن.. منو هذا
ام هند،، شهم ابن جيرانة..
حسن،، خوش اسم شهم اسم على مسمى
ام هند،، شنو
حسن شرايد هذا؟؟
ام هند ماعرف اول مرة يجي دكومو عيب..
شهم .. متوتر شلون راح اشوف خلقتة الابن عمها اتمنى ماشووفة ..
هند،، القلق موتني گلبي يريد يطلع من مكانة
حسن.. رحت الهند للمطبخ
هذا شجابة .. !!!
هند،، منو؟؟
حسن،، خابرتي مو ..
هند،، شبيك..
حسن اعلمج اليوم شبيه اصبري..
حسن السلام عليكم
الجميع وعليكم السلام
ابو هند.. ابني شهم ..
هذا حسن ابن اخوية ..
شهم.. اريد اكوم اكله اكطعه بيدي مثل ماضربدهند هالحقير..
شهم.. حيا الله ..
ام محمد.. خالة تعالي نكعد جوة نعوفهم الزلم هنا ........
ام هند. اي تفضلي..
هند،، هلا ام محمد..
ام محمد.. هلا حبيبتي شخبارج..
هند الحمدلله
ام هند اسوي الجاي واجي.
ام محمد.. لتخافين اليوم نحلها ..
هند،، خايفة من ابن عمي..
ام محمد.. لتخافين كلشي ينحل اليوم
ام شهم .. تفضلي ..زارتنة البركة ..
ام محمد.. اشكرك گلبي ..
خالة .. خلي نطب بالمفيد ..احنة جايين نخطب
هنودة الاخوية شهم..
ام هند.. هلابيكم شهم وردة مالكة احسن منة بس والله مدري شكلج ..
ام محمد، شنو خالة..
ام هند.. ابن عمها هنا وجاي يريدها واليوم
يريد يكطع مهر عليها..
ام محمد.. بس اني الي فهمتة هي متريدة
هند.. اشرت الام محمد راح تفضحنة امي متدري شي..
ام هند، شلون عرفتي متريدة..(( اساور العزاوي))
اقصد سمعت متزوج..
ام هند اي ♧°˚بس هو يردها والله مادري شكلج ..انتو اجيتو بوقت تصدكين هسة
جانو يردون يروحون يجيبون السيد..
ام محمد.. لا ليش الاستعجال
ام هند،، والله ثبرنا عليها صارلة سبوع يمنة
شهم .. غير تطلع عاد ام محمد افهم شصار جوة .. الانتضار موتني
حسن..خلي افوت افهم شكو ..
حسن رحت للمطبخ هدى تعالي هاي شكو
هدى .. جايين يردون هند الابنهم ..
شهم.. اي وشكتولهم..
هدى،، مادري دحاجوهم بعد..
حسن،، يصير خير..صيحي مرت عمي
هدى،، ماما حسن يردج جوة ..
هند .. من كالت هدى گلبي انتهى عرفت حسن عرف يبوو يحضي شراح يخلصها
يتبع

[ملكةه]

لي عودة

نورت

[ملكةه]

