مو كلمــن تريده يكحــل عيــونك
ولاكلمــن تعــوفه يمــوت من دونــك
حته الشمــس حســبة وگـت تــالي تـروح
فنـهه بليــل تطـلع تسـأل شــلونك
وبديـت انسه...
اشگـد مابيــهه ذوق ايــامك من تصـير
واحـد عايــش لنفــسه
ابحـر ياحــزن بيه نهــار وليـل
بـالك من جـديد ايغــرك المــرسه
بديـت انسـه...
غــادرت الأمـل واللهفــة والمشـتـاگ
موذاك القــديم اتغيـرت هسـه
بديـت انسـه...
الي يتـاني المطـر
شيــسوي لوسنتيــن فاتـت
وبــحلم ماغيــمت شمـسه
مومـالت حـلال ادمــوعنه من اطيـح
لومابيــهه حـوبه العبـرت الخمــسه
مرات الســوالف موسمــع تنشــاف
وآنه ويــاك مثل سـوالف الخرسـه
لميت الحجـي الزايـد بعد شــيفيـد!!
من توصــل تشــوف وداع وتلمســه
بديـت انسـه...
طبع اليستــحي ايـدنگ خجـل ويــگول
ويـن المـوت ..؟
نظرات البعــد شرســه
الله يعيــن گلبــي المـا عـرف يــهواك
وآنه هـذا البعــد موشــاطر بـدرسـه
وبـديت انسـه...
بديـت انسـه...
________
شعر والقاء ؛ علــي الدلفــي
_________
التدوين لـ* ZAHRAA
رد مع اقتباس
المشاركة الأصلية كتبت بواسطة شممت ثراك
