تسلمينالمشاركة الأصلية كتبت بواسطة جنة الروح
تسلمين
اهلا وسهلا ليفاي استمتعت هنا
اشوو عجبني اتابع انمي
هلا بيج فتاة من ذهباهلا وسهلا ليفاي استمتعت هنا
اشوو عجبني اتابع انمي
اذا تردين اتابعين شوفي قائمة انميات للمبتدئين
هلاو شلونك شلون صحتك
اسمك ليفاي شنو معناه
الاسم الكامل
عشيرتك شسمها
مكان الولاده
المواليد
التحصيل الدراسي
متزوج لو اعزب
رقم الهويه
يكولون انت تحب تمشي ع قوانين ليش عود?
تتمنـى تكون ضابط في الشرطه وامور التحقيق وماشابه ?
انت عايش بكركوك شلونها كركوك حلوه لو لا
شوصلك للدرر ووشنو اللي جذب انتباهك بي
اوصف الاعضاء بكلمة واحد ولاتكلي ماجاوب
سامر
سوزان
زنوبه اللي هي اني
ود
فتاة من ذهب
كريم بنزيم
نادر الوجود
Gardiسوسن محمود
راهب
بّـنِوِتُةّ فُﮯكةّ
علي ابراهيم النائب
Vip
حسن هاشم
فقد الاحبه
ضيا۽ المالكي
رحيل
شنو رايك بالموضوع
هلاو شلونك شلون صحتكخوش موضوع يخليك تتعرف ع الاعضاء
اهلا زنوبة بخير الحمدلله
اسمك ليفاي شنو معناه
هو ليفاي اسم الشخصية إلي اني مخلي صورتها ومعناه الشخص المنضم او المتعلق (يعني نظامي)
الاسم الكامل
ليفاي آكرمان
عشيرتك شسمها
عوفينا من العشيرة
مكان الولاده
كــــــــركــــوك
المواليد
99
التحصيل الدراسي
ادرس سادس حالياً
متزوج لو اعزب
اعزب
رقم الهويه
496213
يكولون انت تحب تمشي ع قوانين ليش عود?
شغلتين تخلي اي ناس متواجدين في مكان معين متوافقين ويه بعض مهما كانت اختلافاتهم او مخالفاتهم
الاحترام والقانون
اذا فقدنا واحد منهن يختل التوازن وما نكدر نعيش بسلام .
انتي يمكن ساكنة بالبصرة صح ؟ فأكيد عندج امثلة كثيرة عن هذا الشي .
تعرفين من نفقد احترامنا وألتزامنا بالقوانين شنو راح يصير وشكد يموتون
تتمنـى تكون ضابط في الشرطه وامور التحقيق وماشابه ?
انمي (ديث نوت) يخلي اي واحد يتابعة يحب التحقيق وكشف الغموض لذلك صرت احب التحقيقات من ورة هذا الانمي
وبحكم إلتزامي الصارم بالقانون إلي رغبة بدخول المنظومة العسكرية وإصلاحها وفق القانون لان بيها هواي من الاخطاء .
لكن هي مجرد رغبة مو طموح
انت عايش بكركوك شلونها كركوك حلوه لو لا
اني ولدت وعشت بكركوك واعتبر انتمائي لكركوك اكثر من انتمائي للناصرية إلي هي المحافظة إلي ولدوا بيها اهلي .
لان بالنسبة إلي انتماء الشخص لمكان معينة يكون حسب مكان ولادته لان هو اخذ بطبيعة ذاك المكان :)
وكركوك حلوة تخبل صح مو مثل محافظات (دهوك- اربيل-سليمانية) لكن هي حلوة بيها غابات وتلال وجبال زغيرة وروافد وطبيعة حلوة فضلاً عن داخل المحافظة من خدمات وغيرها بعهد حكومة الاكراد (الخدمات هسا مو زينة صارت من اصبح راكان الجبوري محافظ لكركوك)
شوصلك للدرر ووشنو اللي جذب انتباهك بي
كالي شخص عن الدرر ولفت انتباهي نظام الصوتيات .. ما شايف هيجي نظام بغير مواقع
اوصف الاعضاء بكلمة واحد ولاتكلي ماجاوب
سامر = عبقري
سوزان = حنينة
زنوبه اللي هي اني = مرحة
ود = ودودة
فتاة من ذهب = كلبها طيب
كريم بنزيم = يحب الريال
نادر الوجود = يحب ناروتو (بحكم رمزيتا إلي تذكرني بهالانمي)
Gardi = مُتسابقة (تحب المسابقات)
سوسن محمود = طيبة
راهب = يعجبني تفكيرة احياناً
بّـنِوِتُةّ فُﮯكةّ = خوش بنية حبابة
علي ابراهيم النائب = خوش وليد
Vip = ابوالحظوظ
حسن هاشم = صديق
فقد الاحبه = تحب الطبخ وكلبها طيب
ضيا۽ المالكي = مُحب الباجة
رحيل = رائعة الروح
شنو رايك بالموضوع
-نصائح تقدمها للمقبلين على السادس؟؟ !
