عاشور السنة جاي
وآنا مضيع هواي
اعليهم تجري عيناي
واترحم عليهم
سرح بيه خيالي وسئلت ليش!
محرم يختلف عن باقي السنين
حسيت المجالس فاگدة عزاز
خانگهه الهوه ودمعتهه بالعين
اهنا حجي گبل يگعد عله الباب
وكل عاشور يخدم جان الحسين
صديت المجانه مخضر اجروح
شفت بس الصور فوگ الحياطين
گالو ضمه التراب
وبفراگه الرمش شاب
آه يا فگد الأحباب
واترحم عليهم
اهنا خادم گبل يطبخ للحسين
دورته اشكثر بس ما لگيته
وذاك الشاب اليشيل التشابيه
ابكثر ما ابجي للقاسم بجيته
حزنانه القوافي وشاعر اتريد
جم شاعر مشه وما ودعيته
محرم ينفجع لومات رادود
وهذا المستهل الهم قريته
راحو عني كلهم
وما يلتم شملهم
اقره الفاتحة الهم
واترحم عليهم
اشمحلاته اللطم بالموسم الفات
من كثر اللطم شمرنه الزنود
اشگد هاي السنه مضيعلي شبان
ويه حسين القصيدة اتريد شادود
بجيت وبدمع نافسته يعگوب
وذبيت اعله ربعي اعيون وخدود
شفت زنجيل يبجي اباب عاشور
فاگد صاحبه ويتمنه موجود
ويا ذيج المجالس
جانت بيهه واهس
هالخدمة مدارس
واترحم عليهم
ساگي الماي بالمشايه مفگود
گام الماي ينشد عن ابو الماي
والجان الضربحك كل سنه يروح
شو هاي السنه ما شفته مشاي!
باب القبلة رايد ريحة اعزاز
هوايه اتأخروا ع الموعد اهواي
عله ابو الموكب لگيت الموكب ينوح
سنينه ابخدمتك خلصهه مولاي
مشتاگه المناير
تشتم هوه الزاير
ناموا بالمگابر
واترحم عليهم
كلمات الشاعر ؛ تحسين الخفاجي
التدوين - By - ZAHRAA AL OBAIDI
لتحميل القصيدة """اضغط هنا"""
رد مع اقتباس
المشاركة الأصلية كتبت بواسطة فبرونيا
