كملي ي الله ولج هاي حياتج نفس القصص اللي انشرهنكملي
كملي ي الله ولج هاي حياتج نفس القصص اللي انشرهن
المشاركة الأصلية كتبت بواسطة Rose peace
بيوم الي رجعنا الساعه ب1 الظهر طفت الكهرباء بس شنو الحكومة بريئة من هذا الفعل الوحشي هنا هتلر نزل الجوزه مال الكهرباء وهم اشتغلت الاذاعة لبث الاصوات المرعبه والغلط والحجي الي ماينحجياحنه تعبانين ومابينا حيل ولا خلكَ شنو السالفة شكو هاي تطلع من بيتي (يقصدني)
ما ارجع الكهرباء الا تطلع ( بيومها طلع اليوم الي رحت الاهلي والفرحة والونسه من خشمي ) صارت مشكلة بينا وبما انو اصرو ما اطلع ادري وين اروح حتى اهلي مو يمي وبالسيارة يرادلي ساعه ونص حتى اوصل ومنو يوديني سيارة زوجي حاجزها عمي ويكول لزوجي مالي شغل دبر روحك ما اريدها تبقى دقيقة بالبيت هنا صدك ضجت كلت لزوجي بيني وبينه الله اكبر شمسويه شنو الجريمه والذنب الي سويته اكو واحد ينحكم وهو مايعرف شنو ذنبه وشنو مسوي هاي مو عيشة تره وبجيت شوي واجه اتصال من عمتي لزوجي خل مرتك تلبس عبايتها وامشونا نروح لبيت اختك (حماتي بيتهم يم بيت عيالي قريب عليهم فرق شارع) رحنه هناك فطرنا ضلو هم يحجون عمج عصبي وهو هيج ميخالف اتحملي لخاطر زوجج وهو بس بوقتها بعدين يتراجع بعدين اجه زوج حماتي راحو صار اجتماع (زوجي وحماتي وزوجها وعمتي) انا ماخلوني باعتبار زوج حماتي رجال غريب مايصير اشاركهم واكعد وياهم دزوه على عمي يتفاهم وياه ويشوف شنو الذنب والمطلوب حتى نرجع للبيت
للآن ما قتلتیه؟
مو واجبج هذامن رجع كال الرجال يكول ماعنده شي والبنيه حسب مايكول مقصرة (
كملو الاجتماع وطرحو عليه الشروط وبعد مجبرة اوافق بس كلتلهم تتوقعون بعد مايحجي عمي ويبطل مشاكل كالو اي كلتلهم نشوف وافقت اجه زوج حماتي كال خويه بعد انتي هذا عمج واتحملي لخاطر زوجج وبعد هاي الجنه تتحمل كلشي يم عيالها ومو مثل بيت اهلها رجنا للبيت وقت السحور البيبان مقفولة لكيناها لان مطرودين وخاف نجي وندخل وهو نايم مرة حماي فتحت الباب النا بموافقة منه.