سحرتني_جارتي ﴿ 14 ﴾
‎ ام هند،، من رخصتج هسة ارجع اشوف حسن
ام حمودي اخذي راحتج خالة ..
شهم .. دزيت مسج الاختي..
((( بشري)))
ام محمد..(( انتضرر))
حسن.. عمة صحيح الي سمعتة ذولة جايين يخطبون..
ام هند.. اي وليدي والله جايين يخطبون..
حسن.. عمة هند الي وهذا راح افوت اطردة
ام هند،، لا ابني عيب شنو تطردة الولد جاي يخطب موعيب هالحجي جوارينة وخوش ناس
حسن.. لعد كوليلهم مخطوبة ..
ابني انتضر خلي اشوف ابوها..
حسن،، عمة شفتو شهم قلبتو عليه والله على موتي مياخذها..
ام هند.. والله حرت ودخت اني ماعرف شلون راح تصفى..
حسن اني احلها هسة..
ام هند،، تعال وين..
حسن .. ماتحملت صرت نار..
فتحت الباب ..عيني انت جاي ادور عدنا نسوان
ماعدنا البنية صغيرة والجبيرة خطيبتي..
شهم.. هذا فتح الباب ودخل يحجي بتهجم وصياح..
شهم.. وكفت الحيلي منو كال مخطوبة موصحيح
حسن،، انت شعليك صحيح او لا ماعدنة نسوان شهم موبكيفك .. ابوها موجود..
حسن.. اطلع برة ولتحجي بكيفك هاي مرتي..
ابو هند.. شبيكم شنو هالحجي..
حسن.. عمي اطلع منها خليها عليه
شهم،، ليش يطلع هو مو ابوها..
حسن،، اخوية اتفضل ماعدنة نسوان..
شهم.. ماروح احب اسمع هالشي من ابوها..
ابو هند.. سدو السالفة هسه..
ابني شهم.. منلكة احسن منك بس الصدك ابن عمها يردها ..
وهي بقت كلشي قسمة نشوف الله شنو قاسم الها
شهم.. افهم من كلامك راح تنطيها الابن عمها
ابو هند.. القرار بقى يم البنية..
شهم،، من كال هيج ارتاحيت الحمدلله يعني
مراح يجبروها على شي مدام هي متريدة
هند،، اسمع صوتهم بالاستقبال وصياح كلشي
مافهمت بس رجليه احسها انتهت شراح يفضها اليوم..
شهم.. عمي اني اترخص اني ادزز اختي ام محمد غير يوم ننتضر ردكم ..
حسن، لدز احد البنية مخطوبة..
ابو هند،، حسن سد السالفة ابني بعدين
شهم .. اني ماعندي حجي وياك عمي اترخص اني
ام هند. صلو عالنبي شبيكم
شهم. عمة بس صيحيلي ام محمد..
هند، مدي افوت ارزل حسن واكولة موبكيفك بس اخاف يحجي شي وابووية يروح بيها..
شهم اريد اطلع اندك الباب
هدى .. هاي اجتي هالة ومرت حسن وابن عمي
الكل بحالة دهشةةةةة
حسن،، شنوو شجابهم
مرت حسن.. ليش متجاوب علية
حسن.. الجهاز صامت طبي جوة.
شهم ،، بقيت مصدوم شنو الي ديصيرر
ام هند،، هلا شلونكم تعالي انطيني الغراض
هدى تعالو للغرفتي ..
ام محمد،، يله عيني احنة نروح
ام هند،، هلا بيج بنيتي تنورون وسلميلي عالوالدة
ام محمد يوصل خالة ..
