درر العراق

فقد الاحبه · 10/May/2018

السلام عليكم بنات

اليوم راح احجيلكم عن روتيني العناية الاسبوعية بالبشرة هذا البرنامج اسوي بالاسبوع مره

وان شاءالله يعجبكم

ونجي للخطوات

اول شي اغسل بشرتي حتى اتخلص من الاوساخ الموجوده بالبشره
اني استخدم هذا الغسول وهذا الجهاز من فوريو اخلي الغسول ع الوجه واستعمل الجهاز كلش حلووو ينظف الوجه ويحارب التجاعيد

واذا ما عندي غسول اخذ ملعقه حليب بودره وماء وبقطنه امسح وجهي

بعدين اسوي حمام بخاري اما بالجهاز او قدر ماء واخلي ع النار واضيف للماء شرائح ليمون ونعناع او زيت اللافندر واغطي وجهي بمنشفه واقرب البخار ع وجهي حتى المسامات تنفتح هاي الخطوه اسويه كل اسبوعين لان وجهي حساس وبي مسامات فأخاف اخاف المسامات تكثر

بعده اسوي المقشر اني استخدم مقشر طبيعي
زيت زيتون وليمون وسكر واخلطهم سوه وافرك بي وجهي بحركه دائريه
وما ننسه الشفاه هم نقشره هذا هم اني سويته سكر وزيت زيتون وقرفه(دارسين)

نجي هسة للماسك دائما استخدم ماسكات طبيعية احيانا استخدم ماسك اصطناعي ماسك الفحم
الماسك لاسوي
شوفان وقهوة وروبه هنا اني جبت الشوفان رقائق وطحنته اوزعه ع كامل وجهي لمده ربع ساعه لحد ما ينشف واغسله...ومرات استخدم ماسك ثاني..رز مطحون وروبه وماء ورد...وماسك اخر فقط بياض بيضه او قهوة نشا حليب سائل وجلسرين...كل اسبوع اغير الماسك

ونوب امسح وجهي بماء ورد خاص للبشره طبعا وقطعه ثلج امررها ع وجهي حتى المسامات تنسد...هذا زيت شجره الشاي كلش زين مرات اخلطه ويه ماء الورد يقضي ع الحبوب ويحارب البكتريا ومضاد للاكسده

بعد ما اخلص ارش التونر ع وجهي..التونر لمسويته علبه نصها ماء ورد ونص الثاني خل تفاح وجلسرين وقطرات من زيت شجره الشاي

وارطب وجهي هاي الخطوه مهمه واخلي القطرات لتغذية البشرة

مرات اذا اكون تعبانه وما بيه حيل اسوي هاي الخطوات استخدم هذا الجهاز كلش حلووو هذا الجهاز بي مقشر وماسك جاهز وحمام بخاري

ان شاءالله يعجبكم برنامج بنات

تحياتي الكم