هنا

[الشاعر مصعب باشا]

اليوم السابع
بسم الله
ساعه 6 الصبح صفر الحكم على بدايه الشوط السابع
اول صاروخ نمر النمر انطلق من القاعده ساعه بل 7 ونص تقريباً كل عاده النسوان تصرخ وتبجي والزلم تركض وتختل
وكع الصاروخ بصف المدرسه بالشارع والله والله الصوت والهزه التراب صدك جحيم
بيت جيرانه الشايب الي بي المفخخه الباب الكراج طار من قوه العصف والسياره كامت تبين
بعد ماكو باب البيت صار سفري من بعيد تبين المفخخه طبعا من شباك المطبخ باوعت ع مفخخه لاول مره
اشوف سياره مفخخه بحياتي الله واكبر تخوووووووووووف والله تخوووف سياره كيه موديل 2014 او 2015 من هاي العاليه
ومصفحه وفوك السياره اكو 4 صواريخ
شنو شغل هاي الصواريخ منو منكم يعرف لعبه السيارات الحربيه بالسوني ون تذكرون الصواريخ الي فوك السياره ونطلقها
هاي سووها هيج السايق من جوه من ينطلق بالسياره من يشوف كدامه همر او دبابه يطلق الصواريخ الي فوك السياره
اي اي ناس دواعش فنانين ولد ..... مااحجي عيب المهم
صار الضهر واحنى خايفين لا الطياره تضرب السياره ونموت وكل اشويه صواريخ طلقات
صوت اغاني مال جيش صوت اناشيد مال دواعش صارت خبطه الله وكيلكم تيهنه بعد مانعرف شنسوي
هو بلا شى راسنه متشوش والدماغ ميفكر الوب هاي المصيبه مال سياره والله صارت بل 3:30 الظهر اجو اثنين بالماطو
واحد عربي والاخر روسي طبكو يم البيت ودخل الروسي ع سريع بالسياره المفخخه طبعا احنى نشوفهم من شباك المطبخ
وطلع الروسي من البيت احنى الكل نركض نختل انخاف لا اطك يم البيت المهم راح ابو المفخخه احنى الكل ارتاح لان خلصنه
والكل تكول الف الحمد لله ماكو شى ابو المفخخه رايح ع جيش ابو الطياره الحربي ضرب الشارع الي يروح ع جيش
ابو المفخخه الحيوان معاف السياره بالشارع لالا داور من الفرع ورجع رجعها ع بيت الي جان بي احنى دا انسؤلف وانكول الحمد لله
خلصنه من المفخخه والله جان نسمع الشخيط مال الحديد والكل تصيح رجعت المفخخه بعد ماكملنه الحجي
ابو الطياره ضرب السياره بصاروخ ونفجرت السياره بصف بيتنه احنى 11 شاب بالمطبخ بينه وبين السياره بس حايط
وطكت المفخخه ونهجم البيت والله العظيم يا جماعه فقدنه الوعي لمده دقيقتين طبعا اني اباوع حواليه نار ودخان اسود
ويا نفسي احجي اكول ياربي والله اني ممسوي شى غلط بحقك حتى ادخل جهنم
خلاص البيت صار من صدك جحيم وجهنم ورده دقيقتين صفه الجو اباوع اني بعدني مميت الف الحمد لله نعمه هاي والله نعمه
اباوع على الشباب الكل صافنه الاذان تصفر مااسمع احد اباوع روحي اني باشارع ماكو مطبخ ماكو سياج ماكو كراج
ماكو باب كراج هاي كلها طارت من العصف مال مفخخه النسوان تبجي وتصرخ وره اشويه رجعلنه الصوت ونسمع
النسوان تصيح وتبجي وتلطم الحمد لله احنى كلنه بخير بفضل رب العالمين ناس مسالمين ماعدنه اذيه على احد رب العالمين حفظنه
احنى خلينه النسوان بغرفه شباكها صغيرون وعلى الشباك خليت دوشك ابو السبرك من هذا القوي فالعصف والدخان والاتراب ماطب
على النسوان بس الصوت بس احنى الشباب تبهدلنه واكلنه تراب ودخان
مطبخنه طوله 12 متر الشغلات الي جانت بهذاك الصوب كولها اجت يمنا الثلاجه والمجمده الكاونتر انشلع من الحايط اكللكم شى عرب
الناس جوارينه الي حوالينه كالو هذوله كلها ماتت مراح يطلع منهم واحد طيب لان شى رعب هسه راح اراويكم صور البيت


