اهنا يمن چنه وچنت احچيلك بأسراري
من يوم قررت السَفر عايش وحيد ابناري
،،،،،
اهنا يمن چنه وچنت أسمك أعز أحبابي
عايش وَحيد أبغربتي محد يجي يدگ بابي
،،،،،
اهنا يمن چنه وچنت عايش أبگلبي وروحي
دنياي راوتني الحزن واهواي بيه اجروحي
،،،،،
اهنا يمن چنه وچنت من أحزن اتواسيني
لوعه وحزن هَم وجرح مَرن عليه اسنيني
،،،،،
اهنا يمن چنه وچنت اشكيلك وتشكيلي
مابيه حيل الفرگتك تعبان كلش حيلي
،،،،،
اهنا يمن چنه وچنت يا اغلى من اعيوني
شماتي أنه ابفرگتك كلش ولك أذوني
،،،،،
اهنا يمن چنه وچنت اقرالك وتقرالي
من بَعدك أنه اتغيرت صار الحزن موالي
،،،،،
اهنا يمن چنه وچنت أكتب الك مكتوبي
ماعندي غيرك بالعشگ بس انته يامحبوبي
،،،،،
اهنا يمن چنه وچنت بس اسمك انته ابالي
عفت الكتابه والشعر واتغيرت احوالي
،،،،،
اهنا يمن چنه وچنت محبوبك اتناديني
چا هسه ليش اتغيرت شنهي السبب ياعيني
رد مع اقتباس
المشاركة الأصلية كتبت بواسطة رقة فراشه
