هنا

[ملكةه]

خف علينه ي الكابتن هتلر
ع عمج

[Rose peace]

يوم 11 حسب ما اذكر عدنا سنوية خالتي الله يرحمها واهلي عزمونا وكالو لازم تجون لبيت جدج عازمين الكل وعازمينج (جنت مشتاقة لاهلي حيل بوقتها لان من الزواج ما اجيتهم غير مره وحده ومضطره لان اتمرضت وبقيت عدهم يوم واحد ورجعت ومنا اتصالاتي بيهم قليلة) جنت انتظر زوجي يجي حتى نروح لان جان بالمحل مالته اتاخر من اجه رحنه بالطريق كالي ابوج بالبيت مو ماراح لبيت جدج كلتله اي بس ابوي باقي بالبيت كال خابري وكوليله احنه راح نجي يمك كلتله ها يعني مانروح لبيت جدي كال لا بعد شيودينا خل نروح لبيت اهلج احسن كلته اوكي رحنه للبيت بس شنو من دخلت للبيت كأنو دخلت للجنه استقبلنا بابا وجهزت انا وياه السفرة طبعا بعد الالحاح والعناد خطيه ماقبل بوقتها اسوي شي بس مو كيفه كملنا السفرة وفطرنا احلى فطور جان بوقتها فطورنا رغم بسيط بس حلو صدك حسيت اكلت لكمة العافية وسوالف وضحك انا وزوجي وبابا شربو جاي وانا شربت وياهم على الواهس بعدين كلنا نطلع بس شلون نخلي بابا بالبيت وحده تالي اذكرت بابا يروح للجامع سالته كلتله بابا الجامع هم يقرأ اليوم كال اي وجان رحت بس اليوم انتم هنا ما اروح واخليكم كلتله بابا اذا تروح عادي لاتتقيد بينا احنه هم راح نطلع كال اوكي ( طبعا نجي لاهلي نستغلها فرصة نشوف الدنيا سوكَ شي هناك ماكو طلعه وكلشي بعيد لا اسواق لا شي )

[Suzana]

متابعة
والحمد لله على سلامتج

[هــاجــر]

اوويلي الله يساعد كَلبج

هاي لو اني والحمزه انهزم بليله مابيها ضوو يا زوج يابطيخ

[Rose peace]

طلعنا اتونسنا طبعا جان شي بسيط بس جان يعنيلي هواي مجرد فره بالسيارة وبالشوارع ويا الشخص الي حبيته والاضويه مال المحلات شي حلو حسيت جنت بسجن وهسه طلعت واشوف الدنيا اخذني للسنتر المفضل عندي (مجمع الخيرات) يم بيت جدي حبيت نمر نسلم بس ماقبل اشتريت بوقتها حلوايات ( انواع من الكاكاو) لميت علاكه وجنت فرحانه حيل بيها لانه اول شي نشتريه انا وزوجي حسيت نفسي انا وعائلتي بيني وبين نفسي اتخيلت عدنا طفل وجاي نشتريله ونتونس احنه وياه وعائله سعيده جان احساس حيل حلو رجعنا للبيت لكينا اهلي سلمنا عليهم وسالفة منا سالفة مناك اخوي جاب لعبة المونوبولي وكعدنا انا واخوي وزوجي واخواتي هم لعبناها طبعا زوجي ماحبها للعبه بس كال لخاطرج راح العب وياكم وبيومها انا فزت عليهم كلهم واشتغلت الحسد لان كل ما نلعب افوز بس مره وحده خسرت من 6 لعبات وجانت اول مره العب بيها يعني بعدني كلشي ما افهم بيها هي لعبة حظ ( وانا حظي يطرب بس على هاللعبه يكعد ويتربع ) خلصنا حب اخوي نحط فلم وجاب كرزات وحب شمسي بس بعد زوجي كال لا ما نريد فلم خل نشوف مسلسل خليجي ( مسلسل اليوم الاسود ) اهلي محد يتابع خليجي كعدت انا وياه تابعنا بيومها احلى حلقة بالنسبة الي شفتها بكل راحه وخوف ويا زوجي كل يوميه وحدي اتونست واستمتعت بالاحداث
اجه وقت السحور وجان احلى سحور ومن اجمل لحظات حياتي الي لحد الان اذكرها واضوج واكول ياريت هاليوم يرجع طبعا حبيت يكون مختلف والشي جان ابالي اسويه ..
فرشت بالحديقه وحطيت بخور وجان بيومها الجو لطيف ونسمات هوا هادئه تخبل بحيث تمر علينا شايله ريحة البخور وياها واجه زوجي ضل يضحك ولج هاي وين يمعوده دمشينا جوه صدك جذب اتخبلتي كلتله اي حباب لاتكسر واهسي يله يله تعال ناكل هنا وكعدنا اكلنا وانوب ايس كريم ودانيت اذن صلينا وانتظرنا الفجر يصير كعدنا نتابع مسلسلات ولحد ماطلع الصبح رجعنا ب6 لعيالي جنت متونسه رغم كلشي فتنا سلمنا على عمي بس سلامه ثكيل وانوب رحنه سلمنا على عمتي ورحنه ننام لان مانايمين شلع

[Rose peace]