هاي الصور

من هذا البيت طلعت المفخخه وبعدين رجعت وبالبيت انفجرت




هذا حال بيتنا هاي بعض من غراض المحلات




باوعو الشبابيك اشلون تشلعت من قوه الصاروخ نمر النمر



هذا بيت الشايب الي كانت بي المفخخه انتدى البيت مع الاسف




هذا الكراج مالتنه باوعو ولا عبالك جان اكو كراج اهنا
اتشوفون الحفره هذا مكان صاروخ



















من داخل البيت





هاي الغرفه مالتي
















هذا السطح الصواريخ من توكع يطير الاتراب والشضايه وكلها تكع على بيوت العالم








هذا البيت الي طكت بي المفخخه



هاي المدرسه







وره بيتنه اكو قطعه فارغه ابهاي القطعه احنى دخلنه سياراتنه اني دخلت سيارتي وجيراني وجيراني الاخر من طكت المفخخه احتركم
السيارت كلهن
هاي صور سيارتي قبل وبعد

قبل المفخخه



وهاي بعد المفخخه
سيارتي على جهه اليسار والباقي مالت جوارينه








تصور من قوه العصف التانكيات مال ماي كلها تزرفت والماي كوليته انطش بالسطح وضلينه بدون ماي



الناس ماتكدر تطلع بره لان من وره الطيارات الدبابات والقناصين الناس تخاف المهم صارت الدنيا مغرب
وصفر الحكم على استراحه الاثنين
الناس كامت تجي على بيتنه وتصيح اهل البيت وينكم والله طلعنه عليهم والناس فرحانه وتحضن بينه وتبوس والف الحمدلله ع السلامه
تعرفون الجوارين والاحباب مابيكم شى الف الحمد لله محد انصاب
والله حجينه وياهم الحمدلله الكل بخير الناس كامت تكول والله هاي معجزه من رب العالمين انو الكل بخير الف الحمد لله
الكل راحت ع بيوتها تنتضر اشوكت يخلص هذا الجحيم صار الليل جوارينه كالو كومو ننزل على المناطق المابيها حرب
نخلص قبل لا نموت كلنالهم والله احنى باقين مانطلع من البيت صارلنه 7 ايام ناكل صواريخ وطيارات هجمت بويتنه والمفخخه فجعتنه
وتريدون ننزل اعرف ننزل على المناطق المابيها حرب انروح شنسوي هم راح يجي يوم وراح تصير حرب وهم تعال اكل صواريخ من جديد
روحو انتو احنى باقي والله الجماعه بليل كاو طلعو ونزلو على المناطق الغير محرر بعد ماوصلها الجيش
ضلينه 11 مفر رجعنه مثل قبل صار الليل والنوبه حتى النسوان متكدر تنام من الخوف ومن صدمه المفخخه
هم اجو الدواعش علينه مره ثانيه
كلام الدواعش ويا ابويا
ها حجي بعدك باقي اهنا تنتضر الروافض يحرروك دشوف بيتك مو انهجم اشتنتضر بعد تعال ويانه احنى نحميك والله هذوله الروافض
راح يسبون نسوانكم ويقتلوكم كلكم حتى الرضيع راح يقتلو
رد عليهم ابويا
طبعا ابويا ماضل بي حيل رجال جبير كال يقتلوني خلي يقتلوني شسويلهم الا ارزلهم
كللهم مو انخرب بيتنه من وراكم ومن وره المفخخه مالتكم غير انتو الي خربتو بيوتنه والله مااطلع من هذا البيت الا ميت اني
شافو ابويا عصبي وعصب عليهم عافونه وراحو كالو اشبعو بالروافض راحو ولو
ونتهى اليون السابع

