المشاركة الأصلية كتبت بواسطة ضياء المالكي
اهلا بيكم
اهلا بيكم
موضوع رائع للتعرف ع الاعضاء المبّهمين.. عندي عضو مبهم اريدچ تورطينه هناا
.....
اهلاً وسهلاً بالأخت (زهرة السلام)
...
وشكراً جزيلاً ست رحيل ع هذا الموضوع
بسم الله
في البداية شهر رمضان يعتبر شهر مميز وعظيم بالنسبة الي وهو من احب الشهور الى قلبي ، كأنه شهر 1 بالسنة بداية سنة جديده اما عني فشهر رمضان يعتبر بداية حياة جديدة بداية امل نهاية تعاسة او حزن (شهر رمضان يعني لي شهر السعادة والراحة النفسية ، شهراً اتمنى لو ان كل الشهور مثله ، حين يرحل كأنه ضيف عزيز جداً يفارقني ويتركني وحيدة) ..
دائما اعيد شريط ذكرياتي خلال السنة في هذا الشهر وعاده ما اكتب في ورقة كل الاحداث الملفته التي حدثت واريد ان انساها او اتذكرها اقوم بحرق الورقة التي اريد نسيانها واحتفظ بالورقة الاخرى (الذكريات والمواقف الجميلة رغم قلتها للاسف)
ايضاً اعيد فيه اصلاح نفسي وما فعلته من اخطاء خلال السنة خصوصا تلك التي سببت لي الحزن ، وابدأ بصناعة امل واحلام جديدة وتفائل لسنة اقل حزن على الاقل (هنا اشعر ان الفرح يغمرني) واغلاق كل ابواب الحزن والمواقف تلك ، بأنتظار شهر رمضان القادم .
..
الا العام السابق والعام الحالي كان شهر رمضان فيها مختلف جداً ..
اهلا بكموضوع رائع للتعرف ع الاعضاء المبّهمين.. عندي عضو مبهم اريدچ تورطينه هناا
.....
اهلاً وسهلاً بالأخت (زهرة السلام)
...
وشكراً جزيلاً ست رحيل ع هذا الموضوع
في شهر رمضان 2017 كنت عروس الشهرين تقريبا في بيت اهل زوجي ، كانت الحياة مختلفة جداً جداً وقاسية هناك خصوصا خلال هذا الشهر الذي اكتشفت فيه انهم مختلفون اكثر مما عرفته في بداية زواجي ، لم افعل كل ما افعله في شهر رمضان حين كنت مع اهلي (نسيت نفسي وكل شي جميل وكل التقاليد والعادات التي افعلها وبدأت اسعى جاهده لارضاهم كي اتجنب المشاكل والطرد من البيت وكي لا ابتعد عن زوجي) فقدت التواصل مع اهلي لم يكن لدي الوقت الكافي ولا الامان الكافي كنت احاول التواصل سراً من خلال الرسائل فقط (كان ابي يعاتبني لاني لم اعد اتصل او استقبل مكالمات فيديو او صوتية منه كما كنا نفعل في اول زواجي لكني كنت اجد العذر المناسب واحيانا لايكون مقنعا لكنه يصدقني ) ،، لا اعلم ماذا اكتب من كلام فبعض الكلام لا يقال وربما لا يصدق ايضاً (وتبقى هناك بعض الخصوصية التي لانستطيع ان نتخلص منها مهما كان قلبنا مفتوحا للجميع) .....
هسه نعوف الفصحة واحجي بالعامية لان هي سالفة تسولفالمهم ،،
اول يوم كان شبه عادي عدا انو عيالي ينامون ب9 هنا حسيت بغربة (مثل غربة الوطن) وين كل سنة انا واهلي نكعد نقرأ قران نسولف نحجي نتابع شي بالتلفزيون لحد وقت السحور نتسحر ونصلي وننام هنا بقيت وحدي وكل البيت طافية اضويته عدا ضوا غرفتي ، هنا ضجت هم لان زوجي بس خلص فطور كبل غسل ايده وطلع وكال تره برمضان انا اتاخر اجي ب1 وفوكَ طلبت منه يجي ب12 علمود شوي نقرأ قران سوه نتابع مسلسله وحتى ما ابقى وحدي طول الوقت وحتى اشوفه كال الله كريم ، طبعا ما اجه وغلس عليه) بداخلي اكول ليش هيج حذرني واكد عليه وبعدين وقت سحور شسالفة
المهم كملت ورحنه نتسحر بغرفة عمتي شفت جو الهدوء كلش عبالك حراميه وبايكَين بوكَه ويتقاسمونها بالسكته
طبعا اتوقعته شي عادي من عوايدهم مشيتها وياهم ، سألت عن عمي كلتلهم خطيه عمي وقت سحور اروح اوديله السحور عمتي كالت لا هو ياكل خفايف لحد هنا جان الوضع عادي....
صباح ثاني يوم سمعت صوت هوسه وصياح عمي المهم اتوقعته مثل كل مره ماعجبه شي وضل يصيح ( عمي من النوع عصبي جداً جداً وعلى اتفه الامور ) خليت وغلست قابل شعليه يمي بكَربي خليت وحاولت ارجع انام بس بعد يا نوم ( الصراحة انا جنت اخاف من اسمع صوت عمي حتى لو مو عصبي او مشكلته مو وياي فمن اسمع صوته كَلبي يضل يدكَ من الخوف عمي من النوع المرعب عبالك ضابط " على كَولة زوجي هتلرخليت الصحن وفلتت رجعت لعمتي كلتلها يمه وديته وهيج صار خو ماكو شي شبيه عمي سلامات كالت لا هيج عصب على الجهال ، بالليل جان السحور بهاليوم على مرة حماي بس شفتها نفس الشي هم بحذر
المهم رابع يوم وخامس يوم نفس الشي تقريبا سادس يوم مادري سابع ما اذكر بالضبط شنو المهم وقت الفطور وعلكَت عمي يحجي بالغرفة وحده بس شنو عبالك يمه واحد ويصيح عليه ويتعارك وياه (دائما من يصير هيج انا احط روحي بشيشه من الخوف مثل ماكلت حتى لو الشي مو يمي ) المهم ماندري على شنو يصيح ومنو وياه وشنو السالفة بس نسمع صياح وهوسه) شوي وطلع من الغرفة اتفاجأت بيه يغلط على النبي محمد واستغفر الله يكفر ويستهزء بالله وعلى الامام علي وعلى شهر رمضان هنا يعني انصدمت صدمه كلش من الكلام الكاله والاستهزاء المهم عمتي كالت روحي لغرفتج بعدين اصيحلج رحت بس بقيت اسمع ومصدومة اجه بالفطور زوجي وكلتله كال اي هو ابوي كل شهر رمضان هيج يتهستر يتخبل من شهر رمضان كلتله ليش شنو السبب كال يتعب كلتله بس مو مبرر كلنا نتعب المهم ضل يفر بالحجي منا ومنا وكال بعد انتي ابوي اتعودي عليه هيج خصوصا من يعصب ...
بعدين ارجع اكمل قبل الفطور لو بعده هسه عندي مشوار خارج البيت من ارجع احجيلكم عنه من اذكر احداث رمضان هذي السنة
هاي سالفة عمچ يرادله شربت رمان وزبيب
حبيت اعرف شبي