باعتبارك صرت سادسيٌ محنك
-اكثر شخصية تحبها؟(السؤال الحبيت احد يسالكياه
-اخطاء عملتها راح تحرص ميوكعون بيها اولادك؟
-فرق السن بين الاهل والابن الامثل؟
-طموحك صيدلة وان شاء الله يتحقق،،هل هو حلمك او بسبب الاهل،او شي اخر ؟
بالمناسبة عجبتني لما قلت انك عدت السنة لانك عرفت نقاط ضعفك،سبب جيد،،بس سالفة الانمي لاتذكرها بليز
وتذكرت ،شنو فرق الكرتون عن الانمي؟
هلا وغلا .. شلونك ؟ شخبارك ويه السادس؟ أمنيتك شنو تصير؟ هل انت بار بوالديك ؟ وشلون تشوف جيل هسه ؟
وشنو رأيك بعبارة ( احلام الناس لا تنتهي)؟!!
وشكرا رحيل للاختيارات الراقية دوما
شكراً لكم احبتي
شكرا Levai لحضورك
-اكثر شخصية تحبها؟(السؤال الحبيت احد يسالكياه
ما عندي شخصية احبها بشكل خاص
الذكاء : آيزن - ريوزاكي (إل) - ياغامي لايت - زيرو - إروين ..ألخ
شكل وجهه الشخصية : آيزن - ميكاسا - كاكاشي - ليفاي - شانكس ..ألخ
القوة : ليفاي - مادارا - ميكاسا - كاكاشي - زورو - زاراكي ..ألخ
التصرفات : ليفاي - إلكيورا ..ألخ
بس اكثر الشخصيات إلي تشبهني هي (ليفاي - آيزن )
-اخطاء عملتها راح تحرص ميوكعون بيها اولادك؟
كل اخطاء إلي سواها ابوي الله يحفظه (وهي عديدة)
-فرق السن بين الاهل والابن الامثل؟
السؤال غير واضح عندي !
وهنانه راح يظهر فرق السن , اذا جان السؤال هيجي , فماكو عُمر معين بالنسبة إلي
اهم شي يكون الاهل ع قدر المسؤلية وفاهمين الحياة الزوجية والعائلية بالشكل الصحيح
-اذا جان فهمي للسؤال خاطي فياريت تعيدين توضيحة- ^_^
-طموحك صيدلة وان شاء الله يتحقق،،هل هو حلمك او بسبب الاهل،او شي اخر ؟
طموحي مو صيدلة وانما الصديلة مجرد وسيلة احصل منها شهادة الكلية وبعدها يبدأ طموحي .
هو رغبة مني فقط .. الاهل كالوا هاي حياتك اختار إلي انت تريدة .. هذا الشي الإيجابي في دراستي ما عندي ضغط ع دراستي من الاهل عندي فقط اهتمام ^_^
بالمناسبة عجبتني لما قلت انك عدت السنة لانك عرفت نقاط ضعفك،سبب جيد،،بس سالفة الانمي لاتذكرها بليز
هههههه لا همزين حاليا كل الانميات إلي متابعها خلصتهن وباقيلي بس النت وباجر تنحل مشكلة .
وتذكرت ،شنو فرق الكرتون عن الانمي؟
الشي الوحيد إلي يتشابه بي الانمي والكارتون هو ان كلاهما يرسمان ع ورق ويُحركان بالحاسوب يعني كلاهما عبارة عن رسوم متحركة .
الاختلافات هواية اهمها
- الانمي يقدم فكرة اعمق للمشاهد مثل الغموض عكس الكرتون إلي تقدم شي بسيط جداً ومناسب للأطفال .
- الانميات قد تحوي بعض المشاهد إلي متناسب الاطفال .
- الثقافة إلي يقدمها الانمي متفيد الاطفال لان مراح يوعوها فهي اكبر من عقولهم .
شكرا لكِ زين
اهلا شمس الدررهلا وغلا .. شلونك ؟ شخبارك ويه السادس؟ أمنيتك شنو تصير؟ هل انت بار بوالديك ؟ وشلون تشوف جيل هسه ؟
وشنو رأيك بعبارة ( احلام الناس لا تنتهي)؟!!
وشكرا رحيل للاختيارات الراقية دوما
الحمدلله بخير وتمام .. السادس بخير يسلم عليج
افضل اكتم امنيتي ^_^
الحمدلله بار بالوالدين الله يخليهم
جيل هسا عبقري نت لكن اكو محاربة من الاهل .. يحتاجون بعض العناية
احلام الناس لا تنتهي كالها شخصية من شخصيات انمي (ون بيس) إلي هو (اللحية السوداء - تيتش) واشوفها حقيقية جداً
لان احلام الناس ممكن تتطحم وممكن يعيد بناء حلم آخر واذا تحطم يرجع بحلم آخر ولن ينتهي ما يتنفس
شكرا شمس الدرر لتواجدج
