سهله أشلون عندك تجفي الاحباب
وتعوف الموده وتنكر.....العشره
وتسويها بزعل ما نعرف.....الاسباب
وخاطرنا عليك تزعله...... وتكدره
بطلنه العتب لان ما أيفيد...... أعتاب
لان تنكر بساع وحجيك.......تغيره
روح وداعة الله ولا تدك......الباب
وغيابك نعرفه بيوم.......ونفسره
أوديلك رساله ويه الهوى الهاب
وأرسملك قلب مجروح من ......قهره
عرفتك ما تحب وبالعشك.......جذاب
وكلام الشوك تختاره......وتسطره
يا خايب لا تأمن للوكت.......دولاب
يجيك ألي يحرك قلبك......يحيره
وتجيني ودمعك من الندم...... سجاب
بس أللخان قلبي ما....... أعذره
واليغدرني مره بلا أي.......أسباب
أأسد بيبان قلبي وما.......أقدره
ولا أفسح مجال وأسمع.......عتاب
أخاف يلين قلبي وينسه.......غدره
وأحلفلك قلبي من أسهر.....تاب
بعد ما أللوم قلبي ولا........أسهره
رد مع اقتباس
واه واه يبوي
المشاركة الأصلية كتبت بواسطة عـلي الناصر
