اكلاتنا الرمضانيه لهذا اليوم
طريقة عمل كبسة المقلوبه بالخضار
ننقع كوبين رز بمويه مغليه وملعقه كبيره خل لمدة ربع ساعه وبالقدر نحمر البصل
ونضيف البهارات الصحيحه والدجاج ونقلبهم الين مايحمر الدجاج نضيف البهارات
والصلصه المعجونه ونقلبهم مع بعض ونحط عليهم عصير الطماطم ونتركه يتسبك ٥ دقايق
بعدين نضيف مويه مغليه الين مايتغطى الدجاج واخر شيء نضيف الملح
ونغطيه يستوي على نار متوسطه لمدة ساعه او الين مايستوي تماماً ،
نقطع الخضار لشرايح سميكه ونقليهم بزيت غزير ونتركهم على جنب ،
بعد مانقعنا الرز وغسلناه نضيف عليه ملعقه صغيره من الملح والبهارات السبع ،
نرتب الخضروات بقاع القدر ونرش عليهم من البهارات والملح ،
بعد مايستوي الدجاج نحطه فوق الخضار ونضيف فوقه الرز ،
نصفي المرق ونضيفه على الرز مقدار ٣ أكواب من المرق بنفس الكوب اللي قسنا فيه الرز ( كل كوب رز منقوع كوب ونص مويه )
( اذا كان المرق اقل من ٣ أكواب نزيد عليه مويه مغليه وملح حسب الذوق ) وبعدين نحط القدر على نار عاليه واول مايبدأ يغلي نغطيه ونخليه على نار هاديه لمده ٢٠ دقيقه او الين مايستوي ، ونتركه لمدة ٤٠ دقيقه عشان يتماسك ونقلبه بصحن التقديم
_معلومه. مفيده
البهارات السبع عباره عن ملعقه صغيره من :
( قرفه مطحونه / هيل مطحون / كزبره ناشفه مطحونه
فلفل اسود مطحون / كمون مطحون / كركم مطحون )
ونص ملعقه صغيره من : القرنفل المطحون
ونخلطهم كلهم مع بعضا
https://m.facebook.com/groups/138712...48734485204323
رد مع اقتباس
المشاركة الأصلية كتبت بواسطة روافد
