درميات عراقيه 2012وحدي ابنص الليل بس حيرتي أوياي
أبجي أعلى وقت الراح واتنطر الجاي
إشما تقول الناس عندي أنته لول
سو كلشي بالدلال يالحلو مخـول
يالتون تالي الليل سمعني حسك
لولا القلت والقال لعبر وونسك
شحجي وتريد الناس من عندي أحجـي
دمعتي إبطرف العين بس أحجي أبجـي
للخوه ماقضيت شي ماقضيته
حتى الصخر ياناس وتوسديته
انت العطش والماي وانت المشوفـه
ورسمش وحق عيناش بالكاس اشوفه
أرد انشدك وارجوك صارحني ياهواي
تذكرني لوغصيت من تشرب المــاي
نارك يخايب ماي مومثل نـــاري
اومن يطري بيا الشوق يحترق جاري
هم حلو .. وهم إزغيــر .. هم أزرك عيون
بس بيه طبع مو زين من يوعد إيخون
لو غبت عني الروح احسبها شده
واحرق أبدمع العين حتى المخدة
بالك تمر بالدار عنها أشمر أبعيد
دار العزيز أهواي نوح وبجي أتريد
عمده أرد أمر بالدار والنوح أزيده
واسمع صداها يقول راح لتريده
عمده ارد أمر بالدار واشبع مغمه
والمعتني الطيبات لوطاح شيهمه
غصبن عليها الروح جابتني أشوفك
كفر عليها للوم بلجن تعوفك
أهلا وسهلا بيــك وكثــر بالوياك
الكلب قبل العين فز وتلـكـاك
يسألني البطران إعربلي كـان
حسباله مثل العام عقلي أبمكانه
هاك استكانة جاي أشرب عوافــي
أو دزيته لك مخصوص يا مايه صافي
وحدي ابنص الليل بس حيرتي أوياي
أبجي أعلى وقت الراح واتنطر الجاي
للخوه ما كضيت شي ما قضيته
حتى الصخر ياناس وتوسديته
انت العطش والماي وانت المشوفـه
ورسمك وحق عيناك بالكاس أشوفه
أوصل الحي يهواي لو تشبج إرماح
والمعتني الطيبات مو فشله لو طاح
شماتي مو شمات شماتي ورطـــه
نصهم أمن وإجرام والباقي شرطه
شماتي مو شمات شماتي فطر
بالقبر دكو شيش خافو ليتفطــر
رد مع اقتباس
