الدره ايخبر المادره_الشاعر حسين الساعدي
الدره ايخبر المادره
والمادره ايعرف الجره
هم تستفاد ابهل عبر
من اختصرلك ياتره!
الما يقدرون العمر
خل يكدرون المكبره
يوميه تكبر بالبشر
النامو ابتحت الثره
هالدنيا جذبه والصور
قبل الولاده امصوره
مثل الحلم ماينتظر
ذاك العيونه امناطره
يا ابن ادم والعذر
لازم يحجي اويه المسطره
لو ينحرف حد الشبر
توكع ابذيج المعبره
المو الك ما ينحزر
لتجازف وتستنظره
لكن البسمك ينذكر
ابجيته حيل اميسره
ما ينشرط دوم الحذر
يبعد عليك المجزره
اشكثر بعدو عالخطر
طاحو ابنص الدائره!
يعني ابمطبات الدهر
هاي السهام امحضره
انفاسك وجيت القدر
كلها ابقياس امكدره!
كلها ابقياس امكدره
حسين االساعدي
رد مع اقتباس