درر العراق

ღ عِشق ღ · 11/May/2018

روح الرباب انته وإذا تبعد خذت روحي

يحسين اودعك بالصبر لو ودعك ابنوحي

فگدك صعب ...... وأرض الحرب ..... تروه بدمع عيني

أخذ النظر .... وأخذ العمر ..... ماحاجة بسنيني

وادعتك وهل الدمع ..... طيحت دمعتي تنسمع .... ثگيله

تحجي وقريت ابنبرتك .... گلبي لجمني غيبتك .... طويله

عگبك ليل .. دمعه وويل ..شوگ ابين نار وخيل

مجروحه بوداعك يمن بسمك خلد صيتي

من تمشي ماخلي الهوه ايمر ابطرف ريتي

من تبتعد ... انطر ترد ... لو اگطع الظنه

بعد الاجل ... يبقه الأمل ... نتلاكه بالجنه

اتركلي من جدمك ثره ... حته الوداع اتذكره .. بترابك

يالفگدك وموتي سوه ... مدري مصابي لو هوه ...
مصابك

عگبك ليل .. دمعه وويل ..شوگ ابين نار وخيل

مؤمنة بالله والقدر وافهمهه تضحيتك

بس المصيبه وحشتك من ارجع لبيتك

بعدك يضي ... ماخلي ضي ... حته سگف داري

مثلك احس ... حر الشمس ... من جوتك عاري

اشعلك همومي شمع ... واهديلك ابسيل الدمع .. سلامي

انته صلاتي وقبلتي ... وانته يغالي دنيتي .. وإمامي

عگبك ليل .. دمعه وويل ..شوگ ابين نار وخيل

كل ذكره ضلت بالفكر بيهه جرح غالي

ذكره رأس فوك الرمح ذكره مهد خالي

حال اليضل ... عگب الأهل ... يمشي ابگثل يومه

يحيي حلم ... وياذي حلم ... من يصحه من نومه

حته ابـ مماته هم يحن ... يبجي گبل لايندفن .. وصيته

عينه عله احبابه عمت ... يتمنه وياهم اجت ... منيته

عگبك ليل .. دمعه وويل ..شوگ ابين نار وخيل

فارگتك وفات الوگت وانهضمت اظنوني

كن بعدهه صورتك موجودة بعيوني

ياكل هلي ... ماضل الي ... كولشي يواسيني

اصبر لجل ... مهد الطفل ... والدمعه البعيني

والله گلبي مابرد ... جمرة لهيبي ماخمد ... لضاهه

هم العلى انفاسي جبل ... حسراتي للجنه وصل .. صداهه

عگبك ليل .. دمعه وويل ..شوگ ابين نار وخيل

كـلمـات الشـاعر المبـدع : إيـهاب المـالكي

تدوين القصيدة لـ: زهـراء العبيـدي

لتحميل القصيدة """اضغط هنا"""