هنا

[ارجع يازمان]

أنه أبن العراق وامي بغداد
العرب كل العرب تتنخه بيه

دار العز وطنه ودار الأمجاد
هالدار ابخت حامي الحميه

مجروح اشكثر ومعاند اعناد
وشوكه ابعين كل الداعشيه

حركوا بيتنه وكالو صفه ارماد
رجع أحله وبنيته ابهاي اديه

العراق ابخير بس اشويه يراد
صبر ونغربل المو صافي مَيه!

هويتنه العراق العرب واِكراد
الشرف يتشرف ابهاي الهويه

والغيره الورثناهه إمن الاجداد
اجتنه ابزود طَف الغاضريه

يمطشر الخير وزايد الزاد
يااطهر وطن فوك البريه

البصره والرمادي روح بغداد
وبحُب الوطن هدو سويه

اشكد خَططو بس كلشي مافاد
بقينه اخوة ونبذنه الطائفيه!!
بقينه اخوة ونبذنه الطائفيه!!
حسين االساعدي

[Giant]

شكرا لك
عاشت الايادي

[ارجع يازمان]

شكرا لك
عاشت الايادي

شكرا لحضورك الاجمل
دمت بخير