هند..مرت حسن اجتي وجهه ميتفسر من شكلها ضايجة من حسن كون ترفض زواجة وتسويلة طلبة ..
حسن هاي شجابها والله لا اكسرها اليوم اني اعلمها ..
شهم .. مع السلامة عمي..
هند.. ام حمودي كولي لشهم مراح اقبل خلي ينتضرني
ام محمد،، هههه اي حبيبتي غير لوتشوفي شصاير بحالة مقهور سودة علية شلون يعوفج هو كلش يحبج..
هند،، اني هم والله احبة بس ابن عمي وكف
بينة.. اختنكت ماكدر احجي
ام محمد،، لتبجين وداعتج الي الج ميصير الغيرج وشهم مراح يعوفج
هند،، سلميلي علية ..( اساور العزاوي)
ام محمد يوصل حبيبتي مع السلامة
هند راحو وطبيت للغرفة حسن يصيح مدري شبي عفتة ورحت ال هالة مشتاقة الها
هالة.. ولج هاي شصاير صدك جوارينة يردوج
هند .. اي شلون ولد بس حسن واكف بطريقي
شبي رجلج ميحاجي خلي يكلة يكف عني كافي
هالة،، ولج مرتة متخبلة شتحجين متقبل يتزوج
جابتنة غصب ورجلي عندة شغل اجتي تريد تمنعة الطريق كلة تبجي..
هند،، صدك الله يبشرج بالخيررر
هالة .. مممم لازم تريداالي تقدملج اليوم
هند،، شعندي غيرة
هالة ،، مممم صايرة متحجين شي
هند،، هو انتي وينج دحجيلج محتفية بعالم الاطفال وبعيدة
هالة يااا وج سمعي هاي شكووو..صوت حسن
طلعنا كلنا نركض حسن جان يضرب بمرتة
وامي تريد تفكها من ايدة متكدر
هالة،، ياااا هاي شبيكم حسن.. هالة اخوية وين
هالة راح هو وابوية طلعو ،.
حسن،، ليش جبتوها..
رشا.. ليش حتى لو هم مجابوني اجيك وحدي
تريد تتزوج ..
حسن،، انتي مو وافقتي..
رشا .. هسة ماكدر ماقبل تتززوج
حسن،، سدي حلكج خطبت بنت عمي
هند، ماخطبت احد لتحجي هالحجي كافي
هند مرتك خطية اخذها وروح
حسن.. انتي لتحجين شي
هند.. اني ماقبل بيك كافي عاد
حسن،، تسكتين لو لا.....!
هند،. شتريد تحجي احجي اني ميهمني بعد
الولد رايدني على سنة الله ورسولة
حسن،، طلع السانج ؟؟
هند،، اي لازم ادافع عن نفسي..اني اريدة
ام هند،، شبيكم ...شنو هالحجي
حسن،، عمة بنتج تدرين شتريد..
هند،، اني اكمل حسن..لتعب نفسك
هند، يمة اني احب شهم وماتزووج غيرة
واحنة متفقين على كلشي
حسن،، دسمعين شلون تحجي بنتج عمة
رشا،. معليك بيها البنية خليها تتزوج
حسن.. اني اخذها ..
رشا،، ماقبل تتزووج..
هند،، ماريدك
هالة .. اهدئو سدو الحجي هسة.
ام هند،. والله ماعررف شو دخت..
حسن،، اليوم اكطع مهر لتحجون حجي زايد
رشا بس تخطب اشتكي عليك
لان اني مااقبل..
حسن .. اني اريد اطفال انتي متجيبلي طفل
هالشي من حقي..
هند،، حلها وي مرتك بعد اني اتركن