بيوم الي رجعنا الساعه ب1 الظهر طفت الكهرباء بس شنو الحكومة بريئة من هذا الفعل الوحشي هنا هتلر نزل الجوزه مال الكهرباء وهم اشتغلت الاذاعة لبث الاصوات المرعبه والغلط والحجي الي ماينحجي احنه تعبانين ومابينا حيل ولا خلكَ شنو السالفة شكو هاي تطلع من بيتي (يقصدني) ما ارجع الكهرباء الا تطلع ( بيومها طلع اليوم الي رحت الاهلي والفرحة والونسه من خشمي ) صارت مشكلة بينا وبما انو اصرو ما اطلع ادري وين اروح حتى اهلي مو يمي وبالسيارة يرادلي ساعه ونص حتى اوصل ومنو يوديني سيارة زوجي حاجزها عمي ويكول لزوجي مالي شغل دبر روحك ما اريدها تبقى دقيقة بالبيت هنا صدك ضجت كلت لزوجي بيني وبينه الله اكبر شمسويه شنو الجريمه والذنب الي سويته اكو واحد ينحكم وهو مايعرف شنو ذنبه وشنو مسوي هاي مو عيشة تره وبجيت شوي واجه اتصال من عمتي لزوجي خل مرتك تلبس عبايتها وامشونا نروح لبيت اختك (حماتي بيتهم يم بيت عيالي قريب عليهم فرق شارع) رحنه هناك فطرنا ضلو هم يحجون عمج عصبي وهو هيج ميخالف اتحملي لخاطر زوجج وهو بس بوقتها بعدين يتراجع بعدين اجه زوج حماتي راحو صار اجتماع (زوجي وحماتي وزوجها وعمتي) انا ماخلوني باعتبار زوج حماتي رجال غريب مايصير اشاركهم واكعد وياهم دزوه على عمي يتفاهم وياه ويشوف شنو الذنب والمطلوب حتى نرجع للبيت

[أغرد بهمس]

مااتزوج بعد

[برلين]

اني احب اختلط ويا الاشخاص العصبيين واضوجهم واخليهم يدردمون

بالمناسبة اسلوبك حلو وسلس
بحيث كدرت اقرة كل مشاركاتك بدون ملل

[تّـفـاَصيلـٓ]

الله يعينج كملي

[Rose peace]

من رجع كال الرجال يكول ماعنده شي والبنيه حسب مايكول مقصرة ( مقصرة بشنو شمسويه) المطلوب والشروط حتى ترجع للبيت تكعد يوميا الساعه 6 ماعندي مره تبقى نايمه اخر حد الها ب7 وراها تنطرد يمعودين شهر رمضان شنو ب6 منو يكعد هيج وكت برمضان شعندي حتى طفل ماكو وزوجي نايم ماعنده دوام ولا طبخ ولا شي وحتى لو طبخ هم واحد ب9 ب10 هم يلحك ، الشرط الثاني الساعه ب8 ضبط لازم مكناستي و وصلة المسح والمعطر بيدي انظف غرفة عمي + غرفة عمتي (واحد يحجي حق عمتي ماطلبت انظف غرفتها بس هو حط هالشي خباثه وعبوديه ومجرد اوامر) بعدها حدي لل9 اجيب ماي من بره واروح اكسر ثلج للترمز ماله (عنده ترمز خاص بيه) بعدها الي مده ل11 اكمل الغده مال عمي واودي اله ب2 ونص هنا اعداد الفطور وشرط العمه ماتوصل للمطبخ ابد ممنوع حتى استشارتها (هم كلت ميخالف هم مايقبلون اطبخ بطريقة اهلي والهم طريقه خاصة بالطبخ عمي محددها مثلا الممنوع والمطلوب بالاضافة الى انو تحديد الفطور الي نتفطر بيه القرار يصدر منه شنو نسوي فطور بهاي كلت استشير مرة حماي مو الا عمتي ) ومن ضمن الشروط الشغل يتقسم بيني وبين مرة حماي ماكو اثنينا نتساعد كل يوم وحده تشتغل وكل وحده مالها دخل بالثانيه .
كملو الاجتماع وطرحو عليه الشروط وبعد مجبرة اوافق بس كلتلهم تتوقعون بعد مايحجي عمي ويبطل مشاكل كالو اي كلتلهم نشوف وافقت اجه زوج حماتي كال خويه بعد انتي هذا عمج واتحملي لخاطر زوجج وبعد هاي الجنه تتحمل كلشي يم عيالها ومو مثل بيت اهلها رجنا للبيت وقت السحور البيبان مقفولة لكيناها لان مطرودين وخاف نجي وندخل وهو نايم مرة حماي فتحت الباب النا بموافقة منه.
ودخلنا كلت لزوجي تره حتى بعدني عروس ماصارلي غير شهرين مانطيتوني مجال ولا فهمتوني عن وضعكم وانت حجيتلي كلشي يختلف عنكم وانا فهمتك وضعي وشلون عايشه عند اهلي مدللـه العود ما اشيله من الكَاع وكل هذا واتحملت واتأقلمت وياكم من ثالث يوم العرس واشتغلت كلشي وماقصرت كال لخاطري مو تحبيني انا شبيدي اسوي اتحملي لخاطري خليت وسكتت بعد انكسر خاطر على زوجي وادري اذا مانفذت راح انطرد لاهلي وابتعد عنه