[الشاعر مصعب باشا]

يوم الثامن
بسم الله
كل عاده صارت بل 6 الصبح وصفر الحكم على بدايه الشوط الثامن على التوالي
الجيش صار قريب عنه يتقريب يبعد عنه الجيس بفرعين بس احنى ماندري لان مانكدر نطلع وثاني شى بيتنه ماضل شى بي
لا سارج لا باب لا مطبخ يعني اني كاعد بالغرفه اشوف الشارع واشوف الرايح والجاي من الدواعش
والله حطينه بطانيات على ابواب الغرف بس للحمايه وحتى الدواعش ميشوفونه لان من يشوفونه راح يطلعونه بالدفرات بره البيت
واحد من قناصي الدواعش طلع على بيت صديقي وكام ضرب الجيش
الجيش انطه احداثيات القناص الابو الطياره الامريكيه وابو الطياره تعال واضرب البيت بصاروخين البيت بي 13 نفر
كلها طلعت بخير بس اخته الصغيره تبلغ من العمر 12 سنه انجرحت واصابتها كولش خطيره
كام الاب اخذها على المستشفى بهاي الحرب شايل رايه بيضاء وشايل بنته ويركض بالشارع لمه وصل منطقه بعد مصاير بيها حرب
ولد الحلال اخذو بالسياره ع مستشفى ضلت سعتين وماتت البنت لان كانت الاصابه نحوه البطن
ربي يرحمها ويدخلها الجنه يارب
الاب بعد ميكدر يرجع عل منطقه الدواعش ميخلو يكللهم اهلي بالمنطقه واريد اروح عليهم يكلوله ارجع تريد تروح ع روافض وتحرر
المهم بعدين وره بايام تحرر الاب والحمد لله
المهم نرجع ع موضوعنه صارت الضهر
وجان تجي مفخخه من يم بيتنه احنى نسمه صوت شخيط الحديد بالكاع والله يا جماعه
اني ماضل عندي اعصاب حتى اسؤلف اعصاب رجليه انتهت مابيه حيل اكوم اركض
عبرت السياره من يم بيتنه وواني دا اباوع عليها تخوووف وراحت ابتعدت عن البيت يعني تصورو وياي لو المفخخه طاكه يم البيت
صدكوني جان مالكيتوني بالمنتدى هسه
راحت المفخخه بعدين وطكت ع الجيش احنى بس نحس بهزه الارض من قوه المفخخه
صار الرمي بالسلاح كلش قريب واحنى كاعدين بالغرفه 11 نفر والكل اعصابها انتهت والكل خايفه ومرعوبه
اشراح يصير راح انموت لو نتحرر لو شنو السالفه المهم عده اليوم على خير وصارت الدنيا مغرب
وصفر الحكم على نهايه الشوط الثامن
اخذنه نفس عميق وكعدنه احنى الشباب مه الاكبار ساعه تقريب 9 بليل ناس تكول نطلع من البيت ونروح ع مناطق الي مابيها حرب
وناس تكول مانطلع النسوان تخاف تكول نطلع وواحنى رافضين هل شى الان الي شفنه بل 8 ايام راح انشوفه مره ثانيه
والله ابويا الحجي اكبر الكل الله الجبير كال خلونه لي باجر اذا ماتحررنه راح نطلع من البيت لان الطلقات كامت تدخل عل بيت
المهم صار لليل والكل صافنه ومرعوبه وماتعرف تفكر والكل كاعده محد يجيله نوم المهم
صارت الساعه 4 الصبح وجان تنهز الكاع بينه هزه اخرب من الزلزال ابو الطياره ضرب صاروخ يم بيتنه
هذا الصاروخ اسمه البرينه يدخل جوه الارض ب3 امتار وينفجر في سبيل حتى المفخخه من تجي الجارع امفلش مراح تكدر تعبر
شوفو صوره الانفجار هاي سحبتها من الانترنيت
الصوره
هاي الحفره على السيار كان الصاروخ