ي
امشي هالة تعاالي الغرفتي نكعد نحجي
ام هند،، وين مولية تعالي فهميني
هند،، يمة بعدين مو وكتها ..
شهم،، رجعت للبيت مدي افرغ قهري كلة
بحسن بس اخ ماكدر اتجاوز خلي اخذها واني اعلمة..
ام محمد،، شهم ترة هاي الي جتي مرتة الابن عمها وشفتها ضايجة اتصور جاية تنهي هالشي
شهم .. علواه..
ام شهم .. سويتوها ورحتووو ..
شهم.. يمة اني احبها انتي اذاتحبيني اقبلي
الله يخليج موكل الدنية وكفت بوجهي من اختاريت الي احبها
.......يتبع ...
.

[ملكةه]

سحرتني_جارتي ﴿ 15 ﴾ الاخير
هند.. رحت اني وهالة للغررفة ..بعد كل المشاكل الي صارت بس الحمدلله مرتاحة ماكوو هم على كلبي امي عرفت بالي صار تقرييبا..
حسن.. عفتة هو ومرتة صياح كون يقتنع وياخذها ويروح البيتة..
حسن.. ولج شبيج انتي موكلتي اتزوج
رشا .. تندمت بعد ماكلت معبالي راح تسويها صدك.. حسن اني احبك ليش هيج اتسوي بية
اذا عالطفل الطب اطور ابيع ذهبي كله ونروح للخارج نسوي طفل..
حسن.، اروح وياج الاخر العالم بس خليني اخذ هند..
رشا .. طلعت موعلمود الطفل انت نفسك بيها
من قبل..
حسن،، اي اريدها..
رشا،. ماعندك احساس دشوف البنية متريدك
تحب غيرك..
حسن،، انتي معليج
رشا،، دسويها واخطبها ثاني يوم اشتكي عليك
واسوي دعوة .. لان راح تتزووج بدون علمي
اخليك بالسجن والله..
حسن،، هيج يعني.. تسجنين زوجج
رشا،، اهووون ولا تتزوج غيري
حسن،، والله مراح ايأثر عليج زواجي
راح اعزل كل وحدة وحد وراح اعدل بينكم
رشا.. والله اكلب الدنية عليك اموت نفسي وابلاك
حسن،. كااافي ماريد اسمع حجي زايد
رشا.. امشي لعد خلي مرجع للانبار
حسن؟،، اريد اخطب اني..
رشا،، سويها وشوووف النسوان شتجيب
هالة.. ولج هند شو صار هدوء ماكو صوتهم
هند،، وين الله وتفط ويروح مني
ام هند،، ولج انتي حسابج بعدين هند
هند،، شتريدين تسوين سوي يمة تعلمت عالقهر
هدى،، ماكو قهر بعد..
هند،، سكتي انتي لتضلين تحجين وتقلدين
هدى لا والله جديات
هند،، ولج احجي شنو
هدى ... البشاااارة ..
هالة ،، لج شكووو..
هدى.. سمعت الحجي كلة بين رشا وحسن
وحسن راح ياخذ مرتة ويروح للانبار ..
هند،، كمزت من مكاني حضنت هدى وابجي وابووس بيها لج خاف تشاقين
هدى لا والله شبيج..
هالة امشي ننزل نشوف شكو
حسن،، عمة راح اروح .. اخذ مرتي بس مراح اعووف هند بحالة راح ارجع النوب
اتحضري هالة..
هالة.. لا حسن اليوم اجيت شفتهمت من اهلي
الله وياكم انتو اني اخلي رجلي يجيبني
هند،، حسن انت ابن عمي وتاج راسي
الله يسعدك وين متكون
حسن.. مارايد دعائج.
روحي اخذي هذا الوصخ متأكد راح يجي يوم ويعوفج .
هند..اني ادرة بمصلحتي..
حسن،، طلعت وكلبي معصور شلون راح تروح هند مني.. شلون راح اتصير بحضن هذا الوصخ ...انجبرت بعد اتركها بعد مارجعت رشا
لاصت الاول والتالي..
هند،، استغليت الوقت امي واخواتي ملتهيات
ركضت للغرفة .. طلعت الجهاز واتصلت بشهم
الووو ..
شهم.. هلا يبعد العمر هلا ..
هند.. احبببببببببك...
شهم.. روحي انتي.. اموت عليج والكعبة
هند،،، حبيبي حسن راااااح ...
شهم،،، تشاقين...
هند،، والله ...
شهم.. ولج جاي فتحي الباب..
هند،،، وين...
حسن،، بشرتيني غير اريد بوسج عالبشارة
هند،،، ههههههههه اكعد راحة
شهم .. غير لو اكو صبرر گلبي نار عليج
مشتاااااكلج بگد رحمة الله..
هند ، يبعد عمري انت شصار بحالي ..
خفت من الي صار كلة..
شهم،، كتلج ثقي بية وخليج قوية ..
هند،، راح اسدة خاف ينتبهون اهلي..
شهم.. اجي بالليل
هند،، اخاف خلي تفض هسة بعدين يلة باي
شهم.. سديت المبايل ودزيت مسج
........
كون الكاج وفتح للضحك بيبان وجيج بهيبة مرتب اريد اكل رطب مليت خلصت العمر اعزب اريد اشلبة لحضانج وفصل من شعر راسج غطة وهدوم على صدرج مدري شنهي ايحبهن المفطوم بعدني صغير ونتي فراش وشيكره الطفل بالنوم شنو اليرضيج بس كولي أحجيلج حجي بي يخدر التمثال ماراكب فرس بس انعم الله عليج انا بزودج صرت خيال بس خيالج حفظته وجفة الغالين كله افياي اشذكرني بذيج الليلة ونتي وياي ...
هند... قريت المسج تخربط كلشي بية يمة گلبي
شديحجي يمة كلامة يموت
هند.. رديت..
رديت... اكعد راحة شهم عيب..
شهم..رديت

وج ياعيب اليوم اجيج لوو تحترك الدنية حرك
هند.. رديت

تكمله البارت الاخير

((( انتضرك على احر من الجمر)))

