هنا

[هــاجــر]

اووويلي شهل صبر

ليش هيج انتي تصبرين ومنو يستاهل اصلا


اهربي ...اهربي

[Suzana]

هذا مستوي انا مو كلت ما اريده ني ولا مستوي هاي ثالث مره تجيبينه ومامسويته مثل ما اريد وانوب هسه حاركَته حتى شغل ماتعرفين ابني الاثول المن ملفيج حتى شوي ماتعرفين تشوين كل خير مابيج ، والله بوقتها ما ادري شلون حبست دموعي ( بس بصراحة اخذته على كد عقلة وسكتت لخاطر الي احبه ) روحي سويلي واحد واذا جبتي الي ومو زين لاتجين احسن رحت عمتي اجت وجانت زعلانه من عمي يعني ماخذه موقف بحيث ماتدخل باي شي يخصه مثلا اذا نسالها شلون يريده عمي ماتجاوب وتكول ذاك هوه وروحو سالو ، كلتلها كالت بعد شيريد شنو هذا زين كلتلها هسه شسوي كالت انا مالي شغل اتصرفي انتي ويا عمج منا مناك كالت اشوي وخل اباوع بس كون مايطلع من الغرفة مالته بس يشوفني وهو شارط ما ادخل هم يرجع يطردنا انا وياج وزوجج شويته كملت وديته وارجف والله ومحسبه راح اترزل وتصير كارثه والحمدلله عدت على خير رجعت لغرفتي انتظر الساعه ب8 وكعدت ابجي بس بدون صوت هم منا زوجي نايم واذا كعد شيسويلي يسمع السالفة ويسكت هاي اذا كعد لان من ينام كارثهنومة ثكَيل ، فتحت التلفون دزيت رسالة لابوي صبحت عليه كالي شعندج كاعده من الصبح شنو ماصايمه خو مابيج شي مريضه لو شنو كلتله لا فزيت وجان الحجي على طرف لساني مثل مايكولون وحسب الموقف الحجي بطرف اصابعي اكوله لو لا اذا اكوله شيسوي واكيد راح يمنعني من زوجي او تصير مشاكل ويجوز يحاجي زوجي وزوجي محذرني اكول اي شي لاهلي حتى لو مشكله وانطرد زين شسوي قررت اسكت وانتظر رحمة الله واشوف وين توصل

حبيش ياروح مابعدج روح...انتي اتزوجتي نفر واحد وتخدمين نفر واحد مو عشيرة .. المفروض اتفهميهم هالشي ..

[نـرٍجٍـس آلُِـمـوُسـوُي]

[أغرد بهمس]

عكيفكم وياها صبروها مو تزيدوها عليها

بس مااتزوج اني خوفتيني

[Rose peace]

عود حطيت راسي اريد انخمد وجان يكعد زوجي زين بعد شنام هو كاعد وانا نايمه ماترهمصلينا وراح يم امه انا كلت على ما يجي خل اغمض شوي عيوني اريحهن تعبني منا بجي ومنا مانايمه شلع ما احس بروحي الا اخذتني النومة صارت ب2 ونص ما ادري بعد نمت اجه زوجي كعدني ب3 كلتله خرب ب3 وانا ب2 ونص لازم بالمطبخ كال يله عادي روحي هسه ، رحت لكيت عمتي بالمطبخ كالت ها توج يله اجيتي جان بقيتي نايمه غلست كلتلها اليوم شنو نسوي الفطور كالت بعد شتسوين حضرتج توج اجيتي كلتلها بعد وكت مو مشكله يلحك كلشي كالت اي يلحك كلشي ضجت ورحت لغرفتي وبين اكول لزوجي وخل يصير الي يصير وبين اسكت اخذت الزلاطة ورحت للغرفة وكعدت اسويها زوجي يباوعلي يكلي شبيج شكلج ماعاجبني كلتله لا ماكو شي بهاي الاثناء دخلت عمتي كبل بدون احم ولا دستور وكالت خل اكوله قبل لا انتي تكوليله وتكلبينا علينا وكعدت تشتكي مني مرتك مانظفت عدل وراددت ابوك وسوت مشكله الصبح ويا ابوك ومرة حماك و وياي وهسه هم نفس الشي وحضرتها نايمة ل3 بقى ساكت وكال لامه تره طلعت روحي من المشاكل ومشاكلكم ولعبت روحي من هالعيشه هاي وانتي (يقصدني اي ابجي ابجي تتونسون على المشاكل) عمتي كالتلي ها ارتاحيتي خليتي ابني يصيح عليه والله ماتخافن ربجن يالجناين والله لا يوفقجن وطلعت زوجي خله وبدل كلتله تعال يمي انا تعبانه وتعبت كلش بس اريدك يمي كال عوفيني طالعه روحي كلتله لاتخليني وتروح كال اختنكت خليني اطلع كلتله زين لاطول ارتاح وارجعلي كال الله كريم ( سامعين خرج ولم يعد مارجع الا ويا الفطور ) انا من طلع نار واكلتني اكل وين اروح المن اشكي وين انطي وجهي شسوي اكول لاهلي احسن لو لا كعدت اقرا قران شويه كلت هسه بس اروح هم تصير مشكلة خل اسكت مادام طردتني وصارت هوسه

[نـرٍجٍـس آلُِـمـوُسـوُي]