وشوفو الفديو اشلون الصاروخ يخترق


طبعا دخل بالشارع ونفجر والله العظيم قطعه بكد السياره من الشارع وكعت فوك السطح مالتنه من قوه الانفجار احنى مرعوصين
النوبه هذا الصاروخ كلمها علينه
المهم صار الصبح

[الشاعر مصعب باشا]

اليوم التاسع والاخير
بسم الله
كعدنه الصبح بس مصفر الحكم ماكو حرب
الجو هدوء ماكو اي طلقات بالموضوع شنو السالفه
والله سمعنه صوت شفر يجي لي يم بيتنه ويرجع احنى كلنه هذوله الدواعش دا يتفنون الحفره مال صاروخ
حتى يعبرون سياره مفخخه بعدنه جوه والخوف يكتل بينه ابويا الحجي كال خلي اطلع اشوف اذا هذوله دواعش
حتى نحضر حالنه ونطلع من البيت مانضل خلاص راح يجيوبن سياره ثانيه وثالثه وماسوينه شى راح نموت
والله طلع باوع شاف الشفر مال الجيش طب علينه كال الحمد لله هذوله الجيش ودا يسدون الشارع حتى لا يجون الدواعش عليهم



والله بل 10 الصبح طبو علينه الجيش ع بيت يصيحون اكو احد والله كمزنه من الفرحه صحنه عليهم عوايل عوايل
لان اذا مايتاكدون احتمال يذبون رمانات بالبيت والله طبو علينه شافونه عوايل العسكري كال الابويا الله يساعدكم والله
اني كلت هذا البيت يمكن الي داخل البيت ميتين من وره المفخخه ابويا كاللهم الحمد لله الله ستر علينه
والحمد لله طلعنه من البيت ركض ابو البيت لبو الي يريده بعد ههههههههه
طلعنه ع فرع الورانه دخلونه ببيت للحمايه لان الدواعش الانجاس بعدهم يضربونه هاونات يريدون يقتلونه
طبينه البيت واشوفلك الناس كلها اهناك جوارينه والكل المهم طلعونه على منطقه محرره تبعد حوالي ساعه ونص مشي
والحمد لله وصلنه ورتاحينه وبعد التدقيق الكثيف حولونه على الجانب الايسر من الموصل
رحنه شفنه حياة ثانيه الناس المتحرره صارلها 3 اشهر والسوك والاكل وكلشى موجود بعد ماكنه بحصار دام شهرين
بس والله يا جماعه من الظيم الي شفنه ماعجبنه كلشي ناكل بس هيج مصدومين وشفت ابن خالتي اول شى سووه حشى الي دقرا جان
يتفل بوجهي هههههههههه وحضني ويبجي خطيه لان ممصدك انو تحررنه بيت خالتي قدمولنه اشهى الاكلات
بس النفسيه مامرتاحه ومايعبنه ناكل شى والله بهذيج الليله مانمنه من الخوف مع العلم انو انحنى تحررنه
بس ممصدكين بروحنه طلعنه من هذاك الجحيم الله واكبر والف الحمد لله الله كتبلنه عمر جديد
وصار تحرير الموصل من قبل الجيش العراقي وماتت ناس بل اللاف جثث بالشوارع اطفال نساء رجال
كانت الناس تهرب من داعش وتروح ع جيش وبنص الطريق قناصه داعش تقتل بالناس مايهمهم صغير جبير
الله ينتقم منهم

