درر العراق

فقد الاحبه · 17/May/2018

السلام عليكم ورحمه الله وبركاتة
صيام مقبول وافطار شهي ع الجميع

هاي مشاركتي لليوم الاول من الشهر الفضيل

قطب او اسم ثاني دملوج او بيض القطا

المقادير...
كلاص ونص طحين
نص كلاص زبد مع ملعقتين زيت واذا ما متوفر زبد يمكن نستخدم دهن
بيكنج باودر ضرف
ملعقه صغيرة هيل مطحون
زعفران واذا ماكو زعفران نستخدم كرميل اني استخدمت كرميل
ماء ورد
رشه ملح
سكر مطحون
وماء
الحشو اما جوز او مبروش او فستق حلبي
ليعجبكم
اني حشيته جوز
نجي لطريقه العمل
نخلط المواد الجافة
طحين والملح والهيل والبكينج وبعدها نضيف الزبد والزيت معلقين نخلطهم ويه الزبد ونخلطهم جيدا وبعده نضيف الماء بالتدريج ونعجن لحد ما نشوف العجينة تماسكت لاهي لينه ولا صلبة
ونتركها ترتاح ربع ساعة
ونوب انسوي كرات صغيرة ونفرده بالايد نخففه كلش لازم تكون خفيفة ونحشيه بالجوز وسكر مطحون وشوي ماي ورد وكرميل ونحشي الكرات
ونقليه بزيت غزير
من تبرد نغمسه بسكر مطحون

والجلي ضرف وذوبته بكلاصين ماي حار وخليت الفواكه بكاسات الفواكه لمتوفر عدكم...اني استخدمت
تفاح ومشمش وكوجه وكرز وكيوي وصبت الجلي فوكه وتركته بالثلاجه يبرد

والطبق الرئيسي
برياني لحم بعد معروف

والمقبلات
زلاطه وجاجيك

وشوربه خضار

والعصاير