وحشه دارك هالمسيه ومظلمه
وانطفت شمعة حياتك فاطمه
مظلمه دارك يحماي الدخيل
حسرتك بالروح ياحيدر تعيل
يلي منك ترجف الدنيه وتميل
اشلون دمعك سال ياحامي الحمه!
وحشه دارك هالمسيه ومظلمه
وانطفت شمعة حياتك فاطمه
___________
سال دمعك من بعد فكد البتول
هالمسه روحك يبو اليمه اشتكول!
ضاكت الدنيه وكضت كل الحلول
بالكلب نيران حزنك مضرمه
وحشه دارك هالمسيه ومظلمه
وانطفت شمعة حياتك فاطمه
_____________________________
مضرمه وبكلبك آهات وشجن
من تشوف اعيالك حسين وحسن
زينب الماظن مصايبهه كضن
ايعينك الله ابهالمصاب ومقدمه
وحشه دارك هالمسيه ومظلمه
وانطفت شمعة حياتك فاطمه
____________________________
وحشه دارك يلي عينك ماغفت
حيف شمعة بيتك الزهره طفت
(فجعه) غصه ما ظن بالاوصاف توصفت
رجف منهه الكون واهتز عالمه
وحشه دارك هالمسيه ومظلمه
وانطفت شمعة حياتك فاطمه
___________________________
رجف منهه الكون من كد الحزن
بالأخص من صار بالسر الدفن
ليلك ابنوح ومواجع من يجن
انته وعيال الغدت متيتمه
وحشه دارك هالمسيه ومظلمه
والطفت شمعة حياتك فاطمه
_____________________________
بكل كتر ذكره الك ياحيدره
ذكريات ادموع صارن ع الجره
صعبه من كلبك يودع الطاهره
موفقط للماي يشتد الضمه
وحشه دارك هالمسيه ومظلمه
والطفت شمعة حياتك فاطمه
__________________
كلمات الشاعر ؛ عمار هليل الواسطي
__________________
التدوين :: Zahraa Al obaidi
رد مع اقتباس
المشاركة الأصلية كتبت بواسطة ٭Rose٭