هيه هاي الايام ال9 الي مريت بيها بحياتي
وبعد رمضان مصار شى وياي بس جنت اركض بين الدوائر في سبيل ابدل عقد الزواج مالتي
من داعشي الى جمهوري وابدل بيان الولاده مالت بنتي هم من داعشي الى جمهوري
وطبعا هاي اني افتر لمده 3 اشهر ذوبو كلبي كل اشويه يدزوني على شباك او دائره وصرف افلوس
بس الحمد لله بدلتهم ورتاحيت من كملت تركت ارض الموصل وتجهت الى شمال اعراق الى زاخو
والله كريم انشوف تالي هاي الدنيا وين تفرفرنه

تحياتيـ للجميع

[الشاعر مصعب باشا]

لقاءات رائعه وي اشخاص رائعين استمعت بقراءه نص من حياتهم شاكره لهيج مواضيع راقيه كصاحبة هالموضوع تحياتي الج رحيل

نورتي ورده

تحياتيـ

[dr.Nafes]

الصراحه عشت كل لحضاتك وجنت وياك كلش ومن يدخل عليكم صاروخ او اطلاق ناري تروح روحي ودكول فلم واندمجت وياه واريد اعرف نهايته..الف الحمد لله ع سلامتكم والله ماينسى عبده ..الله يساعدكم ع الرعب الي عشتوا ..ويكبتلكم ايام تعوضكم الخوف الي مريتو بيه بفرح وسعاده وامان يارب

[الشاعر مصعب باشا]

وهذا ال50 سوال ㋡

1/الاسم الكامل
مصعب عبدالرحمن عبدالباقي
2/ المواليد
28/12/1990
3/مكان الولادة
سامراء
4/ التحصيل الدراسي
ثالث متوسط
الضروف اشويه داست عليه فضتريت انو اترك
وماعتقد اكو رجعه
5/ مكان الاقامه
ايام زمان سامراء وبعدين الموصل وهسه زاخو
6/الحالة الاجتماعيه
متزوج
7/مزوج لو اعزب
متزوج وعندي بنت اسمها جوانا
جوانا هاي باللغه الكرديه
بالعربي يعني جميله
8/عدد افراد الاسرة
5
9ـ اكلتك المفضله
دولمه + معكرونه بالبشاميل + تشريب +باجه +مقلوبه + كبه + مشويات بجميع انواعها + لفات فلاف الله اموت عليها
+ الخ
10ـ لـونك المفضل وليش تحبه
دائما الشاب يحب لون الاسود
يحس روحه مثل باتمان هههههه

11ـ امـــنيــتــك
امنيات اهواي من ضمنهم انو ازوج البنت الي احبها وتزوجتها الحمدلله
12/ طـموحك بلحياه
ان اربي اولادي احسن تربيه

13ـ اغنـيتك المفضله
شيرين عبد الوهاب حبيتو بيني وبين نفسي
14/عصبي هادئ.
عصبي بشكل
15/ماذا يعني لك لون الازرق
لقرون عديدة، كان الناس يؤمنون بأن للألون تأثيراً كبيراً
على الحالةِ المزاجية والشعورية للإنسان، وقد دعّم بعضُ الباحثونَ هذا المعتقد
بقولهم أنّ للألوان فعلاً تأثيراتٍ نفسيةٍ على الإنسان. اللون الأزرق، هو لونٌ يمكن
أن نجده في الطبيعة، كلون السماء الأزرق الصافي في الصباح الباكر، ولون بركة
الماء ذات الأزرق الغامق، لهذا السبب عادة ما يصف الناس اللون الأزرق باللون الهادئ
الصافي ولكنّه في الوقت ذاته يمكن أن يكون لوناً بارداً وقاسياً، ويفضل كثيرٌ من الناس
اللون الأزرق وهو غالباً اللون المفضلُ عندَ الرجال. التأثير النفسي للون الأزرق


