اليحب كون
يقولون
تسهر اهوايه عينه
في كل عام
القلب هام
لبو روح الحنيه
خلوني جنب حسين خلوني
طار العگل من شدة اجنوني
من زغري راضع غيرته وماعوفه تدروني
والدنيه لوماكربله ماتحله بعيوني
من حبه ماتوب ..... من حبه ماتوب
الحسين ايظل اقدس عشك
. غصبن على عداي
هو اغله محبوب ...... هو اغله محبوب
وانا ادري باجر بالحشر
يشفعلي مولاي
إمامي وغرامي
وعمري رخصه لسنينه
في كل عام
القلب هام
لأبو روح الحنينه
♤♤♤♤♤♤♤♤♤♤♤
يحسين حبك يسري بأنفاسي
انته حبيبي وانته اعز ناسي
يابوعلي وغيرك منو والله رفع راسي
صارت الحوزة كربله ومرجعهه عباسي
ميت عشگ بيك .... ميت عشگ بيك
كلما اصد الحضرتك تاخذني الاشواگ
ملهوف اطب ليك ... ملهوف اطب ليك
يحسين دلالي ابد مايحمل فراگ
عزائي وبكائي
وروحي لاجلك حزينة
في كل عام
القلب هام
لأبو روح الحنينه
♤♤♤♤♤♤♤♤♤♤♤
وتمضي العصور وتولد الذكره
وحسين يبقه قائد الثوره
هذا حبيب المصطفى وريحانة الزهره
هيهات انسه محبته ومن عنده اتبره
ثابت قراري .... ثابت قراري
ولحسين اريد انشد صحت اجمل اناشيد
هذا شعاري .... هذا شعاري
ضد الطغاة ابكل زمن عندي مواعيد
قيادي وجهادي
وبيه صرخة سكينه
في كل عام
القلب هام
لأبو روح الحنينه
♤♤♤♤♤♤♤♤♤♤♤
ومن بحر جوده حسين رواني
وبالدنيه مثل الملك خلاني
آنا حسين ابقصتي مكتوب عنواني
وابرگضة اطويريج اجه العباس حياني
زاير علي وياك .... زاير علي وياك
گام الإمام المنتظر بالموكب ايصيح
عين الله ترعاك ... عين الله ترعاك
من كد لهفتي للصحن گمت اسبگ الريح
يساري الجواري
كلها تهتف اجينه
في كل عام
القلب هام
لأبو روح الحنينه
♤♤♤♤♤♤♤♤♤♤♤
ماضي ابطريقي وثابت ابعهدي
واتمنه اصيرن جندي للمهدي
للسيف مااخضع ابد مهما وكف ضدي
لحسين صحت انا انتمي وما ارجع ابوعدي
هوه حبيبي .... هوه حبيبي
والهوه هناك اشگد عذب بين الحضرتين
اتكاثر نحيبي .... اتكاثر نحيبي
من باب ابوفاضل ردت ادخل للحسين
اجيته ولگيته
شامخ ابكل يقينه
في كل عام
القلب هام
لأبو روح الحنينه
♤♤♤♤♤♤♤♤♤♤♤
هالصرخة تبقه كربلائيه
هزت جميع الكرة الأرضيه
هيهات للذلة هتف والروح ثوريه
وبدم وريده ابو علي ترجم الحريه
عنوان الأحرار .... عنوان الأحرار
قدم حياته ابكربله للباري قربان
منهج الثوار .... منهج الثوار
والحارب حسين وعلي اصبح خبر كان
الفخر نال والأجيال
رددت ياولينه
في كل عام
القلب هام
لأبو روح الحنينه
♤♤♤♤♤♤♤♤♤♤♤
كلمات الشاعر ؛ تحسين الخفاجي
__________
تدوين؛ZAHRAA
********
لتحميل القصيدة ""اضغط هنا""
رد مع اقتباس
المشاركة الأصلية كتبت بواسطة Giant
