((قصيدة(ثورة خبز)
مناديل وتقاطع والعبايه تراب ......
وزحمة ناس والدخان ..
ماكل رية الشياب ....
عيون اطفال........ يبجن جوع ...
ورموش الارامل سجة من تراب ........
لا كسرة كلب جاست ضماير ناس
لا ((ثورة خبز)) فكت حزن جياع
بيا ركبه النثايه الفرهدتهه عيون
كل ذيج الذيابه بساع
بيا ذمه الشمس باكت جراغد ليل
وحومر جرغد النعناع
وجوه تراب....كلشي تراب ....
والدمعه ....بردن ذيج العبي تشب طين
الحديثه حلم حلقه وجدايل ياس
مو تحلم محابس طين
قراصه ..ومشط..وبتوت
ولعابه ..وكصيبه ..ولمة بنيات ..
حلم كل طفله تلعب
مو وكفة تقاطع ذبل البربين
التقاطع بالوطن غربه
والدخان بس هوه العرف بالناس
جف الينترس ما مش يرد فشلان
وتكسر خاطر الله فشلة الجوعان
تنيناهم ضوه مرايات
وخنكنه الهندس ومامش بعد ظلمه
وراح الليل ... مات الليل
فرحنه.... ورد علينه الليل
باك اصبع فقير وتالي بالشارع
وباك اصبع عبايه وضلت تباوع
ورد باك المناره وصلى بالجامع
فتى لجيبه.... وفتى الناسه
ومامش فتوى للجايع
حلال الموت للفقره
حرام الخبزه للجايع
.......................................
رد مع اقتباس