16/ من هو صاحب الفضل عليك في بداياتك الشعريه
اخي الكبير
17/ لماذا تكتب الشعر الفصيح وليس الشعبي
لا بالعكس كل قصايدي شعبيه بس يمكن 2 او 3 قصايد فصحه
هيج اجت ببالي وكتبتها
18/منو هو الذي ساندك وتدعمك في بداياتك الشعريه
اخي الكبير
19/ هل انت تكتب الشعر من طفوله (( موهبة) ) ام هسه في الوقت الحاضر بديت تكتب
من عمر 14 سنه
20/ هل تعتبر الشعر تعليم ام موهبة
موهبة اكو ناس ماتعرف تعبر عن جملتين واكو ناس تحجي شعر
21/ ل اي شاعر تحب تسمع
مامؤن النطاح + عباس جيجان + خضير هادي + رائد ابو فتيان
22/ من هو الشاعر اللي تتعلم من عنده
مامؤن النطاح + عباس جيجان + خضير هادي + رائد ابو فتيان
23/ هل انت معروف في الوسط الفني (( الواقع) )
بين الاصدقاء فقط
24/ فجاة ظهرت في المنتدى منو هو اللي وصلك الـى درر العراق ㋡
عن طريق موضوع كنت ابحث عنه
25/ لماذا تواجدك قليل بالدرر
تواجدي قليل من وره الشغل وخاصه هسه برمضان صار الشغل بالعكس
اشويه بالنهار وشويه بليل تعب اشويه
26/ تحدث لنا عن نفسك بكلمات قليله
انا رجل اضاع الطريق الي المستحيل
استعين بعكازتي واقدامي لا تحملني
27/برغم قلة تواجدك من هو العضو اللي دائما تسولف اوياه
صراحه بعد محجيت ويا احد
28/لو صرت مشرف يا قسم تختار
الشعر الشعبي + قسم الفوتوشوب
الشعر الشعبي محجوز لي

29/اكثر شي جذبك بالمنتدى
كوله على بعضه حلو وخاصه الاعضاء
30/ اكثر مواضيع تحبها
المحيبس ولحد هسه مااخذت ولا محبس

31/ هل شاركت بمهرجان للشعر
صراحه لا
32 درجه الخباثه عندك
99.99%
33ـ شنـــو رايــــك بلمنتدى
يخبل كتلج وخاصه الاعضاء الكل طيبا
والصراحه اكو كم شخص ماجبني
دخل وياي باسلوب مو حلو بس يالله ربك موجود
34 اكثر نائب مدير تحبه
صراحه الكل زينه وممقصره ويا اي عضو
35ـ اسم عطرك المفضل
LOCASTE
+
WRITER GOLD

