هنا

[ღ عِشق ღ]

كلمات قصيدة المجرب لايجرب (مكتوبة)
الشاعر السيد عبدالخالق المحنة
قصيدة للسياسيين وانتخابات 2018




بعد احتاج اكلك طال الغياب
وآذا عندي غلط انته المسامح
تراهي تخلبصت من راس للراس
ولاغيرك يحلهه يابوصالح
كبل
كبل جانت غمت وغطانه ملموم
هسه انكشفت وصارت فضايح
كبل جنه نميز الشين والزين
هسه انميزة حسب المصالح
تشخبط وجه الأبيض بالسياسات
والباع الوطن اصبح مكافح
شعارات الجذب ترفعهه الذيول
رغم صوت المراجع جان واضح
(المُجرب لايُجرب)
مصخت والبرد بين بالحلوك
نحتاج الدفو والحلكه مالح
خطابات ووعود وابشر بخير
لكن بالصدك كفاف بارح
خسارتنه
خسارتنه جبيرة فوك الارقام
خسران وعدوي اليوم رابح
ياكثر الضحك ببيوت الاحزاب
واحنه ابيوتنه بس للنوايح
جم صورة شهيد اليوم تنشال
لجل صورة مرشح وجهه طايح
منو أسس ثقافة سد الحلوك؟؟
منو المسؤول عن هاي المذابح ؟؟
وإذا نحجي الحقيقة صاحت الناس
مذهبنه وربعنه ولاتواكح
إذا مو همه محد يمشي لحسين
يعني زيارة ماكو ولافواتح
الذليل ابكل زمن ماينصر حسين
وطبع حسين ميحب المصالح
كلهه اتقدمت واحنه اعله هالحال
مره ليوره ومره نراوح
يمهدينه اشكثر تانيتك تعود؟؟
حسبالي تجي وكالولي رايح
تره ياهو اليجينه وصار مختار
والذب العلم يسمه فاتح
يموت المستحه ابكرسي الخطابات
كله عيوب ويقدم نصايح
مثل وجوهم هاي الشعارات
تشبهم ولا بيهه ملامح
همه اعيالهم تغفه اعله تبريد
وتنام ام الشهيد اعله المراوح
وينك يابوصالح جلجل الليل
وحجينه لوطلع السانه جارح
غابة والذيابه اتعد الاصوات
كلهم بالتساوي ماكو ناصح
خبطت
خبطت لا ولاتصفه بلياك
دصفيهه ابفقارك يابوصالح

حنين الفاجده الوليان
كل غروب الك حنيت
كل يوم وارش الباب
لكن يالرحت ماجيت
ليش غيابك وزينب
تكلك رد ولا رديت

هاا
الراية اعله الشط ضلت ...
ليش امخليهه !!


__________

التدوينZAHRAA

[صفاء العامري]

شكرا

[ღ عِشق ღ]

شكرا

عفواً