محاوره بين اثنين جيران واحد فقير والثاني زنگين
الفقير:
احجيلك برمضان عن حالي والصار
تاكل الناس اشكال وانه اكل احجار
الزنگين:
تاكل يخوي احجار غير انه موجود
دك بابي شوف شلون اوكفلك بزود
الفقير:
لا لاتضن فديوم بابك ادكه
طبعي انه ابن اجواد تكتلني حركه
الزنكين:
لاتستحي ولتخاف غير انه اخيك
احسبني رابي وياك ابن امك وابيگ
الفقير:
صعبه من امد الايد والروح اذلها
يوميه ادعي غروب يگرب اجلها
الزنكين:
طبعك طبع معدان اصل وكرامه
ماتقبل تمد ايد محمل شهامه
الفقير:
طبع اليكرم الجار يترسله بيته
مويجي يعير بيه ويمسح لحيته
الزنكين
ماعيرت محجيت كل ضني اعينك
وردت الملح والزاد بيني وبينگ
رد مع اقتباس
المشاركة الأصلية كتبت بواسطة أبو فاطمه
