جرحه صعب ما يندمل
يحرگ حرگ لهفه وأمل
ايطول العمر سهره عذب
سحره دوه يمحي الذنب
ايمر ابعجل مثل السهم
للجنه مفتاحه رهم
عايل تره الگايل وهم
وآنه ارد اسرك يا شهم
الحب تره .. يبقه وهم
،،،،،،
الحب عشگ.. يعني غرام
فرحة گلب وجد وهيام
حالم يظل كل العمر
نومه صعب خاوه الگمر
نار ولهب وسط الگلب
جمره حلو كلش عذب
ايصيب الگلب مثل السهم
ليله صعب يحسب نجم
بس ابصراحه يا شهم
الحب صدگ .. يبقه وهم
،،،،،،
عيون المحب تلمع لمع
تكتب نثر تنظم شعر
ايذوب اليحب مثل الشمع
سارح تره كل العمر
دمعه وتهل دمعة فرح
لو صاحوا اسمك يا ترف
والگلب .. گيتار وعزف
يركض ركض گبل الجدم
لو لمح حبه مبتسم
اشما يكتب .. ابكيفه القلم
الحب يول .. يبقه وهم
رد مع اقتباس
المشاركة الأصلية كتبت بواسطة أبو فاطمه