36ـ اســـــم صديقك المقرب
مهند تحسين + ابن خالتي سيف منهل
مهند اصغر مني ب 5 اشهر وسيف اكبر مني بشهر
هذوله الي طلعت بيهم من الدنيا
37/هل تتوقع شعرك سيكون خالدا ويدخل ضمن التدريس مثل اشعار بدر شاكر السياب
لا مااتوقع ومن المستحيل
38/اكتب بيت واحد اتحبه
حبيب الكلب سميتك واغلى انسان ع كلبي
كتبتلك والدمع بالعين وحنيت أجفوف ايديه لجل عينك
هاي دا اكتبها جديده
39/من المعروف الشاعر يقرا كتب ...اكثر الكتب اللي تحرص ع قرائتها
قريت كتاب واحد الي هو
من روائع نزار قباني
يعني كتاب شعري
صراحه ماعندي الوقت الي اقرا بي كتاب
40/هل تجد صعوبة في انتقاء المفردات
مرات
41/اكثر شاعر متاثر بي
نزار القباني
42/ صفاتك
عصبي + حنون من اشوف ضحتك بنتي
43/ لو رجع بيك الزمن ليوره وعندك ممحاة وطلبوا تحذف شي من حياتك شتحذف وليش
بنت كنت احبها قبل زوجتي
احذف هذا الماضي
ليش
لان كان حب + عشق + جنون
بس الاديان فصلتنه عن بعض
ومع العلم طلبتها للزواج وتفقت وياها انو كلمن يبقه على دينه
تكون هيه مسيحيه وانا مسلم ورفضضت هل شى
لو ترجع الايام احذب 4 سنوات من حياتي
44/ ذكرى جميلة بحياتك
حب زوجتي + ولاده ابنتي
45/ذكرى تركت بيك اثر شنو هي وليش تركت بيك اثر
بنت كنت احبها قبل زوجتي
احذف هذا الماضي
ليش
لان كان حب + عشق + جنون
بس الاديان فصلتنه عن بعض
ومع العلم طلبتها للزواج وتفقت وياها انو كلمن يبقه على دينه
تكون هيه مسيحيه وانا مسلم ورفضضت هل شى
لو ترجع الايام احذب 4 سنوات من حياتي
46/ موقف محرج
خابرني صاحبي مهند كلي وين انت كلته اني بالسوك كال
لعد روح اسبقني ع مطعم الفلاني هسه اجي
اني رحت اهناك وكعدت والله اشويه وخابرني
كلي ولك وينك كتله كاعد بالمطعم كال مو اني هم كاعد مده اشوفك
اثاري هو طالع على مطعم ثاني ههههههه غير الي كلي علي اثاري ناسي
كتله والمطلوب شنو كال ولك نزلولي مقبلات واكلتهن اشلون عيب شي كومني هسه تعال انت
فاني تعرفين الخباثه حلوه كتله والله مااجي لو تطير هاي مشكلتك دبر روحك
بعدين اجه وره اشويه اول ماطب المعطم تفل بوجهي وضربني بوسكات وين ميوجعني
يكول هيج تححطني بموقف محرج كتله اني شسويلك كتلي تعال اهنا واجيت المهم
اني اكل واضحك علي وهم طفرانه روحه لان خطيه تاسف من ابو المطعم الي جان بي
هههههههههههه
47/ ماذا تعني لك هذه الكلمات
الامل
ما دام في قلوبنا أمل سنحقق الحلم سَنمضي إلى الأمام ولن تقف في دروبنا الصِعاب لندخل في سباق الحياة ونحقق الفوز بعزمنا فاليأس والاستسلام ليست من شيمنا.
الياس
من أصعب المُشكلات التي تُواجه شخص ما، ويعرف اليأس بأنّه شعور يُصيب الشخص يجعلُه يفقِد الأمل في تحقيق ما يُريده
الحلم
تحقيق الأحلام والأهداف التي يتمنّاها الإنسان ليس بالأمر السهل،
الحياة
هاي القصه كولش تعجبني وان شاء الله تعجبج منذ زمنٍ بعيد جداً كان الإمبراطور يُحدّث أحد الفرسان بالقصر،
فقال الإمبراطور للفارس: اركب حصانك واجرِ به قدر المستطاع،
وعند آخر نقطة تقف فيها ستصبح كل الأراضي التي جريت عليها ملكاً لك،
فامتطى الفارس جواده وانطلق بأقصى ما يستطيع من سرعة ولم يتوقف نهائياً للراحة،
لأنه بمجرد أن يتوقف سينتهي العرض،
فظلّ يجري ويجري مهما شعر بالجوع أو العطش أو الإرهاق لم يبالِ بذلك،
حتى أعياه التعب وأصبح غير قادر على الحركة بسبب الإرهاق والجوع،
والعطش والألم. صحيح أنّه قطع مسافةً طويلة جداً أكثر مما كان يتوقع،
لكنه أصبح في حالة احتضار، إنّه بالفعل يموت،
فقال في نفسه: لماذا بذلك كل هذا الجهد؟ لماذا ضغطت على نفسي بهذا الشكل؟ لماذا دفعت نفسي لتغطية أكبر مساحة ممكنة،
في حين أنني الآن أموت ولا أحتاج إلّا لمساحة صغيرة لأدفن بها،
ثمّ مات الفارس!! هذه هي الحياة . ندفع بأنفسنا طوال حياتنا لصنع المزيد من المال،
المزيد من التوفير، إذا غطّينا احتياجاتنا الأساسية، سعينا لتلبية حاجاتنا الكمالية،
وإذا غطّينا حاجاتنا الكمالية سعينا لتغطية الرفاهيات،
إذا نظرنا خلفنا في يوم ما سنجد أنّنا لم نفعل شيئاً،
وكأنّ الحياة كلها ما هي إلا ملذات و متاع،
اعملوا ليومٍ لن ينفعكم فيه الحصان،
ولا أراضي الإمبراطور



