"مصطفى العراب" عضو تحت المجهر
السلام عليكم ... طيب الله أوقاتكم بالسعادة والمحبة
أفطار شهي وتقبل الله طاعاتكم
اليوم محطتنا كانت مع المشاغب والمرح والجميل مصطفى العراب ليعرفنا بوجهه الأخر
كان اللقاء ممتع وجميل ... أتمنى أن تقضى معه بهذا الجمال
1- ماذا تحب أن نناديك مصطفى أم هايزنبرغ ؟ وماذا يعني الاسم الثاني ؟
مصطفى اكيد ..
الاسم الثاني هو لعالم كيميائي حسب ما اتذكر واستخدمته مستر ويت كلقب اله بمسلسل بريكنك باد وجنت من معجبينه
فخليته أسم مستعار في درر العراق .
2- كيف تصف الحياة اليومية للمشاغب مصطفى العراب ؟
حياتي هادئة كلش وما بيها تفاصيل هواي غالبا يكون يومي شغل تمرين نت نوم .
3- يقال أنه مصطفى العراب دائماً فوضوي لايلتزم بقانون ولاعرف داخل المنتدى ؟ وهل حياتك خارج المنتدى هكذا ؟
ههههه اذا تردون الصدك اني هيج ويا الاحبهم ما اكون لطيف وحباب وياهم
ولازم اخالف واسوي مشاكل وماعرف شنو السبب لانه مثل ما ذكرت بالسؤال اعلاه حياتي هادئة كلش.
4- يقال أن مصطفى العراب لم يؤمن بخالق لهذا الكون ؟ هل مازلت كذلك ؟
ههههه اشاعات يوم واحد بس عشته كملحد ومو يوم وانما ساعات نمت واني ما اؤمن باي شي اطلاقا
وطبعا هذا اليوم جان يوم تاريخي بحياتي الفكرية لان بعدها دخلت بقوة لعالم البحث واطلاع والمعرفة
واذا تسـألون عن توجهي الديني فحاليا اني مادري شنو اني وشأتبع هههههه .
5- مصطفى العراب لم يصم شهر رمضان أطلاقاً ؟ ماصحة هذا الخبر ؟
لحد قبل 3 سنوات اني جنت مؤمن زاهد وعابد وصلاتي بالجامع وما فاطر شهر رمضان
يوم واحد حتى باشد الايام حرارة وجهداً .
وأحد وصل بيه العطش لدرجة تفطر لساني من شدته ومتندم ع هلتعذيب المارسته بحق نفسي ههههه
6- لو أعطي لك صلاحية تغيير عضوية أنسان ثاني ؟ ماذا ستغيرها ؟
أنسان ثاني نفسها .. عرفناه بهذا الاسم وحبيناه بهذا الاسم فما اغيره
7- أجمل سنة لمصطفى العراب في درر العراق ... متى كانت ؟
سنة 2013 ايام المسابقات ويا عباس دوحي والتصاميم بالسويش ماكس
والفوتوشوب والمسابقات الرمضانية .. كلش افتقد هلايام الجميلة
8- من يفقد مصطفى العراب في درر العراق هذا العام ؟ وتتمنى عودته بهذه اللحظة ؟
لا أحد ... الراحلون غير مأسوف عليهم
9- علچ ونعناع.. محطة جميلة يرتادها الكثير من الاعضاء ... لماذا أنشئت هذه المدونة ... ؟ ولماذا بهذا المضمون؟
يشرفني وجودهم بيهة ويسعدني هم ...
حقيقة انشأتها حتى ادون بيهة يومياتي واشاركها وياكم وهم حتى ما ابقه مثل المشرد يوميه ياخذني الفضول
لمدونة شخص واكتب بيهة . لو ابقه بمنية موضوع ما الكلمة المثير للجدل والكثير الاغلاق هههه
10- صديقة من درر العراق تدعوها الى الكوفي ... من هي ؟
كات (Cat)
11- برأي مصطفى العراب مايحتاجه درر العراق ؟
قوانين صارمة ضد المرأة ... !!
لا جديات ... الي نحتاجه ان نقوي اواصر المحبه بيناتنا "ماعرف معنى اواصر"
12- أعطي لمصطفى العراب صلاحية الكتابة على جدارية كبيرة بوسط بغداد ... ماذا سيكتب ؟
(الرؤية واضحة جداً , لكن لا احد منا يُريد ان يرى
وهنا تكمن المشكلة)
13- ماذا يتمنى مصطفى العراب ؟
اتمنى ادخن اخر نركيلة بحياتي فوق اكبر برج بالعالم مبني ببغداد الى تكون بوقتها العاصمة الاجمل في العالم
14- لديك تذكرة واحدة فقط لرحلة الى شط العرب ... من ستأخذه معك ؟
جيكي .. قطعة كَلبي هههه
15- أعطي لقب للأسماء التالية :
Suzana ... أنسان ثاني ... Samer ... رحيل ... راهب ... سام
Suzana .. سوزان خانم
انسان ثاني .. رومي
Samer .. ستالين او لينين المهم أي دكتاتور
رحيل .. حلقوماية
راهب .. الماستر العظيم
سام .. المرهف
شكراً للجميل والرائع مصطفى العراب ولسعة صدره ...
أنتظرونا مع ضيف أخر من درر العراق
من المواضيع السابقة
"Suzana" عضو تحت المجهر
رد مع اقتباس