هند الحمدلله راحو وخلصت من حسن وكعدنا
نحجي اني وامي واخواتي وحجيتلهم عن حبي بشهم وشلون صار لقائي بي صدفة وشلون كبر
حبنا والحمدلله امي صحيح عصبت علية
بس سكتت بعدين..
مابقى بعد عندي احد يعارض غير بابا
اجة الليل كملنا العشى واني فتحت الحجي
ويا ابن عمي زوج هالة وابووية
والحمدلله بابا وااافق..ماعدنا اي مشكلة
ركضت عالجهاز دزيت مسج الشهم
حبيبي ساعة (١) انتضرك
شهم ..(اكدر مااجي اني ميت على شوفتج))
شهم.. يمة كافي عاد وافقي ماحب اسوي شي مو برضاتج
ام شهم.. انت شلون مهتملي..
شهم،، يمة انتي الخير والبركة اني شعندي غيرج
يمة افهميني والله گلبي يمها ماكدر بدونها..
ام شهم.. بكيفك يمة انت ادرة بمصلحتك
شهم،، يمة افهم انتي موافقة يعني..
ام شهم.. الي يريحك يريحني اي يمة شايف الخير..
شهم،، هلا بأحن ام بالعالم الله يحفظج النا
يالغالية.. حضنت امي وبوستها
ام شهم،، واخيرا راح ازوجك ..
شهم،، ادعيلي اتكون من نصيبي واهلها يوافقون
ام شهم ،، عايزة ميوافقون يلكون احسن منك
شهم.. الله كريم يمة
رايح اسبح..
هند.. صار الليل واني ميتة شوك على شهم
رحت سبحت وتعطرت ..وكاعدة انتضرة
شهم.. دزيت مسج..
(((اجي ترة ماضل صبر)))
هند،، رديت(( تعال كلي شوك))
شهم .. شفت الوضع اتأكدت ماكو احد طفرت
هند،، اجة شهم فدووة لطولة قفلت الباب
شهم.. شلووونج
هند،، الحمدلله
شهم،، شسوالج هذا الحقير..
هند،، انسى شي راح بوكته..
شهم،، والله اتمنى اكدر اسوي شي بس
مربطة ايدي ماكدر اسوي شي
هند.. عادي حبيبي اتحمل لأجل عينك كلشي يهون..
شهم.. اتقربت الها وحضنتها بقووة
تعالي يبعد هالعيون انتي..
هند،، حبيبي عندي بشارة..
شهم.. لعد منحجين كلبي خلصان قهر
هند،، رحت فدووة الكلبك اني اهلي موافقين
شهم..بدون وعي شلتها بأيدي الاثنين
ولج صدك تحجين..
هند،، عزة نزلني..
شهم.. احجي عاد ..يتبع

