هجرك فتاك ....... وانته ابفركاك
يبن الزهراء ....... ذابحني هواك
يابو ثغر مرسوم اقحواني ..... يمهدي
يمخلي خد الكمرة ارجواني ..... يمهدي
شوكي الك رجعلي عنفواني ..... يمهدي
نفس الوقت جمر البعد جواني ..... يمهدي
بُعدك ذباح ..... بكترك ارتاح
كل عمري سؤال ..... يايوم الكاك
☆~☆~☆~☆~☆~☆~☆~☆
غايب نعم بس اشعر انته حاضر .... يمهدي
حاضر حضور الكحلة بالنواظر .... يمهدي
حاضر واشوفك ساكن الضماير .... يمهدي
حاضر فقط عند ذوي البصائر .... يمهدي
يالشع وبان .... ابنص من شعبان
سبحان الله .... من نوره انطاك
☆~☆~☆~☆~☆~☆~☆~☆
حسنك وجب يتبركع ابنقابه .... يمهدي
مثل الشمس لو لاذت ابسحابه .... يمهدي
ياسيف ربنه الما نزع كرابه .... يمهدي
يمته عددكم يكتمل نصابه .... يمهدي
جيشك منعوت .... يشبه طالوت
ثلثمية سيف .... وي جيشك ذاك
☆~☆~☆~☆~☆~☆~☆~☆
متشوفك العين القلب يشوفك .... يمهدي
يا الجنك الكعبة واجيت اطوفك .... يمهدي
يمته تجينه وتحشد ابصفوفك .... يمهدي
وهناك اصيرن سيف من سيوفك .... يمهدي
ابجرت السيوف .... جربنه وشوف
لوصار الصار .... خلنه ابيمناك
☆~☆~☆~☆~☆~☆~☆~☆
تبارك الله ابحكمته تبارك .... يمهدي
الخلاني اعيش وبيه تسري نارك .... يمهدي
ميضرني لوطول علي نهارك .... يمهدي
افضل اعمال الأمة انتظارك .... يمهدي
ماهمنه الغير .... ياوجه الخير
اشما تحجي الناس .... هم نبقه وياك
☆~☆~☆~☆~☆~☆~☆~☆
اسنينك الف واكثر وانه انطرك .... يمهدي
واكثر اريد ايطول الله عمرك .... يمهدي
ادعي من الباري يسهل امرك .... يمهدي
ينطيك رخصة تظهر وينصرك .... يمهدي
يا آخر نور .... سبفك منصور
يا يوم انشوف .... لو رف لواك
☆~☆~☆~☆~☆~☆~☆~☆
كلمات الشاعر المخلص :- ميرزا عادل اشكناني
___________
التدوين؛-ZAHRAA
رد مع اقتباس
المشاركة الأصلية كتبت بواسطة روافد