صارت ب8 ورحت اخذت المعدات (مكناسه + وصلة مسح + معطر جو) كملت تنظيف غرفته ومثل ماشرط غرفة عمتي بعدها كملت ترمزه مال الماي بوقتها اجه وكف على راسي وانا انظف خلصت كال هو هذا تنظيف شو حضرتج تنظفين من وره خشمج كلتله ليش عمو شنو بيها الغرفة حتى انظفها كالي انوب اترادديني حسج مايطلع فهمتي ويله طلعي عود تعرف تنظف صاح على مرة حماي تعالي انتي نظفي الغرفة وراح سوت روحها نظفتها وراح طلع بره البيت ما ادري وين وراحت مرة حماي وضلت تحجي يم عمتي انا رحت اطبخ كايله لعمتي الغرفة نظيفه ويكلي نظفيها انا شعليه شنو ابتليت اشتغل شغلي وشغلها انا مالي شغل تره وسوت هوسه ويا عمتي واجت عمتي رزلتني انتي تدورين مشاكل ليش مامنظفتها عدل مو امس وكلنا المشاكل تخلص لو تحبين المشاكل كلتلها والله نظفتها وروحي شوفيها كالت غير مرة حماج نظفتها وراج وانتي شلون تراددين عمج ها طبعا كله خليتها تحجي وحدها وسكتت خلصت شغلي ورجعت للغرفة خليت راسي وعود اريد انخمد من كد التعب والقهر

اخ يمه زوجج وين شنو بس عرف يخطب ويسوي عرس ازعلي لو بيتج وحدج لو اخلعي شنو كم مرة تعيشين .. وهو اذا يحبج يدبر نفسة شلون مجان هو رجال ... قهر هذا شنو من حب

[هــاجــر]

اكو ناس هيج اذا جابوا جنه للبيت يعتبروها (خدامه) عذرا على هالكلمه .. او عبالهم اهلها باعوها الهم لو متعاجزين منها ..فيبقون يعاملوها بمنية على هاللكمه الي تطلع زقوم من ورة الحجي الي ماله معنى.. يرادلهم فرمته

والغلط من (الجٍنه)
المفروض متقبل بهذا الشي بأي شكل من الاشكال

والزوجه حتى ما مجبوره تخدم زوجها...الا اذا كانت هي راضيه تسويله بعض الشغلات

والحياة الزوجيه..تعاون وواحد يشيل الثاني

ومابيها شي اذا سوت بعض الشغلات لأهل زوجها..هذا يعتبر من تربيتها واخلاقها وهم الممنونين ..والفضل الها لانها بنت عالم وناس

بس الي ميقدر ..شتحطله ويطيب

[Rose peace]

اووويلي شهل صبر

ليش هيج انتي تصبرين ومنو يستاهل اصلا


اهربي ...اهربي

لاجل الحب والقدسية الزوجيه وانو الزوجه لازم تصبر وتتحمل كلشي لاجل زوجها جنت اضحي واصبر واتحمل وجنت اتوقع لاجل شخص يستاهل بس .....

[هــاجــر]

لاجل الحب والقدسية الزوجيه وانو الزوجه لازم تصبر وتتحمل كلشي لاجل زوجها جنت اضحي واصبر واتحمل وجنت اتوقع لاجل شخص يستاهل بس .....

ماكو رجال يقبل ع مرته تنذل وتنهان من اهله وهوا يسكت..

المفروض تصيرين اكثر جرءه.. وتردين ع كل كلمه متعجبج...
واي شي متردين تسوي متسوي

وكل حجايه وثانيها..تكليهم اني انسانه عندي اهل..مو فصليه

والي ميريدني ...يرجعني ال اهلي..ممتعاجزين عني

ياحب هذا..ماينراد وحق الله

[Rose peace]

حبيش ياروح مابعدج روح...انتي اتزوجتي نفر واحد وتخدمين نفر واحد مو عشيرة .. المفروض اتفهميهم هالشي ..

لحد الان محد يقتنع انو اكو ظلم وعيشة ذل عشتها الا الي اسولفلة بالضبط شنو جان يصير من تكولين عند عيالي اشتغل يكلولج اي وشكو بيها ومثل ماكالت سبحان

اكو ناس هيج اذا جابوا جنه للبيت يعتبروها (خدامه) عذرا على هالكلمه .. او عبالهم اهلها باعوها الهم لو متعاجزين منها ..فيبقون يعاملوها بمنية على هاللكمه الي تطلع زقوم من ورة الحجي الي ماله معنى.. يرادلهم فرمته

يعتبرون الجنه خدامة وعلى فكرة هم عيشتهم مثل الريفيه برغم انو المنطقة مو ريفيه كلش واتحظرو واكو ناس مدن هناك عايشه مو بس ريف وهم عيالي عود حظر بس تصرفاتهم مال همج ومعدان هذا الي اكدر اوصفهم بيه لان الريف ناس والنعم منهم مو بعقليتهم

عكيفكم وياها صبروها مو تزيدوها عليها

بس مااتزوج اني خوفتيني

استقبل جميع الردود مهما كانت سلبيه او ايجابيه ، حبيبتي مو الكل سوه اكو ناس والنعم بيهم ومثل ماكلت هي قسمه والقسمه يا تصيب يا تخيب