السعادة
تعتبر السعادة مطلب و رغبة و حاجة أساسية يبحث عنها الجميع
و يتمنى تحقيقها في مختلف المجالات ، و كل إنسان له نوع خاص من السعادة
و حسب ما يريدهاو كما يراها ، قد تكون السعادة بالنسبة لشخص هي جمع المال
و العيش برخاء و التمتع بواسطته في كل شيء بالحياة مثل شراء
السيارة الفخمة ، أو شراء الملابس باهظة الثمن و غير ذلك .
انا عن نفسي اريد الكل
الحزن
مايعنيني بشي
الكرهه
هم مايعنيني بشي
الانتقام
ولا اريده
48/قدوتك بالحياة
ابي وامي
49/ شعارلك بالحياة
ان لم تكن ذئباً تضحك عليك الطليان
50/ رايك بالاسئله واكثر سوال حبيته
حلوه وخفيفه وتعبت بيها ههههههههه
49

عاشت ايدي

ان شاء الله يجيج يوم ام خشم

[الشاعر مصعب باشا]

الصراحه عشت كل لحضاتك وجنت وياك كلش ومن يدخل عليكم صاروخ او اطلاق ناري تروح روحي ودكول فلم واندمجت وياه واريد اعرف نهايته..الف الحمد لله ع سلامتكم والله ماينسى عبده ..الله يساعدكم ع الرعب الي عشتوا ..ويكبتلكم ايام تعوضكم الخوف الي مريتو بيه بفرح وسعاده وامان يارب

تسلمين ورده
ربي يسلمج ويحفظج ويطول بعمرج
الف الحمد لله كتلج مو حرب كانت جحيم
والله حفظنه والحمد لله

نورتيني وبقوه

تحياتيـ

[Levai]

مرحبا بيك مرة اخرى صديقنا ^_^

1- الجزء الاول من اسمك (الشاعر) فهل انت شاعر ومتى بدأت عندك هذه الموهبة ؟

2- الجزء الثاني من اسمك (عازف الاوتار) فهل انت عازف او تحب العزف فقط ؟

3- السكن

4- كيف وصلت للدرر

اسألة بسيطة ^_^ لان زينب ما بقت شي نسألك ياه

[رحيـــل]

الله يكون بعونكم ،
ايام سودة ومرت ان شاء الله
كان المفروض بينا بعد كل هالمعاناة نعرف نختار من يحكمنا !

[الشاعر مصعب باشا]

مرحبا بيك مرة اخرى صديقنا ^_^

غالي وغالي تسلملي ورده

1- الجزء الاول من اسمك (الشاعر) فهل انت شاعر ومتى بدأت عندك هذه الموهبة ؟

اي نعم اكتب الشعر وانا بعمر 14 سنه

2- الجزء الثاني من اسمك (عازف الاوتار) فهل انت عازف او تحب العزف فقط ؟

اتمنى انو اعزف بس سيد الوالد اذا شافه بيدي يكسره براسي
والصراحه اني اريد راسي

3- السكن
من سامراء الى موصل الى زاخو
4- كيف وصلت للدرر
عن طريق موضوع بس مااذكره والله
اسألة بسيطة ^_^ لان زينب ما بقت شي نسألك ياه
تسلم يا طيب ماقصرت
اما عن زينب يجيك يوم وتندم علي سويته وياي ههههههههه

نورتي يالغالي