ودخلنا كلت لزوجي تره حتى بعدني عروس ماصارلي غير شهرين مانطيتوني مجال ولا فهمتوني عن وضعكم وانت حجيتلي كلشي يختلف عنكم وانا فهمتك وضعي وشلون عايشه عند اهلي مدللـه العود ما اشيله من الكَاع وكل هذا واتحملت واتأقلمت وياكم من ثالث يوم العرس واشتغلت كلشي وماقصرت كال لخاطري مو تحبيني انا شبيدي اسوي اتحملي لخاطري خليت وسكتت بعد انكسر خاطر على زوجي وادري اذا مانفذت راح انطرد لاهلي وابتعد عنه
وهاي سوالف نسوان كابتن هلتر شدخله
خليت ونمت بيومها بلا سحور نفسي انسدت وضايجه وزوجي كذلك وقتت التلفون ب6 كلت اناملي فد ساعه ساعتين وراي طياح حظ حتى ب6 اكعد واروح اسلم على سيادة الامير وتالي اشوف وين انطي وجهي هالساعتين لحد ماتصير ب8 بس شنو ما اخذت عيني نوم من الخوف والقلق والضوجة والله بوقتها صار عندي وسواس ويا كل صوت او باب ينفتح او حس اتوقعه عمي وكلبي يضل يدك واحط روحي بشيشة وره الساعه بالخمسه الفجر بديت شلون الانعس يعني بين غافية بين نايمه بس ما اكدر انام اخاف انام ويصير الوقت وما اكعد وساعتها مايخلصني الا الشارع 5 ونص واسمع عمي اباب الغرفة منو يسويلي استكان جاي وهيج مثل الي يستهزء ويهدد عود ها تكومين لو لا انا سمعته والله طفرت طفرة عبالك انتلت واتخربطت الشال وين الشال وهو كدامي الشال بس من الخوف انعميت اخذته وطلعت صباح الخير عمو هسه اسوي باوعلي بطرف عينه اي يله سويلي استكان جاي باوعت الساعه ب5 ونص هو مو شرط ب6 شنو هالخباثه يا ربي ، سويتله استكان وديتله طبعا هو دائما مايحب القوري يمه نصبله بستكان ونودي ومثل ماطلب استكان كملته وديته اله وجان احصل رزاله منه
يله حبابه كملي وراج سنه كامله
حبيبتي ، ما اتوقع اكو وحدة تتحمل هالشي
وانتِ بعدج صغيرة
وحتلو تحبي لزوجج ، نفسج اهم من كلشي عالشنو هالتعاسة ، مثلا لو اكو من ورا هالحب راحه بيها مجال ،
بس مثل مدتكولين لا عيالج ولا زوجج راحميج
ليش بقيتي لحد ما تورطتي بطفل ؟
لو منج من اول شهر وشفت هيج حالتهم ارجع لاهلي
افرضي هالشي صاير ويا زوجج تتوقعين يتحملج؟
اكيد لا
كل الي تتزوج تصير تعيسة ( هاي خُلاصة الي أستنتجته)
كلبي كام يوجعني
نص الرزاله : انا صحيح كلت استكان جاي بس تجيبيلي بس استكان شنو غير القوري اكو واحد هيج مايفتهم شيلي الصينية يله وروحي ، رحت حطيت القوري وجبتله الصينية ( وانا امشي افكر اسويله ريوك لو هسه مايريد شوكت اسوي ب7 لو هسه معقوله هسه ياكل زين اسأله اكوله تريد ريوك لو لا بس خاف يرزلني وهسه معصب شلون بقيت بحيرة كلت اوصل يمه والله كريم ) وصلت يمه حطيته كال هاي اي هسه وهيج من البداية الا نعلمج بداخلي والله اكول ماكو هسه عصه واضربه افلش راسهبس ساكته بدون كلمه ومدنكه راسي حالي حال الخدامه حتى الخدامه ماتسكت ولا تدنك راسها مثلي حتى الفصلية اتوقع مو هالشكل ، سالته عمو اسوي هسه ريوك لو بعد وجان يجي الرد بعصبية يعني واحد كاعد من النوم مايريد ريوك شلون روحي اشويلي معلاكَ ، ان شاء الله عمو
طبعا من شروط المعلاك ( كون مامستوي ولا ني ) زين شلون يصير هذا واول مره بحياتي اشوي معلاكَ وانوب بهالشرط هذا شلون يصير لا مستوي ولا ني
رحت سويته مثل التكه مال لحم شايفه امي من جانت تشوي وسويت نفس الشي سويته وشفته توه بدأ يستوي يعني لا ني ولا مستوي حطيته بصحن وديته اله باوعلي هيج
اجاوبج على كلامج بعد ما اكمل حبي
الدنيا ماتخلى من الزين واكو هواي ازوجو وارتاحو بس هو الزواج قسمه ونصيب وكل واحد وحظه وقسمته بالدنيا وهذا الشي كاتبه الله والمكتوب على الجبين لازم تشوفه العينكل الي تتزوج تصير تعيسة ( هاي خُلاصة الي أستنتجته)
سلامة قلبج حبيكلبي كام يوجعني
