المشاركة الأصلية كتبت بواسطة علي الشمري♪
السلام عليكم ورحمة الله وبركاته
صار اكثر من 3 ايام تراودني فكرة عمل البقلاوة التركية واليوم تم تنفيذ الفكرة
بعد معاناة طويلة وخلال البحث والتحري عن مكان وجود عجينة البقلاوة تم العثور عليها بنجاح
طبعاً اخذتلي فرة بالسوكـ وسألت اكثر من صديق عليها ومن واحد لواحد وصلتلها وطلعت صاكه جداً
(جامدة من البرد) ....
نرجع لسالفتنا ونترك الصاكات بصفحة ...
المقادير :-
عجينة بقلاوة جاهزة
200 غرام فستق عظم بدون كَشر
150 غرام جوز بدون درع يعني (لب جوز)
نص كوب شكر .
100 غرام دهن حر خالص مو مغشوش
ملعقة شاي دارسين
طريقة التحضير :-
ناخذ لب الفستق ونخلي بالطاحونه الى ان يصير يشبه الطحين
وبالنسبة للجوز نطحنه بالهاون الى ان يصير شبه الناعم
وناخذ الشكر ونديره بالطاحونه الى ان يصير هم يشبه الطحين
وراها نخلط المقادير كلها وندير عليها الداسين وصارت عدنا الحشوه مال البقلاوة
نجيب صينية مدري شنو يسموها ندهنا حتى ما تلزك العجينه
ونبدي نخلي اول طبقة من العجينه داخل الصينية ونرش عليها شوية دهن ونجيب الثانية ونفس الطريقة الى ان نوصل للطبقة السادسه
وراها نخلي الحشوه وندير عليها شوية دهن ونرجع للطبقة الثامنة الى ان نوصل للعدد 12 وبين كل طبقة والثانية ناخذ دهن بالفرشاة ونرشة على الطبقات ...
المهم بعدين ندير بقية الدهن المتبقي من الكمية ونقطعها بالسكين
ونخليها بالفرن ....
ما اعرف هاي طريقة الشرح الصحيحه او الخطأ
المهم نفذت الفكرة وبس
والف عافية
ملاحظة :- الشوي صار من واجب الحجية لان ولا طكه بشغلة الفرن
شكرا لكم حبايب مو تنسوني بالتقييمات تره ازعل وروح جبرة
رد مع اقتباس
