كلمات قصيدة مر الفراق (مكتوبة) حسين فيصل 1439
_____
قاسي قاسي
يمه الهجر قاسي
شيب انترس راسي
واني حرمة ووحيدة
مر الفراك وخالي ضل مكان الغالي
مر الفراك وعكب الكمر ضاع اهلالي
يمه الهجر قاسي
ويجرح تره احساسي
ويجرح تره احساسي
اني زينب كمت انادي
وخدي بدموعي انجوه
من رحل عباس عني
زاعلت حته الهوه
منجل الغربة حصدني
وغير حزني ماحوه
اشلون كتله اتفاركينه
وبعد مانكعد سوه
ياحبيبي ماريدن عيونك تغمض
ياحبيبي افراك الأخو ميتعوض
ياكل هلي وناسي
تدري الهجر قاسي
__________
واعداني الماي يجيبه
وماحصل منه الخبر
طاح كلولي جفيلج
واعتنيته للنهر
باوعلت للعلم مرمي
وكلبي يايمه انكسر
كمت اصيح اعله الشريعة
اكعد اكعد يالكمر
مااريده ماي السلب راحة عيني
ماريده الفرك بينك ومابيني
وشيب انترس راسي
وتدري الهجر قاسي
_________
جم طفل عطشان عفته
ينطر اباب الخيم
الماي كلهه اتصيح عمه
وحيلي يايمه انهدم
وراح اكلك جلمة وحده
وادري تشعر بالألم
اني زينب يابوفاضل
لاتضم عني السهم
بالوصية كاتب ع الوعد يعضيدي
بالوصية إيدك حطهه ابويه ابإيدي
تذكرهه لوناسي
وتدري الهجر قاسي
_________
صحت والحسرة ابدليلي
ياجفيل العايله
خويه عكبك من عفتني
اجروحي نزلت راجله
ورخص دمي الجان غالي
وكلبي آهات انمله
عكب عينك كمت انادي
منين اجتني كربله
وشتموني وبسياط الغدر ضربوني
شتموني وياريتك تشوف امتوني
يا شهكة انفاسي
تدري الهجر قاسي
_________
صحت ياعباس وينك
ياحياتي وفرحتي
كوم يابدر العشيرة
وبيدك امسح دمعتي
راح اضل عكبك وحيدة
حالة تصبح حالتي
خاف تنسه ارسوم وجهي
خلي عندك صورتي
يهدم الحيل حرك العبي وسبي الخدر
يهدم الحيل ياباالفضل ذاكه المنظر
وبحر الحزن راسي
تدري الهجر قاسي
_______
شفته فوك الكاع ينزف
والجفوف امكطعه
خويه كمت اصرخ وانادي
آخ من هلفاجعه
كابلت نهر الرزاية
وعاتبيت المشرعه
صار ياعباس بيه
الما جنت اتوقعه
ارجع ارجع يادرة علي المكنونه
ارجع ارجع ليل الحزن تجري اعيونه
وينك ي نوماسي
تدري الهجر قاسي
________
كلمات الشاعر ؛ تحسين الخفاجي
________
تدوين : ZAHRAA
######
لتحميل القصيدة """اضغط هنا""""
رد مع اقتباس
المشاركة الأصلية كتبت بواسطة روافد
