ممارسة الحق الديمقراطي ترة ما تجي من فراغ .. ولك ان تتساءل كيف لشعب عاش 60 شنة تحت حكم شمولي .. يمارس ديمقراطيته بعقد ونص ... وتريد نتائج باهرة ؟؟!!
ممارسة الحق الديمقراطي ترة ما تجي من فراغ .. ولك ان تتساءل كيف لشعب عاش 60 شنة تحت حكم شمولي .. يمارس ديمقراطيته بعقد ونص ... وتريد نتائج باهرة ؟؟!!
جئت اليكم مع الذكرى ....... وفي الذكرى حنينوفي الحنين همسة حب ..... وفي الحب حياة
وفي الحياة فراق ........ وفي الفراق دموع
وفي الدموع أمل ....... وفي الأمل لقاء
وفي اللقاء فرح ....... وفي الفرح قلب وفي القلب أنتم ....
يسـعد مـسـآئگم أحبتي
هذا المؤمن بهيج حالة اجتماعية تلكيه مثل :المشاركة الأصلية كتبت بواسطة راهب
ــــ واحد ينشر منشور وينطيه اعجاب !
ـــــ واحد يال اكله معدلة ويكل لنفسه عوافي .
ــــ واحد يباوع لنفسه بالمراية .. ويبوسها .. ويكله فديتك شكد حلوووو .
يريد ديمقراطية .. وهو من واحد يكله هذا التصرف خطأ ... يزعل عليك .. هاي اذا ما دزلك كوامة عشائرية !!
يريد ممارسة حقه الديمقراطي لهسة ينتخب على اساس عشائري .. او على اساس ديني ..
الشمولية صارت نسق حياتي ... ثقافي .. داخل في صلب حياتنا اليومية .. والدليل من تناقش موضوع معين باقل من لحظات ينطيك حكم قطعي بكل الموضوع .. حتى لو الموضوع مقسم الى فقرات .. ويمارس سلطته الكلامية على اساس ( خلط بيك وبالنكر )* !
.......................
* هذا المصطلح يعرفوه اللي لاعبين دعبل بطفولتهم .
ليش انروح بعيد ...
هنا بالدرر احيانا ينحذف تعليق بسبب كلمة معينة .. على الرغم من ان هاي الكلمة بالامكان شطبها .. وبقاء التعليق .. فهي لا تؤثر عليها بالمجمل ..
آلـثـقـه مـثـل آلـمـمـحـآة ، تـصـبح آصـغـر فـٱصـغـر بـعـد كـل خـطـآ
بكل هاي التفاصيل الصغيرة .. تكدر تقرة مسيرة شعب ..
من يتغير مدير .. اول ما يغير مكان الكرسي .. يجعل الميز قائما بطريقة اخرى تخالف ما كان عليه سلفه .. حتى لو كان الميز كاعد عدل وماشية شغلته ..
ــــــ يوم من الايام مشرف اداري زعل .. وطلع من المدرسة لان ما كام المدير من الكرسي وخلاه يكعد عليه بمكانه !
ـــــ واحد معكل زعل وعاف الجادر وطلع .. لان واحد من اعمامه كاله هذا مو مكانك .. انت كاعد بمكان الخطار مع انه ابو الفاتحة الا شوية !
من تكدر اتكون ديمقراطي .. ذيج الساعة مارس حقك الديمقراطي .. وانتخب وغيّر !!!