هنا

[حسنين الكعبي]

لدك باب جنت اتفتحه وتفوت
ولتمر ابشر ميريد ملكاك ...
أنصحك ماتجيني تغيرت دير
عرض اجتافك وشوفني مكفاك ...
جاي تكلي حبك عاش لو مات
وانا امسوي ثواب لعشرتي وياك !!!
تصدك ناشد اعليك اليدفنون
عدل بس بالكبور أتأمل ألكاك !!!
يل امصخها لهزة الراس
ماخليت ذرة من الملح ذاك !!!
على روحي اضم واحجيلك اسرار
واحلفك ما يطلعن عتبة اشفاك
وتفرعهن بديك كبال شمات
واجي والكاها فرجة لهذا ولذاك !!!
وتضحكهم بجرحي وما يضحكون
واكولن عيب افشلك واضحك وياك !!

[ماكو وفا]

حلو كلامك مبدع

[كبريائي قاهرهم]

بدون تعليق مع التصفيق
بحر الكلمات قد جف
أمام رووعة الاختيار
وجميل الوصف
نورت بتواجدك القسم
بانتظار القادم بشوق
ودي وعبير وردي


على روحي اضم واحجيلك اسرار
واحلفك ما يطلعن عتبة اشفاك
وتفرعهن بديك كبال شمات
واجي والكاها فرجة لهذا ولذاك !!!
وتضحكهم بجرحي وما يضحكون
واكولن عيب افشلك واضحك وياك

[ღ عِشق ღ]

شكراً لنقلك