تكملة البارت الاخير
شهم.. احجي عاد
هند،، اي والله شبيك
شهم،، واخيرااا راح اخذج وتصيرين يمي
هند،، ماصدك والله شوكت يجي هاليوم
شهم باجر اجيب اهلي واجي نكطع مهر
والزواج خلي ببالج ماتأخر شغلة ايام ونتزوج
كلشي مكمل..
هند،، هههههه اي حبيي صار
هند،، نزلني وخلاني بحضنة..
وصار يلعب بشعري..
هند،، حبيبي ليش متروح..
شهم.. اشش خليني اشبع منج اشم عطرج
گلبي ميت شووك..
هند،، اني اكثر يعمري بس اخاف ..
شهم .. لتخافين اني وياج
هند،، بقينى ساعه كاعدين لحد مراح شهم
ونمت واني مرتااااااحة..
شهم كعدت الصبح للدوام كلي نشاط
امي موافقة واهلها وافقو مابقى بعد احد يعارض
رجعت الضهر عزمت عمامي وخوالي ودزيت ام محمد على بيت هند وكالت الهم اليوو نجي نخطب
ام شهم.. وليدي اليوم مستعجل وفرحان
شهم.. شلون لعد طاير فرح والله
هند.. بقيت سارة يم امي..
وطلعت اني وهالة .. اخذت فستان طويل
ردنة شفافة .. لونة وردي .. حيل حلوو
ورجعت للبيت سرحوولي شعري فتحتة
اختي سوت مكياجي اني ماعرف اسوي المكياج
هي تعرف احسن مني..
شهم. اليوم اجمل يوم بعمري ممصدك..
هند.. رتبنة البيت ونصفنة وكعدنة نتتضر جيتهم
شهم طلعنا اني وعمامي وخوالي واخواني
عزمت كل الدنية على المشية ..
من فرحتي ..
هدى،، ولج هند اجووي جايب كومة ناس
هند ههههه فدوة لعينة..
هدى.. هاي شنو سمعي هالة اختج شتحجي
هالة.. اش فضحتونا اجوي العالم..
هند اجوي اهل شهم وعماتة..
ام شهم،، صلو عالنبي ..
يمة جنتي شلون حليوة..
الكل جان فرحان بالخطوبة..
واني فرحتي متنوصف...
شهم.. بعد ماقرينا الفاتحة اجتي ام محمد اخذتني لهنودتي..
شهم،، طبيت لابسة فستان وردي..
خرب شطالعة ملكة قليل..
هند.. اجة شهم جان لابس قميص كحلي
ومزين شعره يخبل طالع
شهم .. الجكيت صار يطاير فوكانة وكل دقيقة
وحدة تركعنا بهلهولة.. اذني انتهت ..
الكل يبوس ويبارك.. هسة اني رايدكم
تبوسوني رايد غيركم يبوسني..
شدكولين هند..
هند،، اش فضحتنا..
شهم.. ليش بعد من شنو خايفة انتي مرتي..
همست يم اذانهه اتقربت.. الوردي شسوة بية
خبلني اول يوم بالسطح شفتج بي تذكرين مو
هند،، ابتسمت كافي العالم يباوعون النة ..
شهم،.. خلي يباوعون شبيج بالج يمهم
خليج وياية..
هند فدوة الطولك ..اروح ..
شهم.. كومي نصعد للسطح ..
هند..ههههههه كافي
شهم،، اموت عالسطح ..
هند.. عزة بعيني شراح يسكتك اليوم
شهم،. ولج هالخدود منين جايبتهن مال عض
هند،، بالنبي راح اكوم كافي تحرجني العالم كله تباوع ..
شهم.. شبيج وجهج احمر ههه
هند،. من سوالفك..
هند خلص المهر جان يخيل وشهم جانت سوالفة ماتنمل ..اموت علية..
شهم رجعت للييت كوة خجلت من اهلة جان مدي ابات يمهم..
هند.. خطبني ولا مل من السطح لازم يومية يجي مرات ينام ميدري بنفسة من التعب اكعدة ويرجع .. للبيت..
كملنا تجهيزات العرس واليوم عرسي ..
واني كل هاي وممصدكة راح اكون الشهم
شهم.. اليوم زواجي من الانسانة الي اختارها
گلبي.. فرحااان ممصدك هي بحضني
هند،، رحت للصالون سويت مكياجي وشعري
ولبست البدلة .. وكعدت انتضر نور عيني يجيً
شهم اخذت سيارتي زينتها بالزينة اني واصدقائي..وطلعنا كلنا للصالون..
هند،، وصلت الزفة واخيرا .. راح اصير الشهم
شهم.. فتحت الباب وشفت هند،، طالعة ملكة
جمالها من اول يوم سحرني ..بيها
بحسنها شي يجذب اي واحد يشوفها
دخلت كلبي من اول يوم..
شهم.. شطالعة اليوم..
ام الصالون.. تخبل ماشاءالله عليها
شهم.. يمعودة لتحسديني عليها ..
ترة متت يله خذتها..
ام الصالون .. هههههه شايف الخير ان شاءالله
شهم.. مشكور خيتي..
شهم .. دقيقة وين طالعه..
هند،. شبيك..
شهم متطلعين هالشكل...
هند،. يعني!!
شهم.. اللبسي هذا الرداء الابيض
هند.. ماعندي..
شهم.. لتحتارين رحت جبته ..
تعالي ام حمودي جيبي..
هند ههههه خرب شوكت جبتة..
شهم.. لازم معاحبج تريدين تطلعين هيج .
محد يشوفج غيري..
هند .. هههههه ماشي گلبي..
طلعنا بالسيارة كعدت ليكدام وشهم يسوق..
جانت زفة من العمر تخبل..اخذني للبيت شفت بنتي بوستها بقيتها يم امي واهلة واصدقائة
سوولنا هوسة بالبيت تخبل..
نتشكر من كال اخذوها نتشكر من عمها واخوها
طلعنا للفندق..
شهم.. ماكو عندي صبر بعد ..
شوكت تصير بحضني..
شهم. ترة كافي ركصتو وغنيتي ماشبعتو..
الكل.. يمعود احنة ضايجين نريد هوسة دنركص
شهم،، تتونسون براسي روحو لا ابتلي بيكم ..
شهم.. اخذت عروستي وطبيت للغرفة
هند،، رغم جنت متزوجة قبل.. وشهم متعودة
علية.. بس احس جسمي كلة يجف خجلانة حيييل..
شهم.. تعالي نسبح.. حارة اليوم..
هند،، احي وراك ..
شهم،، كومي داكلج..
هند..اسبح والله روح ..
شعم انتي مومال واحد يكعد يقنع بيج..
هند.. ياا هاي شبيك..
شهم انداري فتحت السحابة..يلا كومي
هند،، ههههه اي اي
شهم.. اموووت عليج.. تعالي يمي تركي الحمام هسة..
هند،، ياا موكلنا نسبح..
شهم... ولج بعدين كافي ماعندي صبر تعالي يمي..
لهنا وانتهت قصة شهم وهند كافي عيب عوفوهم براحتهم.....